ماي حار ونعناع ,,, بخصوص الجو المغبر

[بومحمد المطاوعه]

السلام عليكم ورحمة الله وبركاتة ..

جربو هذي الخلطه من امس وانا استخدمها والحمدلله ,,
من بعد الغبار ,, جربت هالحركه والحمدلله تتنفس وانت مرتاح ,,

ماي حار ف طاسه مع نعناع ..

حط فوق راسك فوطى ولا غتره ولا اي شي
واستنشق البخار من الطاسه .,



http://www3.0zz0.com/2015/04/02/12/719481576.jpg (http://www.0zz0.com)

[بوحارب]

اخاف يكون سحر :(


تسلم بومحمد عالطرح


جربوا نعناع مع الكرك عجيب ريحته:)

[.قطر.]

وعليكم السلام ورحمه الله وبركاته

جزاك الله خير
فكيت ازمه :nice:

[بومحمد المطاوعه]

اخاف يكون سحر :(


تسلم بومحمد عالطرح


جربوا نعناع مع الكرك عجيب ريحته:)

ههههههههههههههه

الله يسلمك ..
لا والله ,, هذي عجيب تفتح المناسم فالخشم ,،,

[بومحمد المطاوعه]

وعليكم السلام ورحمه الله وبركاته

جزاك الله خير
فكيت ازمه :nice:

ويجزاك يارب ,,

بارك الله فيك ان شاءالله بس تضبط معاكم
نفس ماضبطت معاي الحمدلله

[المحاميه]

اخاف يكون سحر :(


تسلم بومحمد عالطرح


جربوا نعناع مع الكرك عجيب ريحته:)


لايقص عليكم ويخرب اخلاقكم

تسلم يابو محمد

بعد ممكن نحط فكس وزعتر صح ولا قمت االف

[بومحمد المطاوعه]

لايقص عليكم ويخرب اخلاقكم

تسلم يابو محمد

بعد ممكن نحط فكس وزعتر صح ولا قمت االف

خخخخخخخخخخ

الله يسلمج ,, والله فكس وزعتر ماجربت ,, مابي افتي

الفكس لو مزكمه تمام ,,
بس مع الغبار مادري والله

[معماري قطري]

انا صار لي كم يوم استخدم ماي مع ورق زيتون مع زنجبيل مبشور ومطبوخ معاه .. زنجبيل طازج .. وهذي الخلطة زينة لسيولة الدم والسكر .. كان عندي انتفاخ في تكرمون القدم وراح .. كذلك للي يعانون من الامساك والقولون.

اليوم حولت على البقدونس والنعناع وتوني مخلص دلة كاملة من بعد الغدا.

[معماري قطري]

البقدونس يقولون ينظف الكلى بس يتصخن في الماي وينشرب مثل الشاي

[نور الحور]

جزاك الله خير بو محمد .. وصفة سهلة وبنجربها ان شاء الله ..

بالنسبة لي عندي طريقتين ..

اما اشغل الاستيم ايرون (اوتي البخار )في الغرفة

وهالشي يخلي الغبار يطيح مع ذرات الماي في البخار ..

وفي نفس الوقت يوسع الشعب الهوائية ويريح الرئة

الطريقة الثانية .. جهاز تعقيم الهوا .. لكن اللي يشتغل ببخار الماء

لكن على البارد .. وفكرته نفس الشي بعد ..

والطريقتين يعززون رطوبة الجو ويقللون من احتمالية التحسس من الغبار

[حسن]

جزاك لله خير باومحمد على المحو

انا عندي طريقه احسن اقعد في البيت ولا تطلع

والبس كمام بوفلاتر مال الصباغين نمره واحد

:victory:

[بومحمد المطاوعه]

جزاك لله خير باومحمد على المحو

انا عندي طريقه احسن اقعد في البيت ولا تطلع

والبس كمام بوفلاتر مال الصباغين نمره واحد

:victory:

ويجزاك يارب ,,
ههههههه فالبيت بعد غبار ..

اما كمام بوفلاتر
هع هع

[بومحمد المطاوعه]

انا صار لي كم يوم استخدم ماي مع ورق زيتون مع زنجبيل مبشور ومطبوخ معاه .. زنجبيل طازج .. وهذي الخلطة زينة لسيولة الدم والسكر .. كان عندي انتفاخ في تكرمون القدم وراح .. كذلك للي يعانون من الامساك والقولون.

اليوم حولت على البقدونس والنعناع وتوني مخلص دلة كاملة من بعد الغدا.

بالعافيه يالغالي ..

والله يحفظكم

[بومحمد المطاوعه]

جزاك الله خير بو محمد .. وصفة سهلة وبنجربها ان شاء الله ..

بالنسبة لي عندي طريقتين ..

اما اشغل الاستيم ايرون (اوتي البخار )في الغرفة

وهالشي يخلي الغبار يطيح مع ذرات الماي في البخار ..

وفي نفس الوقت يوسع الشعب الهوائية ويريح الرئة

الطريقة الثانية .. جهاز تعقيم الهوا .. لكن اللي يشتغل ببخار الماء

لكن على البارد .. وفكرته نفس الشي بعد ..

والطريقتين يعززون رطوبة الجو ويقللون من احتمالية التحسس من الغبار

ويجزاكي كل خير اختي
بارك الله فيج ..

طريقه الجهاز حلوه بعد

تحياتي لج

[حمد بن سعد]

البعض يحط فكس بدل النعناع

[بومحمد المطاوعه]

البعض يحط فكس بدل النعناع

صحيح ,,,