يازينج اشهد انج تاج ينحط فوق الراس

[المهاجر]

جميله انتي يابنت بلادي محتشمه وخلوقه ومؤدبه يابنت بلادي

صفاتك تعجبني وتصرفاتك وأدبك يبهرني

افتخر انك من دولتي ووطني افتخر انك ام لأولادنا ومربية لأجيالنا

ارى فيك الاحتشام فارفع رأسي فوق

ارى فيك الخلق فاشير اليك بالبنان

ارى فيك الأم والمربيه فاقول هذه هي مدرستنا التي تربي اجيالنا

نعم المرأه القطريه فخر لنا جميعا

نعم المرأه القطريه هي نصف المجتمع وهي من تحتضن ابنائنا وتربيهم وتعلمهم

هذه هي المرأه القطريه كما عرفناها من صغرنا وتربينا على يدها وخرج من تربيتها رجالا ينشد بهم الظهر

معظم نسائنا فيهم الخير ولايوجد مثلهم نساء

نعم من حقي ان افتخر بهم كوني اعرف كيف هي اخلاقهم

كيف هي تصرفاتهم كيف هي تربيتهم

لا يهمني القله القليله التي تسيء وتشوه الصوره بتصرفات غير لائقه

فمن هم على هذه الشاكله قله قليله لاتؤثر على قناعتي الكبيره بان المرأه القطريه مازالت هي المرأه التي يشار لها بالبنان

مازالت هي مربية الاجيال

لايهمني ان اسمع ان هناك القليلات الشواذ

لايهمني ان اذهب للمجمعات لكي ارى من تسيء للقطريه

فلماذا اذهب اصلاً وانا امامي وبقربي وحولي الكثيرات من يكون الاحترام عنوانها والادب صفاتها والخلق طبعها

والاحتشام حياتها والتربيه منهاجها

نعم ارى ذلك من خلال ابنائها وادبهم نعم ارى ذلك من خلال بناتها وسمعتهم

نعم ارى ذلك من خلال ما تقوله امي واختي عنها

فلماذا لا نترك البحث عن السيء والسعي وراء اكتشاف الرخيص

لماذا لانهتم بالغالي والثمين

دعونا نمدح من يستحق المدح ونثني على من يستحق الثناء

فهم احق ان نتكلم عنهم ونبرزهم ونفتخر بهم ونقول لكل شعوب العالم

انا قطري وافتخر بزوجتي وامي واختي وابنتي وقريباتي وبنات وطني فهن عنوان للخلق الكريم والصفات الجميله وهن المربيات

لأجيال ستاتي وسنفتخر بهم كلنا

[نوار قطر]

:app2: ماقصرت يابو عبدالله الله يجزيك خير على هالكلام الي اكثر من رائع ... كلمة حق قلتها في بنات بلادك ... ولا نشوف القله الي مشوهه صورة البنات بأنهم الاكثريه ونحكم على الباقي بالشين... ... الدنيا للحين بخير والبنات الي فيهم خير واااايد .. الله يكثر من امثالكم يابوعبدالله وعسى من أرثّك الجنه ...

[Rider]

موضوع جميل بس ياخوي انا معاك في المرأة القطرية القديمة الي فعلا ربت أجيال ولكن الان وللاسف نادرا تحصل هذا المرأة
مب أي قطرية افتخر فيها الي قاعدين نشوفه شي يخوف تربية الأجيال صار الذي يقوم به المربيات والخدم

[نوار قطر]

موضوع جميل بس ياخوي انا معاك في المرأة القطرية القديمة الي فعلا ربت أجيال ولكن الان وللاسف نادرا تحصل هذا المرأة
مب أي قطرية افتخر فيها الي قاعدين نشوفه شي يخوف تربية الأجيال صار الذي يقوم به المربيات والخدم

مانبي نطلع من الموضوع بس اسمح لي اخوي انتو كل شي قاطينه على المره .. سؤال من الي ياب المربيات حق المره ؟؟ مب الريال ؟؟ وينه ووين كلمته عليها ليش مايقول حق مرته عيالي مايتربون عند الخدم .. ليش مايقول لها دام الخدامه بتربيهم شفايدتج انتي.. ليش مايقول لها الخدامه تنظف وبس اما عيالي محد يربيهم غيرج... اذا المره فاجه ومفهيه وكسوله ومالها بارض ولقت لها ريال يساعفها والله ماهي بعايفه المربيه وبتقط العيال عليها..

[المهاجر]

:app2: ماقصرت يابو عبدالله الله يجزيك خير على هالكلام الي اكثر من رائع ... كلمة حق قلتها في بنات بلادك ... ولا نشوف القله الي مشوهه صورة البنات بأنهم الاكثريه ونحكم على الباقي بالشين... ... الدنيا للحين بخير والبنات الي فيهم خير واااايد .. الله يكثر من امثالكم يابوعبدالله وعسى من أرثّك الجنه ...

اي نعم الدنيا بخير وبناتنا فيهم خير وايد

ولو احنا اهتمينا بالزين كان الشين اختفى


وصدقيني كل ماتكلمنا عن الزين حتى الشين راح يستحي ويفوق من غفلته

ومن ارثج عساه الفردوس يارب

[المهاجر]

موضوع جميل بس ياخوي انا معاك في المرأة القطرية القديمة الي فعلا ربت أجيال ولكن الان وللاسف نادرا تحصل هذا المرأة
مب أي قطرية افتخر فيها الي قاعدين نشوفه شي يخوف تربية الأجيال صار الذي يقوم به المربيات والخدم

من قال نادر

تدري ليش نشوفه نادر

لأن احنا نروح ندور على الشين ونحفر وراه فعشان هالشي ماراح نشوف الخلوقه المحترمه

زين ليش مانروح نشوف الندوات الدينه والبيوت اللي فيها المستورات

صدقني لو ندور ونبحث عنهم ان بنقول ماشاء الله القطريات كلهم دينات وخلوقات ومحترمات

اما اذا باروح المجمعات والمولات فأكيد باشوف اللي يخليني اتعقد مع ان في المول والمجمعات تحصل نسبه كبيره محتشمات

لكن محد يشوفهم لأن الله ساترهم بسترهم لانفسهم ولان احنا عيونا ماتروح الا للي غير محتشمه

فنطلع ونقول بل شهالحريم اللي مايستحون كل المجمع متبرجات

وهو في الحقيقه قله قليله

الحين لو سألنا كل واحد فينا

شتقول عن خواتك وبناتك وقريباتك وبنات جيرانك

تعتقد شبتكون اجابته؟

[يمامـة]

اللهم اجعلنا من الاخيار في الدنيا و الاخرة..

جزاك الله خير اخوي المهاجر على هالموضوع..

[Rider]

مانبي نطلع من الموضوع بس اسمح لي اخوي انتو كل شي قاطينه على المره .. سؤال من الي ياب المربيات حق المره ؟؟ مب الريال ؟؟ وينه ووين كلمته عليها ليش مايقول حق مرته عيالي مايتربون عند الخدم .. ليش مايقول لها دام الخدامه بتربيهم شفايدتج انتي.. ليش مايقول لها الخدامه تنظف وبس اما عيالي محد يربيهم غيرج... اذا المره فاجه ومفهيه وكسوله ومالها بارض ولقت لها ريال يساعفها والله ماهي بعايفه المربيه وبتقط العيال عليها..

انا معاج اختي اخوي تكلم عن المرأة ماجب طاري للرجال في الموضوع اذا بندخل الرجل نعم بعض البيوت فيها خرفان مجرد صورة رجل لا يهش ولا ينش وهذا الي ضيع المرأة

[نوار قطر]

اي نعم الدنيا بخير وبناتنا فيهم خير وايد

ولو احنا اهتمينا بالزين كان الشين اختفى


وصدقيني كل ماتكلمنا عن الزين حتى الشين راح يستحي ويفوق من غفلته

ومن ارثج عساه الفردوس يارب
اتفق معاك يابوعبدالله والله يهدي بناتنا وبنات المسلمين ويستر عليهم

[Rider]

من قال نادر

تدري ليش نشوفه نادر

لأن احنا نروح ندور على الشين ونحفر وراه فعشان هالشي ماراح نشوف الخلوقه المحترمه

زين ليش مانروح نشوف الندوات الدينه والبيوت اللي فيها المستورات

صدقني لو ندور ونبحث عنهم ان بنقول ماشاء الله القطريات كلهم دينات وخلوقات ومحترمات

اما اذا باروح المجمعات والمولات فأكيد باشوف اللي يخليني اتعقد مع ان في المول والمجمعات تحصل نسبه كبيره محتشمات

لكن محد يشوفهم لأن الله ساترهم بسترهم لانفسهم ولان احنا عيونا ماتروح الا للي غير محتشمه

فنطلع ونقول بل شهالحريم اللي مايستحون كل المجمع متبرجات

وهو في الحقيقه قله قليله

الحين لو سألنا كل واحد فينا

شتقول عن خواتك وبناتك وقريباتك وبنات جيرانك

تعتقد شبتكون اجابته؟

هلا اخوي حنا نتكلم على الي نشوفها قدامنا سؤ في اماكن العمل او المجمعات وغيرها من الاماكن نعم اخوي نعرف اي العفيفات والمحتشمات ونعرف مكانهم لكن انت قلت المرأة القطرية ولم تحدد من المرأة التي تتكلم عنها

[نوار قطر]

انا معاج اختي اخوي تكلم عن المرأة ماجب طاري للرجال في الموضوع اذا بندخل الرجل نعم بعض البيوت فيها خرفان مجرد صورة رجل لا يهش ولا ينش وهذا الي ضيع المرأة

انت تقول المره قطت العيال على الخدم.. وانا قلت لك من الي ياب الخدم البيت.. من دخلهم.. سؤال لو انت رافض ان مربيه تربي عيالك بيقدرون اهلك ان ايبوون مربيه ويدخلونها البيت غصبا عنك وانت مب راضي... قصدي الرك على الريال ..

[فريج النجادة]

وازيدك من الشعر ابيات

القطرية والحمدلله

هم اكثر الناس في الدعوة الى الله

وهم الاكثر البذل والصدقات

وهم الاكثر في التواصل مع اسرهم القريبة والعبيدة

وهم الاكثر في تفقدهم للفقراء والمساكين

وهم الاكثر في تفقدهم الى جيرانهم

وسامحوني اذا نسيت شي من حسناتهم

[ودي أكون]

انا اقول نفكها سيره ( ولا نذكرها لا في الشين ولا في الزين ) يكون وايد احسن والله ..
في مواضيع دينيه، ومحليه وعربيه وعالميه تحتاج نقاش هذا هو الاهم ..

ترانا نقعد ورا الشاشه فوق الثمان او التسع ساعات، ومناجر وصك وحك مع بعض على مواضيع نعم هي تافهه، لان هالساعات لو استغليناها بالذكر او الاستغفار، او النقاش في امور مهمه وايد احسن وافضل ..
مع العلم ان في مواضيع تافهه بس اشوفها مفيده، لان اتخلينا مرات نستغفرالله على الردود اللي انشوفها .!.. سبحان الله

لا اله الا انت ربي استغفرك واتوب اليك ..

ربي لا تشغلنا الا في طاعتك يارب .. اللهم امين يارب

[بصمة قطرية]

جزاك الله خير بوعبدالله على الموضوع الطيب ..
اخيراً شفنا موضوع يشرح الصدر ..
كل المواضيع إنتقاد المرأة القطرية و تقليل من شأنها
و القهر لما تجيك هالمواضيع من نساء ..!!
مادري شالهدف و لا شيحسون فيه و هم ينتقدون
هل لما انزل موضوع أنتقد تصرف معين تسويه المرأة
يعني أبي أبين إني عكس هالشي ..!!!
أمرهم غريب ..
و الرجال رجال المنتدى اللي يتسابقون على هالمواضيع
و تحسهم فرشوا البسطة و حطوا دلال الشاي و القهوة
و شغالين رد ورا الثاني بس إنتقاد ..
عجبي ..!!!
قلتها قبل و أرد أقولها
كل شخص يعبر عن رايه بناء على البيئة اللي عايش فيها
و رايه من خلال اللي يشوفهم حوله
وهالشي خلاص واضح و صرنا نعرف الاعضاء
و ردودهم قبل لا يردون على الموضوع ..


في الأخير أوجه للكل هالكلام :


قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ



(( مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ ))


كل كلمة راح تشهد علينا ..

[فريج النجادة]

الجرح والتعديل سمة اساسية في كل مجتمع صالح

يحب مجتمعة ويخاف علية

ويمدح من يستحق المدح وينكر على من يستحق الانكار علية

[JN000N]

الله يجزيكم الخير ويرفع مقداركم
مرات صج محتاج هالمواضيع
الايجابيه لازم تطغي
لازم هالشي يصير عشان تزيد روح المنافيه كل وحده تبي تكون احسن من الثانيه بالعكس هالشي بينفعنا وايد حتى لو نسبته ماتعدت 50%
احنا ف النهايه ايش نبي نسوي؟
نصلح المجتمع او نخربه


انا وحده غلطت وايد ف امور كثيره وحتى افكاري ف بعض الامور كانت غلط واعترف اني تعلمت ومازلت اتعلم واخذ الشور من الشخص العاقل الراكد الي اعرف هو من وتفكيره شلون واعرف انه افعاله تسبق اقواله مب اي حيالله اي حد

[الجـــوديّ]

شكراً على المقال الواقعي حقيقة .. وبخاصة هذا السطر

" قناعتي الكبيره بان المرأه القطريه مازالت هي المرأه التي يشار لها بالبنان "

حقيقة نعيشها فعلاً ونراها في عيون الآخرين إن لم يشيروا فعلاً لها بالبنان أو يفصحوا عنها باللسان !

[Dana’1]

جزاك الله خير ورفع الله قدرك
وبدوري أكتب أنا كسعوديه قطريه وقطريه سعوديه ^_^
أفتخر بالقطريات منهن أمي وجدتي وخالاتي وكل من يعرق فيهن فديتهم حتى النخااااااع الله يحفظهن ويحفظ المسلمات الطاهرااات كلهن على العين والراس

[موظف ((حكومي]

يستااااااااااهلووووووووووووووون

[Charisma]

مرحبا اخوي المهاجر ..

تحية أجلال وإكبار لبناتنا واخواتنا .. ممن تربّوا على الأخلاق .. وآثرن رضا الرحمن على رضا الناس .

تسلم يمناك يالمهاجر على الطرح .. نعم نفتخر بهم ونسأل الله التوفيق لنا ولهم .

[الحياة الخالدة]

جزاك الله خير أخوي بوعبدالله
ماهي بغريبـــــة عليك .. من أصلك الطيب .. تشوف الطيب .. و تقدر وتحترم بنات بلادك

و لكل شخص ( واحد أو وحدة ) ينتقد القطريات في الطالعة و النازلة .. و يفتح الباب على مصراعيه لكل من يعذرب فيها و يخطي عليها
أقول
ربي يعطيك على قد نيتــــــــك
سواء نويتها نصيحة و إصلاح .. أو غير ذلك
و الله وحده العالم باللي في القلوب

[يمامـة]

انا اقول نفكها سيره ( ولا نذكرها لا في الشين ولا في الزين ) يكون وايد احسن والله ..
في مواضيع دينيه، ومحليه وعربيه وعالميه تحتاج نقاش هذا هو الاهم ..

ترانا نقعد ورا الشاشه فوق الثمان او التسع ساعات، ومناجر وصك وحك مع بعض على مواضيع نعم هي تافهه، لان هالساعات لو استغليناها بالذكر او الاستغفار، او النقاش في امور مهمه وايد احسن وافضل ..
مع العلم ان في مواضيع تافهه بس اشوفها مفيده، لان اتخلينا مرات نستغفرالله على الردود اللي انشوفها .!.. سبحان الله

لا اله الا انت ربي استغفرك واتوب اليك ..

ربي لا تشغلنا الا في طاعتك يارب .. اللهم امين يارب

اضحك الله سنج..
محد بيدخل مواضيع الدين وغيره..
هذا هو المهاجر وعليه كتب موضوع لو ما دخل حد وانتقد الموضوع بيتم مثل ما اهو..
وهناك مواضيع كثيرة في المنتدى فيها الفايدة يا دوب كم مشاركة وصكوا على الخبر..

المهم اللهم ارحمنا برحمتك واجعلنا ممنا يأمرون بالمعروف وينهون عن المنكر
عن نوايا صادقة لتصحيح الاخطاء..

[رهج السنابك]

احس موضوعك مثل الطبطبه عشان تجبر بالخاطر نظرا لكثرة الانتقادات
طبعا نفخر بالمربيه والام القطريه اذا كانت تستاهل اما المقصره لا مابنرحمها وبنتكلم عن الظواهر السلبيه للاصلاح وليس من باب " كشفتوا المستور"
ومافي حد على طول صح ولا على طول غلط
ومافي حد كامل او مب مقصر كلنا فينا قصور وكلنا من خلفيات مختلفه ولنا قناعات شخصيه فيه من تربى فيه بيئة منفتحه وفيه المحافظ وفيه الوسط الي نشوفه عيب وغلط ونستهجنه فيه من يشوفه عادي وصح ومافيها شي
بالاخير المنتدى مثل مجلس افتراضي كلن يسولف بوجهة نظره وقناعته

والرسول قال فيما معناه احثوا الرمل في اعين المداحين

وتعلمنا من المدارس الغربيه لو بتقدم مدح لشخص خلك محدد قول له انا امدحك لانك كذا وكذا وكذا
اما تقول له انت رجل عظيم وممتاز ورائع وانت مفخره وانت وانت فهذا مدخ غير بناء لن يساهم في تحقيق الهدف وهو التشجيع ع الاستمراريه

[sweet qatar]

بارك الله في جهودك يالمهاجر

مشكلة لما تنتقد شي الكل يشارك
و لما تمدح شي الكل يشكك



رغم كل الانفتاح والتغيير الي حصل علي مظهر المرأة القطرية

إلا إنها الي الآن معروفة بالحشمة والثقل

والله يجمل بناتنا بالحيا والستر

[Charisma]

والله يجمل بناتنا بالحيا والستر

اللهم امين

[qatara]

ابد الحشيمه حشيمه مستحيل احد يتطاول عليها

لاكن لما ننتقد اافعال معينه لا يعني اننا عممنا ان الكل يفعلها ابدا

فلما يتم نقد فعل لا نعني به شخص معين و لماذا تنتقد
لان من تفعله لا احترمت لا عادات ودين هلبلد
ولما تقولها هذا ليس من دينا ولا من عاداتنا لا الحين ولا قبل
ترد عليك تقولك قبل ايام جاهليه
وهي باذالك تقصد من 30 او 40 سنه مضت ايام جاهليه
يعني حطت ابئنا ابي لهب وابي جهل والعياذ بالله

سلط عليج يا لي دخلتي علينا الاسلام

استغفر الله بس من هلشكال

و انتقادنا لفعل منقود لا يعني انتقادنا الجميع لا لا

نعرف ان الله خلق ناس للنار وناس للجنه

فيهم الطيب والردي

لاكن بعضهن عشان تضيع السالفه هي من تعمم
وليس من انتقد فتلاقيها تقول (انتقدو بنات بلادهم (لاحظ التعميم)

اين نحن من

[ لو أن فاطمة بنت محمد سرقت لقطعت يدها ].

بناتنا الحشيمات المحتشمات قدرهم على العين والراس
اما التفاح الفاسد فنحن ننتقدهم لكي لا يفسدون البقيه
سواء رجل او امراه

مثلما انتن انفسكن تنتقدن الرجل الفاسد
فهل هذا دليل انكن تقصدن تشويه جميع رجال بلادكم
؟

ولولا تدافع الخير والشر لفسدت الارض جميعا

اليس كذالك

نعم الحشيمه المحتشمه الملتزمه ما امرها الله ورسوله قدرها فوق النجوم

قدرها عند ربها قبل قدرها عند الناس شي كبير

والله يصلح الحال

[بومحمد المطاوعه]

بارك الله فيك بوعبدالله
الله يجزاك خير ويرحم والديك

ماهي غريبه عليك شيخ ولد شيوخ

وانا اقول

نعم للمرأه المحتشمه انتي تاج الراس

لايهمني قطريه ام اجنبيه
صحيح اني قطري واحب الخير لبلادي وبنات وشباب بلادي ،، ولكن لا انسى
المسلمين الأخرين ،، لهم بصمات في بلادي

تكفي ان هذي مسلمه محتشمه ،،،

وهذا همي الوحيد والحمدلله ،،

الله يكتب الخير للجميع
ونشوف الاحتشام في كل مكان

والله يهدي الفئه المدمره والغافله والمتبرجه ،،

ونشوفهم ان شاءالله بأحسن حال ،،


رحم الله والديك اثلجت صدري

[بومحمد المطاوعه]

و الرجال رجال المنتدى اللي يتسابقون على هالمواضيع
و تحسهم فرشوا البسطة و حطوا دلال الشاي و القهوة
و شغالين رد ورا الثاني بس إنتقاد ..
عجبي ..!!!
قلتها قبل و أرد أقولها
كل شخص يعبر عن رايه بناء على البيئة اللي عايش فيها
و رايه من خلال اللي يشوفهم حوله
وهالشي خلاص واضح و صرنا نعرف الاعضاء
و ردودهم قبل لا يردون على الموضوع ..

لا اختي ما اتفق معاج كلش ،،

لابد ان نحسن الظن ،،
لاتخلين سيئه عليج من سوء الظن او الطعن بأحد ،،

تأملي خير وادعي لهم بالهدايه ،،

شعليج من القيل والقال ،، اهم شي ترضين الله تعالى ورسولنا الكريم صل الله عليه وسلم ،، وبس

لاتخلين همج الناس فقط ولا تلتفتين لحد،،

[بومحمد المطاوعه]

والرسول قال فيما معناه احثوا


صلي على رسول الله
اذا كتبتي او ذكرتي الرسول صل الله عليه وسلم

يجب ان تصلين عليه ،،

اللهم صلي وسلم عليه

[رهج السنابك]

عليه افضل الصلاه والتسليم

[بومحمد المطاوعه]

عليه افضل الصلاه والتسليم


بارك الله فييج

[بصمة قطرية]

لا اختي ما اتفق معاج كلش ،،

لابد ان نحسن الظن ،،
لاتخلين سيئه عليج من سوء الظن او الطعن بأحد ،،

تأملي خير وادعي لهم بالهدايه ،،

شعليج من القيل والقال ،، اهم شي ترضين الله تعالى ورسولنا الكريم صل الله عليه وسلم ،، وبس

لاتخلين همج الناس فقط ولا تلتفتين لحد،،

بومحمد
الله يرضى عليك إقرا ردي عدل عقب قول لي قيل و قال ..
اللي يسمعك يقول بصمة تتبلى على العالم
مش من طبعي هالشي الحمدلله
وإذا كتبت كلام أكون عارفة شقول ما أضرب جح ببطيخ
اللي قلته واقع الكل شايفة في المنتدى ..
ما طعنت بحد و لا ألفت
خذ لك فرة على المواضيع الخاصة بالنساء في الحوار العام
و شوف كلامي صح و لا قاعدة أتبلى و أطعن ..

لا حول و لا قوة الا بالله ..

[بومحمد المطاوعه]

بومحمد
الله يرضى عليك إقرا ردي عدل عقب قول لي قيل و قال ..
اللي يسمعك يقول بصمة تتبلى على العالم
مش من طبعي هالشي الحمدلله
وإذا كتبت كلام أكون عارفة شقول ما أضرب جح ببطيخ
اللي قلته واقع الكل شايفة في المنتدى ..
ما طعنت بحد و لا ألفت
خذ لك فرة على المواضيع الخاصة بالنساء في الحوار العام
و شوف كلامي صح و لا قاعدة أتبلى و أطعن ..

لا حول و لا قوة الا بالله ..

اشفيج زعلانه !!!
انا عارف من بصمه ،،

مب من عوايدها هالشي ومن جذي مستغرب من ردج

انا قصدي لاتفتكرين وعارف قصدج ولا قلت تتبلين

المقصد من كلامي ابي لج الخير
علشان ماتحطين ف ذمتج انهم عايشين في هذي البيئه ،،

الواحد مايقدر يشل ذنوبه
بيروح ويحط ذنوب الناس عليه بعد ،،

ترى البعض يكتب من السوالف الي يسمعها او من القيل والقال

مب شرط عايش ف خرابه وبيكتب ،، عن خرابته

محد بيقول انا خربان وانا جذي وجذي
كل واحد يشوف نفسه ملاك ،،

من جذي قلت احسني الظن علشان ماتحطين نفسج ف امور النيه وامور السوء بالظن

وبس والله

[عثرة جواد]

ابد الحشيمه حشيمه مستحيل احد يتطاول عليها

لاكن لما ننتقد اافعال معينه لا يعني اننا عممنا ان الكل يفعلها ابدا

فلما يتم نقد فعل لا نعني به شخص معين و لماذا تنتقد
لان من تفعله لا احترمت لا عادات ودين هلبلد
ولما تقولها هذا ليس من دينا ولا من عاداتنا لا الحين ولا قبل
ترد عليك تقولك قبل ايام جاهليه
وهي باذالك تقصد من 30 او 40 سنه مضت ايام جاهليه
يعني حطت ابئنا ابي لهب وابي جهل والعياذ بالله

سلط عليج يا لي دخلتي علينا الاسلام

استغفر الله بس من هلشكال

و انتقادنا لفعل منقود لا يعني انتقادنا الجميع لا لا

نعرف ان الله خلق ناس للنار وناس للجنه

فيهم الطيب والردي

لاكن بعضهن عشان تضيع السالفه هي من تعمم
وليس من انتقد فتلاقيها تقول (انتقدو بنات بلادهم (لاحظ التعميم)

اين نحن من

[ لو أن فاطمة بنت محمد سرقت لقطعت يدها ].

بناتنا الحشيمات المحتشمات قدرهم على العين والراس
اما التفاح الفاسد فنحن ننتقدهم لكي لا يفسدون البقيه
سواء رجل او امراه

مثلما انتن انفسكن تنتقدن الرجل الفاسد
فهل هذا دليل انكن تقصدن تشويه جميع رجال بلادكم
؟

ولولا تدافع الخير والشر لفسدت الارض جميعا

اليس كذالك

نعم الحشيمه المحتشمه الملتزمه ما امرها الله ورسوله قدرها فوق النجوم

قدرها عند ربها قبل قدرها عند الناس شي كبير

والله يصلح الحال

مع هاي الراائ

:app2: كلام راائع عسااك ع القوة :app::

[المهاجر]

اللهم اجعلنا من الاخيار في الدنيا و الاخرة..

جزاك الله خير اخوي المهاجر على هالموضوع..

اللهم آمين

ويجزاج بمثله اختي اليمامه

[الحياة الخالدة]

زعلت البعض بموضوعك يا بوعبدالله

[المهاجر]

اتفق معاك يابوعبدالله والله يهدي بناتنا وبنات المسلمين ويستر عليهم

اللهم آمين

[JN000N]

زعلت البعض بموضوعك يا بوعبدالله

البعض؟؟
لا حبيبتي
عارفينهم الي زعلو نوعين
نوع متعقد من تجاربه مع الحريم
ونوع المراه عدوة المراه

وشكرا

[المهاجر]

هلا اخوي حنا نتكلم على الي نشوفها قدامنا سؤ في اماكن العمل او المجمعات وغيرها من الاماكن نعم اخوي نعرف اي العفيفات والمحتشمات ونعرف مكانهم لكن انت قلت المرأة القطرية ولم تحدد من المرأة التي تتكلم عنها


هلابك اخوي

ماننكر اخوي ان في اللي يسيء ويشوه ويخرب

وهذا أولاً يسيء لنفسه ومثل ما قلت ان احنا لو مانهتم للسيء ونتجاهله ما راح نسمع عنه ولا راح ينتشر

انا تكلمت عن المرأه القطريه الشريفه العفيفه الخلوقه المتربيه اللي تقول حق الكل هذا انا

بنت بلادكم وعليكم انكم تفتخرون فيني وتعتزون اني سنعه ومتربيه واني ام لعيالكم

المقصد من موضوعي ان احنا نبرز بنات بلادنا اللي فيهم خير ونذكرهم ونقول ترى عندنا الزين اكثر من الشين

عندنا اللي نفتخر فيها ونعتز فيها مب كل شي قلنا القطريات سيئات وما عندهم ادب ومب متربيات

ونخلي كل من يقرا يقول دام اهلهم يتكلمون فيهم ويقولون عنهم هالكلام

فقطر ما فيها حريم سنعات وهذا ظلم وبهتان

وعلى فكره ترى هالكلام اللي احنا نقوله عن الحريم بيخلي الناس تقول لو عندهم رجال كان ردوهم وسنعوهم

بمعني ان الاساءه راح ترجع علينا احنا الرجال اللي عندنا القوامه

[الحياة الخالدة]

البعض؟؟
لا حبيبتي
عارفينهم الي زعلو نوعين
نوع متعقد من تجاربه مع الحريم
ونوع المراه عدوة المراه

وشكرا

الله يهدينا وياهــــــم

[ضوى]

بارك الله في جهودك يالمهاجر

مشكلة لما تنتقد شي الكل يشارك
و لما تمدح شي الكل يشكك



رغم كل الانفتاح والتغيير الي حصل علي مظهر المرأة القطرية

إلا إنها الي الآن معروفة بالحشمة والثقل

والله يجمل بناتنا بالحيا والستر


اللهم امين

لاحظتي سويتي ؟؟

[Dana’1]

الموضوع إيجابي.. ليش بعض الردود ما تجاوبت بشكل ايجابي ولازم تحط السلبيات او تركز عليها؟!


نعرف إن فيه بعض السلبيات في كل العالم والسلبيات مواضيعها كثيييييره هنا وردوها أكثر توصل لكذا صفحه في اقل من نصف ساعه فالأفضل تطرحون السلبيات فيها على الأقل بهالمموضوع نبغى ايجابيه على الأقل بذكر موقف واحد... نص موقف ايجابي

ترى هذا الغرض من الموضوع التركيز عالإيجابيه!

[ضوى]

الموضوع إيجابي.. ليش بعض الردود ما تجاوبت بشكل ايجابي ولازم تحط السلبيات او تركز عليها؟!


نعرف إن فيه بعض السلبيات في كل العالم والسلبيات مواضيعها كثيييييره هنا وردوها أكثر توصل لكذا صفحه في اقل من نصف ساعه فالأفضل تطرحون السلبيات فيها على الأقل بهالمموضوع نبغى ايجابيه على الأقل بذكر موقف واحد... نص موقف ايجابي

ترى هذا الغرض من الموضوع التركيز عالإيجابيه!

انتي بعد لاحظتي ؟؟

[JN000N]

ديور انتي حتى لو فيج قمة الايجابيه حطي ف بالج من تسوين ساين ان للمنتدى يقلب المود سلبي من الاشكال السلبيه عافانا الله

[الحياة الخالدة]

الموضوع إيجابي.. ليش بعض الردود ما تجاوبت بشكل ايجابي ولازم تحط السلبيات او تركز عليها؟!


نعرف إن فيه بعض السلبيات في كل العالم والسلبيات مواضيعها كثيييييره هنا وردوها أكثر توصل لكذا صفحه في اقل من نصف ساعه فالأفضل تطرحون السلبيات فيها على الأقل بهالمموضوع نبغى ايجابيه على الأقل بذكر موقف واحد... نص موقف ايجابي

ترى هذا الغرض من الموضوع التركيز عالإيجابيه!

الإجابة عزيزتي تحصلينها هنا :

http://www.qatarshares.com/vb/showthread.php?604938-%CA%DA%C7%E1%E6%C7-%D4%E6%ED-%C7%C8%ED%DF%E3-%C8%D3%C7%E1%DD%E5

[Dana’1]

انتي بعد لاحظتي ؟؟

طبعا لاحظت كذا شي .. والله المستعان^_^

[بومحمد المطاوعه]

مشكلة لما تنتقد شي الكل يشارك
و لما تمدح شي الكل يشكك




بالضببببببط
لين العضو او العضو ينزلون موضوع مدح او ايجابي
المشاهدات توصل 2000 والمشاركات 10

هذي الحاصل من بعض شباب وبعض بنات المنتدى

واصلن يشوفون الموضوع بس مايتفاعلون

بس نزلي موضوع انتقاد
تحصلينهم اول المطبلين
والعياذ بالله ،،
الحمدلله والشكر

[بومحمد المطاوعه]

الموضوع إيجابي.. ليش بعض الردود ما تجاوبت بشكل ايجابي ولازم تحط السلبيات او تركز عليها؟!


نعرف إن فيه بعض السلبيات في كل العالم والسلبيات مواضيعها كثيييييره هنا وردوها أكثر توصل لكذا صفحه في اقل من نصف ساعه فالأفضل تطرحون السلبيات فيها على الأقل بهالمموضوع نبغى ايجابيه على الأقل بذكر موقف واحد... نص موقف ايجابي

ترى هذا الغرض من الموضوع التركيز عالإيجابيه!


عادي طنشي اصابع ايدج مب سوى
اهم شي الواحد يعرف يرضي الله تعالى ورسوله الكريم صل الله عليه وسلم

شعليج من البشرر ،،
في منهم الصالح وفي منهم الطالح ،،

اهم شي احسني الظن بأي انسان علشان ماياكل حسناتج
وبس ولاتلتفتين على السلبيات ،،

[بو المياسه]

السلام عليكم

احلى موظوع نبي انشوف اكشن اكثر شباب وينكم ياصبايا وينكم

[بومحمد المطاوعه]

السلام عليكم

احلى موظوع نبي انشوف اكشن اكثر شباب وينكم ياصبايا وينكم

وعليكم السلام ورحمه الله وبركاته

اكشن ليش اخوي

ترى كلام بوعبدالله صحيح
نعم للمحتشمه المسلمه
نعم للقطريه
نعم للخليجيه
نعم للعربيه

نفتخر بالمحتشمه اين كانت
لأن كلنا عند الله سوا وسيا
لافرق بين القطري ولا الخليجي الا بالتقوى

والي يقول عكس كلامه

هذي الله يهديه ويرده ردآ جميلا

[Dana’1]

ديور انتي حتى لو فيج قمة الايجابيه حطي ف بالج من تسوين ساين ان للمنتدى يقلب المود سلبي من الاشكال السلبيه عافانا الله

فعلا بالذات ببعض المواضيع ... بس الحمدلله ما ابالي كثيير وأخذه بمنظور ايجابي شخصي واقول الحمدلله إن
عزوتي الله يحفظهم ..مثل العود الأزرق وطيبهم فاق طيبه^_^
وإن شاءلله الكل فيه خير وادعي لنفسي وللجميع بالهدايه :/

[sweet qatar]

اللهم امين

لاحظتي سويتي ؟؟

معليه .. عطيهم اجنور



أنا بذكر موقف صار مع وحدة أعرفها



كان في حفل ختامي علي مستوي يحضرون له عدة جهات

أسبوع وهم يجتمعون ويرتبون للحدث

يوم الحفل الي بتحضره شخصية مهمة vvip و لأن الحفل بيكون نسائي .. كل البنات خذوا راحتهم

لبنانية تشتغل مع الشركة المنظمة كانت واقفة جنب القطرية وهم يتعدلون قبل لا يدخلون القاعة


استغربت القطرية إن اللبنانية ما التفتت صوبها ولا كنها تعرفها فسلمت عليها

هني اللبنانية شهقت وعينها بغت تطلع ... تقول مستحيل انتي فلانة وتمت تغزل في جمالها


لأن القطرية وقت التحضيرات كانت بحجابها الكامل :)

[Dana’1]

الإجابة عزيزتي تحصلينها هنا :

http://www.qatarshares.com/vb/showthread.php?604938-%CA%DA%C7%E1%E6%C7-%D4%E6%ED-%C7%C8%ED%DF%E3-%C8%D3%C7%E1%DD%E5


فعلا .. أساس ماشاءلله على المهاجر عارف الوضعيه فنزل موضوع الصورتين بالأول عقب عالموضوع
يمهد ويبغى ينشر ثقافة الإيجابيه عموما ومن ثم هالموضوع تحديدا ^_^
جزاه الله خير

[JN000N]

فعلا بالذات ببعض المواضيع ... بس الحمدلله ما ابالي كثيير وأخذه بمنظور ايجابي شخصي واقول الحمدلله إن
عزوتي الله يحفظهم ..مثل العود الأزرق وطيبهم فاق طيبه^_^
وإن شاءلله الكل فيه خير وادعي لنفسي وللجميع بالهدايه :/

الله يخليهم لج يااارب ويكثر من امثالهم

[بوحارب]

تاج راسي والله بنت بلادي
اللي محافظه على دينها وأخلاقها وحشمتها
والله يهدي الثانيات ولاننساهن من الدعاء

الكل فيه الخير ان شاء الله :)

أشكرك يالمهاجر على الموضوع الفخم :)

[Dana’1]

الله يخليهم لج يااارب ويكثر من امثالهم

آمين يارب العالمين...ويحفظ لك عزوتك وكل غاالي يارب
جزاك الله خير ^ـ^

[Dana’1]

عادي طنشي اصابع ايدج مب سوى
اهم شي الواحد يعرف يرضي الله تعالى ورسوله الكريم صل الله عليه وسلم

شعليج من البشرر ،،
في منهم الصالح وفي منهم الطالح ،،

اهم شي احسني الظن بأي انسان علشان ماياكل حسناتج
وبس ولاتلتفتين على السلبيات ،،

عادي عالأخر بعد أنا بالمنتدى ماشيه على بيت الشعر إلي بالتوقيع ^ـ^

والتعــارض رأي لايعنـي الإطــاحـــه ~~ والكـــــرم إيثــار لايعنـي موافـــق

يعني أخذ راحتي بالتعليق لأن حابه أعلق مو شايله هم أحد إني لازم أقنعه أو أو أو إلخ
أتمنى للجميع التوفيق^ـ^

[المهاجر]

ياجماعه ياطيبين

الموضوع طرحناه عشان نبي نذكر الايجابيات ونقول عن البنت الزينه والأم الكفو والاخت اللي نفتخر فيها

لكن اشوف ان حتى بهالموضوع مصرين انكم تتكلمون عن السلبيات وتخلون الايجابيات

ما عندنا مانع ان من خلال هالموضوع ننتقد التصرفات السلبيه بس نخلي اساس الموضوع ونحوله الى انتقاد وسلبيات

هالشي ما ادري شاقول عنه

والله المستعان

انا باخلي الموضوع لكم وما راح ارد على كل مشاركه اعذروني لاني اشوف انه بيتحول الى موضوع سلبي ومب هذا هو هدفي من طرحه

فاللي عنده شي ايجابي عن المرأه ياريت يقوله ويذكره هني

اما اذا الكل يشوف ان ما في شي ايجابي عن المرأه القطريه فاحب اقول لكم شي واحد

ان هذا يعني وعفواً واعتذر عن هالكلمه ان ما في ولا وحده في قطر قطريه فيها خير

ومحشومات خواتنا وبناتنا ورزوجاتنا عن هذا ولهم كل التقدير والاحترام ونفتخر فيهم



وما اعتقد في حد ممكن يتكلم على هله بهالشي

مع احترامي للجميع

[sweet qatar]

المهاجر

ركزت علي كلامهم وتجاهلت ردي كان في صلب الموضوع :weeping:

[Dana’1]

لك حق يالمهاجر...وأعتذر إذا تشوف إني ساهمت في هالشي ^ـ^

راح أذكر الأخت القطريه إلي نفتخر فيها
الأخت الفاضله :فاطمه العلي إنسانه أفنت عمرها بمساعدة المحتاجين من تفريج الكرب وإغاثة المنكوبين
أحسبها كذلك والله حسيبها*وجزاهاالله خير

[JN000N]

ياجماعه ياطيبين

الموضوع طرحناه عشان نبي نذكر الايجابيات ونقول عن البنت الزينه والأم الكفو والاخت اللي نفتخر فيها

لكن اشوف ان حتى بهالموضوع مصرين انكم تتكلمون عن السلبيات وتخلون الايجابيات

ما عندنا مانع ان من خلال هالموضوع ننتقد التصرفات السلبيه بس نخلي اساس الموضوع ونحوله الى انتقاد وسلبيات

هالشي ما ادري شاقول عنه

والله المستعان

انا باخلي الموضوع لكم وما راح ارد على كل مشاركه اعذروني لاني اشوف انه بيتحول الى موضوع سلبي ومب هذا هو هدفي من طرحه

فاللي عنده شي ايجابي عن المرأه ياريت يقوله ويذكره هني

اما اذا الكل يشوف ان ما في شي ايجابي عن المرأه القطريه فاحب اقول لكم شي واحد

ان هذا يعني وعفواً واعتذر عن هالكلمه ان ما في ولا وحده في قطر قطريه فيها خير

ومحشومات خواتنا وبناتنا ورزوجاتنا عن هذا ولهم كل التقدير والاحترام ونفتخر فيهم



وما اعتقد في حد ممكن يتكلم على هله بهالشي

مع احترامي للجميع

افا يالمهاجر
لاتصير سلبي مثلهم
لاتطالع الجزء الفارغ من الكاس وخلك ف المليان
ماعليك من اللي يبون يحولونه سلبي
انت لك هدف كتبت فيه الموضوع واحنا معاك وبالعقل نتكلم ونشجع
المجتمع القطري فيه امنا واختنا وبنتنا
الي بيذكر السلبيات لا يستقصي هله من الحسبه
تراهم جزء من المجتمع مهما حاولو يلمعون في اهلهم ويعيبون عالناس مايعيب الا اخس الناس

ياليت تواصل وتوصل للهدف من الموضوع وتشجع عالايجابيه
نحتاج مثل هالمواضيع تزيد ثقتنا ف نفسنا

[بومحمد المطاوعه]

عادي عالأخر بعد أنا بالمنتدى ماشيه على بيت الشعر إلي بالتوقيع ^ـ^

والتعــارض رأي لايعنـي الإطــاحـــه ~~ والكـــــرم إيثــار لايعنـي موافـــق

يعني أخذ راحتي بالتعليق لأن حابه أعلق مو شايله هم أحد إني لازم أقنعه أو أو أو إلخ
أتمنى للجميع التوفيق^ـ^

اي ابرك لج ..

اللهم امين اتمنى التوفيق والستر للجميع

[المهاجر]

المهاجر

ركزت علي كلامهم وتجاهلت ردي كان في صلب الموضوع :weeping:

هلا سويت

لا والله ما تجاهلت كلامج قريته الله يجزاج الخير

بس اشوف ان الموضوع بيتحول للسلبيات وانتقاد المرأه

وكأن مافي عندنا حريم سنعات

شي يضايق والله

وما ارضى على كل بنت شريفه عفيفه محترمه انها تنظلم وما نتكلم عنها

شدعوه ما في بنات فيهم خير يعني ؟!!!

ليش مايقولون شفنا وحده في المكان الفلاني كانت في قمة الادب والخلق

وشفنا وحده بالمكان الفلاني لما شافت رجال جاي بطريقها صدت وغيرت طريقها

وشفنا وحده كانت باللفت ولما دخل الرجال اللفت طلعت منه مع انها كانت قبله ومستعجله

وووووووووو من هالمواقف الطيبه اللي تبين مدى خلق المرأه وخجلها واحترامها

وفعلاً مثل ما قلتي ياسويت

مشكلة لما تنتقد شي الكل يشارك
و لما تمدح شي الكل يشكك

الله المستعان

تبين الصج تضايقت توقعت اشوف كلام ايجابي ونبرز المرأه المحترمه المحتشمه ونعطيها حقها

مثل ما نقعد نتكلم عن الشينه وما نخلي شي ما نقوله عنها ويمكن نشمل الكل معاها ونعمم


واحب اشكر كل من تكلم بالايجابيات وذكر لنا صفات حريمنا المحترمات

السموحه منج ومن كل اللي مارديت عليهم

[بومحمد المطاوعه]

ياجماعه ياطيبين

الموضوع طرحناه عشان نبي نذكر الايجابيات ونقول عن البنت الزينه والأم الكفو والاخت اللي نفتخر فيها

لكن اشوف ان حتى بهالموضوع مصرين انكم تتكلمون عن السلبيات وتخلون الايجابيات

ما عندنا مانع ان من خلال هالموضوع ننتقد التصرفات السلبيه بس نخلي اساس الموضوع ونحوله الى انتقاد وسلبيات

هالشي ما ادري شاقول عنه

والله المستعان

انا باخلي الموضوع لكم وما راح ارد على كل مشاركه اعذروني لاني اشوف انه بيتحول الى موضوع سلبي ومب هذا هو هدفي من طرحه

فاللي عنده شي ايجابي عن المرأه ياريت يقوله ويذكره هني

اما اذا الكل يشوف ان ما في شي ايجابي عن المرأه القطريه فاحب اقول لكم شي واحد

ان هذا يعني وعفواً واعتذر عن هالكلمه ان ما في ولا وحده في قطر قطريه فيها خير

ومحشومات خواتنا وبناتنا ورزوجاتنا عن هذا ولهم كل التقدير والاحترام ونفتخر فيهم



وما اعتقد في حد ممكن يتكلم على هله بهالشي

مع احترامي للجميع

بارك الله فيك اخوي بوعبدالله وانا كتبت ردي اتمنى تشوفه وتعلق عليه ..

ولانقول ان مافي قطريه لا ياخوي هالكلام مايمشي
لأنك حتى لو رحت اتعس بلد واوصخ بلد بتحصل العفيفه الطاهره المسلمه ..

الزين في كل مكان والشين في كل مكان ..

في المنتدى معانا في ناس مب قطريين ويشاركونا .. ونعم فيهم وفي اصلهم مسلمين محافظين على دينهم ..
في مجتمعنا القطري في ناس مب قطريين ونعم فيهم محتشمين .. ومحد ينكر وجودهم
سواء كانت امه غير قطريه .. خليجيه او عربيه ..

ليش ننساهم ولا نذكرهم في هذا الجانب ,, الجميل ..


لك كل الشكر على طرح الموضوع الجميل ,, وأسأل الله ان يجعل جميع المسلمين في الجنه

[المهاجر]

افا يالمهاجر
لاتصير سلبي مثلهم
لاتطالع الجزء الفارغ من الكاس وخلك ف المليان
ماعليك من اللي يبون يحولونه سلبي
انت لك هدف كتبت فيه الموضوع واحنا معاك وبالعقل نتكلم ونشجع
المجتمع القطري فيه امنا واختنا وبنتنا
الي بيذكر السلبيات لا يستقصي هله من الحسبه
تراهم جزء من المجتمع مهما حاولو يلمعون في اهلهم ويعيبون عالناس مايعيب الا اخس الناس

ياليت تواصل وتوصل للهدف من الموضوع وتشجع عالايجابيه
نحتاج مثل هالمواضيع تزيد ثقتنا ف نفسنا
لا واله ياجنون ما ابي اكون سلبي

بس ما ابي بعد يكون موضوعي سلبي ويتحول للنقد والكلام في المرأه وكأن ما في حريم فيهم خير

الكل محشوم

والاغلبيه من حريمنا واكثرهم محشومات ومحترمات

ابشري ماراح اوقف وكل شي ايجابي راح انزله واكتب عنه

لاني على قناعه تامه ان من حق المرأه ان نقول عن ايجابياتها ونمدح الزينه ونفتخر فيها

[بومحمد المطاوعه]

مشكلة لما تنتقد شي الكل يشارك
و لما تمدح شي الكل يشكك

الله المستعان



مسموح طال عمرك ولك الحق ,,

وصدقت في هالكلمه ..

لأني قبلك انزل مواضيع
والبعض والعياذ بالله يهاجم ويحول محور الموضوع الى الهجوم للمرأه ..

من مدح او شكر او ثناء يصبح الموضوع

الدخول في النيات والشخصنه والتأليف

مانقول غير حسبي الله ونعم الوكيل

طنش ياخوي ولاتفتكر ..

اطرح الي تبيه والي مب عاجبه يضرب راس فالطوفه

[المهاجر]

بارك الله فيك اخوي بوعبدالله وانا كتبت ردي اتمنى تشوفه وتعلق عليه ..

ولانقول ان مافي قطريه لا ياخوي هالكلام مايمشي
لأنك حتى لو رحت اتعس بلد واوصخ بلد بتحصل العفيفه الطاهره المسلمه ..

الزين في كل مكان والشين في كل مكان ..

في المنتدى معانا في ناس مب قطريين ويشاركونا .. ونعم فيهم وفي اصلهم مسلمين محافظين على دينهم ..
في مجتمعنا القطري في ناس مب قطريين ونعم فيهم محتشمين .. ومحد ينكر وجودهم
سواء كانت امه غير قطريه .. خليجيه او عربيه ..

ليش ننساهم ولا نذكرهم في هذا الجانب ,, الجميل ..


لك كل الشكر على طرح الموضوع الجميل ,, وأسأل الله ان يجعل جميع المسلمين في الجنه

ويبارك في يابومحمد

كلامك صحيح ومعاك بخصوص الغير قطريات وفيهم الكثير من الخيرات واصحاب دين وعفيفات

انا هني ركزت على القطريه لأن النقد اللي قاعدين نشوفه كله موجه للقطريه

فعشان جي تكلمت عنها

وخواتنا الغير قطريات المحتشمات نفتخر فيهم بعد فكلنا مسلمين والمسلمه اياً كانت

فهي اختنا ونفتخر كونها محتشمه وخلوقه وعفيفه وشريفه

باذن الله يوم الاحد ان كان لنا عمر بارد على المشاركات ولا يهمك

لاني بالويكند ما ادخل المنتدى لانه من حق هلي وعيالي وراحة نفسي

تقديري لك يالغالي

[JN000N]

لا واله ياجنون ما ابي اكون سلبي

بس ما ابي بعد يكون موضوعي سلبي ويتحول للنقد والكلام في المرأه وكأن ما في حريم فيهم خير

الكل محشوم

والاغلبيه من حريمنا واكثرهم محشومات ومحترمات

ابشري ماراح اوقف وكل شي ايجابي راح انزله واكتب عنه

لاني على قناعه تامه ان من حق المرأه ان نقول عن ايجابياتها ونمدح الزينه ونفتخر فيها

معليه عمو
شي واقتنعت فيه من زمان
عمري ماخذ على كلام اللي ف المنتدى
نصهم اذا مب اكثر من نصهم فشله مع احترامي
ولاحظت من ردودهم وفسرت شخصياتهم وشفت تناقضاتهم
انا لو يرضى قطري افتح موضوع افصفص فيه كل عضو وانتقاداته بتقول وقتها بل شنو ذي هاي الي انا كل يوم اناقشهم واحاورهم!

مابي انكلم ف الاعضاء واكون سلبيه لان في من الاعضاء الطيبين الراقيين مثلك وشرواك
والباقي ماعليهم حرج
تقدر تقول المنتدى ملجأ لهم يحطون عقدهم فيه



اللي بينكر فضل المرأه ف المجتمع هذا انسان جاحد ومايبين الخير في عينه ابد

[بومحمد المطاوعه]

ويبارك في يابومحمد

كلامك صحيح ومعاك بخصوص الغير قطريات وفيهم الكثير من الخيرات واصحاب دين وعفيفات

انا هني ركزت على القطريه لأن النقد اللي قاعدين نشوفه كله موجه للقطريه

فعشان جي تكلمت عنها

وخواتنا الغير قطريات المحتشمات نفتخر فيهم بعد فكلنا مسلمين والمسلمه اياً كانت

فهي اختنا ونفتخر كونها محتشمه وخلوقه وعفيفه وشريفه

باذن الله يوم الاحد ان كان لنا عمر بارد على المشاركات ولا يهمك

لاني بالويكند ما ادخل المنتدى لانه من حق هلي وعيالي وراحة نفسي

تقديري لك يالغالي

الله يجزاك خير ويحفظك ويحفظ اهلك .. بارك الله فيك ورحم الله والديك

والله يجمعكم على خير وحب وطاعه لله ..

ربي يحفظك وخذ راحتك يكفيني هذا الرد ,., لأنك بعيد عن العنصريه ولله الحمد ..

هذا همي الوحيد
وذكرت ان المسلمين العفيفات كلهم لهم الاحترام ,, العفيفات المحتشمات ...
لأن يجب ان نذكر هذا الجانب ,, ولا ننساهم ,, لأن وجودهم هنا في المنتدى
والبعض امهاتهم غير قطريات ,, مثلي امي اماراتيه الله يحفظها ويحفظ امهاتكم اجمعين ..

والحمدلله عرفت مدى عقلك وفكرك وعرفت انك انسان تبي الخير لكل مسلم ومسلمه .. صادق في دينه ..

رحم الله والديك يالغالي والله يحفظك وين ماكنت ..

:)

[بومحمد المطاوعه]

نصهم اذا مب اكثر من نصهم فشله مع احترامي
ولاحظت من ردودهم وفسرت شخصياتهم وشفت تناقضاتهم
انا لو يرضى قطري افتح موضوع افصفص فيه كل عضو وانتقاداته بتقول وقتها بل شنو ذي هاي الي انا كل يوم اناقشهم واحاورهم!

مابي انكلم ف الاعضاء واكون سلبيه لان في من الاعضاء الطيبين الراقيين مثلك وشرواك
والباقي ماعليهم حرج
تقدر تقول المنتدى ملجأ لهم يحطون عقدهم فيه




نصيحه ..
اذكري الله تعالى .. واستري على ماواجهتيه من البشر ..
هؤلاء بشر والله تعالى يغفر للعبد مب احنا البشر ..

الانسان ليس معصوم من الخطأ .,
ليش متعبه عقلج وقلبج وراحتج ومعطتهم اهميه ..

ترى الراحه والصحه نعمه انتي قاعده تبهدلين صحتج ,. على حساب السفهاء ,,

اذا كانت توبته نصوحه الله تعالى يبدلها حسنات

فمن نحن علشان نحاسبهم على اعمالهم ,,.؟

وحاسبي تتكلمين على الناس ولاتصيرين مثل البعض الي يتكلم ويحش وينقل سوالف واعراض الناس .,

لأن كما تدين تدان ..

مثل مابتكتبين وبتشرحين بتحصلين شرح مفصل عليج ف اكسري الشر ولاتحطين نفسج في هذي الدوامه ..

ففي الحديث عن النبي صلى الله عليه وسلم قال: "من كانت له عند أخيه مظلمة من عرضه أو شيء فليتحلله اليوم قبل أن لا يكون دينار ولا درهم،
إن كان له عمل صالح أخذ منه بقدر مظلمته، وإن لم يكن له حسنات أخذ من سيئات صاحبه فحمل عليه"
متفق عليه من حديث أبي هريرة

عَنِ النَّبِيِّ صَلَّى اللَّهُ عَلَيْهِ وَسَلَّمَ ، قَالَ : " الذَّنْبُ لا يُنْسَى ، وَالْبِرُّ لا يَبْلَى ، وَالدَّيَّانُ لا يَمُوتُ ، فَكُنْ كَمَا شِئْتَ ، فَكَمَا تَدِينُ تُدَانُ

[JN000N]

نصيحه ..
اذكري الله تعالى .. واستري على ماواجهتيه من البشر ..
هؤلاء بشر والله تعالى يغفر للعبد مب احنا البشر ..

الانسان ليس معصوم من الخطأ .,
ليش متعبه عقلج وقلبج وراحتج ومعطتهم اهميه ..

ترى الراحه والصحه نعمه انتي قاعده تبهدلين صحتج ,. على حساب السفهاء ,,

اذا كانت توبته نصوحه الله تعالى يبدلها حسنات

فمن نحن علشان نحاسبهم على اعمالهم ,,.؟

وحاسبي تتكلمين على الناس ولاتصيرين مثل البعض الي يتكلم ويحش وينقل سوالف واعراض الناس .,

لأن كما تدين تدان ..

مثل مابتكتبين وبتشرحين بتحصلين شرح مفصل عليج ف اكسري الشر ولاتحطين نفسج في هذي الدوامه ..

ففي الحديث عن النبي صلى الله عليه وسلم قال: "من كانت له عند أخيه مظلمة من عرضه أو شيء فليتحلله اليوم قبل أن لا يكون دينار ولا درهم،
إن كان له عمل صالح أخذ منه بقدر مظلمته، وإن لم يكن له حسنات أخذ من سيئات صاحبه فحمل عليه"
متفق عليه من حديث أبي هريرة

عَنِ النَّبِيِّ صَلَّى اللَّهُ عَلَيْهِ وَسَلَّمَ ، قَالَ : " الذَّنْبُ لا يُنْسَى ، وَالْبِرُّ لا يَبْلَى ، وَالدَّيَّانُ لا يَمُوتُ ، فَكُنْ كَمَا شِئْتَ ، فَكَمَا تَدِينُ تُدَانُ

http://instagram.com/p/x_5av7QzOH/

[بومحمد المطاوعه]

http://instagram.com/p/x_5av7QzOH/

قال الله تعالى : { يا قوم لقد أبلغتكم رسالة ربي ونصحت لكم ولكن لا تحبون الناصحين } ( الأعراف : 79 ) .

مجرد نصيحه كيفج
تبين تتكلمين تكلمي ع الناس عقب لين تكلمو عليج لاتزعلين ..

كما تدين تدان :)

حاسبي ومحد ملاك فالأرض ,,
الكل فيه عيوب ..

وخميسج غبار :nice:

[JN000N]

قال الله تعالى : { يا قوم لقد أبلغتكم رسالة ربي ونصحت لكم ولكن لا تحبون الناصحين } ( الأعراف : 79 ) .

مجرد نصيحه كيفج
تبين تتكلمين تكلمي ع الناس عقب لين تكلمو عليج لاتزعلين ..

كما تدين تدان :)

حاسبي ومحد ملاك فالأرض ,,
الكل فيه عيوب ..

وخميسج غبار :nice:

http://instagram.com/p/x_5av7QzOH/

[بومحمد المطاوعه]

http://instagram.com/p/x_5av7QzOH/

الله يهديج بس ماشوف هالاشكال

تخربين الويكند علينا :nice:

الاثنين الله يستر عليهم بس ,, ويهديهم

ويهدينا ويهديج

[نوار قطر]

هذي مشكلتنا يا بوعبدالله ان الكل ينتقد المرأه القطريه .. مهما كانت فيها من عذاريب ..مهما كانت فيها سللبيات .. الا مابتلقى فيها شي حلو ينذكر.. وهالينتقدون المره القطريه الظاهر نسو انها امهم واختهم وونسوانهم ووبناتهم.. ليش هالانتقاد كله.. معقوله مالقيتو فيهم شي حلو تذكرونها بالخير؟؟ معقوله امك يافلان ولا اختك يافلان كلها عذاريب ... لا تقولون حريمنا غير ونسوانا غير .. ترى كل من دخل وعذرب فيهم واذا تبون الصج ترى محد احسن من احد مثل ماانتو ماترضون على اهاليكم غيركم مايرضى على اهله

[بومحمد المطاوعه]

هذي مشكلتنا يا بوعبدالله ان الكل ينتقد المرأه القطريه .. مهما كانت فيها من عذاريب ..مهما كانت فيها سللبيات .. الا مابتلقى فيها شي حلو ينذكر.. وهالينتقدون المره القطريه الظاهر نسو انها امهم واختهم وونسوانهم ووبناتهم.. ليش هالانتقاد كله.. معقوله مالقيتو فيهم شي حلو تذكرونها بالخير؟؟ معقوله امك يافلان ولا اختك يافلان كلها عذاريب ... لا تقولون حريمنا غير ونسوانا غير .. ترى كل من دخل وعذرب فيهم واذا تبون الصج ترى محد احسن من احد مثل ماانتو ماترضون على اهاليكم غيركم مايرضى على اهله

صدقتي والله
ومستحيل اصلن تشوفين واحد يقولج والله امي جذي فيها ولا اختي جذي فيها

يشوفهم ملاك ,., وينتقد كل الناس
ويعم بعد والعياذ بالله ..

هذي القهر الي يعمم وينسى ان هالمجتمع
توجد امه واخته وخالته وعمته

للأسف مادري شنو يحسون فيه ,,

يعني لو شفنا سلبيات فالشارع هذيله عيال من ..
بنات من ,,.

الله يهديهم ويستر عليهم يارب

[نوار قطر]

صدقتي والله
ومستحيل اصلن تشوفين واحد يقولج والله امي جذي فيها ولا اختي جذي فيها

يشوفهم ملاك ,., وينتقد كل الناس
ويعم بعد والعياذ بالله ..

هذي القهر الي يعمم وينسى ان هالمجتمع
توجد امه واخته وخالته وعمته

للأسف مادري شنو يحسون فيه ,,

يعني لو شفنا سلبيات فالشارع هذيله عيال من ..
بنات من ,,.

الله يهديهم ويستر عليهم يارب

مــــثــــــالــــيــــــة ونــــــفــــــاق ترى محد مثالي في هالزمن :victory:

[بومحمد المطاوعه]

مــــثــــــالــــيــــــة ونــــــفــــــاق ترى محد مثالي في هالزمن :victory:

الله يهديهم ,,

النفاق اهو الي ذابح الكثيرر ’’

[نوار قطر]

الله يهديهم ,,

النفاق اهو الي ذابح الكثيرر ’’

االلهم امين الله يهدي الجميع ويستر على بناتنا وعلى من يحب الستر

[بومحمد المطاوعه]

االلهم امين الله يهدي الجميع ويستر على بناتنا وعلى من يحب الستر

اللهم امين ,, يارب

جزاكي الله خيرر ,,

[بصمة قطرية]

هذي مشكلتنا يا بوعبدالله ان الكل ينتقد المرأه القطريه .. مهما كانت فيها من عذاريب ..مهما كانت فيها سللبيات .. الا مابتلقى فيها شي حلو ينذكر.. وهالينتقدون المره القطريه الظاهر نسو انها امهم واختهم وونسوانهم ووبناتهم.. ليش هالانتقاد كله.. معقوله مالقيتو فيهم شي حلو تذكرونها بالخير؟؟ معقوله امك يافلان ولا اختك يافلان كلها عذاريب ... لا تقولون حريمنا غير ونسوانا غير .. ترى كل من دخل وعذرب فيهم واذا تبون الصج ترى محد احسن من احد مثل ماانتو ماترضون على اهاليكم غيركم مايرضى على اهله


صح لسانج ..
هاي اللي نقوله بس للأسف مب راضيين يفهمون ..
لما أنتقد الرجل
يعني أنا عايشة في بيئة الرجل هو اللي وصلني
لهالشي لإنتقاده ..
نفس الشي بالنسبة للمرأة ..

[sweet qatar]

مرة وأنا مع السايق

اندعمنا و وقفنا في وسط الززززحمة وهرانة من كل صوب

أنا علي طول اتصلت في أخواني .. عقب تقريباً ربع ساعة
وحدة طقت علي الدريشة وافتحت الباب .. قالت لي تعالي معاي

شافتني من الحارة الثانية و رجعت وسط الزحمة لأنها شافتني بروحي


قالت لي وين ما تبين بوديج .. بوصلج لين بيتكم

الله يرحم من رباها ويبارك لها في عمرها ومالها ويسعد قلبها علي موقفها الي ما أنساه طول عمري :o

[نور الحور]

مرة وأنا مع السايق

اندعمنا و وقفنا في وسط الززززحمة وهرانة من كل صوب

أنا علي طول اتصلت في أخواني .. عقب تقريباً ربع ساعة
وحدة طقت علي الدريشة وافتحت الباب .. قالت لي تعالي معاي

شافتني من الحارة الثانية و رجعت وسط الزحمة لأنها شافتني بروحي


قالت لي وين ما تبين بوديج .. بوصلج لين بيتكم

الله يرحم من رباها ويبارك لها في عمرها ومالها ويسعد قلبها علي موقفها الي ما أنساه طول عمري :o


امييين يارب .. صراحة موقفها مشرف .. الله يكثر من امثالها

بس اللحين بيخلون كللللل ذي وبيركزون على الكلمات اللي علمتها

في ردج بالاحمر ..

الله يعينج سويت :(

[راجي الْعفو]

صباح الخير بو عبدالله ..

كلام جميل و رائع في حق المرأة القطرية الأصيلة ، المحتشمة ، المحافظة على دينها ، و عفتها ، و عاداتها و تقاليدها ..

مع معايشتنا للتغير الكبير الذي حل بالمرأة عندنا ، و وقوع العتب على المرأة في الدرجة الأولى كونها مسلمة
وكذا الاولياء من الرجال كونهم مسؤولون عن كل رعيّة ، وآثار ذلك حفيظة اصحاب الفطر السويّة ..

الا اننا يجب علينا ان نرفع قدر من وصفتهن ونكثر من ذكرهن و الثناء عليهن ..

علّ أن تنتبه الغافلة ..
و تتذكر الناسية ..
وتتوب المقصّرة ..


ما أجملكِ يا بنت البلاد و أنتِ :

كاللؤلؤ المُضيئ
في صدفِ الحِشمةِ
مكنونة !


الله يجمل نسائنا بالستر ..

بوركت ..

[حسن]

صباح الخير يالمهاجر

توني اشوف الموضوع


شكرا على القصه الجميله

فعلا يستحقون امهاتنا الاولين وهذا مايوفي حقهم بعد


:)

[الأصيلة]

المرأة القطرية غير بشهادة من حولنا
في كل مكان تجدها محتشمة خجولة تصرفاتها تعبر عن أخلاقها الطيبة
كريمة لأبعد الحدود حنونه ورحيمة
هذه الأوصاف تنطبق على الأغلبية
وإن كان القليل لايتمتع بهذه الصفات ولكن هي كذلك...
من غير تقليل في النساء الأخريات ...
حيث تتمتع الكثيرات من النساء بالحشمة والوقار ولا نزكي أحدا على الله...
لكن تبقى القطرية مميزة برقيّها وذوقها وأخلاقها الرفيعة...

موضوع رائع

[نوار قطر]

صح لسانج ..
هاي اللي نقوله بس للأسف مب راضيين يفهمون ..
لما أنتقد الرجل
يعني أنا عايشة في بيئة الرجل هو اللي وصلني
لهالشي لإنتقاده ..
نفس الشي بالنسبة للمرأة ..

اي والله يابصمه مره اهني فالمنتدى واحد عنده عقده اسمها المره قلت له الريال عموما شعليه من الحريم الي حواليه ،، اذا مرته قايمه فيه وفي بيته ومسويه كل واجباتها ،، شعليه من مرت فلان وعلان اذا كانو سنعين ولأ لا ياخي حريقه تحرقهم ،،، الزم ما علي بيتي ،،، بقول لج الحين مثلا انا ،، ريلي يحبني وقايم فيني وفي بيته ومسويني يادهينه لا تنكتين ،، شعلي من فلانه اذا كان ريلها هاملها ومايدري لا عن بيت ولا يدري عن مره ،، معقوله بقعد في ميلس حريم ولا اهني فالمنتدى وبعذرب فالرياييل وبقول هذي فعلتهم وهذي تركتهم ولا واحد فيهم ريال ومن هالكلام ،،، انا شيخصني اشوف حياة فلانه وعلانه الا اذا كنت ذايقه المر منه وشايفه الويل ومب مرتاحه في حياتي ،، هالشي يعكس طبيعتهم ويعكس حياتهم وواقعهم :victory:

[Charisma]

اي والله يابصمه مره اهني فالمنتدى واحد عنده عقده اسمها المره قلت له الريال عموما شعليه من الحريم الي حواليه ،، اذا مرته قايمه فيه وفي بيته ومسويه كل واجباتها ،، شعليه من مرت فلان وعلان اذا كانو سنعين ولأ لا ياخي حريقه تحرقهم ،،، الزم ما علي بيتي ،،، بقول لج الحين مثلا انا ،، ريلي يحبني وقايم فيني وفي بيته ومسويني يادهينه لا تنكتين ،، شعلي من فلانه اذا كان ريلها هاملها ومايدري لا عن بيت ولا يدري عن مره ،، معقوله بقعد في ميلس حريم ولا اهني فالمنتدى وبعذرب فالرياييل وبقول هذي فعلتهم وهذي تركتهم ولا واحد فيهم ريال ومن هالكلام ،،، انا شيخصني اشوف حياة فلانه وعلانه الا اذا كنت ذايقه المر منه وشايفه الويل ومب مرتاحه في حياتي ،، هالشي يعكس طبيعتهم ويعكس حياتهم وواقعهم :victory:


مرحبا اختي ..

ماتوفقتي في ردج .. " وجهة نظر " .

[بصمة قطرية]

اي والله يابصمه مره اهني فالمنتدى واحد عنده عقده اسمها المره قلت له الريال عموما شعليه من الحريم الي حواليه ،، اذا مرته قايمه فيه وفي بيته ومسويه كل واجباتها ،، شعليه من مرت فلان وعلان اذا كانو سنعين ولأ لا ياخي حريقه تحرقهم ،،، الزم ما علي بيتي ،،، بقول لج الحين مثلا انا ،، ريلي يحبني وقايم فيني وفي بيته ومسويني يادهينه لا تنكتين ،، شعلي من فلانه اذا كان ريلها هاملها ومايدري لا عن بيت ولا يدري عن مره ،، معقوله بقعد في ميلس حريم ولا اهني فالمنتدى وبعذرب فالرياييل وبقول هذي فعلتهم وهذي تركتهم ولا واحد فيهم ريال ومن هالكلام ،،، انا شيخصني اشوف حياة فلانه وعلانه الا اذا كنت ذايقه المر منه وشايفه الويل ومب مرتاحه في حياتي ،، هالشي يعكس طبيعتهم ويعكس حياتهم وواقعهم :victory:

صدقتي ..
الله المستعان ..

في حريم شايفين الويل من رياييلهم
النتيجة
تمدحه و عمرها ما ذمت فيه و لا انتقدت الرجل بصفة عامه ..

[نوار قطر]

مرحبا اختي ..

ماتوفقتي في ردج .. " وجهة نظر " .
يمكن و كلن وله رايي وعموما انا عايشه في بيئه عمري ماسمعت ابوي او حدى اخواني ينقدون على المره مثل مااشوف الي موجودين اهني ،،، عمري ماسمعت اخوي يقول انا استحي امشي مع خواتي ،،، عمري ماسمعت ابوي يقول الحريم مايقومون في بيتهم ورياييلهم ،،،

[Charisma]

يمكن و كلن وله رايي وعموما انا عايشه في بيئه عمري ماسمعت ابوي او حدى اخواني ينقدون على المره مثل مااشوف الي موجودين اهني ،،، عمري ماسمعت اخوي يقول انا استحي امشي مع خواتي ،،، عمري ماسمعت ابوي يقول الحريم مايقومون في بيتهم ورياييلهم ،،،

اخت نوار ..


حنا في منتدى عام .. ماعمري شفت موضوع يشير وبشكل مباشر "وشخصي " الى تصرف فلان وعلان .. اغلب المواضيع تطرح ( ظواهر ) .. و ( مشاكل ) .. اجتماعيه .. صحيح ان بعض المواضيع الطرح فيها يكون باسلوب ( مستفز ) .. لكن المشاركه والنقاش في مثل هالمواضيع نهائيا ماله علاقه بواقع العضو مثل ماذكرتي !! .. والحوار فيها مب بالضروره يكون باسلوب ( فرض رأي ) .. بالأخير (كلن) وحر برايه .. هو مجرد نقاش واطلاع على وجهات النظر .. وتسليط الضوء على بعض الظواهر الاجتماعيه الغير مستحبه والمرفوضه .. ومن خلال النقاش والاراء بتعرفين وجهة نظر ( المجتمع ) برأي الأغلبيه .


يسمح لي اخوي المهاجر اذا انحرفت شوي عن مسار الموضوع .

[حسن]

الى الرينج مالك مضبوط يابايلوت

:)

[نوار قطر]

اخت نوار ..


حنا في منتدى عام .. ماعمري شفت موضوع يشير وبشكل مباشر "وشخصي " الى تصرف فلان وعلان .. اغلب المواضيع تطرح ( ظواهر ) .. و ( مشاكل ) .. اجتماعيه .. صحيح ان بعض المواضيع الطرح فيها يكون باسلوب ( مستفز ) .. لكن المشاركه والنقاش في مثل هالمواضيع نهائيا ماله علاقه بواقع العضو مثل ماذكرتي !! .. والحوار فيها مب بالضروره يكون باسلوب ( فرض رأي ) .. بالأخير (كلن) وحر برايه .. هو مجرد نقاش واطلاع على وجهات النظر .. وتسليط الضوء على بعض الظواهر الاجتماعيه الغير مستحبه والمرفوضه .. ومن خلال النقاش والاراء بتعرفين وجهة نظر ( المجتمع ) برأي الأغلبيه .


يسمح لي اخوي المهاجر اذا انحرفت شوي عن مسار الموضوع .

كلامك صح مليون في الميه بس سؤال يا بايلوت ،، على كثر مواضيع المنتدى تقدر تقول لي كم شخص او كم ريال فيهم مدح وقال كلمة حق في المره ،، الا من رحم ربي ،،ى ماغير كل عيوب الدنيا فيها ،، معقوله هالاشخاص مايشوفون شي حلو في المره يخي كفايه انها حملت وربت ،،، كل من كتب وقال المره مافيها خير ،، بناتنا متبرجات ومب متربيات ،، بناتنا فيهم وتركتهم ،، يخي لكل قاعده شواذ ليش تعممون ،، كلمة حق قولوها مثل ماقلتو ان البنات والحريم فيهم بلاوي ،، قولو ان هالبلاوي مب على كل بنات وحريم قطر ،وانها فئه شاذه،، شباب المنتدى بدال مايرفعون قدرها قدام الاولي والتالي وخاصة ان فيه وايد اعضاء من الخليجيين والعرب ،، نزلو قدرها واعتقد هالشي محد يرضاه لا الله ولا خلقه ،،

[Charisma]

كلامك صح مليون في الميه بس سؤال يا بايلوت ،، على كثر مواضيع المنتدى تقدر تقول لي كم شخص او كم ريال فيهم مدح وقال كلمة حق في المره ،، الا من رحم ربي ،،ى ماغير كل عيوب الدنيا فيها ،، معقوله هالاشخاص مايشوفون شي حلو في المره يخي كفايه انها حملت وربت ،،، كل من كتب وقال المره مافيها خير ،، بناتنا متبرجات ومب متربيات ،، بناتنا فيهم وتركتهم ،، يخي لكل قاعده شواذ ليش تعممون ،، كلمة حق قولوها مثل ماقلتو ان البنات والحريم فيهم بلاوي ،، قولو ان هالبلاوي مب على كل بنات وحريم قطر ،وانها فئه شاذه،، شباب المنتدى بدال مايرفعون قدرها قدام الاولي والتالي وخاصة ان فيه وايد اعضاء من الخليجيين والعرب ،، نزلو قدرها واعتقد هالشي محد يرضاه لا الله ولا خلقه ،،


اسمحي لي اختي وطولي بالج معاي .. ( واكرر اعتذاري لاخوي المهاجر )

مستحيل تلقين رجال يتعمد " اهانة " بنت بلاده .. طيب الخلل وين ؟ الخلل اما بطريقة تعبيره وكتابته للرد .. او في استيعاب المتلقي لوجهة النظر .. في دوافع كثيره ورى المشاركات اللي تخص مواضيع المرأه .. ونظرتي لاغلب المشاركات انها ( حرص ) حتى ولو اختلفت طرق التعبير .. والقليل جدا من باب ( الغشمره والاستفزاز ) ..

موضوع تقديرنا للمرأه هذا امر مفروغ منه .. وطرح اخوي المهاجر لانزيد عليه كلمه .. لبناتنا واخواتنا وامهاتنا كل التقدير والأحترام .. ولكن في قسم حواري ونقاشي .. طبيعي تطغى المواضيع اللي تتكلم عن اي امر دخيل او ظاهره سلبية على مجتمعنا .. اما مواضيع المدح والثناء لا اعتقد ان مكانها الحوار العام .. لانها بصيغة ( رساله ) او ( حقيقه وامر مفروغ منه ) .. فمثل هالمواضيع لايكون فيها نقاش لان الكل متفق عليها .. حتى لو تحورت وانقلب مسار النقاش لمواضيع اخرى .. ستظل حقيقه ..

اذا انطرح موضوع مثلا عن : التبرج .. وجات الردود باستنكار ورفض .. هل معناته ان الموضوع يعني جميع الحريم ؟ طبعا لا !! .. تعني فئه بسيطه .. طيب شالحكمه وليش ينفتح هالموضوع وليش تتدخلون وليش تعلقون وليش وليش .. السبب بسييييييييييط جدا ..

حتى لاتستبسط مثل هالمواضيع وتصبح ( عاديه ) " في نظر المجتمع" .. فلو انقرا الموضوع من فئه من البنات .. وشافوا الردود والاستنكار وتوضيح مساوء هالافعال .. ( قد ) تتغير وجهة نظرهم .. ( قد ) لايتأثرون بـ ( هالفئه ) .." وانا لا قصد الاعضاء فقط .. ولكن القراء ايضا " لان المنتدى تتطلع عليه شريحه كبيره من المجتمع بكل اطيافه واعماره .



الى الرينج مالك مضبوط يابايلوت

:)

:telephone:

[M99]

تعال جامعتنا وبتغير رايك :secret:

[حسن]

تعال جامعتنا وبتغير رايك :secret:

اوبييييه

أي جامعه

:telephone:

[sweet qatar]

^



صفحتين بعاد كل البعد عن طرح الأخ المهاجر



المهاجر

انا آسفة.. غلطت يوم قلت لك لاتسكر الموضوع

كنت ناوية اكتب سلسلة مواقف صارت معاي أو جدامي

واليوم دخلت اكتب عن موقف سيدة فاضلة مع زوجها الي تزوج عليها قبل فترة بسيطة من وفاته.. الله يرحمه

هالانسانة صدمتني بحكمتها .. الله ياجرها و يعوضها خير



نظرتي كانت قاصرة ونظرتك كانت أبعد ..

علي العموم .. لك أجر النية والسعي ان شالله

أما النتيجة لأصحابها


ونقول لا يأس مع الحياة :o

[المهاجر]

اشكر جميع من شارك بالموضوع

واتمنى نشوف مواضيع ايجابيه بالمستقبل

يعطيكم العافيه

[نوار قطر]

اسمحي لي اختي وطولي بالج معاي .. ( واكرر اعتذاري لاخوي المهاجر )

مستحيل تلقين رجال يتعمد " اهانة " بنت بلاده .. طيب الخلل وين ؟ الخلل اما بطريقة تعبيره وكتابته للرد .. او في استيعاب المتلقي لوجهة النظر .. في دوافع كثيره ورى المشاركات اللي تخص مواضيع المرأه .. ونظرتي لاغلب المشاركات انها ( حرص ) حتى ولو اختلفت طرق التعبير .. والقليل جدا من باب ( الغشمره والاستفزاز ) ..

موضوع تقديرنا للمرأه هذا امر مفروغ منه .. وطرح اخوي المهاجر لانزيد عليه كلمه .. لبناتنا واخواتنا وامهاتنا كل التقدير والأحترام .. ولكن في قسم حواري ونقاشي .. طبيعي تطغى المواضيع اللي تتكلم عن اي امر دخيل او ظاهره سلبية على مجتمعنا .. اما مواضيع المدح والثناء لا اعتقد ان مكانها الحوار العام .. لانها بصيغة ( رساله ) او ( حقيقه وامر مفروغ منه ) .. فمثل هالمواضيع لايكون فيها نقاش لان الكل متفق عليها .. حتى لو تحورت وانقلب مسار النقاش لمواضيع اخرى .. ستظل حقيقه ..

اذا انطرح موضوع مثلا عن : التبرج .. وجات الردود باستنكار ورفض .. هل معناته ان الموضوع يعني جميع الحريم ؟ طبعا لا !! .. تعني فئه بسيطه .. طيب شالحكمه وليش ينفتح هالموضوع وليش تتدخلون وليش تعلقون وليش وليش .. السبب بسييييييييييط جدا ..

حتى لاتستبسط مثل هالمواضيع وتصبح ( عاديه ) " في نظر المجتمع" .. فلو انقرا الموضوع من فئه من البنات .. وشافوا الردود والاستنكار وتوضيح مساوء هالافعال .. ( قد ) تتغير وجهة نظرهم .. ( قد ) لايتأثرون بـ ( هالفئه ) .." وانا لا قصد الاعضاء فقط .. ولكن القراء ايضا " لان المنتدى تتطلع عليه شريحه كبيره من المجتمع بكل اطيافه واعماره .





:telephone:

صباح الخير
كان ودي اني اتكلم فالموضوع اكثر بس مثل ما انت قلت طلعنا برع موضوع بو عبدالله .. واتمنى منك انت تكون فهمت وجهة نظري ومشكور اخوي على طولة بالك معاي ..