(( مواقف ذوي الاحتياجات الخاصة ))

[@north_star@]

بداية ما أعرف اذا الموضوع مكرر أو لا وهو بالنسبة لمواقف ذوي الاحتياجات الخاصة
كثيرا ما نرى العديد من المواقف الخاصة بذوي الاحتياجات الخاصة مليئة بالمركبات العادية والتي لا تحمل شعار لذوي الاحتياجات الخاصة http://www.majaless.com/up/get-3-2015-bchqm8ie.jpg (http://www.majaless.com/up)

لمجرد أنه الشخص لقى هالموقف ووقف سيارته فيه بكل بساطة وعدم احساس انه هالموقف مخصص لفئة معينة من الناس وعندي اقتراح وهو وضع حاجز الكتروني يفتح ببطاقة ذكية وتوزيع تلك البطاقات على ذوي الاحتياجات الخاصة
وأترك التعليق لكم .

[MirusS]

انا مادري ليش يصفون في مواقف المعاقيين يعني دامها طقت فراسك انك تخالف
صف فوق الرصيف اهون من تصف مكان معاقيين .. انا اجوفها قلة ادب واستلعان :)
بالنسبه لأقتراحك حلو وسهل .. لكن ربعنا همهم وكل تفكيرهم منصب على الرادارات !

[@north_star@]

انا مادري ليش يصفون في مواقف المعاقيين يعني دامها طقت فراسك انك تخالف
صف فوق الرصيف اهون من تصف مكان معاقيين .. انا اجوفها قلة ادب واستلعان :)
بالنسبه لأقتراحك حلو وسهل .. لكن ربعنا همهم وكل تفكيرهم منصب على الرادارات !

صج شي يقهر وللأسف في كثير ناس ما تفرق معاهم المخالفة وشاكر مرورك اخوي Viper

[.قطر.]

انا لو صفيت ف موقف المعوقين ورحت احلى مكان بعد بيحز في خاطري اني واقف غلط وما باستانس :(
وانا مع الاقتراح سواء هو ولا اي اقتراح ثاني يفيد المعوقين :nice:

[Dana’1]

موشرط دائما إذا مافيه ملصق يعني غير مستحق للموقف
مثلا زوجي يستخدم أكثر من سياره والملصق بسياره وحده بس ...فيكتفي بأنه يحط بطاقة ذوي الإحتياجات فوق الطبلون ولا تنشاف عدل !

فأتوقع الحاجز الإلكتروني ممكن يكون حل اذا كان متاح بطريقة مرنه

[@north_star@]

انا لو صفيت ف موقف المعوقين ورحت احلى مكان بعد بيحز في خاطري اني واقف غلط وما باستانس :(
وانا مع الاقتراح سواء هو ولا اي اقتراح ثاني يفيد المعوقين :nice:

أكيد ما راح ترتاح لانك بتكون خذيت شي مب لك ونتمنى تطبيق اي اقتراح يخدم تلك الفئة


موشرط دائما إذا مافيه ملصق يعني غير مستحق للموقف
مثلا زوجي يستخدم أكثر من سياره والملصق بسياره وحده بس ...فيكتفي بأنه يحط بطاقة ذوي الإحتياجات فوق الطبلون ولا تنشاف عدل !

فأتوقع الحاجز الإلكتروني ممكن يكون حل اذا كان متاح بطريقة مرنه

اختي ديور يفضل لو يكون عنده أكثر من بطاقة وتكون واضحة لتفادي المخالفات والله يعطيه الصحة والعافية واظن تطبيق نظام البطاقة الذكية راح يكون سلس جدا

[aloosh]

موشرط دائما إذا مافيه ملصق يعني غير مستحق للموقف
مثلا زوجي يستخدم أكثر من سياره والملصق بسياره وحده بس ...فيكتفي بأنه يحط بطاقة ذوي الإحتياجات فوق الطبلون ولا تنشاف عدل !

فأتوقع الحاجز الإلكتروني ممكن يكون حل اذا كان متاح بطريقة مرنه

الملصق كنسلوه
الحين يتعلق تاخذونه من سياره لسياره

[توشيبا]

انا اشوف ناس توقف في مواقف ذوي الاحتياجات الخاصه ومافيهم الا العافيه

يفر المجمع تفرفر ويطلع

من وين حصل علي الاستيكر او التصريح !

حتى لو كان الموتر حق شخص من اهله طيب هالشخص مب موجود ليه توقف وتستغل الموقف واهو مب مخصص لك !

[Dana’1]

الملصق كنسلوه
الحين يتعلق تاخذونه من سياره لسياره

اي اشوفه بالسيارات الي يتعلق
بس الي عندنا للحين عالقديم..^_^

[Dana’1]

انا اشوف ناس توقف في مواقف ذوي الاحتياجات الخاصه ومافيهم الا العافيه

يفر المجمع تفرفر ويطلع

من وين حصل علي الاستيكر او التصريح !

حتى لو كان الموتر حق شخص من اهله طيب هالشخص مب موجود ليه توقف وتستغل الموقف واهو مب مخصص لك !

الحصول عليه مو سهل لازم فحص طبي وبعده يقرر اذا يعطى أو لا
ومو شرط يكون جالس عالكرسي المتحرك عشان يطلع التصريح
!
بعضهم تشوفه يمشي صحيح لكن ممكن يكون مستعين بشي مثلا وانتو بكرامه جوتي مفصل يخفف من بروز الإعاقه ووضوحها عن المشي
اطراف صناعيه إلى آخره.. وهالشي يخليهم يعانون الم وغيره خصوصا بوضعية السواقه والدعس ويطول وهو كذا

الله يشافي ويعافي الجميع آمين يارب العالمين

[Mohammed2]

من وجهة نظري المفروض يعطى التصريح فقط للي يستخدم كرسي متحرك او عكازات عافانا الله
واللي عنده اطراف صناعيه او احذيه خاصه بس يقدر يمشي، شاللي بيمنعه اذا مشى من الموقف العادي الى المكان اللي يقصده
احين يقدر يتمشى في المجمع مثلاً ساعه او ساعتين ومايقدر يمشي من الموقف العادي الى الباب في دقيقتين؟!

الله يعافي الجميع

[R 7 A L]

المشكلة بعضهم تصرف له البطاقة لكون احد والديه او عياله من ذوي الاحتياجات الخاصة
وهو سليم وفي وقت بروحه ويصف في هالاماكن !

[رجل الجزيرة]

انا اشوف ناس توقف في مواقف ذوي الاحتياجات الخاصه ومافيهم الا العافيه

يفر المجمع تفرفر ويطلع

من وين حصل علي الاستيكر او التصريح !

حتى لو كان الموتر حق شخص من اهله طيب هالشخص مب موجود ليه توقف وتستغل الموقف واهو مب مخصص لك !

خذ رقم مركز قطر لتأهيل المعاقين:

44663232

والمطلوب كما يلي:

1 - كتاب طبي على أن المريض معاق.
2 - البطاقة الشخصية.
3- - البطاقة الصحية.
4 - بطاقة الجمعية نفسها فالجمعية عندها بطاقة خاصة للمعاقين.
وفوق هذا كتاب بيعطونك كتاب رسمي لإدارة المرور في مدينة خليفه ومن هناك تروح للموظف المسئول في إدارة المرور وبيعطيك بطاقة مكتوب إسم الشخص ورقم بطاقته الشخصية على شكل علاقية علشان تآخذها من سيارة لسيارة.

[@north_star@]

يعطيكم العافية جميعا واخوي رجل الجزيرة الف شكر على اضافة المعلومات وبارك الله فيك

[لـبـيـه]

اغلب الي يخالفون في مواقف المعاقين يقولك بس دقيقه اخلص شغله وراد مابيصير شي

اقتراحي اعطاء السيكورتي او الامن في المجمعات بمخالفة السيارات الي تصف مكان المعاقين فقط ركزو على كلمة فقط لا يلعبون بنا السيكيورتيه بس مواقف المعاقين

[المخفي]

يخلون المخالفة 10 الاف بتحصلون نص المرور مسنترين في المواقف :)

[@north_star@]

اغلب الي يخالفون في مواقف المعاقين يقولك بس دقيقه اخلص شغله وراد مابيصير شي

اقتراحي اعطاء السيكورتي او الامن في المجمعات بمخالفة السيارات الي تصف مكان المعاقين فقط ركزو على كلمة فقط لا يلعبون بنا السيكيورتيه بس مواقف المعاقين

المشكلة لو عطيتهم هالصلاحية وخالف واحد بيعطيه بكف لانه ماله هيبة وبيقوله منو انت علشان تخالفني .... والف شكر على الاقتراح

[أم محمد 90]

خلونا نكون واقعيين بعييييييييييييد عن المثالية المصطنعة ف بعض الردود !!

المفروض توفير مواقف اكثر للناس العاديين اكثر من المعاقين يعني في اماكن المواقف للمعاقين بزيادة رغم ان ناااااااااااااااااااااااااااااااااااادر ماراح يجي معاق لهالمكان
لو شفنا الاحصائيات بنشوف ان عدد المعاقين اللي يستخدمون سيارة قليل جداً مقارنة بباقي الناس
يعني خل ناخذ مثال محطة قطر ف دحيل اللي الحين بعد ماعدلوها وضبطوها !
شفتو مواقف المعاقين شكثر قدام المطاعم ؟؟؟!!!!!
يعني محطة مليانة مطاعم وشي طبيعي الناس بتجي توقف تطلب لان المطاعم اصلا مب مالت انزل واقعد ف ليش فوق ال6 مواقف للمعاقين ؟
يعني ماهي احتمالية قدوم 6 معاقين ف نفس الوقت واللحظة لهذا المكان ؟!!


ومثال اخر :
ستاربكس رمادا ,, وجوني روكتس

المواقف محتلينها اصحاب الوكالات بحيث ان خلاص مااااافي مواقف الواحد يوقف وينزل ياخذ قهوه !!

في موقفين للمعاقين قدام الكوفي ؟ واشوف اغلب العالم يوقفون فيها ياخذون قهوتهم ويمشون ماهي احتمالية قدوم معاقين اثنين ف نفس الوقت للقهوه .

الواحد مايجي يتكلم بمثالية زايدة مفروض يفكر بالموضوع من كل جهة .

انا مو معارضة مخالفة اللي يوقف ف موقف معاق ولا اقول انه صح .
ولكن الدولة مفروض توزع المواقف عدل !!!!

[رجل الجزيرة]

يعطيكم العافية جميعا واخوي رجل الجزيرة الف شكر على اضافة المعلومات وبارك الله فيك

تآمر أمر يا باشا، وربي يبارك فيك.
:)

[رجل الجزيرة]

المفروض إن يكون فيه تفيعل لإدارة المرور علشان يخالفون الناس الصاحين إلي إرجيلهم صاحية ومستعملين بطاقات المعاقين أقاربهم ويوقفون في أماكن المعاقين ويصكونهم بمخالفة رادعة.

[يمامـة]

في نقطة بعد مهمة يا اخوي نورث..
في ناس عندهم ملصق سيارة ذوي الاحتياجات الخاصة.. و يستخدمون المكان
وهم اصلا مب معاهم شخص من ذوي الاحتياجات الخاصة..

فاهنيه يتم استغلال الموقف بغير وجه حق..

ومعاك المفروض الواحد ما يصف في مواقف ذوي الاحتياجات الخاصة خالص واصل.

[aloosh]

اي اشوفه بالسيارات الي يتعلق
بس الي عندنا للحين عالقديم..^_^

اخذي الجديد افضل لك لانك مو شرط على سياره وحده وتربط بسياره اللي فيها الملصق

[العقل المدمر]

خلونا نكون واقعيين بعييييييييييييد عن المثالية المصطنعة ف بعض الردود !!

المفروض توفير مواقف اكثر للناس العاديين اكثر من المعاقين يعني في اماكن المواقف للمعاقين بزيادة رغم ان ناااااااااااااااااااااااااااااااااااادر ماراح يجي معاق لهالمكان
لو شفنا الاحصائيات بنشوف ان عدد المعاقين اللي يستخدمون سيارة قليل جداً مقارنة بباقي الناس
يعني خل ناخذ مثال محطة قطر ف دحيل اللي الحين بعد ماعدلوها وضبطوها !
شفتو مواقف المعاقين شكثر قدام المطاعم ؟؟؟!!!!!
يعني محطة مليانة مطاعم وشي طبيعي الناس بتجي توقف تطلب لان المطاعم اصلا مب مالت انزل واقعد ف ليش فوق ال6 مواقف للمعاقين ؟
يعني ماهي احتمالية قدوم 6 معاقين ف نفس الوقت واللحظة لهذا المكان ؟!!


ومثال اخر :
ستاربكس رمادا ,, وجوني روكتس

المواقف محتلينها اصحاب الوكالات بحيث ان خلاص مااااافي مواقف الواحد يوقف وينزل ياخذ قهوه !!

في موقفين للمعاقين قدام الكوفي ؟ واشوف اغلب العالم يوقفون فيها ياخذون قهوتهم ويمشون ماهي احتمالية قدوم معاقين اثنين ف نفس الوقت للقهوه .

الواحد مايجي يتكلم بمثالية زايدة مفروض يفكر بالموضوع من كل جهة .

انا مو معارضة مخالفة اللي يوقف ف موقف معاق ولا اقول انه صح .
ولكن الدولة مفروض توزع المواقف عدل !!!!


100% :nice:
غير اني اشوف الوعي زاد هالايام او الخوف من المخالفات زاد
المهم ماعدت اشوف الناس تخالف مثل قبل :shy: