شنو ردت فعلك

[المزمجرر]

بسم الله الرحمن الرحيم

السلام عليكم ورحمة الله وبركاته

الموضوع بإختصار

انت ماشي بالشارع ولقيت سيارة سائقها (((( مواطن مع أسرته ))) ويرمي أكياس وعلب فارغة ووو إلخ

من السيارة فالشارع

إيش بتكون ردت فعلك

هل بتوقفه وبتنصحه أمام أهله
أو بتاخذ رقم سيارته وبتبلغ عليه
أو بتسكت

[المخفي]

بسكت.

[شبح الصمت]

وعليكم السلام ورحمة الله وبركاته ،،،


ياخي موقف يمر علينا وما نتحرك فيه ..


اهو احراج واوقات تقول انا مالي خص فيه طبعاً أذا كان مع اهله ..


بس لو بروحه عادي بوقفه بكل احترام بقوله الشيخ المنظر الي شفته مب حلو لك
تحرجه بالكلام..


المشكلة انه في ناس يوم تقول لهم هالكلام يرد عليك ليكون الشارع شارع ....


يعني امبادل النصح تنقلب مشكلة اكبر

والبلدية ما قصرت في كل مكان تكرمون درامات زباله ..

وقف على جمب وقطهم او خلهم في موترك احذفهم آخر الشنطه وحط لك كيس احتياط مهب صعبه ترى .

[عثرة جواد]

السلام عليكم

للاسف اخوي الي ماعنده ذوق والا ذرابة بتلاقية يتصرف هشكل

وتلاقي غرفتة نفس الشي وحياته كلها ملخبطة كل شي يدل ع تبعاتة

الله يهديهم .

وعساك ع القوة

[Rider]

بمر جنبه وبعطيه نظره اذا قال اشفيك بقوله الخطأ الي سواه

[راعي ال VXR]

العلم فضيله والجهل رذيله

[aloosh]

المفروض المرور يتواصل معا المواطن واذا اتشتكى على مخالف تؤخذ الشكوى على محمل الجد

التاريخ والوقت واليوم الذي حصل فيه المخالفه

اما اروح اشتكي ولا يؤخذ بها افضل اسكت

[يمامـة]

تصير و صارت.. شنهو موقفي استنكر الفعل بقلبي و بلساني..

[poor]

إذا كنت تريد الأجر وقف واخذها وارمها في اقرب حاوية قمامه لأن إماطة الأذى عن الطريق صدقة

اصح النية يمكن قصدة يحلل رواتب عمال النظافة : )

هذي الظاهرة ولله الحمد بدينا نفتقدها ولكن تعتبر تصرف شخصي بالدرجة الاولى واخلاقي

[sweet qatar]

هالتصرف يقهرررررني ويفور دمي

ماعرف ايش التصرف اللائق في هالحالة


بس شي محزن

[المحاميه]

مادري

ماقدر احكم

لازم انصح نفسي اول :tease:

[.قطر.]

وعليكم السلام ورحمه الله وبركاته

مع اهله صعبه
لكن اذا بروحه ممكن

انا عن نفسي احذف الاغراض ورا واذا وصلت عند اي درام زباله الله يعزكم قطيته واذا نسيت ف البيت

[حسن]

شدعوه محدا فيكم يعرف يتصرف الصراحه انا استغرب


شوف ياخوي العالم صورت سياره وحده تسوقها مره عند اللولو ونزلتها هني
رغم لقيت هجوم من البعض ليش تصورها


رغم اني شليت وصاختها كلها وماكنت ابي اضرها

شوف لو انا مكانك عادي اصور السياره وابلغ عننها

مثل ماووقفت المتسبب في الحادث الى جاء الحقيق وقلت لهم انا شاهد عليه لو طلب الامر اني احضر المحكمه
وجاني الاتصال من التحقيق لاخذ افادتي بصدر رحب

الانسان مايكون سلبي الى هذه الدرجه اليوم ماتبلغ بكره من مبلغ على شي اكبر من ذالك

انا لعبتي التصوير واتحمل جميع المسائل القانويه

نحن أهلها


:)

[العقل المدمر]

كوني بنت طبعا مراح اسوي له شي
حتى لو بنت اللي قطت وصاختها مابسوي شي
لاني مب فاضية اوقف جدام الله واخليهم يطالعوني لعيون وصاختها
ولا فاضية اروح اراكض واشتكي عليها
اذا هم تهمهم نظافة البلد ويستنكرون الفعل
لازم هم اللي يسوون حملات ضد هالاشكال مب احنا
والا يعطونا الصلاحيات ويسهلون علينا الشكوى اذا يبونا نساعدهم
غير جي الموضوع مب من اختصاصي عشان اتدخل فيه

[ضوى]

صارت جدامي وقلت له ليش تسوي جذي والزباله بينك وبينها متر ، طالعني بعين وقالي صوري الرقم واشتكي ، واشتكيت ولا احد كلمني وطلعنا رقم السيارة طلع مقيم اردني

عتبي على الداخليه اللي ماتواصلت معاي لليوم ، عيل مقيم يتجرأ ويقول اشتكي بعد ولد البلاد باقول بلاده ويمون عليها وله واسطاته وظهر قوي لكن مقيم !؟؟

[ريم الشمال]

إذا زوجته معه بحاول اكلمها خاصه لما يكون في مجال لذلك أما أني اكلمها وهي معه في سياره هذا غير وارد ولذلك تصرف الإنسان يحكمه الوقت والمكان الذي يحدث فيه شيء الخطأ ، وحتى الرجل ما يستحب يكلم الرجل وهو مع أهله وينصحه امام زوجته واولاده هذا من باب مراعات مركز الرجل أمام أسرته .

[JN000N]

صارت جدامي وقلت له ليش تسوي جذي والزباله بينك وبينها متر ، طالعني بعين وقالي صوري الرقم واشتكي ، واشتكيت ولا احد كلمني وطلعنا رقم السيارة طلع مقيم اردني

عتبي على الداخليه اللي ماتواصلت معاي لليوم ، عيل مقيم يتجرأ ويقول اشتكي بعد ولد البلاد باقول بلاده ويمون عليها وله واسطاته وظهر قوي لكن مقيم !؟؟

هاي المشكله

[.قطر.]

صارت جدامي وقلت له ليش تسوي جذي والزباله بينك وبينها متر ، طالعني بعين وقالي صوري الرقم واشتكي ، واشتكيت ولا احد كلمني وطلعنا رقم السيارة طلع مقيم اردني

عتبي على الداخليه اللي ماتواصلت معاي لليوم ، عيل مقيم يتجرأ ويقول اشتكي بعد ولد البلاد باقول بلاده ويمون عليها وله واسطاته وظهر قوي لكن مقيم !؟؟

لانه يدري انهم مابيسوون له شي عشان جي يقولها وكانه يتطنز عليج ان ماتقدرين تضرينه

:)

[بصمة قطرية]

النظافة من الإيمان ..
و كل شخص يمثل نفسه بتصرفاته
يعني 100% هالشخص هاي حاله في كل مكان ..

هالتصرف يقهرني وايد
اتنرفز و اتضايق من اللي يرمون وصاختهم في الشارع ..
ياخي إنت جذي ( وصخ ) لا توصل قذارتك للشارع ..
أتمنى يتخالف اللي يسوي جذي ..
محد يتعب إلا عمال النظافة
و هم ينظفون ( قذارة ) العالم ..

[.قطر.]

النظافة من الإيمان ..
و كل شخص يمثل نفسه بتصرفاته
يعني 100% هالشخص هاي حاله في كل مكان ..

هالتصرف يقهرني وايد
اتنرفز و اتضايق من اللي يرمون وصاختهم في الشارع ..
ياخي إنت جذي ( وصخ ) لا توصل قذارتك للشارع ..
أتمنى يتخالف اللي يسوي جذي ..
محد يتعب إلا عمال النظافة
و هم ينظفون ( قذارة ) العالم ..

يمكن وجود عمال النظافه هو اللي يساعدهم على هالشي :telephone:
لانه يدري انه في حد ينظف الشارع من وصاخته :rolleyes2:

[حسن]

يمكن وجود عمال النظافه هو اللي يساعدهم على هالشي :telephone:
لانه يدري انه في حد ينظف الشارع من وصاخته :rolleyes2:


غلطان
لانه عارف مهب لاقي رده فعل من الغير والردود تشهد
للأسف الثقافه عند الكثير زيرو ومهما راحو للدول المتطوره
دام المجتمع سلبي وش تتوقع

فهم سلبين في كل شي حتى حياتهم الشخصيه

بالنسبه لي لا لن اقبل الى ان أكون إيجابي

ارسل صورته على تويتر البلديه وهي جهه الاختصاص الجيش ماله علاقه

[.قطر.]

غلطان
لانه عارف مهب لاقي رده فعل من الغير والردود تشهد
للأسف الثقافه عند الكثير زيرو ومهما راحو للدول المتطوره
دام المجتمع سلبي وش تتوقع

فهم سلبين في كل شي حتى حياتهم الشخصيه

بالنسبه لي لا لن اقبل الى ان أكون إيجابي

ارسل صورته على تويتر البلديه وهي جهه الاختصاص الجيش ماله علاقه
المشكله اذا راحوا الدول المتطوره يحترمون نفسهم هناك :secret:
انزين مدام انك قدرت تحترم نفسك هناك ليش ماتحترم نفسك في وطنك اللي هو اولى عندك من اي شي