للبنات فقط

[Chanel]

ابي نصايحكم في دبي
شنهي الاشياء المميزه للي ممكن اخذها من دبي وين تنصحوني افصل جلابيات
محلات مواعيين حلوه وماركة مكياج موب فاتحه عندنا عبايات اعراس
في الاسواق الشعبيه تنصحوني بسوق معين ؟
وسلامتكم:)

[sweet qatar]

هلا الغالية

جلابيات عندج خياط بوسالم في شارع المرر
جربي حظج يمكن يفصل لج


قريب منه محل جلابيات جاهزة روووعة بس غالي


العبي في مجمع اسمه عباية مول تلقين كل شي هناك .. بس بصراحة أشوف عبي الدوحة أحلي


هاي الي طرا علي الحين والسموحة :o

[أم محمد 90]

هلا حبيبتي ,,

بالنسبة للجلابيات الحقي ع القرية العالمية هناك بتحصلين وايد خصوصا بالقرية الاماراتية
بالنسبة للعبي انا اروح (أبو هيل) وبتحصلين نفس عبايات شارع العزيزية واغلب المصممات بملغ اقل من (500) ريال !
عباية مول وايد عباياته قديمة كلش , اللي في ابو هيل يعرفون للموضه .

بالنسبة للمكياج روحي سيفورا دبي مول وافتلي واااااايد عندهم ماركات مش عندنا أولها ماركه nars اخذي الكونسيلر والفاونديشن واخذي بلاشر اسمه (اورقاسم) وارواجهم حلوة باختصار كل شي حلو عندهم . ترى حتى ماك عندهم عنده اشياء مو متوفرة عندنا .

واذا رحتي مردف ستي سنتر في ماركة مكياج هناك اسمها (الاماسكا) بلاشراتهم والبودرة عندهم واييييييد حلوة .

بالنسبة للاسواق الشعبية انا احب سوق الوصل. احصل عنده اشياء للبيت وفي فوق محل لعبايات الاعراس فالدور الثاني جنب المطاعم .
سوق الكرامة للبدلات والجينز وهالسوالف وايد حلو بعد .

يعني دبي ما شاء الله كل شي فيها

ان شاء الله افدتج .

[Chanel]

مشكورين حبيباتي ماقصرتو مع انه
كان ودي الكل يشارك علشان نستفيد
من تجارب بعض