هل تجارة الانستغرام مربحة و دائمة ؟

[Al-Kuwari]

السلام عليكم

موضوع جديد وحاب افتحه معاكم بعد موضوعي السابق عن توجه الشباب للتجارة

الكثير ذكر في موضوعي السابق ان من اهم معوقات التجارة في قطر

ارتفاع اسعار الايجارات

فالفترة الاخيرة بسبب ارتفاع اسعار الايجارات اتجه الكثير من الراغبين بالتجارة الى قنوات التواصل الاجتماعي واخص بالذكر الانستقرام لتناسبه مع فكرة التجارة والقدرة على عرض المنتج مما سهل للكثير من التجار ان يدخلوا في عالم التجارة بتكاليف بسيطة كبداية

فرأينا من يشتري من الخارج ويقوم بالبيع في الانستغرام ورأينا من استغلت حبها للطبخ واجادتها له بفتح مطبخها الخاص بالانستغرام وبيع الاطباق من مأكولات وحلويات ومعجنات

يوجد بعض الحسابات التي بدأت بالانستغرام كبداية وبعد ان حصلت على الشهرة وقاعدة الزبائن طورت من تجارتها بفتح محل خاص بها وفالغالب هذه المحلات كانت محلات حلويات او مطاعم

بالنسبة لكم هل تفكرون بدخول التجارة عن طريق الانستغرام ؟

وان دخلتهم هل ستدخلون الانستغرام كبداية لكسب قاعدة زبائن وتوفير راس المال للمشروع ؟ ام ستستمرون بالانستغرام بشكل دائم ؟ وما هي الاسباب التي تدفعكم للبقاء بالانستغرام بدل فتح محل ان توفرت السيولة وقاعدة الزبائن ؟؟

واذا كانت اجابتكم بلا فلماذا ترفضون فكرة التجارة عن طريق وسائل التواصل الاجتماعي ؟ ماهي الاسباب ؟

وفالنهاية اتمنى منكم المشاركة في استبيان قمت بعمله لدراسة حجم سوق الانستقرام في دولتنا قطر

https://www.surveymonkey.com/s/XX3SD73

اتمنى الاجابة على الاستبان ونشره لمعارفكم وعن طريق الواتس اب كذلك لكي نعرف حجم السوق في قطر وهل هو مجدي ام لا , وسأقوم بنشر النتائج بعد 15 يوم ان شاء الله اذا كان هناك تفاعل مع الاستبيان

وشكراً

[بومحمد المطاوعه]

وعليكم السلام ورحمة الله وبركاته ,..

الله يوفقك يارب ياخوي ..

ويرزقك الحلال الطيب ,,

من ناحيتي اشوف الأنستقرام الحين مشعلل بالعربي ,,

وتأكد ان التوفيق من الله اولآ ,, وان شاءالله بفضل الله تعالى وفضل الناس الطيبه و هذا البرنامج ,,
تتطور للأحسن ولفتح محل وتتسهل امورك كلها ان شاءالله ..


الله يوفقك ياخوي

[المخفي]

هو تسلية قبل لا يكون ربح للبعض

[بصمة قطرية]

نعم تجارة الأنستغرام مربحة و لا ما كان شفت
التجار و التاجرات يبدعون في مجال تجارتهم ..
كفاية مفتكين من هم الإيجار ..
الله يوفقهم و يرزقهم الرزق الحلال ..
في ناس تسترزق الله
ناس هاي مصدر رزقها ..

اللي يقهر اللي بيجي بيقول لك
التاجرات حرامية أسعارهم خيالية ..!!
( مثل اللي انقال في موضوع سابق )
التجارة عرض و طلب
مب عاجبك السعر مش مجبور تشتري ..
بس لا تقعد تمشي و تقول حرامية و حرامية ..
بإختصار عاجبك خذ مب عاجبك التجار الله مكثرهم ..

[بوحارب]

هلا الكواري

والله شغله مربحه وأشجع من عنده وقت وافكار عليها

الله يوفقهم

[sweet qatar]

أولا اهنيك أخوي علي طرحك المتسلسل لهذا الموضوع المهم

الانستقرام فتح باب رزق للكثير .. لكن للأسف قد يغلق هذا الباب قريباً مع سياسة الفيسبوك

تمت المشاركة في الاستبيان ..؛

[Al-Kuwari]

وعليكم السلام ورحمة الله وبركاته ,..

الله يوفقك يارب ياخوي ..

ويرزقك الحلال الطيب ,,

من ناحيتي اشوف الأنستقرام الحين مشعلل بالعربي ,,

وتأكد ان التوفيق من الله اولآ ,, وان شاءالله بفضل الله تعالى وفضل الناس الطيبه و هذا البرنامج ,,
تتطور للأحسن ولفتح محل وتتسهل امورك كلها ان شاءالله ..


الله يوفقك ياخوي

اجمعين يابو محمد

انشر لنا الاستبيان لا هنت

جد عندي فضول لمعرفة حجم السوق الانستغرامي في قطر حالياً

واشكرك عالمشاركة والاضافة يالذيب ولو اني تمنيت انك تجاوب عالاسئلة المذكورة بالموضوع :)

[قطر خضراء]

قبل سنة تقريبا قررت فتح مشروع صغير وكنت أستورد بضاعة خام مذكورة في القرآن والسنة
وعملت اللازم من إعلانات في الجريدة
وقد عرضت سعرها أرخص تقريبا بحوالي 25% من سعر السوق
كما أني أضمن التوصيل مجاناً إلى بيت المشتري أو أي مكان يختاره في كافة أنحاء قطر
وكذلك أخبر كل من إشترى فعليا مني وهم قلة قليلة أنه من حقه ارجاع بضاعتي في أي وقت واستلام ماله كاملا حتى لو استهلك نصفها إذا لم تعجبه (لأني واثق جدا في جودتها)
للأسف فشلت فشلا ذريعا
لأن جميع المتصلين تقريبا كان يطلبون تخفيضا في السعر :omg: رغم أن البضاعة التي لدي إخترتها بعناية فائقة وهي ذات جودة عالية جدا ويستحيل أن يجد المشتري أرخص من أسعاري في قطر

وزعت المخزون الذي لدي على بعض الإخوة والأصحاب واحتفظت ببعضها للبيت

ما أردت قوله
التجارة أنت و"حظك"
ومما لا شك فيه أن الانستغرام يخفض كثيرا كلفة البضاعة لكنه ليس عاملا حاسما في نجاحها

[Al-Kuwari]

هو تسلية قبل لا يكون ربح للبعض

صحيح الكثير دخلوا سوق الانستغرام كتسلية وليست كوسيلة للربح المادي كدرجة اولى , انا شخصياً شفت حسابين لبنات الله يوفقهم فاتحين الحساب كوسيلة لتنمية مهاراتهم بالطبخ ولحبهم للشئ هذا حبوا يشاركون الناس تجاربهم ووصفاتهم وما المانع من الكسب المادي كاضافة

[بومحمد المطاوعه]

بالنسبة لكم هل تفكرون بدخول التجارة عن طريق الانستغرام ؟


اي نعم ,, اريح لي واسهل لي ,,
وشكثر والله مستفيد من التجار وبعض المحلات مثلآ ,,
يحطون حسابهم في الانستقرام ,,





وان دخلتهم هل ستدخلون الانستغرام كبداية لكسب قاعدة زبائن وتوفير راس المال للمشروع ؟
ام ستستمرون بالانستغرام بشكل دائم ؟

انا عن نفسي الانستقرام استخدمه كل نص ساعه افتح واشوف ,,

واذا مثلآ عندي مشروع من الطبيعي بنزل ع الانستقرام ,,
مثلآ موتر ابي ابيعه حطيته ف الانستقرام ,, والحمدلله راح الموتر





وما هي الاسباب التي تدفعكم للبقاء بالانستغرام بدل فتح محل ان توفرت السيولة وقاعدة الزبائن ؟؟

شوف طال عمرك ,,
الاسباب نفس ماقلت زياده في الايجارات ,,
كبدايه البعض ينشر فالانستقرام وبعدها يفتح محل ,,
واذا الشخص عنده سيوله للأيجار ومقتدر يفتح على طول محل وينزل فالانستقرام ..




واذا كانت اجابتكم بلا فلماذا ترفضون فكرة التجارة عن طريق وسائل التواصل الاجتماعي ؟ ماهي الاسباب ؟

البعض متخوف وحاط قاعده في باله ان كل التجار حراميه ,, وهذا اكبر خطأ

اصابع ايدنا مب سوى في الزين وفي الشين ,,

وهذا تجاره والله يوفق,, الجميع يارب

[بومحمد المطاوعه]

اجمعين يابو محمد

انشر لنا الاستبيان لا هنت

جد عندي فضول لمعرفة حجم السوق الانستغرامي في قطر حالياً

واشكرك عالمشاركة والاضافة يالذيب ولو اني تمنيت انك تجاوب عالاسئلة المذكورة بالموضوع :)

ابشر ارسل لي ع الواتساب ومن عيوني ,,
الحين بنشره في كل مكان عندي ,,

الشكرلله ياخوي
وجاوبتك يالغالي
ان شاءالله اجاباتي واضحه خخخخ مع اني ماعرف لهالسوالف بس يالله ان شاءالله كفيت :nice:

[Dana’1]

عالم التجاره لايوجد شي دائم مره ربح ومره خساره.. بس ميزة انستقرام الربح يكون كبيير والخساره إن حصلت تكون قليله
ومجال الإعلاناااات وحده مربح جدا جدا^_^

[يمامـة]

ما عندي وقت ادخل الانستغرام واضيعه مابين التفرفر في حسابات التجار او غيرهم.. لكني في الوقت نفسه اجد انها تجارة مربحة لأن كل من هم حولي يتعاملون مع هالنوع من التجارة كمشتريين واعرف تجار بعد..

كانت تلك مشاركتي في الاستبيان..
وشكرا لكم لأخذ رايي:shy:

[qatari911]

نعم تجارة الأنستغرام مربحة و لا ما كان شفت
التجار و التاجرات يبدعون في مجال تجارتهم ..
كفاية مفتكين من هم الإيجار ..
الله يوفقهم و يرزقهم الرزق الحلال ..
في ناس تسترزق الله
ناس هاي مصدر رزقها ..

اللي يقهر اللي بيجي بيقول لك
التاجرات حرامية أسعارهم خيالية ..!!
( مثل اللي انقال في موضوع سابق )
التجارة عرض و طلب
مب عاجبك السعر مش مجبور تشتري ..
بس لا تقعد تمشي و تقول حرامية و حرامية ..
بإختصار عاجبك خذ مب عاجبك التجار الله مكثرهم ..

:victory:
اتفق مع بصمة قطرية

[aloosh]

المواقع على النت ليست مكلفه كما السابق
الموقع يتيح لك عرض السلعه افضل وممكن تضع دفع اون لاين بالفيزا عن طريق احد البنوك او الباي بل من شركه

والتكلفه الموقع

35 ريال دومين
350 ريال استضافه سنه قابله تجديد
التصميم ان كلف 2500 الى 3000 الاف ريال

ودمتم بود

[رهج السنابك]

ودي اجرب مب للاستثمار ولكن للمتعه حابه اخوض التجربه للاستمتاع
علما ام خضت في تجارب خسرت فيها ماديا وكنت عارفه من البدايه اني بخسر بس دخلتها للاستمتاع وتجربه شي جديد

[لبيبة]

اعتقد انها مربحة جدا،

والا ما باعوا كب كيك الحبة ب 60 ريال ولقوا لها من يشتريها،

لكن اللي يقاوم مثل حالتي، ما يربحهم.

جاوبت الاستبيان، بس سؤالين.

[دايموند]

انا مستغربه من شغله

ليش اسعار بضايع التجار والتاجرات خاصه في الانستقرام تنافس اسعار المحلات بالغلاء؟!!!!
لا ايجار محل ولا فواتير كهرب ولا رواتب عمال ليش اسعارهم عاليه ؟!!!!!!!

[دايموند]

نعم تجارة الأنستغرام مربحة و لا ما كان شفت
التجار و التاجرات يبدعون في مجال تجارتهم ..
كفاية مفتكين من هم الإيجار ..
الله يوفقهم و يرزقهم الرزق الحلال ..
في ناس تسترزق الله
ناس هاي مصدر رزقها ..

اللي يقهر اللي بيجي بيقول لك
التاجرات حرامية أسعارهم خيالية ..!!
( مثل اللي انقال في موضوع سابق )
التجارة عرض و طلب
مب عاجبك السعر مش مجبور تشتري ..
بس لا تقعد تمشي و تقول حرامية و حرامية ..
بإختصار عاجبك خذ مب عاجبك التجار الله مكثرهم ..

ومن حقنا نبدي راينا بالاسعار ونقول عنهم حراميه :)
واذا موعاجبهم كلامنا ينزلون بالسعر ويكونون واقعين واذا عاجبهم كلامنا بكيفهم
محد جابرهم ولا حد جابرنا نشتري ونتقبل اسعارهم
فالنهايه ابداء راي المشتري

[aloosh]

يا اعضاء التجاره مشروعه لكل واحد
وهو حر في بضاعته مالك حق تقول له حرامي او غيره
هو قد يشوف ان بضاعته تستاهل ها السعر وتعبه

اللي يشوف السعر غالي لا يشتري ويدعي له بالتوفيق دامهم يترزقون بحلال

[دايموند]

اوك هو حر في سعره
واحنا كمشترين حرين في ابداء رأينا والا تبون تصادرون راينا بعد!!!!

[المخفي]

واحد يرويني خبزة يمنية الحبة ب100 ريال

[.قطر.]

واحد يرويني خبزة يمنية الحبة ب100 ريال

لايكون عباله اصدار محدود :omen2:

[الجـــوديّ]

واذا كانت اجابتكم بلا فلماذا ترفضون فكرة التجارة عن طريق وسائل التواصل الاجتماعي ؟ ماهي الاسباب ؟



تمت الاجابة على الاستبيان.


أحب الطراز الكلاسيك في التجارة .. مكتب وموظفين علشان أحس اني سيدة أعمال :o
مب بياعة بس من خلال شاشة وان حققت هالبياعة ملايين الله يزيد ويبارك
احب التواصل المباشر مع الزباين
لذلك ما أطربني جدا الانستغرام ولا عرفت له وايد
وما أطل فيه الا مرة كل اسبوعين

ولو فتحت الشركة ضروري أكون متواجدة في كل وسائل التواصل ويبي لها ناس مخصصة تباشرها (يعني مب شغلتي كلش)
هذي رؤيتي الخاصة .. يمكن قديمة .. انصحوني ( ابي الملايين :shy:)

[h9466]

وسيلة ممتازة لتسويق المنتجات لكن اللي غير ممتاز الاسعار الغالية جدا,,وحدة من الاقارب تقول لي يشترون العبايات من البحرين ب 250 ريال ويبيعونها في قطر ب 1500 ريال ...ولو رحت لمحل عبايات وعنده نفس النوعية بتلاقيها ارخص في المحل علما انه عليه التزامات مالية تخص محله والعمالة اللي عنده...

[العقل المدمر]

طبعا مربحة
يقعدون فمكانهم ويطقطقون اون لاين ويطلبون لنا برخيص
ويوصلنا السعر رافعينه 200%
غير سعر المندوب بعد اللي الناس لازم يدفعون له
اللي يسوون اكلات اوكي من حقهم يقيمون تعبهم
لكن اللي يطلبون من برى اتعبوا في شنو ؟ الله اعلم
يمكن اصابعهم عورتهم من الماوس والكيبورد
جوتي بو ليت اللي حده 20 ريال من كثر ماهو ردي
يطلبونه من برى
فالسعودية يعرضونه ب 250 وفقطر ب 800
واذا كلش بيصيرون طيبين قالوا 450
واللي يبيعون ملابس اونها تصميمهم
والفستان ب 3000 وطالع
وهو الا قطعه جنها ستارة معفسينها ع بعضها ومخيطينها
المهم انا شخصيا لو بفتح بزنس بفتحه عالانستقرام
ولا راح اتوسع لاني ماعتبره شي مهم
يمكن اتسلى فترة بس وانا فالبيت
ومراح ابوق الناس وابالغ لان عندي ضمير ورب يحاسبني فالغش :shy:

[sweet qatar]

المواقع على النت ليست مكلفه كما السابق
الموقع يتيح لك عرض السلعه افضل وممكن تضع دفع اون لاين بالفيزا عن طريق احد البنوك او الباي بل من شركه

والتكلفه الموقع

35 ريال دومين
350 ريال استضافه سنه قابله تجديد
التصميم ان كلف 2500 الى 3000 الاف ريال

ودمتم بود


أنا أشوف التصرف الصحيح مثل ما ذكر ماجد الصباح في السناب

إن أي تاجر يكون عنده موقع يبيع من خلاله والانستقرام واجهة وتسويق للبزنس


وإذا فعلا قررت شركة فيسبوك تغيير سياسات الانستقرام
والربح من خلال البرنامج

التجار الصغار في قطر بتواجهم مشكلة كبيرة في تسويق منتجاتهم والوصول للمستهلكين



يا اعضاء التجاره مشروعه لكل واحد
وهو حر في بضاعته مالك حق تقول له حرامي او غيره
هو قد يشوف ان بضاعته تستاهل ها السعر وتعبه

اللي يشوف السعر غالي لا يشتري ويدعي له بالتوفيق دامهم يترزقون بحلال

معليه ياخوي كلن يعبر عن رايه :)

[يمامـة]

أنا أشوف التصرف الصحيح مثل ما ذكر ماجد الصباح في السناب

إن أي تاجر يكون عنده موقع يبيع من خلاله والانستقرام واجهة وتسويق للبزنس


وإذا فعلا قررت شركة فيسبوك تغيير سياسات الانستقرام
والربح من خلال البرنامج

التجار الصغار في قطر بتواجهم مشكلة كبيرة في تسويق منتجاتهم والوصول للمستهلكين




معليه ياخوي كلن يعبر عن رايه :)

وشنهي القرارات اللي ممكن تغيرها فيس بوك يا سويتي؟

[sweet qatar]

وشنهي القرارات اللي ممكن تغيرها فيس بوك يا سويتي؟

إذا قررت فيسبوك تنزل إعلاناتها في الانستا بيفقد البرنامج الكثير من متابعيه

[حسن]

مع العلم اني نزلت موضوع عن التجاره الاستغرام وخصوصا الاكلات

الله اعلم بمستوى نظافتها فكنت معارض لهذه التجاره

بدون قوانين وضوابط تحمي الجميع

هناك قانون اسمه التستر وسوف يفعل ولكن هل له السطله على تجاره الاستغرام

الله اعلم

[sweet qatar]

مع العلم اني نزلت موضوع عن التجاره الاستغرام وخصوصا الاكلات

الله اعلم بمستوى نظافتها فكنت معارض لهذه التجاره

بدون قوانين وضوابط تحمي الجميع

هناك قانون اسمه التستر وسوف يفعل ولكن هل له السطله على تجاره الاستغرام

الله اعلم

سوري

بس الانستقرام واجهة فقط

في الواقع المشاريع هذي تسمي مشاريع منزلية

مادري بقوانينها بس سهل جدآ ينحط قانون ملزم بأخذ الترخيص للبيع

إذا الواحد ما يضمن نظافة المطاعم والمعاصر .. ليش التركيز علي نظافة أكل الانستقرام !!

[حسن]

سوري

بس الانستقرام واجهة فقط

في الواقع المشاريع هذي تسمي مشاريع منزلية

مادري بقوانينها بس سهل جدآ ينحط قانون ملزم بأخذ الترخيص للبيع

إذا الواحد ما يضمن نظافة المطاعم والمعاصر .. ليش التركيز علي نظافة أكل الانستقرام !!

والله انا ماعرف عن الاستقرام غير مااسمع عنه هني

دام هناك تجاره من اري لازم يكون لها ضوابط معينه
بالنسبه لكل المعاصر والمطاعم عليهم رقابه وهناك تفتيش دائم وضبطيات
للمخالفين
ولكن الاستقرام محد يدري عن أي شي حتى البايع مجهول

!!!

هناك فرق كبير بين الظاهر والمستتر

:)

[النهار]

خلو العالم تسترزق حرام عليكم

[بوحارب]

خلو العالم تسترزق حرام عليكم

اعترف

وش قاعد تبيع :con2:

[حسن]

اعترف

وش قاعد تبيع :con2:

يبيع اسمنت ابيض وسويكه

:)

[بوحارب]

وااااااو very nice

النهار ممكن حسابك عالانستا
ابي اشتري سمنت :happy:

[بصمة قطرية]

ومن حقنا نبدي راينا بالاسعار ونقول عنهم حراميه :)
واذا موعاجبهم كلامنا ينزلون بالسعر ويكونون واقعين واذا عاجبهم كلامنا بكيفهم
محد جابرهم ولا حد جابرنا نشتري ونتقبل اسعارهم
فالنهايه ابداء راي المشتري


إبداء رأي نعم ..
و في الأخير محد مجبور يشتري دام السعر مب عاجبه ..
أشوف بضايع كثيرة اللي يعجبني سعرها أشتريها
اللي ما يعجبني مش مجبورة أشتريه ..
هذا التاجر و هذا سعره هو حر في سعره ..
كل بضاعة و لها مشتري ..
رضينا و لا ما رضينا ..
الله يوفق كل تاجر و تاجرة ..
أنا مع تجارة الأنستغرام ..

[يمامـة]

إبداء رأي نعم ..
و في الأخير محد مجبور يشتري دام السعر مب عاجبه ..
أشوف بضايع كثيرة اللي يعجبني سعرها أشتريها
اللي ما يعجبني مش مجبورة أشتريه ..
هذا التاجر و هذا سعره هو حر في سعره ..
كل بضاعة و لها مشتري ..
رضينا و لا ما رضينا ..
الله يوفق كل تاجر و تاجرة ..
أنا مع تجارة الأنستغرام ..

يا بصمة ما في شي اسمه هذا تاجر وهذه بضاعته.. لأن في الاخير هناك جشع من البعض

فمن غير المعقول شنطة تنباع عند تاجر ب 200 ريال و تلقين نفسها عند تاجر ثاني ب 800 ريال

وبنفس المواصفات ..

لذلك في شي اسمه حماية المستهلك .. اذا عندنا ما يحددون السعر
في دول ثانية دور حماية المستهلك هو تحديد الاسعار حسب قيمتها الاصلية وتكلفتها
بعد وصولها الى البلاد..

فاحنا ضد الجشع و الطمع والمبالغة في رفع اسعار البضايع وفي الوقت نفسه
مع تشجيع تجارة الانستغرام لانها فاتحة بيوت بفضل من الله و كرمه..

[h9466]

مع العلم اني نزلت موضوع عن التجاره الاستغرام وخصوصا الاكلات

الله اعلم بمستوى نظافتها فكنت معارض لهذه التجاره

بدون قوانين وضوابط تحمي الجميع

هناك قانون اسمه التستر وسوف يفعل ولكن هل له السطله على تجاره الاستغرام

الله اعلم

صباح الخير بوعلي...اللي يخوف في الموضوع نظافة المواد الغذائية اللي يتم تداولها وبيعها ,,لكن اعتقد هناك تاجرات مع الوقت نالوا ثقة الناس بجودة منتجهم,,على سبيل المثال قريبة لي لها حساب في انستجرام تطبخ في البيت وتبيع حسب طلبات الزباين وانا شخصيا دخلت مطبخها وشفت نظافته ونظافة اكلها واطلب منها احيانا تعمل لي اكلات معينة..
اما بخصوص قانون التستر ففي رأيي المتواضع انه وضع لرؤوس الاموال الكبيرة التي تدخل البلد وذلك لمكافحة غسيل الاموال ,,فلو فعل القانون جرفيا فلن ترى بقالة او معصرة او مغسلة شغالة والسبب ان جميع تلك الانشطة التجارية الصغيرة يمتلكها القطري بالاسم وله نسبة شهرية او سنوية من المالك الخفي وهو الاجنبي...

[الزعفراني]

كثير حسابات كانت تمر علي لتجار في قطر لكن مع الاسف حسابات بدائية وطريقة عرض مش احترافيه .. يعني ملف التعريف مش واضح

ولا فيه طريقة تواصل واضحه .. في الملف التعريفي .. واللوقو مال الحساب اي كلام .. ومافي اي خصومات للمتابعين او جوائز مثلا في مناسبات معينة ... إلخ

واخس شي لين تلقاه ينزل صورة لبضاعة يعرضها بدون لا يحدد السعر وتسأله في كومنت يرد عليك يرجى التواصل على الرقم الفلاني فقط واتس اب ..

حضرت مره دورة مع الاخ عمار محمد بعنوان

كيف تسوق مشروعك في الانستقرام

يعني استفدت منها بطريقة كبيرة .. وكان الحضور تقريبا فوق 200 شخص واغلبهم تجار انستقرام او تو في بدايتهم

واستعرضنا تجاربهم والاغلب منهم عنده مشاكل في عرض البضاعة والتسويق لها

كثير حسابات ادخلها والقى منتجات حلوه لكن للاسف ما اشتري لان طريقة العرض تعيسه .. لا سعر محدد لا طريقة تواصل مثل الناس

لا جودة في التصوير .... إلخ

وبعضها الاسعار تكون مرتفعه .. يعني مثلا وحده تعرض درزن سندويشات فلافل صغيره بالحبه على 60 ريال !!!! غير اجرة المندوب

شي ما يدش العقل

لذلك ما اتابعهم كثير .. وفي الغالب ان بغيت شي اشتريه من النت اذا كان ارخص طبعا


تحياتي واشواقي

[sweet qatar]

الناس بيتركون الانستقرام و داشين في برنامج آخر

وربعنا لا زالوا يدورون في حلقة مفرغة :)

[Dana’1]

^
تقصدين شوتس وإلا؟:secret:

[sweet qatar]

^
تقصدين شوتس وإلا؟:secret:


للأسف ماذكر أسمه .. عرفته ها لأسبوع وانتظر الويكند عشان أعرف درجة شعبيته و أقرر إذا أفتح اكاونت او لا

[حسن]

الناس بيتركون الانستقرام و داشين في برنامج آخر

وربعنا لا زالوا يدورون في حلقة مفرغة :)

والله ندور في الحلقه المفرغه ولا نشوف توافه البرامج اللي طلعت الغث والسمين


:(

[sweet qatar]

والله ندور في الحلقه المفرغه ولا نشوف توافه البرامج اللي طلعت الغث والسمين


:(

احنا نتكلم عن الجانب التجاري واستغلال الفرص

[حسن]

احنا نتكلم عن الجانب التجاري واستغلال الفرص

الله يوفقكم

[Dana’1]

للأسف ماذكر أسمه .. عرفته ها لأسبوع وانتظر الويكند عشان أعرف درجة شعبيته و أقرر إذا أفتح اكاونت او لا

أها
إذا نفس الي ذكرته له شعبيه بس هو متخصص بصور السلفي .. وبعد للصور عموما ومن ميزته نرد عالصوره بصوره^_^

[sweet qatar]

أها
إذا نفس الي ذكرته له شعبيه بس هو متخصص بصور السلفي .. وبعد للصور عموما ومن ميزته نرد عالصوره بصوره^_^

غير شوتس في برنامج اسمه ستور هاوس

وفي برنامج مثل اللايف ... اقولج وايد برامج جديدة وممكن الانستقرام في اي لحظة يفقد متابعينه

المهم تنصحيني بشوتس ولا لا ؟

[Dana’1]

غير شوتس في برنامج اسمه ستور هاوس

وفي برنامج مثل اللايف ... اقولج وايد برامج جديدة وممكن الانستقرام في اي لحظة يفقد متابعينه

المهم تنصحيني بشوتس ولا لا ؟

صادقه كثيييره هذي البرامج.. وكل برنامج عام ومتخصص في شي
ما اعرف انصحك او لا .. ^_^ التجربه افضل
لكن
شوتس أقل إمميزات عن ستور هاوس وأغلبه أجانب
ستور هاوس تعليق وفيديو وصور اقرب مايكون للإنستقرام
الشوتس يختلف بأن مافيه فيديو ولا تعليقاات كثيييره يعتمد على صور السلفي
اذا تحبين شي زي كذا اوك^_^

[بوحارب]

شكرًا ديور على المعلومات

من زمان ابي اعرف شنو ذا الستور هاوس

[النهار]

بوحارب فاتح مكتب مقاولات اشوفك كل من بغى شي قلت له شيك الخاص
عادي ياخوي قول عندي مكتب لاتستحي
انزين عندك بايب فيتر منتاز دزي لي رقمه

[Al-Kuwari]

نعم تجارة الأنستغرام مربحة و لا ما كان شفت
التجار و التاجرات يبدعون في مجال تجارتهم ..
كفاية مفتكين من هم الإيجار ..
الله يوفقهم و يرزقهم الرزق الحلال ..
في ناس تسترزق الله
ناس هاي مصدر رزقها ..

اللي يقهر اللي بيجي بيقول لك
التاجرات حرامية أسعارهم خيالية ..!!
( مثل اللي انقال في موضوع سابق )
التجارة عرض و طلب
مب عاجبك السعر مش مجبور تشتري ..
بس لا تقعد تمشي و تقول حرامية و حرامية ..
بإختصار عاجبك خذ مب عاجبك التجار الله مكثرهم ..

الله يوفقهم ويرزقهم ان شاء الله

لكن بصمة بالنسبة لج ما مبرر هذه الاسعار ؟

نعم التاجر يشتري بالجملة ولذلك يحصل على المواد الخام بسعر رخيص مقابل ما يدفعه تاجر الانستغرام اللي يشتري بسعر المفرد وتطلع عليه المواد اغلى

لكن كذلك التاجر عنده اجارات ورسوم تجديد رخصه وخلافه

فبالنسبه لج ما مبرر هذه الاسعار ؟ ونعم اتفق معاج ان كل انسان حر , لكن من وجهة نظرج شنو الاسباب اللي ادت للاسعار هذه ؟؟

[Al-Kuwari]

هلا الكواري

والله شغله مربحه وأشجع من عنده وقت وافكار عليها

الله يوفقهم

امين , ما فكرت تدخل هالمجال بوحارب ؟

كرك بوحارب السعر للكوب ريال والمندوب خمسين :tease:

[Al-Kuwari]

أولا اهنيك أخوي علي طرحك المتسلسل لهذا الموضوع المهم

الانستقرام فتح باب رزق للكثير .. لكن للأسف قد يغلق هذا الباب قريباً مع سياسة الفيسبوك

تمت المشاركة في الاستبيان ..؛

سياسة الفيس بوك راح تطلب منهم يدفعون مبلغ رمزي مقابل استخدام البرنامج , دام التاجر ربحان ليش مايدفع رسوم ويكمل ؟

ثانياً من وجهة نظري المفروض الانستغرام يكون بداية من لا يجد راس مال كافي للبدء بمشروعه على ارض الواقع وبعد اكتساب الخبرة والزباين وتجميع راس مال من الانستغرام انا اشوف الافضل الواحد يفتح محل رسمي ويتوسع , لازم دائماً عجلة النمو تستمر ولا المشروع راح ينتهي او يجي مشروع جديد يغطي عليه

ولا شرايج يا سويت قطر ؟؟

[Al-Kuwari]

قبل سنة تقريبا قررت فتح مشروع صغير وكنت أستورد بضاعة خام مذكورة في القرآن والسنة
وعملت اللازم من إعلانات في الجريدة
وقد عرضت سعرها أرخص تقريبا بحوالي 25% من سعر السوق
كما أني أضمن التوصيل مجاناً إلى بيت المشتري أو أي مكان يختاره في كافة أنحاء قطر
وكذلك أخبر كل من إشترى فعليا مني وهم قلة قليلة أنه من حقه ارجاع بضاعتي في أي وقت واستلام ماله كاملا حتى لو استهلك نصفها إذا لم تعجبه (لأني واثق جدا في جودتها)
للأسف فشلت فشلا ذريعا
لأن جميع المتصلين تقريبا كان يطلبون تخفيضا في السعر :omg: رغم أن البضاعة التي لدي إخترتها بعناية فائقة وهي ذات جودة عالية جدا ويستحيل أن يجد المشتري أرخص من أسعاري في قطر

وزعت المخزون الذي لدي على بعض الإخوة والأصحاب واحتفظت ببعضها للبيت

ما أردت قوله
التجارة أنت و"حظك"
ومما لا شك فيه أن الانستغرام يخفض كثيرا كلفة البضاعة لكنه ليس عاملا حاسما في نجاحها

ما احب كلمة الحظ اخوي قطر خضراء , الواحد يصنع حظه بنفسه

ليش ما راجعت اسلوب التسويق ؟ هل ماكانت عندك حلول لقلب حال تجارتك من خسارة الى نجاح ؟؟

كان ممكن تعرض بسعر السوق ومن ثم ترخص للزباين كوسيلة لكسب الزباين

او كان ممكن تبيع بـ30% تحت سعر السوق لين ماتكون قاعدة ومن ثم تبدا تربح وترفع اسعارك بشكل دوري

ولا شرايك ؟؟

[Al-Kuwari]

بالنسبة لكم هل تفكرون بدخول التجارة عن طريق الانستغرام ؟


اي نعم ,, اريح لي واسهل لي ,,
وشكثر والله مستفيد من التجار وبعض المحلات مثلآ ,,
يحطون حسابهم في الانستقرام ,,





وان دخلتهم هل ستدخلون الانستغرام كبداية لكسب قاعدة زبائن وتوفير راس المال للمشروع ؟
ام ستستمرون بالانستغرام بشكل دائم ؟

انا عن نفسي الانستقرام استخدمه كل نص ساعه افتح واشوف ,,

واذا مثلآ عندي مشروع من الطبيعي بنزل ع الانستقرام ,,
مثلآ موتر ابي ابيعه حطيته ف الانستقرام ,, والحمدلله راح الموتر





وما هي الاسباب التي تدفعكم للبقاء بالانستغرام بدل فتح محل ان توفرت السيولة وقاعدة الزبائن ؟؟

شوف طال عمرك ,,
الاسباب نفس ماقلت زياده في الايجارات ,,
كبدايه البعض ينشر فالانستقرام وبعدها يفتح محل ,,
واذا الشخص عنده سيوله للأيجار ومقتدر يفتح على طول محل وينزل فالانستقرام ..




واذا كانت اجابتكم بلا فلماذا ترفضون فكرة التجارة عن طريق وسائل التواصل الاجتماعي ؟ ماهي الاسباب ؟

البعض متخوف وحاط قاعده في باله ان كل التجار حراميه ,, وهذا اكبر خطأ

اصابع ايدنا مب سوى في الزين وفي الشين ,,

وهذا تجاره والله يوفق,, الجميع يارب

شكرا عالاجابة يابو محمد واتفق معاك في كلامك

حالياً وسائل التواصل فتحت ابواب كثيرة والذكي هو من يستغلها بالطريقة المثلى

[Al-Kuwari]

عالم التجاره لايوجد شي دائم مره ربح ومره خساره.. بس ميزة انستقرام الربح يكون كبيير والخساره إن حصلت تكون قليله
ومجال الإعلاناااات وحده مربح جدا جدا^_^

كلامج صحيح يا ديور , بس انا قصدت بكلمة دائم هل ممكن الواحد يستمر عليه مثلا سنتين ثلاث خمس سنين قدام ولا بيجي يوم وبيخسر مكانته الانستغرام وبيتوهق التاجر ؟

من وجهة نظري المفروض الواحد يبدا انستقرام منها يوفر راس مال ومنها يكسب قاعدة زباين لكن لازم لازم لازم بعدها بفتره يفتح محله رسمياً ومايعتمد اعتماد كلي عالسوشيال ميديا

[Al-Kuwari]

ما عندي وقت ادخل الانستغرام واضيعه مابين التفرفر في حسابات التجار او غيرهم.. لكني في الوقت نفسه اجد انها تجارة مربحة لأن كل من هم حولي يتعاملون مع هالنوع من التجارة كمشتريين واعرف تجار بعد..

كانت تلك مشاركتي في الاستبيان..
وشكرا لكم لأخذ رايي:shy:

العفو , وبالعكس مشاركتج فالاستبيان والموضوع شرف لي يا حمامة المنتدى :)

[بومحمد المطاوعه]

شكرا عالاجابة يابو محمد واتفق معاك في كلامك

حالياً وسائل التواصل فتحت ابواب كثيرة والذكي هو من يستغلها بالطريقة المثلى

الشكرلله تعالى ،،

صدقت الله يجزاك خيرر

والله يوفقك

[sweet qatar]

سياسة الفيس بوك راح تطلب منهم يدفعون مبلغ رمزي مقابل استخدام البرنامج , دام التاجر ربحان ليش مايدفع رسوم ويكمل ؟

ثانياً من وجهة نظري المفروض الانستغرام يكون بداية من لا يجد راس مال كافي للبدء بمشروعه على ارض الواقع وبعد اكتساب الخبرة والزباين وتجميع راس مال من الانستغرام انا اشوف الافضل الواحد يفتح محل رسمي ويتوسع , لازم دائماً عجلة النمو تستمر ولا المشروع راح ينتهي او يجي مشروع جديد يغطي عليه

ولا شرايج يا سويت قطر ؟؟

لو تغيرت سياسة الانستقرام بتخسر قاعدة جماهيرية
التصرف الصحيح إن التاجر يربط نفسه مع زباينه بوسائل إتصال خارج الانستا
حتي ما يخسرهم تحت أي ظرف


أتفق معاك إن الانستا يمثل بداية جيدة ومعقولة

حتي التاجر ممكن يختبر نفسه إذا كان قد هالتجارة ولا لا

[Al-Kuwari]

لو تغيرت سياسة الانستقرام بتخسر قاعدة جماهيرية
التصرف الصحيح إن التاجر يربط نفسه مع زباينه بوسائل إتصال خارج الانستا
حتي ما يخسرهم تحت أي ظرف


أتفق معاك إن الانستا يمثل بداية جيدة ومعقولة

حتي التاجر ممكن يختبر نفسه إذا كان قد هالتجارة ولا لا

ماله علاقه سويت

اللي فهمته ان التجار لازم يشتركون باشتراك مقابل مبلغ مالي , لكن المشترك العادي اللي هو الزبون ماعليه شي

[sweet qatar]

ماله علاقه سويت

اللي فهمته ان التجار لازم يشتركون باشتراك مقابل مبلغ مالي , لكن المشترك العادي اللي هو الزبون ماعليه شي


تقصد إذا أكاونت تجاري بياخذون عليك مبلغ ؟؟!

ما مر علي شي جذي ... بس الإعلانات أنا شفتها في تقرير

في كل الأحوال الانستا مجرد واجهة وعامل جذب للزبون .. بالصورة الحلوة والمدروسة

والموقع أفضل للتاجر من برنامج اجتماعي

[البرونزي]

فرق شاسع بين تجارة الانستقرام والتجارة الرسميه بسجل ومحل
ونسبة النجاح في ضني ماتتعدى 50% اذا ماتم الانتقال الى التجاره الرسميه
التجاره الرسميه يبيلها طولة بال ومشاكلها كثيره من اوراق رسميه لاكثر من وزاره ومشاكل العماله وسكنهم والبلديه ومضغوط لان وراك رواتب عمال والاجار للمحل والسكن الخ ،، والاهم راح تتعامل مع زباين مختلفه والتعامل راح يكون مباشر غير عن التعامل من ورا الشاشه

[Al-Kuwari]

:victory:
اتفق مع بصمة قطرية

شكراً عالرد اخوي قطري

[Al-Kuwari]

المواقع على النت ليست مكلفه كما السابق
الموقع يتيح لك عرض السلعه افضل وممكن تضع دفع اون لاين بالفيزا عن طريق احد البنوك او الباي بل من شركه

والتكلفه الموقع

35 ريال دومين
350 ريال استضافه سنه قابله تجديد
التصميم ان كلف 2500 الى 3000 الاف ريال

ودمتم بود

كلام سليم اخوي علوش , لكن الصعوبة تكمن في انك تجيب الزوار للموقع

لذلك من الافضل انشاء موقع وكذلك انشاء حسابات في مواقع التواصل الاجتماعي عشان توصل للزباين وتفتح لهم باب للوصول لموقعك الرسمي

[Al-Kuwari]

ودي اجرب مب للاستثمار ولكن للمتعه حابه اخوض التجربه للاستمتاع
علما ام خضت في تجارب خسرت فيها ماديا وكنت عارفه من البدايه اني بخسر بس دخلتها للاستمتاع وتجربه شي جديد

ليش لا يا ارسطو , مرت علي عدة حسابات اصحابها كانوا مهب محتاجين لكن مجرد هواية وحب مثلا للطبخ ففتحوا حساب انستغرام يشاركون فيه الناس حبهم للهواية هذي

[Al-Kuwari]

اعتقد انها مربحة جدا،

والا ما باعوا كب كيك الحبة ب 60 ريال ولقوا لها من يشتريها،

لكن اللي يقاوم مثل حالتي، ما يربحهم.

جاوبت الاستبيان، بس سؤالين.

شكراً عالمشاركة ليبية

افهم من كلامج انج ما تشترين لعدم اقتناعج بالاسعار صح ؟

في ظنج ما سبب هذه الاسعار ؟ وفي ظنج كذلك ليش في ناس تشتري دام الاسعار مرتفعه ؟

[Al-Kuwari]

انا مستغربه من شغله

ليش اسعار بضايع التجار والتاجرات خاصه في الانستقرام تنافس اسعار المحلات بالغلاء؟!!!!
لا ايجار محل ولا فواتير كهرب ولا رواتب عمال ليش اسعارهم عاليه ؟!!!!!!!

شوفي الاسعار تختلف لان التاجر يشتري بالجملة فتطلع عليه المواد الخام برخيص لكن تجار الانستغرام يشتري بالمفرد فيدفع سعر اعلى للبضاعه انا هنا اتكلم عن الحسابات الخاصة بالطبخ

والمبلغ المتبقي هو قيمة تعب الطباخة او الطباخ و مع ذلك اشوف ان الاسعار مبالغ فيها بصراحة

بالنسبه للتجار اللي يشترون من النت قطع وادوات ويبيعونها فبصراحة راح افهم لو الربح كان مثلا 50% من قيمة المنتج الاصلية + اتعاب الشحن , اكثر من ذلك فللأسف هم طمعوا وللأسف في من اشترى منهم وخلاهم يثبتون عالاسعار

[Al-Kuwari]

ومن حقنا نبدي راينا بالاسعار ونقول عنهم حراميه :)
واذا موعاجبهم كلامنا ينزلون بالسعر ويكونون واقعين واذا عاجبهم كلامنا بكيفهم
محد جابرهم ولا حد جابرنا نشتري ونتقبل اسعارهم
فالنهايه ابداء راي المشتري

عفواً اختي دايموند من حقج تعترضين عالاسعار لكن ماتوصل لكلمة حرامية , مهب حلوة ابداً

[Al-Kuwari]

واحد يرويني خبزة يمنية الحبة ب100 ريال

لا حول ولا قوة الا بالله

شي غريب عجيب بصراحة

[Al-Kuwari]

واذا كانت اجابتكم بلا فلماذا ترفضون فكرة التجارة عن طريق وسائل التواصل الاجتماعي ؟ ماهي الاسباب ؟



تمت الاجابة على الاستبيان.


أحب الطراز الكلاسيك في التجارة .. مكتب وموظفين علشان أحس اني سيدة أعمال :o
مب بياعة بس من خلال شاشة وان حققت هالبياعة ملايين الله يزيد ويبارك
احب التواصل المباشر مع الزباين
لذلك ما أطربني جدا الانستغرام ولا عرفت له وايد
وما أطل فيه الا مرة كل اسبوعين

ولو فتحت الشركة ضروري أكون متواجدة في كل وسائل التواصل ويبي لها ناس مخصصة تباشرها (يعني مب شغلتي كلش)
هذي رؤيتي الخاصة .. يمكن قديمة .. انصحوني ( ابي الملايين :shy:)

وجهة نظر واحترمها يالجودي

لكن لنفرض مثلا ماعندج راس المال

ليش ماتبدين بانستغرام وبعد ما تجمعين من الارباح تفتحين الشركة الكلاسيكية ؟

[Al-Kuwari]

وسيلة ممتازة لتسويق المنتجات لكن اللي غير ممتاز الاسعار الغالية جدا,,وحدة من الاقارب تقول لي يشترون العبايات من البحرين ب 250 ريال ويبيعونها في قطر ب 1500 ريال ...ولو رحت لمحل عبايات وعنده نفس النوعية بتلاقيها ارخص في المحل علما انه عليه التزامات مالية تخص محله والعمالة اللي عنده...

في وحدة تقول كنت اعرض عباياتي ب500 ريال ومحد كان يشتري

رفعت السعر لـ 1500 و 2000 ريال تقول صارت طلبياتي بالحجز

للأسف نظرة المجتمع عندنا الغالي سعره فيه بدون النظر للمميزات والاسباب اللي ادت لرفع السعر

مثلا لما اشتري عقد ذهب وعقد الماس اعرف ليش هذا اغلى من هذا

لكن لما نفس العقد بمحلين واحد بخمسة الاف والثاني بعشرين الف وهو نفسه ماتغير ومع ذلك اشتري الاغلى

فالخلل هنا مهب من التاجر ولكن الخلل من الزبون للأسف

[Al-Kuwari]

طبعا مربحة
يقعدون فمكانهم ويطقطقون اون لاين ويطلبون لنا برخيص
ويوصلنا السعر رافعينه 200%
غير سعر المندوب بعد اللي الناس لازم يدفعون له
اللي يسوون اكلات اوكي من حقهم يقيمون تعبهم
لكن اللي يطلبون من برى اتعبوا في شنو ؟ الله اعلم
يمكن اصابعهم عورتهم من الماوس والكيبورد
جوتي بو ليت اللي حده 20 ريال من كثر ماهو ردي
يطلبونه من برى
فالسعودية يعرضونه ب 250 وفقطر ب 800
واذا كلش بيصيرون طيبين قالوا 450
واللي يبيعون ملابس اونها تصميمهم
والفستان ب 3000 وطالع
وهو الا قطعه جنها ستارة معفسينها ع بعضها ومخيطينها
المهم انا شخصيا لو بفتح بزنس بفتحه عالانستقرام
ولا راح اتوسع لاني ماعتبره شي مهم
يمكن اتسلى فترة بس وانا فالبيت
ومراح ابوق الناس وابالغ لان عندي ضمير ورب يحاسبني فالغش :shy:

اتفق معاج في ردج يالعقل المدمر لكن خل نكون واقعيين

هل الخلل من التاجر اللي هو فالنهايه انسان والانسان بطبعه طماع

ام الخلل في الزبون اللي يدفع بدون مايفكر ؟

لما انا كتاجر الاقي زبون بيدفع ومابيتكلم ليش بنزل السعر ؟

الحل توعية الزباين

[.قطر.]

اتفق معاج في ردج يالعقل المدمر لكن خل نكون واقعيين

هل الخلل من التاجر اللي هو فالنهايه انسان والانسان بطبعه طماع

ام الخلل في الزبون اللي يدفع بدون مايفكر ؟

لما انا كتاجر الاقي زبون بيدفع ومابيتكلم ليش بنزل السعر ؟

الحل توعية الزباين
فيه نوع من الزباين لو تعطيهم البضاعه برخص يقولون لك شنو هاي مانبي
لكن عطهم نفس البضاعه بسعر اغلى باضعاف تلاقيهم طوابير عليه
ف انت هني تقدر ترفع السعر على كيفك لان تدري مهما رفعت السعر بتحصل زباين

:)

[sweet qatar]

فيه نوع من الزباين لو تعطيهم البضاعه برخص يقولون لك شنو هاي مانبي
لكن عطهم نفس البضاعه بسعر اغلى باضعاف تلاقيهم طوابير عليه
ف انت هني تقدر ترفع السعر على كيفك لان تدري مهما رفعت السعر بتحصل زباين

:)

سوري بس السالفة لها لمت

أولا الي بيدخل التجارة لازم يعرف الأحكام الشرعية المرتبطة فيها وللعلم نسب الربح مش مفتوحة السقف

ثانياً .. التاجر الشاطر بيبني ثقة بينه وبين الزباين
ولازم يكون سعره مدروس لا يظلم بضاعته ولا زباينه


الانستقرام من أكثر البرامج الي اظهرت لنا مواهب قطرية مبدعة

و مميزات ما تلقاها في السوق العادي

يكفي ان التجار وفروا لنا بضايع غير موجودة في السوق

و بضاعتهم جديدة بعكس أغلب البضايع هني أحس ان آخر دولة في قائمتهم قطر !!


أنا شريت من الانستا أكل وملابس وميك آب وكريمات و اكسسوارات

ما بقول كل تجاربي ناجحة

بس القرار كان عندي .. وأنا المسؤولة عن قراراتي

[.قطر.]

سوري بس السالفة لها لمت

أولا الي بيدخل التجارة لازم يعرف الأحكام الشرعية المرتبطة فيها وللعلم نسب الربح مش مفتوحة السقف

ثانياً .. التاجر الشاطر بيبني ثقة بينه وبين الزباين
ولازم يكون سعره مدروس لا يظلم بضاعته ولا زباينه


الانستقرام من أكثر البرامج الي اظهرت لنا مواهب قطرية مبدعة

و مميزات ما تلقاها في السوق العادي

يكفي ان التجار وفروا لنا بضايع غير موجودة في السوق

و بضاعتهم جديدة بعكس أغلب البضايع هني أحس ان آخر دولة في قائمتهم قطر !!


أنا شريت من الانستا أكل وملابس وميك آب وكريمات و اكسسوارات

ما بقول كل تجاربي ناجحة

بس القرار كان عندي .. وأنا المسؤولة عن قراراتي
ادري ان نسبه الربح لها لمت بس البعض يرفع اسعاره بشكل جنوني

فيه تجار مب شاطرين ماتهمهم النقطه اللي ذكرتيها بس همهم يبيعون بأعلى الاسعار والزبون يشتري وجنه العيد

واتفق معاج ان البضايع اللي ف الانستقرام احسن من اللي في اسواقنا

:)

[الجـــوديّ]

وجهة نظر واحترمها يالجودي

لكن لنفرض مثلا ماعندج راس المال

ليش ماتبدين بانستغرام وبعد ما تجمعين من الارباح تفتحين الشركة الكلاسيكية ؟

لو ما عندي راس مال .... ماراح ابتدي وأنا ضعيفة أرقل في التجارة !
تعلمت من قرآتي إن لازم يكون لي سيولة احتياطية وقت المآزق
ومشيت على هالمنوال والحمدلله توفقت.

كان لي تجربة مدتها تقريباً 4 سنوات في مجال التجارة.. طلعت منها بخلاصات كثيرة
كانت منعطف كبير في حياتي اضاف لي الكثير من التعامل المباشر مع الناس
تجارتي كانت ايام مجموعات البلاك بيري اول ما طلع .. من باب التسلية واستكشاف العالم
وتابعت في الانستغرام لكن حسيته جد متعب
وبصراحة هو حده بياعة ...
ما يشكل شخصية تاجر طموح .. أو هيئة شركة واضحة المعالم ... تسعى أن يكون لها مسار خاص ومتميز في السوق
وعقب تجي وسائل التواصل الاجتماعي بغرض التوسع والانتشار.

التجارة الكلاسيكية اللي أطمح لها (حتى لو كانت في البيت)
بحط لي سياسة متكاملة لأنها في الأخير هي بمثابة موقف الشركة أو التاجر واحترامه لكل من يتعامل واياه من زباين وشركاء... ويضمن حقوقهم وحقوقه .. مع ضمان قدر المستطاع ان الواحد ما يدخل في حرام سواء بعلم أو من غير علم.


عندي أتعب وأحط موظفين وسياسة واضحة ومكتوبة ... وقد ما أقدر أخلي الزبون يدفع وهو راضي ومستانس بالي شراه مني
ولا ابيع شي في الانستغرام أخلي الظنون تلعب به لا فيه سياسة واضحة ولا هيئة واضحة للتاجر .. ولا وين مصادره ..
من جذي ما ارتحت للانستغرام .. أحس فيه اشياء وايد مغيبة عني أنا كزبون حتى !


الشركة الكلاسيكية .. ترى فيها مجالات واسعة ممكن يتطور فيها التاجر ...
ويقدم خدمات ويعقد اتفاقيات ويوقع عقود شراكة بموجب الترخيص والسجل التجاري ما يقدر يوقعها تاجر الانستغرام ..
من جذيه اشوف المعروضات غالية جداً إلى درجة النصب .. وبالإمكان تقليصها بالعقود
وللأسف الأمانة قليلة إلا من رحم الله.

[بصمة قطرية]

الله يوفقهم ويرزقهم ان شاء الله

لكن بصمة بالنسبة لج ما مبرر هذه الاسعار ؟

نعم التاجر يشتري بالجملة ولذلك يحصل على المواد الخام بسعر رخيص مقابل ما يدفعه تاجر الانستغرام اللي يشتري بسعر المفرد وتطلع عليه المواد اغلى

لكن كذلك التاجر عنده اجارات ورسوم تجديد رخصه وخلافه

فبالنسبه لج ما مبرر هذه الاسعار ؟ ونعم اتفق معاج ان كل انسان حر , لكن من وجهة نظرج شنو الاسباب اللي ادت للاسعار هذه ؟؟

أعتقد أخوي الكواري مبرر هالأسعار
إن السوق ماشي ..
سوق الأنستغرام
بالتالي هالشي عطاهم مجال إنهم يتحكمون بالسعر
مثل ما يبون بدون قيود ..
و في زباين بترضى بأي سعر ..

[بومحمد المطاوعه]

و في زباين بترضى بأي سعر ..

هاي المشكله اختي بصمه ,,

ان البعض يدفع ولا يبالي ,,
السعر مايسوى واهو يدفع ,,

هالشي الي مخلي بعض التجار يستغلون في اي مكان كان ,,
انستقرام ولا محل ولا اي مكان ,,

لأن يعرف ان في فئه مثل الأهبل مع احترامي يدفع ,,

صحيح تملك الملايين ولكن لاتصير مقصه ,, ويتدفع شي مايسوى

النعمه زواله ومرد هذي الفلوس بتروح وبيتحاسب العبد على كل شي ,,

مانقول لحد يشتري ويسوي ولكن بالعقل بالشي الي يستحق سعره ,,
انا دائمآ اطلب اشياء من امريكا ,,
فارق السعر بين التجار والأسعار ف النت ,,

اطلب ومع الشحن السريع مايوصل سعر التاجر هني ,,

استغلال من البعض الله يهديهم بس
وجشع وطمع والعياذ بالله ..

[عثرة جواد]

السلام عليكم


بالنسبة لكم هل تفكرون بدخول التجارة عن طريق الانستغرام ؟

اي ليش لا .
وان دخلتهم هل ستدخلون الانستغرام كبداية لكسب قاعدة زبائن وتوفير راس المال للمشروع ؟
ام ستستمرون بالانستغرام بشكل دائم ؟

لا بس مجرد دعاية للبضاعة.

وما هي الاسباب التي تدفعكم للبقاء بالانستغرام بدل فتح محل ان توفرت السيولة وقاعدة الزبائن ؟؟

افضل المحل .

واذا كانت اجابتكم بلا فلماذا ترفضون فكرة التجارة عن طريق وسائل التواصل الاجتماعي ؟ماهي الاسباب ؟

فكرة التواصل الاجتماعي سيف ذو حدين منه السمين ومنه الرث

وانا جربت شريت من ناس للاسف مافي مصداقية والا ف ضمير الموضوع كلة نصب ف نصب .


عساااك ع القوة