من أراد الخير يدخل

[خبير أسهم]

صباح الخير ...

من فينا اليوم الصباح مر على امه او ابوه وصبح عليهم وجلس معاهم قبل ما يروح الدوام

من فينا اتوقع ان 80 % راح يقولوا (لا) طيب ليش :

طيب من فينا لما يكون في الدوام يتصل فيهم ؟

او لما يرجع من الدوام يمر عليهم ؟

طيب من مزعل امه او ابوه ؟

راجعوا أنفسكم وأنا أولكم ونشوف من مقصر في والديه


يا بوي يا امي يابعد كل هالناس
يا قلب ينبض بالمحبة والأحساس
يا من غلاكم في حياتي حياتي
يسري بصدري مثل ترديد الأنفاس
***********
لو قلتلك يا بوي عمري هدية
واقدمه لجلك براحة يديّا
ما ظن بوفي ربع فضلك عليّا
لأنك عطيت الحب من غير مقياس
***********
أمي حنانك في عروقي ودمي
وأن شفتك أنسى كل ضيقي وهمي
وأن قلت أنا أمي وأمي وأمي
تتبسم أيامي ولا أحس باليآس
***********
علمتني يابوي معنى السعاده
وأهديتني من طيب قلبك قلاده
فيك الوفاء يلقى وطنه وبلاده
وأنت الوطن لـ عشت له رافع الراس
***********
أمي يا وجه النور والضي والخير
بيديك سنيني ياسنيني غدت غير
مهما كبرت أبقى وسط عينك صغير
وأبقى بقلبك غير عن كل هالناس
***********
لا حرمني الله من غلاكم ومنكم
والله يبعد ضيق الأيام عنكم
بدعي عسى الرحمن دوم يحفظكم
يا بهجة الدنيا ويا كل الأحساس
***********

مع التحية

[شبح الصمت]

^
^^

الله يصبحك بالنور والسرور..


أقل ما فيها مر على حجرتهم وسلم عليهم

حبهم على رؤوسهم وتطمئن عليهم وخذ لك دعووه طيبه وتوكل عالله ..


مقصرين
والله يغفر لهم ويرحمهم برحمته ويرحمنا إن قصرنا ..

الله يجزاك خير ..
وآرحم الله والديك يا خوي

[شبح الصمت]

تبي سؤال يفحم كل شخص ..


اسال أي شخص والدينك من هم بالنسبه لك ..


وروح أسال الوالدين آبنائك من هم بالنسبه لك ..



راح تسمع آهات وآنين فالقلب ..


اتمنى وانا قبلكم ..
انه نرد جزء لو بسيط من حقهم علينا ..

واتمنى الي يشوف رسالتي ومهمل له والدين في دار العجزه
يرحم ضعفهم ويرحم نفسه قبل ما يدخل قبره ..


لا حول ولا قوة آلا بالله

[خبير أسهم]

الشكر وااااااااااااااصل مع الأمنيات بالتواصل

[شبح الصمت]

https://www.youtube.com/watch?v=I6b7G1l02io

[نوار قطر]

صباحكم خير..

أي نعم لازم امر على امي كل صبحية اصبح عليها وانا رايحه شغلي .. او اكلمها اذا ماقدرت,,, اتصل لها وانا رايحه .. فالدوام ساعات انشغل ومااكلمها هي فديتها تتصل وتقول لي وينج اليوم مالج حس؟؟

الله يخليهم لنا ويعيينا على برهم ..

[عابر سبيل]

جزاك الله خير على هذا التذكير الطيب..

و اضيف على كلامك..للمقصرين او لنقل المتهاونين..

شوفوا من لا يقدر أصلا ان
يتنعم بنعيمكم..
المغتربين اللي بعيدين عن والدينهم..
او أولئك الذين فقدوا احد او كلى أبويهم..

و اعرفوا النعمة اللي انتم فيها..
فسيأتي يوم..لا تجدونهما بالقرب منكم

[Rider]

الله يرحمهم اتمنى لو كانوا موجودين

[شبح الصمت]

الله يرحمهم اتمنى لو كانوا موجودين



الله يرحمهم برحمته ياخوي
ويجعل قبورهم روضه من رياض الجنه

ويجمعكم معهم في جناته الفردوس


اللهم آمين

[عثرة جواد]

اللهم اجعل قبرهم روضة من رياض الجنة

جزاك الله خير

[يمامـة]

اللهم لا تحرمنا من التواصل معاهم ..

فالحمدلله رب العالمين..

[خبير أسهم]

يا ويل من ناسي امه او ابوه يا ويله
صدقوني ما راح يتهنى
في دنياه
ولا راح اعياله يوم من الايام
بيسئلون عنه
شكرا على ردودكم

[العنيده]

الحمدلله رب العالمين .. الصبح لازم اشوفها وابوس راسها ولو مالحق عليها راحت الشغل اعتب على نفسي اني ماشفتها
الدوام احب اسال عنها لو دقايق صح احيانا تقول لي مشغوله وبسرعه بسرعه فديتها بس المهم اسمع صوتها
ولظروف شغلي ماقدر اتغدا معاهم يهمني اعرف اذا تغدت ولا .. يهمني اقعد معاها قبل النوم اعرف اخبار يومها يهمني ابوس راسها قبل النوم والاهم اسالها اذا محتاجه شي ..

وشوي بعد بحقهم .. الله يطول باعمارهم يارب .. هم شمعة البيت الله لايخلينا منهم يارب :)