حصريا للمنتدى خبر افتتاح مول الخليج ........................

[بومتعب]

تم بحمد الله تعالى افتتاح مول الخليج بالغرافة أمام الجمهور اليوم ......وحاليا أغلب المحلات على التجهيز النهائي .....والمفتوحة الآن متجر ماتلان للملابس والهدايا. ...وسيتم افتتاح الميرة بالمول خلال اليومين القادمين ......عموما المول تحفة معمارية وتعتبر تجهيزاته الداخلية من أرقى المولات في قطر .....
أنصح بالدخول من البوابة رقم 8 المقابلة للولو. ......

[Aaziz]

هل هو الي على خط الشمال ،،، في صفه اللولو ؟

[sweet qatar]

بشرك الله بالخير يا بو متعب

نعطيهم فرصة أسبوع عقب نشوفه

تصميم المجمع من برا روعه ان شالله من داخل بعد يكون حلو

[بومتعب]

نعم هو الواقع بين ازدان والولو

[MirusS]

مبروك وكثرانه المولات هالايام

[رجل مثالي]

الله يسلمك في صور للمول او رابط فيديو

[بومتعب]

مافي داعي للفيديو والصور.....المول مفتوح للجميع من الساعة 10 صباحا إلى 10 مساء ....

[Charisma]

زحمه × 2

[JN000N]

مابغو يفتحونه
قصو خشومنا
يلا باجر بنروح عيل خخخخ

[رجل مثالي]

مافي داعي للفيديو والصور.....المول مفتوح للجميع من الساعة 10 صباحا إلى 10 مساء ....


الله يسلمك عندنا متابعين من خليجنا الجميل
والدول العربية يكون افضل مع الصور

[رجل مثالي]

أن شاءالله يكون فيه استراحة مائية تشعر فيه كأنك في جزيرة
البنانا للمشي للي يتعالج وبحاجة الى رياضة المشي

[بالول]

MATALAN Now Open in GULF MALL - Doha Qatar. Come & celebrate with us to enjoy our opening promotion - 25% discount on ALL Items

[كازانوفا]

ماشالله واخيرا افتتحوه

[حمد بن خالد]

ترى ( مول )

مادري ليش هالبلبله :nice:

[وحيد-الشوق]

يستاهل نروح له ولا ؟

[توشيبا]

ترى ( مول )

مادري ليش هالبلبله :nice:

اي والله صدقت ههههههه يمكن اول يوم له البضايع ببلاش هههههههه

[MaRuKoO]

عطوه فرصه يا ساتر عليكم كلكم ابتروحون اليوم وبكره ههههههههههههههه

[الزعفراني]

مع ان الافتتاح الرسمي المفروض كان تاريخ 15 مارس حسب ما بلغوا اصحاب المحلات اللي وقعوا العقود وخلصوا

والتأخير الظاهر لان بعض الاجراءات ما انجزت ..

[دااانة قطر]

اهم شي في سينما ولا لا؟؟

[حمد بن خالد]

اهم شي في سينما ولا لا؟؟

صح هههههههه

هاي اهم شي :nice:

[fzaa_qatar]

زين اللي افتحوه بس كم دور المول وتصميمه راقي راقي ولا اي كلام وخلاص... المفروض بداية 2015 يفتحون قطر اوتليت مول وقطر مول وطبعا كالعاده يتأخرون فالافتتاح ويتأجل واذا افتتحوا المشروع المحلات يبيلها شهر شهرين ثلاثه ع بال ماتجهز.. افتحوا كل شي مره وحده وعشان يفك ام الضغط ع اللاند وفلاجيو والستي

[fzaa_qatar]

مولات خط الشمال اللاند وازدان والخليج واللولو وبوابة الشمال ودوحه فيستفال ستي ومول ناسي اسمه ع نفس الخط توهم شغالين فيه ... يعني مافي فقطر الا هالخط يعني .. اشغال من الحين وسعوا الخط ل 6 مسارات وجسور ومخارج زينه لو سمحتو يعني ..