تسجيل الدخول

مشاهدة النسخة كاملة : باب الصاله الداخلي


غالية80
08-04-2015, 02:04 PM
مرحبا ..


ممكن اترشحون لي محلات المونيوم عندهم ابواب كشخه حق مدخل الفيلا .. ( مابي حديد لانه يصدي وصوته مزعج)
معماري قطري
08-04-2015, 02:31 PM
لصالة عن الغبار والصوت والحرارة أَفضل شيء اليو بي في سي
Bo3essa
09-04-2015, 09:07 AM
بس اخوي معماري

هل شكل اليو بي في سي حلو ؟
مثل الحديد المشغول او الالمنيوم المشغول الي يعملونه الابواب الملكية وحدادكو وغيرها ؟
اقصد يكون شكله فخم
معماري قطري
09-04-2015, 12:39 PM
شكل اليو بي في سي إِخوي بو عيسى حلو وفيه نوعيات تجي بتشكيلات نحاس داخل وفيه نوعيات تجي بجلاد بلون خشبي وفيه نوعيات تجي بفريم بشكل خشبي .. وشفايدة الباب يقرقع كل ما صكه حد ويكون ثقيل ويدخل غبار وما يعزل الصوت بس شكله حلو.

بعدين الكسرات الزايدة تجمع الغبار وتتوصخ والشكل بيكون ممل مع مرور الوقت.
Azizuk
09-04-2015, 02:14 PM
انا والله خاطري في محل يسوي لي مداخل البيت الرئيسية نفس بيبان محلات الماركات وإلا الفنادق والمجوهرات

تجيك طويلة وفخمة ومرتفعة

وبعض الأبواب تجي مذهبه وقبضة الباب قطعة رخام والباب يجيك ثقيل

للأسف ماتوقع في محل او ورشة تتقن العمل والإخراج بشكل راقي

عجبني باب محل مجوهرات الفردان و مجوهرات المفتاح يجيك خشب مع قزاز

وهذا أتوقع ممكن عملة في منجرة المفتاح مب صعب وسعرة غالي

وأحلا أبواب شفتها باب محل غوتشي في فلاجيو بس الباب والديكورات مصنعة في إطاليا
الجـــوديّ
10-04-2015, 02:33 AM
^


+10

ذوق ماشاءالله

هذا غير انها ثقيلة ومبطنة داخل بعدة طبقات ضد الحريق وللسيفتي .. وقفلتها راقية وهادية

مب مثل الابواب الحديد المشغول مزعجة جداااااا !
معماري قطري
10-04-2015, 03:42 AM
الخشب أَكيد مناجر كثيرة تسويه .. وفيه نوعيات كثيرة تصنع في ورش خاصة وبمواصفات خاصة مثل الكحيمي في السعودية ووكيله رميله للخدمات في قطر وغير عند المتحدة وبربلات عن الصوت والغبار .. بس أَحسن للصالات لو بنسوي باب أَي نوع نخلي قطعة فوق قزاز ثابت مفصولة عن الباب ولا متصلة بفريم للإِنارة وتعطي الباب طول.
معماري قطري
10-04-2015, 03:43 AM
نسيت حاجة مهمة الخشب اللي يشطب بنفسه بيعاني مع مناجر الدوحة بيبان عادية تاخذ سنة فشلون نوعيات مزخرفة وبمواصفات خاصة
غالية80
13-04-2015, 11:15 AM
شكل اليو بي في سي إِخوي بو عيسى حلو وفيه نوعيات تجي بتشكيلات نحاس داخل وفيه نوعيات تجي بجلاد بلون خشبي وفيه نوعيات تجي بفريم بشكل خشبي .. وشفايدة الباب يقرقع كل ما صكه حد ويكون ثقيل ويدخل غبار وما يعزل الصوت بس شكله حلو.

بعدين الكسرات الزايدة تجمع الغبار وتتوصخ والشكل بيكون ممل مع مرور الوقت.
أوافقك الرأي ... اميه بالميه .......
almomaiaz-m
14-04-2015, 03:10 PM
سلام عليكم اعجبني موضوعكم وحبيت اشاركم فيه عندي الفله تتشطب وللحين
ما اخترت نوعيه ابواب المداخل الخارجيه للحوش ومداخل الفله
وبيبان الغرف اعطوني اغتراحاتكم