تصرفات مرفوضه وغير مستحبه نصيحه !!!

[حسن]

السلام عليكم جميعا يااحبابنا الكرام

امس شدني منظر ودائما اشوفه بس هل المره الصراحه بزود

وانا واقف امام اشاره البريد باتجاه اشارات الاعلام باتجاه الكورنيش
واذا بسياره بجنبي وانصدمت من المنظر

طبعا كانت سيده وهي واقفه وعلبه المكياج المبطله وتتمكيج الاخت وبالفرشاه
واحنا واقفين
تحركت السياره ولازالت تستخدم تلك الادوات الى الاشاره الثانيه

يعني لو انتي مع سواق قلنا مايخالف لكن وانتي تسوقين وتتعدين كذا اشاره ومسببه لك ولمرتادي الطريق الخطوره

!!!!

انا ماعمري شفت رجل يحلق لحيته عند الاشاره

!!!

مارايكم بهذا التصرف مقبول ولا مرفوض


نستمع الى اراكم ونسعد بمشاركاتكم


شكرا للجميع

تحياتي

[monatee]

وين غض البصر ؟!!

اول ماشفت انها وحده المفروض تصد عنها ،،
فبالتالي ماكنت بتعرف هي اشقاعده تسوي ولا بتنزل موضوع عنها اهنيه !!!

[khaldoon]

شوفت وحده تسوي هالشي فعلا عند اشارة السد.... بغيت اسوي لها علامة ممتاز باصبعي الابهام او اقولها حلوة او اقول لها ما تحاولي ما في فايده بس عيب هههههههه

[عثرة جواد]

السلام عليكم

ههههههههههههه

ساعات لو الوحده مستعجلة مايمديها تسوي ف البيت

ويمكن هااي الطريقة الاسهل والاسرع :)

[R 7 A L]

سواقتهم الله يهديهن ويصلحهن بحد ذاتها تنرفز
لو انا منك بعلق عليها الهرن لين تنبط طبله اذنها

[حسن]

وين غض البصر ؟!!

اول ماشفت انها وحده المفروض تصد عنها ،،
فبالتالي ماكنت بتعرف هي اشقاعده تسوي ولا بتنزل موضوع عنها اهنيه !!!

ماهو انطباعك لهذا التصرف صح ولا غلط ؟؟

وشكرا لك

[حمد بن سعد]

زمن فيه العجايب والخافي اعظم


الله المستعان

[المخفي]

حسب الدراسات المرة تسوي مليون شغلة في نفس الوقت ملتي سيستم :)

[حسن]

شوفت وحده تسوي هالشي فعلا عند اشارة السد.... بغيت اسوي لها علامة ممتاز باصبعي الابهام او اقولها حلوة او اقول لها ما تحاولي ما في فايده بس عيب هههههههه

هلا هلا

حيالله خلدون

المشكله كثرت والمشكله انها تسوق والمشكله انها وهي تقود السياره مهب واقفه والمشكله تشكل
تهديد خطير للامن القومي



!!!

:)

[شبح الصمت]

اخطبوط

تسوق وتسوي مكياج

وترد على التلفون
وتآكل
وتشرب




هاهاهاي


بوعلي عادي المره الجايه حط لك نظارة على الجوانب مصكره بس تشوف امامك ..


عيب تشوف يمينك ويسارك

[sweet qatar]

عيب البنت تفتح مكياجها وتضبط نفسها في مكان عام

طبعاً التصرف مرفوض .. والله يهديها ويهدي الجميع

[حسن]

السلام عليكم

ههههههههههههه

ساعات لو الوحده مستعجلة مايمديها تسوي ف البيت

ويمكن هااي الطريقة الاسهل والاسرع :)

مستعجله
!!!

بس شدعوه ماسوي هذه التصرفات الغير محتشمه امام الناس
ولا المشكله وهي تقود

يعني لو كانت مع السواق وتسوي وياه مهب مشكله لكن جدام الملاء

افتوني ياقوم

صح ولا غلط

شكرا ياعثره جواد

:)

[شبح الصمت]

مستعجله
!!!

بس شدعوه ماسوي هذه التصرفات الغير محتشمه امام الناس
ولا المشكله وهي تقود

يعني لو كانت مع السواق وتسوي وياه مهب مشكله لكن جدام الملاء

افتوني ياقوم

صح ولا غلط

شكرا ياعثره جواد

:)




ليش السواق مهب رجال !!


والا السواق محرم واحنا ما ندري

[حسن]

سواقتهم الله يهديهن ويصلحهن بحد ذاتها تنرفز
لو انا منك بعلق عليها الهرن لين تنبط طبله اذنها

والله لو جدامي كان يمكن لي تصرف اخر

ولكن هي على يساري يعني التفت يسار مول في وجهي
تصدق كتى العليبه مكتوب علياها شانيل

مادري شنهي هذه

[المخفي]

شانيل هذا جت حق الخرفان :)

ما تشوف الخرفان يحبون الجت

اما المحترمة محد يقرب صوبها

[النظامي]

تصرف خاطئ ... وخطر على مستخدمين الطريق

اضافة على ذلك اعتبره قلة ادب وقلة حياء >>> رأيي الشخصي

[@north_star@]

طبعا عادة غير مقبولة والله يهديهم

[عثرة جواد]

اخطبوط

تسوق وتسوي مكياج

وترد على التلفون
وتآكل
وتشرب




هاهاهاي


بوعلي عادي المره الجايه حط لك نظارة على الجوانب مصكره بس تشوف امامك ..


عيب تشوف يمينك ويسارك






هههههههههه


انا اخااف اسوي اي شي وانا اسوق بس تراء درباوية :)

[شبح الصمت]

هههههههههه


انا اخااف اسوي اي شي وانا اسوق بس تراء درباوية :)



تهجووول







:secret:

[حبر وقرطاس]

الله لا يهينك نزل تطبيق مطراش 2 في حوالك وفعل خدمه تصوير المخالفات وصور وارسل بيصيدونها وتعاقب فالقانون القطري الهبله

[شبح الصمت]

الله لا يهينك نزل تطبيق مطراش 2 في حوالك وفعل خدمه تصوير المخالفات وصور وارسل بيصيدونها وتعاقب فالقانون القطري الهبله





لا لا عيب اشدعوووه


عاد اهنيه وstop











اما يصور تبي عقب صورتها يكنسلوون برنامج مطراش بكبره


هاهاهاي

[حسن]

زمن فيه العجايب والخافي اعظم


الله المستعان

الله المستعان يابوسعد

وان شاء الله مانشوف الخافي ولا يروينا اياه

شكرا لك

ومرورك الكريم

[حسن]

حسب الدراسات المرة تسوي مليون شغلة في نفس الوقت ملتي سيستم :)

هلا هلا
حيالله المخفي


مهب كل دراسه صحيحه نفدر نطبقها حيث ان المجتمعات تحتلف من حيث الدين والاعراف والمعتقدات

ماعلنيا

هل التصرف مقبول ام مرفوض
!!!


شكرا لك يالمخفي

ولمرورك الكريم

[حسن]

تصرف خاطئ ... وخطر على مستخدمين الطريق

اضافة على ذلك اعتبره قلة ادب وقلة حياء >>> رأيي الشخصي

حطني معاك بهذا الراي

وافقك عليه

شكرا لك

ولمرورك الكريم

[حسن]

طبعا عادة غير مقبولة والله يهديهم

هلا هلا

مرحبا بنجم الشمال

الله يهديهم

وشكرا لمرورك الكريم

[h9466]

هلا بوعلي...دائما تصادفني مثل هالشوفات..وتصرفي يكون كالتالي:
انظر لها بتعجب ولما تلتفت لي وتشوفني مستغرب تستحي وتوقف العملية..

[حسن]

عيب البنت تفتح مكياجها وتضبط نفسها في مكان عام

طبعاً التصرف مرفوض .. والله يهديها ويهدي الجميع

عداك العيب يابنت الاصول

اوافقك الراي

والله يهديهم


شكرا لمرورك الكريم

:)

[الزعفراني]

حسب الدراسات المرة تسوي مليون شغلة في نفس الوقت ملتي سيستم :)

ههههههههههه

[حسن]

اخطبوط

تسوق وتسوي مكياج

وترد على التلفون
وتآكل
وتشرب




هاهاهاي


بوعلي عادي المره الجايه حط لك نظارة على الجوانب مصكره بس تشوف امامك ..


عيب تشوف يمينك ويسارك





شدعوه

حصان العربه

:)

هاهاها

مشكلتي انا عندي نظره قريبه وبعيده واشوف شي ماتشوفونه

ساعات اسوي سكان والترا ساوند بعد

شنسوي يقولك قض البصر شلون وانا اسوق

هذه جريمه في حق الانسانيه

:telephone:

[شبح الصمت]

شدعوه

حصان العربه

:)

هاهاها

مشكلتي انا عندي نظره قريبه وبعيده واشوف شي ماتشوفونه

ساعات اسوي سكان والترا ساوند بعد

شنسوي يقولك قض البصر شلون وانا اسوق

هذه جريمه في حق الانسانيه

:telephone:






مشكلة فتوون علف


وايد منهم في الشوارع
:secret:

[حسن]

الله لا يهينك نزل تطبيق مطراش 2 في حوالك وفعل خدمه تصوير المخالفات وصور وارسل بيصيدونها وتعاقب فالقانون القطري الهبله

شكرا ياحبر وقرطاس

عندي وانا بوهندي

بس اصور مره تتمكيج هل توجد مثل هذه المخالفه ؟؟

الصراحه اخبر التلفون اما ميكب !!

ماسمعت

وين رايحين كان مايسون حفله عيد الميلاد والخطوبه بكره في السيارات

شكل فنتك جديد

الله المستعان


شكرا لمرورك الكريم

[فريج النجادة]

مع الاسف كلامك في محلة يا ابوعلي

بين كل ثلاث اشارات تحصل وحدة تتمكيج

وعند الاشارة الرابعة وحدة تسولف في التلفون

وعند الاشارة الخامسة وحدة تاكل متاي وحلوه

وعند الاشارة السادسة تمشط شعرها وتعدل الشيلة

وعند الاشارة السابعة صار لها حادث ومسكرة الشارع تنتظر احد من الاهل يمر عليها

وعند باقي الاشارات اكيد تعرفون الباقي

[المخفي]

مشكلة فتوون علف


وايد منهم في الشوارع
:secret:

:secret:

[حسن]

هلا بوعلي...دائما تصادفني مثل هالشوفات..وتصرفي يكون كالتالي:
انظر لها بتعجب ولما تلتفت لي وتشوفني مستغرب تستحي وتوقف العملية..

مراحب يادكتور

هلا هلا

صباح الفل والورد والياسمين

نفس الشي ردت فعلنا احنا الرجال ننظر لها نظره قويه ولكن هذه طلعت قويه عين
فيها وجراءه مهب منها

يقول المثل

مااسبققك ياارنب قالت والله من ردي طرادي

يعني ليش انتي سريعه قالت اللي يلحقني ضعيف

وهذا وراها شخص ضعيف

ولا تعلمنا على مباداى الحياء والعيب
الصراحه من كثر ماسيوت زوم حتى اسم العلبه طلعته

هاهاهاها

الله يحيك وشكرا لمرورك الكريم

[رجل مثالي]

الله يسلمك حدث ولا حرج انا بعد شفت من كم يوم وحده جالسة تسوق وتدخن سيجارةً عند الإشارة لا حيّا ولا مستحى ولا خوف من الله سبحانه وكأن ما في تعاليم لاحترام الطريق العام واحترام الناس خلاص ما في رادع ولا خوف من الله سبحانه ولا احترام للآخرين وحتى اللباس في بعضهم من الجاليات مع احترامي للجميع اللباس غير اوكي في بعض الأماكن العامة لان خلاص ما في خوف عندهم من يوم الحساب

[حسن]

مشكلة فتوون علف


وايد منهم في الشوارع
:secret:

هاهاها

وش الحل معاهم من وجهه نظرك

!!!

يحطون بوسترات على كل اشاره وصور للاشياء الممنوعه اثناء السواقه
مثل الصور اللي في المطارت

:)

[حسن]

مع الاسف كلامك في محلة يا ابوعلي

بين كل ثلاث اشارات تحصل وحدة تتمكيج

وعند الاشارة الرابعة وحدة تسولف في التلفون

وعند الاشارة الخامسة وحدة تاكل متاي وحلوه

وعند الاشارة السادسة تمشط شعرها وتعدل الشيلة

وعند الاشارة السابعة صار لها حادث ومسكرة الشارع تنتظر احد من الاهل يمر عليها

وعند باقي الاشارات اكيد تعرفون الباقي

هلا هلا

مرحبا ياولد النجاده

الصراحه كلامك صحيح وللاسف كثرت التصرفات المرفوضه واللي عمرنا ماكنا نشوفها
الان اصبحت للعلن
وخصوصا استخدام الهاتف هذا عاد بشكل فضيع
الناس تتحدي قواني المرور بكل وقاحه
انا اتمنى ان مثلل هذه المخالفات تطبق لهم في حاله العود ان تدبل المخالفه

شكرا لملاحظاتك القويه


وشكرا لمرورك الكريم

[يمامـة]

الله لا يهينك نزل تطبيق مطراش 2 في حوالك وفعل خدمه تصوير المخالفات وصور وارسل بيصيدونها وتعاقب فالقانون القطري الهبله

تعقيبا على مشاركة حبر و قرطاس..
وعند قراءة موضوعك يا بوعلي كنت افكر هل اللي تسويه فيها مخالفة ولا لا..

وهل لو السيارة واقفة وما تتحرك ممنوع الواحد يمسك جواله ولا لا؟

ومن ثم
نرجع للتصرف نفسه( عيب ) ولكن صرنا نشوفه في بعض الاماكن العامة
مب بس في السيارة..

الله يهدينا ويهديهم..

[حسن]

الله يسلمك حدث ولا حرج انا بعد شفت من كم يوم وحده جالسة تسوق وتدخن سيجارةً عند الإشارة لا حيّا ولا مستحى ولا خوف من الله سبحانه وكأن ما في تعاليم لاحترام الطريق العام واحترام الناس خلاص ما في رادع ولا خوف من الله سبحانه ولا احترام للآخرين وحتى اللباس في بعضهم من الجاليات مع احترامي للجميع اللباس غير اوكي في بعض الأماكن العامة لان خلاص ما في خوف عندهم من يوم الحساب

من امن العقوبه اساء الادب

مرحبا يارجل مثالي

للاسف هذه الظواهر اذا مالقت لها رادع تتمادى اكثر فيجب تفعيل دور القوانين
وعمل حملات اعلاميه لهذه التصرفات الغير لائقه
مناظر مزعجه

شكرا لك ولمروك الكريم

[متحدث لبق]

غض البصر عليك من السواقة و بس علشان جذي ودنا نركب مخفي كامل محد صار يحترم الخصوصية

[حسن]

تعقيبا على مشاركة حبر و قرطاس..
وعند قراءة موضوعك يا بوعلي كنت افكر هل اللي تسويه فيها مخالفة ولا لا..

وهل لو السيارة واقفة وما تتحرك ممنوع الواحد يمسك جواله ولا لا؟

ومن ثم
نرجع للتصرف نفسه( عيب ) ولكن صرنا نشوفه في بعض الاماكن العامة
مب بس في السيارة..

الله يهدينا ويهديهم..

هلا هلا
باليمامه

الصراحه انا اعتبرها مخالفه من جميع لانواحي
القانونيه والاخلاقيه ايظا

سببت لي تلوث بصري على الصبح وبدون اهتمام
ضلت تستخدم الفرشاه وهي تسوق

:omg:

عداك العيب يا امممممم

اليمامه

ويسعدني مشاركتك في الموضوع

وشكرا لمرورك الكريم

:)

[رجل مثالي]

من امن العقوبه اساء الادب

مرحبا يارجل مثالي

للاسف هذه الظواهر اذا مالقت لها رادع تتمادى اكثر فيجب تفعيل دور القوانين
وعمل حملات اعلاميه لهذه التصرفات الغير لائقه
مناظر مزعجه

شكرا لك ولمروك الكريم


تسلم أخوي وأنا أحب المواضيع ألى تقوم بتذكير
المجتمع بالسلبيات والايجابيات

[للصبر اخر]

هاي يسمونه قزز ومراقبة ومالك حق انت تراقب غيررررك وهو باملاكه الخاصصه
غض البصر واجب ياخووي

[للصبر اخر]

صحييح الرجل لايحلق بالسيارة
لكن واايد اشخااص من تصير الاشاره حمرا مسك تلفونه والا مسك الجريده يقرا فيهاا
وماينتبه للاشارة الا بالهرن

[حسن]

هاي يسمونه قزز ورماقبه ومالك حق انت تراقب غيررررك وهو باملاكه الخاصصه
غض البصر واجب ياخووي

مرحبا يا للصبر اخر

دام اصبحت في الشارع العام وامام الملاء فيجب عليها ان تحترم لكي تحترم

ماجاوبتي على السؤال هل هذا التصرف مقبول لك ولا مرفوض ؟
وهل يعتبر من الادب ام من قله الادب ؟

ياريت اسمع اجابتك


وشكرا للمرورك الكريم

[للصبر اخر]

يعني مثلا انا قاعدة بالحوش بس حوشي مطل ع الشارع وسور البيت مكشووف
قاعده باملاكي مو باملاك غيري
محد له حكم علي
هي بسيارتهاا
وبعديين هل تصرفك انت حكيييم
تلاحقها من اشاره لين اشاررة تشوف شسوت وشحطت وكم فرشاة طلعت
هل هي عطلت الشارع ومامشت مثل بعض الشباب الله يهديه ويصلحه
رد على اسئلتي اول عشان انا اعرف اناقشك

[حسن]

تسلم أخوي وأنا أحب المواضيع ألى تقوم بتذكير
المجتمع بالسلبيات والايجابيات

شكرا لك مره اخري اخوي رجل مثالي

وانا نفسك تستهوينا المواضيع الاجتماعيه ورصد الظواهر الغير مستحبه

وهذا مااقوم به


حيالله الله نورت وشرفت


:)

[شبح الصمت]

يعني مثلا انا قاعدة بالحوش بس حوشي مطل ع الشارع وسور البيت مكشووف
قاعده باملاكي مو باملاك غيري
محد له حكم علي
هي بسيارتهاا
وبعديين هل تصرفك انت حكيييم
تلاحقها من اشاره لين اشاررة تشوف شسوت وشحطت وكم فرشاة طلعت
هل هي عطلت الشارع ومامشت مثل بعض الشباب الله يهديه ويصلحه
رد على اسئلتي اول عشان انا اعرف اناقشك



هدي هدي ريلكس ..

قلتيها املاك خاصه بيتك فقط وسيارتك ملك خاص


بس الشارع مهب ملك خاص ملك عام للجميع ..

تعرفين هالنقطة وآلا لا !!

[يمامـة]

خلونا نستبعد اخونا حسن من الموضوع لانه ما يحق له يقز..

ولكن هل شرطي المرور او ضابط في المرور او مدير المرور
مطالبين بغض النظر في الشوارع؟

نقطة الذوق العام و احترام قوانين المرور ما ينطبق عليهم غض البصر..

[Dana’1]

إذا عطلت السير فنعم تعطيل السير أمر مرفوض وفيها مخالفه
قبل أمس صادنا نفس الموقف رجال متكي ويقرأ بجواله عند أحد مخارج طريق سلوى والطريق قدامه فاااااااضي .. رغم ضرب الهرن مو مبالي ... أساسا يوم مرينا يمه عشان نتجاوزه شفناه مايطالع الطريق عينه عالجوال يقرأ وتارك السيارات خلفه ..وطبعا قطري كلبس وعلى سيارة لكزس.. إحنا طبعا زرقنا ومشينا لين السياره الي قدامه وهكذا إلي ورانا على الأقل نبغى نطلع للشارع فوق عقب هو الظاهر حس وتحرك شوي اشوفه طلع للشارع وهو يدبي ويضرب بريكات السواقه مو مضبوطه ويرفع الضغط بصراحه..

وهذي صورة خطافيه ... طبعاالمقصود اللكزس إلي فاتح ليتاته بالنهار .. وطبعا هذي عقب ما تحرك شوي وأغلب الي قدامه كانوا خلفه قبل الطلوع من المخرج للشارع فوق بما فيهم إحنا :\|

http://cdn.top4top.net/i_185950ba010.jpg (http://up.top4top.net/)

[للصبر اخر]

هدي هدي ريلكس ..

قلتيها املاك خاصه بيتك فقط وسيارتك ملك خاص


بس الشارع مهب ملك خاص ملك عام للجميع ..

تعرفين هالنقطة وآلا لا !!




سوال
هي كانت نازله من سيارتها ووتمكييج
صح
؟؟؟
زيين انا لما اوقف ع الاشاره افتح شيلتي واعدلهاا
مره ثانيه بخليها تطييح عاادي لاني بالشارع مو بالبيت بس اوصل البيت اعدلهاا
هالتصرف مرفوووض

[حسن]

يعني مثلا انا قاعدة بالحوش بس حوشي مطل ع الشارع وسور البيت مكشووف
قاعده باملاكي مو باملاك غيري
محد له حكم علي
هي بسيارتهاا
وبعديين هل تصرفك انت حكيييم
تلاحقها من اشاره لين اشاررة تشوف شسوت وشحطت وكم فرشاة طلعت
هل هي عطلت الشارع ومامشت مثل بعض الشباب الله يهديه ويصلحه
رد على اسئلتي اول عشان انا اعرف اناقشك

رجعت لردودك مالقيت فيها اسئله

!!!

وين الاسئله اللي تقولين عليها

!!!

انا رديت عليك في رد وسئلتك اسئله ولم تجاوبي عليها وفؤجئت بانك
تقولين لي رد على اسئلتي

اين هي !!

على العموم لك الحق ان تسكتيين لك الحق انك ماتجاوبين ولك الحق انك تشوفين غيرك يجاوب عنك

ماعندي مانع

وشكرا لمروك الكريم

:)

[للصبر اخر]

يعني مثلا انا قاعدة بالحوش بس حوشي مطل ع الشارع وسور البيت مكشووف
قاعده باملاكي مو باملاك غيري
محد له حكم علي
هي بسيارتهاا
وبعديين هل تصرفك انت حكيييم
تلاحقها من اشاره لين اشاررة تشوف شسوت وشحطت وكم فرشاة طلعت
هل هي عطلت الشارع ومامشت مثل بعض الشباب الله يهديه ويصلحه
رد على اسئلتي اول عشان انا اعرف اناقشك

لازم احط علامة استفهام عشان يبين فيه اسئلة
لو قريت كلامي بتعرف انه فيه اسئلة

[شبح الصمت]

سوال
هي كانت نازله من سيارتها ووتمكييج
صح
؟؟؟
زيين انا لما اوقف ع الاشاره افتح شيلتي واعدلهاا
مره ثانيه بخليها تطييح عاادي لاني بالشارع مو بالبيت بس اوصل البيت اعدلهاا
هالتصرف مرفوووض




في فرق للصبر ولو تهدين اشوي

شكلج وايد معصبه


الحين اهي فالشارع وانا فالشارع مع عيالي ومرتي ..
ونفس هالمنظر العجيب اقدر امنع زوجتي انها تشوفها وتعلق

اقدر امنع عيالي انهم ما يشوفونها ويعلقوون

في يوم جت بنتي ومسكينه على وجهها توها مراهقه

وقاعده تسوي مكياج في السيارة وافتريت عليها وهاوشتها بتقولي ذاك اليوم انا شايفه معاكم محد تكلم !!! ..


الشارع فيه

شباب
شياب
عجيز
مراهقين
مراهقات ..

[للصبر اخر]

اخوي شبح
ابد ابد ماني معصبه
بالعكس
بس لنه الله يسلمك خلصت كل مواضييع الدنياا عشان احنا نناقش والله الحريم يتمكيجون بالشارع
معليش اخوي
هل مسموح لك تطالع اللي بسيارة غيرك
يعني انت ترضاها على حد من محارمك يطل عليها بسيارتها غريب ويدقق هي شتسوي ؟؟
احدده لك السؤال بالاحمر عشان تشوف والا واضح

[حسن]

لازم احط علامة استفهام عشان يبين فيه اسئلة
لو قريت كلامي بتعرف انه فيه اسئلة

احنا برنجع نلف على بعضينا ولا ايه
:con2:

مهب انا وجههت لك اسئلتي قبل ؟؟؟؟؟؟؟

يعني انتي تساوميني على الجابه
!!!

حاظر بارد عليها ولا يهمك بس اسمع ردك عقبي على اسئلتي
اتفقنا

طبعا في فرق بين القز والخز

!!!

اقولك هي جنبي وانا من طبعي الامني دائما اخذ نظره شموليه كبيره
فلفت نظري بالفرشاه والبنت حاطه المكياج بكل اريحيه
!!!
المنظر الغريب دائما يشد الواحد ولو عفويا طبعا هي مهب كانت متشخلعه يعني يمكن اقض البصر اكثر
وطبعنا احنا الرجال اي تصرف مرفوض يمكن اطالع واجهه نظره له
يعني نستخدم لغه الاشاره وهي لغه اقري موضوع نور الحور في هذا الخصوص
وبعدين اي نعم تشكل خطوره وهي عدم الانتباه والاهمال في القياده
وبعدين الشيخه صادفت هي في طريقي مهب قاعد الحقها انا خط سيري اليومي

هذه اجابتي

ممكن اسمع اجابتك على اسئلتي اللي فوق

:victory:

[شبح الصمت]

اخوي شبح
ابد ابد ماني معصبه
بالعكس
بس لنه الله يسلمك خلصت كل مواضييع الدنياا عشان احنا نناقش والله الحريم يتمكيجون بالشارع
معليش اخوي
هل مسموح لك تطالع اللي بسيارة غيرك
يعني انت ترضاها على حد من محارمك يطل عليها بسيارتها غريب ويدقق هي شتسوي ؟؟
احدده لك السؤال بالاحمر عشان تشوف والا واضح



محشووومين ومكرمين هلي عن هالاشكال


ذكرتيني بمووقف رجال مع مرته ومرته كاشخه حدها ..

وكان في واحد قاعد يطالعها وشافها رجلها ..


قام وعصب قاله شطالع


قاله اطلع زوجتك

قاله ما تستحي قاله اي ما استحي لانك مخلي زوجتك منظرة للعالم الي رايح والي راد .. !!

[monatee]

ماهو انطباعك لهذا التصرف صح ولا غلط ؟؟

وشكرا لك

تتمكيج تتعدل تسوي اللي تسويه ، هي مش موجوده معانا عشان نوجهه لها الكلام

لكن اخ حسن بتصرفك وبالقزز اللي كنت تقزه ، اللي سويته غلط ومايجوز

ولاتعذر بنظره امنيه ولا غيره ،، غض البصر بأمر من ربك

عن قوله تعالى‏:‏ ‏{‏‏قُل لِّلْمُؤْمِنِينَ يَغُضُّوا مِنْ أَبْصَارِهِمْ}

اشلون تبيني اناقشك في امر خاطئ انت شفته ،، وشوفتك له من الاساس خاطئ

[شبح الصمت]

تتمكيج تتعدل تسوي اللي تسويه ، هي مش موجوده معانا عشان نوجهه لها الكلام

لكن اخ حسن بتصرفك وبالقزز اللي كنت تقزه ، اللي سويته غلط ومايجوز

عن قوله تعالى‏:‏ ‏{‏‏قُل لِّلْمُؤْمِنِينَ يَغُضُّوا مِنْ أَبْصَارِهِمْ}

اشلون تبيني اناقشك في امر خاطئ انت شفته ،، وشوفتلك له من الاساس خاطئ



ليش الشيخة المشايخ ما قاعدين يتكلموون في امور الدنيا والاخطاء الي قاعدين يشوفونها ..

وينصحوون في العالم

وآلا لانه حسن انسان عادي عضو في منتدى مش شيخ علم ودين


فرافضين الفكره

[Rider]

اخوي التصرف غلط بس كلمة مادام بعض البيوت صار فيها خرفان شتبغي المرأة تسوي

[حسن]

تتمكيج تتعدل تسوي اللي تسويه ، هي مش موجوده معانا عشان نوجهه لها الكلام

لكن اخ حسن بتصرفك وبالقزز اللي كنت تقزه ، اللي سويته غلط ومايجوز

ولاتعذر بنظره امنيه ولا غيره ،، غض البصر بأمر من ربك

عن قوله تعالى‏:‏ ‏{‏‏قُل لِّلْمُؤْمِنِينَ يَغُضُّوا مِنْ أَبْصَارِهِمْ}

اشلون تبيني اناقشك في امر خاطئ انت شفته ،، وشوفتك له من الاساس خاطئ

جاوبي على سؤالي
بعدين ارد عليك حاظر ولايهمك

!!!

ههل تشوفين الوحده تتمكيج في الشارع امام الماره ينم على ادب ام قله ادب ؟؟؟؟

ممكن اسمع اجابتك

:)

[monatee]

ليش الشيخة المشايخ ما قاعدين يتكلموون في امور الدنيا والاخطاء الي قاعدين يشوفونها ..

وينصحوون في العالم

وآلا لانه حسن انسان عادي عضو في منتدى مش شيخ علم ودين


فرافضين الفكره




الفكره مرفوضه سواء على شيخ دين ولا شخص عادي او عضو في المنتدى

ناخذ الدين الصحيح من كتاب الله اولاً ،، مسأله غض البص واضحه ومافيها خلاف

اما تقولي شيخ دين يسوي الغلط عشان يفتي بالناس ،، هذا مب شيخ دين بسمعله ولا بتهمني فتاويه

[Rider]

تتمكيج تتعدل تسوي اللي تسويه ، هي مش موجوده معانا عشان نوجهه لها الكلام

لكن اخ حسن بتصرفك وبالقزز اللي كنت تقزه ، اللي سويته غلط ومايجوز

ولاتعذر بنظره امنيه ولا غيره ،، غض البصر بأمر من ربك

عن قوله تعالى‏:‏ ‏{‏‏قُل لِّلْمُؤْمِنِينَ يَغُضُّوا مِنْ أَبْصَارِهِمْ}

اشلون تبيني اناقشك في امر خاطئ انت شفته ،، وشوفتك له من الاساس خاطئ

وانتي جيتي على الرجال وغض بصر ومادري شنو ليش المرأة ماتحشم نفسها ولا تفتن الرجال يعني الواحد مايتلفت في السيارة ولا اي مكان عام لا تخلطين امور الدنيا بالدين

[شبح الصمت]

الفكره مرفوضه سواء على شيخ دين ولا شخص عادي او عضو في المنتدى

ناخذ الدين الصحيح من كتاب الله اولاً ،، مسأله غض البص واضحه ومافيها خلاف

اما تقولي شيخ دين يسوي الغلط عشان يفتي بالناس ،، هذا مب شيخ دين بسمعله ولا بتهمني فتاويه



اشلون شيخ دين يسوي الغلط وهو يمشي تبووونا نغمض عيوونا يعني كفايه نظرة وحده اصلا تحللين منها كل شيء ..



ما يحتاج اتم امبحلق فيها

[متحدث لبق]

أخوي حسن ما يمنع ان اللي انت سويته غلط انت لك النظرة "الأولى" مب نظرة من اشارة لإشارة المطلوب و المتاح لك اخوي هو تحاسبها على سواقتها و تشتكي ان شفت أمر مخالف في واحد سعودي معروف يسوق و هو ما عنده ايادي من الأساس!! كلنا كشباب نسوق و اليد الثانية شايلة الكرك المهم تسوق عدل و ما تعطل السيد شاللي تسويه داخل السيارة شأن خاص

[monatee]

جاوبي على سؤالي
بعدين ارد عليك حاظر ولايهمك

!!!

ههل تشوفين الوحده تتمكيج في الشارع امام الماره ينم على ادب ام قله ادب ؟؟؟؟

ممكن اسمع اجابتك

:)

اول شي اعترف ان تصرفك غلط وبعدين اجاوبك على تصرفها




وانتي جيتي على الرجال وغض بصر ومادري شنو ليش المرأة ماتحشم نفسها ولا تفتن الرجال يعني الواحد مايتلفت في السيارة ولا اي مكان عام لا تخلطين امور الدنيا بالدين

المادري شنو ربك نهى الجميع عنه ،
ومثل ماقلت قبل هي مش موجوده الحين عشان اوجهه لها الكلام






اشلون شيخ دين يسوي الغلط وهو يمشي تبووونا نغمض عيوونا يعني كفايه نظرة وحده اصلا تحللين منها كل شيء ..

ما يحتاج اتم امبحلق فيها

محد قال غمضوا عيونكم ،، قلنا غضوا البصر ،،
اما انك تشوف وتقز وتفصل وعقب تجي تتكلم عنه انه منكر ومش عاجبك !!!
وانت اللي سويته وشو مب منكر ؟؟!!

[khaldoon]

هاي يسمونه قزز ومراقبة ومالك حق انت تراقب غيررررك وهو باملاكه الخاصصه
غض البصر واجب ياخووي

واحد تخالف في دوله اجنبيه لانه لابس من غير هدوم في سيارته و شافوه الناس..... ليش ما قلنا املاك خاصه و ليش ما قلنا انه مب من حقنا نشوفه انه يسوي هالشكل داخل سيارته.... هذا بالطريق يعني هو ليس في خلوة مع نفسه يسوي اللي يبيه و ما تنسي شعار كلنا نشوفك

[h9466]

اعتقد هدف بوعلي نصح وارشاد ,,مع اني من فترة غير بعيدة تشرفت وتعرفت عليه شخصيا ويمكن فهمته شوي لذلك اللي فاهم بوعلي ماراح ينتقد تصرفه وهو نظرته للمرأة اللي تحط مكياج في السيارة,,هو في اشياء وتصرفات ماتعجبه ويتكلم عنها دائما لعل وعسى تختفي او تخف خصوصا انه الشيبان مثلي ومثله عاصروا فترة السبعينات والثمانينات في تلك الفترة اللي نسمع عنها انها تسوق نضع حولها علامة استفهام مع ان سواقة السيارة اصبحت ضرورة للسيدة والرجل ,,فما بالكم اللي تسوق وتضع مكياج هذا المنظر لو شافه حد من ابائنا يمكن تجيه سكتة او يستغفر اسبوع كامل لانه شافه..

[يمامـة]

واحد تخالف في دوله اجنبيه لانه لابس من غير هدوم في سيارته و شافوه الناس..... ليش ما قلنا املاك خاصه و ليش ما قلنا انه مب من حقنا نشوفه انه يسوي هالشكل داخل سيارته.... هذا بالطريق يعني هو ليس في خلوة مع نفسه يسوي اللي يبيه و ما تنسي شعار كلنا نشوفك

الاجانب ما عندهم مبدأ غضوا النظر :secret: لكن عندنا احنا المسلمين موجود..

واعتقد اساس المشكلة هو اخونا حسن.. يعني لو الموضوع طارحته بنت ممكن نوصل الى قناعة
ان عيب الوحدة تتمكيج في السيارة في شارع عام .. من غير اي تدخلات في قضية غض النظر..

[شبح الصمت]

اول شي اعترف ان تصرفك غلط وبعدين اجاوبك على تصرفها





المادري شنو ربك نهى الجميع عنه ،
ومثل ماقلت قبل هي مش موجوده الحين عشان اوجهه لها الكلام





محد قال غمضوا عيونكم ،، قلنا غضوا البصر ،،
اما انك تشوف وتقز وتفصل وعقب تجي تتكلم عنه انه منكر ومش عاجبك !!!
وانت اللي سويته وشو مب منكر ؟؟!!




انا بتحمل ذنبي ..

بس اهي توقعين كم بتشل وبتحط انها خلت هالعالم كلهم يشوفونها بهالمنظر المقزز ..

نحن لسنا اعلم بما في قلوب البشر ..

بس نعلم انه الي يسوي شيء خطأ يتحاسب من رب العالمين قبل لا يحاسبونه البشر ..


وهذه اخاف اقول متبرجه تقولين لي لا وعلى كيفك واشلون وليش قلت انها متبرجه ..

[khaldoon]

الاجانب ما عندهم مبدأ غضوا النظر :secret: لكن عندنا احنا المسلمين موجود..

واعتقد اساس المشكلة هو اخونا حسن.. يعني لو الموضوع طارحته بنت ممكن نوصل الى قناعة
ان عيب الوحدة تتمكيج في السيارة في شارع عام .. من غير اي تدخلات في قضية غض النظر..

خلص يا ستي النقطه وضحت....مرة ثانيه شباب لما تبون تطرحون مواضيع مشابهه مستقبلا قولوا انه الاهل خبرونا انهم شافوا وحده تسوي كذا و كذا في مكان عام علشان تنفوا عن انفسكم شبهة غض النظر ....حسن انت غلطان و الموضوع منتهي....فول ستوب ههههه

[sweet qatar]

الاجانب ما عندهم مبدأ غضوا النظر :secret: لكن عندنا احنا المسلمين موجود..

واعتقد اساس المشكلة هو اخونا حسن.. يعني لو الموضوع طارحته بنت ممكن نوصل الى قناعة
ان عيب الوحدة تتمكيج في السيارة في شارع عام .. من غير اي تدخلات في قضية غض النظر..

الله يهداج ليش هالكلام ؟!!

متي بتتركون عنكم سالفة الانحياز

عادي آراء مختلفة و زوايا مختلفة وناس يمكن يوصلون لقناعة وحدة ويمكن لأ

سوري يمامة استغربت الرد هذا منج

[monatee]

انا بتحمل ذنبي ..

بس اهي توقعين كم بتشل وبتحط انها خلت هالعالم كلهم يشوفونها بهالمنظر المقزز ..

نحن لسنا اعلم بما في قلوب البشر ..

بس نعلم انه الي يسوي شيء خطأ يتحاسب من رب العالمين قبل لا يحاسبونه البشر ..


وهذه اخاف اقول متبرجه تقولين لي لا وعلى كيفك واشلون وليش قلت انها متبرجه ..




لنا النظره الاولى فقط

اخ حسن اوضح انه تفحصها وعطاها سكان
واخ ثاني قال شاف نفس المنظر وكان وده يأشر لها
واخ ثالث ورابع كلهم مؤيدين يذكرون عده مواقف شبيهه

( المجموعه هاذي ماكنوا ضمن النظره الاولى فقط )

و هالنقطه اللي كنت اتكلم فيها ، وكل مذنب ربي يحاسبه

[حسن]

اشكر اليمامه واشكرك ياشبح واشكرك ياخلدون

لوكن مهما وضحتو لهم فهم مقتنعين بان هذه الامور عاديه

بالنسبه لنا نحن الرجال

نقول عنه عيب والادب رحمه

مع العلم اني جاوبت عليبهم وهم تهربو من الاجابه

كيفهم هم لهم الحريه انا قلت لهم

[sweet qatar]

خلص يا ستي النقطه وضحت....مرة ثانيه شباب لما تبون تطرحون مواضيع مشابهه مستقبلا قولوا انه الاهل خبرونا انهم شافوا وحده تسوي كذا و كذا في مكان عام علشان تنفوا عن انفسكم شبهة غض النظر ....حسن انت غلطان و الموضوع منتهي....فول ستوب ههههه

Seriously ??

ليش الاستهانة بآراء البعض .. هذا راعي الموضوع يحاور ويناقش
ولا قال هالكلام !!

[يمامـة]

خلص يا ستي النقطه وضحت....مرة ثانيه شباب لما تبون تطرحون مواضيع مشابهه مستقبلا قولوا انه الاهل خبرونا انهم شافوا وحده تسوي كذا و كذا في مكان عام علشان تنفوا عن انفسكم شبهة غض النظر ....حسن انت غلطان و الموضوع منتهي....فول ستوب ههههه

بيقولون له فاتح اذانيك للحريم... وعيب الوحدة تنقل سوالف الحريم للرجال..
المشكلة اننا
ننترك الخطأ نفسه ونروح بعيد عن الهدف من طرح الموضوع..

- غلط الواحد يصف عند الاشارة وينزل و يطق ولده وعيب هالتصرف
- غلط الواحد يرفع صوت الاغاني ويترقص مع ربعه عند الاشارة وعيب هالتصرف
-غلط الوحدة تتمكيج عند الاشارة وعيب هالتصرف
- غلط الواحد يوقف عند الاشارة ويقز في خلق الله يمين ويسار .. ويسار ويمين واسبح..

حتى لو حسن قال سمعت ان.. او قالوا لي او هلي قالوا لي
بيطلع غلطان لأنه لو قايل شفت رجال يتمكيج ممكن ينقبل منه اكثر.. لان عيب الرجال يتمكيج
لكن ان المرأة تتمكيج في السيارة هذي نتركها ونحاسب حسن ليش انتبه لها!!

فكلنا نعرف ان لك النظرة الاولى.. بمعنى نظرة اولى في الويه.. لكن لو شفت امر ملفت للنظر
وفيه شي مب طبيعي.. فهل لك نظرة اولى .. ولا الموقف بيشدك؟
انت قاعد تشوف الموقف مب تقز الويه والعيون و الشعر..

لنفرض حسن مب مسلم بعيد الشر. وكان معانا في المنتدى وكان اسمه عوني او طوني
فهل بنحاسبه على انه لاحظ هالموقف؟
ونقول له ليش ما غضيت البصر؟

[khaldoon]

Seriously ??

ليش الاستهانة بآراء البعض .. هذا راعي الموضوع يحاور ويناقش
ولا قال هالكلام !!

له له له مين قال استهانه براعي الموضوع....الله يسامحك فهمتي ردي غلط... بس اعتقد حسن فهمي قصدي.....حسن على العين و الراس.... اقصد انه تركنا التصرف السلبي اللي قامت فيه البنت و ركزنا على حسن ليش ما غض النظر....صعب الواحد يغض النظر لو شاف شي سلبي و شاذ و غيرب و غير مقبول و مخالف للذوق العام بمكان عام

[khaldoon]

بيقولون له فاتح اذانيك للحريم... وعيب الوحدة تنقل سوالف الحريم للرجال..
المشكلة اننا
ننترك الخطأ نفسه ونروح بعيد عن الهدف من طرح الموضوع..
- غلط الواحد يصف عند الاشارة وينزل و يطق ولده وعيب هالتصرف
- غلط الواحد يرفع صوت الاغاني ويترقص مع ربعه عند الاشارة وعيب هالتصرف
-غلط الوحدة تتمكيج عند الاشارة وعيب هالتصرف
- غلط الواحد يوقف عند الاشارة ويقز في خلق الله يمين ويسار .. ويسار ويمين واسبح..

لنفرض حسن مب مسلم بعيد الشر. وكان معانا في المنتدى وكان اسمه عوني او طوني
فهل بنحاسبه على انه لاحظ هالموقف؟
ونقول له ليش ما غضيت البصر؟

والله طلعتي اذكى مني و اعترف و اشهد...كيف فاتتني هذه ....شباب اللي قولته في ردي السابق اهملوه و كأنه لم يكن بلاش تتوهقون مستقبلا

[monatee]

اشكر اليمامه واشكرك ياشبح واشكرك ياخلدون

لوكن مهما وضحتو لهم فهم مقتنعين بان هذه الامور عاديه

بالنسبه لنا نحن الرجال

نقول عنه عيب والادب رحمه

مع العلم اني جاوبت عليبهم وهم تهربو من الاجابه

كيفهم هم لهم الحريه انا قلت لهم


ترى مافي ولا رد من اي عضو ان هالشي عادي ،،
عالعموم اخوي يمكن قصدك سليم او النصح في الموضوع
لكن بالنسبه لي ماتقبل من رجل ينظر الى امرأه وينتقد فيها عيب او فعل
وتناسى انه المفروض مايشوفه لو كان غاض البصر عنها

[حسن]

بيقولون له فاتح اذانيك للحريم... وعيب الوحدة تنقل سوالف الحريم للرجال..
المشكلة اننا
ننترك الخطأ نفسه ونروح بعيد عن الهدف من طرح الموضوع..

- غلط الواحد يصف عند الاشارة وينزل و يطق ولده وعيب هالتصرف
- غلط الواحد يرفع صوت الاغاني ويترقص مع ربعه عند الاشارة وعيب هالتصرف
-غلط الوحدة تتمكيج عند الاشارة وعيب هالتصرف
- غلط الواحد يوقف عند الاشارة ويقز في خلق الله يمين ويسار .. ويسار ويمين واسبح..

حتى لو حسن قال سمعت ان.. او قالوا لي او هلي قالوا لي
بيطلع غلطان لأنه لو قايل شفت رجال يتمكيج ممكن ينقبل منه اكثر.. لان عيب الرجال يتمكيج
لكن ان المرأة تتمكيج في السيارة هذي نتركها ونحاسب حسن ليش انتبه لها!!

فكلنا نعرف ان لك النظرة الاولى.. بمعنى نظرة اولى في الويه.. لكن لو شفت امر ملفت للنظر
وفيه شي مب طبيعي.. فهل لك نظرة اولى .. ولا الموقف بيشدك؟
انت قاعد تشوف الموقف مب تقز الويه والعيون و الشعر..

لنفرض حسن مب مسلم بعيد الشر. وكان معانا في المنتدى وكان اسمه عوني او طوني
فهل بنحاسبه على انه لاحظ هالموقف؟
ونقول له ليش ما غضيت البصر؟

شكرا ياليماهه على هذا الرد الوافي والكافي

وانتي اعرف مني

وانتي ماقتي الا الصحيح في موضوعي واتفق معاك ومع خلدون

الصراحه لي عوده

بس عندي موعد لمستشفى باودي بنتي وراجع لكم


بالسلامه


:)

[sweet qatar]

له له له مين قال استهانه براعي الموضوع....الله يسامحك فهمتي ردي غلط... بس اعتقد حسن فهمي قصدي.....حسن على العين و الراس.... اقصد انه تركنا التصرف السلبي اللي قامت فيه البنت و ركزنا على حسن ليش ما غض النظر....صعب الواحد يغض النظر لو شاف شي سلبي و شاذ و غيرب و غير مقبول و مخالف للذوق العام بمكان عام

لا خلدون انت الي فهمتني غلط

حسن شوف رده الأخير

قال كيفهم .. وهذا الصح

ما استهزاء بالي عارضوه و دخل في نواياهم

عادي اي شخص يختلف معاك تري .. مب معناها هو مايتقبل منك الكلمة

[يمامـة]

اشكر اليمامه واشكرك ياشبح واشكرك ياخلدون

لوكن مهما وضحتو لهم فهم مقتنعين بان هذه الامور عاديه

بالنسبه لنا نحن الرجال

نقول عنه عيب والادب رحمه

مع العلم اني جاوبت عليبهم وهم تهربو من الاجابه

كيفهم هم لهم الحريه انا قلت لهم

العفو يا بوعلي..

شوف يا اخوي.. تبي ترتاح ابتعد عن مواضيع الحريم..

واذا شفت موقف مثل هالمواقف.. افردها بشكل عام من غير ما تقول شفت او قالوا لي..
مثلا..

انت علشان تكتب موضوع تنتقد فيه هالتصرف..
ادخل في الموضوع من باب اهمية المكياج في حياة المرأة العصرية
ومن ثم اعرج الى ان المرأة تصير أجمل بمساحيق التجميل و دائما ما تكون محط
انظار من هم حولها وهي بكامل زينتها..
ولكن لك عتب بسيط وصغير من قلب محب يحب الخير للجميع وان
نتمنى مراعاة الذوق العام في حالة الشروع في استخدام مساحيق التجميل او ترتيبها
وذلك بالابتعاد عن
*- وضع المساحيق في المصاعد العامة
*وضع المساحيق في المعارض المفتوحة( وصادفت شخصيا هالوضوع)
* وضع المساحيق عند الاشارات
* وضع المساحيق في الاجتماعات العامة ( سواء كانت مختلطة او لا)
* وضع المساحيق و ترتيبها عند التحدث مع الاخرين في جلسات عامة

ونوه انك ترحب بأي اضافة ممكن حد يحب يضيفها..

وشكرا لكم..

[يمامـة]

والله طلعتي اذكى مني و اعترف و اشهد...كيف فاتتني هذه ....شباب اللي قولته في ردي السابق اهملوه و كأنه لم يكن بلاش تتوهقون مستقبلا

لانك ما لعبت ايج اوف امبيرز:shy:

[العنيده]

والله لها طولة بال .. الحين الواحد مع السواقه التعبانه صار لازم ينتبه مليون بالميه ..
حتى وقت الانتظار عند الاشاره بعد نحاسب ..

يالله مانقدر نظلمها ولا نقول شي بس يااختي في الله انتبهي للسواقه والله يحفظ الجميع ان شاء الله

[بشائر]

ههههه ترا هالأيام ماستبعد أشوف وحدة تكوي نقابها عند الإشارة !!
أكيد تصرفها مرفوض وماتسويه وحدة عندها حياء .. لكن شنقول بعد خلها على ربك ..
الله يثبتنا بس ..

[monatee]

فكلنا نعرف ان لك النظرة الاولى.. بمعنى نظرة اولى في الويه.. لكن لو شفت امر ملفت للنظر
وفيه شي مب طبيعي.. فهل لك نظرة اولى .. ولا الموقف بيشدك؟
انت قاعد تشوف الموقف مب تقز الويه والعيون و الشعر..


شنهو تعريفج لمنظر ملفت النظر ؟ شخص ممكن يشده هالمنظر وشخص ثاني لا
وهل اذا شدني المنظر يستباح الفعل ؟




لنفرض حسن مب مسلم بعيد الشر. وكان معانا في المنتدى وكان اسمه عوني او طوني
فهل بنحاسبه على انه لاحظ هالموقف؟
ونقول له ليش ما غضيت البصر؟


بنقول حق طوني عيب ومالك شغل بالناس ،، وان لم تكن مسلم ،
انت ملزم بقوانين وبعادات وتقاليد البلد اللي انت فيه،
دينا يقول غضوا البصر ، عاداتنا تقول عيب القز بالاوادم


============

اختلافي معاكم بالاراء مايعني ان اللي كانت تتبرج عاجبني اللي تسويه

[شبح الصمت]

شنهو تعريفج لمنظر ملفت النظر ؟ شخص ممكن يشده هالمنظر وشخص ثاني لا
وهل اذا شدني المنظر يستباح الفعل ؟




بنقول حق طوني عيب ومالك شغل بالناس ،، وان لم تكن مسلم ،
انت ملزم بقوانين وبعادات وتقاليد البلد اللي انت فيه،
دينا يقول غضوا البصر ، عاداتنا تقول عيب القز بالاوادم




ليش عادت وتقاليد هالبلد انه نشوف نفس هالمناظر في الشوارع !!


ونسكت ونقول يا رجال ما لنا خص خلهم يولون ..

عادات وتقاليد هالبلد انه مرفوض رفض تام انك تتكلم في الاخطاء ..

عادات وتقاليد هالبلد انه مثل هالاشكال الي تسيي للمنظر العام ولبنات وجيل مستقبل شيء عادي صار !!





ترى لا ادافعين بدافع انها انثى دافعي بدافع انه الشيء تشوفينه صح وآلا خطأ

[أم محمد 90]

اللهم لك الحمد والشكر ، صراحة صرت لما اسوي تصرف حتى وانا داخل سيارتي صرت اقول بكرة حد من هذيلا بينزل موضوع عني .
انا عن نفسي مخفي سيارتي ثقيل جداً . عند الاشارة ولطول وقت الاشارات والزحمة احيانا اعدل روجي بسيارتي .
بس اظنك بالغت . ماظنها تسوق وهي تعدل ويهها ومادري ليش تتكلمون
انتو الشباب اغلبكم يدخن وهو يسوق بركبته !!!!!!! وف يده الثانية كرك .

ومرة شفت واحد يقص شنبه وهو عند الاشارة قسم بالله !!

خلنا ساكتين احسن والله ياليت اللي كانت عند الاشارة تقرا الموضوع مفروض مثلكم اللي يمشون ويجون يتكلمون هني ينرفع عليهم قضيه عشان يتعلمون يخلون العالم بحالهم .
غثثثثثى !

[زقرتي ومزاجي]

السؤال تتمكيج حق من ؟؟... وليش ؟؟؟ ..عشان من ؟؟.. يشوفها حلوه ؟؟..
(( تساؤل يستحق التفكير ))

[شبح الصمت]

اللهم لك الحمد والشكر ، صراحة صرت لما اسوي تصرف حتى وانا داخل سيارتي صرت اقول بكرة حد من هذيلا بينزل موضوع عني .
انا عن نفسي مخفي سيارتي ثقيل جداً . عند الاشارة ولطول وقت الاشارات والزحمة احيانا اعدل روجي بسيارتي .
بس اظنك بالغت . ماظنها تسوق وهي تعدل ويهها ومادري ليش تتكلمون
انتو الشباب اغلبكم يدخن وهو يسوق بركبته !!!!!!! وف يده الثانية كرك .

ومرة شفت واحد يقص شنبه وهو عند الاشارة قسم بالله !!

خلنا ساكتين احسن والله ياليت اللي كانت عند الاشارة تقرا الموضوع مفروض مثلكم اللي يمشون ويجون يتكلمون هني ينرفع عليهم قضيه عشان يتعلمون يخلون العالم بحالهم .
غثثثثثى !




انزين سؤال المكياج ما تقدرين تسووينه في البيت لاجل ما تتعرضين للقيل والقال !!

او نظرة المجتمع او الي حوولك !

[متحدث لبق]

موضوع الأخ حسن كأن واحد يقول كنت ناط على بيت الجيران علشان أبوق بيتهم لقيتهم قاعدين يشربون خمر هذيلا ما يخافون الله ههههههه اخوي حسن انت اشلون عرفت انها قاعدة تسوي كذا و كذا الا لأنك ما غضيت بصرك وقعدت تدقق "داخل موترها" انت تتكلم عن شخص داخل سيارة المفروض اساساً اذا شفت جنبك وحدة ما تحاول تستقصى هي اشقاعدة تسوي بالضبط بل اقول حتى لو اللي جنبك رجال بعد لا تطالع داخل موتره

[متحدث لبق]

اللهم لك الحمد والشكر ، صراحة صرت لما اسوي تصرف حتى وانا داخل سيارتي صرت اقول بكرة حد من هذيلا بينزل موضوع عني .
انا عن نفسي مخفي سيارتي ثقيل جداً . عند الاشارة ولطول وقت الاشارات والزحمة احيانا اعدل روجي بسيارتي .
بس اظنك بالغت . ماظنها تسوق وهي تعدل ويهها ومادري ليش تتكلمون
انتو الشباب اغلبكم يدخن وهو يسوق بركبته !!!!!!! وف يده الثانية كرك .

ومرة شفت واحد يقص شنبه وهو عند الاشارة قسم بالله !!

خلنا ساكتين احسن والله ياليت اللي كانت عند الاشارة تقرا الموضوع مفروض مثلكم اللي يمشون ويجون يتكلمون هني ينرفع عليهم قضيه عشان يتعلمون يخلون العالم بحالهم .
غثثثثثى !

توقعي بعض اللي قاعدين يردون الحين اساسا هم فالموتر يسوقون

[أم محمد 90]

انزين سؤال المكياج ما تقدرين تسووينه في البيت لاجل ما تتعرضين للقيل والقال !!

او نظرة المجتمع او الي حوولك !




مكياجي اسويه ف البيت بس بعد طول الساعات واشرب واكل الروج يخف ارجع اعيد عليه .
ومثل ماذكرت لك مخفي سيارتي جدا ثقيل واظنك تعرفني من زمان وتعرف من مشاركاتي اني ارفض ان البنت تكون سيارتها بدون مخفي وذلك للقز والخز واساسا لفت النظر
وهذا عين بو علي جات عليها وهي تعدل ويهها لو حاطه مخفي ثقيل شوي مالفتت انتباهه .

[شبح الصمت]

موضوع الأخ حسن كأن واحد يقول كنت ناط على بيت الجيران علشان أبوق بيتهم لقيتهم قاعدين يشربون خمر هذيلا ما يخافون الله ههههههه اخوي حسن انت اشلون عرفت انها قاعدة تسوي كذا و كذا الا لأنك ما غضيت بصرك وقعدت تدقق "داخل موترها" انت تتكلم عن شخص داخل سيارة المفروض اساساً اذا شفت جنبك وحدة ما تحاول تستقصى هي اشقاعدة تسوي بالضبط بل اقول حتى لو اللي جنبك رجال بعد لا تطالع داخل موتره


الشيخ ..

قلناها ونعيدها ونكررها

البيت والسيارة ملك خاص


الشارع والي فيه ملك عاام للجميع ..


لا تتعدى على عاداتي وتقالدي واحترمني واحترمك ..


لا تخلطووون شيء بشيء ولا تحاولون تقلبون الطاوله على الرجال ..


شاف النظره عليه وهو محاسب عليه


طرح الموضوع هالشيء صح وآلا خطأ

[غير البشر]

ياهلا ومرحبا بوعلي

اكيييد تصرف مرفوض
اول شي على ماتقول تعرض الناس للخطر
وثاني شي واقفه عند اشاره بعد وهي واقفه تعرض الناس للخطر هههههه

وبعدين يا بوعلي حتى لما تقول لو ماتسوق ومع الدريول بعد مايصير قدام الدريول يعني مب حل :rolleyes2:

يعني من كل الجوانب عيب

حتى محلات المكياج وخاصه المشكوفه البنات يجربون المكياج قدام الناس

الله يهديهم ويصلحهم ان شاء الله

[monatee]

ليش عادت وتقاليد هالبلد انه نشوف نفس هالمناظر في الشوارع !!

ونسكت ونقول يا رجال ما لنا خص خلهم يولون ..

عادات وتقاليد هالبلد انه مرفوض رفض تام انك تتكلم في الاخطاء ..

عادات وتقاليد هالبلد انه مثل هالاشكال الي تسيي للمنظر العام ولبنات وجيل مستقبل شيء عادي صار !!

ترى لا ادافعين بدافع انها انثى دافعي بدافع انه الشيء تشوفينه صح وآلا خطأ



والله العظيم مادافعت عنها ،، قلت لك كل مذنب ربي يحاسبه
اذا شخص غلط ليش الشخص الثاني يغلط بعد
مليون في الاميه هي غلطانه وكملها اخونها بغلط ثاني

هي لو لايقه ان الكل مايشوف مكياجها جان من الاساس هالموقف ماصار
لكن فيه اللي يطالع ويقز ويخز

طرح الموضوع من قبل رجل غييييييييييير مقبوول

[يمامـة]

شنهو تعريفج لمنظر ملفت النظر ؟ شخص ممكن يشده هالمنظر وشخص ثاني لا
وهل اذا شدني المنظر يستباح الفعل ؟




بنقول حق طوني عيب ومالك شغل بالناس ،، وان لم تكن مسلم ،
انت ملزم بقوانين وبعادات وتقاليد البلد اللي انت فيه،
دينا يقول غضوا البصر ، عاداتنا تقول عيب القز بالاوادم


============

اختلافي معاكم بالاراء مايعني ان اللي كانت تتبرج عاجبني اللي تسويه

يعني الحين بو عيالي واقف عند الاشارة التفت يمين وانتبه وحدة تضرب ولدها في السيارة
فهل هذا يعني انه قاعد يشوفها هي؟ ...> اقول لا هو ما كان يشوفها.. هو يشوف فعلها اللي غلط..

وبنفس منوال سالفة اخونا حسن التفت يسار وشاف وحدة تتمكيج....> فهل نقول انه هو كان يشوفها هي؟
الجواب لا.. هو ما كان يشوف المرأة هذي هو كان يشوف فعلها..

فهناك فرق ما بين القز و تتبع الناس بالنظر,, وما بين مواقف تحدث امامنا غصب عنا نلحظها..

وهذا ما يعني ان نقول للواحد اذا وقفت عند الاشارة حاول تلتفت يمين ويسار كثر ما تقدر
علشان يمكن ترصد افعال تشد انتباهك.. بينما لو صار ان الواحد انتبه لشي غلط ما نقدر نقول له
ليش ما غضيت البصر...

فعليه يا موناتي..
نقول فعل المرأة غلط.. وبيكون فعل حسن غلط لو قال لنا اشلون صار شكلها من عقب الترتيب!!

فكلنا متفقين ان اللي كانت تسوي هالشي غلط.. واشلون بنعرف انه غلط لو مثل هالملاحظات ما انكتبت؟

فهناك التباس في فهم غض البصر... فلو طبقنا مقولة غض البصر بالكيفية اللي تطالبون فيها
بنطالب الناس يغطون عيونهم لان المفروض يغضون البصر..

وراح ارفق في مشاركة تالية شنهو يعني غض البصر يا بنتي موناتي..

[يمامـة]

ما معنى غض البصر ؟.
الحمد لله

أولا :

غض البصر في اللغة يعني كفه ومنعه من الاسترسال في التأمل والنظر .

يقول ابن فارس في "معجم مقاييس اللغة" (4/307) :

" الغين والضاد ، يدلُّ على كفٍّ ونَقْص، (مثل) غضُّ البصر ، وكلُّ شيءٍ كففتَه فقد غَضَضْته " انتهى .

ويقول ابن منظور في "لسان العرب" (7/196) :

" وغَضَّ طَرْفَه وبَصره : كفَّه وخَفَضَه وكسره . وقيل : هو إِذا دانى بين جفونه ونظر " انتهى

ثانيا :

وهو في الشرع يشمل أمورا عدة :

1- غض البصر عن عورات الناس ، ومن ذلك زينة المرأة الأجنبية .

يقول شيخ الإسلام ابن تيمية رحمه الله "مجموع الفتاوى" (15/414) :

" والله سبحانه قد أمر فى كتابه بغض البصر وهو نوعان : غض البصر عن العورة . وغضه عن محل الشهوة .

فالأول كغض الرجل بصره عن عورة غيره .

وأما النوع الثاني من النظر كالنظر إلى الزينة الباطنة من المرأة الأجنبية ، فهذا أشد من الأول ، كما أن الخمر أشد من الميتة والدم ولحم الخنزير ، وعلى صاحبها الحد ... لأن هذه المحرمات لا تشتهيها النفوس كما تشتهى الخمر " انتهى .

2- غض البصر عن بيوت الناس وما أغلقت عليه أبوابهم :

يقول ابن تيمية "مجموع الفتاوى" (15/379) :

" وكما يتناول غض البصر عن عورة الغير وما أشبهها من النظر إلى المحرمات ، فإنه يتناول الغض عن بيوت الناس ، فبيت الرجل يستر بدنه كما تستره ثيابه ، وقد ذكر سبحانه غض البصر وحفظ الفرج بعد آية الاستئذان ، وذلك أن البيوت سترة كالثياب التى على البدن " انتهى .

ويقول ابن القيم رحمه الله في "مدارج السالكين" (1/117) :

" ومن النظر الحرام النظر إلى العورات ، وهي قسمان : عورة وراء الثياب . وعورة وراء الأبواب " انتهى .

3- غض البصر عما في أيدي الناس من الأموال والنساء والأولاد والمتاع ونحوها .

قال تعالى : ( لاَ تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجاً مِّنْهُمْ وَلاَ تَحْزَنْ عَلَيْهِمْ وَاخْفِضْ جَنَاحَكَ لِلْمُؤْمِنِينَ ) الحجر/88

قال ابن سعدي في "تفسيره" (434) :

" أي: لا تعجب إعجابا يحملك على إشغال فكرك بشهوات الدنيا التي تمتع بها المترفون ، واغترَّ بها الجاهلون ، واستغن بما آتاك الله من المثاني والقرآن العظيم " انتهى .

وقال أيضا (ص/516) :

" أي : لا تمد عينيك معجبا ، ولا تكرر النظر مستحسنا إلى أحوال الدنيا والمُمَتَّعين بها ، من المآكل والمشارب اللذيذة ، والملابس الفاخرة ، والبيوت المزخرفة ، والنساء المجملة ، فإن ذلك كله زهرة الحياة الدنيا ، تبتهج بها نفوس المغترين ، وتأخذ إعجابا بأبصار المعرضين ، ويتمتع بها - بقطع النظر عن الآخرة - القوم الظالمون ، ثم تذهب سريعا ، وتمضي جميعا ، وتقتل محبيها وعشاقها ، فيندمون حيث لا تنفع الندامة ، ويعلمون ما هم عليه إذا قدموا في القيامة ، وإنما جعلها الله فتنة واختبارا ، ليعلم من يقف عندها ويغتر بها ، ومن هو أحسن عملا " انتهى .

ثالثا :

يذكر العلماء في فوائد غض البصر أمورا كثيرة ، منها ما قاله ابن القيم رحمه الله في "الجواب الكافي" (125) :

" وفي غض البصر عدة منافع :

أحدها : أنه امتثال لأمر الله الذي هو غاية سعادة العبد في معاشه ومعاده ، وليس للعبد في دنياه وآخرته أنفع من امتثال أوامر ربه تبارك وتعالى ، وما سعد من سعد في الدنيا والآخرة إلا بامتثال أوامره ، وما شقي من شقي في الدنيا والآخرة إلا بتضييع أوامره .

الثانية : أنه يمنع من وصول أثر السهم المسموم الذى لعل فيه هلاكه إلى قلبه .

الثالثة : أنه يورث القلب أنسا بالله ، وجمعية على الله ، فإن إطلاق البصر يفرق القلب ويشتته ويبعده من الله ، وليس على العبد شيء أضر من إطلاق البصر ، فانه يوقع الوحشة بين العبد وبين ربه .

الرابعة : أنه يقوي القلب ويفرحه ، كما أن إطلاق البصر يضعفه ويحزنه .

الخامسة : أنه يكسب القلب نورا ، كما أن إطلاقه يكسبه ظلمة ، ولهذا ذكر سبحانه آية النور عقيب الأمر بغض البصر ، فقال : ( قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ) النور/30 ثم قال إثر ذلك : (اللَّهُ نُورُ السَّمَاوَاتِ وَالأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ ) النور/35 أي مثل نوره في قلب عبده المؤمن الذي امتثل أوامره واجتنب نواهيه ، وإذا استنار القلب أقبلت وفود الخيرات إليه من كل جانب ، كما أنه إذا أظلم أقبلت سحائب البلاء والشر عليه من كل مكان ، فما شئت من بدعة وضلالة واتباع هوى واجتناب هدى وإعراض عن أسباب السعادة واشتغال بأسباب الشقاوة ، فإن ذلك إنما يكشفه له النور الذي في القلب ، فإذا فقد ذلك النور بقي صاحبه كالأعمى الذي يجوس في حنادس الظلام .

السادسة : أنه يورث الفراسة الصادقة التي يميز بها بين المحق والمبطل والصادق والكاذب ، ... والله سبحانه يجزي العبد على عمله بما هو من جنس عمله ، ومن ترك شيئا لله عوضه الله خيرا منه ، فإذا غض بصره عن محارم الله عوضه الله بأن يطلق نور بصيرته ، عوضة عن حبسه بصره لله ، ويفتح له باب العلم والإيمان والمعرفة والفراسة الصادقة المصيبة ، التي إنما تنال ببصيرة القلب ، وضد هذا ما وصف الله به اللوطية من العمه الذي هو ضد البصيرة فقال تعالى : (لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ ) الحجر/72

السابعة : أنه يورث القلب ثباتا وشجاعة وقوة ، ويجمع الله له بين سلطان البصيرة والحجة وسلطان القدرة والقوة ، كما في الأثر : ( الذي يخالف هواه يفر الشيطان من ظله ) ومثل هذا تجده في المتبع هواه من ذل النفس ووضاعتها ومهانتها وخستها وحقارتها ، ما جعله الله سبحانه فيمن عصاه ، كما قال الحسن : ( إنهم وإن طقطقت بهم البغال ، وهملجت بهم البراذين ، فإن المعصية لا تفارق رقابهم ، أبى الله إلا أن يذل من عصاه ) .

وقد جعل الله سبحانه العز قرين طاعته ، والذل قرين معصيته ، فقال تعالى : ( ولِلَّهِ الْعِزَّةُ وَلِرَسُولِهِ وَلِلْمُؤْمِنِينَ ) المنافقون/8 ، وقال تعالى : ( وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ ) آل عمران/139 ، والإيمان قول وعمل ، ظاهر وباطن ، وقال تعالى : ( مَن كَانَ يُرِيدُ الْعِزَّةَ فَلِلَّهِ الْعِزَّةُ جَمِيعاً إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ ) فاطر/10 ، أي من كان يريد العزة فليطلبها بطاعة الله وذكره ، من الكلم الطيب والعمل الصالح ، وفي دعاء القنوت : ( إنه لا يذل من واليت ، ولا يعز من عاديت ) ومن أطاع الله فقد والاه فيما أطاعه فيه ، وله من العز بحسب طاعته ، ومن عصاه فقد عاداه فيما عصاه فيه ، وله من الذل بحسب معصيته .

الثامن : أنه يسد على الشيطان مدخله من القلب ، فإنه يدخل مع النظرة ، وينفذ معها إلى القلب أسرع من نفوذ الهوى في المكان الخالي ، فيمثل له صورة المنظور إليه ، ويزينها ويجعلها صنما يعكف عليه القلب ، ثم يَعِدُهُ ويُمَنِّيه ، ويوقد على القلب نار الشهوة ، ويلقي عليه حطب المعاصي التي لم يكن يتوصل إليها بدون تلك الصورة ، فيصير القلب في اللهب ، فمن ذلك اللهب تلك الأنفاس التي يجد فيها وهج النار ، وتلك الزفرات والحرقات ، فإن القلب قد أحاطت به النيران بكل جانب ، فهو في وسطها كالشاة في وسط التنور ، لهذا كانت عقوبة أصحاب الشهوات بالصور المحرمة أن جُعل لهم في البرزخ تنورٌ من نار .

التاسع : أنه يفرغ القلب للفكرة في مصالحه والاشتغال بها ، وإطلاق البصر يشتت عليه ذلك ويحول عليه بينه وبينها ، فتنفرط عليه أموره ، ويقع في اتباع هواه ، وفي الغفلة عن ذكر ربه ، قال تعالى : ( وَلا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطاً ) الكهف/28

العاشر : أن بين العين والقلب منفذا أو طريقا يوجب اشتغال أحدهما عن الآخر ، وأن يصلح بصلاحه ويفسد بفساده ، فإذا فسد القلب فسد النظر ، وإذا فسد النظر فسد القلب ، وكذلك في جانب الصلاح " انتهى .

والله أعلم .

[أم محمد 90]

توقعي بعض اللي قاعدين يردون الحين اساسا هم فالموتر يسوقون

عارفه . من جذي اقولك خلني ساكته . انا ف سيارتي اسوي اللي ابيه انت نعم خير شكو تجي تطل داخل سيارتي ووتتكلم علي ماتستحي ماعندك اهل ياخي انا كيفي حرة . فوقي ربي يحاسبني عند اخوان عندي ابو عندي ام من حضرتك تجي تنزل موضوع عني وتكتب هالكلام .....!!!!!

قسم بالله عالم ماتستحي باجر بعد وحدة تعطس ف المجمع بيجون يكتبون هذي اعطست بصوت عاااالي ماتستحي ؟

[زقرتي ومزاجي]

اللهم لك الحمد والشكر ، صراحة صرت لما اسوي تصرف حتى وانا داخل سيارتي صرت اقول بكرة حد من هذيلا بينزل موضوع عني .
انا عن نفسي مخفي سيارتي ثقيل جداً . عند الاشارة ولطول وقت الاشارات والزحمة احيانا اعدل روجي بسيارتي .
بس اظنك بالغت . ماظنها تسوق وهي تعدل ويهها ومادري ليش تتكلمون
انتو الشباب اغلبكم يدخن وهو يسوق بركبته !!!!!!! وف يده الثانية كرك .

ومرة شفت واحد يقص شنبه وهو عند الاشارة قسم بالله !!

خلنا ساكتين احسن والله ياليت اللي كانت عند الاشارة تقرا الموضوع مفروض مثلكم اللي يمشون ويجون يتكلمون هني ينرفع عليهم قضيه عشان يتعلمون يخلون العالم بحالهم .
غثثثثثى !

؟؟؟ مستغرب بس ... (( وكل شخص له وجهه نظره ))

[شبح الصمت]

مكياجي اسويه ف البيت بس بعد طول الساعات واشرب واكل الروج يخف ارجع اعيد عليه .
ومثل ماذكرت لك مخفي سيارتي جدا ثقيل واظنك تعرفني من زمان وتعرف من مشاركاتي اني ارفض ان البنت تكون سيارتها بدون مخفي وذلك للقز والخز واساسا لفت النظر
وهذا عين بو علي جات عليها وهي تعدل ويهها لو حاطه مخفي ثقيل شوي مالفتت انتباهه .



انتي ساتره على نفسج

الله يستر عليك وعلى سائر بنات المسلمين وبناتنا ..

بس اهي ما اتوقع بوووعلي من الناس الي عيوونه ماشاء الله تشوف من تحت المخفي ..


سيارتها مش مخفي خلت العالم يشوفونها الي يمين والي يسار والي وراها والي قدامها ..


منظر والله اني يوم اشوفها استحي على وجهي انا رجال استحي آكل في شارع قدام العالم اخاف احد يطالعني بنظرة وخاطره في السندويش وآلا آكل ويشوفني اشلون آكل وانا متحرك اسوق ما بين الشوارع

فما بالج بذي الي تعدل في وجهها

[متحدث لبق]

الشيخ ..

قلناها ونعيدها ونكررها

البيت والسيارة ملك خاص


الشارع والي فيه ملك عاام للجميع ..


لا تتعدى على عاداتي وتقالدي واحترمني واحترمك ..


لا تخلطووون شيء بشيء ولا تحاولون تقلبون الطاوله على الرجال ..


شاف النظره عليه وهو محاسب عليه


طرح الموضوع هالشيء صح وآلا خطأ



يا شيخ الأخ يقول على الأقل لو مع الدريول ماعليه و انت تقول عادات!؟

[يمامـة]

ياهلا ومرحبا بوعلي

اكيييد تصرف مرفوض
اول شي على ماتقول تعرض الناس للخطر
وثاني شي واقفه عند اشاره بعد وهي واقفه تعرض الناس للخطر هههههه

وبعدين يا بوعلي حتى لما تقول لو ماتسوق ومع الدريول بعد مايصير قدام الدريول يعني مب حل :rolleyes2:

يعني من كل الجوانب عيب

حتى محلات المكياج وخاصه المشكوفه البنات يجربوه المكياج قدام الناس

الله يهديهم ويصلحهم ان شاء الله

زييين .. الله ينور عليك دنيتك واخرتك يارب...

ما بغيت اتطرق للنقطة هذي علشان بعض الاخوات ما يقولون نركز على العيوب..

هل اللي يصير في المجمعات من جلوس البنت امام اللي حاملة الفرشاة وتجرب عليها
الالوان او الكريمات امر عادي؟

فهل بنقول للعالم في المجمعات غضوا ابصاركم بعد مسافة اربع امتار ويرجى المشي بشكل مستقيم
مع توجيه النظر الى الافق وعدم الالتفاف لا لليمين او اليسار لان محلين متقابلين نوعا ما فيهما
بنات يضعن المساحيق امام المارة من باب تجربتها قبل شرائها؟

ولا بيقولون ليش تدخلون في امور ما تعنيكم؟

[شبح الصمت]

يا شيخ الأخ يقول على الأقل لو مع الدريول ماعليه و انت تقول عادات!؟



بقولك شيء انت قاعد تلف ودور مساعه لعلمك

طلعت من نقطة رديت على نقطة انه مع الدريول


مبين عليك تبي تصيد له


وترى مهب شرط اي واحد داش بمعرف لازم يكون نفس معرفه


اسمي الرومنسي اكووون رومنسي وكلامي كله رومنسي


اسمي شبح اكون خفي ما ابين للعالم ..

اوصلت النغززه

[عثرة جواد]

ههههههههههههههه

الحين الموضوع عن المكياااج صح.

اشدخل غض البصر والمحرم والمداخلات الي خارج الموضوع

انا من رائي ان الي يكتب الموضوع يكتب نقاط الحوار احس بيكون اسهل للفهم

[بشائر]

على فكرة أخوي حسن .. أكثر من مرة أشوف مثل هذا المنظر تكون واقفه بسيارتها تنتظر الإشارة ..
الأخت تحط بلشر ومنزلة الدريشة وكنه العيد .. ولا همها حد .. وشي طبيعي أن هالحركة تلفت اللي حولها
إن ماكانت هي أصلا مسوية هالحركة للفت انتباههم ..

[أم محمد 90]

انتي ساتره على نفسج

الله يستر عليك وعلى سائر بنات المسلمين وبناتنا ..

بس اهي ما اتوقع بوووعلي من الناس الي عيوونه ماشاء الله تشوف من تحت المخفي ..


سيارتها مش مخفي خلت العالم يشوفونها الي يمين والي يسار والي وراها والي قدامها ..


منظر والله اني يوم اشوفها استحي على وجهي انا رجال استحي آكل في شارع قدام العالم اخاف احد يطالعني بنظرة وخاطره في السندويش وآلا آكل ويشوفني اشلون آكل وانا متحرك اسوق ما بين الشوارع

فما بالج بذي الي تعدل في وجهها




اي يا شبح . الخطأ من الاثنين

من البنت وذلك لانها رضت ع نفسها وهي مكشوفة واتوقع دامها لفتت نظره سيارتها جديدة يا رنج يا بورش وبدون مخفي .
والغلط منه هو يجي يتكلم ياخي استر شفت شي اعتبرها اختك بالاسلام تجي تفضحهها قدام الكل هني .!! ليش يعني ولو صج ف قلبك نصيحة مو تشهير بتكتب بشكل عام مابتقول شفت وشفت .

بخصوص الاكل شبوح ..

اول امس كنت مستعيرة سيارة امي الجديدة وماعليها عازل . والله خذيت لي من برغري والريحة تهف ف السيارة وخاطري اكلللله اقول متى اوصل البيت
ماقدر اكله ادري السيارة ماعليها مخفي لو ف سيارتي اوووه اكل واشرب واغسل ويهي وافرش اسناني بعد هههههههههههه

[متحدث لبق]

يعني الحين بو عيالي واقف عند الاشارة التفت يمين وانتبه وحدة تضرب ولدها في السيارة
فهل هذا يعني انه قاعد يشوفها هي؟ ...> اقول لا هو ما كان يشوفها.. هو يشوف فعلها اللي غلط..

وبنفس منوال سالفة اخونا حسن التفت يسار وشاف وحدة تتمكيج....> فهل نقول انه هو كان يشوفها هي؟
الجواب لا.. هو ما كان يشوف المرأة هذي هو كان يشوف فعلها..

فهناك فرق ما بين القز و تتبع الناس بالنظر,, وما بين مواقف تحدث امامنا غصب عنا نلحظها..

وهذا ما يعني ان نقول للواحد اذا وقفت عند الاشارة حاول تلتفت يمين ويسار كثر ما تقدر
علشان يمكن ترصد افعال تشد انتباهك.. بينما لو صار ان الواحد انتبه لشي غلط ما نقدر نقول له
ليش ما غضيت البصر...

فعليه يا موناتي..
نقول فعل المرأة غلط.. وبيكون فعل حسن غلط لو قال لنا اشلون صار شكلها من عقب الترتيب!!

فكلنا متفقين ان اللي كانت تسوي هالشي غلط.. واشلون بنعرف انه غلط لو مثل هالملاحظات ما انكتبت؟

فهناك التباس في فهم غض البصر... فلو طبقنا مقولة غض البصر بالكيفية اللي تطالبون فيها
بنطالب الناس يغطون عيونهم لان المفروض يغضون البصر..

وراح ارفق في مشاركة تالية شنهو يعني غض البصر يا بنتي موناتي..

انتبه لحالة لحظية شي و تابع مواصلتها لفعل معين من إشارة اليييييييييييين الإشارة اللي بعدها "نقول على مدى كيلو أو حوله؟" وهو يجاريها بالموتر و يتابع الحالة في فرق اخت يمامة

[متحدث لبق]

بقولك شيء انت قاعد تلف ودور مساعه لعلمك

طلعت من نقطة رديت على نقطة انه مع الدريول


مبين عليك تبي تصيد له


وترى مهب شرط اي واحد داش بمعرف لازم يكون نفس معرفه


اسمي الرومنسي اكووون رومنسي وكلامي كله رومنسي


اسمي شبح اكون خفي ما ابين للعالم ..

اوصلت النغززه



ما فهمت شي و اتصيد على شخص اول مرة أكلمه ليش؟

[رهج السنابك]

هلاقه
ماحب اشوف وحده تضبط مكياجها مب بس في سياره سواء بمطعم ولا بداوم او بطياره احسه عيب شي خاص فيج رقعي الهالات والبقع والبراطم المشققه بالخفاء مب لازم يشوفون " اعمال اشغال" الي قاعده تسوينها

[يمامـة]

انتبه لحالة لحظية شي و تابع مواصلتها لفعل معين من إشارة اليييييييييييين الإشارة اللي بعدها "نقول على مدى كيلو أو حوله؟" وهو يجاريها بالموتر و يتابع الحالة في فرق اخت يمامة

في هذي اتفق معاك... احنا شفنا الفعل .. تسجل في مخنا .. نوقف المتابعة..

الاسترسال في المتابعة ما نطالب فيها و نرفضها.. خلاص هي قاعدة تحط مكياج غلط..
نصد عنها و عن فعلها ونوقف.. لان لو تابعنها ما اعتقد بنكتشف شي يديد بيتطور مع وضعها للمكياج..

لكن الاخوات ينتقدون ليش انتبهت لها و المفروض تغض البصر من الاساس..!!

[زقرتي ومزاجي]

هلاقه
ماحب اشوف وحده تضبط مكياجها مب بس في سياره سواء بمطعم ولا بداوم او بطياره احسه عيب شي خاص فيج رقعي الهالات والبقع والبراطم المشققه بالخفاء مب لازم يشوفون " اعمال اشغال" الي قاعده تسوينها


هههههههههههههههههههههههههههههههه
ههههههههههههههههههههه

[Dana’1]

ههههههههههههههه

الحين الموضوع عن المكياااج صح.

اشدخل غض البصر والمحرم والمداخلات الي خارج الموضوع

انا من رائي ان الي يكتب الموضوع يكتب نقاط الحوار احس بيكون اسهل للفهم

لا الموضوع عن الي يلتهي عن السواقه ويعطل الناس هذا إلي أنا فهمته من الكاتب..



السلام عليكم جميعا يااحبابنا الكرام

امس شدني منظر ودائما اشوفه بس هل المره الصراحه بزود

وانا واقف امام اشاره البريد باتجاه اشارات الاعلام باتجاه الكورنيش
واذا بسياره بجنبي وانصدمت من المنظر

طبعا كانت سيده وهي واقفه وعلبه المكياج المبطله وتتمكيج الاخت وبالفرشاه
واحنا واقفين
تحركت السياره ولازالت تستخدم تلك الادوات الى الاشاره الثانيه

يعني لو انتي مع سواق قلنا مايخالف لكن وانتي تسوقين وتتعدين كذا اشاره ومسببه لك ولمرتادي الطريق الخطوره

!!!!

انا ماعمري شفت رجل يحلق لحيته عند الاشاره

!!!

مارايكم بهذا التصرف مقبول ولا مرفوض


نستمع الى اراكم ونسعد بمشاركاتكم


شكرا للجميع


لأن لو كان عن المكياج فقط..ما كان كتب لو مع السواق ..الأمر فيه سعه

[Dmy Enabi]

حسن شكلك صدتني :omen2:

[monatee]

شوفت وحده تسوي هالشي فعلا عند اشارة السد.... بغيت اسوي لها علامة ممتاز باصبعي الابهام او اقولها حلوة او اقول لها ما تحاولي ما في فايده بس عيب هههههههه


والله لو جدامي كان يمكن لي تصرف اخر

ولكن هي على يساري يعني التفت يسار مول في وجهي
تصدق كتى العليبه مكتوب علياها شانيل

مادري شنهي هذه


الله لا يهينك نزل تطبيق مطراش 2 في حوالك وفعل خدمه تصوير المخالفات وصور وارسل بيصيدونها وتعاقب فالقانون القطري الهبله


هلا بوعلي...دائما تصادفني مثل هالشوفات..وتصرفي يكون كالتالي:
انظر لها بتعجب ولما تلتفت لي وتشوفني مستغرب تستحي وتوقف العملية..


شدعوه

حصان العربه

:)

هاهاها

مشكلتي انا عندي نظره قريبه وبعيده واشوف شي ماتشوفونه

ساعات اسوي سكان والترا ساوند بعد

شنسوي يقولك قض البصر شلون وانا اسوق

هذه جريمه في حق الانسانيه

:telephone:


مع الاسف كلامك في محلة يا ابوعلي

بين كل ثلاث اشارات تحصل وحدة تتمكيج

وعند الاشارة الرابعة وحدة تسولف في التلفون

وعند الاشارة الخامسة وحدة تاكل متاي وحلوه

وعند الاشارة السادسة تمشط شعرها وتعدل الشيلة

وعند الاشارة السابعة صار لها حادث ومسكرة الشارع تنتظر احد من الاهل يمر عليها

وعند باقي الاشارات اكيد تعرفون الباقي


صدقيني يا اخت يمامه انا عوده على اني اكون بنتج

انا فاهمه شنو غض البصر ،، لكن الشباب اللي مب فاهمين وعندهم لبس في الموضوع

شوفي ردودهم في الاقتباسات واحكمي

عشان جيه انا ماقدر اتفق معاهم ولا بقتنع بردودهم دام هاذي تصرفاتهم

[المــزن*]

هي صج غلطانه بالنسبة لي وبالنسبه لاغلب الناس

بس هي يمكن تشوفه شي عادي ،، والصراحه كيفها دام ف سيارتها اهم شي ماعطلت السير وما ضرت حد
وتتحمل نظرات الناس لها


زين انا شفت واحد يقرض اظافره عند الاشاره ومعطل السير ! هاي شنقوله :(

[بومحمد المطاوعه]

ههههه ترا هالأيام ماستبعد أشوف وحدة تكوي نقابها عند الإشارة !!
أكيد تصرفها مرفوض وماتسويه وحدة عندها حياء .. لكن شنقول بعد خلها على ربك ..
الله يثبتنا بس ..

ههههههههه

كفج


الله يستر علينا وعليهم !!

[أم محمد 90]

ههههههههه

كفج


الله يستر علينا وعليهم !!

هههههههههه ههييي كلمتي لا تبوق ما احلل

[أم محمد 90]

صدقيني يا اخت يمامه انا عوده على اني اكون بنتج

انا فاهمه شنو غض البصر ،، لكن الشباب اللي مب فاهمين وعندهم لبس في الموضوع

شوفي ردودهم في الاقتباسات واحكمي

عشان جيه انا ماقدر اتفق معاهم ولا بقتنع بردودهم دام هاذي تصرفاتهم
دمي عنابي.
ارفع لج ابهامي على اقتباسج للمشاركات

[دااانة قطر]

عيييييييييييييييييييييييييييييييييييييييييييييييب

أخوي حسن موضوعك توحفة ..



ياهلا ومرحبا بوعلي

اكيييد تصرف مرفوض
اول شي على ماتقول تعرض الناس للخطر
وثاني شي واقفه عند اشاره بعد وهي واقفه تعرض الناس للخطر هههههه

وبعدين يا بوعلي حتى لما تقول لو ماتسوق ومع الدريول بعد مايصير قدام الدريول يعني مب حل :rolleyes2:

يعني من كل الجوانب عيب

حتى محلات المكياج وخاصه المشكوفه البنات يجربون المكياج قدام الناس

الله يهديهم ويصلحهم ان شاء الله


هلاقه
ماحب اشوف وحده تضبط مكياجها مب بس في سياره سواء بمطعم ولا بداوم او بطياره احسه عيب شي خاص فيج رقعي الهالات والبقع والبراطم المشققه بالخفاء مب لازم يشوفون " اعمال اشغال" الي قاعده تسوينها

:nice:

[بومحمد المطاوعه]

حسن شكلك صدتني :omen2:

مستانسه تجاهرين بالمعصيه


استغفرالله العظيم

[عاشق العديد]

هي صج غلطانه بالنسبة لي وبالنسبه لاغلب الناس

بس هي يمكن تشوفه شي عادي ،، والصراحه كيفها دام ف سيارتها اهم شي ماعطلت السير وما ضرت حد
وتتحمل نظرات الناس لها


زين انا شفت واحد يقرض اظافره عند الاشاره ومعطل السير ! هاي شنقوله :(

شكلج صدتيني ..

[أم محمد 90]

هي صج غلطانه بالنسبة لي وبالنسبه لاغلب الناس

بس هي يمكن تشوفه شي عادي ،، والصراحه كيفها دام ف سيارتها اهم شي ماعطلت السير وما ضرت حد
وتتحمل نظرات الناس لها


زين انا شفت واحد يقرض اظافره عند الاشاره ومعطل السير ! هاي شنقوله :(

ماقد شفتي واحد يسوق بدون يدين ؟ ولا حاط ريل ع الطبلون ويسوق !!
لحين ماجينا نقول عن الشباب اللي يحددون العارض بكحل يعني في امور نبلعها ونسكت بس في ناس ماتستحي تخلي الواحد غصب يتكلم .

[بومحمد المطاوعه]

هههههههههه ههييي كلمتي لا تبوق ما احلل

هههههه
عادي حلالي


بس صج الموضوع يبيله
قعده بصروال وفانيله

وجيك كركديه خخخخ

[المهاجر]

انا شفت واحد يمشط شعره ويلبس الغتره ويتكشخ وهو يسوق:secret:

[بومحمد المطاوعه]

انا شفت واحد يمشط شعره ويلبس الغتره ويتكشخ وهو يسوق:secret:

هههه اي والله صدقت
البعض
يبدل فالموتر

الله يهديهم
والي رافع ريله ع الطبلون
الله يعزك

هذولا كلهم مادري شنو جوهم

[غير البشر]

زييين .. الله ينور عليك دنيتك واخرتك يارب...

ما بغيت اتطرق للنقطة هذي علشان بعض الاخوات ما يقولون نركز على العيوب..

هل اللي يصير في المجمعات من جلوس البنت امام اللي حاملة الفرشاة وتجرب عليها
الالوان او الكريمات امر عادي؟

فهل بنقول للعالم في المجمعات غضوا ابصاركم بعد مسافة اربع امتار ويرجى المشي بشكل مستقيم
مع توجيه النظر الى الافق وعدم الالتفاف لا لليمين او اليسار لان محلين متقابلين نوعا ما فيهما
بنات يضعن المساحيق امام المارة من باب تجربتها قبل شرائها؟

ولا بيقولون ليش تدخلون في امور ما تعنيكم؟



ياهلا ومرحبا ام خوسييه

اميين وينور عليج يااارب

اي والله مزعجني وايد هالموضوع من زمان بالنسبه للبنات الي يتعدلون بالمولات قدام البنات
على االاقل يجبرون اصحاب المحلات يحطون برتشن او حاجز ويجربون داخله براحتهم

مانقدر نقول لكل العالم غضو البصر
بعظهم وظيفته سكنر
يسوي سكان للي رايحه والي راده
اذا بعظهم غضو البصر والباقي من بغضه البصر محد طبعا

يعني المفروض وقبل غض البصر
نعالج لمشكله والخطأ

يعني قبل البصر الفعل نفسه والتعدل والتمكيج في مكان عام هذا هو الخطأ الاساسي

[المــزن*]

شكلج صدتيني ..

يعني هالشي عادي! والمكياج لا؟ ترا نفس الشي ،، لهالدرجة ماعندكم وقت تقرضون فالبيت:(

[المــزن*]

ماقد شفتي واحد يسوق بدون يدين ؟ ولا حاط ريل ع الطبلون ويسوق !!
لحين ماجينا نقول عن الشباب اللي يحددون العارض بكحل يعني في امور نبلعها ونسكت بس في ناس ماتستحي تخلي الواحد غصب يتكلم .


هالحركه اشوفها من زمان
اما تحديد وكحل مادري :(

الله يهدي الجميع يارب

[الحياة الخالدة]

انا شفت واحد يمشط شعره ويلبس الغتره ويتكشخ وهو يسوق:secret:

عادي يا بوعبدالله
رجال .. وكل شي منه مقبول .. لو يحط غداه قدامه ويضرب بالخمس .. ويسوق بريولـــــــه
ليش تبي تضيق على اخوانك
الله يهديك بس

[نوار قطر]

السلام عليكم جميعا يااحبابنا الكرام

امس شدني منظر ودائما اشوفه بس هل المره الصراحه بزود

وانا واقف امام اشاره البريد باتجاه اشارات الاعلام باتجاه الكورنيش
واذا بسياره بجنبي وانصدمت من المنظر

طبعا كانت سيده وهي واقفه وعلبه المكياج المبطله وتتمكيج الاخت وبالفرشاه
واحنا واقفين
تحركت السياره ولازالت تستخدم تلك الادوات الى الاشاره الثانيه

يعني لو انتي مع سواق قلنا مايخالف لكن وانتي تسوقين وتتعدين كذا اشاره ومسببه لك ولمرتادي الطريق الخطوره

!!!!

انا ماعمري شفت رجل يحلق لحيته عند الاشاره

!!!

مارايكم بهذا التصرف مقبول ولا مرفوض


نستمع الى اراكم ونسعد بمشاركاتكم


شكرا للجميع

تحياتي

الامر مرفوض مرفوض مرفوض وحتى لو كانت مع دريول ياحلوها وهي اتميكج قدامه وهي معاه فالسياره.. الحل انها تلوص ويهها وتلطخه بالمكياج قبل لا تطلع من البيت..

[الحياة الخالدة]

ياهلا ومرحبا ام خوسييه

اميين وينور عليج يااارب

اي والله مزعجني وايد هالموضوع من زمان بالنسبه للبنات الي يتعدلون بالمولات قدام البنات
على االاقل يجبرون اصحاب المحلات يحطون برتشن او حاجز ويجربون داخله براحتهم

مانقدر نقول لكل العالم غضو البصر
بعظهم وظيفته سكنر
يسوي سكان للي رايحه والي راده
اذا بعظهم غضو البصر والباقي من بغضه البصر محد طبعا

يعني المفروض وقبل غض البصر
نعالج لمشكله والخطأ

يعني قبل البصر الفعل نفسه والتعدل والتمكيج في مكان عام هذا هو الخطأ الاساسي

بالضبط .. سكانر
و باعترافهم .. خوش وظيفة الصراحة

[المهاجر]

هههه اي والله صدقت
البعض
يبدل فالموتر

الله يهديهم
والي رافع ريله ع الطبلون
الله يعزك

هذولا كلهم مادري شنو جوهم
عيل خلونا احنا نعدل من تصرفاتنا قبل

جوهم طال عمرك مثل جو اللي تكلم عنها حسن

الله يهدينا ويهديهم



عادي يا بوعبدالله
رجال .. وكل شي منه مقبول .. لو يحط غداه قدامه ويضرب بالخمس .. ويسوق بريولـــــــه
ليش تبي تضيق على اخوانك
الله يهديك بس

لا مش كل شي مقبول منه المفروض هالتصرفات ما تصير

وما اضيق على حد بس اقول اللي شفته

الغلط غلط سواء من البنت او الرجال

[يمامـة]

صدقيني يا اخت يمامه انا عوده على اني اكون بنتج

انا فاهمه شنو غض البصر ،، لكن الشباب اللي مب فاهمين وعندهم لبس في الموضوع

شوفي ردودهم في الاقتباسات واحكمي

عشان جيه انا ماقدر اتفق معاهم ولا بقتنع بردودهم دام هاذي تصرفاتهم

زين يا اختي موناتي... بالنسبة انهم يتتبعون النظر بنتفق كلنا ان ما يصير يتتبعون النظر..

المفروض اولا ندخل الموضوع ونقول :
تصرف البنت غير مقبول ونرفضه..

ومن ثم اخوي حسن انت شفتها عند الاشارة الاولى فيحق لك تعترض
لكن ما يحق لك تراقبها لين الاشارة الثانية مب ندخل الموضوع وننتقد صاحبه
ونترك الفعل نفسه من غير ما نركز عليه الا في ردود متأخرة..
واسمحي لي اقتبس اولى مشاركاتج في الموضوع.. علشان ابين لج
ان دخولج ما كان فيه تطرق لخطأ البنت في البداية..



وين غض البصر ؟!!

اول ماشفت انها وحده المفروض تصد عنها ،،
فبالتالي ماكنت بتعرف هي اشقاعده تسوي ولا بتنزل موضوع عنها اهنيه !!!

اهنيه بغض النظر عن تتبع النظر.. ما يصير يصد عن فعلها لمجرد انها وحدة..
لان اللي يلفت النظر فعلها مب شكلها..


تتمكيج تتعدل تسوي اللي تسويه ، هي مش موجوده معانا عشان نوجهه لها الكلام

لكن اخ حسن بتصرفك وبالقزز اللي كنت تقزه ، اللي سويته غلط ومايجوز

ولاتعذر بنظره امنيه ولا غيره ،، غض البصر بأمر من ربك

عن قوله تعالى‏:‏ ‏{‏‏قُل لِّلْمُؤْمِنِينَ يَغُضُّوا مِنْ أَبْصَارِهِمْ}

اشلون تبيني اناقشك في امر خاطئ انت شفته ،، وشوفتك له من الاساس خاطئ

واهنيه نرجع الى نقطة اذا تتبع النظر حرام فما يجوز لها انها تتمكيج في الشارع

فاشلون ممكن نقول ان التمكيج في الشارع حرام لو ما قلنا في بنات يتمكيجون
سواء كانوا موجودين معانا في المنتدى او مب موجودين؟

المهم الحين احنا متفقين على ان

تصرف البنت غلط.. القز وتتبع النظر اكثر من لفت النظر اللي يصير بعد غلط..

[أم محمد 90]

هههههه
عادي حلالي


بس صج الموضوع يبيله
قعده بصروال وفانيله

وجيك كركديه خخخخ

انا رحت صبيت لي كرك اليوم ماشربت من الضغط من مكان لي مكان الصبح . اقولك انا كل يوم قبل الكلية امر ستاربكس واخذ لي قهوه واتم اشربها ف الدرب تهقى بكرة ينزل عني موضوع اني اشرب ستاربكس ف السيارة اتدلع بالكوب عبالي مفتاح بنتلي ؟؟

[حسن]

السموحه انا راجع لكم

بس الحين مآ قدر لاني عند الكونسالت ااجفيري


اتظروني بشغف

:victory:

[حسن]

اشكرك ياليمامه
وكلي رجاء بارد

الالتزام بموضوع المكياج

[الحياة الخالدة]

عيل خلونا احنا نعدل من تصرفاتنا قبل

جوهم طال عمرك مثل جو اللي تكلم عنها حسن

الله يهدينا ويهديهم


لا مش كل شي مقبول منه المفروض هالتصرفات ما تصير

وما اضيق على حد بس اقول اللي شفته

الغلط غلط سواء من البنت او الرجال

بيض الله وجهك يا بوعبدالله
وهذا العشم فيك
بس مشكلة اللي يفتح عينه على ناس .. و يغمضها عن ناس ثانية
و أبوي ما يقدر إلا على أمــــــي

[يمامـة]

ياهلا ومرحبا ام خوسييه

اميين وينور عليج يااارب

اي والله مزعجني وايد هالموضوع من زمان بالنسبه للبنات الي يتعدلون بالمولات قدام البنات
على االاقل يجبرون اصحاب المحلات يحطون برتشن او حاجز ويجربون داخله براحتهم

مانقدر نقول لكل العالم غضو البصر
بعظهم وظيفته سكنر
يسوي سكان للي رايحه والي راده
اذا بعظهم غضو البصر والباقي من بغضه البصر محد طبعا

يعني المفروض وقبل غض البصر
نعالج لمشكله والخطأ

يعني قبل البصر الفعل نفسه والتعدل والتمكيج في مكان عام هذا هو الخطأ الاساسي

فوق ان البعض يقول ان وظيفته سكنر وهو راح يحمل اثم وظفيته الثانية..
لكن بعد في امور صارت غير مقبولة نهاااائيا..

محلات بيع اداوت التجميل.. مع كل ستاند خاص لكل شركة ممكن يقعدون الوحدة
ويقولون لها تعالي نجرب عليج هالكريم او هالروج او هالشغلات الخاصة..

وفي محلات مفتوحة على البحري واذا اللي يشتغلون ما جربوا عليهم تلقى اللي يتشرون
من نفسهم يجربون المكياج..

هالشي غلط سواء كنت انا اللي اسويه او غيري..

وحطوا في بالكم ممكن كل المسلمين يغضون البصر لكن في ناس مب مسلمين
اشلون بنفهمهم نقطة غض البصر؟

[يمامـة]

اشكرك ياليمامه
وكلي رجاء بارد

الالتزام بموضوع المكياج
العفو..
ان شاء الله يا بوعلي..
تـــم..

[نوار قطر]

فوق ان البعض يقول ان وظيفته سكنر وهو راح يحمل اثم وظفيته الثانية..
لكن بعد في امور صارت غير مقبولة نهاااائيا..

محلات بيع اداوت التجميل.. مع كل ستاند خاص لكل شركة ممكن يقعدون الوحدة
ويقولون لها تعالي نجرب عليج هالكريم او هالروج او هالشغلات الخاصة..

وفي محلات مفتوحة على البحري واذا اللي يشتغلون ما جربوا عليهم تلقى اللي يتشرون
من نفسهم يجربون المكياج..

هالشي غلط سواء كنت انا اللي اسويه او غيري..

وحطوا في بالكم ممكن كل المسلمين يغضون البصر لكن في ناس مب مسلمين
اشلون بنفهمهم نقطة غض البصر؟

حبيبتي الاجانب شبعانين محد يبقق عينه غير الي عندنا ..:rolleyes2:

[يمامـة]

حبيبتي الاجانب شبعانين محد يبقق عينه غير الي عندنا ..:rolleyes2:

لا والله مب شبعانين..

واللي يقول الاجانب شبعانين ما عرف شنهو يعني الفطرة الطبيعية في قلب الانسان..

الرجل هو الرجل في كل مكان.. بس احنا نروج لمقولة ان الاجانب شبعانين..

وما ابي اتطرق للموضوع باسهاب لانه مب مكان للتطرق في مثل هالمواضيع يا نوارة المنتدى
ولا بوعلي بيسمح لنا نفتح مواضيع ثانية في موضوعه..

[ودي أكون]

من صجك اخوي حسن هذا موضوع،،

ياخي قلعتها ..

الله يهديها ان شاءالله

( يا جماعه مو كل شيء تشوفونه تكتبونه، شبلاكم انتو ) :anger1:

[Dana’1]

فوق ان البعض يقول ان وظيفته سكنر وهو راح يحمل اثم ظفيته الثانية..
لكن بعد في امور صارت غير مقبولة نهاااائيا..

محلات بيع اداوت التجميل.. مع كل ستاند خاص لكل شركة ممكن يقعدون الوحدة
يوقولون لها تعالي نجرب عليج هالكريم او هالروج او هالشغلات الخاصة..

وفي محلات مفتوحة على البحري واذا اللي يشتغلون ما جربوا عليهم تلقى اللي يتشرون
من نفسهم يجربون المكياج..

هالشي غلط سواء كنت انا اللي اسويه او غيري..

وحطوا في بالكم ممكن كل المسلمين يغضون البصر لكن في ناس مب مسلمين
اشلون بنفهمهم نقطة غض البصر؟
صدقيني أغلب الكفار الأجانب مايلتفت على أحد... كلن وحاله جدوله مليان بين عمل وتجميع فلوس وبارتي وهياته مع اصحابهم وجم وقرأة كتب إلى آخره مو يم يقز احد في مجمع هههه

[نوار قطر]

لا والله مب شبعانين..

واللي يقول الاجانب شبعانين ما عرف شنهو يعني الفطرة الطبيعية في قلب الانسان..

الرجل هو الرجل في كل مكان.. بس احنا نروج لمقولة ان الاجانب شبعانين..

وما ابي اتطرق للموضوع باسهاب لانه مب مكان للتطرق في مثل هالمواضيع يا نوارة المنتدى
ولا بوعلي بيسمح لنا نفتح مواضيع ثانية في موضوعه..

بو علي بيجحوتنا من موضوعه:shy:

[يمامـة]

صدقيني أغلب الكفار الأجانب مايلتفت على أحد... كلن وحاله جدوله مليان بين عمل وتجميع فلوس وبارتي وهياته مع اصحابهم وجم وقرأة كتب إلى آخره مو يم يقز احد في مجمع هههه

ما يشوف الاشياء اللي تعودوا عليها وصارت عادية في حياته .. عكس اللي عندنا اليوم امور كثيرة ما كانت عادية في حياتنا
لكنهم يلتفون لها وهي سبب كتابة هالمواضيع..
لكن حزة الجد الرجل الاجنبي يطالع مثله مثل الرجل العربي .. ويقز و يتتبع بنظراته
وهذي ثقافة ترويج افلامهم وتعليقاتهم في افلامهم واللي اصلا تعبر عن واقعهم..

فهناك فرق ما بين تركيز رجالنا على امور خارجة عن المألوف في حياتنا
وعن اشتراك الرجال في امر تتبع المرأة..

[حسن]

من صجك اخوي حسن هذا موضوع،،

ياخي قلعتها ..

الله يهديها ان شاءالله

( يا جماعه مو كل شيء تشوفونه تكتبونه، شبلاكم انتو ) :anger1:

ياخت ودي أكون
لو هذا التصرف في مكان يخصها كان مآ تكلمت ولكن في مكان عام وهي تقود

هني الخطر عليها وعلى الغير

يعني حريتنا ماتعدت على الآخرين ولكن لاتكون حريتها تتعدى علي الآخرين

هني احنا نقول ستوووووب

شكرا لمرورك الكريم

[H H]

مواضيعكم توسع الصدر فالزحمه , اكملوا رعاكم الله

[ودي أكون]

ياخت ودي أكون
لو هذا التصرف في مكان يخصها كان مآ تكلمت ولكن في مكان عام وهي تقود

هني الخطر عليها وعلى الغير

يعني حريتنا ماتعدت على الآخرين ولكن لاتكون حريتها تتعدى علي الآخرين

هني احنا نقول ستوووووب

شكرا لمرورك الكريم

دامها فالسياره فهي تحت حريتها اخوي حسن ..
قلعتها ولا تفكر فيها والله يهديها وايانا اجمعين يارب ..

فكوها سيره ترا انا والله تمللت من هالمواضيع اللي لا تودي ولا تجيب .. :eek3:

[نوار قطر]

مواضيعكم توسع الصدر فالزحمه , اكملوا رعاكم الله

ماتخاف يكتبون عنك.. يتصفح المنتدى وهو عند الاشاره:discuss:

[حسن]

مواضيعكم توسع الصدر فالزحمه , اكملوا رعاكم الله

تصفحك المنتدي أثناء القيادة غلط ويعاقب عليه القانون

وتعرض حياله الآخرين انت وغيرك للخطر

نتمنى لك السلامه انت وغيرك

شكرا لمرورك الكريم

[حسن]

ماتخاف يكتبون عنك.. يتصفح المنتدى وهو عند الاشاره:discuss:

لا تخافي قلت له هذا التصرف مرفوض

:)

[بصمة قطرية]

تصرفات فردية لا أكثر ..
و المطلوب غض البصر ..

[H H]

ماتخاف يكتبون عنك.. يتصفح المنتدى وهو عند الاشاره:discuss:

اذا طلعت بنت بقولها ليه ماتغضين البصر, (وقل للمؤمنات يغضضن من ابصارهن)

اخش فعينهم مثل ماسووا مع صاحب الموضوع :nice:



تصفحك المنتدي أثناء القيادة غلط ويعاقب عليه القانون

وتعرض حياله الآخرين انت وغيرك للخطر

نتمنى لك السلامه انت وغيرك

شكرا لمرورك الكريم


من قالك ان السياره تتحرك اصلاً ؟ انا الان واقف في اكبر موقف للسيارات فالعالم , 22 فبراير.

[حسن]

دامها فالسياره فهي تحت حريتها اخوي حسن ..
قلعتها ولا تفكر فيها والله يهديها وايانا اجمعين يارب ..

فكوها سيره ترا انا والله تمللت من هالمواضيع اللي لا تودي ولا تجيب .. :eek3:

لا أخت ودي أكون

عجل يسون في سياراتهم أفعال فاضحة ونقول هذه ملك خاص وكيفهم

هذا المنطق غلط

فمايسير نحابي ناس ولا ننافق ناس على مصلحه الوطن


:)

[بريق الحق]

حسن ماحصلت وحده تطبخ بعد وماجفت جدر الطبخ من وين رامز ولا مادري وين

الله لا يبلانا والله يهديكم كلكم

[H H]

برب الفلف على كل مواضيع البنات الي ينتقدون فيها فعل عام واقولهم غضوا ابصاركم.

(وقل للمؤمنات يغضضن من ابصارهن)

[حسن]

اذا طلعت بنت بقولها ليه ماتغضين البصر, (وقل للمؤمنات يغضضن من ابصارهن)

اخش فعينهم مثل ماسووا مع صاحب الموضوع :nice:





من قالك ان السياره تتحرك اصلاً ؟ انا الان واقف في اكبر موقف للسيارات فالعالم , 22 فبراير.

اها

اذا انت في البارنكج انا متفق عليه

نتمنى لك متابعه جميله


شكرا لمرورك الكريم

[الجـــوديّ]

على هامش الموضوع ...

والسموحة من القراء

وأنا اقرا تخيلت تقول هالسالفة وتتبعها بنصيحة أو عدة نصايح على السناب شات

علشان توصل النصيحة لاكبر عدد ممكن ومنهم هذي راعية المكياج

بما انك متجه نحو الاصلاح الاجتماعي وعندك رؤية

((مرات اقول غلط يعطون بعض الحريم لياسن .. لانهم مايدركون مسؤولية المكان اللي هم فيه ))

[يمامـة]

برب الفلف على كل مواضيع البنات الي ينتقدون فيها فعل عام واقولهم غضوا ابصاركم.

(وقل للمؤمنات يغضضن من ابصارهن)

ياليت تفتح لنا موضوع مستقل يا اخوي دبل اتش لان هناك امور تصعق الوحدة
لو عرفوا شنهو يعني غض البصر بالمنسبة للبنات..

[حسن]

حسن ماحصلت وحده تطبخ بعد وماجفت جدر الطبخ من وين رامز ولا مادري وين

الله لا يبلانا والله يهديكم كلكم

هل يعني انت راضي تشوف وحده قدامك تتمكيج وأمام العالم

ايش تعتبر تصرفها ؟

ممكن اسمع إجابتك بدون مجاملة

[يمامـة]

بو علي بيجحوتنا من موضوعه:shy:

اتصدقين قريتها بيحتوينا بموضوعه وانه عادي نكتب..
هاهاها
المهم خلينا ساكتين.. وما نطلع من الموضوع..

[H H]

ياليت تفتح لنا موضوع مستقل يا اخوي دبل اتش لان هناك امور تصعق الوحدة
لو عرفوا شنهو يعني غض البصر بالمنسبة للبنات..


شرايك انتي تفتحين الموضوع وانا ادعمك بالمال والسلاح

[يمامـة]

شرايك انتي تفتحين الموضوع وانا ادعمك بالمال والسلاح

انت صاحب الفكرة و براءة الاختراع باسمك..
ففضلا ومب امرا تفضل واطرح الموضوع وكل انواع الدعم والتصليح علي..

[موظف ((حكومي]

يمكن مستعجله وشارع فاضي

[حسن]

على هامش الموضوع ...

والسموحة من القراء

وأنا اقرا تخيلت تقول هالسالفة وتتبعها بنصيحة أو عدة نصايح على السناب شات

علشان توصل النصيحة لاكبر عدد ممكن ومنهم هذي راعية المكياج

بما انك متجه نحو الاصلاح الاجتماعي وعندك رؤية

((مرات اقول غلط يعطون بعض الحريم لياسن .. لانهم مايدركون مسؤولية المكان اللي هم فيه ))

اقتراح جدا جميل يااخت الجودي وانتي من الأقلام المميزه والواعده

المشكله انا ماعندي من هل البرامج أوصل أفكاري عن طرق الااعه سابقا وحاليا المنتدي

هذه امكانيتي

ولكن له طريقه

شكرا لمرورك الكريم

[حسن]

يمكن مستعجله وشارع فاضي

هو في شارع فاضي في قطر الله يهداك

الصبح الساعه 7

[بريق الحق]

حسن

اكيد ضد وهذا الشي اكبر غلط لانه البعض بهذي الحركة يلفت انتباه الناس الي حولها

[الجـــوديّ]

انت تتكلم عن الخطورة اللي تسببها المراة وهي تقوم بمثل هالتصرفات ..
مثلها مثل لما اتكلم بالتليفونات وتضيع علومها مع سالفة مهمة .. وتعطل اللي وراها أو تعرضهم لخطر
والاحظ أغلب المشاركات اتجهت الى غض البصر!

طيب الطريق وحرمته والامن والسلامة ما يستدعون غض البصر
يستدعون الالتزام بآداب الطريق وعدم تعريض النفس والآخرين إلى التهلكة ..
هذا غير ان مثل هالتصرفات غير لائقة.

[حسن]

حسن

اكيد ضد وهذا الشي اكبر غلط لانه البعض بهذي الحركة يلفت انتباه الناس الي حولها

بريق

بس كفيت ووفيت وبيض الله وجهك


البعض يعجز عن هذه الكلمه

[sweet qatar]

حسن

اهنيك علي صف الدفاع المتحفز للدفاع المستميت

الله يخليهم لك :o

[بريق الحق]

مادري من تقصدين ياخت سويت بس ان شاء الله هالشي ينقرض الصراحه
ارفع وانا اكبس لك ماينفع

[أم محمد 90]

حسن

اهنيك علي صف الدفاع المتحفز للدفاع المستميت

الله يخليهم لك :o

ابهام مرفوع لج

[sweet qatar]

مادري من تقصدين ياخت سويت بس ان شاء الله هالشي ينقرض الصراحه
ارفع وانا اكبس لك ماينفع

يقولك ان حبتك عيني ما ضامك الدهر

الله يزيد المحبة ..:o

بس لاعاد حد يطري سالفة الأحزاب !!

كلنا في الهوا سوا :)

[sweet qatar]

ابهام مرفوع لج

ميرسي لآ الك :o

[بريق الحق]

الحمدلله ماعندي حزب الصراحه انا مسوي لي حزب انا ونفسي وعقلي وقلبي والقرين الي معاي (:

[يمامـة]

الحمدلله ماعندي حزب الصراحه انا مسوي لي حزب انا ونفسي وعقلي وقلبي والقرين الي معاي (:

اعجبتني نقطة الاعتراف بالقرين..

[بومحمد المطاوعه]

عيل خلونا احنا نعدل من تصرفاتنا قبل

جوهم طال عمرك مثل جو اللي تكلم عنها حسن

الله يهدينا ويهديهم



لالا ياخوي
قصدك يعدلون من تصرفاتهم !!
لاني انا الحمدلله مب من هالنوعيه
ولا اعتقد انت مثل هالنوعيه

ف قول خلهم يعدلون من تصرفاتهم
لان ما اسمح لنفسي احط ريولي عالطبلون
والعب ف اصابع ريلي واشم
الله يعزك
البعض واشوف هالشي من تصرفات بعض الرجال للأسف
الله يستر عليهم ويهديهم

صج مصخره هالحركات

[بومحمد المطاوعه]

يجب على كل رجل وامرأه غض البصر

ويجب على المرأه ان تستر عمرها ولا تجعل نفسها مهرجان للناس ولا للشارع
لان الشارع في المحترم وفي السفيهه الي يطلطل يمين ويسار ويقز
الاحسن والاستر ان البنت ماتسوي شي يلفت النظر !!

ويجب على الرجل ان يبتعد عن هالأشياء والقز لها ،،


والي يقول نظره الأولى حلال !!

اذا كانت بالصدفه وقعت عينك على شي لايحل لك
ان شاءالله تكون حلال ولكن !! تتصرف بسرعه وتغض البصر مب تتعمق

ولو علمت ان هذا المكان فيه نساء وتطل وتشوف وتقول نظره أولى
لا ياعزيزي

لايحل لك !!

والكلام للرجال وللنساء

تحياتي وشكرآ بوعلي
هذا وجهه نظري

[الحياة الخالدة]

يجب على كل رجل وامرأه غض البصر

ويجب على المرأه ان تستر عمرها ولا تجعل نفسها مهرجان للناس ولا للشارع
لان الشارع في المحترم وفي السفيهه الي يطلطل يمين ويسار ويقز
الاحسن والاستر ان البنت ماتسوي شي يلفت النظر !!

ويجب على الرجل ان يبتعد عن هالأشياء والقز لها ،،


والي يقول نظره الأولى حلال !!

اذا كانت بالصدفه وقعت عينك على شي لايحل لك
ان شاءالله تكون حلال ولكن !! تتصرف بسرعه وتغض البصر مب تتعمق

ولو علمت ان هذا المكان فيه نساء وتطل وتشوف وتقول نظره أولى
لا ياعزيزي

لايحل لك !!

والكلام للرجال وللنساء

تحياتي وشكرآ بوعلي
هذا وجهه نظري

هذا الكلام الصح والمضبوط
الله يفتح عليك وينور قلبك و بصيرتك
جزاك الله خير .. و رحم الله والديك

[khaldoon]

لانك ما لعبت ايج اوف امبيرز:shy:

ايش هاي اللعبه...لازم انزلها اذا بتساعد على الذكاء لاني حاسس حالي هالفترة اعاني من غباء شديد الصراحه...موجوده على ابل ستور؟

[بومحمد المطاوعه]

هذا الكلام الصح والمضبوط
الله يفتح عليك وينور قلبك و بصيرتك
جزاك الله خير .. و رحم الله والديك

اللهم امين وعليج يارب

اختي ليش نهاجم ونألف كلام ،،
هذا المفروض ع الكل
ومايبيلها تعليم ولا دراسه
للأسف
البعض يألف ويسوي نفسه جاهل ويحلل لنفسه

الله يرحم والديج وجزاكي الله خيرر

[sweet qatar]

الحمدلله ماعندي حزب الصراحه انا مسوي لي حزب انا ونفسي وعقلي وقلبي والقرين الي معاي (:

قول إنك من حزب الله .. أولئك هم الفائزون :o

[بريق الحق]

امين الله يجعلنا منهم

كنت اقصد الي فالمنتدى احزاب عجيبه غريبه (:

[يمامـة]

ايش هاي اللعبه...لازم انزلها اذا بتساعد على الذكاء لاني حاسس حالي هالفترة اعاني من غباء شديد الصراحه...موجوده على ابل ستور؟

ما ادري عن ابل ستور..
بس عندك في موقع ستيم.. ويبي لك كمبيوتر او لابتوب
ولكني افضل لابتوب :tooth:

فبلا خساير يا ستو .. العب سودكو ينشط المخ احسن لك من ايج اوف امبيرز..

[حسن]

الجماعه حورو الموضوع عن العادي الصواب

ياجماعه يالربع

موضوعي يتكلم عن المنظر اللي شفته

باحاول اوضح لكم اكثر

وحده ماخذه راحتها واقفه عند الاشاره وفاتحه على علبه المكياج
وقاعد كانها في غرفه خاصه ؟
وياريت كانت مع سائق كان يهون ولكن كانت هي السواق ؟
وياريت توقفت الى هذا الحد ؟ ضلت تمكيج نفسها وهي تقود السياره الى حتى وصلنا الى الاشاره الثانيه ؟

هذا صلب الموضوع

المكياج امام العالم ومشكوفه امام الناس

بدون حيا ومستحى
على كلام حريمنا السنعات


شكرا لمروركم الكرام

[حسن]

حسن

اهنيك علي صف الدفاع المتحفز للدفاع المستميت

الله يخليهم لك :o

والله ماعرف عن الكثير من الردود

وتوني فاتح المنتدي وماقرات الى اخر ردين فقط لما رجعت فوق فوجئت بهذا الكلام
ومنك ياسويت

!!!


استغرب

[حسن]

انت تتكلم عن الخطورة اللي تسببها المراة وهي تقوم بمثل هالتصرفات ..
مثلها مثل لما اتكلم بالتليفونات وتضيع علومها مع سالفة مهمة .. وتعطل اللي وراها أو تعرضهم لخطر
والاحظ أغلب المشاركات اتجهت الى غض البصر!

طيب الطريق وحرمته والامن والسلامة ما يستدعون غض البصر
يستدعون الالتزام بآداب الطريق وعدم تعريض النفس والآخرين إلى التهلكة ..
هذا غير ان مثل هالتصرفات غير لائقة.

باقولك شي يالجودي وانتي خير العارفين

الموضوع ابي رايك بصراحه

اللي تسوق وبتتمكيج كانها في غرفتها وماخذ راحتها ولا مفتكره بهل العالم

شنهي وجهه نظرك منها
هل هي متربيه وتعرف الاخلاق ولاادب ولا قليله ادب

اعتقد وضحت لك الصوره

وانتظر اجابتك

:)

[حسن]

يجب على كل رجل وامرأه غض البصر

ويجب على المرأه ان تستر عمرها ولا تجعل نفسها مهرجان للناس ولا للشارع
لان الشارع في المحترم وفي السفيهه الي يطلطل يمين ويسار ويقز
الاحسن والاستر ان البنت ماتسوي شي يلفت النظر !!

ويجب على الرجل ان يبتعد عن هالأشياء والقز لها ،،


والي يقول نظره الأولى حلال !!

اذا كانت بالصدفه وقعت عينك على شي لايحل لك
ان شاءالله تكون حلال ولكن !! تتصرف بسرعه وتغض البصر مب تتعمق

ولو علمت ان هذا المكان فيه نساء وتطل وتشوف وتقول نظره أولى
لا ياعزيزي

لايحل لك !!

والكلام للرجال وللنساء

تحياتي وشكرآ بوعلي
هذا وجهه نظري

هلا هلا

حيالله بومحمد تعجبني

بس شرايك بومحمد في هذا المنظر يعني بدون اعتبار لجميع مستخدمي الشارع ومما تتسبب
في الخطوره على الاخرين

[بومحمد المطاوعه]

هذي لاشك قليله ادب يابوعلي

ولكن شوف كلمن ولكن

ليش معور قلبك وتعطيها اهميه ،،

مدام السفيهه ماحترمت نفسها ولا الشارع ولا الناس
ياخي ترفع عنها

ترى هذي كم حاله
بنقول 2%
مانقول في وايد

عكس الرجال والعياذ بالله
نشوف وايد الي رافعين ريولهم عالطبلون

يعني هذي حاله سنعه !!

حاله كجره مثل حالة الي تتمكيج وتتكحل

تبي ترتاح
لاتتفرر عن الاشاره لانك بتشوف ناس تحوس خشمها بعد !!

هذي الاشياء تلوع الجبد والله

[حسن]

هذي لاشك قليله ادب يابوعلي

ولكن شوف كلمن ولكن

ليش معور قلبك وتعطيها اهميه ،،

مدام السفيهه ماحترمت نفسها ولا الشارع ولا الناس
ياخي ترفع عنها

ترى هذي كم حاله
بنقول ظ¢ظھ
مانقول في وايد

عكس الرجال والعياذ بالله
نشوف وايد الي رافعين ريولهم عالطبلون

يعني هذي حاله سنعه !!

حاله كجره مثل حالة الي تتمكيج وتتكحل

تبي ترتاح
لاتتفرر عن الاشاره لانك بتشوف ناس تحوس خشمها بعد !!

هذي الاشياء تلوع الجبد والله

اشكرك يابومحمد

على هذا الرد

بس لاتغزروايد

[النهار]

نفس الشي حصل معاي عند اشارات فالح الاشاره صارت خضره والاخت فاتحه قوطي المكياج وهات تلطخ في هالويه
جان اعلق الهرن هههههه الا اشوفها احذفت القوطي وحركت وانا وراها معلق الهرن من الخرعه اول لفه دشت فيها وانا كملت
كان خاطري اركبها رصيف وادخلها في اشاره

[sweet qatar]

والله ماعرف عن الكثير من الردود

وتوني فاتح المنتدي وماقرات الى اخر ردين فقط لما رجعت فوق فوجئت بهذا الكلام
ومنك ياسويت

!!!


استغرب

ليش عاد ادعي لك بس :o

إذا مضايقك ردي انت تآمر ياخوي بحذفه

انا بعد استغربت ان الموضوع تحور وتشعب وهو واضح
وردودي الأخيرة كانت تعبر عن استغرابي من هالشي

[.قطر.]

اخطبوط

تسوق وتسوي مكياج

وترد على التلفون
وتآكل
وتشرب




هاهاهاي


بوعلي عادي المره الجايه حط لك نظارة على الجوانب مصكره بس تشوف امامك ..


عيب تشوف يمينك ويسارك





اخطبوط :funny:

[.قطر.]

وهي تسوق :eek5:

انا شفت وحده نفس الشي بس الاشاره واقفه وتاركه مسافه تقريبا سيارتين بينها وبين السياره اللي جدامها السيايير جدموا وهي ماتدري شسالفه :rolleyes2:

بس وهي تسوق قويه الصراحه :omg:

[النهار]

وين غض البصر ؟!!

اول ماشفت انها وحده المفروض تصد عنها ،،
فبالتالي ماكنت بتعرف هي اشقاعده تسوي ولا بتنزل موضوع عنها اهنيه !!!

ايش كثر نغض البصر الا اذا تبينا نخيط عيونا هذي شي ثاني
احسن حل نقعد في البيوت ونخلي لكم الحبل على الغارب أفرحوا وغنونو وارقصوا وفتلوا

[monatee]

ايش كثر نغض البصر الا اذا تبينا نخيط عيونا هذي شي ثاني
احسن حل نقعد في البيوت ونخلي لكم الحبل على الغارب أفرحوا وغنونو وارقصوا وفتلوا

لا عيل كل منكر قعدوا طالعوه وخزوه وفصلوه واجتمعوا وسلفوا فيه وحللوه

ولكم الاجر ان شاءالله

[المخفي]

اولا خروج المراة متبرجة لا يجوز شرعا و اظهار زينتها في الشارع لا يجوز
ثانيا وضع المكياج وقت السواقة يعرضها و الاخرين للخطر
ثالثا غض البصر للجنسين الذكر و الانثى

[MirusS]

اتصدق اليوم شفت واحد يحلق فسيارته
بالنسبه للمنظر الي شفته انت :) موجود وبكثره .. وراينا مثل ماأنت شايف اكيد ضد
ربما تسبب خطوره ومشكله فالسواقه لها ولغيرها بعد