أين تلفزيون قطر من الحدث؟

[مدرسة]

مثل ما يقول العنوان

وين تلفزيون قطر ؟ لا دعاء لا ارشادات لا تصوير مناطق او اي نوع من التغطية لحدث يغطي البلد كلها ؟؟؟؟؟؟

تاركينا للبرودكاست حد يقول شغلوا المكيف وًحد يقول بندوه

و سلامتكم

[الجـــوديّ]

نايم من بدري

[بوحارب]

أنتوا من صجكم للحين تشوفون التلفزيون

وتلفزيون قطر بعد :funny:

كم أنتم ما عندكم سالفه يا ساده :)

[ابوعلي]

http://imagizer.imageshack.com/img905/3884/Wss1sy.jpg

من قناة الريان

[R 7 A L]

الان في هذا الوقت مسلسل بدوي !!

[Aaziz]

اين مطراش !!

[ابوعلي]

http://imagizer.imageshack.com/img912/9402/She5wn.jpg

[Mohammed2]

اوك تلفزيون قطر حطو تحذيرات عن الغبار
وكل شوي يحطون

تبونهم يطلعون برى ويصورون يعني؟!!!!

الله يعافي الجميع

[عذايب قطر]

حطوا اعلان ع تلفزيون قطر

[R 7 A L]

ياليت يستمر بثت الشريط حتى الصباح

[بوحارب]

اوك تلفزيون قطر حطو تحذيرات عن الغبار
وكل شوي يحطون

تبونهم يطلعون برى ويصورون يعني؟!!!!

الله يعافي الجميع
شكلك مذيع في التلفزيون
:(

اسفين زين خلاص لاتعصب <_<

[بـارود]

أكيد ناقلين التغطية والخبر على قناة قطر الثانية

[sweet qatar]

أكيد ناقلين التغطية والخبر على قناة قطر الثانية

ههههههههههههه




اي والله تلفزيون قطر خارج التغطية

لي متي !!

[Charisma]

الضرب في الميت حرام

[عثرة جواد]

مطراش مطرش انه دوااماات

خايفين علينا من النووم

[رجل الجزيرة]

المفروض يعلنون تعطيل المدارس ولو قبل الساعة 7 صباح اليوم ولو على الشريط الإخباري.

[كازانوفا]

اعلنو والا ما اعلنو ما طلعت عيالي للمدرسه

[JN000N]

شي يديد يعني

[حسن]

الصراحه

انا مستغرب وين المسجات على الاقل
التفلزيون يمكن محد يشوفه وانا كنت في البحر بس التلفون مع الشخص في كل مكان
بعني شفت العذاب واناا راجع

وسمعت هناك مفقودين بالبحر

عاصفه رمليه يوم كامل وجايه من السعوديه الى توصلنا يبيلها ساعات
ماندري عنها

انتو في البيوت ماتدرون عن اللي كان بعيد وفي البحر

الحمدلله اني نجيت

[مختلف جداََ]

صدقت والله . انا كنت في الغرفة إلا الوالدة تدق علي تقولي وينك . قلت لها في البيت . قالت شفت الجو . قلت لها من نص ساعة كنت برع ما كان في شي . قالت لي قم اطلع وشوف. بصراحة انصدمت . دقيت سلف السيارة قلت بتمشى في الفريج والله اني عودت على طوووول. ما تشوف قدامك . عيل اللي في البحر شبيسوون!!!!!
الحمد لله على سلامتك .

[الدوحه1]

الاعلام المحلي من صحافه واذاعه وتلفزيون لازال "متخلف" مقارنة مع الاعلام الاوروبي والامريكي!!!
برامج مستهلكه ومكرره وممله + تتطبيل ونفاق؟؟

مئات الملايين تنصرف على قنوات فاشله!!

لحد الان ماشفت اي برامج تناقش القضايا والمشاكل اللي تهم الموطنين بكل صراحه وشفافيه؟؟

انا اقترح على المسئولين الغاء جميع القنوات الحكوميه من اذاعه وتلفزيون وفتح المجال للقنوات الخاصه.