هل العسو ينفع في هالزمن

[bohilal191]

السلام عليكم

اشرايكم في هالمقولة

http://i.imgur.com/JoRBc7T.png

[<اضرب واشرد>]

السلام عليكم

الضرب مايكون إلا في مراحل متأخرة
أولا التربية ثم التربية ، تكرار التعليم والنصح والقدوة
إذا مافادت .. نستعمل الشدة والغضب ، ثم الضرب غير المبرح

وهذا ماعلمنا إياه النبي عليه الصلاة والسلام في حديث الصلاة:
(مروهم بالصلاة لسبع ، واضربوهم عليها لعشر ..)

من يضرب ويزجر الأطفال دوما وأبدا وعلى أتفه الأمور، ماعنده حكمة ولافيه رحمة
ومن لايقوم إعوجاجهم بالشدة، وبالضرب إن إحتاج، ترك الخطأ فيهم يكبر ويتأصل ويصعب تغييره مستقبلا

أعتقد هناك سن معين للضرب .. بين 8 إلى 15
خطأ نضرب طفل دون 8 سنين مهما كان السبب .. يكفي تعليمه ورفع الصوت عليه إن لزم
وخطأ نضرب الإبن فوق 15 .. يكفي تعنيفه بالصوت والكلام ، وأساليب كمقاطعته فترة معينة ( 3 - 10 أيام ) أي معاملته كأنه غير موجود.

[يمامـة]

في زمننا هذا محد يستخدم العسو الكل محول على المكنسة الكهربائيةhttp://www.pic4ever.com/images/www_MyEmoticons_com__fishing.gif

ما علينا من اللي كتبته فوق..

فلو رجعنا الى فكرة الموضوع الهدف بشكل عام تربوي اكثر من انه استخدام للضرب..
بمعنى اضرب بس لكن قبلها علمهم وربهم وان ما نفع فيهم اضربهم كحل اخير او كتنبيه سريع
بأن التكرار ممكن يولد نفس ردة الفعل..

فمثل ما قال اخونا اضرب واشرد التربية هي الاهم..
فاللي قادر يربي من غير ما يضرب ما نقدر نقول له ليش ما تضرب؟
لان الاهم ان الطفل يتربى ويعرف حدوده واللي له واللي عليه..

فالضرب مب مطلب اساسي للتربية ولكنه حل اخير لما تفشل الطرق الثانية..

اما بخصوص الضرب ما عندي عمر محدد للضرب.. ممكن جدا طفل عمره
سنة امسكه من يده وباطراف اصابعي اضربه على كفه واقول له
"تح.. عيب .. هاااا"
فالطفل اذكى من ان احنا نعتبره بهيمة وما يفهم ولازم نراعيه..

[لبيبة]

وعليكم السلام ورحمة الله وبركاته

عيال أول اللي ظنوا إن أهلهم ما ربوهم إلا بمساعدة العسو، تقديرهم غير صحيح،

وتربيتهم اللي طلعت عيالهم بالصورة اللي تعجبهم، ما كانت نتيجة للضرب،

هي نتيجة لقرب الوالدين من عيالهم، وتعليمهم الدين والأخلاق والقيم،

وهو ما يجب اتباعه مع أولادنا، أما الضرب لن يولد إلا الضرب،

والعنف يولد العنف.

[<اضرب واشرد>]

اما بخصوص الضرب ما عندي عمر محدد للضرب.. ممكن جدا طفل عمره
سنة امسكه من يده وباطراف اصابعي اضربه على كفه واقول له
"تح.. عيب .. هاااا"
فالطفل اذكى من ان احنا نعتبره بهيمة وما يفهم ولازم نراعيه..

أخت يمامة متفق .. وتعليق بسيط على المقتبس:
ما أعتبر المثال اللي ذكرتيه (ضرب) هو تنبيه وتعليم ..إلا إذا أوجعه أو بكّاه
هذي الطريقة اللي يفهم فيها أبو سنة أن الشي الفلاني لايلمسه


وعليكم السلام ورحمة الله وبركاته
عيال أول اللي ظنوا إن أهلهم ما ربوهم إلا بمساعدة العسو، تقديرهم غير صحيح،
وتربيتهم اللي طلعت عيالهم بالصورة اللي تعجبهم، ما كانت نتيجة للضرب،
هي نتيجة لقرب الوالدين من عيالهم، وتعليمهم الدين والأخلاق والقيم،
وهو ما يجب اتباعه مع أولادنا، أما الضرب لن يولد إلا الضرب،
والعنف يولد العنف.

بالضبط أول كان المربي قدوة وكانت البيئة تساعد
الحين البيئة نت وتلفزيون وأجناس البشر
وطرق التربية الخاطئة من ضرب وعنف يتوارثه الأبناء جيل بعد جيل ، فالولد يكبر ويضرب ابنه (الحفيد)
وضرب وتعنيف الأب للأم يورث مشاكل نفسيه للأبناء ، يكرهون الزواج للصورة الخاطئة والمشوهة التي ترسخت عنه

[qatara]

بيجونك الي يهرقطون الضرب والضرب

نعم ينفع
فابنك تامره بالصلاه لسبع وتضرب لعشر

زوجتك تنصحها وان لم يفد تهجرها وان لم يفد تضربها ضرب تاديب


فالله جل شائنه الذي بيده هداية جميع البشر
وضع الثواب والعقاب وجعل بينهم الاختيار

بيجونك الي راكبين موجة العلمانيه والتحرريه
بعطونك تبريرات ما انزل الله بها من سلطان

فانضر للدول الغربيه تعليم بدون ادب
ينتج عنه علماء لاكن مجرمين ويستخدمون العلم في الجريمه

لانهم تاسسو بدون ضرب تاديبي

الاب عندهم لا قوامة له ولا هيبه كانه اصغرهم عمرا

والادب رحمه

قطع يد السارق رحمه به وبالمجتمع

رجم الزاني رحمه به وبالمجتمع
الخ

والله اعلى واعلم

[الزعفراني]

اذا ما ترنه على اذنه ما راح يصطلب .. مره في العمر زين حق الذكريات :)

[نفسي عزيزه]

قبل اذا تاخرت في البحر ، سبوح مع الربع ، ادخل البيت اتلشط تلشط بالعسو من امي الله يطول بعمرها :weeping: وانخش بالحمام ساعه لين راحت اطلع انخش بالغرفه
من وين بتجي المياعه والظهر والريول مخططه بالعسو وواير الغساله :omen2:

اهم شي التربيه مش الضرب بأعتقادي

[الجـــوديّ]

ماينفع في الأمور العادية ... لأن الدنيا تغيرت .. وأساليب التفام القديمة تلاشت وحل محلها محلها اساليب جديدة

كلام بالهدوء والحوار والاقناع .. حسب ماتعلموا من المدرسة وبعض البيوت متفهمة

لكن فيه أمور كبيرة ... اايد فيها الضرب علشان يعرف ان الضرب معناتها تعديت على الخطوط الحمراء ..

وهذا الضرب له ولحياته مهوب تشفي أو نزعة عصبية ..

منها الضرب على الصلاة واحترام الوالدين والكبار وتوقيرهم .

[JN000N]

المقصد من المقوله مب العسو بحد ذاته
هو المقصد بالفترة الزمينة الي كان العسو شي اساسي ف كل بيت
اي التربية ذاك الوقت غير


في واحد الله يطول بعمره قال انه كان شيطان يوم صغير كل شي غلط يسويه ومره كان متعلبش ف الحدايد ف الحوش وسمع اخوه يقول ان ابوهم جا البيت هو من الخرعه يبي ينزل من الحدايد شار الثوب وتم متعلق وهو يحاول ينزل طاح وتزلغ تعور وانشق ثوبه
وهو قعد يصيح لان كان متألم بس الابو وقتها يوم شافه جاه وضربه ضربه وحده خلاه يزيد ف صيحته وقاله هذي عشان تتوب تتعلق ف الحدايد مره ثانيه
يقول من عقبها ماسويت الحركة لان خفت ان وراها عقاب وقتها النصيحة مهما نصحني ابوي ان اوقف عن هالشي ماكنت بستوعب حجم الخطر الي بيصيدني لو كملت عليه ف عقب الضربه عرفت ان بيجيني عقاب لو عدتها ماسويتها وماكررتها
ويقول ان تربية ابوهم لهم علمتهم يطلبون رضاه ويدورونه دواره لين الابو جا من الدوام يتراكضون هو واخوانه من اول واحد يفتح الباب لابوه عشان يرضى عليه ومن يقول يبي ماي كلهم يتسابقون من يجيب له ماي
يقول تعلمنا ان كسب رضى الوالدين مب الشي السهل ولازم نتعب عشانه مب لانهم اهلنا ويحبونا وواجب عليهم يرضون لا لانهم هم الوالدين ومهما كانو يحبونا لازم احنا ندور رضاهم
يقول انا نفسي ماكنت مقتنع باسلوب ابوي ف التربية واقول هالشي غلط ولازم ابين لعيالي مدى حنيتي وحبي وحناني لهم وكل شي يبونه اسويه لهم وصح بحدود ولكن ماقسى مثل ماقسى ابوي يقول قلت مابمشي على تربية ابوي وبربي عيالي بالتربية الحديثة
بعد هالعمر يقول اجي عند باب البيت بالسياره ولدي واقف عند الباب يكلم ربعه وانا اطق هرن انطر الدريول يفتح لي الباب :)
اقول لبنتي ابي ماي تقوم هي تقول لاختها روحي جيبي لابوي ماي ويتهاوشون كل وحده تقول للثانيه هو قالج انتي
يقول بنتي هي تتزمر علي وتزعل وعارفة اني براضيها وبجيب الي تبيه لاني احبها
يقول ازعل عليهم اعصب مايجوني يطلبون رضاي يتمون هم بعد كم يوم مايكلموني يقعدون وياي بس كلامهم معاي قليل كأني انا الي اطلب رضاهم علي

يقول الحين اقارن بين تربية ابوي ونتيجة تربيته وتربيتي ونتيجتها وعرفت الفرق
عرفت ان ابوي كان يحبني وايد ولكن عنده اولويات بدل مايكون حنون بالدوجة الاولى كان قاسي وبالدرجة الثانيه حنون والقسوة تختلف ماقصد الكره والعداوه بس قسوة الاب الي يبي الخير لعياله ويبي مصلحتهم


كلامه كان تفصيلي وكان عنده امثله وايد وكنت مستمتعه وانا اسمع له وعرفت وقتها ان لما يقسى الوالدين مرات على الابناء تكون قسوتهم بداعي الحب مهما فهم الابناء وقتها قسوتهم غلط مردهم بيجي يوم وبيعرفون شكثر والدينهم يحبونهم وعلموهم احسن تعليم وتربيه

[Charisma]

مرحبا اخوي ..


نعم .. صالح لكل زمان ومكان . :yes:

[راجي الْعفو]

وعليكم السلام و رحمة الله و بركاته ..

يمسيك بالخير يالمبدع ..

الجواب : ينفع بشروطه ..

[حسن]

اتفق مع الجودي في المقدمه فقط

وفقره الضرب ارفضها رفضا باتا يمكن لاني ماشفت شي يستحق الضرب
من ابنائي الحمدلله

اذا امرت قال انشاء الله

وهل اللي يقول ان شاء الله يضرب

!!!

تتكلم اليمامه عن التربيه شي جميل ولكن ماهو مفهوم التربيه الان !!
اذا بتتكلمون تكلمو في الواقع اللي عايشنه

التربيه الان سلمت الى الخدام

هذه الحقيقه

والحمدلله افتخر اني ربيت عيالي بدون خدم

هني نقول الفرق

[معماري قطري]

ما جربت العسو ههههههه كنت انضرب بالخيزران والعسو أَكيد أَخف وبالاً

[عيسى111]

لاعبوهم سبعا وأدبوهم سبعا وآخوهم سبعا مقولة صحيحة

ضرب العسو توبيخ وهو إيلام نفسي أكثر من أنه يكون إيلام جسدي

اللي يضرب ولده قبل لا يتم السبع يرتكب خطأ كبير وما راح يفيد فيه الضرب بعد ما يتم السبع لأنه تعلم عليه وبيصير حمار طق

واللي بيضرب ولده بعد الأربعة عشر سنة بيخسره لأن الولد في هذا السن يتعامل معاملة الإخ

والعيال كلهم ما هم بنفس المعاملة منهم بالإشارة ومنهم بالكلام ومنهم بالعسو

لأنهم بشر وتجري عليهم الأحكام حسب تلقيهم وتجنبهم للنهي كل بحسب ذكائه

أما البنات فرفقا بهم

[القبطان سلفر]

وعليكم السلام ورحمة الله وبركاته

عيال أول اللي ظنوا إن أهلهم ما ربوهم إلا بمساعدة العسو، تقديرهم غير صحيح،

وتربيتهم اللي طلعت عيالهم بالصورة اللي تعجبهم، ما كانت نتيجة للضرب،

هي نتيجة لقرب الوالدين من عيالهم، وتعليمهم الدين والأخلاق والقيم،

وهو ما يجب اتباعه مع أولادنا، أما الضرب لن يولد إلا الضرب،

والعنف يولد العنف.


كلام عميق وجميل لبيبه .

تشخيص دقيق جدا واتفق معه .

يعطيك العافيه










المقصد من المقوله مب العسو بحد ذاته
هو المقصد بالفترة الزمينة الي كان العسو شي اساسي ف كل بيت
اي التربية ذاك الوقت غير






يعجبني العقل التحليلي الذي يبدأ من المقدمات ليصل للنتيجه .

يعطيك العافيه .

[بوحارب]

اللي عياله مسندرينه وما لقى لهم حل

انصحه يستعمل واير الجرج حق الأيفون

صدقوني من لشطه وحده بتشوف النتايج


انه زمن التأديب الألكتروني يا ساده :)

[يمامـة]

أخت يمامة متفق .. وتعليق بسيط على المقتبس:
ما أعتبر المثال اللي ذكرتيه (ضرب) هو تنبيه وتعليم ..إلا إذا أوجعه أو بكّاه
هذي الطريقة اللي يفهم فيها أبو سنة أن الشي الفلاني لايلمسه



مراحب اخوي اضرب واشرد..

علشان نتكلم عن التربية بشكل دقيق.. لازم ما نغفل ان التربية لها وجهان.. تربية حسنة وتربية سيئة..
وكل من شارك في الموضوع يعتقد انه يستخدم الاسلوب الامثل للتربية الحسنة
سواء مؤيد لاستخدام الضرب ام رافض و يحارب لمنعه واستخدامه مع الاطفال ..

الاهم من كل هذا .. شنهي النتائج وشنهو وضع الابناء؟

فاللي اعتمد على الضرب وسيلة من وسائل التربية وعياله ماشيين زي الفل لا يحق للي ما يضرب
عياله يقول له انت ما عرفت اتربي لانك استخدمت الضرب..

وفي الوقت نفسه اللي ما يستخدم الضرب و نتاج تربيته عال العال و زي الفل .. لا يحق ابدا
للي يستخدم الضرب انه يقول له انت ما تعرف اتربي لانك ما استخدمت الضرب..

فكل انسان ابخص باسلوب تربيته..
ومن ثم انت راح تلاحظ نتايج تربيتك لما تكون مرجع للناس اللي حولك في الاستفادة من اسلوب
تربيتك لعيالك؟ سواء استخدمت الضرب او ما استخدمته..
في الاخير و الاهم من كل ما سبق انك تكون مرتاح من الاسلوب اللي استخدمته
وريحت المجتمع من التربية السيئة..

ومن ثــم اقــول :
الضرب بالنسبة لي بما اني مؤيدة له هو احد اساليب التربية المفيدة
بالاضافة الى الشدة و التعنيف و الاحراج امام الاخرين لو استدعى الامر مالم يراعي الخطوط الحمراء..
ما كنت اتردد ابدا و بحزم تنفيذ تهديداتي لهم..

والطفل الصغير من سنة وطالع ممكن استخدم معاه اسلوب القرص ويحس وينلسع من القرصة..
بحيث اني لو بيعيد الحركة اقول له هاااا..( تح):anger1:.. فدموعه وصياحه ما كانت تكسر خاطري..
فما كنت اضطر ارفع سلال الزبالة علشان امنع الزبالة من انها تخليه يحط يده ويلعب فيها..
كنت اخلي السلال مكانها بس هو اللي ممنوع يروح لها..

غوري الشاي كنا نحرص نحفظهم منه.. لكن لو الطفل كان كثير الحركة واستكشافي..
كنا نتركه ينلسع لسعة خفيفة وممكن يصيح من اللسعة هذي..
وعقب يكفي نقول له : "اووووف.. تتو" فاللي يصير نقعد مرتاحين وفي امان الله
والغوري محطوط والطفل يلعب في كل شي الا الغوري لانه ما يبي ينلسع..
حتى بلاكة الكهربة كنا نقول لهم اوووف.. يوخرون على طوول.. لانه جرب الاووف من الغوري..

الاسلوب هذا اكيد غلط و اجرام في قوانين التربية عند ناس ثانين.. بينما بالنسبة لي
ريحني من مشاكل كثيرة بفضل من الله.. وهو نفس اسلوب امي اللي ربتنا عليه..

فالضرب ما نقول انه كل شي في عملية التربية.. ولكن بالنسبة لي اعتبره
وسيلة مهمة جدا للطفل اللي يحاول يستعبط علينا..:shy:

[يمامـة]

اللي عياله مسندرينه وما لقى لهم حل

انصحه يستعمل واير الجرج حق الأيفون

صدقوني من لشطه وحده بتشوف النتايج


انه زمن التأديب الألكتروني يا ساده :)

ايييه يا بو حروب.. النعل تكرم كانت اتييك مثل السهم ولا تفرطك..
كان زمن الرماية الدقيقة يا سادة..

[بوحارب]

ايييه يا بو حروب.. النعل تكرم كانت اتييك مثل السهم ولا تفرطك..
كان زمن الرماية الدقيقة يا سادة..

والله كل أدوات الضرب المبرح والأليم والفخم
كانت تجيني (سمت):)

كان زمن التربية الفخمة ياليمامه :)

للعلم الشباب دائماً يضربون فيج المثل
في أمور تربية الأبناء
والكثير هنا في المنتدى استفاد منج:thumbup1:

[يمامـة]

وعليكم السلام ورحمة الله وبركاته

عيال أول اللي ظنوا إن أهلهم ما ربوهم إلا بمساعدة العسو، تقديرهم غير صحيح،

وتربيتهم اللي طلعت عيالهم بالصورة اللي تعجبهم، ما كانت نتيجة للضرب،

هي نتيجة لقرب الوالدين من عيالهم، وتعليمهم الدين والأخلاق والقيم،

وهو ما يجب اتباعه مع أولادنا، أما الضرب لن يولد إلا الضرب،

والعنف يولد العنف.

Pardon يا لبيبتنا اللبيبة..

زمان اول الطفل كان يكبر على البركة والشوارع كانت بيوتنا
وبيوت الجيران بيوتنا.. واسلوب التربية كان يستخدم في كل مكان..
لذلك الطفل كان يخاف من الضرب من الكل مب بس من الام والابو..

فالضرب لن يولد الا ضرب في حالات الظلم والاعتداء بشكل يومي ومكرر
ومن غير سبب.. اما لو كان بسبب.. الواحد وهو يصيح تلقينه يقول ليتني ما سويت
هالشي كان ما انضربت.. ويحاول ما يسويه اقل شي جدام اللي يضربه..
فتقل مشاكله لو هددوه باللي يضربونه..

وشكرا لكم..

[ضوى]

ما جربت العسو ههههههه كنت انضرب بالخيزران والعسو أَكيد أَخف وبالاً

ماتعقدت !؟ نفسيتك ماتحطمت ؟ اتوقع لا والا ماصرت مهندس

[يمامـة]

والله كل أدوات الضرب المبرح والأليم والفخم
كانت تجيني (سمت):)

كان زمن التربية الفخمة ياليمامه :)

للعلم الشباب دائماً يضربون فيج المثل
في أمور تربية الأبناء
والكثير هنا في المنتدى استفاد منج:thumbup1:

والله ولدي بو حارب ..

انت اليوم اب وعندك عيال.. راح تجني ثمار تربيتك لما تلتفت حولك وتشوف
مقدار مشاكل عيالك في الفريج ..
مقدار مشاغبة عيالك في المسجد..
مقدار احترامهم للي اكبر منهم..
اسلوبهم في الكلام مع الناس..
اسلوبهم في الكلام معاك ومع امهم ,, وردة فعلهم من نظرتك لهم
جدام الناس.. ومدى تقديرهم لردة فعلك لو وقعوا في الغلط..
الانطباع العام اللي يتركونه في المدرسة او الجامعة او المجالس اللي يدخلونها..

فلما تشوف انك قدرت تريح المجتمع من تربية سيئة قد تعاني المجتمع من تبعاتها
فأنت عرفت تربي بفضل من الله باسلوبك اللي استخدمته سواء كان بضرب ولا من غير ضرب..

ومتى وما لقيت ولدك ما يحترمك ولا يقدرك ولا يسوي لك كلمة في عدة مواقف
وفوقه يترك انطباع سيء في الفريج او المسيد او الميلس او المدرسة.. تأكد ان هناك
خلل في التربية سواء كان بضرب او من غير ضرب..

ومع هذا اللي يستخدمون الضرب او اللي ما يستخدمون الضرب ما يقدرون
يقولون احنا ربينا اطفال كبروا وصاروا ملائكة من غير اخطاء او من غير عيوب.
لأن كلنا اليوم نحمل عيوب و نقع في اخطاء سواء انضربنا او ما انضربنا..
لكن الاهم
مهم جدا يا بو حروب ان تربيتك كأقل تقدير تشوف انعكاسها على وجوه الناس
فلو حصلت تقدير 55% ان عيالك متربين.. قول الحمد لله رب العالمين.
فكلمة انت مب مرتبي ما بتلحقه..

فالحمدلله رب العالمين ونشكره على نعمه وافضاله علينا..

[بوحارب]

والله ولدي بو حارب ..

انت اليوم اب وعندك عيال.. راح تجني ثمار تربيتك لما تلتفت حولك وتشوف
مقدار مشاكل عيالك في الفريج ..
مقدار مشاغبة عيالك في المسجد..
مقدار احترامهم للي اكبر منهم..
اسلوبهم في الكلام مع الناس..
اسلوبهم في الكلام معاك ومع امهم ,, وردة فعلهم من نظرتك لهم
جدام الناس.. ومدى تقديرهم لردة فعلك لو وقعوا في الغلط..
الانطباع العام اللي يتركونه في المدرسة او الجامعة او المجالس اللي يدخلونها..

فلما تشوف انك قدرت تريح المجتمع من تربية سيئة قد تعاني المجتمع من تبعاتها
فأنت عرفت تربي بفضل من الله باسلوبك اللي استخدمته سواء كان بضرب ولا من غير ضرب..

ومتى وما لقيت ولدك ما يحترمك ولا يقدرك ولا يسوي لك كلمة في عدة مواقف
وفوقه يترك انطباع سيء في الفريج او المسيد او الميلس او المدرسة.. تأكد ان هناك
خلل في التربية سواء كان بضرب او من غير ضرب..

ومع هذا اللي يستخدمون الضرب او اللي ما يستخدمون الضرب ما يقدرون
يقولون احنا ربينا اطفال كبروا وصاروا ملائكة من غير اخطاء او من غير عيوب.
لأن كلنا اليوم نحمل عيوب و نقع في اخطاء سواء انضربنا او ما انضربنا..
لكن الاهم
مهم جدا يا بو حروب ان تربيتك كأقل تقدير تشوف انعكاسها على وجوه الناس
فلو حصلت تقدير 55% ان عيالك متربين.. قول الحمد لله رب العالمين.
فكلمة انت مب مرتبي ما بتلحقه..

فالحمدلله رب العالمين ونشكره على نعمه وافضاله علينا..

احلى تحية حق خالتو اليمامة

وسلامي على هالكلام الطيب

العميق والجميل اللي يحمل فكر طيب
وأسلوب روعه يخلي الواحد يشوف قدام بعين متفتحه :)

الله يقدرنا على تربية العيال وانتي ادرى ان عيال هالزمن صعبين
والواحد لازم يدعي لهم بالهداية والصلاح لان التربية الصالحة
ماتجي الا بتوفيق من الله سبحانه


يعني اللي عياله صالحين هذا توفيق من الله
واللي عياله موذيين الله يعينه على بلواه

اشكرج مره ثانية على الحكم الجميلة لاعدمنا قلمك المميز :o

[حسن]

مشكلتنا ماعندنا ثقافه في تربيه الاطفال او مراكز متخصصه ولو في محد يتعرف فيها
الاطفال انواع ولك طفل له شخصيه معينه
في الهادي وفي الحركي

في اللي تقوله اقعد من كلمه يقعد وفي لو تقوله مليون مره مايقعد
وفي منهم النحيس
اعتقد عندنا جهل كبير في فهم سلوكياتهم ونفسياتهم
الكل يربي على ماتربي وماشي عليه

هذا اللي اشوفه

في الدول المتقدمه هناك مراكز مخصصه يلجؤن لها الناس في كيفه التعامل
بعد مايححدون شخصيته وطريقه التعامل

هذا مش موجود عندنا نهائيا او موجود ولكن محد يلجاء له

[aloosh]

اي عسو:)
الحين يشتكي عليك ولدك او بنتك يسحبونك:)
ياما تقطع على ظهورنا وانخاف احد يجيب لنا رطب قبل لانه النهايه العسو بعد الاكل :)

[aloosh]

ونصيحه اخويه
عندي اخواني اثنين
واحد يعطي عياله اي باد وايفون والثاني عكسه
اللي ما عندهم ايباد ولا ايفون متفوقين في دراسه وحافظين اجزاء من القرآن

واهل الايباد والايفون مفهين

وحالف ما يعطيهم ايباد او ايفون كلش لحد ما يخلص الثانويه والبنات يقول اذا تزوجو كيف ازواجهم هذيك ساعه يعطونهم او كيفهم

[بنت شرق]

ونصيحه اخويه
عندي اخواني اثنين
واحد يعطي عياله اي باد وايفون والثاني عكسه
اللي ما عندهم ايباد ولا ايفون متفوقين في دراسه وحافظين اجزاء من القرآن

واهل الايباد والايفون مفهين

وحالف ما يعطيهم ايباد او ايفون كلش لحد ما يخلص الثانويه والبنات يقول اذا تزوجو كيف ازواجهم هذيك ساعه يعطونهم او كيفهم

مال اول ماراح اعطيكم ولين تزوجتوا يعطونكم

[aloosh]

مال اول ماراح اعطيكم ولين تزوجتوا يعطونكم

لا بنت شرق
الكبار اللي عندهم جولات ما سلمو من مرض الجوال تروح مجلس تبي تسولف لاهي
تمر عند شاره لاهي
في دوام لاهي
بالبيت لاهي
وكله من الجوال:)

واليهال بعضهم من يصبح حتى يرقد على الايباد
الغرب يمنعون عيالهم منه ودكاتره ومحاظرت شغاله بخصوص تأثير على الاطفال
واحنا من يقول ماما او بابا ايباد

[بنت شرق]

لا بنت شرق
الكبار اللي عندهم جولات ما سلمو من مرض الجوال تروح مجلس تبي تسولف لاهي
تمر عند شاره لاهي
في دوام لاهي
بالبيت لاهي
وكله من الجوال:)

واليهال بعضهم من يصبح حتى يرقد على الايباد
الغرب يمنعون عيالهم منه ودكاتره ومحاظرت شغاله بخصوص تأثير على الاطفال
واحنا من يقول ماما او بابا ايباد
يقولون يغير النفسية ويخليك على اتصال بالناس دون ما تتواصل معاهم مباشره

[aloosh]

يقولون يغير النفسية ويخليك على اتصال بالناس دون ما تتواصل معاهم مباشره

زمان يا بو ليت:)

[ودي أكون]

ان احتاج الامر الى تأديب.، بعد استنفاذ طرق التفاهم باللين والانذارات..،

نعم

احنا تربينا ان ننضرب بسبب وبدون سبب..، مرات يغلط واحد البيت كله ينضرب.. لييييش انا والاه ماسويت شيء :eek3:

والحمدلله لا تعقدنا.، ولا تكسرنا.، وعلى كثر ما ضربونا انحبهم ونودهم وندعي لهم ليل ونهار ..

الله يطول باعمارهم والله يرحم الميت يارب..، حللناهم دنيا وآخره فديتهم ..

[الجـــوديّ]

اتفق مع الجودي في المقدمه فقط

وفقره الضرب ارفضها رفضا باتا يمكن لاني ماشفت شي يستحق الضرب
من ابنائي الحمدلله

اذا امرت قال انشاء الله

وهل اللي يقول ان شاء الله يضرب

!!!

تتكلم اليمامه عن التربيه شي جميل ولكن ماهو مفهوم التربيه الان !!
اذا بتتكلمون تكلمو في الواقع اللي عايشنه

التربيه الان سلمت الى الخدام

هذه الحقيقه

والحمدلله افتخر اني ربيت عيالي بدون خدم

هني نقول الفرق

الله (ايعقلهم) ويبارك فيهم
في عيال عسرين ... تجيهم بالطيب والاقناع مايجون
يحدون أهاليهم على الضرب

وإلا مبدأ الضرب من أساسه مرفوض حتى في التأديب إذا كانت الكلمة الطيبة والاحتواء مفعولهم اكبر.

[راجي الْعفو]

ونصيحه اخويه
عندي اخواني اثنين
واحد يعطي عياله اي باد وايفون والثاني عكسه
اللي ما عندهم ايباد ولا ايفون متفوقين في دراسه وحافظين اجزاء من القرآن

واهل الايباد والايفون مفهين

وحالف ما يعطيهم ايباد او ايفون كلش لحد ما يخلص الثانويه والبنات يقول اذا تزوجو كيف ازواجهم هذيك ساعه يعطونهم او كيفهم

الله يبارك في الجميع

والنتيجة طبيعيه ياخوي علوش في اللي منع عياله من هالأجهزة الدامرة

و عرف يشغلهم بإيش

ومب عيال اخوك اللي انشغلوا بالايبادات فقط هم اللي فهّوا

ترى كثير من الاطفال يفهّون مع هالاجهزة

اللي يقدر يمنعهم فهذا هو المطلوب

واللي يعجز ( بعد اتخاذ جميع الوسائل لتجنيبهم دون تساهل ) فهذا عليه المراقبة و الضبط


والله يعين الأولياء ع تربية الأبناء

[لبيبة]

ونصيحه اخويه
عندي اخواني اثنين
واحد يعطي عياله اي باد وايفون والثاني عكسه
اللي ما عندهم ايباد ولا ايفون متفوقين في دراسه وحافظين اجزاء من القرآن

واهل الايباد والايفون مفهين

وحالف ما يعطيهم ايباد او ايفون كلش لحد ما يخلص الثانويه والبنات يقول اذا تزوجو كيف ازواجهم هذيك ساعه يعطونهم او كيفهم

الصرامة والانضباط لا تعني بالضرورة أن يرافقها الضرب، هناك قدر من الاحترام ويجب أن نعزز في الطفل العزة بالنفس والثقة، لا الذل والمهانة.

عندي لا يملك الطفل جوال إلى الدخول للجامعة، الايباد متاح في أوقات محددة في إجازة نهاية الأسبوع إذا لم تتعارض مع امتحانات أو تأخر دراسي،

كذلك الكمبيوتر مسموح في نفس أوقات الايباد، ولا بد من وضع ضوابط وخطوط عامة ليعرف الطفل ما المطلوب منه عمله وما هو الخطأ،

ويتم تعزيز الثقة بنفسه وبأنه كبير ويفهم المسؤولية ويستطيع تحملها، ننشئ منه شخص مسؤول يتفهم عواقب الأمور.

من غير ضرب أو تعنيف لا يفهم بعدها كيف يتصرف.

أما الإفراط وترك الطفل يلهو ويلعب كيفما شاء، لا أتوقع منه نتيجة طيبة.

[aloosh]

الصرامة والانضباط لا تعني بالضرورة أن يرافقها الضرب، هناك قدر من الاحترام ويجب أن نعزز في الطفل العزة بالنفس والثقة، لا الذل والمهانة.

عندي لا يملك الطفل جوال إلى الدخول للجامعة، الايباد متاح في أوقات محددة في إجازة نهاية الأسبوع إذا لم تتعارض مع امتحانات أو تأخر دراسي،

كذلك الكمبيوتر مسموح في نفس أوقات الايباد، ولا بد من وضع ضوابط وخطوط عامة ليعرف الطفل ما المطلوب منه عمله وما هو الخطأ،

ويتم تعزيز الثقة بنفسه وبأنه كبير ويفهم المسؤولية ويستطيع تحملها، ننشئ منه شخص مسؤول يتفهم عواقب الأمور.

من غير ضرب أو تعنيف لا يفهم بعدها كيف يتصرف.

أما الإفراط وترك الطفل يلهو ويلعب كيفما شاء، لا أتوقع منه نتيجة طيبة.

كلامك صحيح الضرب ممنوع
والانضباط مطلوب يحاول الواحد قد ما يقدر ان ها الاجهزه وقتها محدود