شنو افضل لسفرة عائلية ماليزيا او تركيا .....

[الغالي1]

السلام عليكم ورحمه الله وبركاته
شباب اذا ممكن تنصحوني لاني محتار بين تركيا او ماليزيا
بتكون رحلة عائليه لمدة اسبوع
واذا ممكن جدول سياحي او مكتب سياحي يتكفل من الى بس ثقة
وشكرا

[ماجد البدر]

اعتقد ماليزيا حارة
اما تركيا جوها بارد منعش في هذا الوقت
وبحثت و شفت اسعار التذاكر جدا مرتفعه بطريقة استغلاليه من القطرية و التركيه من الدوحة الى اسطنبول

في اعتقادي لاداعي لاي مكتب سياحي لمدة اسبوع ممكن تستفيدون من الانتر نت في تنسيق الرحله

وهل انتم تحبون الطبيعه او المزارات للمتاحف وغيرها
غالبا الجدول يكون جولة بالعبارة في مضيق البسفور
وتجول في منطقة سلطان احمد و المساجد الازرق وغيرها السوق المسقوف السوق المصري
يوم لبورصة و الطلوع للجبل جبل اولدغ الشجره المعمره وغيرها
اسطنبول مدينة مني تورك تل العرايس
في اعتقادي التنقل بتاكسي لو عائله صغيره افضل
لو عائله كبيره الاتفاق مع سائق وبالمره هو يوديكم المناطق وترتاحون من السؤال ويعطيكم مقترحات
وتتفقون معاه ان البترول وكل شي عليك فقط و السعر داخل اسطنبول يختلف لو مشاوير خارج اسطنبول مثل بحيرة سبنجه sapanca

[غير البشر]

عليكم السلام ورحمه الله وبركاته

ياهلا ومرحبا اخوي

اذا بغيت الجو الحلو اكيد تركيا
لكن ماتنفع للأطفال
اذا معك اطفال ارشح لك ماليزيا وبقوه
وخذ لك كم يوم سكن في جنتنج حق الاطفال يستمتعون

بس ماقلت لنا وقت السفر متى !!

[A bin M]

اذا تبي الجو حلو روح تركيا

إما ماليزيا دايماً رطوبه .. وتصلح حق اليهال من ناحية بحر ، ألعاب .. والخ

[وليف الشوق]

تركيا

[كازانوفا]

ماليزيا

[عاشق العديد]

اذا معاكم اطفال ..

ماليزيا ..

لانه جوها عائلي ..

وفيها اماكن كثيره لليهال ..

واذا تبي رقم سواق محترم وامين ..
بعطيك رقمه يعجبك واسعاره حلوه وقوله جاي من طرفي بيرتبك ان شاء الله ..

[غالية80]

اذا عندك اطفال.. طبعا ماليزيا... لكن عيبها الجو..

اما تركيا اشوف انها ممله.. ومافيها شي يستاهل...

[ضوى]

تركيا تجنن للي يعرفها

هاي خامس مرة نروحها بطلب من العيال نفسهم

ماليزينا حر ورطوبه وكله مطر ملللللللل

[Class - Qtr]

تركيا تجنن للي يعرفها

هاي خامس مرة نروحها بطلب من العيال نفسهم

ماليزينا حر ورطوبه وكله مطر ملللللللل


اتفق مع هذا الراي

اللي يبي المتعه في شرق اسيا ماتكون الوجهه فقط ( ماليزيا ) يبدأ بماليزيا مرور ببوكت ( تايلند )

وبعدها الذهاب الي سنغافورا بهالطريقه بيكون الجدول افضل من ماليزيا بروحها

[الغالي1]

جزاكم الله كل خير
وشكرا على المعلومات القيمة

[al-obaidly]

تحملو من تركيا داعش قاعدين ينطرونكم في المطار

[حرف]

تحملو من تركيا داعش قاعدين ينطرونكم في المطار

ياخي اتق الله وكفاية اشاعات
ترى ترويع المسلمين حرام

[ضوى]

العبيدلي كلامك هذا فتنه ، العالم كلها تروح وترد مافي احد طلع اشاعة مثل اشاعتك هذي

[غايه الطواش]

ضوى انا بعد سمعت نفس العبيدلي ان داعش تهدد السياح الخليجين في تركيا
بس مايندرى

[الصغيره]

ماليززززيا للاطفال عندك الحدايق حديقه الفراش حديقة الطيور حديقة الورود ومصنع الشكولات ومصنع الجلديات والابراج والمطاعم والمولات روووعها
لازم تلقى دليل سياحي جيد ولا تنسى السفاري الصراحه حلوه واجد

[سعود.]

ماليزيا وبقوه . بشرط معك دليل سياحي ممتاز

[Qtr37]

اذا المدة اسبوع تركيا ما تكفيج اعتقد
خاصة المسافات بعيدة والانتقال ياخذ من وقتج يوم
ماليزيا بعد في انتقال بس اشوف انها اخف وفيها نشاطات اكثر

[الدوحة قطر]

ادري الرد متاخر

بصراحة البلدتين حلوين

بس بصراحه اشوف ان ماليزيا تصلح حق اليهال اكثر

واذا على الحر ترى انا قبل لا اروح ماليزيا كنت اسمع حر وحر بس ترى حرهم يعادل نص حرنا تقريبا :)

[mE mYself & i]

ابي رقم دليل سياحي

[الزعــــــيم]

ماليزيا ارخص