:::...من فينا مايحب...بس!!...:::

[The Master]

92470






اتحب!! من فينا مايحب، حب الام الاب الاخ الاخت الابن والابنة…وانوسع النطاق شوي ويكون للاصدقاء…ويحلى اكثر ويكون للعشيقة…اممم…لاتفهموني غلط…ف العشيقة تصلح للأثنين، الزوجة او غير الزوجة…لما اتحب البنت اتكون عشيقة لانك تعشقها واتموت في دباديبها…كانت زوجة او غيرها…بس لحظة لحظة…ليه احس انكم مب امركزين معاي…لما قلت عشيقة حسيت ان كل واحد سرح…امممم مو غلط…وهذا شي طبيعي…ف الانسان مايقدر يعيش بدون حب…ف الحب يبني ويرسخ العادات السليمة والصحيحة للمجتمع…بس هذا مو موضوعنا…



الزواج…احتمالين يا انه جنة او قرادة…وفي احتمال ثالث وهو الرمادي انك اتكون عايش بس مب عايش…يعني اسم متزوج وفعل غير متزوج…يعني صحيح انك عالاوراق متزوج…لكن مجرد شي رسمي او انكون واضحين اكثر وهو رخصة اتجيب عيال بطريقة

شرعية فقط…يعني لو قعدته مع زوجته بروحهم ف الصالة بتسمع صوت شخير صرصور الليل…

وهذا هو موضوعنا…


ع ايام الشيبان والاوليين…كانت اغلب حياتهم ف البحر او البحث عن الرزق…والزوجة تهتم بالبيت واتقوم فيه واتربي العيال…ف قليل اتحصل بينهم اي تواصل او تشيت تشات يعني محادثة…بناء ع طبيعة حياتهم الصعبة…ورغم ذلك اتحصل منهم من كان عاشق لزوجته وعايش قصة حب ماتنتهي…ومن القصص القديمة الكثير…

لكن في وقتنا الحالي…اتشوف اغلب الشباب يعيش اتعس وقته مع زوجته او ف البيت…ودوم اتحصله ف المجالس او القهاوي او يسافر مع ربعه…يرفه عن نفسه ويبتعد عن بيته…وتلقاه يدور اي مشكلة او زلة عشان يتهاوش او يطلع من البيت…

تسأله عسى ماشر يابوفلان؟!…يقول ماتوفقت ف الزواج…والحمدلله ع كل حال…طيب هل هي مضايقتك؟ يقول لا…هل هي ماتقوم بواجبها اتجاهك؟! يقول لا…طيب شسالفة؟ قال ياخي مافي سوالف بينا…شلون؟ يعني لما انا افتح مواضيع هي ماعندها خلفية عنها!…مثل وشو؟ قال ماتعرف شي عن المواتر!!

من فترة سألت سؤال لمجموعة من الشباب وكان كالتالي

’هل تفضل تطلع تتعشى مع زوجتك بروحكم ولا مع عيالكم؟ وليش؟

طبعا في كم واحد قال بروحنا والسبب مايبغي ازعاج اليهال، وهو اغلب وقته مع الجوال…

ومنهم الحبّيبة…يقول انا ادور اي فرصة عشان اطلع مع زوجتي…اذا انت فاضي باقط عيالي عندك …

اما الأغلبية اجاباتهم كانت طبعا مع عيالنا، والسبب ان لو قعدت انا وياها بروحنا مافي مواضيع نتكلم فيها وبنتملل، ف وجود اليهال يسلينا!!

..

بالنسبة لوجهة نظري

محد ينكر ان هناك ظروف تتحكم بالعلاقات بين الأشخاص…وهناك توافق بين البشر

وحديث الرسول عليه الصلاة والسلام

(الأرواح جنود مجندة، ما تعارف منها ائتلف، وما تنافر منها اختلف)

ودام انكم للحين مع بعض ف هذا يعني ان في بينكم علاقة وجذب…

ف هذا لايعني انك توقف مكتوف الايدي واتقول هذا نصيبي!

لازم تبذل جهد واتفكر واتدور حل…

اولاً : لانك انسان وتحتاج لصحبة اتشاركك افراحك واحزانك…تستانس معاك لفرحت واتخفف عنك لحزنت

ثانيا: عيالكم…بديهي بيتأثرون بعلاقتك مع امهم…ف كل ماكانت علاقتكم اكثر ترابط وحب وتفاهم …بيكون اسهل لكم ف التربية…ويخرج لكم جيل سليم نفسيا ومتماسك ومترابط…

وهذا كله بينفعكم ف المستقبل…ويطرح البركة ف عيالكم…

بعكس اللي كل يوم هواش مع زوجته ومتزاعلين دوم ومافي اي علاقة ود بينهم وهذا تأثيره جدا سلبي عالطفل واكثر سوء ف التأثير من اللي فاقد احد ابويه…

ثالثا…ماتبغي اتعيش سعيد؟ مستانس؟ ترجع البيت وانت مشتاق اتشوف طلة زوجتك وابتسامتها؟؟

كل هالامور لازم اتكون دافع لك تبذل جهد وتسعى انك تكسر الحاجز اللي انبنى بينك وبين زوجتك…

وأكون صريح معاك…المشكلة فيك انت…اغلب الشباب تربى وعاش ع هذا الاسلوب من الحياة…يعني لو ترجع كم سنة من حياته…قبل لايتزوج…تلقاه دوم مع ربعه…وهياته…ومجالس وغيره…يعني امه وخواته يشوفونه وقت الاكل…او النوم…وباقي حياته بره البيت…

وهذي مشكلة مجتمعنا الخليجي…والمشكلة ف ازدياد…قبل كانت الهياته مقصورة عالشباب…اما الحين ف صارت للشباب والبنات…وهذا الامر بتكون عواقبه وخيمة ف المستقبل اذا ماتداركناها…

ف انت لازم اتغير من اسلوب حياتك…افتح مواضيع اتهمها واتشد انتباهها…يا اخي صدقني انت خلها تفتح حلجها مرة صدقني ماراح اتسكره…بس انت عطها مجال وبتدعي لي…قلت بتدعي لي مب علي…

من الآخر…

اذا تبغي اتعيش حياتك سعيد…اتخذ زوجتك صديقتك…

الموضوع لمن يهمه الأمر…ولناس يهمني امرهم جدا جدا جدا…

[ضوى]

حلم والا علم ؟؟؟

على فكرة ماقرأت الموضوع بس شدني الاسم جدا
عوداً حميداً

لي عودة ان شاء الله

[R 7 A L]

:eek5:
من وين طالع


:anger1:
وين هالغيبه يالقبطان يالكابتن

،


بوحسن ذكرت لنا الاسباب وخلني اقول ما انتبهت للحلول
ممكن تذكرها لنا منفردة فضلاً لا امراً :shy:

[The Master]

حلم والا علم ؟؟؟

على فكرة ماقرأت الموضوع بس شدني الاسم جدا
عوداً حميداً

لي عودة ان شاء الله

بلحمه ودمه...

يامرحبا بك...

[The Master]

:eek5:
من وين طالع


:anger1:
وين هالغيبه يالقبطان يالكابتن

،


بوحسن ذكرت لنا الاسباب وخلني اقول ما انتبهت للحلول
ممكن تذكرها لنا منفردة فضلاً لا امراً :shy:

للحين انت موجود ؟؟
يلا حيهم...

الموضوع عرض حالة وتنبيه وتفكر مع الذات...
اخر سطر ي الشيخ...

موجودين ف هالدنيا...ترحال يا رحال

[عثرة جواد]

السلام عليكم

موضوع جدا رااائع واسلوب رااقي

بقولك قصة "

اعرف وحدة تزوجت زواج تقليدي كانت سعيدة بزواج وجابت 3 من العيال

وكان موضوع زوجها يحيرها لانه كان سيريس وياها لابعد الحدوديعني كانت تفتقد الحب والحنان

تقول " يوم سالته وكنت واايد منفعله واصارخ ليش تعاملني بهل قسوة وهااي الجفاء حد جابرك

تقول كان الجواب سهم ف قلبي ....ااي انا مجبور اخذج انا كنت ع علاقة بوحده وكنت ابي اتزوجها

لاكن الكل وقف ضدي وخطبوج لي .....تقول مت اصياح وتميت مصدومه ماعرف اتصرف والا اعرف شاقول

بعد الهدو الي صار قال لها انا سعيد معاج ومع عيالي لاكن مشاعري ماقدر اتحكم فيها .

قال الرسول (ما رأيت للمتحابين خيرا من النكاح)..

عساك ع القوة

[الزعفراني]

اييييييييييييييييييه الحب عذاب ياخالي :)

[يمامـة]

مراحب يا ذا ماستر.. واهلا بك و بموضوعك..

القضية اللي ذكرتها موجودة في الكثير من العلاقات ما بين الزوجين..

نصايحك مهمة للي من اعماقه يبحث عن التغيير وتبديل هالمشكلة..

وشكرا ..

[The Master]

السلام عليكم

موضوع جدا رااائع واسلوب رااقي

بقولك قصة "

اعرف وحدة تزوجت زواج تقليدي كانت سعيدة بزواج وجابت 3 من العيال

وكان موضوع زوجها يحيرها لانه كان سيريس وياها لابعد الحدوديعني كانت تفتقد الحب والحنان

تقول " يوم سالته وكنت واايد منفعله واصارخ ليش تعاملني بهل قسوة وهااي الجفاء حد جابرك

تقول كان الجواب سهم ف قلبي ....ااي انا مجبور اخذج انا كنت ع علاقة بوحده وكنت ابي اتزوجها

لاكن الكل وقف ضدي وخطبوج لي .....تقول مت اصياح وتميت مصدومه ماعرف اتصرف والا اعرف شاقول

بعد الهدو الي صار قال لها انا سعيد معاج ومع عيالي لاكن مشاعري ماقدر اتحكم فيها .

قال الرسول (ما رأيت للمتحابين خيرا من النكاح)..

عساك ع القوة


وعليكم السلام

الله يقوييك يارب...مشكور عالمداخلة...

يامرحبا بك

[عثرة جواد]

وعليكم السلام

الله يقوييك يارب...مشكور عالمداخلة...

يامرحبا بك


هههههه

وياااك اختك عثرة جواد

[بشائر]

أهنيك على أسلوبك المميز ..
موضوع تغلب عليه العامية إلا أنني أجده يخفي تحت سطورة لغة فصحى قوية ..
وكم أُسر بقراءة مواضيع لأشخاص بمثل هذا المستوى ..
لا شك ستكون لي جولة على مواضيعك السابقة بإذن الله ..
أسأل الله لك التوفيق ..



92470



اذا تبغي اتعيش حياتك سعيد…اتخذ زوجتك صديقتك…

…

من فينا ما يحب .. بس ..

والعلة وراء ( بس ) هذه ..
الصداقة بين الزوجين لا تأتي في يوم وليلة أو متى ما احتجت لها ستكون.. بل لا بد من أن يعد لها العدة مسبقا ..
ومازالت العلاقة في مهدها .. صفحة بيضاء لم يعكر صفوها مشكلات الحياة الزوجية الجديدة ..
يقول المثل الشعبي ( وزوجك على ما عودتيه ) وأشوفه بعد ( وزوجتك على ما عودتها ) ..
من يبحث عن هذا الأمر حقا وتهمه تكوين علاقة صداقة بينه وبين شريك حياته عليه أن يؤسس لذلك منذ بداية تفكيره بالزواج لا بعده ..
الأصدقاء الحقيقيون ..يحبون ..يقدرون .. يثقون ..يعذرون .. يتغافلون .. ويحترمون المساحات الخاصة لكل منهما ..

وفقك الله ..

[The Master]

مراحب يا ذا ماستر.. واهلا بك و بموضوعك..

القضية اللي ذكرتها موجودة في الكثير من العلاقات ما بين الزوجين..

نصايحك مهمة للي من اعماقه يبحث عن التغيير وتبديل هالمشكلة..

وشكرا ..


مرحب باقي
تشكر عالمرور ومن طيبك...

اهم شي الفكرة توصل...ومثل ماقلت الباقي عالشخص نفسه...

[المهاجر]

ياهلا بالماستر منور ياخوي

ومن طول الغيبات جاب الغنايم

اشكرك على طرح هالموضوع المهم جداً جداً جداً

سبق واني طرحت موضوع عن صداقة الزوج لزوجته

وانا مؤيد لكل كلمه قلتها وكل حرف

في ناس ماعندهم سالفه يهمل زوجته وما يلتفت لها ويعتقد انها سبب في ضيقته ويمكن تعاسته

وتلقاه يروح يحط له قيرل فرند صديقه او يمكن يسمها حبيبه

يتوهم ان عندها الحب اللي يحتاجه وانها هي اللي فاهمته وهي اللي تعرف شنهو يبي وشنهو يسعده

لكنه بكل صراحه هذا غبي وغبي لأبعد الحدود

لأن السعاده الحقيقيه عنده في بيته عند ام عياله اللي شايلته وصاينته وتحبه بصدق

بس هو غافل وخلني اقول انه غبي

لو قرب من زوجته وعطاها ربع اللي يعطيه عشيقته بيشوف العجب العجاب منها

بيعرف معنى السعاده الحقيقيه اللي راح تستمر معاه طول عمره

بس هو يبتدي ويحط المفتاح بالمحرك ويشغله ويخلي الباقي عليها

ان ما شاف شي ما يتخيله لك اللي تبي

الحياه علمتنا والقصص اللي نسمعها خلتنا نعرف معنى الحياة الزوجيه وشلون نتمسك بالزوجه الصالحه اللي ما تنام الا وهي تدعي لك

احنا مشكلتنا ان عايشين بجمود كالحجر في بيوتنا وبرع بيوتنا نصير شعراء رومانسين كل الكلمات الحلوه العذبه انعرفها ونقولها بدون خجل

وفي البيت صم بكم مانقول حتى كلمة حبيبتي اللي هي مفتاح قلب الزوجه

انا اشكرك من قلبي على طرح هالموضوع وعساه يخلي المشاعر تتحرك لدى الكثير من الازواج الصامتون في البيوت

الشعراء الرومانسيون خارج البيوت

تحياتي وتقديري لك وعودا حميداً

[الجـــوديّ]

أحييك على المستوى العالي من فهم الحياة المشتركة

أعتقد أنه القبول ثم القبول ثم القبول بكل الحسنات والمساوئ له دور كبير في التفاهم ومد حبال التقارب الفكري والنفسي ومن ثم عقد عرى الصداقة

[الزعفراني]

عجبني مصطلح ( عرى الصداقه ) .. حبيت الضمه اللي ع العين :)

[Charisma]

مرحبا اخوي الماستر .. ( منور المنتدى ) ..

تسلسل جميل لطرحك .. استمتعت بالقراءه .. وبكل اختصار .. ( خيركم .. خيركم لأهله )

الرجوله كل الرجوله .. ان تحتوي من هم حولك ( اسرتك ) .. فهم الملاذ وهم الرفقه الباقيه ..




https://www.youtube.com/watch?v=cUItysR7TGs

[ودي أكون]

عجبتني صورة السحليه اللي ضام لورقه في اول الموضوع وهو متكي عالغصن

[pink pearl]

الصراحة نمط الحياة تغير كثير عن قبل، وخصوصاً مع شغل الزوجة والدوام الطووويل وصار الواحد يالله يحصل كم ساعة يقعد فيها مع الأهل والعيال..
ومن الناحية الثانية الجوالات والبرامج صارت هبة هالأيام وكل وحد مشغول مع تلفونه حتى لو كان الزوجين مع بعض..
فعلاً التواصل قل كثير عن قبل حتى بين الزوجين وحتى لمة الأهل على الغداء صار معدوم..
الطلعات مع الربع والمخيمات والفرفرة في المقاهي خذت أوقات شبابنا وقليل ما يكون تواجدهم مع الزوجة أو العيال

جزاك الله خير على الموضوع لكن أنا أشوف أكثر من سبب قاعد يأثر على حب الزوجين

[العقل المدمر]

للأسف رغم إن الزواج شراكة
نلقى الزوجين يشاركون بعض كل شي الا الاهتمام
الشراكة مب بس عيال وفلوس وبيت واحد
اكثر مايقرب الزوجين ان يشاركون بعض فالاهتمامات
واللي مايعرف لازم يتعلم ويتقرب من اهتمام الثاني ويشاركه
مب يصير حق كل واحد عالمه وجوه الخاص ويتمللون من بعضهم

[مهرة]

..


للأمانه ماقريت الطرح بالكامل ولكن مجهود طيب تشكر عليه ..


لا يبوح الورد بإحتياجه للماء ,, إما أن يسقى أو يموت بهدوء*

القلوب الرقيقة مظلومة دائماً ,, لأنها أسرع من يفتح الأبواب

أن رأيت انسانا عشق الوحدة ,, فأعلم أنه تحمل أكثر من اللازم

حكمتين احفظهم لمواجهة هذة الحياة ,,

*وأنت في قمة الغضب لا تتخذ قراراً
*وأنت في قمة السعادة لا تعطي وعداً


موفقين ان شاءالله ..

[الحياة الخالدة]

ما دام صاحب الموضوع هو الماستر
فالأكيد أنه ممتـــــــع و له نكهــــــة مميزة
لم لا .. و صاحبه من الأقلام المميزة

ولكم بااااااك
ولي عودة بإذن الله

[MirusS]

مشكور عالطرح الجميل
صدقت .. والمشكله قد تكون في نظرتهم لبعض .. لازم ماتكون ظاهريه وبشكل سحطي
لازم تكون بشكل أعمق وطبعا كثرة الحديث بينهم والاحترام بتخلق الالفه والمحبه وبتجعلهم يفهمون بعض تماما

[الحياة الخالدة]

و نرد للموضوع مرة ثانية

أعتقد المسؤوليات اللي تكبر يومياً .. و تصير عبء على الطرفين .. تلعب دور كبير في ضياع مظاهر الحب والرومانسية بين الأزواج

طبعاً المبدأ الأساسي إنهم يحبون بعض .. و إن العلاقة اللي ربطتهم .. علاقة مودة و رحمــــــة .. و بمرور السنين تتحول تدريجياً عند البعض إلى مجرد تقدير للعشرة ( إذا صح التعبير )

البعض لا يحب الالتزام .. وهذا الالتزام أساس الحياة الزوجيـــــــة
كلا الطرفين ملزم بالآخر .. و ملزم برعاية الأطفال و تربيتهم .. و ملزم بالقيام بشؤون البيت

وعندما يبحث أحدهما عن الراحة و الاسترخاء .. فمن الطبيعي و المشروع أن يحدث ذلك مع شريك حياته
لكن للأسف .. يخطئ البعض و يضل الطريق .. فيبحث عن راحته الوهمية .. مع طرف آخر .. يعفيـــــه من كل الالتزامات .. و يدخل معه عالم ثاني بعيد عن صيحة العيال .. و طلبات البيت .. و متطلبات شريك الحياة

[The Master]

هههههه

وياااك اختك عثرة جواد

والنعم فيك...والسموحة العتب ع النظر

[The Master]

أهنيك على أسلوبك المميز ..
موضوع تغلب عليه العامية إلا أنني أجده يخفي تحت سطورة لغة فصحى قوية ..
وكم أُسر بقراءة مواضيع لأشخاص بمثل هذا المستوى ..
لا شك ستكون لي جولة على مواضيعك السابقة بإذن الله ..
أسأل الله لك التوفيق ..




من فينا ما يحب .. بس ..

والعلة وراء ( بس ) هذه ..
الصداقة بين الزوجين لا تأتي في يوم وليلة أو متى ما احتجت لها ستكون.. بل لا بد من أن يعد لها العدة مسبقا ..
ومازالت العلاقة في مهدها .. صفحة بيضاء لم يعكر صفوها مشكلات الحياة الزوجية الجديدة ..
يقول المثل الشعبي ( وزوجك على ما عودتيه ) وأشوفه بعد ( وزوجتك على ما عودتها ) ..
من يبحث عن هذا الأمر حقا وتهمه تكوين علاقة صداقة بينه وبين شريك حياته عليه أن يؤسس لذلك منذ بداية تفكيره بالزواج لا بعده ..
الأصدقاء الحقيقيون ..يحبون ..يقدرون .. يثقون ..يعذرون .. يتغافلون .. ويحترمون المساحات الخاصة لكل منهما ..

وفقك الله ..


وانا اهنيك ع الاسلوب الراقي ف الرد والمشاركة...
اتمنى تعجبك باقي المواضيع اللي طرحتها سابقا...ك اللي اعجبتك هنا...واتشرف برأيك فيها...

وشكرا ع الاضافة...اتفق معاك فيها...

[The Master]

ياهلا بالماستر منور ياخوي

ومن طول الغيبات جاب الغنايم

اشكرك على طرح هالموضوع المهم جداً جداً جداً

سبق واني طرحت موضوع عن صداقة الزوج لزوجته

وانا مؤيد لكل كلمه قلتها وكل حرف

في ناس ماعندهم سالفه يهمل زوجته وما يلتفت لها ويعتقد انها سبب في ضيقته ويمكن تعاسته

وتلقاه يروح يحط له قيرل فرند صديقه او يمكن يسمها حبيبه

يتوهم ان عندها الحب اللي يحتاجه وانها هي اللي فاهمته وهي اللي تعرف شنهو يبي وشنهو يسعده

لكنه بكل صراحه هذا غبي وغبي لأبعد الحدود

لأن السعاده الحقيقيه عنده في بيته عند ام عياله اللي شايلته وصاينته وتحبه بصدق

بس هو غافل وخلني اقول انه غبي

لو قرب من زوجته وعطاها ربع اللي يعطيه عشيقته بيشوف العجب العجاب منها

بيعرف معنى السعاده الحقيقيه اللي راح تستمر معاه طول عمره

بس هو يبتدي ويحط المفتاح بالمحرك ويشغله ويخلي الباقي عليها

ان ما شاف شي ما يتخيله لك اللي تبي

الحياه علمتنا والقصص اللي نسمعها خلتنا نعرف معنى الحياة الزوجيه وشلون نتمسك بالزوجه الصالحه اللي ما تنام الا وهي تدعي لك

احنا مشكلتنا ان عايشين بجمود كالحجر في بيوتنا وبرع بيوتنا نصير شعراء رومانسين كل الكلمات الحلوه العذبه انعرفها ونقولها بدون خجل

وفي البيت صم بكم مانقول حتى كلمة حبيبتي اللي هي مفتاح قلب الزوجه

انا اشكرك من قلبي على طرح هالموضوع وعساه يخلي المشاعر تتحرك لدى الكثير من الازواج الصامتون في البيوت

الشعراء الرومانسيون خارج البيوت

تحياتي وتقديري لك وعودا حميداً


حياك الله المهاجر...وتشكر عالاضافة...
لاهنت






أحييك على المستوى العالي من فهم الحياة المشتركة

أعتقد أنه القبول ثم القبول ثم القبول بكل الحسنات والمساوئ له دور كبير في التفاهم ومد حبال التقارب الفكري والنفسي ومن ثم عقد عرى الصداقة


حاضرين طال عمرك...وعادك ماشفت شي...





مرحبا اخوي الماستر .. ( منور المنتدى ) ..

تسلسل جميل لطرحك .. استمتعت بالقراءه .. وبكل اختصار .. ( خيركم .. خيركم لأهله )

الرجوله كل الرجوله .. ان تحتوي من هم حولك ( اسرتك ) .. فهم الملاذ وهم الرفقه الباقيه ..





https://www.youtube.com/watch?v=cUItysR7TGs

امرحب باقي... وتشكل ع حضورك...وصادق...




عجبتني صورة السحليه اللي ضام لورقه في اول الموضوع وهو متكي عالغصن


تراه يعض...



الصراحة نمط الحياة تغير كثير عن قبل، وخصوصاً مع شغل الزوجة والدوام الطووويل وصار الواحد يالله يحصل كم ساعة يقعد فيها مع الأهل والعيال..
ومن الناحية الثانية الجوالات والبرامج صارت هبة هالأيام وكل وحد مشغول مع تلفونه حتى لو كان الزوجين مع بعض..
فعلاً التواصل قل كثير عن قبل حتى بين الزوجين وحتى لمة الأهل على الغداء صار معدوم..
الطلعات مع الربع والمخيمات والفرفرة في المقاهي خذت أوقات شبابنا وقليل ما يكون تواجدهم مع الزوجة أو العيال

جزاك الله خير على الموضوع لكن أنا أشوف أكثر من سبب قاعد يأثر على حب الزوجين


كلام جميل،،،وواقع مر...ويحتاج ل حلول وتغيير...من اجل المستقبل...

ويجزاك يارب...والشكر لك ع رايك الكريم...






للأسف رغم إن الزواج شراكة
نلقى الزوجين يشاركون بعض كل شي الا الاهتمام
الشراكة مب بس عيال وفلوس وبيت واحد
اكثر مايقرب الزوجين ان يشاركون بعض فالاهتمامات
واللي مايعرف لازم يتعلم ويتقرب من اهتمام الثاني ويشاركه
مب يصير حق كل واحد عالمه وجوه الخاص ويتمللون من بعضهم


حيالله العقل المدمر...الاسم لوحده يخوف...
اتفق مع كلامك...ولازم الواحد يتغير من اجل الطرف الاخر...مب غلط ولا بعيب...





..


للأمانه ماقريت الطرح بالكامل ولكن مجهود طيب تشكر عليه ..


لا يبوح الورد بإحتياجه للماء ,, إما أن يسقى أو يموت بهدوء*

القلوب الرقيقة مظلومة دائماً ,, لأنها أسرع من يفتح الأبواب

أن رأيت انسانا عشق الوحدة ,, فأعلم أنه تحمل أكثر من اللازم

حكمتين احفظهم لمواجهة هذة الحياة ,,

*وأنت في قمة الغضب لا تتخذ قراراً
*وأنت في قمة السعادة لا تعطي وعداً


موفقين ان شاءالله ..

نعم نعم...صح الله لسانك...

[The Master]

ما دام صاحب الموضوع هو الماستر
فالأكيد أنه ممتـــــــع و له نكهــــــة مميزة
لم لا .. و صاحبه من الأقلام المميزة

ولكم بااااااك
ولي عودة بإذن الله

ماعليك زود...يا الحياة الطيبة...
حياك اي وقت...المكان مكانك...

[The Master]

مشكور عالطرح الجميل
صدقت .. والمشكله قد تكون في نظرتهم لبعض .. لازم ماتكون ظاهريه وبشكل سحطي
لازم تكون بشكل أعمق وطبعا كثرة الحديث بينهم والاحترام بتخلق الالفه والمحبه وبتجعلهم يفهمون بعض تماما

العفو...وانت الاجمل...وكلامك برغم اختصاره لكن لخص فكرتي بسهولة...تشكر

[The Master]

و نرد للموضوع مرة ثانية

أعتقد المسؤوليات اللي تكبر يومياً .. و تصير عبء على الطرفين .. تلعب دور كبير في ضياع مظاهر الحب والرومانسية بين الأزواج

طبعاً المبدأ الأساسي إنهم يحبون بعض .. و إن العلاقة اللي ربطتهم .. علاقة مودة و رحمــــــة .. و بمرور السنين تتحول تدريجياً عند البعض إلى مجرد تقدير للعشرة ( إذا صح التعبير )

البعض لا يحب الالتزام .. وهذا الالتزام أساس الحياة الزوجيـــــــة
كلا الطرفين ملزم بالآخر .. و ملزم برعاية الأطفال و تربيتهم .. و ملزم بالقيام بشؤون البيت

وعندما يبحث أحدهما عن الراحة و الاسترخاء .. فمن الطبيعي و المشروع أن يحدث ذلك مع شريك حياته
لكن للأسف .. يخطئ البعض و يضل الطريق .. فيبحث عن راحته الوهمية .. مع طرف آخر .. يعفيـــــه من كل الالتزامات .. و يدخل معه عالم ثاني بعيد عن صيحة العيال .. و طلبات البيت .. و متطلبات شريك الحياة

يامرحباب ك دائما وابدا…
كلام جدا جميل وواضح انه من تجارب الحيا.…
عساك عالقوة واشكرك ع مداخلتك الجميلة..
والسموحة عالتأخير…

[طلعة الروح]

الزواج مؤسسه فاشله مهما شفنا زيجات ناجحه حولنا ومثمره
كيف يدخل الواحد في مؤسسه غير مضمونة نتايجها خصوصا اذا بنعتمد ع نظام الزواج التقليدي الغبي.

[رهج السنابك]

الزواج التقليدي ليس غبي وياما زواج تقليدي ابتدا معاه الحب من ليلة توقيع العقد
يعني مب بالضروره يكون الحب والمعرفه قبل الزواج عشان نقول بينجح زواجهم
وياما اثنين حبوا بعض عشر سنين قبل الزواج ويوم تزوجوا اندفن الحب وتطلقوا

[متحدث لبق]

قرأت فيما قرأت أن الرجل بطبعه يحتاج الا مساحة ليختلي بنفسه يسمونها "كهف الرجل" يحتاج من خلالها الابتعاد عن جو العائلة و النساء و الأطفال طبيعة الحياة سابقاً الرجال يكون مبتعد عن بيته كثير فلما يرجع يكون نفسيا و عاطفياً متاح لجو العائلة أو بصيغة الموضوع هذا يصير "حبّيب" بينما في وقتنا هذا ان كثرت و مع الزحمة ابتعدت عن بيتك و أهلك 9 ساعات فتلاقي مع مرور الأيام الرجال يبدأ يحتاج هالمساحة المفقودة والا اصبح بارد عاطفياً تجاه أهله فتلاقيه يلجأ للعنة أو العزبة أو حتى السفر مع الشباب علشان يحقق نوع من التوازن في حياته

[بومحمد المطاوعه]

بارك الله فيك ,,,
وجزاك الله خير ,,

راجع ان شاءالله للموضوع ,,
وياهلا ومسهلا فيك

[حسن]

اناحب البحر اكثر من مرتي

:)

[حنظلة]

للأسف رغم إن الزواج شراكة
نلقى الزوجين يشاركون بعض كل شي الا الاهتمام
الشراكة مب بس عيال وفلوس وبيت واحد
اكثر مايقرب الزوجين ان يشاركون بعض فالاهتمامات
واللي مايعرف لازم يتعلم ويتقرب من اهتمام الثاني ويشاركه
مب يصير حق كل واحد عالمه وجوه الخاص ويتمللون من بعضهم


ابصم بالعشرة

[The Master]

الزواج مؤسسه فاشله مهما شفنا زيجات ناجحه حولنا ومثمره
كيف يدخل الواحد في مؤسسه غير مضمونة نتايجها خصوصا اذا بنعتمد ع نظام الزواج التقليدي الغبي.

فعلا
اتصدقين...ليش نتزوج...خلنا مستانسين كذا واذا بغينا شي تعرفنا وعاشرنا وانجبنا...بلا عقود بلا عوار راس...
Just being sarcastic


من قال الزواج اللي عن حب وتعارف مضمون؟!
مافي شي مضمون ف الحياة...كل ماعليك تحسن الاختيار بناء ع المعلومات اللي عندك...وتستخير...ف الاستخارة ربي اهدانا اياها لاجل هذه الامور...
و اهمها البذل والاجتهاد لو كانت الاوضاع سيئة...وهذا هو مربط الفرس
اما نلقي بالتهم والاحكام المجحفة بدون محاولات صادقة...ف هذا شي غبي وحماقة...

احترم رايك...ولكل انسان الحق ف العيش كما يريد

[The Master]

الزواج التقليدي ليس غبي وياما زواج تقليدي ابتدا معاه الحب من ليلة توقيع العقد
يعني مب بالضروره يكون الحب والمعرفه قبل الزواج عشان نقول بينجح زواجهم
وياما اثنين حبوا بعض عشر سنين قبل الزواج ويوم تزوجوا اندفن الحب وتطلقوا


:nice:

[The Master]

قرأت فيما قرأت أن الرجل بطبعه يحتاج الا مساحة ليختلي بنفسه يسمونها "كهف الرجل" يحتاج من خلالها الابتعاد عن جو العائلة و النساء و الأطفال طبيعة الحياة سابقاً الرجال يكون مبتعد عن بيته كثير فلما يرجع يكون نفسيا و عاطفياً متاح لجو العائلة أو بصيغة الموضوع هذا يصير "حبّيب" بينما في وقتنا هذا ان كثرت و مع الزحمة ابتعدت عن بيتك و أهلك 9 ساعات فتلاقي مع مرور الأيام الرجال يبدأ يحتاج هالمساحة المفقودة والا اصبح بارد عاطفياً تجاه أهله فتلاقيه يلجأ للعنة أو العزبة أو حتى السفر مع الشباب علشان يحقق نوع من التوازن في حياته

كلامك جدا جميل...وفيه من المنطق...ويلامس الواقع

بس احنا ماتكلمنا عن الاطفال...او هموم العائلة...او مشاغل البيت اللي انت مسؤول عنه...

ليش مايكون كهف الرجل...انه يطلع مع زوجته؟ يرافجها...يعني يصادقها واتكون صديقته؟
اللي يشتكي لها واللي يمزح معاها ؟!
وليش مايسافر معاها لوحدهم...كم يوم يغيرون جو...هو يرتاح وهي ترتاح...القصد...بدال لايكون ربعه...ليش مايكون زوجته...

واشكرك ع الفكرة الجميلة...

[The Master]

اناحب البحر اكثر من مرتي

:)

مايحتاج اتقول...الكتاب واضح من عنوانه

[The Master]

ابصم بالعشرة

انا بصمت وخلصت
كفايه الاسم يخرع
العقل المدمر...مب كفو اتقول لا...

[بوحارب]

ووولكم باك الماستر

الحب شي طيب وموجود بس احنا نفسيات :)


نكابر ونعاند وكل واحد شايف نفسه !

هذي هي المشكلة:)

[متحدث لبق]

كلامك جدا جميل...وفيه من المنطق...ويلامس الواقع

بس احنا ماتكلمنا عن الاطفال...او هموم العائلة...او مشاغل البيت اللي انت مسؤول عنه...

ليش مايكون كهف الرجل...انه يطلع مع زوجته؟ يرافجها...يعني يصادقها واتكون صديقته؟
اللي يشتكي لها واللي يمزح معاها ؟!
وليش مايسافر معاها لوحدهم...كم يوم يغيرون جو...هو يرتاح وهي ترتاح...القصد...بدال لايكون ربعه...ليش مايكون زوجته...

واشكرك ع الفكرة الجميلة...

فعلياً هذا اللي انا اسويه و غير الدوام و الأعراس و الرسميات زوجتي دايما معاي ولله الحمد و اعرف ان في ناس تنقد علي هالشي بس انا جذي مرتاح ما شاء الله تبارك الله دائما و ابداً انا تزوجت علشان ابي شريكة دائمة مب مؤقته بخصوص كلامي السابق احتاج اوضح شنهو "كهف الرجل" المكان هذا له اعتبارات اهما قلة المبالاة و المراعاة و محدودية الأهداف! الرجل في المجتمع القديم كان همه فقط انه "لا يموت" و كون انه لسة عايش يعني بالنسبة له انه ناجح في عمله و مرتاح نفسياً المعيشة كانة عبارة عن دحظ مسببات الوفاة اللي هي كأساسيات كانت الجوع و العطش و السباع /الوحوش بعدها يلبس اللي يلبسه ياكل اللي ياكله ينام وين ما ينام و و و و يتفادى التجارب فوق انه غير مسؤول عن اي هدف ثاني و غير مسؤول عن اي شخص آخر

اللي يصير فعلياً ان الرجل يحتاج لهذا الاحساس مرة ثانية احنا الحين في العزب شنسوي؟ لما الواحد يفتح له مجلس شيسوي؟ لما يروح البحر شيسوي؟ و غيرها كثير كلها تندرج تحت محدودية الأهداف و المسؤولية الفردية عايش و السلام

[المحاميه]

انا ماحب ،،،


الصراحه عناوين مواضيعك مفخخه .. دشيت على كذا موضوع من توقيعك وقريت كلام طيب

اهم شي انك مستخدم اسلوبك ومبسط الفكره وطارحه بطريقه شيقه بعيداً عن النقل


جزاك الله خير .. ابدعت ..

[The Master]

ووولكم باك الماستر

الحب شي طيب وموجود بس احنا نفسيات :)


نكابر ونعاند وكل واحد شايف نفسه !

هذي هي المشكلة:)

الاعتراف بوجود مشكلة...ف هو نصف الحل...
الله يعينا ع انفسنا...ونكسر خشمها...

يامرحبا بك

[The Master]

فعلياً هذا اللي انا اسويه و غير الدوام و الأعراس و الرسميات زوجتي دايما معاي ولله الحمد و اعرف ان في ناس تنقد علي هالشي بس انا جذي مرتاح ما شاء الله تبارك الله دائما و ابداً انا تزوجت علشان ابي شريكة دائمة مب مؤقته بخصوص كلامي السابق احتاج اوضح شنهو "كهف الرجل" المكان هذا له اعتبارات اهما قلة المبالاة و المراعاة و محدودية الأهداف! الرجل في المجتمع القديم كان همه فقط انه "لا يموت" و كون انه لسة عايش يعني بالنسبة له انه ناجح في عمله و مرتاح نفسياً المعيشة كانة عبارة عن دحظ مسببات الوفاة اللي هي كأساسيات كانت الجوع و العطش و السباع /الوحوش بعدها يلبس اللي يلبسه ياكل اللي ياكله ينام وين ما ينام و و و و يتفادى التجارب فوق انه غير مسؤول عن اي هدف ثاني و غير مسؤول عن اي شخص آخر

اللي يصير فعلياً ان الرجل يحتاج لهذا الاحساس مرة ثانية احنا الحين في العزب شنسوي؟ لما الواحد يفتح له مجلس شيسوي؟ لما يروح البحر شيسوي؟ و غيرها كثير كلها تندرج تحت محدودية الأهداف و المسؤولية الفردية عايش و السلام

عسى دوم يارب...

وتشكر ع توضيح معنى الكهف...وكل واحد له تفسيره حق كهفه...
اتفق معاك نوعا ما في ماذكرته من ناحية مقياس النجاح...فيه من الواقع...لاهنت...

[The Master]

انا ماحب ،،،


الصراحه عناوين مواضيعك مفخخه .. دشيت على كذا موضوع من توقيعك وقريت كلام طيب

اهم شي انك مستخدم اسلوبك ومبسط الفكره وطارحه بطريقه شيقه بعيداً عن النقل


جزاك الله خير .. ابدعت ..

مردك بتحبين...هذا مفروغ منه...

مفخخه!!
ليس حسيت انها مسبه...
زين رقعتي...فيوووو

يامرحبا بك دوم...ويشرفني قراءتك لمواضيعي...وسماع ارائك فيها...من دواعي سروري...وتشجيع جميل...لاهنتي

[بصمة قطرية]

أنا ما أحب
و لا أبي أحب
و لا أعترف بالحب
و لا أعرف ايش يعني الحب ..
و لا أبي أسمع عن الحب ..


الحب صار مجرد ( كذبة )
نكذب عن انفسنا و نوهم أنفسنا بـ ( الحب ) ..

يقولون ( الحب أصله سعادة يا بخت منهو سعيد ) ..
ما شفنا السعادة
يعني ما حبينا ..

في جعبتي الكثير من الكلام ( المؤلم )
أكتفي ..
تحياتي لك ..

[The Master]

أنا ما أحب
و لا أبي أحب
و لا أعترف بالحب
و لا أعرف ايش يعني الحب ..
و لا أبي أسمع عن الحب ..


الحب صار مجرد ( كذبة )
نكذب عن انفسنا و نوهم أنفسنا بـ ( الحب ) ..

يقولون ( الحب أصله سعادة يا بخت منهو سعيد ) ..
ما شفنا السعادة
يعني ما حبينا ..

في جعبتي الكثير من الكلام ( المؤلم )
أكتفي ..
تحياتي لك ..

الله لايوريك مكروه ابد يارب...ويبعد عنك الحزن وعن جميع المسلمين...

ب اختصار...اقول لك...

فعلا ماجربتي " الحب "

[بصمة قطرية]

الموضوع مؤلم جداً أخوي الماستر ..
للأسف اللي ذكرته واقع يعيشونه كثير من المتزوجين ..
حياتهم ما فيها غير الجمود ..!!!
مجرد بيت يلمهم و عيال يجمعونهم ..
لا سوالف و لا تفاهم تلقى الواحد منهم يهرب من الثاني
بأي طريقة ..
يتجنبه لأنه يحس نفسه مش موجود في عالمه
ما لقى نفسه مع هالشخص اللي المفروض يكون شريك حياته ..
شراكة ( فاشلة ) ..
شوي شوي الحياة تصير كلها رسميات ..
لو كان في حب في البداية مع الوقت راح يقل
لحد ما يوصل لمرحلة يموت فيها الحب
و يا ما صارت كثير ..
بدا بحب قوي و تدريجياً يتناقص لحد ما مات وانتهى ..
و انتهت معاه هالعلاقة ..
هل تعتقد الزواج التقليدي السبب ..!!
يعني لنفرض زواج عن حب ..
ما راح يكون هاي مصيره ..؟
ما بيواجه تفس المصير ..!!
و لا هالشي ما له علاقة ..
و طبيعة الحياة اللي عاشها الرجل هي السبب
مثل ما ذكرت ..!!

موضوعك ذكرني بموضوعي ( الطلاق العاطفي )
اللي كثير يعيشونه ..

نعيش واقع نرفضه
بس ما نقدر نتمرد و نعلن عن رفضنا له ..
فنصمت و نرضى بالواقع حتى لو كان قاسي
بأختصار نوصل لمرحلة اليأس و نستسلم ..

شي صار له سنييين صعب يتغير ..
للأسف ..

الحب أحساس جميل
وما في أجمل منه ..
بس الظروف حكمت عليه بالإعدام ..
أشياء كثيرة قتلت الحب ..
تحياتي لك ..