عمل حديقة للمنزل

[عيد بن شاكر]

السلام عليكم

بغيت اخواني ترشحون لي شركة جيده لعمل حديقة (عشب) لمساحة 190 متر مربع

اعرف ان الشركات كثيره بس الميزانية المخصصة لهالمشروع صغيره

طبعا الأعمال تشمل التربة الزراعية (الحفرة موجوده) و شبكة الري و رولات الحشيش

انصحوني بارك الله فيكم

[معماري قطري]

شوف عمال ووجههم .. البنغاليين زينين ولو تحصل بعد اندونيسيين زينين تخصص كثير منهم الزراعة

حطيت مقاطع مره من اليوتيوب وتقدر تسوي بحث وتشوف الطرق شلون .. اكتب البحث بالانجليزي أَفضل


https://www.youtube.com/results?search_query=planting+turf

و هذي لستة لمقاطع لازم بتفيدك

و190 مساحة زينة لو تسوي فيها جلسة وسطية دائرية بحيث تكون محفورة شوي بعمق حول متر الجالس فيها يكون راسه فوق مستوى الأَرض بشوي يشوف العشب .. وبتظليل حسب ما تحب بتكون حلوة ووسطها مكان للضو .. ولا تنسى تحط أَشجار في الأَطراف نوع عندك اللوز والتين والتوت والليمون والسدر والرمان .. الجزء اللي للأَشجار خله بخليط تربة وسماد وخله عميق شوي والطبقة السفلية طين خالص حتى يمسك الماي ما يتسرب للأَرض .. للعشب تحتاج عمق بسيط وتربة مخلوطة ما تكون قاسية وصلبة.