حلل شخصيتك من خلال وجبتك المفضله *,^

[نفسي عزيزه]

http://www.dohaup.com/up/2015-03-31/admin1858417006.jpg (http://www.dohaup.com/)

هل فكرت يومياً بأن نوع طعامك هو انعكاس لشخصيتك؟ لا تستغرب فهذا ما أكده مجموعة من علماء النفس بأن هناك علاقة وطيدة بين نوعية الوجبة التي تفضلها وبين شخصيتك. قم بتحليل شخصيتك من خلال اختيار وجبة من الوجبات التالية:

البيتزا:
أنت من النوعية التي تهتم بتكوين صداقات، وتحب المشاركة في الرحلات، مبذر بعض الشيء، اجتماعي ، كما أنك تستمتع بالحفلات الساهرة وتسعى اليها، تنظر لكل الأمور نظرة وردية.

السجق:
أنت شخصية مرحة تحب ارتداء الجينز، تتسم بأنك تقوم بعملك على افضل وجه، دقيق في كل شؤنك، مخلص ومحب للجميع، حاسم في قرارتك ولا تجامل أبداً.

البرجر:
أنت دائماً قادر على اتخاذ القرارات الحكيمة، ولديك مقدرة على جمع شمل الأصدقاء وقضاء أوقات سعيدة، تتسم بالأستقامة في تعاملك مع الآخرين، وعادل في معاملاتك وأحكامك، صريح بعض الشئ وهذا ما يزعج الآخرين منك في بعض الأوقات.

الآيس كريم:
أنت شخصية تتصف بالرقة وخفة الظل ويصعب إثارة غضبك، شخصية محبوبة في اطار اسرتك واصدقائك، تهمك مصلحة غيرك وتعمل من أجل الآخرين، أي انك مضحي.

الزبادي المثلج:
تنظر دائماً الى المستقبل، تبحث عن الجديد والمثير ، انك لا تحب الحياة الروتينة، أنت شخصية ايجابية، متفائلة، وتسعى لتكوين قاعده عريضة من الأصدقاء، الصحة والرشاقة من الأمور المهمة في حياتك التي تسعى اليها.

الكيك بأنواعه:
أنت فنان ولديك قدرات ابداعية، لذلك أنت مبدع في عملك ولديك هوايات عديدة وخبرات في كثير من المهارات، مثل الفنون المختلفة كالنحت على الخشب وتنسيق الزهور.

الوجبات الصينية:
أنت شخصية تحيطك هاله من الغموض والسرية، ولديك رغية قوية للتعرف على اسرار وأخبار الآخرين، كما أنك تحب الترحال والسفر الى اماكن جديدة وغريبة، ومن بين مزاياك انك تتسم بالصبر، ومراعاة مشاعر الآخرين.

الأطباق المكسيكية:
الأمور الروتينة تشعرك بالملل وانت شخصية سريعة الأنفعال، تتسم بالحيوية تسعى الى التحدي ، تحب الناس، ولديك رغبه في مساعدة الآخرين، ولكنك قاسي في ردود فعلك بعض الشئ.

قطع الدجاج المقلية:
أنت شخصية تنتمي الى الأسرة بصورة واضحة، تتمسك بالتقاليد القديمة وهذا ما يميزك ،أنت شخصية تسعى لأن تسير الحياة الأسرية في هدوء، تنبذ السرعه، تهتم بالاسترخاء واعطاء الجانب الترفيهي في حياتك حقه.

أياً من الشخصيات أنت؟ شاركنا تحليل شخصيتك وقل لنا بكل صراحة ما هي وجبتك المفضلة؟.. بانتظار مشاركاتكم
:o:o

[شويهينــه]

نفسي عزيزه وين المچبوس والهريس والثريد والساقو والخبيص:shy:

[.قطر.]

فيه كم شي احبه شلون اختار :omen2:

[نفسي عزيزه]

نفسي عزيزه وين المچبوس والهريس والثريد والساقو والخبيص:shy:

اليوم المنيو غربي ومره ثانيه باحط لكم منيو شرقي :shy:

[نفسي عزيزه]

فيه كم شي احبه شلون اختار :omen2:

قول ابله شويهينه شاطره وباعلمك شلون تختار :tease:

[.قطر.]

قول ابله شويهينه شاطره وباعلمك شلون تختار :tease:

ابله شويهينه شاطره <<<< مادري ليش بس قلتها :omen2:
يله علمني :shy:

[JN000N]

والله مادري شقولك
بس احبهم كلهم
واعتبرني اكل الخضر واليابس
وشكرا

[العلياا]

شنو زبادي مثلج :rolleyes2:

[.قطر.]

والله مادري شقولك
بس احبهم كلهم
واعتبرني اكل الخضر واليابس
وشكرا

عشان البرستيج اختاري وحده :omen2:

[JN000N]

شنو زبادي مثلج :rolleyes2:

Frozen yogurt habibi hehehehehe

[JN000N]

عشان البرستيج اختاري وحده :omen2:

حاولت
بس صعبه :(

[العلياا]

Frozen yogurt habibi hehehehehe

حلفي عاد
اي شنو يعني !!

وتعتبر وجبه بعد :rolleyes2:

[JN000N]

حلفي عاد
اي شنو يعني !!

وتعتبر وجبه بعد :rolleyes2:

يعني الاسكريم اللي وجبه ؟؟
ياعلتن ف القلب محدن درا بها

http://i.imgur.com/MYAUAycl.jpg

تريدين عيني؟

[مشـــــاعر]

.


إحترت شنو أختآإر :rolleyes2:
مممممممم بيتزا أو قطع دجاج :shy::shy: ؟؟

بس الدجاج تغلّب ع آإلبيتزا بدرجة خخخخخخخخخخخخخخ :nice:






قطع الدجاج المقلية:
أنت شخصية تنتمي الى الأسرة بصورة واضحة، تتمسك بالتقاليد القديمة وهذا ما يميزك ،أنت شخصية تسعى لأن تسير الحياة الأسرية في هدوء، تنبذ السرعه، تهتم بالاسترخاء واعطاء الجانب الترفيهي في حياتك حقه.

:o:o

[العلياا]

يعني الاسكريم اللي وجبه ؟؟
ياعلتن ف القلب محدن درا بها

http://i.imgur.com/MYAUAycl.jpg

تريدين عيني؟

ههههههههههههههههههههههههه

زين هو ايس كريم ليش حاطين الاثنين ؟؟؟
تحليلك مضروب يا بونفس :omen2:

[مشـــــاعر]

يعني الاسكريم اللي وجبه ؟؟
ياعلتن ف القلب محدن درا بها



تريدين عيني؟

ههههههههههههههههههههههههههه
هههههههههههههههههههههههههههههههههههههه

إي وجبة شحلاته بس لو على جوكليت :nice:

[JN000N]

ههههههههههههههههههههههههه

زين هو ايس كريم ليش حاطين الاثنين ؟؟؟
تحليلك مضروب يا بونفس :omen2:

لا حول ولا قوة الا بالله
ااي
هذي اسكريم بعد بس محمض :)

[شويهينــه]

اليوم المنيو غربي ومره ثانيه باحط لكم منيو شرقي :shy:

مااعترف باكل الغرب حلاته ضرب بالخمس عشان تحس انك كلت :tease:

[العلياا]

لا حول ولا قوة الا بالله
ااي
هذي اسكريم بعد بس محمض :)

شنو يعني محمض :|

لوسمحتي انتي تعرفين قدراتي العقليه :(

[شويهينــه]

قول ابله شويهينه شاطره وباعلمك شلون تختار :tease:

:court::court::court:

[JN000N]

ههههههههههههههههههههههههههه
هههههههههههههههههههههههههههههههههههههه

إي وجبة شحلاته بس لو على جوكليت :nice:

دااااا انتي تؤمري ياااا حقه
http://i.imgur.com/6n1mEEHl.jpg

خودي تغزي دانتي مش عاقباني اليومين دول
هو انتي ماتاكليش والا ايه

[شويهينــه]

شنو يعني محمض :|

لوسمحتي انتي تعرفين قدراتي العقليه :(

العليااا

انت مش انت وانت جوعان:tease:

[JN000N]

شنو يعني محمض :|

لوسمحتي انتي تعرفين قدراتي العقليه :(

شلون اوصف لج معنى محمض

شوفي
خذي روب وعصري فيه لومي وخلطي فيه فراوله وخليه يوم ف الثلاجه لا تزخينه وعقب طلعيه وخل يخمر شوي تحت الشمس عقب ثلجيه وكلي منه
الطعم الي بتذوقينه هو معنى كلمة (محمض)

[العلياا]

العليااا

انت مش انت وانت جوعان:tease:

المشكلة توني ماكله بس مكثره يمكن هذا السبب ::happy:

[JN000N]

العليااا

انت مش انت وانت جوعان:tease:


عيزت وياها
شوفولها حل ياذا الناس

[الحياة الخالدة]

امممممم
أعتقد الوجبات المكسيكية
ولو إني مو مثبتتها شنهي بالضبط
بس مرة رحنا مطعم وكان البوفيه مكسيكي
يمكن أقرب شي حق أكلنا

لكن التحليل ما ينطبق علي :anger1:

ما علينا .. كلام كفار :whistling:

[الحياة الخالدة]

شلون اوصف لج معنى محمض

شوفي
خذي روب وعصري فيه لومي وخلطي فيه فراوله وخليه يوم ف الثلاجه لا تزخينه وعقب طلعيه وخل يخمر شوي تحت الشمس عقب ثلجيه وكلي منه
الطعم الي بتذوقينه هو معنى كلمة (محمض)

العليا
تحملي تاكلين منه
عطي قطوتكم .. وشوفي التأثير عليها قبل
إذا شفتيها عنفشت .. بتعرفين المعنى
و إذا ماتت .. الله سلمج

[توشيبا]

مافي جبوس دجاج يالذيب

[JN000N]

العليا
تحملي تاكلين منه
عطي قطوتكم .. وشوفي التأثير عليها قبل
إذا شفتيها عنفشت .. بتعرفين المعنى
و إذا ماتت .. الله سلمج

خل تذوق بس شفيييج

[العلياا]

شلون اوصف لج معنى محمض

شوفي
خذي روب وعصري فيه لومي وخلطي فيه فراوله وخليه يوم ف الثلاجه لا تزخينه وعقب طلعيه وخل يخمر شوي تحت الشمس عقب ثلجيه وكلي منه
الطعم الي بتذوقينه هو معنى كلمة (محمض)



لومي وفراولة :eek5:

خلاص مابي اعرفه شكرا :)

[العلياا]

العليا
تحملي تاكلين منه
عطي قطوتكم .. وشوفي التأثير عليها قبل
إذا شفتيها عنفشت .. بتعرفين المعنى
و إذا ماتت .. الله سلمج


جيتي فالوقت المناسبه
انقذتيني من هالشريرة :eek3:

[نوفا91]

الكيك بأنواعه:
أنت فنان ولديك قدرات ابداعية، لذلك أنت مبدع في عملك ولديك هوايات عديدة وخبرات في كثير من المهارات، مثل الفنون المختلفة كالنحت على الخشب وتنسيق الزهور.


والله لاعندي فن نحت على الخشب ولاتنسيق الزهور
انا اقول حلل دمي ابي اشوف كم وصل الحديد عندي بلاوجبه مادري باب
:(

[JN000N]

لومي وفراولة :eek5:

خلاص مابي اعرفه شكرا :)

ويفضل اللومي العماني الصغير

[.قطر.]

وينك يانفسي عزيزه :telephone:

[Dana’1]

برجر ومكسيكي (تاكوز)

يبغالنا اسباني يحلل الأمور قد مايقدر .. ويعلمنا جو الأسبان
مع الضب والجربوع ووووإلخ

[بصمة قطرية]

ما أحب الأكلات المذكورة ..
أنا مزاجي
سلطات
ستيك
باستا

[النهار]

والله مادري شقولك
بس احبهم كلهم
واعتبرني اكل الخضر واليابس
وشكرا

:eek5::eek5:

لاوتبي تنزل 6 كليو :nice:

[مشـــــاعر]

وينك يانفسي عزيزه :telephone:

مسكين إنصدم محد رآإضي عن المنيوو إللي مسويه هههههههههههههههه
ههههههههههههههههههه

[رهج السنابك]

ايه صدقت

[.قطر.]

مسكين إنصدم محد رآإضي عن المنيوو إللي مسويه هههههههههههههههه
ههههههههههههههههههه
قالي بيعلمني شلون اختار اذا قلت "ابله شويهينه شاطره"
وقال الوداع هههه :nice:

[JN000N]

:eek5::eek5:

لاوتبي تنزل 6 كليو :nice:

اكو انت يمال الضعفه تاكل مايبين فيه يالعصاقل المصاقل
انا بعد ابي جي
سلفني غدتك اسبوع

[R 7 A L]

احتج وجبتي المفضله غير موجودة :anger1:

[النهار]

اكو انت يمال الضعفه تاكل مايبين فيه يالعصاقل المصاقل
انا بعد ابي جي
سلفني غدتك اسبوع

وحده من البنات طالبه اكل من مطعم الخيمه 600 ريال وقايله له جيب بيبسي دايت :shy:
الفقير جاب بيبسي العادي جان تطنقر :eek5: وتتصل في راعي المطعم وتشرشحه وتقول له الحين يجيب البيبسي الدايت وال اعفس لكم المطعم :weeping:
سألتها مافي داعي داعي تختاضين على الريال كلميه بهدو وهو بيجيب لج
ترد هذي عادته دائما يسوي فينا نفس السواه مهب كفايه اكله ثقيل وكله دهون مشبعه :shy:
يعني بلفيت البيبسي الدايت هو الي الي بيخلصها من السموم :nice:
عادي عادي جنون كلي اي شي ولاتحرمين نفسج من شي بس الله الله بالبيبيسي الدايت

[نفسي عزيزه]

وينك يانفسي عزيزه :telephone:

موجود قريت ردودكم وضحكت هههههههههههه

جنون اختارت كل الوجبات اناشد الاداره الكريمه بقذف جنون بالصحون حتى النوم :(


ابي ارد عليكم جوالي يقلب E بدل الثري جي ومايقتبس عدل انا وين اروح وعليه علي عطوني فلوووس :weeping:

[حـ ن ـيـ ن]

برجر...

[نفسي عزيزه]

احتج وجبتي المفضله غير موجودة :anger1:


الا وهي ؟ عشان ارفرها لك في المنيو الثاني :shy:

[نفسي عزيزه]

اكو انت يمال الضعفه تاكل مايبين فيه يالعصاقل المصاقل
انا بعد ابي جي
سلفني غدتك اسبوع

النهار يشرب ممنوعات ماتشوفينه مايمتن :(

سمعت من ريال ان النهار يشرب سفن اب تخيلي بس لاي درجه وصل :(

[نفسي عزيزه]

برجر...

هالاكله رهيبه احبها ههههه

[نفسي عزيزه]

وحده من البنات طالبه اكل من مطعم الخيمه 600 ريال وقايله له جيب بيبسي دايت :shy:
الفقير جاب بيبسي العادي جان تطنقر :eek5: وتتصل في راعي المطعم وتشرشحه وتقول له الحين يجيب البيبسي الدايت وال اعفس لكم المطعم :weeping:
سألتها مافي داعي داعي تختاضين على الريال كلميه بهدو وهو بيجيب لج
ترد هذي عادته دائما يسوي فينا نفس السواه مهب كفايه اكله ثقيل وكله دهون مشبعه :shy:
يعني بلفيت البيبسي الدايت هو الي الي بيخلصها من السموم :nice:
عادي عادي جنون كلي اي شي ولاتحرمين نفسج من شي بس الله الله بالبيبيسي الدايت

ههههههههههههههههههههههه تكلمها وهي معصبه زين مافترت عليك :taunt::taunt::app:

[نفسي عزيزه]

الكيك بأنواعه:
أنت فنان ولديك قدرات ابداعية، لذلك أنت مبدع في عملك ولديك هوايات عديدة وخبرات في كثير من المهارات، مثل الفنون المختلفة كالنحت على الخشب وتنسيق الزهور.


والله لاعندي فن نحت على الخشب ولاتنسيق الزهور
انا اقول حلل دمي ابي اشوف كم وصل الحديد عندي بلاوجبه مادري باب
:(

عندي باب يحك بالفريم ممكن تصلحينه :tease:

لالالا امزح ههههههه

حتى انتي فيج فقر دم وعليه

عليج بالشمندر او الزبيب او تفاحه وكل شي دخلي معاه برتقاله عشان تمتص الحديد وتستفيدين منه

---> جنه قلبت السالفه صج :eek5:

[نفسي عزيزه]

برجر ومكسيكي (تاكوز)

يبغالنا اسباني يحلل الأمور قد مايقدر .. ويعلمنا جو الأسبان
مع الضب والجربوع ووووإلخ


انا اتوقع الاسبان بيتعلمون على المندي والكبسه :shy:

[نفسي عزيزه]

ما أحب الأكلات المذكورة ..
أنا مزاجي
سلطات
ستيك
باستا


ولا يهمج المنيو الثاني وبنظيف عليه مجابيس بعد :victory:

[نفسي عزيزه]

مسكين إنصدم محد رآإضي عن المنيوو إللي مسويه هههههههههههههههه
ههههههههههههههههههه


انا حاس ان المحاميه مطلعه اشاعه على المنيو من جذي الكل احتج :weeping:

لازم تنسجن هالمحاميه :shy:

وجنون طلبت كل الوجبات والنهار صكها بعين :secret:

[نفسي عزيزه]

ايه صدقت

شكرا شكرا :shy:

[R 7 A L]

الا وهي ؟ عشان ارفرها لك في المنيو الثاني :shy:

كيما جباتي

[نفسي عزيزه]

قالي بيعلمني شلون اختار اذا قلت "ابله شويهينه شاطره"
وقال الوداع هههه :nice:

شفت شلون قصيت عليك :shy:
تتوقع لو انا قدامك شنو نوع العقاب الي راح تعاقبني اياه هل سوف تدزني ام تضربني ام تلمني وتقولي انت الدنيا وكل شجوني واغلى شي ب بوكي يافلوسي :pilot::vampire::happy::oops:

صج ماتعرف تنسخ الكلام جد والله ؟ :telephone:

[نفسي عزيزه]

كيما جباتي

ياخي انت تنحب بصراحه :shy:

اصلا هاي الصح كيما وجباتي حار ومقرمش شوي من التاوه راح يكون تحليل الشخصيه رهيييب جو هندي فضيع مع مزاج عالي انا لازم انزل المنيو الثاني بأقرب وقت

[نفسي عزيزه]

امممممم
أعتقد الوجبات المكسيكية
ولو إني مو مثبتتها شنهي بالضبط
بس مرة رحنا مطعم وكان البوفيه مكسيكي
يمكن أقرب شي حق أكلنا

لكن التحليل ما ينطبق علي :anger1:

ما علينا .. كلام كفار :whistling:

اكلهم كل سبايسي يلعب بالغولون :weeping:
لا مب كفار مشركين :tease:
سوؤال خاص لج يالحياه بشرط تجاوبين بكل صراحه
لو خيروج وقالو لج اختاري افضل وجبتين وافضل عصيرين شنو بتختارين من بين كل هالاطباق بالعالم :)

[نفسي عزيزه]

مافي جبوس دجاج يالذيب

جبووس :omg:

مب منك من كثر ماتقعد مع بوحارب وعماله يركبون الجبس :shy:

توشيبا انت يبيلك برياني لحم وبيكون جوك نيودلهي :telephone:

[نفسي عزيزه]

.


إحترت شنو أختآإر :rolleyes2:
مممممممم بيتزا أو قطع دجاج :shy::shy: ؟؟

بس الدجاج تغلّب ع آإلبيتزا بدرجة خخخخخخخخخخخخخخ :nice:



الديايه ع الفحم تجيج خنينه تنسيج كل همومج تخليج تفكرين بالروب والكاتشب والخبز الايراني الله خلج ع الديايه هذا منيو خصوصي مايعرفون له هذيلا :(

[نفسي عزيزه]

ههههههههههههههههههههههههه

زين هو ايس كريم ليش حاطين الاثنين ؟؟؟
تحليلك مضروب يا بونفس :omen2:

لالالا مب مضروب ارجوكم لاتطعنون بالمنيو :weeping:
انا اتوقع جنون تبي تخسرني زباين ،، العليا اهجري جنون هالبنت مب زينه تاكل اكل حار ومن عاشر قوم 40 يوم صار منهم وعقب بيضرب غولونج وسالفه
خلج مع مشاعر تاكل دجاج مشوي :o:oops:

[JN000N]

وحده من البنات طالبه اكل من مطعم الخيمه 600 ريال وقايله له جيب بيبسي دايت :shy:
الفقير جاب بيبسي العادي جان تطنقر :eek5: وتتصل في راعي المطعم وتشرشحه وتقول له الحين يجيب البيبسي الدايت وال اعفس لكم المطعم :weeping:
سألتها مافي داعي داعي تختاضين على الريال كلميه بهدو وهو بيجيب لج
ترد هذي عادته دائما يسوي فينا نفس السواه مهب كفايه اكله ثقيل وكله دهون مشبعه :shy:
يعني بلفيت البيبسي الدايت هو الي الي بيخلصها من السموم :nice:
عادي عادي جنون كلي اي شي ولاتحرمين نفسج من شي بس الله الله بالبيبيسي الدايت

لا انا ماحب اي شي دايت
يتعبني نفسيا
ف خلني اكل اللي ابي واحس عقبه بتأنيب الضمير وبس

[نفسي عزيزه]

مااعترف باكل الغرب حلاته ضرب بالخمس عشان تحس انك كلت :tease:

شفتي الموضوع الي نزله ولد العرب العيش ولحم :( قاصره هريس وتصير حالة نتحار

ابي مثل ولد العرب وين يسون جذي هههههه

بيصير فيه شي من عيني

المنيو الجاي بنضيف هريس بالشوفان :) يم يم

[Charisma]

تبي الصج يافلان .. توهقت ماعرفت شختار :(

[JN000N]

موجود قريت ردودكم وضحكت هههههههههههه

جنون اختارت كل الوجبات اناشد الاداره الكريمه بقذف جنون بالصحون حتى النوم :(


ابي ارد عليكم جوالي يقلب e بدل الثري جي ومايقتبس عدل انا وين اروح وعليه علي عطوني فلوووس :weeping:

عادي بصدهم بالملاس وبحولهم صوبك
يقلب e لان تلفونك كجره
قطه بحر

[نفسي عزيزه]

ابله شويهينه شاطره <<<< مادري ليش بس قلتها :omen2:
يله علمني :shy:

قول امممممم بوحارب دب :shy:

شكلك بتكرهني :(

ضلل الكلام ونسخه يالذيب مايبيله شي :shy:

[JN000N]

النهار يشرب ممنوعات ماتشوفينه مايمتن :(

سمعت من ريال ان النهار يشرب سفن اب تخيلي بس لاي درجه وصل :(

شدعوه بطنه يمشيه
اتوقع يشرب سفن اب عشان يتم الاكل ف بطنه شوي هالمصعوي

[JN000N]

لالالا مب مضروب ارجوكم لاتطعنون بالمنيو :weeping:
انا اتوقع جنون تبي تخسرني زباين ،، العليا اهجري جنون هالبنت مب زينه تاكل اكل حار ومن عاشر قوم 40 يوم صار منهم وعقب بيضرب غولونج وسالفه
خلج مع مشاعر تاكل دجاج مشوي :o:oops:

والله من وعيت عالدنيا وجفتكم حولي وانا صايدني صايدني القولون
مالت عليكم
الناس تورث عيالها فلوووس خير ذهب اراضي عقارات
وانتو تورثونا قصر نظر وقولون والخوف من الابره

[نفسي عزيزه]

عادي بصدهم بالملاس وبحولهم صوبك
يقلب e لان تلفونك كجره
قطه بحر

تلفوني شفيييييييييييه ههههههه

مادري جنون شصاير حق تلفوني مل يقلب e :(

تخبرين الايفون ثري جي اس الاسود :(

[نفسي عزيزه]

شدعوه بطنه يمشيه
اتوقع يشرب سفن اب عشان يتم الاكل ف بطنه شوي هالمصعوي


لا

سفن اب النهار بالاعشاب :telephone: هههههه ماتشوفينه خضر

[نفسي عزيزه]

والله من وعيت عالدنيا وجفتكم حولي وانا صايدني صايدني القولون
مالت عليكم
الناس تورث عيالها فلوووس خير ذهب اراضي عقارات
وانتو تورثونا قصر نظر وقولون والخوف من الابره

رد عيايز هذا ههههههههههههههههههههههههههههههه حسبي الله ع بليسج

بالظبط 100 بالميه كلامج هههههههه

[نفسي عزيزه]

شنو زبادي مثلج :rolleyes2:


عسكريم يعني :o

[JN000N]

تلفوني شفيييييييييييه ههههههه

مادري جنون شصاير حق تلفوني مل يقلب e :(

تخبرين الايفون ثري جي اس الاسود :(

اقوى ايفون مزل ذاك
الباقي خرابيط
ارسال ماميش يالطيب

[نفسي عزيزه]

اي والله ياجنون كان شي مميز وفخم حتى مسكته هيبه وفي وقته

[R 7 A L]

ياخي انت تنحب بصراحه :shy:

اصلا هاي الصح كيما وجباتي حار ومقرمش شوي من التاوه راح يكون تحليل الشخصيه رهيييب جو هندي فضيع مع مزاج عالي انا لازم انزل المنيو الثاني بأقرب وقت

يسعدلي جوك ياشيخ :nice:








النهار
راحت عليك
احس بتجيك عين حاره :weeping:

[.قطر.]

موجود قريت ردودكم وضحكت هههههههههههه

جنون اختارت كل الوجبات اناشد الاداره الكريمه بقذف جنون بالصحون حتى النوم :(


ابي ارد عليكم جوالي يقلب E بدل الثري جي ومايقتبس عدل انا وين اروح وعليه علي عطوني فلوووس :weeping:
شهالجوال تعرف كمبيوتر بوصخر ؟
انت عندك جوال بوصخر:tease:


شفت شلون قصيت عليك :shy:
تتوقع لو انا قدامك شنو نوع العقاب الي راح تعاقبني اياه هل سوف تدزني ام تضربني ام تلمني وتقولي انت الدنيا وكل شجوني واغلى شي ب بوكي يافلوسي :pilot::vampire::happy::oops:

صج ماتعرف تنسخ الكلام جد والله ؟ :telephone:
العقوبات ستكون على جميع ماذكر اعلاه مافي رحمه:tease:
:

[.قطر.]

قول امممممم بوحارب دب :shy:

شكلك بتكرهني :(

ضلل الكلام ونسخه يالذيب مايبيله شي :shy:

ههههههههههه
اقصد يعني في كم اكله احبها اشلون اختار :omen2:

[بوحارب]

قطع الدجاج المقلية

شخصية تنتمي الى الأسرة بصورة واضحة، تتمسك بالتقاليد القديمة وهذا ما يميزك ،أنت شخصية تسعى لأن تسير الحياة الأسرية في هدوء، تنبذ السرعه، تهتم بالاسترخاء واعطاء الجانب الترفيهي في حياتك حقه.


اخف عليك ولا باقي شوي :)

[نور الحور]

امبيييييه ..

طلع صج في تحليل بناء على الوجبة المفضلة !

نفسك عزيزة .. صراحة كفو .. كنت عند وعدك

شكلي بطلب لبن العصفور مرة ثانية :shy:

[نفسي عزيزه]

شهالجوال تعرف كمبيوتر بوصخر ؟
انت عندك جوال بوصخر:tease:


العقوبات ستكون على جميع ماذكر اعلاه مافي رحمه:tease:
:

انا صغير مالحقت ع الصخر :(

لحقت على الاتاري الي كنه قير سياره بس :shy:

اكتلك والله :(

[نفسي عزيزه]

ههههههههههه
اقصد يعني في كم اكله احبها اشلون اختار :omen2:

سو قرعه :secret:

[.قطر.]

انا صغير مالحقت ع الصخر :(

لحقت على الاتاري الي كنه قير سياره بس :shy:

اكتلك والله :(

انا اللي بكتلك هيجي ذبح :tease:
المهم باختار اي شي دامك سحبت علي :(

[نفسي عزيزه]

قطع الدجاج المقلية

شخصية تنتمي الى الأسرة بصورة واضحة، تتمسك بالتقاليد القديمة وهذا ما يميزك ،أنت شخصية تسعى لأن تسير الحياة الأسرية في هدوء، تنبذ السرعه، تهتم بالاسترخاء واعطاء الجانب الترفيهي في حياتك حقه.


اخف عليك ولا باقي شوي :)

هههههههههههههههههههههههههههه

انا اتوقع يبيلك كلوب دجاج سبشل من معصرة الناصريه :shy:

مواصفاتك عاليه ماشاء الله جوده في قطع الدجاج ممكن اتعرف عليك :telephone: وتعزمني ع حسابك

[نفسي عزيزه]

انا اللي بكتلك هيجي ذبح :tease:
المهم باختار اي شي دامك سحبت علي :(


ماسحبت عليك انت حبي ومستقبل غيري :shy:

تدري ايفون واكون اسوق ماثبت مرات :weeping:

اذا كل الاكلات تحبها فأنت رجل خطير ويجب تجنبك لاخذ الحيطه والحذر منك :)

[.قطر.]

شوف انا اخترت هاي
ليش تسحب علي :(


مشخول دجاج:
شخص مشخص تشخيصه اشخاص مشخصين تشاخيص مشخوصه

[نفسي عزيزه]

امبيييييه ..

طلع صج في تحليل بناء على الوجبة المفضلة !

نفسك عزيزة .. صراحة كفو .. كنت عند وعدك

شكلي بطلب لبن العصفور مرة ثانية :shy:


كفوج الطيب وحاظرين :shy:

[.قطر.]

ماسحبت عليك انت حبي ومستقبل غيري :shy:

تدري ايفون واكون اسوق ماثبت مرات :weeping:

اذا كل الاكلات تحبها فأنت رجل خطير ويجب تجنبك لاخذ الحيطه والحذر منك :)
:shy:
ذبحتنا مع جوالك ذي :omen2:
لا خلاص اخترت :nice:

[.قطر.]

سو قرعه :secret:

:secret: