استخدم الإضاءة لعمل أجواء رومانسيه لمنزلك

[حمد 2002]

السلام عليكم ورحمه الله وبركاته

الإضاءة وعلاقتها بالرومانسيه

الإضاءة = اليتات .. منها الشديد ممم شديد السطوع ومنها المتوسطه ومنها الخفيفه ..

وطبعا الخفيفه هي التي ترتبط بالرومانسيه وتضفي على المكان أجواء رومانسيه هادئه ..

قديما الناس كانوا ايحطون عند النوم بغرفتهم ليت يسمى بليت النوم وهاليت قد يكون وردي أو اخضر وووو وهلم جرة ..

ممم القدماء كانوا رومانسين ربما عن قصد أو غير قصد !!! ، لأننا قد نكون رومانسين ونحن لانقصد ذلك ، أي أنه الرومانسيه قد تأتي عن طريق الصدفة احياننا ..

والآن البعض يستخدم الابجوره خفيفة الإضاءة عند النوم أو ينير جزء من الغرفه باضاءه خفيفه جدا وذلك لاضافه أجواء رومانسيه هادئه !! ، لأن الرومانسيه دائما مرتبطة بالهدوء !! ..

وبامكانك أن تجعل كل أرجاء بيتك هادئة ورومانسية من خلال لعبك بالاضاءه! !! ..


مع التحيه ..

[بصمة قطرية]

انزين و بعدين احس الموضوع كأنه معلومات عن الإضاءة ..
شلون لازم تكون مشاركتي ..!

[JN000N]

زين احنا مشغولين بالعضو اليديد شتبي انت داش عشان تشتت انتباهنا مثلا؟
روح ارقد يلا ماعندنا رياييل متزوجين يسهرون هالحزه ف المنتدى

[بريق الحق]

خذ لك سراج ياحمد بدال الليتات توفير لانه الليتات تستهلك طاقه وراح تخسر قطر
فنصيحتي وفر واذا تبي تنور الحوش عليك انك تشب الضو في حطب فالسعوديه مايطلع دخان اخذه احسن لك عشان ماتلوث بيئة قطر وتكون سبب في ثقب الاوزون وتسبب مشاكل حق اهل قطر
شكرا

[Charisma]

اخر الليل تاتيك الـ..............................؟


بالضبط :)

[JN000N]

اخر الليل تاتيك الـ..............................؟

بالضبط :)

شنو قول
الينانوه والا الشياطين والا الاباليس المبلسه

[.قطر.]

ماعليك منهم اللي يحطون ليت نوم ولا ابجوره هذيلا يخافون ينامون ف الظلام :tease:

[white bird]

مب رومانسية بس الأضاءة الخفيفة تحسسني بالهدوؤ
بعكس القوية أحس وايد أزعاج و ناس معاي و لو أني بروحي
< بِسْم الله :(

هههههههههههه يعطيك العافية حمد ..

[MirusS]

ياخي انت لك كاريزما خاصه ورهيبه
بالرغم ان مواضيعك خاليه من الفايده بس أنا أتقبلها لأنها منك :shy:

[نوفا91]

^ النقد البناء


:)

[حليتان*]

انا ما احب الضوء يسندرني

كله مطفي الليتات وقاعد بس عندي حركه فالبيت ليت نفس الليد خفيف جدا اقدر اتحكم فيه بالايباد اتحكم باللون وقوة اليت والزوايه الي اشغلها واسكرها

ووقت النوم لازم المكان ظلاااام خرمس حتى فيش الكهربه الي فيها لمبه اسكرهم بشلوشن والمكييييييف ع low وشخررررري

[نور الحور]

رومانسية سمك لبن تمر هندي ههههههههههههه

يلا .. الله يعين ..

من لم يكن رومانسياً فليترمنس :omen2:

[ولد العرب]

:rolleyes2:

[بوحارب]

:looking::funny:

[بومحمد المطاوعه]

http://store2.up-00.com/Apr13/3vy96912.jpg

[بوحارب]

^


هههههههههههههه

مشكلة المعاريس الجدد :happy:

[sweet qatar]

تري ماشفت رومانسية بالموضوع غير إنك غصب طيب تحط هالكلمة في كل سطر


كرهت الرومانسية خلاص .. :(

[khaldoon]

انا اقول اشلون حمد قدر يكتب 8 سطور مره وحده طلع الموضوع كوبي بيست........ بس حتى مش كامل ولا له بداية ولا نهاية

حمد احييك .....و اهنيك بالزواج الجديد.....الحين انصحك اترك المنتدى و خلك بالاجواء الرومانسية احسنلك و ارجعلنا بعد سنتين و الا ايش رأيك

[sweet qatar]

انا اقول اشلون حمد قدر يكتب 8 سطور مره وحده طلع الموضوع كوبي بيست........ بس حتى مش كامل ولا له بداية ولا نهاية

حمد احييك .....و اهنيك بالزواج الجديد.....الحين انصحك اترك المنتدى و خلك بالاجواء الرومانسية احسنلك و ارجعلنا بعد سنتين و الا ايش رأيك

ماظن حمد يصبر عن المنتدي

هو موجود 24 ساعة .. بطريقة او بأخري :o

[khaldoon]

ماظن حمد يصبر عن المنتدي

هو موجود 24 ساعة .. بطريقة او بأخري :o




اممم .... يعني ما في مجال نقنعه....طيب نروح للخطه ب

حمد ما تفهمني غلط بس تاخذ كم و تتوقف عن الكتابه في الاستراحه:telephone:

[نفسي عزيزه]

منشن حسن @شموضوع حمد :(

[عثرة جواد]

السلام عليكم


تصدق حمد انا جربت اسوي زاوية ف غرفتي حق الريلكس

عجيبة وكل اسبوع اغير شي بسيط شموع ملونه او اضائة خافته

تحس مشاعرك تتجدد واعصابك ترتخي

اشكرك يالمعرس الرمنسي

لامسات حانية