الحياديه ., واقع شئتم ام ابيتم !!

[مختلفة عقليا]

السلام عليكم

أي نعم واقع ,. !!

كل موقف يمر في حياتك حلو او سيئ ., خيانه / تخرج / موت عزيز / حادث / زواج او حتي (( شخص )) ., أو حتي موقفك اتجاه شخص

هو حيادي .,

أي .,

لا يوجد فيه مشاعر او احاسيس او حتي رده فعل ., وتصور واللالم وسعاده و ضحك !! الي ان تسمح او تستسلم لذلك !!

بييب مثال .,

حادث سياره لشخصين ., الاول كره الشارع وكل ما يذكر يحس بالم ., والثاني كل ما يمر يضحك ., اللي يضحك مو مينون ترا طبيعي ^^

او مثلا

اثنين سافروا وانسرقت اغراضهم ., الاول رد كاره الدوله و (( قرر )) ما يزورها والثاني يضحك ع السالفه وقرر يسافر السنه الثانيه لنفس الدوله !!

كلنا نمر في مواقف نكره فيها مكان او ريحه او منظر او اغنيه او شخص او حتي فكره ., وانشعر بتوتر وشي غلط في الموضوع

اليوم لازم اتعرفون ان انتوا مسئوليين عن هالشعور .,

وانت شخصيا تقدر اتغيير الصوره السلبيه اللي في مخك الي ايجابيه او سلبيه مدمره قد تصل الي المرض ., مثل الشك او الهلوسه او مشاكل صحيه

وانتوا مسئولين مسئوليه كامله عن (( مشاعركم / احاسيسكم / وحتي ردات فعلكم اتجاه شي معين )) .,

السؤال .,

هل تؤمن في هالكلام ., !!

وهل تشعر بانك تملك تفكيرك ام هو من يسطر عليك !!

وهل قعدت مع نفسك من قبل وحسيت الموضوع (( م يستاهل )) كل هالمشاعر !! وقيمته من اول وجديد !!

هل غيرت فكره سيئه الي جيده (( بالنسبه لك )) مثل الزحمه من مشكله الي وقت استرخاء او تفكير ., !!

والان ., هل ترغب في التغيير والمزيد من التحكم في عقلك وحياتك الباقيه ., !! والا عادي عادي اخرتها قبر ^^


ويسلموو :shy:

[شبح الصمت]

وعليكم السلام ورحمة الله وبركاته ،،،

(قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ (51) سورة التوبة


لازم نؤمن بان

كل ابتلاء وكل ما كتب لنا خيره من رب العالمين ..

والموت لا بد منه طال الزمن او قصر

والفرح والحزن مكتوبين لنا

والنسيان ايضاً مكتوب لنا ولو نعمة النسيان لكان العالم في حالة جنون استغفر الله العظيم ..



شكراً مختلفه

واجل استطعت اني اغير اشياء في عقلي من سيئة لحسنه

واوقات من حسنه لسيئة بعد التجارب الي مرينا فيها

بس الافضل انه تخلي ذاكرتك للاشياء الجميلة وتحاول انك تنسى الماضي الي مر عليك وآلمك

اليوم جديد فلا تلتفت للخلف

لانه لو التفت للخلف راح يسبب لك مشكلة في تقدمك

[ضوى]

هل تؤمن في هالكلام ., !!

لا ما اؤمن

وهل تشعر بانك تملك تفكيرك ام هو من يسطر عليك !!

الاثنين املكه في الوقت المناسب ويسيطر علي في امور خارجة عن ارادتي

وهل قعدت مع نفسك من قبل وحسيت الموضوع (( م يستاهل )) كل هالمشاعر !! وقيمته من اول وجديد !!

احيانا ، مب دياماص المووضع مايستاهل ، يعني المثال اللي ذكرتيه وتجاربي مع الدول السيئة مستحيل اكررها خلاص احط عليها اكس ومن قلب

هل غيرت فكره سيئه الي جيده (( بالنسبه لك )) مثل الزحمه من مشكله الي وقت استرخاء او تفكير ., !!

ايه بس بشكل قليل ، الزحمة حلها خلاص الاسترخاء غير جذي استنزاف للروح البشرية والعقل

والان ., هل ترغب في التغيير والمزيد من التحكم في عقلك وحياتك الباقيه ., !! والا عادي عادي اخرتها قبر ^^

عادي عادي اخرتها قبر :shy:

مابي اتغير ولا افكر في التغيير ، السن له دور يمه


شكرا موضوع خفيف حلو

[بومحمد المطاوعه]

السؤال .,

هل تؤمن في هالكلام ., !!
\:shy:

وعليكم السلام ورحمه الله وبركاته ..

نعم اؤمن بأن ,, الإيمان بالقدر ,, ركن من أركان الإيمان الستة التي وردت في حديث جبريل الطويل فقال: "وأن تُؤْمِنَ بالقَدَرِ خَيرِهِ وَشَرِّهِ"[3]


وقد دلَّ القرآن الكريم والسنة النبوية وإجماع المسلمين والفطرة والعقل على وجوب الإيمان بالقدر
وأن من أنكر الإيمان بالقدر فقد كفر بالله تعالى وخرج من ملة الإسلام


الأدلة من القرآن الكريم:

قال تعالى: ﴿ وَكَانَ أَمْرُ اللَّهِ قَدَرًا مَقْدُورًا ﴾ [الأحزاب: 38][4]،
وقال تعالى: ﴿ لِيَقْضِيَ اللَّهُ أَمْرًا كَانَ مَفْعُولًا ﴾ [الأنفال: 42، 44]،
وقال تعالى: ﴿ وَكَانَ أَمْرُ اللَّهِ مَفْعُولًا ﴾ [النساء: 47]،
وقال تعالى: ﴿ مَا أَصَابَ مِنْ مُصِيبَةٍ إِلَّا بِإِذْنِ اللَّهِ وَمَنْ يُؤْمِنْ بِاللَّهِ يَهْدِ قَلْبَهُ وَاللَّهُ بِكُلِّ شَيْءٍ عَلِيمٌ ﴾ [التغابن: 11][5].
وقال تعالى: ﴿ وَمَا أَصَابَكُمْ يَوْمَ الْتَقَى الْجَمْعَانِ فَبِإِذْنِ اللَّهِ وَلِيَعْلَمَ الْمُؤْمِنِينَ ﴾ [آل عمران: 166]،
وقال تعالى: ﴿ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ﴾ [البقرة: 156، 157]،
وغير ذلك من الآيات.







وهل تشعر بانك تملك تفكيرك ام هو من يسطر عليك !!

:shy:

الحمدلله اتوكل على الله تعالى ,, ولا اضيق على عمري ,,

لاني على يقين كل شي يحدث لي امر ,, من الله تعالى ,,




وهل قعدت مع نفسك من قبل وحسيت الموضوع (( م يستاهل )) كل هالمشاعر !! وقيمته من اول وجديد !!

:shy:

اي نعم قعدت مع نفسي ,, وقمت اضحك على عمري ,, في اشياء كنت اتضايق منها ,,
والحمدلله تعلمت درس لي ,, بأني ما اتضايق ,, ولا احزن :)




هل غيرت فكره سيئه الي جيده (( بالنسبه لك )) مثل الزحمه من مشكله الي وقت استرخاء او تفكير ., !!
:shy:

نعم افكار شكثرررر ..




والان ., هل ترغب في التغيير والمزيد من التحكم في عقلك وحياتك الباقيه ., !! والا عادي عادي اخرتها قبر ^^

:shy:

لالا يبه
محد يعلم متى يومه ..,.

نعم ارغب للأصلاح وللتغير بما يرضي الله تعالى ورسولنا الكريم صل الله عليه وسلم ,,
واجعل نفسي مستعد للموت في اي لحظه :)





ويسلموو :shy:

الله يسلمج ,, وجزاكي الله خير ع الموضوع الطيب

[عثرة جواد]

السلام عليكم

هل تؤمن في هالكلام ., !!

اكيد امون فية لانه واقع .

وهل تشعر بانك تملك تفكيرك ام هو من يسطر عليك !!

الحمدلله انا مسيطرة علية واتحكم فية .

وهل قعدت مع نفسك من قبل وحسيت الموضوع (( م يستاهل )) كل هالمشاعر !! وقيمته من اول وجديد !!

اي كثير اقعد مع نفسي واقيمها وسيرها لطريق الصحيح .

هل غيرت فكره سيئه الي جيده (( بالنسبه لك )) مثل الزحمه من مشكله الي وقت استرخاء او تفكير ., !!

اي مرة سويت حادث وكنت احس برهبة ف الشارع الي صار فية الحادث قويت نفسي وصرت امر وانا اضحك .

والان ., هل ترغب في التغيير والمزيد من التحكم في عقلك وحياتك الباقيه ., !! والا عادي عادي اخرتها قبر ^^

احب التغير والتجديدالايجابي ف حياتي واكرة الروتين الممل .

موضوع رااائع ومختلف .

عساج ع القوة :)

[.قطر.]

وعليكم السلام ورحمه الله وبركاته

اول شي انا اؤمن بهذي الايه الكريمه

قال تعالى : (قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ (51) سورة التوبة

وعايش بهدوء
وانا لي سالفه مع الجزء الرصاصي ف الموضوع
سويت حادث في شارع ما
وعادي لو تبيني امر كل يوم عليه ماعندي مشكله

:)

[طلعة الروح]

أتفق معاج أخت مختلفة في أن الحيادية مهمه في حياتنا وتزيد مع التقدم في العمر وكثرة التجارب
يعني مثلا لو حدث لي موقف سيئ وتكرر معاي من قبل ، أكيد ماراح
أضايق نفسي كل مرة وازعل بنفس الحدة والقوة السابقة لأن خبرتي تقول
راح يحصل كذا وكذا وكذا وبطلع من المشكلة اذا اتخذت الخطوات كذا وكذا
يعني بضطر أدور في دائرة الحيادية مع الوقت وهاي اللي يحصل في النهاية مع زيادة الوعي والادراك وخوض التجارب.

[Dana’1]

نعم أؤمن بالقدر خيره وشره

وفعلا مرات أعصب وأزعل على بعض الأمور ويبان مع الوقت إنها خيره لي ولله الحمدوالمنه

وبعض المواقف اذكرها أضحك واتحسب بنفس الوقت :shy:
مثلا موقف قديييم صار معي
كنا مسافرين مصر .. وهناك تو أبوي الله يحفظه معطينا مصروف مشترياتنا الشخصيه للتسوق أنا واخواني .. فكنت مبسوطه قلت لأختي يلا انا عازمتك عالعشاء.. نزلنا نمشي للمطعم في احد الشوارع المشهوره.. واول ماوصلنا المطعم طلبنا افتح الشنطه ابغى ادفع الا مالقيت البوووك&@. قلت بوكي وينه واختي تقول وييينه ؟! تظن أضحك معها .. قلت والله يابنت ما ادري وينه قالت نسيتيه قلت لا يا طاح والا انسرق فصار العشا عليها ههههههههه
توقعت طايح فرديت نمشي على نفس المكان واطالع تحت رب القاه وصارت سالفه طوييله أنا كنت احاتي بعض البطاقات وصوره ا بالبوك وهذا اكثر شي خلاني اتضايق واعصب زوود على الفلوس الي ماتهنيت فيها ههههه
وكنت مستحيه أقول لأبوي وأطلبه فديته
فقلت لأختي لا تقولين لأبوي إن بوكي انسرق .. وأختي الكريمه فديتها قالت ولا يهمك بنتقاسم الي عندي قلت له ماتقصرين بس انتي اولى وانا عادي مو من زين سوقهم<<< معصبه
واحنا نتكلم ونمشي صار موقف لأختي
متنا ضحك وعلقت علي انا واربطت سبب إلي صار لها فيني مت من الضحك ونستني سالفة البوك... يالبى قلبها

الشاهد
صحيح عصبت وتحسبت عليهم بوقتها ..لكن هذا الموقف بحد ذاته ماكرهني بمصر كلها او عكر على صفو باقي الأيام الي قضيناها هناك بهذيك
غير إن هالموقف بين لي موقف أختي الرائع رغم صغر سنها هذا الوقت^_^. الله يحفظها ولا يحرمني منها
والى يومك نتذكر السالفه مع اختي و نضحك حتى وأنا اكتب عنه هنا ضحكت :shy:

وهذا مايعني إني ممكن أخذ موقف من البلاد مثل ما اخذت عن مصر لكن مو بسبب هالموقف ..
لكن عموما أخر زيارتين لها وأيضا كانت من زماان صارت أمور وعرفت إنها ماعاد تصلح كلش




موقف ثاني
طلعت بطاقه بنك جديده وتأخر البنك في تسليمها لدرجه إني استلمتها وسافرت بدون ما أغير الرقم السري وكان فيها مبلغ خصصته للتسوق بالسفر.. ونسيت الورقه الي فيها الرقم السري بالسياره... وأول ماوصلت هناك ابغى اتذكر الرقم ابدا ناسيته كلش كلمت البنك على أمل احصل على حل رغم إني اعرف إنه لا هههه بس كذا أجرب وكنت متحطمه:telephone: والبنك طبعا مايقدر يسوي لي شي:weeping:

بس بعد هالشي ماخليته يأثر علي بالسفره وقضيت أوقات حلوه وتسوقت<<< أهم شي
وقلت لزوجي وأهلي أول مانوصل هناك عشاكم علي بهالبطاااقه .. إلي طول الرحله قدام عنينا وبعيد عليا *ــ*

أما بالنسبه اللمشاعر والإنفعالات خصوصا عند الغضب ممكن أقدر اسيطر في مواقف واحيان لا بس احاول قد ما اقدر بالنهايه إحنا بشر ^_^


دمتي بود

[يمامـة]

وعليكم السلام ورحمة الله وبركاته........> باركي لي انتبهت للسلام اول الموضوع:shy:

قبل ما اجاوب على اسئلتج خليني اقول لج الموضوع خفيف و حلوو و جميل..
ومن ثم اقول..
حسب المقتبس التالي

وانت شخصيا تقدر اتغيير الصوره السلبيه اللي في مخك الي ايجابيه او سلبيه مدمره قد تصل الي المرض ., مثل الشك او الهلوسه او مشاكل صحيه

وانتوا مسئولين مسئوليه كامله عن (( مشاعركم / احاسيسكم / وحتي ردات فعلكم تجاه شي معين )) .,
هل تؤمن في هالكلام ., !!

نعم ( قاعدة في مدرسة هاليمامة) .. لما اقول نعم.. فهذا ما يعني ان نقدر من غير محاولات للتغيير..

وهل تشعر بانك تملك تفكيرك ام هو من يسطر عليك !!
شوفي احنا متفاهمين .. مرة هو اللي يسيطر علي ومرة انا اللي اسيطر عليه:shy:

وهل قعدت مع نفسك من قبل وحسيت الموضوع (( م يستاهل )) كل هالمشاعر !! وقيمته من اول وجديد !!
ايييه واااااايد.. لذلك تحصليني مرات اعدل من مشاعري و احاسيسي ونظرتي للموضوع
وقد تكون عندي قدرة اكبر ان اسيطر على الوضع لو تكرر في مرات ثانية.. ولكن..> الواحد علشان يقدر يسيطر على نفسه
لازم يعود نفسه بذكر الله كرد فعل سريع لامتصاص المشاعر السلبية فالحمدلله رب العالمين .. ومع الوقت الواحد يقدر يضبط نفسه
لان نفسه بشكل عام تكون مضبوطة على عدم التصعيد وضبط النفس..

هل غيرت فكره سيئه الي جيده (( بالنسبه لك )) مثل الزحمه من مشكله الي وقت استرخاء او تفكير ., !!

نوعا ما ايه.. لكن مب مع الزحمة ولكن مع الضغط في المناسبات وتسابقنا مع الزمن
ولكن ليس عن طريق الاسترخاء ولكن بطرق ثانية مع ذكر الله و محاولة على استيعاب الضغط
وان اي توتر ما راح يحل الموضوع بل بيعفس الامزجة..

والان ., هل ترغب في التغيير والمزيد من التحكم في عقلك وحياتك الباقيه ., !! والا عادي عادي اخرتها قبر ^^

البحث عن التغيير .. امممم.. ما اعتقد انه ضمن اولويات تفكيري.. ولكن لو صادفت شي و احس اني لازم اتغير
اكيد بقول ليش ما اتغير.. وعقب انساه واخليه و اروح عنه في مرات كثيرة..:shy:

ويسلموو :shy:

الله يسلمج

[بنت شرق]

هل تؤمن في هالكلام ., !!

نعم نقدر نتحكم بمشاعرنا وردة فعلنا ،،،بس أحيانا تنفجر المشاعر الغاضبة اذا كبتناها اكثر من اللازم

وهل تشعر بانك تملك تفكيرك ام هو من يسطر عليك !!

تفكيري ،،عادي لايسيطر ولاشي ،،لكن أحيانا يكون هناك فضول

وهل قعدت مع نفسك من قبل وحسيت الموضوع (( م يستاهل )) كل هالمشاعر !! وقيمته من اول وجديد !!

على حسب الموضوع ،،اقيمه ،،والتقيم مش اكثر من ربط للعناصر ،،،للفهم ،،،،وغالبا ما اصل ،،،عادي دعه يمر ،،
لاني لم اعد اكترث ،،،

هل غيرت فكره سيئه الي جيده (( بالنسبه لك )) مثل الزحمه من مشكله الي وقت استرخاء او تفكير ., !!
ايه ،،،طريق العمل طويل ،،،والكل يسخر مني ،،،سواء بالبيت او بالشغل ،،،لكني اقسم الوقت بالاذكار ،،،
فصار طريق للذكر

والان ., هل ترغب في التغيير والمزيد من التحكم في عقلك وحياتك الباقيه ., !! والا عادي عادي اخرتها قبر ^^
كل شخص يريد التحكم بحياته ومصاعب حياته ،،،بنسبه ،،،ممكن أقول عادي لاشياء تكررت وتتكرر لاني ما اعرف اغيرها واحيانا ما ابي اغيرها
مثل مقابلة شخصيات سخيفة بالعمل ،،،ما تواطنيهم بعيشة الله بس مضطرة تجاملين وتسلمين ،،،فهاي عادي ،،،

هاي اسمه مسايرة للواقع ،،،يا اما تخليه عادي يا ترفع ضغطك على شي ما يستاهل ،،،

[راجي الْعفو]

بارك الله فيج ..

نقطتين احب أشير لهم :

الاخذ بالتفاؤل دائماً ..
والسعي في التحسين ..

وترك التشاؤم و التطير ..
و عدم الرضا بالبقاء على الوضع السئ مع إمكان تغييره ..

[الجـــوديّ]

صعب اللي تقولينه انا نستوعبه ونتحكم فيه بكامل ارادتنا .. يبي له درجة عالية من الوعي
ولكن أجد ان اللي تقولينه مطلوب جداً مصداقا لحديث الرسول "إنّما الصبر عند الصّدمَة الأولى"
يعني أحتاج قوة وطاقة عالية !
ما أدري .. هذي ممكن تكون ذاتية
والا الله ينزلها على من يخصهم من عباده ؟!

[أم محمد 90]

يمكن ردي يكون غريب شوي ,,

والنعم بالله وصحيح لن يصيبنا الا ما كتب الله ,

انا أثق بأن أي شي سيء صار لي بدون ما انا اسببه لنفسي الله كاتبه لي ( لاحظي لما اقول بدون ما اسببه لنفسي ) ف اصبر واحتسب واقول لا حول ولا قوة الا بالله . وان الله مايبتلي الا العبد اللي يحبه والله يعلم كم بلوى ف حياتي ماقدر اغيرها ابد ابد ابد لان لو غيرتها اغضب ربي بس صابرة احتساباً للأجر .


ولكن الله ميزنا بالعقل , العواطف , المشاعر والأهم ! احساس القلب .


انا ما اقدر اسوق بدون استخدام يدي ولما ادعم اقول .. ( الله كاتب لي) صحيح ممكن يكون كاتب لي ادعم بهاليوم ولكن الطريقة ؟؟ كان بامكاني اتفادى هالشي لو استخدمت يدي . .

مثل الأنسان اللي دوم يقول ( انا طايح حظ ,, انا مقرود ) وهو يومه لعب ونوم وسهر !

[راجي الْعفو]

يمكن ردي يكون غريب شوي ,,

والنعم بالله وصحيح لن يصيبنا الا ما كتب الله ,

انا أثق بأن أي شي سيء صار لي بدون ما انا اسببه لنفسي الله كاتبه لي ( لاحظي لما اقول بدون ما اسببه لنفسي ) ف اصبر واحتسب واقول لا حول ولا قوة الا بالله . وان الله مايبتلي الا العبد اللي يحبه والله يعلم كم بلوى ف حياتي ماقدر اغيرها ابد ابد ابد لان لو غيرتها اغضب ربي بس صابرة احتساباً للأجر .


ولكن الله ميزنا بالعقل , العواطف , المشاعر والأهم ! احساس القلب .


انا ما اقدر اسوق بدون استخدام يدي ولما ادعم اقول .. ( الله كاتب لي) صحيح ممكن يكون كاتب لي ادعم بهاليوم ولكن الطريقة ؟؟ كان بامكاني اتفادى هالشي لو استخدمت يدي . .

مثل الأنسان اللي دوم يقول ( انا طايح حظ ,, انا مقرود ) وهو يومه لعب ونوم وسهر !

أم محمد كلامج سليم و ما فيه خطأ ..

لان الايمان بالقضاء و القدر مب معناته انك ترقد في البيت و تبي الرزق يجيك لين عندك على اساس ان ربك كاتب لك كل شي ..

مثل ما ربك كاتب لك كل شي ، فهو ايضا سبحانه في نفس الوقت أمرك انك تأخذ بالأسباب ..


فالشخص يتوكل على الله اولا و اخيرا ، وياخذ بالسبب ، ويكون مؤمن باللي يكتبه ربه من نتائج في المستقبل ..

[مختلفة عقليا]

وعليكم السلام ورحمة الله وبركاته ،،،

(قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ (51) سورة التوبة


لازم نؤمن بان

كل ابتلاء وكل ما كتب لنا خيره من رب العالمين ..

والموت لا بد منه طال الزمن او قصر

والفرح والحزن مكتوبين لنا

والنسيان ايضاً مكتوب لنا ولو نعمة النسيان لكان العالم في حالة جنون استغفر الله العظيم ..



شكراً مختلفه

واجل استطعت اني اغير اشياء في عقلي من سيئة لحسنه

واوقات من حسنه لسيئة بعد التجارب الي مرينا فيها

بس الافضل انه تخلي ذاكرتك للاشياء الجميلة وتحاول انك تنسى الماضي الي مر عليك وآلمك

اليوم جديد فلا تلتفت للخلف

لانه لو التفت للخلف راح يسبب لك مشكلة في تقدمك



هلا

شي جيد انك تقدر اتغيير (( توجهك وتفكيرك )) للزين او الشين .,

اهم شي تعترف ان أي خطاء منك مو من (( عقلك )) أي انت اللي اتحكم في عقلك مو العكس .,

ويسلموو

[مختلفة عقليا]

هل تؤمن في هالكلام ., !!

لا ما اؤمن

وهل تشعر بانك تملك تفكيرك ام هو من يسطر عليك !!

الاثنين املكه في الوقت المناسب ويسيطر علي في امور خارجة عن ارادتي

وهل قعدت مع نفسك من قبل وحسيت الموضوع (( م يستاهل )) كل هالمشاعر !! وقيمته من اول وجديد !!

احيانا ، مب دياماص المووضع مايستاهل ، يعني المثال اللي ذكرتيه وتجاربي مع الدول السيئة مستحيل اكررها خلاص احط عليها اكس ومن قلب

هل غيرت فكره سيئه الي جيده (( بالنسبه لك )) مثل الزحمه من مشكله الي وقت استرخاء او تفكير ., !!

ايه بس بشكل قليل ، الزحمة حلها خلاص الاسترخاء غير جذي استنزاف للروح البشرية والعقل

والان ., هل ترغب في التغيير والمزيد من التحكم في عقلك وحياتك الباقيه ., !! والا عادي عادي اخرتها قبر ^^

عادي عادي اخرتها قبر :shy:

مابي اتغير ولا افكر في التغيير ، السن له دور يمه


شكرا موضوع خفيف حلو

هلا

انتي قلتي لا .,

وعقب ايدتي الموضوع .,

المهم لازم اتعرفين هالشي لانه واقع بس بيدج تستخدمينه او لا .,

واقتباس علي كلامج ., (( مابي اتغير ولا افكر في التغيير ، السن له دور يمه ))

السن له دور في شنو .,؟! في التغيير

زين ع الاقل غيري في نفسج وفكرج لا يغرج الزمن غصباَ عنج ., (( فكري وايد وايد في هالنقطه )) .,

ويسلموو

[مختلفة عقليا]

وعليكم السلام ورحمه الله وبركاته ..

نعم اؤمن بأن ,, الإيمان بالقدر ,, ركن من أركان الإيمان الستة التي وردت في حديث جبريل الطويل فقال: "وأن تُؤْمِنَ بالقَدَرِ خَيرِهِ وَشَرِّهِ"[3]


وقد دلَّ القرآن الكريم والسنة النبوية وإجماع المسلمين والفطرة والعقل على وجوب الإيمان بالقدر
وأن من أنكر الإيمان بالقدر فقد كفر بالله تعالى وخرج من ملة الإسلام


الأدلة من القرآن الكريم:

قال تعالى: ﴿ وَكَانَ أَمْرُ اللَّهِ قَدَرًا مَقْدُورًا ﴾ [الأحزاب: 38][4]،
وقال تعالى: ﴿ لِيَقْضِيَ اللَّهُ أَمْرًا كَانَ مَفْعُولًا ﴾ [الأنفال: 42، 44]،
وقال تعالى: ﴿ وَكَانَ أَمْرُ اللَّهِ مَفْعُولًا ﴾ [النساء: 47]،
وقال تعالى: ﴿ مَا أَصَابَ مِنْ مُصِيبَةٍ إِلَّا بِإِذْنِ اللَّهِ وَمَنْ يُؤْمِنْ بِاللَّهِ يَهْدِ قَلْبَهُ وَاللَّهُ بِكُلِّ شَيْءٍ عَلِيمٌ ﴾ [التغابن: 11][5].
وقال تعالى: ﴿ وَمَا أَصَابَكُمْ يَوْمَ الْتَقَى الْجَمْعَانِ فَبِإِذْنِ اللَّهِ وَلِيَعْلَمَ الْمُؤْمِنِينَ ﴾ [آل عمران: 166]،
وقال تعالى: ﴿ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ﴾ [البقرة: 156، 157]،
وغير ذلك من الآيات.





الحمدلله اتوكل على الله تعالى ,, ولا اضيق على عمري ,,

لاني على يقين كل شي يحدث لي امر ,, من الله تعالى ,,



اي نعم قعدت مع نفسي ,, وقمت اضحك على عمري ,, في اشياء كنت اتضايق منها ,,
والحمدلله تعلمت درس لي ,, بأني ما اتضايق ,, ولا احزن :)



نعم افكار شكثرررر ..



لالا يبه
محد يعلم متى يومه ..,.

نعم ارغب للأصلاح وللتغير بما يرضي الله تعالى ورسولنا الكريم صل الله عليه وسلم ,,
واجعل نفسي مستعد للموت في اي لحظه :)




الله يسلمج ,, وجزاكي الله خير ع الموضوع الطيب

هلا

مشكله بعض الناس ., فاهمين الايمان بالقدر غلط .,

الله ما يبتلينا باختيار غلط ., في فرق .,

اني اتخذ اسباب خاطئه وقرارات خاطئه وتصرفات وقناعات ., وقد تصل الي عقيده ., واقول الحمدالله يارب انا مؤمنهه باللي ايني منك !!

لا طبعاااا .,

اني افكر واحسب واركز علي تصرفاتي انفعالاتي ., وادرس حياتي الخاصه واقيمها ., واعطي كل شي في عقلي حقه .,

واتيني عقبها مشكله ,. اقول الحمدالله يارب ومؤمنه بالقدر ., هاي الصح

وانا معاك في كل شي يتناسب مع اللي كتبته .,

ويسلموو

[مختلفة عقليا]

السلام عليكم

هل تؤمن في هالكلام ., !!

اكيد امون فية لانه واقع .

وهل تشعر بانك تملك تفكيرك ام هو من يسطر عليك !!

الحمدلله انا مسيطرة علية واتحكم فية .

وهل قعدت مع نفسك من قبل وحسيت الموضوع (( م يستاهل )) كل هالمشاعر !! وقيمته من اول وجديد !!

اي كثير اقعد مع نفسي واقيمها وسيرها لطريق الصحيح .

هل غيرت فكره سيئه الي جيده (( بالنسبه لك )) مثل الزحمه من مشكله الي وقت استرخاء او تفكير ., !!

اي مرة سويت حادث وكنت احس برهبة ف الشارع الي صار فية الحادث قويت نفسي وصرت امر وانا اضحك .

والان ., هل ترغب في التغيير والمزيد من التحكم في عقلك وحياتك الباقيه ., !! والا عادي عادي اخرتها قبر ^^

احب التغير والتجديدالايجابي ف حياتي واكرة الروتين الممل .

موضوع رااائع ومختلف .

عساج ع القوة :)

هلا

شي جيد .,

اتمني ما يجرون السلبين ., واتمين ايجابيه

ويسلموو

[مختلفة عقليا]

وعليكم السلام ورحمه الله وبركاته

اول شي انا اؤمن بهذي الايه الكريمه

قال تعالى : (قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ (51) سورة التوبة

وعايش بهدوء
وانا لي سالفه مع الجزء الرصاصي ف الموضوع
سويت حادث في شارع ما
وعادي لو تبيني امر كل يوم عليه ماعندي مشكله

:)

هلا

الحمدالله علي سلامتك .,

هذا لانك وجهت عقلك لطريقه معينه ., ما صار يفكر في الموضوع بانه الم .,

وانت في هالحادثه تثبت صحه كلامي .,

ويسلموو

[مختلفة عقليا]

أتفق معاج أخت مختلفة في أن الحيادية مهمه في حياتنا وتزيد مع التقدم في العمر وكثرة التجارب
يعني مثلا لو حدث لي موقف سيئ وتكرر معاي من قبل ، أكيد ماراح
أضايق نفسي كل مرة وازعل بنفس الحدة والقوة السابقة لأن خبرتي تقول
راح يحصل كذا وكذا وكذا وبطلع من المشكلة اذا اتخذت الخطوات كذا وكذا
يعني بضطر أدور في دائرة الحيادية مع الوقت وهاي اللي يحصل في النهاية مع زيادة الوعي والادراك وخوض التجارب.


هلا

انا معاج في كل اللي قلتيه ., صحيح 100% حياديه التصرف

انا اتكلم عن حياديه المواقف وردات الفعل .,

وهي اصعب ويبيلها ضبط نفس وسيطره وفهم لذات ., وايمان بالله

يعني لو مريتي في مشكله تفرحين لها م تزعلين ., نفس فرحتج بعطايا ربج

بس حقيقه اعجبت باللي كتبتيه .,

ويسلموو

[مختلفة عقليا]

نعم أؤمن بالقدر خيره وشره

وفعلا مرات أعصب وأزعل على بعض الأمور ويبان مع الوقت إنها خيره لي ولله الحمدوالمنه

وبعض المواقف اذكرها أضحك واتحسب بنفس الوقت :shy:
مثلا موقف قديييم صار معي
كنا مسافرين مصر .. وهناك تو أبوي الله يحفظه معطينا مصروف مشترياتنا الشخصيه للتسوق أنا واخواني .. فكنت مبسوطه قلت لأختي يلا انا عازمتك عالعشاء.. نزلنا نمشي للمطعم في احد الشوارع المشهوره.. واول ماوصلنا المطعم طلبنا افتح الشنطه ابغى ادفع الا مالقيت البوووك&@. قلت بوكي وينه واختي تقول وييينه ؟! تظن أضحك معها .. قلت والله يابنت ما ادري وينه قالت نسيتيه قلت لا يا طاح والا انسرق فصار العشا عليها ههههههههه
توقعت طايح فرديت نمشي على نفس المكان واطالع تحت رب القاه وصارت سالفه طوييله أنا كنت احاتي بعض البطاقات وصوره ا بالبوك وهذا اكثر شي خلاني اتضايق واعصب زوود على الفلوس الي ماتهنيت فيها ههههه
وكنت مستحيه أقول لأبوي وأطلبه فديته
فقلت لأختي لا تقولين لأبوي إن بوكي انسرق .. وأختي الكريمه فديتها قالت ولا يهمك بنتقاسم الي عندي قلت له ماتقصرين بس انتي اولى وانا عادي مو من زين سوقهم<<< معصبه
واحنا نتكلم ونمشي صار موقف لأختي
متنا ضحك وعلقت علي انا واربطت سبب إلي صار لها فيني مت من الضحك ونستني سالفة البوك... يالبى قلبها

الشاهد
صحيح عصبت وتحسبت عليهم بوقتها ..لكن هذا الموقف بحد ذاته ماكرهني بمصر كلها او عكر على صفو باقي الأيام الي قضيناها هناك بهذيك
غير إن هالموقف بين لي موقف أختي الرائع رغم صغر سنها هذا الوقت^_^. الله يحفظها ولا يحرمني منها
والى يومك نتذكر السالفه مع اختي و نضحك حتى وأنا اكتب عنه هنا ضحكت :shy:

وهذا مايعني إني ممكن أخذ موقف من البلاد مثل ما اخذت عن مصر لكن مو بسبب هالموقف ..
لكن عموما أخر زيارتين لها وأيضا كانت من زماان صارت أمور وعرفت إنها ماعاد تصلح كلش




موقف ثاني
طلعت بطاقه بنك جديده وتأخر البنك في تسليمها لدرجه إني استلمتها وسافرت بدون ما أغير الرقم السري وكان فيها مبلغ خصصته للتسوق بالسفر.. ونسيت الورقه الي فيها الرقم السري بالسياره... وأول ماوصلت هناك ابغى اتذكر الرقم ابدا ناسيته كلش كلمت البنك على أمل احصل على حل رغم إني اعرف إنه لا هههه بس كذا أجرب وكنت متحطمه:telephone: والبنك طبعا مايقدر يسوي لي شي:weeping:

بس بعد هالشي ماخليته يأثر علي بالسفره وقضيت أوقات حلوه وتسوقت<<< أهم شي
وقلت لزوجي وأهلي أول مانوصل هناك عشاكم علي بهالبطاااقه .. إلي طول الرحله قدام عنينا وبعيد عليا *ــ*

أما بالنسبه اللمشاعر والإنفعالات خصوصا عند الغضب ممكن أقدر اسيطر في مواقف واحيان لا بس احاول قد ما اقدر بالنهايه إحنا بشر ^_^


دمتي بود

هلا

اهم شي رديتي لختج الفلوس ؟! وعزمتي هل ريلج !! ههههههه

اهم شي نتحكم في المواقف ما انخليها اتحكم فينا ., وتصرف وايد حلو .,

ويسلموو

[@north_star@]

قد يكون رأينا مبني على الموقف اللي واجهناه في نفس اللحظة ولكن بعد فترة ممكن نغير رأينا ونكتشف انه كان غلط
من الجميل انه الانسان يحاول يسيطر على تفكيره ولكن هذا شي صعب بل وشبه مستحيل لانه الظروف المحيطة هي اللي تحكمنا ولازم نساير الواقع بحلوه ومره ....

[بوحارب]

هلا

هل انتي حيادية ؟؟!

ويسلموا :)

[مختلفة عقليا]

قد يكون رأينا مبني على الموقف اللي واجهناه في نفس اللحظة ولكن بعد فترة ممكن نغير رأينا ونكتشف انه كان غلط
من الجميل انه الانسان يحاول يسيطر على تفكيره ولكن هذا شي صعب بل وشبه مستحيل لانه الظروف المحيطة هي اللي تحكمنا ولازم نساير الواقع بحلوه ومره ....

هلا

لا احد يسيرك ولو كان كلامك صح كان الله ما حاسبنا .,

بيدك تغير كل شي ., وبيدك اتسيطر علي كل شييييي .,

ونساير الواقع بطريقتنا مو باللي يبيه الواقع .,

ويسلموو

[مختلفة عقليا]

هلا

هل انتي حيادية ؟؟!

ويسلموا :)

هلا

اذا كان السؤال عن تفكيري ., نعم صار جيه تقريبا .,

صحيح اوقات افقد السيطره ., بس ارجع واتحكم في زمام الامور .,

ويسلموو

[بوحارب]

هلا

اذا كان السؤال عن تفكيري ., نعم صار جيه تقريبا .,

صحيح اوقات افقد السيطره ., بس ارجع واتحكم في زمام الامور .,

ويسلموو

لا مب عن تفكيرج

بس مجرد سؤال

بغيت أشارك في الموضوع
وماعرفت وش اقول قطيت هالسؤال ع الطاير:(

[مختلفة عقليا]

لا مب عن تفكيرج

بس مجرد سؤال

بغيت أشارك في الموضوع
وماعرفت وش اقول قطيت هالسؤال ع الطاير:(

هلا

الله يسعدك مثل ما تسعدني في ردودك

والله انت مالك حل .,

بس تدري والله العظيم انك فتحت لي ابواب في السؤال .,

الله يوفقك .,

يسلموو

[بوحارب]

الله يجعلها أبواب خير ان شاء الله

ويسعدج مختلفة :)

[.قطر.]

هلا

الحمدالله علي سلامتك .,

هذا لانك وجهت عقلك لطريقه معينه ., ما صار يفكر في الموضوع بانه الم .,

وانت في هالحادثه تثبت صحه كلامي .,

ويسلموو

الله يسلمج :nice: