استفسار عن الكيراتين

[basma222]

السلام عليكم،

ممكن مساعده، انا ابي اعرف لو في حد سمع عن امنه الشيب اللي تسوي كيراتين للشعر، شنو رايكم في شغلها وممكن رقمها لو سمحتوا؟

وفيه حد يعرف صالون او مركز او شخص يسوي كيراتين للشعر بس يكون شغلهم ممتاز؟

ويعطيكم العافيه

[رهج السنابك]

الكيراتين محظور لانه يسبب سرطان
اسألي عن البروتين وهي صيغه مطوره عن الكيراتين لكن بدون فورمالين

[يمامـة]

الكيراتين حلو للي شعرها عبل مرة مرة مرة..

لكن اللي شعرها عادي وان كان كشة وشعراتها مب خشنة ما انصح فيه..

اما بخصوص الاخت المذكورة بالاسم ما عندي فكرة عنها..

[يمامـة]

الكيراتين محظور لانه يسبب سرطان
اسألي عن البروتين وهي صيغه مطوره عن الكيراتين لكن بدون فورمالين

فاتحة صالون من ورانا؟
اشوفج عندج معلومات عن البروتين؟:telephone:

[رهج السنابك]

لا ياوخيتي جان زين
بس لاني من كم يوم طحت صدفه على موضوع البروتين خاصه النانو بروتين سويت بحث عنه وسالت اطباء الكل يمدحه لان البروتين هو المكون الرئيسي للشعره والشعره تفقده تدريجيا لين يصير تعبان متقصف ويخشن وعشان نرجع البروتين والاحماض الامينيه للشعره صنعوا تركيبة مطوره من الكيراتين لكن خاليه من الفورمالين حتى تكون امنه ومفيده
رشا شلبايه اخصائيه شعر مشهوره منزله يوتيوب عنه
وفي وايد الحين هابين فيه بالكويت بس ماعرف اذا بقطر فيه او لا يبي له نكلم جاك ديسانغ
بس المنتج نفسه متوفر في امازون وبالصيدليات

وبشكل عام انصح الوحده تشتري المنتج الاصلي بنفسها وتروح لصالون تسويه ومهم يكون كوايه السيراميك اصليه
وماانصح تحطون اي منتج بالشعر حتى لو قالو كيراتين ولا بروتين لانهم يعبون اي منتج مضروب في علب المنتج الاصلي وغالبا فرد كيماوي " تمليس" ويقصون ع الناس بالاسم

هذي خلاصة بحثي هالايام :)

[أبورودي]

http://www.washwasha.org/231516

[المخفي]

مكانه غلط

[نور الحور]

اختي ..فيه علاجات افضل للشعر

مثل ما قالت الارستقراطية البروتين .. وشرط تستخدمين عقب ما تسوينه

شامبو وبلسم خاليين من الصوديوم لانهم راح يخربون النتيجة

البروتين ميزته ينعم الشعر ويخفف التساقط بنسبة 50 بالمية

للامانة ما جربته لاني حسبته مجرد مقوي للشعر .. لكن الاخصائية

قالت لي انه علاج ومنعم للشعر لدرجة انه يكون استريت 100 بالمية

يعني ينفع للشعر الكيرلي والخشن والافريقي اكثر


وفيه علاج البوتوكس للشعر .. بس حسب معلوماتي علاج

البروتين افضل ..

موفقة حبيبتي :)

[sweet qatar]

اي سمعت عنها

البنات يمدحونها بس ماعرف رقمها ولا جربت شغلها


الكيراتين في نوعين التمليس و العلاج

وفي تقنيات كثيرة في السوق .. الأفضل تروحين أكثر من مكان وتسوين سيرش عدل

آسفة لأني ماقدرت افيدج :)

[سلمى76]

أفضل نوع عن تجربة بروتين الاوريجنال ثيرابي بروتين سويته مرتين انا وبنتى
اعرف واحده تسويه بالدحيل وبتيجي البيت عادي وأسعارها ممتازة ولا كلفة الصالونات
عموما لازم تسالي اللي تسويلك عن نوع المادة واسمها وابحثي عنها على النت وتأكدي انها خالية من الفورمالدهيد

[بنت مريخ]

جفت بيبي في السناب مسويه كولاجين و تمدحهة

[طموحي عالي]

انا شريت المادة من وحده واستخدمتها وعجيبه
اروح الصالون يسوونها لي وتكفي حق حول 10 مرات يعني لج ولاخواتج واللي تبين يستخدمونه


اشتريها من برا
اذا تبينه كلميني خاص بعطيج الرقم

لان جربت بقطر كم مرره خايس ماعجبني