تأثير المهنة على شخصية رب البيت [الأرشيف] - منتديات شبكة الأسهم القطرية

JN000N

29-03-2015, 02:58 PM

السلام عليكم ورحمة الله وبركاته

,

,

وظيفة الإنسان تؤثر عليه في تصرفاته اليومية (سواء في العمل او في المنزل)

كل وظيفة لها طابع معين يؤثر في طريقة تفكير الفرد وتعامله مع من حوله

العسكري وطريقة تنظيمه لحياته

الاعلامي وانفتاحه على عدة مجالات وتأثير وظيفته على حياءه بشكل عام وجرأته

القاضي ومرور عدة مشاكل عليه اخلاقيه وغيرها وتأثيرها على مسير حياته

وغيرهم من الوظائف التي تتميز بطابع يختلف كليا عن غيرها من الوظائف

بعيدا عن المثالية رجاءا وبعيد كل البعد عن الشخصنة والاتهامات الباطلة
لنرتقي قليلا في طرح المشاركات
وملاحظة: الموضوع له عدة جوانب مع الردود بنطرح المشاكل والامثله ب اذن الله

ودي أكون

29-03-2015, 03:11 PM

نعم وظيفتي اثرت على شخصيتي في البيت.، او بالمعنى الاصح قوتها اكثر.،
من وانا صغيره كان عندي حس الاداره والمسؤوليه بفضل الله اللهم لك الحمد.، وانجربت احياناً اكون ف هالوضع.،

والحمدلله بفضل الله ايضاً شغلي قوى هالشيء اكثر عندي..،
صرت اعرف اقرر، اوزع المسؤوليات، اتحمل النتايج، انسق في المهمام.، اخطط.، الخ

موضوع حلو عزيزتي ..،

sweet qatar

29-03-2015, 03:56 PM

لو بنتكلم عن بيئة العمل .. الي لها تأثير سلبي

اذكر واحد الله يهديه .. وأنا صغيرة كنت استغرب من نظرته للأمور
يراقب كل شي ودائماً يسيء الظن

لما كبرت عرفت من خواته ان بيئة شغله "مستشفي حمد"
وايد أثرت عليه

خلته يشك في كل شي

كنت أفكر لو الله كتب له شغل ثاني ما بيتعب هالكثر في حياته ويتعب مرته وعياله

أستغفر الله.. الله يهدينا ويهديه

المخفي

29-03-2015, 03:59 PM

الموضوع عن رب البيت مب ربة البيت

Charisma

29-03-2015, 04:16 PM

مرحبا اختي جنون ..

موضوع جميل .. واسمحي لي اذكر اربع عناصر تطورت عندي بحكم مهنتي ..

الوقت :

الوقت عنصر مهم في عملي وانعكس هالشيء في محيطي الأسري وحياتي الشخصيه .. فدائما احسب حساب للوقت وتنظيمه واحترام المواعيد وبدقه واحاول ازرع هالشيء في من حولي .. ( غصب :secret: )

التنظيم :

( مجنون ) .. شيء اسمه تنظيم .. في كل الأمور من اكبرها لاصغرها .. مستحيل اترك اي أمر للعشوائيه .. التخطيط المسبق والتنظيم يطغى على كل شيء في حياتي . ( يقولون عقد بعض الأحيان بس شسوي ) :weeping:

المسؤوليه :

اكبر عنصر تطور عندي وغير نظرتي في حياتي الشخصيه ( للأفضل ) .. اصبح هنالك تفكير دائم ومستمر في شتى جوانب الحياه .. وتحليل للمواقف والافعال.. واختيار القرارات السليمه .

ثقافات :

بحكم احتكاكي الدائم مع مختلف الثقافات .. اخذت منها ما يفيدني في حياتي الشخصيه .. وتركت منها مالا يتلائم ..

رهج السنابك

29-03-2015, 04:57 PM

بايلوت هالشي واضح حتى اهني في المنتدى دقيق ومنظم وتحب الشي يطلع كامل حتى بالالوان اللي تستخدمها تحاول تعكس الذوق وفي توقيعك المميز

بالنسبه لي ماتغيرت شخصيتي وايد لكن صرت شوووووي اغصب نفسي على اشياء ماحبها لكن من متطلبات عملي وصرت اتمرن في حياتي الشخصيه عليها مثلا لو مو حابه القعدات والجمعات اغصب نفسي اقول لا روحي واحضري وواجهي الناس لان عملي فيه اجتماعات وايد وكنت اكرهها واكره القعده على طاوله الاجتماعات وماحب اشارك ان قعدت الحين صرت انا الي ادير الاجتماع
لكن تيجيني لحظات ارجع لطبيعتي الحقيقيه ارجع لهدوئي واختفائي عن الاضواء ارجع لصمتي مع كتابي واقول كم امقت اكراه نفسي على تصنع شخصيه مزيفه ليست انا فقط لاتمكن من ان انجح فيها

JN000N

29-03-2015, 09:39 PM

نعم وظيفتي اثرت على شخصيتي في البيت.، او بالمعنى الاصح قوتها اكثر.،
من وانا صغيره كان عندي حس الاداره والمسؤوليه بفضل الله اللهم لك الحمد.، وانجربت احياناً اكون ف هالوضع.،

والحمدلله بفضل الله ايضاً شغلي قوى هالشيء اكثر عندي..،
صرت اعرف اقرر، اوزع المسؤوليات، اتحمل النتايج، انسق في المهمام.، اخطط.، الخ

موضوع حلو عزيزتي ..،

ولكم ودي اكون
صح الوظيفة والاحتكاك بالمجتمع ومصادفه اشكال وانواع الشخصيات اما ان يرفع ثقتنا بنفسنا او انه يضعف من شخصيتنا
والحمدلله ان شخصيتج تاثرت للاحسن
هل ممكن مرورج ب مشاكل او بعد المعوقات ف الدوام تاثر على تصرفاتج ف البيت

Al-Kuwari

29-03-2015, 09:59 PM

قبل ما اشتغل كنت شوي خجول , ماحب اتكلم مع اي حد غريب , ولو في مكان عام انهضم حقي ممكن اسكت

اول وظيفة لي كانت خدمة عملاء في بنك , وبسبب هالوظيفة صرت اجتماعي جداً لدرجة عادي عندي لو كنت فمكان عام انتظر دوري اسولف مع اللي حواليي وافتح مواضيع وسوالف
كذلك صرت اعرف حقوقي واعرف اطالب بها بحكم تعاملي مع عملاء احياناً يكون لهم حق فالبنك ويحاولون ياخذونه , طبعاً قابلت المحترم اللي ياخذ حقه بأدب وقابلت اللي يحاول ياخذ حقه بالصوت وصار عندي خبرة فالتعامل معاهم وتعلمت منهم كذلك كيف اطالب بحقي ولا استحي من المطالبة به

بعد كم سنة ولله الحمد حصلت على بعثة وتغربت بره والغربة كذلك اثرت فيني صرت انسان صبور جداً جداً جداً مع اني ماتخيلت فحياتي اتعلم الصبر لان طول عمري مستعجل وحنان درجة اولى

بشكل عام الانسان بتقدمه في العمر يتأثر اكثر بمحيط عمله والناس اللي يشتغل معاهم ويتعامل معاهم

موضوع جميل جنون , يعطيج العافية

بريق الحق

29-03-2015, 10:15 PM

نفسي ماتغيرت ماهتم للمواضيع التافهه ولا ادقق فيها
اجتماعي لدرجه مادش قسم الا اتعرف على القسم كامل حتى التي بوي علاقتي معاي اخويه
ايام الدراسه اقعد مع مدير القسم لدرجه انه كنت انشب له اذا علينا وماسلم لين ماقام يسلم السلام كامل اذا دش علينا

الجـــوديّ

29-03-2015, 10:26 PM

أنا اشتغلت عدة وظايف واثروا فيني كلهم لدرجة إني ابي اثرهم علي يضعف :(
وظيفتي الأخيرة تخليني اقارن الشبه بين الوجوه وبين الأشياء أو الاختلاف
ودوم أسوي matching في الأمور والأحداث!

هذا تأثير وظيفيتي الحالية علي :shy:
ما أدري إذا هالشي زين وإلا شين
بس خلاني وايد أغوص في بواطن الأمور وما أتعامل معاها بسطحية

الزعفراني

29-03-2015, 10:40 PM

والله ممكن صحيح :)

qatara

29-03-2015, 10:48 PM

لا تفرق نوعية وظيفة الرجل مهما كانت مرهقه ابدا

فالخلل في الاسره ليس من نوعية عمل الرجل

الخلل خروج المرآه عن دورها الفطري

الخلل في تقاسم الادوار قد اصبح مهتز

اين الدور الخارجي للرجل والدور الداخلي للمرأة

كما فطر الانسان عليه

ف

رب الأسرة وربة البيت

والواجب ان يكون البيت مكان راحة الجميع

وخاصه رب الاسره بعد ارهاق العمل

ان تستقبله ربة البيت بما ينسيه ارهاق العمل

لاكن للاسف

صارت خربطه

فقد وضع القطار على سكة السيارة والسيارة على سكة القطار

وتعب الجميع برقم توفر المادة

لان اصبح هناك خلل في الادوار الفطرية الطبيعية

وتدخل بصلاحيات رب الاسرة وكل اللوم كذالك يرمى على رب الاسره هههه

مثل الذي يطبخ وكل يتدخل بطبخه وعند دمار الطبخه من كثرالتدخلات يلام هو

زمان العجايب

بوحارب

29-03-2015, 11:00 PM

انا ووظيفتي ربع وماعرف شنو علاقتي بوظيفتي او شنو تأثير الوظيفة

احب أكون انا المؤثر وليس المؤثَر

شنو وظيفتي !؟

فهمتوا شي :)

Dana’1

29-03-2015, 11:12 PM

^^^
هههههههه

أكثر وظيفه حسيتها تأثر على صاحبها هي العسكريه بصفه عامه...خصوصا مع الطرق المتخذه في تدريباتهم

بريق الحق

29-03-2015, 11:24 PM

^^^
هههههههه

أكثر وظيفه حسيتها تأثر على صاحبها هي العسكريه بصفه عامه...خصوصا مع الطرق المتخذه في تدريباتهم

العسكريه قد تنظم حياة الشخص لانه منظمه ودقيقه
من ناحية التنظيف النوم الاستيقاظ
والسبب في عقوبات مب مثل الدوائر الحكوميه
وتكون عنده تجارب اكثر

اجرام

30-03-2015, 12:04 AM

بخبرتي وعملي بعدة مجالات مختلفه ووظائف مختلفه نعم يوجد تاثير كبير ع سلوك الشخص في البيت وعلى علاقته الاشخاص حوله ومنهج حياته فقد يكون تاثير ايجابي وقد يكون تاثير سلبي في البيت او في المجتمع حوله او حتى ادارته ببعض الامور
هذا ما لاحظته في نفسي

qatara

30-03-2015, 12:04 AM

^^^
هههههههه

أكثر وظيفه حسيتها تأثر على صاحبها هي العسكريه بصفه عامه...خصوصا مع الطرق المتخذه في تدريباتهم

يا اخت ديور هذا مهب منطق

العسكري نظامي والحياه لم نخلق فيها عبط
لابد من ان تنظم ولم نخلق سبهلله

ولم يخلق الله السموات والارض
عبطا ولولا نظام ربع العالمين لفسدت

لاكن الفوضوية من بعضهن تتصادم
مع حياة العسكري بحجة انه شديد

ليش ما تكون هي سائبه لذالك يحصل الصدام

يعني هل العسكريه شي جديد مذ خلقت الدنيا والعسكري
والجندي موجودين الي شذ مدلعات وانتقائيات ومبررات

وبعضهن طالعين لنا فيها عالمات نفس وفي الحقيقة
لو دققنا بعين التجرد والانصاف والحياديه وشرع الله والحق
لوجدناهن افشل من خلق ربي بكل شي سوا المضاهر
اللهم ام لا شماته

sweet qatar

30-03-2015, 12:16 AM

^^^
هههههههه

أكثر وظيفه حسيتها تأثر على صاحبها هي العسكريه بصفه عامه...خصوصا مع الطرق المتخذه في تدريباتهم

صادقة ديور

أكثر الي ابهاتهم في السلك العسكري

تلقين عندهم جفاف عاطفي كبير

علاقتهم بعيالهم جامدة ... انا أتكلم عن نماذج شفتها ولا اعمم

بريق الحق

30-03-2015, 12:38 AM

صادقة ديور

أكثر الي ابهاتهم في السلك العسكري

تلقين عندهم جفاف عاطفي كبير

علاقتهم بعيالهم جامدة ... انا أتكلم عن نماذج شفتها ولا اعمم

صحيح توني قاعد اتذكر الحالات الا من رحم الله

sweet qatar

30-03-2015, 12:53 AM

صحيح توني قاعد اتذكر الحالات الا من رحم الله

اتعاطف معاهم

لأنهم لما كبروا و تقاعدوا تغيرت حياتهم

وعيالهم الي بنوا بينهم حواجز صعب يتواصلون معاهم

قايمين بحقهم في الأمور المادية

لكن مثل الواجب بدون إحساس و مشاعر

متحدث لبق

30-03-2015, 07:35 AM

السلام عليكم ورحمة الله وبركاته

,

,

وظيفة الإنسان تؤثر عليه في تصرفاته اليومية (سواء في العمل او في المنزل)

كل وظيفة لها طابع معين يؤثر في طريقة تفكير الفرد وتعامله مع من حوله

العسكري وطريقة تنظيمه لحياته

الاعلامي وانفتاحه على عدة مجالات وتأثير وظيفته على حياءه بشكل عام وجرأته

القاضي ومرور عدة مشاكل عليه اخلاقيه وغيرها وتأثيرها على مسير حياته

وغيرهم من الوظائف التي تتميز بطابع يختلف كليا عن غيرها من الوظائف

بعيدا عن المثالية رجاءا وبعيد كل البعد عن الشخصنة والاتهامات الباطلة
لنرتقي قليلا في طرح المشاركات
وملاحظة: الموضوع له عدة جوانب مع الردود بنطرح المشاكل والامثله ب اذن الله

والله شخصياً ما أجزم فيها لأن في عدة جوانب لازم نعرفها أولها و أهمها هل الشخص يعمل في بيئة هو اختارها و هل هو سعيد في عمله؟ قد يبدوا ظاهرياً ان الشخص متأثر بعمله لكن الحقيقة انه في بيئة تمثله و تمثل شخصيته بدون تصنّع من جانب آخر هل الشخص هذا سهل التأثير عليه؟ قابلت في حياتي أشخاص يسهل التأثير عليهم بالعامية كلمة توديه و كلمة تجيبه يتأثر بكل شي حواليه فهذا كل ما تغيرت بيئته تغير معاها

أخيراً انا مؤمن بأن القائد الناجح هو من يؤثر على بيئة عمله و ليس العكس فالشخص المخلص المنضبط يجعل كل من حواليه مخلصين و منضبطين ثم يتخلص من الشوائب و الشواذ

R 7 A L

30-03-2015, 07:39 AM

اشتغلت فترة في المنطقة الصناعية
صرت موذي ههههههه
الف على العالم وامسك بريكات في وجيههم ولا اهتم في احد
شغل بلطجه ههههههههههه

ضوى

30-03-2015, 07:54 AM

جنون موضوعج حلو مثلج :shy:

انتي تقصدين انه مهنة الشخص تأثر على حياته في البيت ؟ ، يعني انا مهنتي في المجال الصحي فتلاقيني وايد حريصة اني اقرأ علب الاكل والحلويات ومحتوياتها ومكوناتها واذا ماعرفت شي الجا للنت ، تلاقيني حريصة جدا على صحة عايلتي واوجههم لهالشي ، زوجي عسكري ماشاء الله عليه ماشي بالعسكرية والنظام ، يكره الفوضى وينتقد اي شي مايكون في مكانه ويدقق بكل شي ، من هالمثاليين اللي اسقطتهم على مهنتي انا وزوجي نلاقي انه المهنة تأثر وايد على شخصية راعي وراعية البيت وتأثر على الكل بدون استثناء .

يمكن تكون لي عودة اثناء الحوار والنقاش بهالموضوع

JN000N

30-03-2015, 08:31 AM

لو بنتكلم عن بيئة العمل .. الي لها تأثير سلبي

اذكر واحد الله يهديه .. وأنا صغيرة كنت استغرب من نظرته للأمور
يراقب كل شي ودائماً يسيء الظن

لما كبرت عرفت من خواته ان بيئة شغله "مستشفي حمد"
وايد أثرت عليه

خلته يشك في كل شي

كنت أفكر لو الله كتب له شغل ثاني ما بيتعب هالكثر في حياته ويتعب مرته وعياله

أستغفر الله.. الله يهدينا ويهديه

هلا بسويتي
صح تاثر بشكل سلبي بدرجة ممكن توصل للشك ف اهل بيته
مب شرط بس ف المكان اللي ذكرتيه
وانا اعرف كذا وحده بعضهم انفصلو وبعضهم تمو صابرين على المشاكل
مشكلة في بعض الوظايف تخلي الشخص يتعرض لمواقف صعبة او يشوف مشاكل ثانيه ومن كثر ماتمر عليه يخاف انها تكون ف بيته وهو غافل
ف احتمال مرات يطلع عقدته على اهل بيته لدرجة توصل فيه يحرمهم من الشغل وممنوع التلفون يتسكر بكلمه سريه يفتح تلفون زوجته وينبش فيه ويقرا خصوصياتها مع صديقاتها وممكن توصل فيه انه يوجه لها كلام جارح وكأنها مسويه شي بس لان شاف برا ان في بنات سوو الغلط حكم على الكل انهم نفس الشي

JN000N

30-03-2015, 08:32 AM

الموضوع عن رب البيت مب ربة البيت

الاغلب عن رب البيت
ولكن ما ياثر لو نذكر تاثير الوظيفة على باقي افراد الاسرة

JN000N

30-03-2015, 08:37 AM

مرحبا اختي جنون ..

موضوع جميل .. واسمحي لي اذكر اربع عناصر تطورت عندي بحكم مهنتي ..

الوقت :

الوقت عنصر مهم في عملي وانعكس هالشيء في محيطي الأسري وحياتي الشخصيه .. فدائما احسب حساب للوقت وتنظيمه واحترام المواعيد وبدقه واحاول ازرع هالشيء في من حولي .. ( غصب :secret: )

التنظيم :

( مجنون ) .. شيء اسمه تنظيم .. في كل الأمور من اكبرها لاصغرها .. مستحيل اترك اي أمر للعشوائيه .. التخطيط المسبق والتنظيم يطغى على كل شيء في حياتي . ( يقولون عقد بعض الأحيان بس شسوي ) :weeping:

المسؤوليه :

اكبر عنصر تطور عندي وغير نظرتي في حياتي الشخصيه ( للأفضل ) .. اصبح هنالك تفكير دائم ومستمر في شتى جوانب الحياه .. وتحليل للمواقف والافعال.. واختيار القرارات السليمه .

ثقافات :

بحكم احتكاكي الدائم مع مختلف الثقافات .. اخذت منها ما يفيدني في حياتي الشخصيه .. وتركت منها مالا يتلائم ..

حيالله اخوي بايلت
صح عاد انت وظيفتك غصب طيب تمشيك على المسطره هههههههه
وبالعكس هالشي وايد زين انك تخليك منظم ومرتب ف امور كثيرة ف حياتك ويعني حتى مستقبلا ان شاء الله مع عيالك بيكون نظامك معاهم مرتب وواضح
الاهم انك ماتشد ف البداية ف موضوع التنظيم لان احتمال البيئة الي حولك ماتكون مهيئة لهالنوع من النظام
تعرف معظمنا يمشي على البركة بس
احلى ثلاث نقاط ذكرتهم تنفعك ف مستقبلك وتنظيم بيتك ان شاء الله هم التنظيم والوقت والمسؤولية
وحتى بالنسبة للثقافات الثانية الي تتعرض لها في سفراتك اكيد تتعلم منها اشيا كثيره بس الاهم انك توظف الاشيا الي استفدتها ف حياتك وماتخليها مجرد ذكرى مريت عليها

نوار قطر

30-03-2015, 08:44 AM

هلا جنون بالنسبه لي لا ابد ماثر شغلي على شخصيتي يمكن بحكم اني من قبل لا اشتغل متحمله المسؤوليه واقدر اتصرف بشكل صحيح ف الحمدلله كل شي ماشي وان شالله بطريقه صح

sweet qatar

30-03-2015, 11:07 AM

هلا بسويتي
صح تاثر بشكل سلبي بدرجة ممكن توصل للشك ف اهل بيته
مب شرط بس ف المكان اللي ذكرتيه
وانا اعرف كذا وحده بعضهم انفصلو وبعضهم تمو صابرين على المشاكل
مشكلة في بعض الوظايف تخلي الشخص يتعرض لمواقف صعبة او يشوف مشاكل ثانيه ومن كثر ماتمر عليه يخاف انها تكون ف بيته وهو غافل
ف احتمال مرات يطلع عقدته على اهل بيته لدرجة توصل فيه يحرمهم من الشغل وممنوع التلفون يتسكر بكلمه سريه يفتح تلفون زوجته وينبش فيه ويقرا خصوصياتها مع صديقاتها وممكن توصل فيه انه يوجه لها كلام جارح وكأنها مسويه شي بس لان شاف برا ان في بنات سوو الغلط حكم على الكل انهم نفس الشي

صح كلامج

حتي شخصية الرجل نفسها لها دور

وحدة أعرفها زوجها يشتغل في المحاكم .. تخيلي أنواع البشر الي يمرون عليه

ماشالله هو من النوع الي يضبط نفسه .. مش انفعالي

لكن نظرته للحياة بشكل عام سلبية جدآ

خلقه ضيق أحياناً يعصب علي عياله في الأماكن العامة

يعني يرجع البيت متشبع من الأمور السلبية

في الوقت الي المرة مقبلة علي الحياة و تحضر دورات تربوية وتطبق الي تتعلمه علي عيالها

فعلاً الله يعين الي يشتغلون في مهن إنسانية صعبة

JN000N

30-03-2015, 11:18 AM

بايلوت هالشي واضح حتى اهني في المنتدى دقيق ومنظم وتحب الشي يطلع كامل حتى بالالوان اللي تستخدمها تحاول تعكس الذوق وفي توقيعك المميز

بالنسبه لي ماتغيرت شخصيتي وايد لكن صرت شوووووي اغصب نفسي على اشياء ماحبها لكن من متطلبات عملي وصرت اتمرن في حياتي الشخصيه عليها مثلا لو مو حابه القعدات والجمعات اغصب نفسي اقول لا روحي واحضري وواجهي الناس لان عملي فيه اجتماعات وايد وكنت اكرهها واكره القعده على طاوله الاجتماعات وماحب اشارك ان قعدت الحين صرت انا الي ادير الاجتماع
لكن تيجيني لحظات ارجع لطبيعتي الحقيقيه ارجع لهدوئي واختفائي عن الاضواء ارجع لصمتي مع كتابي واقول كم امقت اكراه نفسي على تصنع شخصيه مزيفه ليست انا فقط لاتمكن من ان انجح فيها

ولكم ارسطو
عطينا امثله ثانيه للاشيا اللي جبرتي نفسج تسوينها؟ وهل ممكن انج تمنعين نفسج عنها؟
بالعكس انتي تمنعين نفسج بالامثله اللي ذكرتيها من انج تكونين شخصية قيادية أهل انها تواجه المشاكل وتحل الامور الصعبه
والشخصية الاجتماعية ماتنجبر النفس عليها ولكن مايصير الواحد يقول ارتياحي اني اعزل نفسي عن العالم الخارجي واقعد ف هدوء واقرا كتاب لان انتي جزء من المجتمع وموظفة ف لازم تكونين اقوى اجتماعيا او على الاقل بدون تصنع
ولا تحطين في بالج انج تكونين بهالشخصيه عشان بس تخلصين بعض الامور وترجعين للعزله لان هالتصرف غلط ومع الوقت بيزيد من انعزالج عن المجتمع ككل وانتي جزء منه! ويمكن يأثر حتى على تعاملج مع الناس وعلى فكرة الاسلوب نفسه يتاثر اذا كان الشخص عازل نفسه او يفضل انفراده على مشاركة المجتمع احداثه فالاولى سلبيا والثانيه ايجابيا

JN000N

30-03-2015, 11:25 AM

قبل ما اشتغل كنت شوي خجول , ماحب اتكلم مع اي حد غريب , ولو في مكان عام انهضم حقي ممكن اسكت

اول وظيفة لي كانت خدمة عملاء في بنك , وبسبب هالوظيفة صرت اجتماعي جداً لدرجة عادي عندي لو كنت فمكان عام انتظر دوري اسولف مع اللي حواليي وافتح مواضيع وسوالف
كذلك صرت اعرف حقوقي واعرف اطالب بها بحكم تعاملي مع عملاء احياناً يكون لهم حق فالبنك ويحاولون ياخذونه , طبعاً قابلت المحترم اللي ياخذ حقه بأدب وقابلت اللي يحاول ياخذ حقه بالصوت وصار عندي خبرة فالتعامل معاهم وتعلمت منهم كذلك كيف اطالب بحقي ولا استحي من المطالبة به

بعد كم سنة ولله الحمد حصلت على بعثة وتغربت بره والغربة كذلك اثرت فيني صرت انسان صبور جداً جداً جداً مع اني ماتخيلت فحياتي اتعلم الصبر لان طول عمري مستعجل وحنان درجة اولى

بشكل عام الانسان بتقدمه في العمر يتأثر اكثر بمحيط عمله والناس اللي يشتغل معاهم ويتعامل معاهم

موضوع جميل جنون , يعطيج العافية

الله يعافيك ومرحبا اخوي الكواري

حلوه المقارنة بين قبل الشغل وبعد الشغل
شلون الوظيفة تصقل شخصية الانسان وتعلمه امور كان ما يتوقع ابدا انه يتعرض لها
كونك كنت ماتقدر تتكلم مع حد غريب وكونك ينهضم حقك وتسكت كان شي سلبي وبياثر عليك لو استمر ولكن بعد الوظيفة لاحظت شخصيتك شلون قوت وصرت تتجرأ تفتح موضوع نقاشي مع اي شخص ممكن تصادفه
عن نفسي ممكن مرات اتصرف تصرف خاطئ لو فكرت اخذ بحقي واندم عليه بس فعلا التعلم من الاخرين ونشوف شلون هم يتصرفون فهالحالات تخلينا نتعلم منهم مرات الصبر والحكمة وعدم التسرع وفالنهاية تاخذ حقك وانت ماتعبت نفسك

وبالنسبة للغربة بديت اشوف هالشي في اخواني ، اللي قبل مايقدرون يتخذون قرارات من نفسهم الحين بعد ما انجبرو وصارو في ويه المدفع بدا كل واحد فيهم تتكون شخصيته من ناحية الصبر والاعتماد عالنفس والمسؤولية

الاهم ان الشخص لما يتعلم هالامور في حياته يقدر يطبقها على نفسه وبيته والمجتمع وما يركنها ف زاوية ويخليها مجرد معلومة تعلمها وبس

تسلم عالرد الراقي يالشيخ

Dana’1

30-03-2015, 11:40 AM

العسكريه قد تنظم حياة الشخص لانه منظمه ودقيقه
من ناحية التنظيف النوم الاستيقاظ
والسبب في عقوبات مب مثل الدوائر الحكوميه
وتكون عنده تجارب اكثر

ممكن صحيح لكن مو كل العساكر مثل ماوصفت بمعنى فيه متسيبين ويتأخرون ويغطون على بعض ..وإن انصادوا طبعا يتحاكم...وفيه أشياء إذا كبرت ممكن يفصل بعد المحاكمه عادي جدا
كل هذا يصير رغم إنهم تدربوا على الإهتمام بالوقت ووو إلخ

عالعموم يوم كتبت العسكريه..ماكنت أقصد في الجانب الإنضباطي...و هذا الجانب إيجابي بلا شك
أقصد بالشخصيه نفسها من عصبيه والغضط العصبي إلي عليهم (الله يعينهم ) .. ومن بعض المبادئ..مثال الغايه تبرر الوسيله إلي أغلب الجنود في كل العالم حاليا يمشون على هالمبدأ في تدريباتهم

وعلى فكره مو كل أقسام العسكريه تدخل ضمن إلي قصدته...ولا كل العساكر بيأثر عليهم سلبا ..شخصيا أعرف ناس من أهلنا رتب وهم على خلق وشخصيات رائعه رغم الشده والإنضباط

بس أنا كتبت بالعموم إن أكثر وظيفه تؤثر على الشخص هي العسكريه

نور الحور

30-03-2015, 11:43 AM

موضوع رااااائع جنون مثل روعة صاحبته :victory:

بصراحة أي موضوع فيه شي يتكلم عن الشخصيات يستهويني بشدددة :shy:

بالنسبة لي أشوف إنه لابد وحتماً فيه تأثير من الوظيفة اللي نمارسها على حياتنا في مختلف مناحيها ..

سواء بشكل مباشر (كالانضباط والجدية الشكلية والسلوكيةعند العسكري)

أو غير مباشر (باكتساب مهارات يمكن تعميمها على طريقة تفاعلنا مع من حولنا وعلى نظرتنا للأمور)

لكن الاختلاف هنا في نسبة تأثيرها بين الناس ..

بعضهم يتأثر بقوة ويصبغ حياته كلها ونظرته لأمور بهذا التأثير ..

وبعضهم تأثرهم ضعيف بطبيعة أعمالهم ..

بالنسبة لي أشوف تأثير هالشي حتى على أعضاء المنتدى ..

وااايد خمنت قطاع وظايفهم وطلعت صح :nice:

أما أنا فتأثير وظيفتي متشعب في كل مجال من مجالات حياتي ..

وفي نظرتي للأمور وحبي للتحليل ورؤية ما وراء الكلمات ..

لكن حبي لتثقيف نفسي وتوسيع آفاقي خلاني أكثر مرونة وفي نفس الوقت أكثر فهماً لتخصصات

علمية ووظيفية أنا ما أمارسها لكني أحبها وأطلع وأفهم فيها مثل علم النفس :shy:

ووفي حياتي الخاصة استفدت وايد وانعكست مهارات وظيفتي علي وعلى اللي حولي وبكلللل شغف :o

Dana’1

30-03-2015, 11:47 AM

يا اخت ديور هذا مهب منطق

العسكري نظامي والحياه لم نخلق فيها عبط
لابد من ان تنظم ولم نخلق سبهلله

ولم يخلق الله السموات والارض
عبطا ولولا نظام ربع العالمين لفسدت

لاكن الفوضوية من بعضهن تتصادم
مع حياة العسكري بحجة انه شديد

ليش ما تكون هي سائبه لذالك يحصل الصدام

يعني هل العسكريه شي جديد مذ خلقت الدنيا والعسكري
والجندي موجودين الي شذ مدلعات وانتقائيات ومبررات

وبعضهن طالعين لنا فيها عالمات نفس وفي الحقيقة
لو دققنا بعين التجرد والانصاف والحياديه وشرع الله والحق
لوجدناهن افشل من خلق ربي بكل شي سوا المضاهر
اللهم ام لا شماته

كتارا أنا ما تطرقت إلى هــو وَ هــي و الإنضباط والنظام ...الكل يحب الإنضباط بكل جوانب حياته الدينيه والدنيويه

أبوي الله يحفظه ماله علاقة بالعسكريه..مع ذالك يحب النظام والترتيب و منضبط بالمواعيد إن كان في مواعيد الصلاة من الفجر وحتى العشاء ماشادلله الله يتمم عليه ...أو الدوام كان يطلع بدري للعمل ..أو حتى بإدارة البيت والشده في موضع واللين فيه مواضع أكثر

ومثل ما رديت على بريق الحق
مو كل العساكر منضبطيين وإن إنضبط غصب عنه بالعمل ما انضبط في الأمور الثانيه ...و طبعا فيه إلي منضبطين في العمل وفي غيرها من جوانب الحياة
الأمور ماهي ثابته

لكن مثل ما ذكرت أكثر وظيفه تؤثر على صاحبها هي العسكريه

Dana’1

30-03-2015, 11:52 AM

صادقة ديور

أكثر الي ابهاتهم في السلك العسكري

تلقين عندهم جفاف عاطفي كبير

علاقتهم بعيالهم جامدة ... انا أتكلم عن نماذج شفتها ولا اعمم

محد فاهمني غيرك ياسويتي ^ـ^
وإنتي قلتي أكثر وهذا يعني مو كلهم كذا*.. أعرف ناس قمه في الحنان والعطف على عيالهم^ـ^

الله يحفظ جنودنا ويخليهم ذخر لدينهم وأوطانهم

sweet qatar

30-03-2015, 12:00 PM

محد فاهمني غيرك ياسويتي ^ـ^
وإنتي قلتي أكثر وهذا يعني مو كلهم كذا*.. أعرف ناس قمه في الحنان والعطف على عيالهم^ـ^

الله يحفظ جنودنا ويخليهم ذخر لدينهم وأوطانهم

آميييييييين

طبعاً مب كلهم مثل ما تفضلتي في ردج المواقع تختلف

هذا غير شخصية الإنسان نفسه لها دور

يمامـة

30-03-2015, 12:55 PM

كتارا أنا ما تطرقت إلى هــو وَ هــي و الإنضباط والنظام ...الكل يحب الإنضباط بكل جوانب حياته الدينيه والدنيويه

أبوي الله يحفظه ماله علاقة بالعسكريه..مع ذالك يحب النظام والترتيب و منضبط بالمواعيد إن كان في مواعيد الصلاة من الفجر وحتى العشاء ماشادلله الله يتمم عليه ...أو الدوام كان يطلع بدري للعمل ..أو حتى بإدارة البيت والشده في موضع واللين فيه مواضع أكثر

ومثل ما رديت على بريق الحق
مو كل العساكر منضبطيين وإن إنضبط غصب عنه بالعمل ما انضبط في الأمور الثانيه ...و طبعا فيه إلي منضبطين في العمل وفي غيرها من جوانب الحياة
الأمور ماهي ثابته

لكن مثل ما ذكرت أكثر وظيفه تؤثر على صاحبها هي العسكريه

حتى بو العيال ماله في العسكرية ويكره شي اسمه عسكرية..

لكنه دقيييق و منظم و مرتب لدرجة خيالية ما شاء الله تبارك الرحمن عليه
ومب عارفة اشلون مستحملني كل هالسنين مع خربشتي وعفيستي و فوضاويتي
لو بقارنها مع ترتيبه.. مسكين حتى ولا واحد من عياله اطلعوا عليه..
وهل عمله له دخل؟
اقول لا.. انه هذا هو طبعه من صغره ..

اما بخصوص التأثير طبعا يكون هناك تأثير للعمل على رب البيت..
ويظهر هالتأثير في شخصيته بنسب متفاوتة..

مختلفة عقليا

30-03-2015, 01:18 PM

السلام عليكم

نعم اكيد لها تاثير كبير .,

انا تغيرت من مهنتي وايد ., صرت اعرف اشلون افتح المواضيع واصكرها عدل .,

واشلون اتحمل الناس واسامحهم ., واتقبلهم كما هم .,

تعلمت بعد احترم الكل ., بغض النظر عن احترامه .,

واخيرا ., عرفت اشلون اتعامل مع الطرف الاخر ., وافرض احترامي .,

الموضوع فنتاستك ., :nice:

ويسلموو

Charisma

30-03-2015, 04:43 PM

بايلوت هالشي واضح حتى اهني في المنتدى دقيق ومنظم وتحب الشي يطلع كامل حتى بالالوان اللي تستخدمها تحاول تعكس الذوق وفي توقيعك المميز

بالنسبه لي ماتغيرت شخصيتي وايد لكن صرت شوووووي اغصب نفسي على اشياء ماحبها لكن من متطلبات عملي وصرت اتمرن في حياتي الشخصيه عليها مثلا لو مو حابه القعدات والجمعات اغصب نفسي اقول لا روحي واحضري وواجهي الناس لان عملي فيه اجتماعات وايد وكنت اكرهها واكره القعده على طاوله الاجتماعات وماحب اشارك ان قعدت الحين صرت انا الي ادير الاجتماع
لكن تيجيني لحظات ارجع لطبيعتي الحقيقيه ارجع لهدوئي واختفائي عن الاضواء ارجع لصمتي مع كتابي واقول كم امقت اكراه نفسي على تصنع شخصيه مزيفه ليست انا فقط لاتمكن من ان انجح فيها

مرحبا اختي ..

دقيقة ملاحظه ماشاءالله .. وشكرا على الأطراء :strong

والله يوفقنا وياكم.

حيالله اخوي بايلت
صح عاد انت وظيفتك غصب طيب تمشيك على المسطره هههههههه
وبالعكس هالشي وايد زين انك تخليك منظم ومرتب ف امور كثيرة ف حياتك ويعني حتى مستقبلا ان شاء الله مع عيالك بيكون نظامك معاهم مرتب وواضح
الاهم انك ماتشد ف البداية ف موضوع التنظيم لان احتمال البيئة الي حولك ماتكون مهيئة لهالنوع من النظام
تعرف معظمنا يمشي على البركة بس
احلى ثلاث نقاط ذكرتهم تنفعك ف مستقبلك وتنظيم بيتك ان شاء الله هم التنظيم والوقت والمسؤولية
وحتى بالنسبة للثقافات الثانية الي تتعرض لها في سفراتك اكيد تتعلم منها اشيا كثيره بس الاهم انك توظف الاشيا الي استفدتها ف حياتك وماتخليها مجرد ذكرى مريت عليها

الله يحييج اختي ..

صدقتي ..والحمدلله على كل حال ..

شكرا على النصائح ابله جنون ;)

qatara

30-03-2015, 07:53 PM

طيب السؤال

ما هو الضرر الذي تسبب به فراغ البيت من ربة البيت

وما تأثير الوظيفة عليها وعلى الاسرة

لا اعتقد تجود ايجابيات على الأسرة نتيجة دخلها
وان حصل فهو قليل اوفي غير مكانه الصحيح

(كماليات)

aloosh

30-03-2015, 10:57 PM

من وجهة نظري ان الشخص العاقل بعد انتها الدوام تنتهي اعمال الوظيفه ويمارس حياته العاديه
واشوف الافضل للاسره واكيف نفسي بمحيط اسرتي وليس تصرفي في العمل

بصمة قطرية

31-03-2015, 12:52 AM

أنا ما أشتغل :(

الجـــوديّ

31-03-2015, 01:16 AM

^

حيهم أصحاب الوظائف الملكية :victory:

متحدث لبق

31-03-2015, 08:05 AM

طيب السؤال

ما هو الضرر الذي تسبب به فراغ البيت من ربة البيت

وما تأثير الوظيفة عليها وعلى الاسرة

لا اعتقد تجود ايجابيات على الأسرة نتيجة دخلها
وان حصل فهو قليل اوفي غير مكانه الصحيح

(كماليات)

ياخوي تراك في كل موضوع تعرج على عمل المرأة خلاص يبا درينا انك ضد عمل المرأة خل كل رب بيت يتخذ القرار اللي يناسبة و كل واحد و قناعته مب غصب السالفة

مهرة

31-03-2015, 09:01 AM

..

اخت جنون طرح متميز ومختلف كُلياً عن جنونج بالأستراحة ..<< يطلع منها

الموضوع حساس ويعانون منه الكثير وعلى الأغلب اكثر الردوود مافهموا صلب الموضوع هو كيف يأثر شغل رب البيت على نفسه وأهله ومحيطه خارج دائرة عمله ..

..

لي رجعه ان شاءالله

JN000N

31-03-2015, 09:14 AM

نفسي ماتغيرت ماهتم للمواضيع التافهه ولا ادقق فيها
اجتماعي لدرجه مادش قسم الا اتعرف على القسم كامل حتى التي بوي علاقتي معاي اخويه
ايام الدراسه اقعد مع مدير القسم لدرجه انه كنت انشب له اذا علينا وماسلم لين ماقام يسلم السلام كامل اذا دش علينا

الوظيفة مع الوقت تأثر اذا كان ارتباطك فيها قوي
سواء على نفسك او في تصرفاتك مع اللي حولك

JN000N

31-03-2015, 09:19 AM

أنا اشتغلت عدة وظايف واثروا فيني كلهم لدرجة إني ابي اثرهم علي يضعف :(
وظيفتي الأخيرة تخليني اقارن الشبه بين الوجوه وبين الأشياء أو الاختلاف
ودوم أسوي matching في الأمور والأحداث!

هذا تأثير وظيفيتي الحالية علي :shy:
ما أدري إذا هالشي زين وإلا شين
بس خلاني وايد أغوص في بواطن الأمور وما أتعامل معاها بسطحية

الاستمرارية تخلي التأثير يزيد ما يقل
وحتى لو غيرتي الشغل ورحتي شغل يختلف كليا بتلاقين نفسج تتبعين نفس الاسلوب بس بزيادة خصائص تكتسبينها من الوظيفة الجديدة
اذا كان التأثير ايجابي بالعكس هاي شي وااااايد زين
وتاثير الوظيفة اذا بس على المثال اللي ذكرتيه ف هذي اقولج حاولي تخففين منها لان مع الوقت هالخاصية بتتعبج بتخليج تربطين كل شي ببعضه وتفسرين امور ماتطري على بال احد
ويمكن مرات نتيجة هالتفسيرات تتضايقين
وتعرفين مرات الواحد افضل له ما يتعمق في كل شي كثرة التعمق متعبة
حتى ف الدين مب اي حد يتعمق تدرين في من تعمقو واااايد وربطو امور غريبة وفالنهاية وصلو للالحاد

وعندي سؤال
الحين تاثير الوظيفة عليج بشكل شخصي هل تأثير هالشي ممكن يوصل لتعاملج مع من حولج ؟

JN000N

31-03-2015, 09:20 AM

والله ممكن صحيح :)

هل تأثرت؟ وهل وصل تأثيرها على تعاملك باللي حولك!

JN000N

31-03-2015, 09:22 AM

لا تفرق نوعية وظيفة الرجل مهما كانت مرهقه ابدا

فالخلل في الاسره ليس من نوعية عمل الرجل

الخلل خروج المرآه عن دورها الفطري

الخلل في تقاسم الادوار قد اصبح مهتز

اين الدور الخارجي للرجل والدور الداخلي للمرأة

كما فطر الانسان عليه

ف

رب الأسرة وربة البيت

والواجب ان يكون البيت مكان راحة الجميع

وخاصه رب الاسره بعد ارهاق العمل

ان تستقبله ربة البيت بما ينسيه ارهاق العمل

لاكن للاسف

صارت خربطه

فقد وضع القطار على سكة السيارة والسيارة على سكة القطار

وتعب الجميع برقم توفر المادة

لان اصبح هناك خلل في الادوار الفطرية الطبيعية

وتدخل بصلاحيات رب الاسرة وكل اللوم كذالك يرمى على رب الاسره هههه

مثل الذي يطبخ وكل يتدخل بطبخه وعند دمار الطبخه من كثرالتدخلات يلام هو

زمان العجايب

معليه اخوي كتارا
ماننكر ان خروج المرأه للعمل له أثر على المجتمع سواء ايجابي في بعض الحالات وسلبي في حالات اخرى
من بيدرس بناتنا لو ماطلعو مدرسات؟
من بيعالج بناتنا لو مافي دكاتره؟
من بينصف بناتنا لو ماكانو في شرطيات؟
من بيمشي جوازاتنا ف المطار بدون ما تنكشف وجيهنا كل مره عند ريال يديد؟

مابي اتناقش ف هالموضوع لانه بيطلع عن مسار الموضوع نفسه
ولكن انت ك رجل تشتغل وزوجتك ربة منزل ما تشتغل وتربي عيالها فالبيت
هل أثرت وظيفتك عليك؟ والتأثير ايجابي او سلبي
تكلم عن نفسك انت لا تتكلم ليش البنات طلعو يشتغلون

JN000N

31-03-2015, 09:24 AM

انا ووظيفتي ربع وماعرف شنو علاقتي بوظيفتي او شنو تأثير الوظيفة

احب أكون انا المؤثر وليس المؤثَر

شنو وظيفتي !؟

فهمتوا شي :)

اي فهمت
صح مرات تكون شخصية الواحد قوية لدرجة ان لما يدخل مكان يثبت حضوره ويكون له تأثير على من حوله
وان شاء الله يكون تاثيره ايجابي
ولكن الوظيفة تعطيك مرات صفات ماكانت تخطر ف بالك ويمكن مع الوقت تاثيرها يوصل لاهل بيتك وتلاقي نفسك ف طريقة تعاملك معاهم بديت تستعمل اساليب يديده تاثرت بها من جو العمل

JN000N

31-03-2015, 09:26 AM

^^^
هههههههه

أكثر وظيفه حسيتها تأثر على صاحبها هي العسكريه بصفه عامه...خصوصا مع الطرق المتخذه في تدريباتهم

ممكن ليش لا
بس مب على الكل
ياما عساكر ماخذو من وظيفتهم غير الاسم
ف تلاقينه ما يعرف من الجدية شي ولا عنده تنظيم وقت ولا شي !
حتى تعامله مع هله تحسينه كأنه ف حياته ما مرت عليه عسكرية وبما ان اغلب جماعتنا عساكر ف اشوف اشكال وانواع ف التعاملات ههههههههههههه

JN000N

31-03-2015, 10:20 AM

العسكريه قد تنظم حياة الشخص لانه منظمه ودقيقه
من ناحية التنظيف النوم الاستيقاظ
والسبب في عقوبات مب مثل الدوائر الحكوميه
وتكون عنده تجارب اكثر

وما يكون التأثير 100 % عالكل
لان وايد عساكر ما خذو من وظايف غير الاسم والراتب هههههههه

JN000N

31-03-2015, 10:21 AM

بخبرتي وعملي بعدة مجالات مختلفه ووظائف مختلفه نعم يوجد تاثير كبير ع سلوك الشخص في البيت وعلى علاقته الاشخاص حوله ومنهج حياته فقد يكون تاثير ايجابي وقد يكون تاثير سلبي في البيت او في المجتمع حوله او حتى ادارته ببعض الامور
هذا ما لاحظته في نفسي

حياك الله اخوي اجرام
وهذا اللي ابي اوصل له
تأثير العمل على شخصية الفرد في تعامله في البيت وفالمجتمع
الاهم مع اهل بيته شلون ممكن يكون تأثير الوظيفة ايجابي او سلبي!؟

sweet qatar

31-03-2015, 11:08 AM

حياك الله اخوي اجرام
وهذا اللي ابي اوصل له
تأثير العمل على شخصية الفرد في تعامله في البيت وفالمجتمع
الاهم مع اهل بيته شلون ممكن يكون تأثير الوظيفة ايجابي او سلبي!؟

مع احترامي لكل الآراء الي أدلوا فيها الأعضاء

مهنة الأب أكثر تأثيراً علي الأسرة ككل

جنون

حاولت أكون إيجابية وأتذكر شي إيجابي للموضوع
لكن للأسف أغلب النماذج الي تطري علي سلبية

بحاول افتش هني وهناك :o

مهرة

31-03-2015, 11:38 AM

..

انا بقولج جنون ممكن يأثر شغله (رب البيت) انه يشوف شغلات مش متعود عليها وقد تكون غير اعتيادية او طبيعية ولا يمكن التساهل فيها فيولد فيه الضغط والشحن السلبي مع مرور الوقت على طول مدة شغله بهذا المجال فلا شعورياً يطبق باقي تأثيرات السلبية من شغله على أهل بيته والمحيطين فيه من خارج العمل ..! فيضعهم دأئماً داخل دائرة الشك ويبحث عن الغلط ويغلط مع عدم وجود الغلط أصلاً ويبرر تصرفاته بأنها عادية وانه يسويها دوم او من دواعي أمنية .!! كيف؟؟ وليش؟. ومن متى؟؟

وبتم علامات الأستفهان تكبر براسه العود وتكثر يتعب نفسه ويتعب الي حوله بيصيدهم الإرهاق وكسرهم بيكون بسهولة والثقة مظلومة والأيجابية معدومة إذا وين الحلقة المفقودة؟

يلا جنون ندورها وترا بنلاقيها :thumbup1:

sweet qatar

31-03-2015, 11:49 AM

^

افتر راسي

ما ظن نلاقيها :(

مهرة

31-03-2015, 11:51 AM

^

افتر راسي

ما ظن نلاقيها :(

انا عندي مازال البحث جاري :victory:

JN000N

31-03-2015, 12:00 PM

يا اخت ديور هذا مهب منطق

العسكري نظامي والحياه لم نخلق فيها عبط
لابد من ان تنظم ولم نخلق سبهلله

ولم يخلق الله السموات والارض
عبطا ولولا نظام ربع العالمين لفسدت

لاكن الفوضوية من بعضهن تتصادم
مع حياة العسكري بحجة انه شديد

ليش ما تكون هي سائبه لذالك يحصل الصدام

يعني هل العسكريه شي جديد مذ خلقت الدنيا والعسكري
والجندي موجودين الي شذ مدلعات وانتقائيات ومبررات

وبعضهن طالعين لنا فيها عالمات نفس وفي الحقيقة
لو دققنا بعين التجرد والانصاف والحياديه وشرع الله والحق
لوجدناهن افشل من خلق ربي بكل شي سوا المضاهر
اللهم ام لا شماته

شدخل :|

وين شطحت الله يهديك
على فكره ياما عساكر معقدين وحريمهم صابرين عليهم شسالفه كتارا
وياما عساكر ماوصل ف وظيفته الا ومرته وراه تدزه وتوجهه وتنصحه
وياما عساكر ماخذو من الوظيفة الا الشده والجفاف والمشاكل السخيفه

شدخل تقلب الغلط على المره ب أي طريقه

احس لو اقولك اثنين شباب عايشين ف البيت بروحهم واحد مات بتقول اكيد مره ذبحته

JN000N

31-03-2015, 12:01 PM

صادقة ديور

أكثر الي ابهاتهم في السلك العسكري

تلقين عندهم جفاف عاطفي كبير

علاقتهم بعيالهم جامدة ... انا أتكلم عن نماذج شفتها ولا اعمم

اشوه عبالي بتعممين
كنت ناويه اقتلج الا شوي

شوفيني خير مثال :shy:

نور الحور

31-03-2015, 12:03 PM

جنوووون الله يعينج على بعض الإسقاطات !!

حاااالات صعبة وسووووو كمومبلكيتد ! :rolleyes2:

JN000N

31-03-2015, 12:05 PM

صحيح توني قاعد اتذكر الحالات الا من رحم الله
يااااااااااالاااااااااااااااا
بتنذبحون

اتعاطف معاهم

لأنهم لما كبروا و تقاعدوا تغيرت حياتهم

وعيالهم الي بنوا بينهم حواجز صعب يتواصلون معاهم

قايمين بحقهم في الأمور المادية

لكن مثل الواجب بدون إحساس و مشاعر
بالعكسسس
يمكن اقولج حنية ابوي اكثر من امي هههههههههههههههههههههههههههههههههههههههههههههه

لا لا صج والله
الاشيا اللي تعلمناها من ابوي الجديه في بعض الامور
النظام
تحمل المسؤولية
حب العمل والانتاج الايجابي
حتى في وظيفتي ماشية على سستم ابوي ف لي قدر وهيبه انفرضت عالكبير قبل الصغير والحمدلله كله من تعليمه وتربيته
بعدين غلاتي انا وخواتي واخواني عند ابوي نشوفها في عيونه
اقولج اذا مرضت يمكن يفز قلبه علي اكثر من امي تخيلي شلون
الله يحفظه يارب ويبعد عنه العين هو شديد وواضح وجاد ف كل شي وحتى معانا بس ما اهمل الجانب العاطفي

ذيب ازغوى

31-03-2015, 12:10 PM

السلام عليكم
نعم الوضيفه توثر على قيم وعادات الموضف والموضوع طويل ولايسعني التحدث به

JN000N

31-03-2015, 12:10 PM

والله شخصياً ما أجزم فيها لأن في عدة جوانب لازم نعرفها أولها و أهمها هل الشخص يعمل في بيئة هو اختارها و هل هو سعيد في عمله؟ قد يبدوا ظاهرياً ان الشخص متأثر بعمله لكن الحقيقة انه في بيئة تمثله و تمثل شخصيته بدون تصنّع من جانب آخر هل الشخص هذا سهل التأثير عليه؟ قابلت في حياتي أشخاص يسهل التأثير عليهم بالعامية كلمة توديه و كلمة تجيبه يتأثر بكل شي حواليه فهذا كل ما تغيرت بيئته تغير معاها

أخيراً انا مؤمن بأن القائد الناجح هو من يؤثر على بيئة عمله و ليس العكس فالشخص المخلص المنضبط يجعل كل من حواليه مخلصين و منضبطين ثم يتخلص من الشوائب و الشواذ

صح ممكن بيئة العمل ماتكون باختياره ولكن مهما كان ف لها تأثير اما بالايجاب او لا
ممكن صج في بعض الحالات الشخص يفصل شخصية العمل عن شخصيته في البيت ولكن لو تلاحظ اما ويطلع في احد تصصرفاته شي يدل على تاثره بالبيئه الي يعمل بها
كلمة توديه وتييبه هذي حتى ف بيئة غير العمل نفس الشي
هذا الركيك يمكن يشتغل في مكان يشوف فيها امور سلبيه وايد ف احتمالية ان يكون سلبي ممكن تكون 80 % او اكثر ومتعب جدا ف التعامل

واتفق معاك بخصوص القائد الناجح لان تأثيره واضح على الفريق

JN000N

31-03-2015, 12:30 PM

اشتغلت فترة في المنطقة الصناعية
صرت موذي ههههههه
الف على العالم وامسك بريكات في وجيههم ولا اهتم في احد
شغل بلطجه ههههههههههه

ههههههههههههههههههههههههههههههههههههههههههههه
انه التفهي يا عالم

المهاجر

31-03-2015, 12:35 PM

العمل اكيد يأثر على الشخص ويخليه يكتسب صفات او اطباع حسب نوع وظيفته

ويختلف التأثير بمدى حبه وارتابطه بهذا العمل

في ناس ما تتاثر كثير لانه ارتابطه بالعمل مش قوي

وفي اللي تلقينه يطبق كل شي على حياته الخاصه

JN000N

01-04-2015, 11:16 AM

جنون موضوعج حلو مثلج :shy:

انتي تقصدين انه مهنة الشخص تأثر على حياته في البيت ؟ ، يعني انا مهنتي في المجال الصحي فتلاقيني وايد حريصة اني اقرأ علب الاكل والحلويات ومحتوياتها ومكوناتها واذا ماعرفت شي الجا للنت ، تلاقيني حريصة جدا على صحة عايلتي واوجههم لهالشي ، زوجي عسكري ماشاء الله عليه ماشي بالعسكرية والنظام ، يكره الفوضى وينتقد اي شي مايكون في مكانه ويدقق بكل شي ، من هالمثاليين اللي اسقطتهم على مهنتي انا وزوجي نلاقي انه المهنة تأثر وايد على شخصية راعي وراعية البيت وتأثر على الكل بدون استثناء .

يمكن تكون لي عودة اثناء الحوار والنقاش بهالموضوع

حيالله الغاليه
اي ضوى اقصد ان الوظيفة مرات يكون لها تأثير واضح ف تصرفات الشخص نفسه على بيته او ف تربيته لابناءه
اي يعني شفتي انتي ف مجال خلاج تدققين ف اشيا انا ماهتم فيها اخذ وامير ولا اقرا ولا شي خخخ
وبالنسبة للعسكري فعلا النظام واضح ف اغلب العساكر بس مب كلهم
في مجموعة خذو من الوظيفة اسمها بس
وفي من تاثر فيها لدرجة اثرها واضح على عياله
يارب مايكون التاثير سلبي اهم شي
وفي انتظار رجعتج للموضوع يالحب

JN000N

01-04-2015, 03:34 PM

هلا جنون بالنسبه لي لا ابد ماثر شغلي على شخصيتي يمكن بحكم اني من قبل لا اشتغل متحمله المسؤوليه واقدر اتصرف بشكل صحيح ف الحمدلله كل شي ماشي وان شالله بطريقه صح

من ناحية المسؤولية ف صح مرات الواحد مايتاثر ب الوظيفه لان هالشي موجود من الاول ويمكن بس بيضيف عليه تقوية هالصفه
ولكن هل في صفات اخرى؟ اكتسبتيها او اثرت عليج[/size][/color][/font]

JN000N

02-04-2015, 04:30 PM

صح كلامج

حتي شخصية الرجل نفسها لها دور

وحدة أعرفها زوجها يشتغل في المحاكم .. تخيلي أنواع البشر الي يمرون عليه

ماشالله هو من النوع الي يضبط نفسه .. مش انفعالي

لكن نظرته للحياة بشكل عام سلبية جدآ

خلقه ضيق أحياناً يعصب علي عياله في الأماكن العامة

يعني يرجع البيت متشبع من الأمور السلبية

في الوقت الي المرة مقبلة علي الحياة و تحضر دورات تربوية وتطبق الي تتعلمه علي عيالها

فعلاً الله يعين الي يشتغلون في مهن إنسانية صعبة

شفتي سويت اللي زوجها ف المحاكم
رفيجتي نفس الشي
تعبت وايد حاولت تفهمه حاولت تركده حاولت تعطيه ثقه مافي فايده
من البلاوي الي شافها صار يشك فيها
حركها من النت وجوالها ماينقفل ماتروح بيت اهلها بروحها يوديها ويتم عندالباب ينطرها تخلص وتطلع يجحد كل معروف تسويه يحاسبها على الريال ولين كشخت له قالها لمن هاي؟ وبين قالت لك ينكر
لين طلعت معاه وضحكت على كلامه ليش جي تضحكين لو سكتت ومشت ساكته ليش ساكته ماتتكلمين لو شنو تسوي خلاص هو كل تصرف منها يفسره انه وراه شي تخفيه
صبرت وايد مب شوي وهو ماخذها صغيره ويابت عيال وبدا مرضه (الشك والبخل) ياثر على عياله هني طلبت الانفصال منه وتعهدت تربي عيالها بدون
الله ياجرها يارب
والمشكله مرات مايكون تاثير بتصرف او عصبيه بس
يكون تاثير العمل في عدة نواحي ف البيت من صرف وشك وكلام واسلوب ونظام معيشه

JN000N

02-04-2015, 04:37 PM

ممكن صحيح لكن مو كل العساكر مثل ماوصفت بمعنى فيه متسيبين ويتأخرون ويغطون على بعض ..وإن انصادوا طبعا يتحاكم...وفيه أشياء إذا كبرت ممكن يفصل بعد المحاكمه عادي جدا
كل هذا يصير رغم إنهم تدربوا على الإهتمام بالوقت ووو إلخ

عالعموم يوم كتبت العسكريه..ماكنت أقصد في الجانب الإنضباطي...و هذا الجانب إيجابي بلا شك
أقصد بالشخصيه نفسها من عصبيه والغضط العصبي إلي عليهم (الله يعينهم ) .. ومن بعض المبادئ..مثال الغايه تبرر الوسيله إلي أغلب الجنود في كل العالم حاليا يمشون على هالمبدأ في تدريباتهم

وعلى فكره مو كل أقسام العسكريه تدخل ضمن إلي قصدته...ولا كل العساكر بيأثر عليهم سلبا ..شخصيا أعرف ناس من أهلنا رتب وهم على خلق وشخصيات رائعه رغم الشده والإنضباط

بس أنا كتبت بالعموم إن أكثر وظيفه تؤثر على الشخص هي العسكريه

صح اكثر وظيفه لها تاثير (ايجابي يمكن) العسكريه
التزام ومسؤوليه ونظام واشيا وايد
ولكن بعد لها سلبيات (الشده مرات والعصبيه)
اتفق معاج في اللي ذكرتيه تماما بخصوص بعض المتسيبين وبخصوص مب كل العساكر يخضعون لكل التدريبات

JN000N

02-04-2015, 04:42 PM

موضوع رااااائع جنون مثل روعة صاحبته :victory:

بصراحة أي موضوع فيه شي يتكلم عن الشخصيات يستهويني بشدددة :shy:

بالنسبة لي أشوف إنه لابد وحتماً فيه تأثير من الوظيفة اللي نمارسها على حياتنا في مختلف مناحيها ..

سواء بشكل مباشر (كالانضباط والجدية الشكلية والسلوكيةعند العسكري)

أو غير مباشر (باكتساب مهارات يمكن تعميمها على طريقة تفاعلنا مع من حولنا وعلى نظرتنا للأمور)

لكن الاختلاف هنا في نسبة تأثيرها بين الناس ..

بعضهم يتأثر بقوة ويصبغ حياته كلها ونظرته لأمور بهذا التأثير ..

وبعضهم تأثرهم ضعيف بطبيعة أعمالهم ..

بالنسبة لي أشوف تأثير هالشي حتى على أعضاء المنتدى ..

وااايد خمنت قطاع وظايفهم وطلعت صح :nice:

أما أنا فتأثير وظيفتي متشعب في كل مجال من مجالات حياتي ..

وفي نظرتي للأمور وحبي للتحليل ورؤية ما وراء الكلمات ..

لكن حبي لتثقيف نفسي وتوسيع آفاقي خلاني أكثر مرونة وفي نفس الوقت أكثر فهماً لتخصصات

علمية ووظيفية أنا ما أمارسها لكني أحبها وأطلع وأفهم فيها مثل علم النفس :shy:

ووفي حياتي الخاصة استفدت وايد وانعكست مهارات وظيفتي علي وعلى اللي حولي وبكلللل شغف :o

حبيبتي نور الروعه ردج ومرورج يالغاليه
لاحظتج وايد تحبين سوالف الفلسفه والشخصيات
شطحه (بما انج تحبين تفهمين وتفسرين ف الشخصيات هل استفدتي من هالمعرفه ف حساتج وتعاملح مع من هم حولج؟)

صح تأثير العمل على شخصية الفرد يختلف من شخص لاخر
حلو تكون الوظيفه لها علاقه ف مجال انتي متقبلته وتحبينه لان تاثيره يكون قوي سواء من الشغل عليج او منج على الشغل
والحمدلله اشوف الايجابيه واضحه في ردج والله يديمها عليج يارب

h9466

02-04-2015, 05:01 PM

موضوع اقل مايقال عنه انه رائع ,,نتمنى ان تكون مواضيع المنتدى بهذا المستوى والجودة حتى يرتقي ونرتقي معه لانه وللاسف في الفترة الاخيرة مستوى المواضيع في هبوط...

JN000N

02-04-2015, 05:21 PM

كتارا أنا ما تطرقت إلى هــو وَ هــي و الإنضباط والنظام ...الكل يحب الإنضباط بكل جوانب حياته الدينيه والدنيويه

أبوي الله يحفظه ماله علاقة بالعسكريه..مع ذالك يحب النظام والترتيب و منضبط بالمواعيد إن كان في مواعيد الصلاة من الفجر وحتى العشاء ماشادلله الله يتمم عليه ...أو الدوام كان يطلع بدري للعمل ..أو حتى بإدارة البيت والشده في موضع واللين فيه مواضع أكثر

ومثل ما رديت على بريق الحق
مو كل العساكر منضبطيين وإن إنضبط غصب عنه بالعمل ما انضبط في الأمور الثانيه ...و طبعا فيه إلي منضبطين في العمل وفي غيرها من جوانب الحياة
الأمور ماهي ثابته

لكن مثل ما ذكرت أكثر وظيفه تؤثر على صاحبها هي العسكريه

:thumbup1::thumbup1::thumbup1:

JN000N

02-04-2015, 05:21 PM

محد فاهمني غيرك ياسويتي ^ـ^
وإنتي قلتي أكثر وهذا يعني مو كلهم كذا*.. أعرف ناس قمه في الحنان والعطف على عيالهم^ـ^

الله يحفظ جنودنا ويخليهم ذخر لدينهم وأوطانهم

امين يارب

JN000N

02-04-2015, 05:24 PM

السلام عليكم

نعم اكيد لها تاثير كبير .,

انا تغيرت من مهنتي وايد ., صرت اعرف اشلون افتح المواضيع واصكرها عدل .,

واشلون اتحمل الناس واسامحهم ., واتقبلهم كما هم .,

تعلمت بعد احترم الكل ., بغض النظر عن احترامه .,

واخيرا ., عرفت اشلون اتعامل مع الطرف الاخر ., وافرض احترامي .,

الموضوع فنتاستك ., :nice:

ويسلموو

عليكم السلام
مجال مهنتج يعرضج للمحاوره دايما ويفتح مواضيع جديده؟
عرفت منج انج تاخذين دورات وايد وتطرحينها
هالدورات اكيد كان لها اثر كبير عليج
الاهم ان تاثير اي وظيفه يكون ايجابي
هل حسيتي ف حد حولج متاثر بوظيفته وبين هالشي ف تعامله معاكم

الجـــوديّ

04-04-2015, 12:23 AM

وعندي سؤال
الحين تاثير الوظيفة عليج بشكل شخصي هل تأثير هالشي ممكن يوصل لتعاملج مع من حولج ؟

بصعوبة وبعد طول تفكير..

وجدت إن التاثير ايجابي الحمدلله لأن تاثير هالوظيفة جاء على نفسي من داخل ..

واصبح تاثيري على من حولي وفي البيت أكثر ..:shy:

لذلك احاسب وايد في كلامي وتصرفاتي معاهم ...

ابيه يكون إيجابي قد ما اقدر وابيهم هم يكون ايجابيين في حياتهم وما أكون سبب لشي سلبي في حياتهم.

qatara

04-04-2015, 12:23 AM

شدخل :|

وين شطحت الله يهديك
على فكره ياما عساكر معقدين وحريمهم صابرين عليهم شسالفه كتارا
وياما عساكر ماوصل ف وظيفته الا ومرته وراه تدزه وتوجهه وتنصحه
وياما عساكر ماخذو من الوظيفة الا الشده والجفاف والمشاكل السخيفه

شدخل تقلب الغلط على المره ب أي طريقه

احس لو اقولك اثنين شباب عايشين ف البيت بروحهم واحد مات بتقول اكيد مره ذبحته

وياما حريم ماتشكر لو عندها لها كامل الاوصاف
لو يكون احسن من طايفتها كلهم
مردها في يوم تكفر العشير

وهل الشي معروف

ان خذت فقير وتزاعلو قالت ليتني خذت غني
وان خذت غني وزعلت قالت ليت خذت فقير مايتفلسف علي
وان خذت متعلم قالت ليتني خذت متوسط التعليم

والله ما يرضيهم شي

الا من خافت الله في نفسها وفي بوعيالها

ومن رحم ربي

qatara

04-04-2015, 12:27 AM

معليه اخوي كتارا
ماننكر ان خروج المرأه للعمل له أثر على المجتمع سواء ايجابي في بعض الحالات وسلبي في حالات اخرى
من بيدرس بناتنا لو ماطلعو مدرسات؟
من بيعالج بناتنا لو مافي دكاتره؟
من بينصف بناتنا لو ماكانو في شرطيات؟
من بيمشي جوازاتنا ف المطار بدون ما تنكشف وجيهنا كل مره عند ريال يديد؟

مابي اتناقش ف هالموضوع لانه بيطلع عن مسار الموضوع نفسه
ولكن انت ك رجل تشتغل وزوجتك ربة منزل ما تشتغل وتربي عيالها فالبيت
هل أثرت وظيفتك عليك؟ والتأثير ايجابي او سلبي
تكلم عن نفسك انت لا تتكلم ليش البنات طلعو يشتغلون

معليه مهب الكل دكتورات الامجتمع والاسره لايحتاج للكل دكوترات والكل مهندسات
نعم ان تكون دكتوه في شوون المراه فقط مش مختلط

نعم تكون مدرسه للبنات فقط مش مختلط حتى ولو مع ابتدائي

طيب ومن هي ربة البيت الخادمه .؟

وهل الله كلفها ببيتها ام تشتغل برع البيت فهل هي مسووله امام الله
عن بيتها و تربية ابنائها ام عن تربية ابناء الناس في المدارس ؟

====

المشكله بعضكم ما تزوجو كانهم متزوجين من ستين سنه
او فشلت بحياتها الزوجيه وتجي تعطينا مقترحات
هي لم تفلح فكيف توجه للصح ويفتون لنا في امور الاسره

وبعضكن تفكر بتفكير الرجل تفكير الرجل يختلف عن تفكير
المراه اختلاف جذري فربي جعل لكل شي طبيعه معينه سبحانه

بوحارب

04-04-2015, 01:30 AM

اي فهمت
صح مرات تكون شخصية الواحد قوية لدرجة ان لما يدخل مكان يثبت حضوره ويكون له تأثير على من حوله
وان شاء الله يكون تاثيره ايجابي
ولكن الوظيفة تعطيك مرات صفات ماكانت تخطر ف بالك ويمكن مع الوقت تاثيرها يوصل لاهل بيتك وتلاقي نفسك ف طريقة تعاملك معاهم بديت تستعمل اساليب يديده تاثرت بها من جو العمل

ييجي والله :con2:

JN000N

05-04-2015, 01:10 PM

صحيح توني قاعد اتذكر الحالات الا من رحم الله

مرحبا اختي ..

دقيقة ملاحظه ماشاءالله .. وشكرا على الأطراء :strong

والله يوفقنا وياكم.

الله يحييج اختي ..

صدقتي ..والحمدلله على كل حال ..

شكرا على النصائح ابله جنون ;)

العفو ولو
خخخخخخخخ

JN000N

05-04-2015, 01:14 PM

طيب السؤال

ما هو الضرر الذي تسبب به فراغ البيت من ربة البيت

وما تأثير الوظيفة عليها وعلى الاسرة

لا اعتقد تجود ايجابيات على الأسرة نتيجة دخلها
وان حصل فهو قليل اوفي غير مكانه الصحيح

(كماليات)

ليش ماتفتح موضوع ب هالخصوص لان حتى لو رديت عليك هني بيتشعب لامور اخرى وبيكبر الموضوع

JN000N

05-04-2015, 01:15 PM

من وجهة نظري ان الشخص العاقل بعد انتها الدوام تنتهي اعمال الوظيفه ويمارس حياته العاديه
واشوف الافضل للاسره واكيف نفسي بمحيط اسرتي وليس تصرفي في العمل
هو فعلا هالشي صح خاصه لو مرات تطغي السلبيه ف العمل
لكن مايمنع ننقل الامور الايجابيه لجو الاسره

أنا ما أشتغل :(
ها تبين تتوظفين؟:telephone:

^

حيهم أصحاب الوظائف الملكية :victory:
صدقتي المره ملكه في بيتها طول ما ريلها مب مقصر معاها

JN000N

05-04-2015, 01:18 PM

..

اخت جنون طرح متميز ومختلف كُلياً عن جنونج بالأستراحة ..<< يطلع منها

الموضوع حساس ويعانون منه الكثير وعلى الأغلب اكثر الردوود مافهموا صلب الموضوع هو كيف يأثر شغل رب البيت على نفسه وأهله ومحيطه خارج دائرة عمله ..

..

لي رجعه ان شاءالله

عادي مره هيك ومره هيك
لازم كله جد يعني :sneaky:
اي لاحظت ان في بعضههم مافهموا المغزى من الموضوع ولكن نقاشهم مازال ف حدود الموضوع نفسه
المهم طولت رجعتج :telephone:

JN000N

05-04-2015, 01:46 PM

مع احترامي لكل الآراء الي أدلوا فيها الأعضاء

مهنة الأب أكثر تأثيراً علي الأسرة ككل

جنون

حاولت أكون إيجابية وأتذكر شي إيجابي للموضوع
لكن للأسف أغلب النماذج الي تطري علي سلبية

بحاول افتش هني وهناك :o

صصصصصح
وهالشي لا غبار عليه
اتفق معاج 100% بخصوص ان تاثير مهنة الاب اكبر على الاسره
معليه حتى لو سلبي ذكريه :(

JN000N

08-04-2015, 08:59 AM

..

انا بقولج جنون ممكن يأثر شغله (رب البيت) انه يشوف شغلات مش متعود عليها وقد تكون غير اعتيادية او طبيعية ولا يمكن التساهل فيها فيولد فيه الضغط والشحن السلبي مع مرور الوقت على طول مدة شغله بهذا المجال فلا شعورياً يطبق باقي تأثيرات السلبية من شغله على أهل بيته والمحيطين فيه من خارج العمل ..! فيضعهم دأئماً داخل دائرة الشك ويبحث عن الغلط ويغلط مع عدم وجود الغلط أصلاً ويبرر تصرفاته بأنها عادية وانه يسويها دوم او من دواعي أمنية .!! كيف؟؟ وليش؟. ومن متى؟؟

وبتم علامات الأستفهان تكبر براسه العود وتكثر يتعب نفسه ويتعب الي حوله بيصيدهم الإرهاق وكسرهم بيكون بسهولة والثقة مظلومة والأيجابية معدومة إذا وين الحلقة المفقودة؟

يلا جنون ندورها وترا بنلاقيها :thumbup1:

اتفق معاج في اللي قلتيه مهره
يعني الاب لو كان في مكان حساس مثلا يتعرض دائما لمشاكل اجتماعية بين الجنسين سواء كانت مشاكل عائلية او غير شرعية مع مرور الوقت هالشي يأثر بقوه على الشخص
اي تصرف يبذر من اهل بيته مشابه لمشكله مرت عليه (ولكن بمجريات واحداث اخرى) ممكن ان يفسر الموضوع بالضبط مثل ما مر عليه من قبل ف يبدأ عادي عادي يشك في أهل بيته
ووصلت في بيوت لحد الطلاق من كثر الشك من الزوج على وجته ووصول مرحلة الشك حتى في عياله في امور بسيطه وسخيفه
تعقيد الامور مب حل وهالشي لازم نلاقي له حل

لما يكون للوظيفة تأثير سلبي على الموظف معناته لازم يكون في جانب نفسي متأثر يحتاج له علاج
ولكن الابتعاد عن الدين تأثيراته اقوى على المدى القريب والبعيد
تتولد امور مرضيه نفسيه سلبيه ف الشخص لو ابتعد عن دينه وماخاف من الله سبحانه

الحلقة المفقودة هي الرجوع الى الله والتوبه وحسن الظن بالاخرين
قال أحد السلف :
لو رأيت أخ لحيته تقطر خمرًا لقلت ربما سكبت عليه
ولو وجدته واقفًا على جبل وقال : أنا ربكم الأعلى لقلت يقرأ الآية
" ما أجمل حسن الظن ”
يقول ابن القيّم :
( والله إن العبد ليصعب عليه معرفة نـيته فـي عمـله ، فكيف يتسلط على نيَّات الخلق )

نوار قطر

08-04-2015, 09:22 AM

من ناحية المسؤولية ف صح مرات الواحد مايتاثر ب الوظيفه لان هالشي موجود من الاول ويمكن بس بيضيف عليه تقوية هالصفه
ولكن هل في صفات اخرى؟ اكتسبتيها او اثرت عليج[/size][/color][/font]

اصرت ضبط اعصابي بشكل كبير مع اني في بيتنا شراره والكل يعرف اني عصبيه بس بحكم شغلي والمكان الي انا فيه طبعا مستحيل اعصب فضبطت اعصابي ومثل مايقولون الحشيمه حق المكان الي انا فيه:nice: بس ماتغييرت شخصيتي فالبيت .. بيتنا كيفي خل اعصب واصرخ :shy:

JN000N

08-04-2015, 09:24 AM

^

افتر راسي

ما ظن نلاقيها :(

انا عندي مازال البحث جاري :victory:

موجوده حصلتها خخخخخ

JN000N

08-04-2015, 09:25 AM

جنوووون الله يعينج على بعض الإسقاطات !!

حاااالات صعبة وسووووو كمومبلكيتد ! :rolleyes2:

حنا عليها من قديم العصر حنا لها :thumbup1::thumbup1:

JN000N

08-04-2015, 09:26 AM

السلام عليكم
نعم الوضيفه توثر على قيم وعادات الموضف والموضوع طويل ولايسعني التحدث به

عليكم السلام
بالعكس ودنا تشاركنا برايك
وتعطينا من تجاربك الشخصيه

JN000N

08-04-2015, 09:32 AM

العمل اكيد يأثر على الشخص ويخليه يكتسب صفات او اطباع حسب نوع وظيفته

ويختلف التأثير بمدى حبه وارتابطه بهذا العمل

في ناس ما تتاثر كثير لانه ارتابطه بالعمل مش قوي

وفي اللي تلقينه يطبق كل شي على حياته الخاصه

مرحبا عمو المهاجر
بالضبط تأثير الوظيفة يعتمد على قوة ارتباط الشخص بالوظيفة
والبعض حتى ولو كان ارتباطه بالوظيفه ضعيف تلاقيه تلقائيا اكتسب بعض الصفات وهو مب حاس بنفسه ويطبقها على اللي حوله