انزين انصحوني يعني وانا بجوف رايكم وبسويه

[JN000N]

السلام عليكم ورحمة الله وبركاته



,



,


يا جماعة بالمختصر المفيد
اشتركت من مكان مابي اذكر اسمه الحين عن الفضايح ايجيبون وجبات ريوق غدا عشا
المهم انا مشتركه بس غدا

امس قبل افتح العلبه الي فيها السلطه لقيت داخلها حشره قاعده تطير وتطامر جنها مينونه وتمت ربع ساعه تكفخ ف عمرها ف العلبه لين طاحت على الخس وماتت
والخس اصلا كان بني وذاوي يلوع الجبد

المهم الحين عطوني بالتفصيل شنو لازم اسوي
اكلمهم
اشتكي
والا شسوي يعني
الله يلوع جبودهم شلون بوثق عقب اللي جفته ان اكل من عندهم مره ثانيه؟

العلبه عندي ماقطيتها خخخخخ وفوق ذي صورت الحشره ف كذا وضعيه :)

بعدين الي بيدش ويقولي ليش اصلا تشتركين بقتله :)

[ضوى]

روحي لهم ودي لهم العلبة والغي اشتركج وبس

[المهاجر]

رايي من راي ضوى ما اعتقد تقدرين تاكلين شي من عندهم مره ثانيه

[بومحمد المطاوعه]

روحي لهم
بيعطونج فلوسج
بيخافون من الفضيحه

ولو اشتكيتي فالبلديه ..

يمكن يسكرون المحل او يتخالف ..

الله يعينج الصراحه ..
بتتعبين اشوي فالموضوع بس اذا تبين حقج لازم تتعبين ..

[JN000N]

عاد انا ماعرف اصير جدية وعصبيه
بادش بضحك عليهم هههههههههه
حتى لو معصبه بعد اضحك
والحل يعني
استحي اروح اودي العلبه واقول هاتو فلوسي عاد من كثر اللي دفعته كله الف وميتين وخمسين

[ضوى]

عاد انا ماعرف اصير جدية وعصبيه
بادش بضحك عليهم هههههههههه
حتى لو معصبه بعد اضحك
والحل يعني
استحي اروح اودي العلبه واقول هاتو فلوسي عاد من كثر اللي دفعته كله الف وميتين وخمسين


واذا دافعة ريال بعد حقج

[بو خليفه 123]

هو خيارين تختارين واحد منهم

1- تصورين و توثقين رداءة الأكل و تروحين لهم و تقدمين شكوى رسميه عند صاحبة المركز و يستردون المبلغ الي دفعتيه و يعطونك بالمقابل اشتراك شهر مجاني

2- تصورين و توثقين رداءة الأكل و ترسلينه نسخه لحماية المستهلك و تسخه للتفتيش الصحي .

[بومحمد المطاوعه]

عاد انا ماعرف اصير جدية وعصبيه
بادش بضحك عليهم هههههههههه
حتى لو معصبه بعد اضحك
والحل يعني
استحي اروح اودي العلبه واقول هاتو فلوسي عاد من كثر اللي دفعته كله الف وميتين وخمسين

معاش خادمه تكرف شهر

روحي يبه اخذي فلوسج ..

لو ريالين

واذا مب محتاجتها كلش كلش
روحي اخذيها وحطيها في جمعيه خيريه
او اشتري شي وزعيه ..

احسن من تخلينها لهم ..

[المهاجر]

عاد انا ماعرف اصير جدية وعصبيه
بادش بضحك عليهم هههههههههه
حتى لو معصبه بعد اضحك
والحل يعني
استحي اروح اودي العلبه واقول هاتو فلوسي عاد من كثر اللي دفعته كله الف وميتين وخمسين

مش موضوع مبلغ تافه او مبلغ بسيط او مبلغ كبير

الموضوع اكبر من جذيه

هاي صحة ناس والمفروض يكونون حريصين وشديدين الحرص

انتي وغيرج اذا سكتوا بيتمادون وبيهلمون اكثر وان كان اللي حصل مش متعمد

راح يزيدزن حرصهم على النظافه اذا شافوا شكوى من الناس

فلازم يكون دورج ايجابي

يالله روحي لهم عشان ياخذون الحذر وينتبهون على صحة الناس مره ثانيه

[وطن]

أول شي لازم تكلمينهم تزفينهم

واذا ما تعرفين تزفين
اتصلي البلدية
القسم الخاص بالتفتيش ع المطاعم
ما اعرف اسمه
و بلغي

بس المفروض البلاغ يكون بوقتها أحسن

[النهار]

:dance:dance:dance

انزين ليش الدايت بس وقت الغداء وباقي الوقت اشلون

[JN000N]

امس اتصلت لهم يوم كنت مشتطه بس كانو مسكرين ف عشان جي قررت اني انطر لين اليوم

[بومحمد المطاوعه]

:dance:dance:dance

انزين ليش الدايت بس وقت الغداء وباقي الوقت اشلون

خخخخ سيريلاك :tease:

[JN000N]

:dance:dance:dance

انزين ليش الدايت بس وقت الغداء وباقي الوقت اشلون


لاني ماقدر اكل اكثر من هالكميه
وجبه غدا فيها طبق رئيسي وجانبي وسويت

[النهار]

لاني ماقدر اكل اكثر من هالكميه
وجبه غدا فيها طبق رئيسي وجانبي وسويت

جنون تبين وصفه تخليج شبعانه وتحرقين الدهون بأسرع وقت شرط بينزل الوزن بشكل طبيعي

[MirusS]

انزين ليش معصبه ؟

[JN000N]

جنون تبين وصفه تخليج شبعانه وتحرقين الدهون بأسرع وقت شرط بينزل الوزن بشكل طبيعي
يلا عطنا يا مرسي

انزين ليش معصبه ؟

كيفي :tease:
بخرعكم

[النهار]

انزين ليش معصبه ؟

:eek5::eek5:

لاياخوي ماعصبت ولاشي تبي تشوف وهي معصبه تراها تجيب العيد :nice:

[MirusS]

:eek5::eek5:

لاياخوي ماعصبت ولاشي تبي تشوف وهي معصبه تراها تجيب العيد :nice:

قاذفة صواعق ماشالله عليها

[JN000N]

:eek5::eek5:

لاياخوي ماعصبت ولاشي تبي تشوف وهي معصبه تراها تجيب العيد :nice:

مقرطسسسسسسس هههههههههههه

[JN000N]

قاذفة صواعق ماشالله عليها

يه :(
زين معليه

[دااانة قطر]

امس اتصلت لهم يوم كنت مشتطه بس كانو مسكرين ف عشان جي قررت اني انطر لين اليوم

كنت بسألج ليش نطرتي من امس لليوم؟؟
يعني اي مشكلة من هالنوع المفروض نفس الوقت
وصدقيني في صاالحج

[JN000N]

اي قالت لي ليش ماتصلتي على طول قلتلها ف الوقت اللي خذا السلطه فيه بشوفها الا انتو مسكرين يوم بتصل لكم

الحين كلمتها قالت شوي وبنكلمج واتصلت لي مره ثانيه قالت بيجيج السواق بياخذ العلبه وبنشوف شقة الحشره اللي ف العلبه قلتلها وبعدين قالت بس بدنا نشوف شو صار وليش؟ قلتلها لا سلامتج صور برسل لكم علبه ما تاخذونها وانا بابلغ البلديه جذي اريح لي لان باظمن حقي وحق اللي مشتركين ومايدرون ان في غش ف نظافة الاكل
قالت لا ولو احنا تهمنا اراءكم وحقج بتاخذينه والحين ارسلي الصور لواحد اسمه محمد وهو بيكلمج وبيتفاهم معاج على الموضوع

ارسلت له الصور الحين وفي انتظار الرد

[المهاجر]

عدل شغلج وهذا هو الصح

[النهار]

اي قالت لي ليش ماتصلتي على طول قلتلها ف الوقت اللي خذا السلطه فيه بشوفها الا انتو مسكرين يوم بتصل لكم

الحين كلمتها قالت شوي وبنكلمج واتصلت لي مره ثانيه قالت بيجيج السواق بياخذ العلبه وبنشوف شقة الحشره اللي ف العلبه قلتلها وبعدين قالت بس بدنا نشوف شو صار وليش؟ قلتلها لا سلامتج صور برسل لكم علبه ما تاخذونها وانا بابلغ البلديه جذي اريح لي لان باظمن حقي وحق اللي مشتركين ومايدرون ان في غش ف نظافة الاكل
قالت لا ولو احنا تهمنا اراءكم وحقج بتاخذينه والحين ارسلي الصور لواحد اسمه محمد وهو بيكلمج وبيتفاهم معاج على الموضوع

ارسلت له الصور الحين وفي انتظار الرد

ههههههههههههههههه

جان عطيتهم جوالي شرط اجيب لج 10 ملايين لج منهم 200 الف ونيرتين ذهب هههههههههههههههههه

[JN000N]

اتصل لي محمد يقولي الحشره كل مره في مطرح كانت عايه مب ميته متاكده ان العلبه مانفتحت؟ قلتله انا اللي طلعتها من البوكس وانا اللي شفت الحشره مب حد ثاني وصورتها على طول
ووقت انا اصورها الحشره ماتت طاحت تحت الخس وصورتها بعد
قالي يمكن مب من عندنا لان انا من يومين جبت مبيد حشري ونظفنا المكان قلتله عيل من عند من من عندي مثلا؟
قال لا يمكن من السبلاير اللي يجيب العلب البلاستك
قلتله حتى لو من عنده انت قبل تعبي العلب اللي جاتك نظيفه على قولتك ماتجيكون اذا في شي او لا؟ ماتشوفون العلبه فيها حشره او لا
بعدين لا تحاول تقط اللوم على غيرك لو الحشره ميته تحت السلطه بقول ان العلبه الوصخه مب اكلكم
ولكن الحشره كانت حيه وبعدها ماتت والعلبه مازالت عندي ولا افكر حتى اعطيكم اياها وحقي انا ابيه
بقطع اشتراكي معاكم ورجعو لي فلوسي
قال لا احنا مانبي نخسرج بهاي الطريقه بنعوضج بعلب زياده
قلتله مابي علبكم وهل تفتكر اني لما اكمل اشتراكي معاكم وعلب زياده نفسي بتقبل اكل من اكلكم بعد الي شفته؟
قالي طيب انا بكلمهم وبشوف الستاف وبرد لج خبر

[حياة]

تحملي تتنازلين عن حقج واتصلي في البلديه فيه شخص دايم يستقبل حالات نفس حالتج
اسئليهم ..

[JN000N]

تحملي تتنازلين عن حقج واتصلي في البلديه فيه شخص دايم يستقبل حالات نفس حالتج
اسئليهم ..

ان شاء الله
كلمني قالي توج متصله والحاله من امس قلتله اتصل لك امس والتلفونات مسكره والمكتب ماتردون قالي اااه صحيح صحيح
خلاص بشوف وبرد عليج
وما زلت انتظر
اي بلديه الي فاتحه الحين ههههههههه بس بشوف معارفي هناك

[مشـــــاعر]

.



كفووو عليج جنوووون وزين شفتيها قبل تاااكلين ..

الله يوووفقج ان شالله !!

[JN000N]

.



كفووو عليج جنوووون وزين شفتيها قبل تاااكلين ..

الله يوووفقج ان شالله !!

وياج يارب

بس ان شاء الله عقب هاي كله اطلع بفايده
مب كلام عالفاضي :(

[راجي الْعفو]

وعليكم السلام و رحمة الله و بركاته

الحل هو انج تحفظين العلبه بالحشره الحلوه اللي فيها

وتتواصلين مع حماية المستهلك وهم بيتصرفون

وع حسب علمي ان الصور غير معتبره عندهم

لاني اعرف واحد صور لهم الدود في وجبته بأحد المطاعم و قالو له ليش ما ثبت الوجبة و اتصلت علينا و احنا انجيك

لازم تروينهم الوجبة بالعيب اللي فيها ..

[دااانة قطر]

اتصل لي محمد يقولي الحشره كل مره في مطرح كانت عايه مب ميته متاكده ان العلبه مانفتحت؟ قلتله انا اللي طلعتها من البوكس وانا اللي شفت الحشره مب حد ثاني وصورتها على طول
ووقت انا اصورها الحشره ماتت طاحت تحت الخس وصورتها بعد
قالي يمكن مب من عندنا لان انا من يومين جبت مبيد حشري ونظفنا المكان قلتله عيل من عند من من عندي مثلا؟
قال لا يمكن من السبلاير اللي يجيب العلب البلاستك
قلتله حتى لو من عنده انت قبل تعبي العلب اللي جاتك نظيفه على قولتك ماتجيكون اذا في شي او لا؟ ماتشوفون العلبه فيها حشره او لا
بعدين لا تحاول تقط اللوم على غيرك لو الحشره ميته تحت السلطه بقول ان العلبه الوصخه مب اكلكم
ولكن الحشره كانت حيه وبعدها ماتت والعلبه مازالت عندي ولا افكر حتى اعطيكم اياها وحقي انا ابيه
بقطع اشتراكي معاكم ورجعو لي فلوسي
قال لا احنا مانبي نخسرج بهاي الطريقه بنعوضج بعلب زياده
قلتله مابي علبكم وهل تفتكر اني لما اكمل اشتراكي معاكم وعلب زياده نفسي بتقبل اكل من اكلكم بعد الي شفته؟
قالي طيب انا بكلمهم وبشوف الستاف وبرد لج خبر

زين سويتي فيهم
طيب كلمتي القسم المختص في البلدية
اكيد الاكل عفن او صاار غير طبيعي

[JN000N]

وعليكم السلام و رحمة الله و بركاته

الحل هو انج تحفظين العلبه بالحشره الحلوه اللي فيها

وتتواصلين مع حماية المستهلك وهم بيتصرفون

وع حسب علمي ان الصور غير معتبره عندهم

لاني اعرف واحد صور لهم الدود في وجبته بأحد المطاعم و قالو له ليش ما ثبت الوجبة و اتصلت علينا و احنا انجيك

لازم تروينهم الوجبة بالعيب اللي فيها ..

عندي العلبه ما قطيتها خاشتها عشان ماتهق لو قالو وينها ويجذبوني
بكلم حماية المستهلك والبلديه وبشوف

[JN000N]

زين سويتي فيهم
طيب كلمتي القسم المختص في البلدية
اكيد الاكل عفن او صاار غير طبيعي

انا صورت الاكل قبل اخليه يطول هالكثر من امس
والعلبه مازالت موجوده وحافظتها ف الثلاجه بعد عشان ما تخترب وايد
بشوف الحين لين طلعت من الدوام بشوف شبسوي

[الحياة الخالدة]

كفو عليج جنون
الله يحفظج و يحفظ جميع المسلمين من إهمال كل من يضيع الأمانة
و اسمحيلي موضوعج بنقله مؤقتاً للحوار العام لتعم الفايدة

[aloosh]

اذا بتشتكين يا تكوني مصوره الغدا او للحين الوجبه عندك
لان الشكوى بدون اثبات لا تقبل

[JN000N]

كفو عليج جنون
الله يحفظج و يحفظ جميع المسلمين من إهمال كل من يضيع الأمانة
و اسمحيلي موضوعج بنقله مؤقتاً للحوار العام لتعم الفايدة
امين يارب
عادي خذي راحتج فديتج

اذا بتشتاكي يا تكوني مصوره الغدا او للحين الوجبه عندك
لان الشكوى بدون اثبات لا تقبل

اي صورته من اكثر من زاويه طول ماكانت الحشره تطامر لين ماتت وطاحت على صوب بعد صورتها
وهم يوم يكلموني يحاججوني اكيد العليه مخليتها مفتووحه والا اكيد السبب مب منا من اللي جاب العلب واحنا المكان الي نوزع الاكل فيه نظيف
شلون حشره تطير تدخل علبه سلطه الا والمكان اصلا الي يوزعون فيه الاكل مب نظيف وفيه حشرات

[aloosh]

امين يارب
عادي خذي راحتج فديتج


اي صورته من اكثر من زاويه طول ماكانت الحشره تطامر لين ماتت وطاحت على صوب بعد صورتها
وهم يوم يكلموني يحاججوني اكيد العليه مخليتها مفتووحه والا اكيد السبب مب منا من اللي جاب العلب واحنا المكان الي نوزع الاكل فيه نظيف
شلون حشره تطير تدخل علبه سلطه الا والمكان اصلا الي يوزعون فيه الاكل مب نظيف وفيه حشرات

خلاص اشتكي عليه لان هذا بيكون فعل خير منك بدل ما يقعد يبيع على خلق الله حد يتسمم منه ويصير له شي

[رهج السنابك]

قصي المعدة يالبطه وخلاص هاهاهاها

[نفسي عزيزه]

انا شتركت في سليم دايت اكلهم حلو ونظيف بس وايد يضعف اذا ستمريتي عليه يعني من تضعفين حاولي تثبتين عمرج او بتضعفين وايد هاي نقطه

والنقطه الثانيه الحشره ههههههههههههههههههههههههههههه بصراحه الثقه بتكون معدومه بس روحي وصوري لهم او ودي العلبه المهم هالمكان قطعيه بعد من وين بتجي الثقه خلاااص عافت النفس :omen2:

[JN000N]

خلاص اشتكي عليه لان هذا بيكون فعل خير منك بدل ما يقعد يبيع على خلق الله حد يتسمم منه ويصير له شي

هذا اللي بيصير ان شاء الله

[JN000N]

قصي المعدة يالبطه وخلاص هاهاهاها

مئدرش المحرم مب راضي اقص
بعدين الي مثلي عمله نادره احين مايلاقونهم الا بالتفق
مابي اصير عصله سلقه كلهم 6 كيلو الي ابي انزلهم :shy:

[JN000N]

انا شتركت في سليم دايت اكلهم حلو ونظيف بس وايد يضعف اذا ستمريتي عليه يعني من تضعفين حاولي تثبتين عمرج او بتضعفين وايد هاي نقطه

والنقطه الثانيه الحشره ههههههههههههههههههههههههههههه بصراحه الثقه بتكون معدومه بس روحي وصوري لهم او ودي العلبه المهم هالمكان قطعيه بعد من وين بتجي الثقه خلاااص عافت النفس :omen2:

لا قبل اشتركت معاهم اول شهر اوكي ثاني شهر الاكل ززفر وريحته تعور الراس وديايهم ياب لي القمته

بعدين صج بس ابي انزل 6 كيلو وانا كل شي عادي اتركه الا الحلويات هيهيهيهيهيهي
بس لا وضعي غير عن قبل الحين
اي والله يقولي اللبناني بنعوضج قلتله خلاص النفس ماتقبل هات بيزاتي ويادار مادخلك شر

[رهج السنابك]

سته كيلو مب قادره عليهم
انا نزلت خمسه كيلو في اسبوعين بدون لا احس لاني ما اتغدا اغلب الايام

ترا مايبي له برنامج ودايت واشتراك لوعه جبد
امشي وسوي رياضه وكل مااشتهيتي حلويات اكلي سلطه واضربي يدج ان مديتيها ع تشوكليت ولا اي سويت بتنزلينهم في اسبوع (هذا اذا وايد مزعلينج ومضايقينج)
المهم ان نزلتيهم ابيهم

محتاجة ازيد عشره كيلو خاطري اصير في الستينات

[نفسي عزيزه]

والله صادقه ترى الحلويات هي سبب البلاوي كلها

[بنت شرق]

مئدرش المحرم مب راضي اقص
بعدين الي مثلي عمله نادره احين مايلاقونهم الا بالتفق
مابي اصير عصله سلقه كلهم 6 كيلو الي ابي انزلهم :shy:

تبين تنزلين سته كيلو ،،،سهل ،،،مايحتاج اشتراك ولا قص معدة ،،،شاي الضيافة يوميا ،،،

[النهار]

نفسو عطني وصفه ابي ازيد 20 كيلو مهب مثلك تبي تنزل مادري كم كيلو

[JN000N]

سته كيلو مب قادره عليهم
انا نزلت خمسه كيلو في اسبوعين بدون لا احس لاني ما اتغدا اغلب الايام

ترا مايبي له برنامج ودايت واشتراك لوعه جبد
امشي وسوي رياضه وكل مااشتهيتي حلويات اكلي سلطه واضربي يدج ان مديتيها ع تشوكليت ولا اي سويت بتنزلينهم في اسبوع (هذا اذا وايد مزعلينج ومضايقينج)
المهم ان نزلتيهم ابيهم

محتاجة ازيد عشره كيلو خاطري اصير في الستينات

ترى مب من كثر اكلي للعلم
بس هي عاده خربطيشن
انا ماتريق والضحى اشرب كوفي والغدا مرات اكل ومرات لا بس سويت وارجع البيت ماكل شي الا اذا قهوه بتقهوى معاهم والعشا على حسب اذا حصل سويت هديت الموالح
وماشرب ماي وايد والفحص بين ان الزياده ف الماي وايد
وماحب الماي لاتقولون شربي
ف عشان جي قلت بصملها شهر مع البرنامج وبينزل الوزن

ومشي عالمزاج بعد

[JN000N]

والله صادقه ترى الحلويات هي سبب البلاوي كلها

اي وانا مب من ربع الموالح

[JN000N]

تبين تنزلين سته كيلو ،،،سهل ،،،مايحتاج اشتراك ولا قص معدة ،،،شاي الضيافة يوميا ،،،

شاي يضعف
ترى دقيت شاي اخضر لين طلع من خشمي
وين ذي الشاي مال الضيافه من وين؟

[JN000N]

نفسو عطني وصفه ابي ازيد 20 كيلو مهب مثلك تبي تنزل مادري كم كيلو

تريق سنكرز ومارس
وتغدا مجبوس
وتقهوى حلو
وتعشى بشمل

[نفسي عزيزه]

نفسو عطني وصفه ابي ازيد 20 كيلو مهب مثلك تبي تنزل مادري كم كيلو

من صجك تبي تزيد 20 كيلو شكلك ضعيف وايد :omg:

عليك بالفاست فود وركز على الهمبرجر وعيشششش :thumbup1::thumbup1::sneaky:

[طبيب قطري]

عاد انا ماعرف اصير جدية وعصبيه
بادش بضحك عليهم هههههههههه
حتى لو معصبه بعد اضحك
والحل يعني
استحي اروح اودي العلبه واقول هاتو فلوسي عاد من كثر اللي دفعته كله الف وميتين وخمسين


كلامج هذا هو اللي خلا التجار يغشونا ، لاتلومينهم اذا حطولج زهيويه وخس خايس !
المفروض ماتسكتين وحتى لو لج ريال روحي خذيه ، السالفه مب سالفه فلوس ، السالفه انج لازم تخرعينهم حتى مايغشونج ويغشون غيرج مره ثانيه

[بوحارب]

انا استغرب من اللي يشتركون في هالمراكز

ياخي تاكلون أكلهم !!!!!

سوو حق نفسكم في البيت انظف واظمن وصحي ولذيذ


لين متى الكسل خيتو جنون !!!!!
صدقيني في خمس دقايق تسوي أحلى وجبه
صحيه وخفيفة ونظيفة وديليشوس

بالتوفيق في الدايت:)

[نفسي عزيزه]

روتي اسمر من مخابز الغرافه واجبان دايت او مرتديلا وخسه هههه مب خس بعد خسه ههههه وعصير برتآن وحتبئو زي الفل :shy:

[بنت الجزيرة]

’’

الله يحفظك ي جنون من كل شر ’’

اشتركت ف نفس المركز على أساس ان أكلهم صحي وما يستخدمون غير الزيوت الصحية مثل زيت بذرة الكتان وأخذت منهم بعض الوصفات
واخترته من بد المراكز على أنه اكله حلو
وأقبلوا عليه الناس بكثرة وصار أكلهم تعبان ومثل ما قلتي زفر

ومرة لقيت قطعة بلاستيك ف الاكل
أعتقد أنه عندهم اهمال في علب البلاستيك ونظافتها
الأفضل لو تكلمين أخصائية الأغذية اللي اتابعين عندها
الاخصائية حريصة على أمور النظافة والصحة أكثر من محمد وبنات السكرتارية ’

الله يحفظك ويحفظ الجميع ’’

[qatarman8008]

انتي ليش اصلا تشتركين ..
:rolleyes2::rolleyes2::rolleyes2:

[النهار]

باااااااال كل هالردود علشان ذبانه طاحت على الخس
لو كانت في الشوربه كان صارات عاصفة الحزم على راعي المحل مثلا ههههههههههههههه

[JN000N]

كلامج هذا هو اللي خلا التجار يغشونا ، لاتلومينهم اذا حطولج زهيويه وخس خايس !
المفروض ماتسكتين وحتى لو لج ريال روحي خذيه ، السالفه مب سالفه فلوس ، السالفه انج لازم تخرعينهم حتى مايغشونج ويغشون غيرج مره ثانيه

لا اقرا الابديت اترك بداية الموضوع
كلمتهم وتفاهمت معاهم

[JN000N]

انا استغرب من اللي يشتركون في هالمراكز

ياخي تاكلون أكلهم !!!!!

سوو حق نفسكم في البيت انظف واظمن وصحي ولذيذ


لين متى الكسل خيتو جنون !!!!!
صدقيني في خمس دقايق تسوي أحلى وجبه
صحيه وخفيفة ونظيفة وديليشوس

بالتوفيق في الدايت:)

زين كم رقم معصرتك الي منقع فيها عشان اشترك عندهم اشتراك يومي
ال اكل بيت ال
ف الدوام اودي معاي مجابيس يعني بعدين انا حدي وجبه وحده من الصبح لين فالليل اكل فيها وبالزور تنزل
شريك تطبخ لي انت وانا اكل
بدعي لك دعوه ف ظهر الغيب :)

[JN000N]

روتي اسمر من مخابز الغرافه واجبان دايت او مرتديلا وخسه هههه مب خس بعد خسه ههههه وعصير برتآن وحتبئو زي الفل :shy:

ماقدر :(
انا مب الاوليه

[JN000N]

’’

الله يحفظك ي جنون من كل شر ’’

اشتركت ف نفس المركز على أساس ان أكلهم صحي وما يستخدمون غير الزيوت الصحية مثل زيت بذرة الكتان وأخذت منهم بعض الوصفات
واخترته من بد المراكز على أنه اكله حلو
وأقبلوا عليه الناس بكثرة وصار أكلهم تعبان ومثل ما قلتي زفر

ومرة لقيت قطعة بلاستيك ف الاكل
أعتقد أنه عندهم اهمال في علب البلاستيك ونظافتها
الأفضل لو تكلمين أخصائية الأغذية اللي اتابعين عندها
الاخصائية حريصة على أمور النظافة والصحة أكثر من محمد وبنات السكرتارية ’

الله يحفظك ويحفظ الجميع ’’

ويحفظج حبيبتي بنت الجزيرة

يعني مريتي تقريبا بنفس المعاناه :(
انا قلت بقطع اشتراكي معاهم وباخذ بيزاتي وبعد بكلم البلديه وحماية المستهلك يسنعونهم شرايكم

[JN000N]

انتي ليش اصلا تشتركين ..
:rolleyes2::rolleyes2::rolleyes2:

ياخي تقدر تقول لعانه شوي :(
بس والله وزني ثابت وابي انزل كم كيلو :eek3:

[JN000N]

باااااااال كل هالردود علشان ذبانه طاحت على الخس
لو كانت في الشوربه كان صارات عاصفة الحزم على راعي المحل مثلا ههههههههههههههه

لو ف الشوربه بخليه يشربها قدامي كامله

[بنت الجزيرة]

ويحفظج حبيبتي بنت الجزيرة

يعني مريتي تقريبا بنفس المعاناه :(
انا قلت بقطع اشتراكي معاهم وباخذ بيزاتي وبعد بكلم البلديه وحماية المستهلك يسنعونهم شرايكم

’’


ايه والله أنصحك وبقوة ’

هذا المركز صار عليه إقبال كبير

وبتكسبين أجر ف العالم واللي ف المركز بينتبهون لإهمآالهم

ولو يسسكرون المركز فترة محدودة أبرك ’ عشان يصلحون أخطآئهم

أنآ وقفت الاشتراك وقلت بكلم الاخصائية عن تدني المستوى بس انشغلت ونسيت

بس سالفة الحشرة ما ينسكت عليها
لأن أول هدف لهم الصحة

والله يقويك ي الغآلية ’

[بريق الحق]

الصراحه مع احترامي ذيله يستخدمون ارخص الانواع وماتدرين شحطونه ومايحطون
نصيحه مني تعلمو تسون لكم جدول غذائي والله يبي بساعده ماعندي مشكله ترى الشغله سهله ماتحتاج اي مجهود ولا هالمراكز الي تبلع فلوس وقاصه عالعالم

[JN000N]

’’


ايه والله أنصحك وبقوة ’

هذا المركز صار عليه إقبال كبير

وبتكسبين أجر ف العالم واللي ف المركز بينتبهون لإهمآالهم

ولو يسسكرون المركز فترة محدودة أبرك ’ عشان يصلحون أخطآئهم

أنآ وقفت الاشتراك وقلت بكلم الاخصائية عن تدني المستوى بس انشغلت ونسيت

بس سالفة الحشرة ما ينسكت عليها
لأن أول هدف لهم الصحة

والله يقويك ي الغآلية ’

يقويج حبيبتي
اي صح وتخيلي يوم يكلمني يقولي انا عندي زباين وايد واقبال كبير وماصارت لي مشاكل من قبل ف الخطا وارد وهذي اول مره يعني بالعربي سامحينا
قلتله على حظك جات الحشره عندي مب عند غيري عشان ماسكت لك

[JN000N]

الصراحه مع احترامي ذيله يستخدمون ارخص الانواع وماتدرين شحطونه ومايحطون
نصيحه مني تعلمو تسون لكم جدول غذائي والله يبي بساعده ماعندي مشكله ترى الشغله سهله ماتحتاج اي مجهود ولا هالمراكز الي تبلع فلوس وقاصه عالعالم


زين يلا سو لي جدول يا المدرب التميمي
صج صج ماتغشمر
ابي انزل 6 كيلو واكون خلصت مهمتي

[بريق الحق]

لازم فلوس الطيبه
كل كيلو بالف ريال (:

[بنت الجزيرة]

يقويج حبيبتي
اي صح وتخيلي يوم يكلمني يقولي انا عندي زباين وايد واقبال كبير وماصارت لي مشاكل من قبل ف الخطا وارد وهذي اول مره يعني بالعربي سامحينا
قلتله على حظك جات الحشره عندي مب عند غيري عشان ماسكت لك

’’

وأنآ بعد بكلمهم في أقرب وقت بإذن الله ’

ومن فترة بسيطة اشتكيت على كافتيريا أحد أفرع مستشفى حمد ’
لقيت حصاه ف السندويشه ’ يعني بشكل عآم : لازم مآ نآكل إلا من مطبخنآ `

[بصمة قطرية]

استغفر الله العظيم
الله يقرفهم ..
وين النظافة و الإهتمام ..!!
لا تستكين عنهم إخذي فلوسج كاملة
و كلمي البلدية ..
بطون الناس لعبة ..!!!!


تعالي عندي و انا أخليج تنزلين
للوزن اللي تبينه :)

[بنت شرق]

شاي يضعف
ترى دقيت شاي اخضر لين طلع من خشمي
وين ذي الشاي مال الضيافه من وين؟

بالصيدلية وبالميرة ،،،بس نظامه ،،،وانتي بكرامة ،،،تصريف الطعام اول بأول للخارج ،،،

[بريق الحق]

الشاي الاخضر مفيد صحيح
حتى القرفه مفيده وبذات منطقة البطن

[أم محمد 90]

شاي بو تي يا بنات عجيييييب والله صج صج بينزل وزنج بس شرط قللي اكل مب تضربين مجبوس وماكدونالز وتشربينه وتقولين ماضعفت .

بخصوص شاي الضيافه : في دكتوره قالت لي ان له مضاعفات كبيرة ع المدى البعيد وماتنصح فيه وماتشوفونه رخيص ؟
عن نفسي ماجاب لي نتيجة .

[أم محمد 90]

قصي المعدة يالبطه وخلاص هاهاهاها

اذا هي من النوع اللي بيهتم اهتمام فائق بنفسه بعد العملية انصحها وبقو واذا لا خل تحب العافية والبركة

[R 7 A L]

صراحة ماعندج سالفة فاتحه موضوع
كنسلي الاشتراك واسبحي فلوسج بس

[JN000N]

استغفر الله العظيم
الله يقرفهم ..
وين النظافة و الإهتمام ..!!
لا تستكين عنهم إخذي فلوسج كاملة
و كلمي البلدية ..
بطون الناس لعبة ..!!!!


تعالي عندي و انا أخليج تنزلين
للوزن اللي تبينه :)
اوكي وين بيتكم :shy:

بالصيدلية وبالميرة ،،،بس نظامه ،،،وانتي بكرامة ،،،تصريف الطعام اول بأول للخارج ،،،
اي عادي مب مشكله :(

الشاي الاخضر مفيد صحيح
حتى القرفه مفيده وبذات منطقة البطن
شاي اخضر دقيت منه لين طلع من خشمي
مايسوي شي

شاي بو تي يا بنات عجيييييب والله صج صج بينزل وزنج بس شرط قللي اكل مب تضربين مجبوس وماكدونالز وتشربينه وتقولين ماضعفت .

بخصوص شاي الضيافه : في دكتوره قالت لي ان له مضاعفات كبيرة ع المدى البعيد وماتنصح فيه وماتشوفونه رخيص ؟
عن نفسي ماجاب لي نتيجة .
لا انا موقفه عن اكل الفاست فود من مده والمجابيس ناااااااااااااااااااادر صرت اكل واكلي صج صج صج خفيييف عالاخر

اذا هي من النوع اللي بيهتم اهتمام فائق بنفسه بعد العملية انصحها وبقو واذا لا خل تحب العافية والبركة
لا بس 6 كيلو لا اكثر

صراحة ماعندج سالفة فاتحه موضوع
كنسلي الاشتراك واسبحي فلوسج بس

انا فتحته ف الاستفسارات لان ماكنت اعرف بالضبط شنو البروسس الي امشي علبها اشتكي وين اهاوشهم او اكلم البلديه او حماية المستهلك
بس نفعتني الردود وتفاهمت مع المركز وما زلت انطر

[شبح الصمت]

صج حجريه


ما عندج سالفه اقووووول خلهم يصكوونهم مخالفه

خايفه على مشاعرهم ..

وردي فلووسك




:rolleyes2:

[JN000N]

صج حجريه


ما عندج سالفه اقووووول خلهم يصكوونهم مخالفه

خايفه على مشاعرهم ..

وردي فلووسك




:rolleyes2:

انا حجريه
شبوح ناوي تنضرب انت حسيت جي
او بنقول تاثير التطعيم يالاغو اثر بقوه عليك
انا طبعي جي استحي ماعرف اقول بالطقاق الفلوس حرام زقوم ف جبودهم واطنش
وايد لي تجارب مع مراكز تجميليه بعد خخخخخخخخخخ

[بومحمد المطاوعه]

خذتي فلوسج ولالا الحين .. نبي نعرف شصار

[شبح الصمت]

انا حجريه
شبوح ناوي تنضرب انت حسيت جي
او بنقول تاثير التطعيم يالاغو اثر بقوه عليك
انا طبعي جي استحي ماعرف اقول بالطقاق الفلوس حرام زقوم ف جبودهم واطنش
وايد لي تجارب مع مراكز تجميليه بعد خخخخخخخخخخ



كيفج انتي تساعدين على كثرة الذبان في الاكل ..

وانهم يستمروون في غش الناس

لا وقاعده تصورها من جميع الزوايا


لو يدرون عنج قناة جيوغرافيك انترناشونال


خذووك مصوره


:funny:

[JN000N]

خذتي فلوسج ولالا الحين .. نبي نعرف شصار
امس كلمتهم وقالو تعالي خذي الفلوس انا مب رايحه بطرش الدريول وبخليه يتاكد ان المبلغ كامل





كيفج انتي تساعدين على كثرة الذبان في الاكل ..

وانهم يستمروون في غش الناس

لا وقاعده تصورها من جميع الزوايا


لو يدرون عنج قناة جيوغرافيك انترناشونال


خذووك مصوره


:funny:

ههههههههههههههههههههههههههههههاحسن بروح اصور ف افريقيا اشباهك ال39

[شبح الصمت]

امس كلمتهم وقالو تعالي خذي الفلوس انا مب رايحه بطرش الدريول وبخليه يتاكد ان المبلغ كامل


ههههههههههههههههههههههههههههههاحسن بروح اصور ف افريقيا اشباهك ال39




بدينا صح


شوفي لين الحين انا اليف


لا تخليني اقلب نفسيتي



وخليك تراكضين في المنتدى


























هاهاهي

تراني اخوف ها


:shy:

[JN000N]

بدينا صح


شوفي لين الحين انا اليف


لا تخليني اقلب نفسيتي



وخليك تراكضين في المنتدى














هاهاهي

تراني اخوف ها


:shy:

يعني حنيت لافريقيا والمراكض هناك خخخخخخخ

اما نفسيتك استغفر الله
روح حط جماده على مكان الابره وارقد

[شبح الصمت]

وعلى فكره مبين على جنون اصلا

طارحه الموضوع ومبيته النيه انها ما راح تسووي شيء



بس تبي تسووي شووو حق الذبانه وانها مصورتها من جميع الزوايا


حركات ماركتينق تسوويق







هاهاهاي

[شبح الصمت]

يعني حنيت لافريقيا والمراكض هناك خخخخخخخ

اما نفسيتك استغفر الله
روح حط جماده على مكان الابره وارقد




لا حنيت انه نفسك يجوون افريقيا


ويدورون على 39 الي يشبهوونها
































لو منج والله اختفي عيب اتم فالمنتدى

هاهاهاي

[بومحمد المطاوعه]

روحي انتي ليش الادريول

!!

هاي حلالج وفلوسج ليش مستحيه

[Mohammed2]

ههههههه احين منزله موضوع عشان هالسالفه؟!

مايسوى اني انزل موضوع عشان هالشي البديهي
اكيد اذا شفت نفس ماقلتي بروح اشتكي عليهم وابلغ البلديه :)

[JN000N]

بومحمد
انا ماقلت مب ماخذتها شفيكم


قلت بطرش الدريول يروح ويعطونه غصبن عنهم
اروح انا ليشششششششششششش
انزل نفسي والا اروح اتذابح معاهم هناك اكثر والا شنو
انا شيييخه وكلامي ينقال مره وحده وقلته لهم مره وحده وهذا هم لين يومك يتصلون لي يبون ارضى عنهم
خلاص الدريول بيروح وبياخذ الفلوس لو صار شي ثاني ذيك الساعه بتصرف

[JN000N]

ههههههه احين منزله موضوع عشان هالسالفه؟!

مايسوى اني انزل موضوع عشان هالشي البديهي
اكيد اذا شفت نفس ماقلتي بروح اشتكي عليهم وابلغ البلديه :)

شكرا
بس عسى موضوعي ما سوى زحمه وقلل عدد فرصكم في طرح المواضيع؟

[JN000N]

طبعا اخر المستجدات مع المحل نفسه انهم قالو ف البدايه بنرجع لج فلوسج والحين صار الكلام بنحسب كم علبه بقت لج وبنرجع قيمتهم
ومازلت ف لويه وياهم

[النهار]

بااااااال انتي لين الحين ما خلصتي وياهم دشي عليهم المحل واعفسي لهم المحل عفاس

[JN000N]

ا
بااااااال انتي لين الحين ما خلصتي وياهم دشي عليهم المحل واعفسي لهم المحل عفاس

انا اروح لهم! يخسون والله ماتنزل
كلها الا 1250 الي دفعتها تفدى ثري
لكن الحين صادهم عقر بقر يوم اني زفيتهم ف التلفون وسكرت ف ويههم وعلى طول قدمت شكوى في حماية المستهلك
وبقدم شكوى ف البلديه

[JN000N]

http://i.imgur.com/by4E1Z7l.jpg

http://i.imgur.com/KUSqe8Kl.jpg

طبعا هاي صورتين من اصل عشر صور
الحين عقب ماقدمت شكوى حرقو تلفوني عشان ارد عليهم ويتفاهمون بخصوص الفلوس مارديت عليهم
ماسكين دريولنا عندهم ويخلونه يتصلي عشان ارد خليت ابوي يكلمه ويقوله يعود البيت وقالهم لو يعطونك مب الف لو يعطونك الفين ماتاخذها وترجع الحين البيت

ناس بيذلونك في حقك! كل شوي محوليني على حد ومأخرين موضوعي كله عشان مايرجعون فلوسي ويوم شافوني بشتكي خافو؟ شهالاسلوب الزباله ب اي طريقه يحاولون مايرجعون حقي فيها ويوم شافو الصج صادهم عقر بقر!


وعذرها انها ماتبي ترجع الفلوس تقول تخيلي شفتي الحشره ف اخر يوم اشتراك تبينا ان شاء الله نرجع فلوسج كامله قلتلها هالكلام مايمشي معاي وبيني وبينكم البلديه ووزارة الاقتصاد

[َQernas_Qtr]

ليش تشتركين اصلا :tease:

[JN000N]

ليش تشتركين اصلا :tease:

لعانه :omen2:

[.قطر.]

الحين مستعدين يعوضونج باي شي بس ماتفضحينهم :omen2:
واشكرج انج ذكرتي اسم المكان << صايره نفس البلديه هالايام يشهرون ف المحلات :tease:

[JN000N]

الحين مستعدين يعوضونج باي شي بس ماتفضحينهم :omen2:
واشكرج انج ذكرتي اسم المكان << صايره نفس البلديه هالايام يشهرون ف المحلات :tease:

من قال انهم افتكرو
قلتلهم ترى من حقي اشتكي عليكم حماية المستهلك والبلديه لكن انا غلطانه من الاول رضيت بالنقاش معاكم وسكت
وقلتلهم العلبه للعلم مازالت عندي محفوظه وابشرو بالشكوى ف البلديه والاقتصاد

[.قطر.]

من قال انهم افتكرو
قلتلهم ترى من حقي اشتكي عليكم حماية المستهلك والبلديه لكن انا غلطانه من الاول رضيت بالنقاش معاكم وسكت
وقلتلهم العلبه للعلم مازالت عندي محفوظه وابشرو بالشكوى ف البلديه والاقتصاد
كفو عليج :nice:
ضيقي عليهم من كل مكان

[Dana’1]

إن شاءلله تاخذين حقق...لأن تصرفهم يرفع الضغط..بلذات تخيلي شفتي حشره أخر يوم :anger1:

أنا بعد لقيت نمله في مايونيز أحد الكفتيريات...وصورتها على مود بشتكي بس إنشغلت وبعدين البلديه بتلحق على إيش وإلا إيش هههههههه غلب المطاعم كذاااا

إذا تسمحين أحط الصور في موضوعك بنزلها تشوفون النمله ياعمري عليها اندعست تحت الأنقاض ظھـــظھ

[الحياة الخالدة]

زين تسوين فيهم
للأسف الأغلبية صاروا ما يجون الا بالعين الحمرا

[Charisma]

مرحبا اختي جنون ..

اللي سويتيه صح .. ويفضل تتابعين الموضوع مع البلديه .. واحذفي المشاركات اللي تشير لأسم المكان ..

[JN000N]

كفو عليج :nice:
ضيقي عليهم من كل مكان
ولا بسكت عنهم كلش

إن شاءلله تاخذين حقق...لأن تصرفهم يرفع الضغط..بلذات تخيلي شفتي حشره أخر يوم :anger1:

أنا بعد لقيت نمله في مايونيز أحد الكفتيريات...وصورتها على مود بشتكي بس إنشغلت وبعدين البلديه بتلحق على إيش وإلا إيش هههههههه غلب المطاعم كذاااا

إذا تسمحين أحط الصور في موضوعك بنزلها تشوفون النمله ياعمري عليها اندعست تحت الأنقاض ظھـــظھ
المشكله هاي القهر انا ف بداية اشتراكي ويحاججوني لو اخر يوم شبسوي! بطلعها من عينهم
اي حطيها حطيها الموضوع موضوعج خذي راحتج فديتج

زين تسوين فيهم
للأسف الأغلبية صاروا ما يجون الا بالعين الحمرا

والله وشين وقواة عين يا الحياه
فوق انهم غلطانين يحاججوني

[JN000N]

مرحبا اختي جنون ..

اللي سويتيه صح .. ويفضل تتابعين الموضوع مع البلديه .. واحذفي المشاركات اللي تشير لأسم المكان ..


اهلين اخوي بايلت
ان شاء الله بتابع الموضوع
بس ليش امسح الاسم خل الحين كل الناس تعرف ان هالمكان اكلهم مب نظيف وتعاملهم حقير مع الناس
وانا مسؤوله عن كلامي حتى لو الموضوع فيه مسائله قانونيه محد فيهم كفو ينكر

[Dana’1]

يسلمو حبيبتي والله يعينك عليهم

وهذي هي النمله
http://cdn.top4top.net/i_edc7b955810.jpg (http://up.top4top.net/)

[.قطر.]

يسلمو حبيبتي والله يعينك عليهم

وهذي هي النمله
http://cdn.top4top.net/i_edc7b955810.jpg (http://up.top4top.net/)
:eek5:
الله يستر من المطاعم
لازم الواحد يقلب الاكل قبل لا ياكل :(

[Dana’1]

:eek5:
الله يستر من المطاعم
لازم الواحد يقلب الاكل قبل لا ياكل :(

أنا هذا نظامي بالذات مع هالكفتيريات والوجبات السريعه..يضحكون علي ههههههههه

[.قطر.]

أنا هذا نظامي بالذات مع هالكفتيريات والوجبات السريعه..يضحكون علي ههههههههه

اهم شي ماتسكتين عنهم اذا شفتي شي :nice:

[النهار]

الحين مستعدين يعوضونج باي شي بس ماتفضحينهم :omen2:
واشكرج انج ذكرتي اسم المكان << صايره نفس البلديه هالايام يشهرون ف المحلات :tease:

هههههههههههههههههه
وهي خلت فيهم شي حطت فيهم ماحط ربي في ابليس
كفو والله كفو عندج اياهم
بعد ابيج تشتكين على مطعم حمود مره حط لي طماطه خايسه في السندويج

[Charisma]

اهلين اخوي بايلت
ان شاء الله بتابع الموضوع
بس ليش امسح الاسم خل الحين كل الناس تعرف ان هالمكان اكلهم مب نظيف وتعاملهم حقير مع الناس
وانا مسؤوله عن كلامي حتى لو الموضوع فيه مسائله قانونيه محد فيهم كفو ينكر


السالفه مالها خص في انكار .. لكن تسلكين الطرق القانونيه اسلم وافضل .. التشهير مسؤولية وزارة البلديه وتأكدي انهم بيقومون بواجبهم وبيشهرون في المكان اذا قدمتي الأدله وتابعتي معاهم .

http://www.baladiya.gov.qa/cui/index.dox?id=1360&siteID=1

[.قطر.]

هههههههههههههههههه
وهي خلت فيهم شي حطت فيهم ماحط ربي في ابليس
كفو والله كفو عندج اياهم
بعد ابيج تشتكين على مطعم حمود مره حط لي طماطه خايسه في السندويج

هههههههههههههههه
عاد انت كليت الطماطه خلاص
اهي للحين عندها القوطي

[النهار]

هههههههههههههههه
عاد انت كليت الطماطه خلاص
اهي للحين عندها القوطي

ههههههههههه
هذي لو اشتكي عليه يمكن انا يغرموني مبالغ ضخمه مسنود يبا

[JN000N]

يسلمو حبيبتي والله يعينك عليهم

وهذي هي النمله
http://cdn.top4top.net/i_edc7b955810.jpg (http://up.top4top.net/)
وخيييه استغفر الله
زين انها مصفوقه على البلاستك والا لو ف النص جان بلعتيها وانتي ماتدرين

هههههههههههههههههه
وهي خلت فيهم شي حطت فيهم ماحط ربي في ابليس
كفو والله كفو عندج اياهم
بعد ابيج تشتكين على مطعم حمود مره حط لي طماطه خايسه في السندويج
وعليه على هالحمود
عومه ماكوله ومذمومه




السالفه مالها خص في انكار .. لكن تسلكين الطرق القانونيه اسلم وافضل .. التشهير مسؤولية وزارة البلديه وتأكدي انهم بيقومون بواجبهم وبيشهرون في المكان اذا قدمتي الأدله وتابعتي معاهم .

http://www.baladiya.gov.qa/cui/index.dox?id=1360&siteID=1
ان شاء الله خلاص بمسح الاسم
وبكلم البلديه الصبح ف التلفون لان دوامهم يخلص 1 جنه

[النهار]

انزين اقدر اشتكي على الحرمه عند حماية المستهلك او البلديه مره حصلت في البرياني
شعره اشطولها :secret:

[بصمة قطرية]

حقج لا تتنازلين عنه
ما ضيعنا إلا تنازل إسكت سامح ..
لي متى ..!!
المفروض كل شخص يتعرض لنفس هالموقف
أو أي موقف على طول يشتكي و ما يسكت عن حقه ..
و هالمكان يزعم أكل صحي ..
مالت على البمبر ..

على شينهم قوات عينهم ..!!
يحاججونج بعد ..

[بصمة قطرية]

انزين اقدر اشتكي على الحرمه عند حماية المستهلك او البلديه مره حصلت في البرياني
شعره اشطولها :secret:

يعتمد النهار ..!!
أتوقع الشعرة نظيفة
أما إذا فيها دهن قدم شكوى بس أهم شي الدليل ..

[JN000N]

انزين اقدر اشتكي على الحرمه عند حماية المستهلك او البلديه مره حصلت في البرياني
شعره اشطولها :secret:

مب تردي عالبرياني عقب تقول بشتكي
ع طول وده اشتك
وصوره للتوثيق
وهاي الي سويته انا وترى العلبه عندي ماقطيتها خخخ

[JN000N]

حقج لا تتنازلين عنه
ما ضيعنا إلا تنازل إسكت سامح ..
لي متى ..!!
المفروض كل شخص يتعرض لنفس هالموقف
أو أي موقف على طول يشتكي و ما يسكت عن حقه ..
و هالمكان يزعم أكل صحي ..
مالت على البمبر ..

على شينهم قوات عينهم ..!!
يحاججونج بعد ..

لا ماراح اتنازل لو شنو
ان شاء الله حقي باخذه بالقانون
اي والله شفتي شين وقواة عين

[معماري قطري]

عاد انا ماعرف اصير جدية وعصبيه
بادش بضحك عليهم هههههههههه
حتى لو معصبه بعد اضحك
والحل يعني
استحي اروح اودي العلبه واقول هاتو فلوسي عاد من كثر اللي دفعته كله الف وميتين وخمسين

هههههههههههه ضحكتيني باسلوب طرحج للمشكلة وضحكتيني بهالجملة أَكثر

مشكلة هالشركات تبيع الوهم .. واخوي فاتح من زمان شركة من هالنوع ولا فكرت اشترك عنده .. لأَن المشكلة الاعتماد على عماله غير مراقبة وبيئة الشغل ما تكون مهيأَة وممكن حتى يشتغلون في سكن عمال.

لو الخس ذاوي من رايي تشتكين وعن الحشرة الصغيرة بعد المفروض يكون مكانهم نظيف ولا اظن شاف النظافة .. إِشتكي وضحي بال 1250 حتى ما يتضرر غيرج ومن يفتح بزنس هشكل يتابعه صح

[JN000N]

هههههههههههه ضحكتيني باسلوب طرحج للمشكلة وضحكتيني بهالجملة أَكثر

مشكلة هالشركات تبيع الوهم .. واخوي فاتح من زمان شركة من هالنوع ولا فكرت اشترك عنده .. لأَن المشكلة الاعتماد على عماله غير مراقبة وبيئة الشغل ما تكون مهيأَة وممكن حتى يشتغلون في سكن عمال.

لو الخس ذاوي من رايي تشتكين وعن الحشرة الصغيرة بعد المفروض يكون مكانهم نظيف ولا اظن شاف النظافة .. إِشتكي وضحي بال 1250 حتى ما يتضرر غيرج ومن يفتح بزنس هشكل يتابعه صح

عاد كنت متدودهه حزتها :no:
ماقولك اكلهم مب خفيف بالعكس وايد خفيف بس مثل ماقلت موضوع النظافة خلاني افكر وايد
بس الحين انا قدمت شكوى ف حماية المستهلك وبكره الصبح ان شاء الله بكلم البلدية واذا يبون علبة السلطه موجوده ف الحفظ والصون

[الحياة الخالدة]

انزين اقدر اشتكي على الحرمه عند حماية المستهلك او البلديه مره حصلت في البرياني
شعره اشطولها :secret:




يعتمد النهار ..!!
أتوقع الشعرة نظيفة
أما إذا فيها دهن قدم شكوى بس أهم شي الدليل ..




مب تردي عالبرياني عقب تقول بشتكي
ع طول وده اشتك
وصوره للتوثيق
وهاي الي سويته انا وترى العلبه عندي ماقطيتها خخخ

انتو من صجكم بعد تردون عليه
النهار يتكلم عن حرمته

لقيت شعرة في الأكل يالنهار .. ما يبيلها كلام بعد .. طلقها لأنها كانت تحاول تقتلك ( تاكل انت الشعرة و تلتات على مصارينك ) .. يعني شروع في جريمة
شلون بتأمن تعيش معاها

أقول صل على النبي بس
و خلنا في سالفة جنون :anger1:

[بصمة قطرية]

انتو من صجكم بعد تردون عليه
النهار يتكلم عن حرمته

لقيت شعرة في الأكل يالنهار .. ما يبيلها كلام بعد .. طلقها لأنها كانت تحاول تقتلك ( تاكل انت الشعرة و تلتات على مصارينك ) .. يعني شروع في جريمة
شلون بتأمن تعيش معاها

أقول صل على النبي بس
و خلنا في سالفة جنون :anger1:

ادري انه يقصد المدام .. :shy:
حاولت أكون طيبة في ردي مب شريرة :)

[معماري قطري]

ادري انه يقصد المدام .. :shy:
حاولت أكون طيبة في ردي مب شريرة :)

فيه ناس ما يعرفون حريمهم اسمهم المستعار ( يحيك يالنهار ) أَما انا حتى المشاركة في المواضيع اللي فيها نون ممنوعة علي منعاً باتاً وتحت المراقبة 24 ساعة ويولي من هالمشاركة

[المحاميه]

فيه ناس ما يعرفون حريمهم اسمهم المستعار ( يحيك يالنهار ) أَما انا حتى المشاركة في المواضيع اللي فيها نون ممنوعة علي منعاً باتاً وتحت المراقبة 24 ساعة ويولي من هالمشاركة

هههههههه

[شبح الصمت]

انزين اقدر اشتكي على الحرمه عند حماية المستهلك او البلديه مره حصلت في البرياني
شعره اشطولها :secret:



هاهاهاي

يات على هالفقيرة المسكينه تشتكي عليها


وبطنك ماشاء الله لا اله الا الله


مطعم حمود
وعبدي
والزرقاء


ما قد حصلت شيء مار عليك دف

هاهاي


والا وقت السفر كل شيء نبلعه


:funny:

[شبح الصمت]

فيه ناس ما يعرفون حريمهم اسمهم المستعار ( يحيك يالنهار ) أَما انا حتى المشاركة في المواضيع اللي فيها نون ممنوعة علي منعاً باتاً وتحت المراقبة 24 ساعة ويولي من هالمشاركة



هاهاهاي

معماري غلطت غلطه الله يعينك ..


بعض الحريم لي اعرفت عنك تعطي نفسها المراقبة وخواتها واهلها جميع يراقبوونك ..




طحت في الخيه ياخوي

:secret:

[.قطر.]

فيه ناس ما يعرفون حريمهم اسمهم المستعار ( يحيك يالنهار ) أَما انا حتى المشاركة في المواضيع اللي فيها نون ممنوعة علي منعاً باتاً وتحت المراقبة 24 ساعة ويولي من هالمشاركة
:secret:

[أم محمد 90]

هاهاهاي

يات على هالفقيرة المسكينه تشتكي عليها


وبطنك ماشاء الله لا اله الا الله


مطعم حمود
وعبدي
والزرقاء


ما قد حصلت شيء مار عليك دف

هاهاي


والا وقت السفر كل شيء نبلعه


:funny:
اضافة لمطعم سارة ..


وحدك على مطعم الزرقاء

عجيب الجباتي عنده

[شبح الصمت]

اضافة لمطعم سارة ..


وحدك على مطعم الزرقاء

عجيب الجباتي عنده



ولا يزززعلون

ساره ومطعم لاهوور



ماشاء الله عليج

تآكلين الخضر واليابس


لا اله الا الله



:secret:


escape

[أم محمد 90]

ولا يزززعلون

ساره ومطعم لاهوور



ماشاء الله عليج

تآكلين الخضر واليابس


لا اله الا الله



:secret:


escape

اللهم لا حسد ,, هئ

[JN000N]

الحياه عادي خل يشتكي عليها النهار عشان يمنعونها من الطبخ شهر (تاخذ اجازه) وهو بيدفع المخالفه عنها

[بوحارب]

جنون والبقية أهل الدايت


نصيحة سوو الأكل لنفسكم في البيت


انظف وأحسن واظمن

يالكسلانين :)

بكرة شلون بتطبخون حق عيالكم :(

[JN000N]

جنون والبقية أهل الدايت


نصيحة سوو الأكل لنفسكم في البيت


انظف وأحسن واظمن

يالكسلانين :)

بكرة شلون بتطبخون حق عيالكم :(

اكل دايت ماعرف
اسوي كل شي دسم
حتى لو بسوي شي صحي
الا وادخل فيه شي يمتن :)

[بوحارب]

اكل دايت ماعرف
اسوي كل شي دسم
حتى لو بسوي شي صحي
الا وادخل فيه شي يمتن :)

اكل البيت ما يمتن

لانه نظيف وفرش

[بوحارب]

تعلمي تعلمي ما يبيله شي :)

[بصمة قطرية]

فيه ناس ما يعرفون حريمهم اسمهم المستعار ( يحيك يالنهار ) أَما انا حتى المشاركة في المواضيع اللي فيها نون ممنوعة علي منعاً باتاً وتحت المراقبة 24 ساعة ويولي من هالمشاركة

لا تبوق و لا تخاف ياخوي ..
دامك في السليم محد بيحاسبك على شي ..

المصيبة في الحرامية
النهار و بوحارب و ربعهم
أشك إن لكل واحد نكين :)

[JN000N]

اكل البيت ما يمتن

لانه نظيف وفرش

اكلنا لذيذ ويمتن



ومابي اتعلم

[بوحارب]

لا تبوق و لا تخاف ياخوي ..
دامك في السليم محد بيحاسبك على شي ..

المصيبة في الحرامية
النهار و بوحارب و ربعهم
أشك إن لكل واحد نكين :)
انا دافع لها رشوة عشان ماتسجل معانا:(

الله يعينك معماري ههههههه




اكلنا لذيذ ويمتن



ومابي اتعلم

اها
زين قولي جيه من البداية
خسرتيني مشاركات عالفاضي :(:funny:

[JN000N]

انا دافع لها رشوة عشان ماتسجل معانا:(

الله يعينك معماري ههههههه



اها
زين قولي جيه من البداية
خسرتيني مشاركات عالفاضي :(:funny:

معليه زياده عدد

[الحياة الخالدة]

ياليت تبلغينـــــــا آخر التطورات عزيزتي

[JN000N]

ياليت تبلغينـــــــا آخر التطورات عزيزتي

هلا عزيزتي
سجلت الشكوى في حماية المستهلك والمفروض اليوم الصبح اكلم البلديه بس كنت وايد مشغولة ومافضيت الا وحده وثلث ويوم اتصلت محد رد علي
ف بكره ان شاء الله الصبح بتصل بعد وبشوف شيصير معاهم
ومازلت ف انتظار رد من حماية المستهلك