تاخر النطق عند طفلي

[غالية80]

مرحبا..

ولدي عمره 3 سنين ومايتكلم الا كلمات بسيطه .. واوقات كلامه غير مفهوم .. ولين يبي يقول كلمة يلاقي صعوبة في اللفظ ... ابي مدرسه تساعده على النطق او مدربه تجيه البيت او دكتور تخاطب ممتاز

مع اني عرضته على دكتور قالي انه سليم مافيه شي.. وهو حاليا في حضانه خاصه بس ماشوف اي تحسن فيه..

[غريب الدّار]

الأخت غالية
اعرف ناس يقربون لي ولدهم مابدا يتكلم عدل الا من يمكن اربع سنين

ونفس حالة ولدج الله يخليه لج قالوا عنه سليم ومافيه شي بس بعض الحالات النطق يتأخر

دامه في حضانة فان شاء الله مع الأيام راح يتحسن

وللأسف مااعرف مدرسة او دكتور تخاطب وان شاء الله الأعضاء مهب مقصرين وياج

عسى الله يحفظ لج ولدج وتشوفينه امام مسجد ومعرس

[ضوى]

مرحبا..

ولدي عمره 3 سنين ومايتكلم الا كلمات بسيطه .. واوقات كلامه غير مفهوم .. ولين يبي يقول كلمة يلاقي صعوبة في اللفظ ... ابي مدرسه تساعده على النطق او مدربه تجيه البيت او دكتور تخاطب ممتاز

مع اني عرضته على دكتور قالي انه سليم مافيه شي.. وهو حاليا في حضانه خاصه بس ماشوف اي تحسن فيه..

هلا اختي

ماعليه شر ولدج ان شاء الله

بس سؤال ولادته طبيعية ؟؟ ماكان في صعوبة في نزوله او انحشر او شرب ماي اخضر ؟؟

[غالية80]

الأخت غالية
اعرف ناس يقربون لي ولدهم مابدا يتكلم عدل الا من يمكن اربع سنين

ونفس حالة ولدج الله يخليه لج قالوا عنه سليم ومافيه شي بس بعض الحالات النطق يتأخر

دامه في حضانة فان شاء الله مع الأيام راح يتحسن

وللأسف مااعرف مدرسة او دكتور تخاطب وان شاء الله الأعضاء مهب مقصرين وياج

عسى الله يحفظ لج ولدج وتشوفينه امام مسجد ومعرس


مشكور غريب الدار عسى ربي يسلمك ويحفظلك غاليك ..

[غالية80]

هلا اختي

ماعليه شر ولدج ان شاء الله

بس سؤال ولادته طبيعية ؟؟ ماكان في صعوبة في نزوله او انحشر او شرب ماي اخضر ؟؟

هلا حبيبتي ضوى
اي والله ولادته كانت طبيعية .. بس من يوم هو صغير أحسه غير عن اخوانه استيعابه اقل منهم .. يعني هو له ظ£ سنين وشهرين يدوب توه متعلم يركب ألعاب التركيب

ولين أتكلم معاه أحسه يفهم بس مايقدر يعبر ويتكلم.. وفي نقطه ايجابيه انه يحط عينه في عيني وانا أتكلم

مشكلته مايتكلم غير بعض الكلمات وبعض الجمل مثل ماما تعالي... وإذا طلبت منه يقولها مره ثانيه يرفض.. كل شي عنده بالاشاره.. الدكتور قالي لاتستجيبين له لانه ماخذ الاشاره لغه بدال الكلام لأنك تفهمين عليه .. حاولت وماقدرت يكسر خاطري واستجيب له..

انا احس باْذن الله اذا بدا في التقليد في الكلام بيتعلم بسرعه لانه يفهم ويحب يقلد

دخلته حضانه اجنبيه عشان يندمج مع اليهال .. اشوفه مستأنس .. بس مشكلته النطق .. .. ناس يقولون لي طلعيه ودخليه حضانه عربيه .. عشان مايتشتت ويتعلم لغه وحده .. بس وين احصل هالحضانه القويه

[ضوى]

هلا حبيبتي ضوى
اي والله ولادته كانت طبيعية .. بس من يوم هو صغير أحسه غير عن اخوانه استيعابه اقل منهم .. يعني هو له ظ£ سنين وشهرين يدوب توه متعلم يركب ألعاب التركيب

ولين أتكلم معاه أحسه يفهم بس مايقدر يعبر ويتكلم.. وفي نقطه ايجابيه انه يحط عينه في عيني وانا أتكلم

مشكلته مايتكلم غير بعض الكلمات وبعض الجمل مثل ماما تعالي... وإذا طلبت منه يقولها مره ثانيه يرفض.. كل شي عنده بالاشاره.. الدكتور قالي لاتستجيبين له لانه ماخذ الاشاره لغه بدال الكلام لأنك تفهمين عليه .. حاولت وماقدرت يكسر خاطري واستجيب له..

انا احس باْذن الله اذا بدا في التقليد في الكلام بيتعلم بسرعه لانه يفهم ويحب يقلد

دخلته حضانه اجنبيه عشان يندمج مع اليهال .. اشوفه مستأنس .. بس مشكلته النطق .. .. ناس يقولون لي طلعيه ودخليه حضانه عربيه .. عشان مايتشتت ويتعلم لغه وحده .. بس وين احصل هالحضانه القويه

ولدج اذا يتحرك وايد فحركته الزايدة تشتت انتباهه

في مركز قطر للنطق، دكتور مصري راااائع جدا ، قدر ينطق ولدنا ويحركه ويخليه يستجيب لنا ولكلامنا ، هالمركز ورا المركز اللبناني للاسنان في مدينة خليفة ، كثر ماقولج استفدنا من علاجه ماتتخيلين ، وديه وان شاء الله بتشوفين نتيجة ترضيج ، ومايشوف شر ان شاء الله ، ولدنا الحين ماشاء الله عليه عمره خمس سنين يغرد انجليزي عربي بروضة اقرا حطيناه ، الله يحفظ لج ولدج ويبلغج فيه وان شاء الله تبشرينا عنه قريب

[aloosh]

اختي لا تخافين شي عادي حفايدي 4 بعد 4 سنين الحمدلله نطقهم زين

فا شي عادي لا تحاتين ولا شي طبيعي

[رهج السنابك]

دام الدكتور قالج سليم فلا توسوسين

[R 7 A L]

شيكي على السمع عنده

[الجـــوديّ]

حبيبي ..
بنتنا انطقت انجليزي قبل العربي من الحضانة
واختها كانت نفس ولدج تفهم كل شي .. ويبين عليها من نظرة عيونها .. وتعبيرها بنظرة عيونها
نحيسة وماتبي اتكلم ... حتى الحضانة شكوا من عدم كلامها
الحين .. تسب واتطنز :rolleyes2:

ماعليه شر ان شاءالله
اعرضيه على دكتور ثاني والله يطمنج عليه

وناس يمدحون انج تنطقينه بالقرآن والادعية عسى الله يفتح عليه

[غالية80]

مشكورين كلكم ماقصرتوا... عسى الله يحفظ عيالكم من كل شر ... ويخليهم لكم يارب...

ضوى..
ممكن اعرف اسم الدكتور المصري ..؟

[ضوى]

ماتذكر اسمه والله بس وايد يشبه احمد حلمي الممثل ونفس الاسلوب

لا تنطرين عليه تحملي وديه واتعبي عليه

[فريج النجادة]

اختي الكريمة اتصلي مركز الشفلح واخذي منهم موعد لتشخيص ابنك

يتعبر مركز الشفلح افضل مركز في الشرق الاوسط لتشخيص الاطفال

وبيتم له فريق عمل متكامل من المختصين من اخصائي التخاطب

واخصائي نفسي واحصائي سلوكي وغيرهم

وقبل كل هذا لازم يكون عندك فحص السمع

تلفون مركز الشفلح 44956666

[بصمة قطرية]

حبيبتي
أنا مريت باللي مريتي فيه مع ولدي ..
تأخره في الكلام أثر على تأخره في الدراسة
عانى من صعوبة تعلم ..
لا تعتمدين على تقييم دكتور واحد ..
أول شي ..
هل سويتي لولدج إختبار ذكاء ..
ممكن تسوينه في الصحة المدرسية يسويه أخصائي ..

و بالنسبة لدكتور أو أخصائي تخاطب ..
في مجمج الشفاء الطبي
واحد ممتاز ..
شفت تجارب الأمهات معاه و شلون يشكرون فيه ..

[أبورودي]

اختي الكريمة اتصلي مركز الشفلح واخذي منهم موعد لتشخيص ابنك

يتعبر مركز الشفلح افضل مركز في الشرق الاوسط لتشخيص الاطفال

وبيتم له فريق عمل متكامل من المختصين من اخصائي التخاطب

واخصائي نفسي واحصائي سلوكي وغيرهم

وقبل كل هذا لازم يكون عندك فحص السمع

تلفون مركز الشفلح 44956666
هذا افضل شي الذهاب للشفلح وعمل تقييم شامل للنطق واللغه وفحص جهاز الكلام والسمع

[بونووف]

افحصي على اذنه ااحتمال يكون فيها ماي من الولاده تاثر النطق

[لمعة الالماس]

حبيت افيدج في دكتور في مستشفى الاهلي للاطفال اللي عندهم تاخر في النطق

وبعد في الرميلة عندهم اخصائيين تخاطب وعندهم برنامج التدخل المبكر

آخذي موعد في كل مكان وشوفي شنو يقولون الدكاترة

ودخليه روضه عربية لان اللي اعرفه انه الطفل يتاخر بالكلام اذا كان يسمع لغتين فيتشتت

والله يحفظه ويفرحج فيه

[الكفــــــو]

أولاً أختي الكريمة الفحص عند أكثر من دكتور مُختص
ثانياً فحص السمع جيداً
ثالثاً إجعليه يقرأ القرآن بصوت مرتفع للسور القصيرة التي يحفظها دون توقف مع التكرار أو يقرأ تحت إشراف أحد الوالدين أو يقرأ بعدهم آيه آيه ( طريقة مُجربة و أثبتت نجاحها )

جعله الله و كل براعم أمة مُحمد من حفظة كتاب الله و العاملين بما فيه

[غالية80]

مشكورين وايد استفدت منكم .. انشاء الله راح اخذ بنصايحكم جميعا .. اشكر كل واحد تفاعل معانا..

[Qa10]

طبيعي

[نور الحور]

اختي غالية .. الله يخليلج غاليج يارب ويطمنج عليه ..

التشخيص الصحيح هو اول واهم خطوة

اول شي تأكدي مثل ما قالوا لج الاخوان والاخوات من الناحية الجسمية

سوي له فحوصات سمع .. فحوصات الناحية الوظيفية للسان وجهاز النطق عموما

اختبارات فهم واستيعاب ..الخ

لو كلشي تمام .. بيكون احتمال السبب الاقوى نفسي

لانه معروف ان نسبة كبيرة من تأخر النطق يرجع لاسباب نفسية

ولو ثبت هالشي فالعلاج الوظائفي ماله اي فايدة ..

لانج في هالحالة بتعالجين العرض وليس السبب

لازم تعرفين ايش السبب بالاول ..

لو سويتي هالخطوات العلاج سهل ميسر باذن الله في كل الاحوال

والله يطمنج عليه يارب

[الجـــوديّ]

أختي .. اكتشفت اليوم مكان وايد مهم لج وكل من عنده مشكلة لأولاده الأصحاء أو اللي عندهم مشاكل نطق أو غيره

مركز العوسج التابع لقطر فاونديشن

تجونهم من البوابة رقم 1 .. أول لفة يمين


مركز متخصص في علاج مشاكل السمع والنطق ... وفيه مختصيين أكفاء وعلى مستوى

وللقطريين يقدمون لهم كل الاستشارات التربوية المطلوبة مجاناً

ويعطون دورات تدريبية للوالدين اللي عيالهم عندهم مشاكل في النطق أو السمع حتى دورات تربوية عامة ..

<<< هذا كلام صديقتي ..


واليوم رحت لهم بالصدفة

مأجزين الأسبوع الجاي .. وبعدها ممكن تستفيدون من خدماتهم.

[Bo jassim 33]

دخليه في روضة اطفال ياخذ على الجو العام ويبدا ينخرط مع الاطفال

لان الطفل يبدا يتكلم من خلال البيئه المجتمعيه اللي عايش بها من خلال وجود احد يتكلم معاه الا اذا لا قدر الله في مشاكل صحيه الله لا يقول


لكن الوضوع ما يخوف .. تطمني

[العقل المدمر]

بنتنا عمرها 4 سنين ونفس الحالة والدكاترة يقولون طبيعية
بس مابدت تنطق اصلا الا لما بعدناها عن طيور الجنة وكراميش وطخاتهم عالثلاث سنين ونص
انتبهي تراهم اكبر سبب يأخر النطق والاستيعاب والغباء وكل شي
واهم شي يلقى حد يكلمه دايما عشان يتعلم الكلام يعني مب شرط اخصائي
لان الدور فالبيت اكبر ووقته فالبيت اطول
وبالنسبة للحضانة عادي خليه يحتك باليهال ويتعلم كلمات بسيطة واستخدموها فالبيت علشان مايضيع

[kitmat]

سبحان الله نفس بنتي الحين عمرها ه سنوات وخمس شهور بدت تتكلم من العام بس بعد خرابيط والسنه افضل من العام بس بعد كلامها مب عدل وعندها تاخر عن الاطفال اللي في سنها وانا وابوها انحاول انكلمها ونصلح لها طول الوقت في كلامها وفعلا مثل ماقالت الاخت خدامتى طول النهار كانت حطتها جدام التلفزيون عند الاغاني كراميش وغيرة وانا طبعا في الدوام فقمت ومسحت كل هالقنوات من التلفزيون وبعدها بدت بنتي تتكلم شوي وحتى الايباد صدقيني حطيته في الدرج في غرفة نومي تخيلي الخدامه ايش اتحط لها فيه سباق السيارات وتقعد بس مركزة على السباق مثل البطل الصامت ماتسوي شي احاول احصل لها مكان فقالو لي عن مركز اسمه سن بين عند نادي السد الرياضي ورقمهم 44440108 يمدحونهم وايد