شيك بدون رصيد

[q6ri_]

السلام عليكم ورحمة الله وبركاته

شخباركم ؟

بس بغيت استفسر بخصوص الشيكات بدون رصيد

انا بعت معدة على واحد قطري وعطاني شيك ويوم رحت ابي اصرفه طلع بدون رصيد
ويطنش اتصالاتي ولا يرد على الرسائل

المهم فالنهاية اضطريت اني اروح اشتكي عليه في العاصمة

المبلغ يقارب النص مليون ريال

ابي اسأل اللي مروا في هالتجربة هل الموضوع يطول وهل ممكن يتهاونون معاه او الموضوع راح ينحل بسهولة

انا بدخل مشروع ومحتاج سيولة وهالشخص اللي مايخاف ربي عطلني وخايف الموضوع يطول في المحكمة

اتمنى تساعدوني وتعطوني الحل الامثل عشان اخلص في اسرع وقت

[hani80]

لا حول ولا قوة الا بالله

[Al-Kuwari]

لا حول ولا قوة الا بالله

نصيحة من اخو مرة ثانية لا تقبل اي شيك الا لو كان manager cheque

يعني البنك تحفظ عالمبلغ والشيك مضمون ولا يرجع

بخصوص باقي الاستفسارات ودي افيدك لكن ماعندي خبرة

الله يعينك ويسهل امرك

[aziz4z]

الله يعينك أخوي
مريت بتجارب الشيكات بدون رصيدة كثيرة
يعتمد على حسب الشخص في ناس بمجرد اتصال من أمن العاصمة يحل القضية. و في الناس و هم الاغلب توصل معاه لين المحكمة و تعرف تواريخ المحاكم ممكن سنوات تمتد
عمرك ماتقبل شيك من حد لين تتأكد في رصيد
حاول تصيده بأي مكان و تفاهموا مع بعض

[$الملياردير$]

والله العظيم ما أتخيل ان في ناس ما يخافون الله ... وشلون ينام وهو مأخذ حق غيرة ... ربي يسهل عليك كربتك

[الحياة الخالدة]

والله العظيم ما أتخيل ان في ناس ما يخافون الله ... وشلون ينام وهو مأخذ حق غيرة ... ربي يسهل عليك كربتك


تفضل أخوي .. شوف شلون ينام

http://www.qatarshares.com/vb/showthread.php?597068-%D4%E1%E6%E4-%CA%CD%D8-%D1%C7%D3%DF-%E6-%CA%E4%C7%E3-%BF%BF!!

الله يفرجها عليك يا صاحب الموضوع .. و ياخذ بحقك

[مابدل العادات]

الله يعينك ويسر لك امورك وحسبي الله على النصابين الي مايخافون الله

واتمنى موضوعك ينحل بسرعه لأنه إذا وصل المحكمه الله يعينك على القضاء عندنا اجراءاتهم طويله جدا اكثر من اللازم

[<اضرب واشرد>]

عليكم السلام

الله يعينك أخوي
تسلف المبلغ على مايرجع حقك

في بعض الدول كالسعودية تكون عقوبة الشيك بدون رصيد التشهير (ينشر إسمه ورقم بطاقته الشخصية ورقم الحكم القضائي في الصحف الرسمية) والغرامة والسجن. التشهير كافي لردع نسبة عالية منهم .. وتوفر وقت وجهد القضاء

[غير البشر]

مرحبا اخوي
الله يكون بعونك ويرجع الحق لك

هذول ناس ماخافيون ربهم ظميرهم ميت
اعمتهم حب الفلوس ومتاع الدنيا

اول اجراء راح يتخذونه هو منع السفر راح يصدؤ بحقه
وها الاجراء سريع مايطول

تواصل مع مركز الشرطه الي قدمت فيه بلاغ
وخبرهم هل تم انزال اسمه ومنعه للسفر ام لا

وبعدها راح تكون الاجراءات الاخرى والله يعينك
واتمنى بعد ارجاع المبلغ عدم التنازل عن اي حق
حتى لو تدخلو ناس يتوسطون له

وحاول تطالب بأي تعويض ووكل لك محامي عشان ياكلها عدل

وربي يوفقك

[aloosh]

بتحول على النيابه اذا انت محضوض بيسون عليه منع سفر وبيجيبونه

[دايموند]

اعتقد المفروض يسوون له منع سفر اخوي اطلب منهم يسوون له منع سفر
وبقيه الاجراءات راح تطول للاسف

[MirusS]

هاي بايعها
تحصلونه من النوع الي عادي عنده يحلل لنفسه كل شي ويحط راسه وينام مضبووط بعد .. لا تقولون شلون ينام
عن نفسي اقسم بالله صارتلي نفس السالفه ومن مطوع كبر ابوي :)

[الدوحه1]

مريت بهالتجربه وخذت فلوسي بعد سنه من المعاناه مع المحاكم.
منع السفر يحدث بشكل تلقائي مع تقديم البلاغ في الشرطه.

مادري ليش الموضوع يتحول للمحاكم؟؟ التهمه ثابته على المجرم!!
المفروض ينسجن لين يدفع الملبغ اللي عليه..

[qatara]

انعدمت الثقه

وانعدمت الامانه

باسباب اعطاء الفرص والمهل

والاتكال على محامي يمطط الحق الين يمل راعيه

[Riku3]

الحمد لله ما مريت بهالموضوع صارلي 3 سنين من وقفت التعامل مع المصريين .. وقبول الشيكات العادية للمبالغ الكبيرة ..

الشيك موضوعه طويل بس نصيحه لو تحول الموضوع للمحكمة الافضل ان تحظر الجلسات ولا تخلي كل اعتمادك على المحامي ... لان اكثر المحامين عندنا بس يأجلون وفي قضاة فيهم خير لو شافوا راعي الحلال موجود يخلصونه بسرعه .

ضروري تثبت عليه منع السفر لان هذا من اكثر الامور الي تأثر على الحرامية خصوصا لو طلع راعي سفر .



منع السفر يحدث بشكل تلقائي مع تقديم البلاغ في الشرطه.

ما اعتقد دايماً .. في 2011 كنت في محكمة التنفيذ وبعد مراجعة الملفات بين ان مانزل عليه منع سفر .. والقاضي قالي قدم طلب المنع وطلب حبس .. ونزلت طبعت الطلب ورجعته مكتبه ووقع عليهم وبالفعل نزلوا منع السفر بس طلب الحبس انرفض وهذا كان متوقع بس جاب نتيجه لان الحرامي دفع بسبب الخوف من الطلب الي قدمته مثل ما قالي القاضي الله يجزاه خير .

[MAZEN37]

نصيحتي لاتوكل محامي لانك بتخسر فلوسك
تابع بنفسك والله يعينك

[دايموند]

الحمد لله ما مريت بهالموضوع صارلي 3 سنين من وقفت التعامل مع المصريين .. وقبول الشيكات العادية للمبالغ الكبيرة ..

الشيك موضوعه طويل بس نصيحه لو تحول الموضوع للمحكمة الافضل ان تحظر الجلسات ولا تخلي كل اعتمادك على المحامي ... لان اكثر المحامين عندنا بس يأجلون وفي قضاة فيهم خير لو شافوا راعي الحلال موجود يخلصونه بسرعه .

ضروري تثبت عليه منع السفر لان هذا من اكثر الامور الي تأثر على الحرامية خصوصا لو طلع راعي سفر .


ما اعتقد دايماً .. في 2011 كنت في محكمة التنفيذ وبعد مراجعة الملفات بين ان مانزل عليه منع سفر .. والقاضي قالي قدم طلب المنع وطلب حبس .. ونزلت طبعت الطلب ورجعته مكتبه ووقع عليهم وبالفعل نزلوا منع السفر بس طلب الحبس انرفض وهذا كان متوقع بس جاب نتيجه لان الحرامي دفع بسبب الخوف من الطلب الي قدمته مثل ما قالي القاضي الله يجزاه خير .

في طلب حبس بعد ؟توني ادري عبالي بس منع سفر

شلون نطلب حبس؟!

في فلسطيني الله لا يسامحه معانا في المنتدى قص علي والشيك طلع بدون رصيد والاخ عنده خبره ان المحاكم مطوله وبايعها خاصه ان طلعت عليه 3 قضايا شيكات بدورن رصيد غيري وليحين ماسددهم

الله كريم

[(ام عبدالله)]

للاسف من امن العقوبه اساء الادب

حسبي الله عليهم لا وتكلمه كانك انت

يلي ماخذ منه مب هو

لكن عند الله ما يضيع شيء

لكن اهم شيء تتاكد انه عليه منع سفر
من العاصمه مافي حد ما بسافر طال الزمن او قصر
وان دفع جزء من الشيك لا تتنازل بالعاصمه لانه لو تنازلت
عن الشيك وشتكيت مره ثانيه على نفس الشيك بيقولوك
انت اتنازلت خلاص جيب شيك ثاني وطبعا ان وجد
بترفض الشيك مره ثانيه وتجيب بطاقته صوره ساريه المفعول
وهالدوامه الله يعينك ويرجعلك حقك .. ومافي مانع تقدم
قضيه في المحكمه حتى لو طولت المهم تابعت سويت شيء
المحكمه قضيه مدنيه والعاصمه قضيه جنائيه

[Riku3]

في طلب حبس بعد ؟توني ادري عبالي بس منع سفر
شلون نطلب حبس؟!
في فلسطيني الله لا يسامحه معانا في المنتدى قص علي والشيك طلع بدون رصيد والاخ عنده خبره ان المحاكم مطوله وبايعها خاصه ان طلعت عليه 3 قضايا شيكات بدورن رصيد غيري وليحين ماسددهم
الله كريم
القاضي قال تعال المكتب فوق .. وبعد ما جلست وياه هو قالي شنو الطلبات الي اسويها .. ونزلت الارضي وكتبتها عند الطباعين وطلعت سلمتها للكاتب .. القاضي قالي ان بيرفضها بس في الجلسه الي بعد الجايه .. بس بتشكل ورقة ضغط على الطرف الثاني وبالفعل بعد ما رد محامي الطرف الثاني بعدم احقيتي بهذا الطلب انرفض .. بس جاني الحرامي لين عندي يطلب مني اسحب القضيه ويبي يدفعلي نص المبلغ واقسطله الباقي .. طردته من مكتبي وراح مثل الـ*** دفع كامل المبلغ في المحكمة وانتهت هالقضية .

كانت عندي كذا قضيه عند قضاة مختلفين .. وبسبب مرونة بعض القضاة خلصت عندهم بسرعه وخصوصاً قاضي من "المسلم" الله يجزاه خير ما قصر وصج يحب يساعد الناس وبعد كل جلسه يقول تعال مكتبي لان لاحظ ان الحق وياي وساعدني كثير .. وبعد قاضي "كواري" و "مهندي" بعد ما قصروا بس مب كثر الاول :] .. وفي قضية كانت عند قاضي اجنبي طولت كثير وكان "شايف نفسه" وغير انساني وما يتكلم بإحترام مع الي واقفين جدامه ، هالقضية على 99 الف سلمتها محامي بعد جلستين مع هالقاضي الله يسامحه .. ولين يومك ما انحلت من 2012 او 2011 ما اذكر .

[<اضرب واشرد>]

في فلسطيني الله لا يسامحه معانا في المنتدى قص علي والشيك طلع بدون رصيد والاخ عنده خبره ان المحاكم مطوله وبايعها خاصه ان طلعت عليه 3 قضايا شيكات بدورن رصيد غيري وليحين ماسددهم


لاحول ولاقوة إلا بالله

(شهر فيه) وحذر منه

هم يحسبونها يشوفون الفايدة أكبر .. لو الإجراءات والعقوبة رادعة كان تغيرت حساباتهم وامتنعوا عن السرقة

موضوع سابق 2012 عن الشيكات بدون رصيد:

والردود فيه مأساوية
والحق ضايع
اللي فهمته أن الشيك بدون رصيد أسهل وأيسر طريقة لسرقة الرز القطري
والحل هو (التشهير في الجرائد الرسمية) مثل السعودية

ومنهم للمسؤولين:

http://www.qatarshares.com/vb/showthread.php?506473-%D4%ED%DF-%C8%CF%E6%E4-%D1%D5%ED%CF%BF%BF%BF

___________

مثل ماقال أخوي الكواري

لاحد يستلم إلا شيك بنكي (manager cheque)
يروح ابن اللذين البنك ويعبي فورمة (اسمه ..اسمك..المبلغ المطلوب..غرض الشيك (عقار؟)..إلخ)
والبنك يسحب المبلغ من حسابه ويضمنه لك


نصيحة من اخو مرة ثانية لا تقبل اي شيك الا لو كان manager cheque
يعني البنك تحفظ عالمبلغ والشيك مضمون ولا يرجع

[q6ri_]

ما اعتقد دايماً .. في 2011 كنت في محكمة التنفيذ وبعد مراجعة الملفات بين ان مانزل عليه منع سفر .. والقاضي قالي قدم طلب المنع وطلب حبس .. ونزلت طبعت الطلب ورجعته مكتبه ووقع عليهم وبالفعل نزلوا منع السفر بس طلب الحبس انرفض وهذا كان متوقع بس جاب نتيجه لان الحرامي دفع بسبب الخوف من الطلب الي قدمته مثل ما قالي القاضي الله يجزاه خير .

انا قالي المحقق اللي في امن العاصمة ان المبلغ دامه فوق ال100 الف على طول بيحطون عليه منع سفر وامر قبض
بس اللي انا استفسر عنه بعدين في النيابة وش يصير ؟ وليش الموضوع يتحول للمحكمة ، الموضوع مب معقد والتهمة واضحة وضوح الشمس

[q6ri_]

الله يرحم والديكم ياللي رديتوا كلكم

واللي يدخل عالم البزنس في اي مجال راح يكتشف ان فيه ناس ماعندهم ضمير ولا يفكرون الا في انه يحصل فلوس كانت بالحلال او بالحرام

وبخصوص الحرامي هذا بصراحة انخدعت فيه وفي كلامة الطيب في البداية وكنت ناوي اساعده واتجمل فيه والا ماكنت راح ارضى الا بالكاش

قدر الله وماشاء فعل وان شاء الله ما يطول موضوعي

[غير البشر]

انا قالي المحقق اللي في امن العاصمة ان المبلغ دامه فوق ال100 الف على طول بيحطون عليه منع سفر وامر قبض
بس اللي انا استفسر عنه بعدين في النيابة وش يصير ؟ وليش الموضوع يتحول للمحكمة ، الموضوع مب معقد والتهمة واضحة وضوح الشمس


اخوي اعتقد منع السفر لو ريال
مب شرط 100 الف

ناس عطوهم منع سفر على 500 ريال
ههههههههههههههه شر البليه مايضحك :rolleyes2:


الله يعينك اخوي ويرجع لك حقك
وان شاء الله الي خذ المعدات بغير وجه حق زقوم الى يوم الدين عليه

[q6ri_]

اللي قال لي اياه المحقق اللي في قسم الشيكات في امن العاصمة هو انه فوق الظ،ظ*ظ* الف اول شيء هو منع السفر

بس تحت الظ،ظ*ظ* ما اعرف شالاجراء

[aziz4z]

اللي قال لي اياه المحقق اللي في قسم الشيكات في امن العاصمة هو انه فوق الظ،ظ*ظ* الف اول شيء هو منع السفر

بس تحت الظ،ظ*ظ* ما اعرف شالاجراء

على الاغلب أكيد بيكون وياك رقمه الشخصي
تقدر تروح و تتأكد بنفسك إذا عليه منع سفر و لا لا في المطار

[فاروع]

وكل الله واكثر من الاستغفار وصدقني بتنحل

[المستريح]

الله يعينك

[abdulla889]

الله يعينك اخوي

اول شي لازم بنفسك تروح تراكض ورى القضيه لان عندنا المعاملات تنام اذا محد يراكض وراها واهم شي تسويه انك تروح النيابه العامه تسوي منع سفر وتتاكد بنفسك من هالشي وعقب لازم تراجع المحكمه الي في السد بشكل دوري لين يطلع الحكم وبعد الحكم في ستاناف من طرف المدعى عليه مدته شهرين في حال الاستاناف تنتظر اسبوعين وبعدين يصدر الحكم النهائي وعلى طول تاخذ الحكم وتروح مركز العاصمة لاحالة الموضوع على تنفيذ الاحكام مقابل الفروسية وحاول انك تقابل الضابط عشان يستعجل الموضوع الي هو امر القبض وبعد مايجيبونه اكيد بيدفع المبلغ لانه راح ينقط في السجن.

[برشلوني قطر]

الله يعينك اخوي

اخبر اخوي صاده واحد وضرب ع سيارته...واحكمو عليه يقسط المبلغ بقسط شهري بسيط..

حاول قد ماتقدر توصله ويرجع لك المبلغ بالتراضي

اوقات الطيبه يستقلونها ضعاف النفوس

[عالي مستواة]

أخوي أرفع عليه محمكة مدينة مستعجله في المحكمه اللي في الدفنه بيحجرون على املاكه من عقارت وأسهم وحتى جهة عمله
إذا ما سدد لك المبلغ بيبعونها وبيعطونك فلوسك ..
وخل القضية الحنائيه ماشيه وبيطلع له حكم بالسجن ..

وإذا تبي أي مساعده تعال لي على الخاص وابشر باللي يسرك

وما أبي منك إلا الدعوة الطيبه

[الدوحه1]

اليوم في برنامج"وطني الحبيب" متصل واحد معصب ويشتكي من المحاكم لانه كان يطالب "اجنبي" فلوس وتم ابعاد هالاجنبي من قطر بدون مايستلم المشتكي فلوسه؟؟؟
فعلا تصرف غريب وعجيب اشلون يتم ابعاد "اجنبي" من البلد وهو مديون؟؟؟

[دااانة قطر]

الله يعينك

بس شلون تضمن ويضمنون النااس الشيكااات؟؟

[ابن الخربة]

بشكل عام الشيك مشكلة طويلة ومعقدة اذا تعذر بالعسرة يمكن يتم التقسيط المريح 1000 ريال في الشهر لكن اذا في لديه موجودات يمكن الحجز على ممتلكاته ، اذا الشخص صاحب اسبقية ولديه سوء نية قول ياالله واطلب العوض من رب العباد