ضريبة المبيعات 3-5%؟؟

[الدوحه1]

دول الخليج توافق مبدئيا على فرض ضريبه اضافيه على المبيعات بنسبة 3-5%
( VAT).


Gulf states agree to push ahead with VAT plans



المصدر:
http://www.arabianbusiness.com/gulf-states-agree-push-ahead-with-vat-plans-587460.html

[يمامـة]

وشنهي ضريبة المبيعات هذي؟

[R 7 A L]

وش المقابل للضريبة ؟

[Dana’1]

وشنهي ضريبة المبيعات هذي؟
بالعموم هي قيمه تضاف للسلعه غير ثمن السلعه الأساسي ... !

عاد ناقصين احنا بضايع مضروبه .. وعليها تاكس هههه

[يمامـة]

قيمه تضاف للسلعه غير ثمن السلعه الأساسي ... !

عاد ناقصين احنا بضايع مضروبه .. وعليها تاكس هههه

هذي اللي ابي اوصل له..
بشكل عام لو تلاحظين ترى المقيمين من الاجانب بشكل عام ما يتشرون من قطر
ونااادر تحصلينهم شالين كيسين في اياديهم لو تسوقوا في السوق..

المصيبة ان الضريبة هذي بتيي على روسنا احنا.. واحنا مب ناقصين على قولتج
بضايع مضروبة وباسعار غالية ويكملونها علينا بضاريب..

[Dana’1]

هذي اللي ابي اوصل له..
بشكل عام لو تلاحظين ترى المقيمين من الاجانب بشكل عام ما يتشرون من قطر
ونااادر تحصلينهم شالين كيسين في اياديهم لو تسوقوا في السوق..

المصيبة ان الضريبة هذي بتيي على روسنا احنا.. واحنا مب ناقصين على قولتج
بضايع مضروبة وباسعار غالية ويكملونها علينا بضاريب..

ماقريت الخبر ... يمكن بيفرضون هالضرايب على اسعار البترول... مع انه يصدرونه خام !
خل نشوف يجينا محلل اقتصادي ويقرأ الخبر ويعطينا الزبده

[يمامـة]

ماقريت الخبر ... يمكن بيفرضون هالضرايب على اسعار البترول... مع انه يصدرونه خام !
خل نشوف يجينا محلل اقتصادي ويقرأ الخبر ويعطينا الزبده

ضريبة على منتج مدعوم؟

المهم مثل ما قلتي خلينا نشوف شنهي سالفة الخبر والقرار( حالي من حالج ما قريت الخبر بروح اقراه)

رحت و لقيته بالانجليزي وانا للحين في ليفل 4 في الانجليزي من سنتين:telephone:

[Aaziz]

الضريبه توجب المحاسبه ،،،، و المحاسبه تتطلب وجود مُحاسب ،،، و المُحاسب هو البرلمان
تفرض على المستهلك ضريبه مبيعات بدون مقابل !
اين ستذهب هذه الضريبه و ما الذي ساجده كمستهلك مقابل هذه الضريبه ؟

مايصير تقر الخطوه رقم 6 بينما الخطوات الاساسيه السابقه غير مكتمله

[Dana’1]

ضريبة على منتج مدعوم؟

المهم مثل ما قلتي خلينا نشوف شنهي سالفة الخبر والقرار( حالي من حالج ما قريت الخبر بروح اقراه)

رحت و لقيته بالانجليزي وانا للحين في ليفل 4 في الانجليزي من سنتين:telephone:

هههههههههه
المفروض مدعوم لنا مو للدول الأجنبيه... بيشترونه مننا يدفعون ضراايب كيفي \:

[الدوحه1]

دول الخليج توافق على مشروع فرض "الضريبه الاضافيه"؟؟


Gulf states agree to push VAT project with oil prices low


المصدر:

http://www.arabianbusiness.com/gulf-states-agree-push-vat-project-with-oil-prices-low-592172.html

[R 7 A L]

دول الخليج توافق على مشروع فرض "الضريبه الاضافيه"؟؟




المصدر:

http://www.arabianbusiness.com/gulf-states-agree-push-vat-project-with-oil-prices-low-592172.html



يمكن تقل الاسعار بعد الضريبه خاصة اذا عرفنا ان معظم التجار يضرب السعر الاصلي في أثنين ولكن بشرط ان يكون السعر قبل الضريبة هو السعر الاصلي

[الحاقول]

الخبر يقول ( دول الخليج توافق على مشروع فرض "الضريبه الاضافيه )

يعني هناك كانت ضريبه ...... وهذي ضريبه اضافيه

[المخفي]

الخبر قديم من شهر 3

[OREO]

الغريب مهب في فرض الضرايب بل الغريب حجب عيون المواطنين و ايحائهم بأن الضرائب حلال وامر عادي ،،،

اطعم الفم تستحي العيون ،،،


لاحول ولا قوة الا بالله العلي العظيم

[غايه الطواش]

The Kuwaiti official underlined the significance of eliminating all barriers to facilitate movement of commodities between GCC countries and increase trade.
الي اعرفه ان قانون الحركه الجمركيه خالص من زمان بين دول الخليج ايش هي العوائق والحواجز بالضبط كل الامور جدا متسهل وحتى البيبر وورك والنسبه الضريبيه محدد وواضحه


The six nations of the GCC have been mulling the introduction of VAT since 2007 to broaden their revenue base, with negotiations happening jointly to avoid any one nation losing out in competition with others in the region.


يعني السالفه لاهي بجديده ولاشي من سنه 2007 حتى قبل الفاينانشل كرايسيز






The sharp recent reduction in oil prices is thought to have lent a further push to introduce the levy, given that most Gulf states are expected to record budget deficits in the coming fiscal year and are reluctant to pare back spending on infrastructure and social spending aimed at developing their economies and improving the lives of citizens.

يعني الموضوع تم طرحه وتداوله من سنه 2007 وعقب الفقره تقول نسبه للانخفاض الحاد في سعر البترول في الفتره الحاليه
طيب الفقره الي فوق تناقض الي تحت


اوف احتريت زياده

المروض تكون الضريبه على الاجانب الي لهم دخل معين مثلا راتبه 40 الف وفوق عليه ضرايب

[غايه الطواش]

يمكن تقل الاسعار بعد الضريبه خاصة اذا عرفنا ان معظم التجار يضرب السعر الاصلي في أثنين ولكن بشرط ان يكون السعر قبل الضريبة هو السعر الاصلي

بالعكس الا راح تزيد الاسعار ,العلاقه طرديه , تظن المورد راح يتكفل باسعار الضريبه بالعكس الى راح يرميها على ظهر المستهلك

[بنت شرق]

يعني تنصحونا ،،،نشتري من النت اوفر ،،،

[شيخ الديرة]

.
.
اوف احتريت زياده
.
.


اقرأ هذا المقال (http://www.arabianbusiness.com/should-gulf-introduce-vat--583881.html) احسن, وتعرف دراسات صندوق النقد الدولي بالموضوع

[شيخ الديرة]

يعني تنصحونا ،،،نشتري من النت اوفر ،،،

أي نت؟ اذا صارت اول ما تنطبق على الحاجات الكمالية الفخمة والثمينة, السيارات الفارهة والمجوهرات واللزي منو

[غايه الطواش]

اقرأ هذا المقال (http://www.arabianbusiness.com/should-gulf-introduce-vat--583881.html) احسن, وتعرف دراسات صندوق النقد الدولي بالموضوع

ماشوف في المقال غير حقد وغل او من الصعب مقارنه دوله الخليج ببريطانيا في مجال الضرائب او الامثله ز
اما في مجال الخدمات العامه والمنافع والتسهيلات , راح اوفق على الضريبه في حاله ان الانفاق على الرياضه مايكون بهذه المبالغ الطائله ومن دون اي عائد مادي على البلاد و ووفقا للتحليل و الرياضه والاستضافات تعتبر جزء من الرفاهه هل الدوله ملزومه بتقديم ضريبه عليها ؟؟؟ انا اشوفه استنزاف واستهلاك خزينه

ادفع ضريبه فالمقابل تكاليف استضافه كاس العالم تقارب 200 مليار دولار خلال السنوات السبع (كلام مش منطقي ومتعارض مع المقال وكان الدوله الي افرضت الضريبه تناقض عمرها ) اذا كاس العالم لكره اليد التكلفه اكبر بكثيير من الارباح , ومافي عائد.

ادفع ضريبه على تسهيلات المطار وفالمقابل تكاليف المطار 17.5 مليار دولار وكماليات ودبدوب مايسوى وبتلاعبات كبيره ومن غير محاسبه وبالمقارنه مع مطار بكين الدولي اكبر مطار فالعالم والي تكاليفه تقارب 4 مليار دولار وطاقه استيعابيه مضاعفه
وفي الاخير حديد المطار مصدي



اما من ناحيه فرض ضريبه على السلع الكماليه مين راح يحدد انها كماليه او اساسيه هل مواد التموين فقط هي الاساسيه ؟؟؟وايش هو المعيار الاساسي للتصنيف

هل باص كروه والقطار لي كمل يصير اساسي والسياره كماليه ؟؟؟
هل الكروزر كمالي والعراروي اساسي ؟؟



اما الضريبه في المجال البيئي والتعليمي والصحي من الاساس الضرائب معفاه ليش يكررون ويقولون معفيه , مع اني مع فرض ضرائب على المدارس الخاصه ذا الاسعار الخياله والي حولو التعليم من رساله ساميه الى تجاره رابحه .


اعتقد وزراء الماليه والتجاره لو درسو فرض ضرائب على التجار وخاصه في قطر وشلون استفادتهم من التسهيلات التجاريه في كل دوله يزورها الامور بتغير الكلام
لانهم هم التجار وهم من فرض الضريبه

[غايه الطواش]

ثاني شغله نسيت اذكرها , من ضمن المقال ذكر ايضا استثناء العقارات , صندق النقد الدولي الظاهر مايدرون باسعار العقارات في قطر وكويت والرياض ودبي


بيت في اللولوه يعادل جزيره كامله في البهاماس ؟؟؟؟؟؟؟

[وحيد-الشوق]

احنا بدون ضريبة واسعارنا اغلى من باريس ولندن شلون بعد مايحطون الضريبة والله الواحد يشتري شغلات من اوروبا والنت تنصدم في الدوحة من الاسعار عطور ملابس وغيره حتى السيارات مع نزول اليورو الذكي يشتري من اوروبا في الوقت الحالي اما ربعنا بس قاعدين يسرقونا ويرفعون الاسعار علينا حتى الاسعار في بعض المطاعم عندنا نفس اسعار الشانز ماعاد فيه فرق اول مرة اشوف وافل في سوق واقف الوكرة ب45 ريال وانا اكله
من بلجيكا بعشرة ريال وطعمه احلى !!!!

[معماري قطري]

لو يسونها صح بتكون في صالح المستهلك .. أَول شيء يكون فيه كنترول على هامش الربح ويتم تدقيق الأَسعار العالمية ومن يتلاعب المفروض يتعاقب عقاب رادع .. ثاني شيء رقابة على مستوى معين من البضاعة وجودة دنيا مسموح بها .. الضريبة يفترض تكون لمتابعة هذي البضائع وحماية المستهلكين وحماية حقوق الحكومات حتى تتمكن من الوصول لتسعيرة وحدة للجمرك ولحرية تحرك البضائع بين دول المجلس.

لكن معروفين اداراتنا بتكون لجمع المال وبيخلون الجوانب الايجابية الثانية

[معماري قطري]

احنا بدون ضريبة واسعارنا اغلى من باريس ولندن شلون بعد مايحطون الضريبة والله الواحد يشتري شغلات من اوروبا والنت تنصدم في الدوحة من الاسعار عطور ملابس وغيره حتى السيارات مع نزول اليورو الذكي يشتري من اوروبا في الوقت الحالي اما ربعنا بس قاعدين يسرقونا ويرفعون الاسعار علينا حتى الاسعار في بعض المطاعم عندنا نفس اسعار الشانز ماعاد فيه فرق اول مرة اشوف وافل في سوق واقف الوكرة ب45 ريال وانا اكله
من بلجيكا بعشرة ريال وطعمه احلى !!!!

صدقت في كل ما قلت بس لو يسونها بقوانين صارمة وصحيحة بتكون لحماية المستهلك وبتقل الأَسعار كثير .. خذ مثال الين قل من 75 ين للدولار الى 125 ين للدولار .. نزول حول 50% والسيارات اليابانية تغلى ما ترخص