البنات البنات الطف الكائنات...

[يمامـة]

في البداية
لطفا من الجميع الموضوع هذا يخص بيوتنا فكل شخص يلتفت حوله وفي بيته فقط ومن ثم يشارك..
وسوف اطلب من الادارة حذف اي رد فيه كلام عن البنات خارج بيوتنا.. وللجميع
الحرية التامة في الحديث عن البنات في بيوتهم..

http://www.clipartbest.com/cliparts/yco/A59/ycoA599cE.jpeg




الابناء نعمة تضاف الى النعم الكثيرة التي وهبنا اياها خالقنا وبل هم زينة من زين الدنيا اضافة الى المال..
اللطافة و النعومة والدلع عناوين بارزة لأي بنت تعيش في أي بيت من البيوت.. تُعامل برقة كي لا تتساقط دموعها
وبكاءها وان كان بصمت فهو يهز اركان المنزل ويؤرق منام الجميع ..

عدة العابها تحملها معها اينما ذهبت و دميتها ومنزلها الصغير لا يمكن لأي كان ان يأخذها منها..
وكتب مدرستها تتثاقل في حملها وفي جامعتها تضطر الى حمل علب عدة المشاريع
و حقيبتها الخاصة و حقيبة كتب مقرراتها و هاتفها الخلوي و تسير كحامل اثقال وهي لم تتخلى عن لطافتها
ونعومتها و رقتها..

بعد تلك المقدمة اسمحوا لي ان اطرح هذه الاسئلة

هل عانيتم من تربية البنات؟
وهل تربية البنت تختلف عن تربية الولد؟
ما هو الاختلاف ما بين تفكير البنت والولد رغم ان التربية واحدة؟
هل تضطر الى تمييز البنت بتوفير طلباتها على حساب الولد؟ ولماذا؟
كيف تتمنى ان تكون حياة ابنتك في المستقبل؟

[Dana’1]

موضوع حلو وخفيف ظل.. والعنوان ذكرني بمقطع نزلته عُلا الفارس بالإنستقرام هههههههه
بصراحه أنا جربت تربية بنت وحده الله يحفظها ومافيها معاناة ولله الحمد والمنه..فما أقدر أقارن بين تربيتها وتربية الولد من تجربه شخصيه
بس أسمع وأشاهد من خواتي الكثيير^ـ^

أما الأمنيه
أدعوا الله أن يهب لبنتي قلب راضي وحياة كريمه وسعيده بكل جوانبها وتفاصيلها من صلاح دين وخلق وبر وعلم وزوج صالح وأبناء بارين ويرزقها خيري الدنيا والأخره
**ما أدري ليش غالبتني دموعي وأنا أكتب ما أتمنى لبنتي !

[طبيب قطري]

موضوع راقي.. بناتي كل حياتي ولله الحمد ماعانيت بتربيتهم لاني وامهم من وهم صغار ربيناهم تربيه سليمه مافيها دلال زياده ومافيها ايضا عنف او تمييز عن الاولاد بشي.. وايضا ابتعدنا عن ثقافة ادخال المفاهيم الغربيه لهم منذ الصغر يعني ماعودناهم التعلق بشخصيات كرتونيه غربيه وماكانو يجابلون التلفزيون طول الوقت او الفيدو جيم.. بالعكس عودناهم على اسلوب التحدث والجمعه مع الاهل واللعب مع بعضهم وتكوين صداقات واهم شي محفظة القران اللي كانت تيجي تحفظهم منذ الصغر وانا كنت اهتم اني اقراء لهم قصص الانبياء بمساعدة امهم لما مايكون عندي وقت او مااكون متواجد..

[لبيبة]

تسجيل متابعة،

احب البنات والله يعلم بي شكثر احبهم واحب وجودهم اللطيف اللي يجمل حياتي،

اللهم لك الحمد ولك المنة والفضل جميعًا،

وما في داعي اكتب لأنج يا يمامة تعرفين عني كل شي،

الله يحفظ لنا بناتنا ويبلغنا فيهم بكل خير يا رب.

[@north_star@]

هل عانيتم من تربية البنات؟
...........................................

وهل تربية البنت تختلف عن تربية الولد؟
نعم من الطبيعي انه تربية الولد تختلف عن تربية البنت لانه لازم يتربى على الخشونة وتعويده على عادات الرجال على عكس البنت

ما هو الاختلاف ما بين تفكير البنت والولد رغم ان التربية واحدة؟
التربية مب وحدة كما ذكرت في الاجابة على السؤال السابق

هل تضطر الى تمييز البنت بتوفير طلباتها على حساب الولد؟ ولماذا؟
طبعا لا هذا أسلوب خاطئ وربما يولد الحقد والكراهية لدى الولد

كيف تتمنى ان تكون حياة ابنتك في المستقبل؟
اتمنى أول شي يكون من الصالحين وثاني شي يكون رجل يعتمد على نفسه ويتحمل مسؤولياته وياخذ باله من خواته ومن أهل البيت

وتحياتي لكي اخت يمامة على الموضوع الجميل

[مختلف جداََ]

بصراحة ما أذكر إني تعبت في تربيتهم خصوصاً بوجود أمهم .

ما أدري يمكن لأنهم توهم صغار .
لا أدري

[بومحمد المطاوعه]

موضوع طيب
الله يطيب ايامج اختي ،،


راجع ان شاءالله

[رهج السنابك]

البنت عوبه وحنانه وزنانه وشطانتها اكثر من الولد وكله صراخ وبكي وهم على القلب من وهي صغيره لين تكبر






اتغشمر اتغشمر يه






الصج
البنات الطف الكائنات وعسولات وروحهم حلوه بالبيت
ربيت بنيه وربيت ولد
كلهم عسل ودلع وجمال ولزازة
الله يحفظهم

[بوحارب]

فديت بنوتي وضحة

صارلي كم سنة ماضربتها

واخوانها كل يوم ملشطهم تلشط

لكن مسكينة قبل كم يوم خنقتها لانها قهرتني :(

عالعموم البنات ألطف الكائنات ورحيمات اكثر من الصبيان بوااااايد

[يمامـة]

موضوع حلو وخفيف ظل.. والعنوان ذكرني بمقطع نزلته عُلا الفارس بالإنستقرام هههههههه
بصراحه أنا جربت تربية بنت وحده الله يحفظها ومافيها معاناة ولله الحمد والمنه..فما أقدر أقارن بين تربيتها وتربية الولد من تجربه شخصيه
بس أسمع وأشاهد من خواتي الكثيير^ـ^

أما الأمنيه
أدعوا الله أن يهب لبنتي قلب راضي وحياة كريمه وسعيده بكل جوانبها وتفاصيلها من صلاح دين وخلق وبر وعلم وزوج صالح وأبناء بارين ويرزقها خيري الدنيا والأخره
**ما أدري ليش غالبتني دموعي وأنا أكتب ما أتمنى لبنتي !

الله يخليها لج وبلغج فيها يا ديور..

الدموع جدا طبيعية لانها تتكلم عن سنوات بتمر وبتلقينها صارت عروس ان شاء الله..
اعزميني ان الله عطاني عمر انا وعصاتي ان شاء الله..

[العقل المدمر]

الله يرزقني بنوتات واايد يملون علي البيت
بصراحة رغم اني دايما اسمع من هلي ان البنت تربيتها هم لين تتزوج
اشوف بناتهم اعقل بوايد من الاولاد
مادري شنو الهم اللي يتكلمون عنه
الولد عندهم كله طايش ومايقدرون عليه ومرده يعقل
والبنت يقعدون يحاتونها لين تتزوج لا تطيح فجبدهم
مع ان دام خلفوها لازم يكون حلو على جبدهم :(

[يمامـة]

الله يرزقني بنوتات واايد يملون علي البيت
بصراحة رغم اني دايما اسمع من هلي ان البنت تربيتها هم لين تتزوج
اشوف بناتهم اعقل بوايد من الاولاد
مادري شنو الهم اللي يتكلمون عنه
الولد عندهم كله طايش ومايقدرون عليه ومرده يعقل
والبنت يقعدون يحاتونها لين تتزوج لا تطيح فجبدهم
مع ان دام خلفوها لازم يكون حلو على جبدهم :(

اليوم التربية بشكل عام لازم تكون هم سواء للبنت او الصبي..
خاصة للي يبي عياله يخافون الله مب يخافون المجتمع فقط..

فالحفاظ على النفس وتشويه السمعة و العرض والشرف الكل سواسية فيه عند الله
لكن المجتمع يسلط كشافاته على البنت واهلها وين ما يروحون لكن الشاب يطلعونه من الباب
بحجة ريال وشايل عيبه..

فمن جذيه تلقين البعض يعتبر وجود البنت هم يتمنى يتخلص منها في اقرب فرصة للزواج..

الله يرزقج يا العقل المدمر عقول مدمرة بناتية صغيرة يارب يدمرون كل فكر ضال
وكل خروج عن الفطرة السليمة..

[يمامـة]

موضوع راقي.. بناتي كل حياتي ولله الحمد ماعانيت بتربيتهم لاني وامهم من وهم صغار ربيناهم تربيه سليمه مافيها دلال زياده ومافيها ايضا عنف او تمييز عن الاولاد بشي.. وايضا ابتعدنا عن ثقافة ادخال المفاهيم الغربيه لهم منذ الصغر يعني ماعودناهم التعلق بشخصيات كرتونيه غربيه وماكانو يجابلون التلفزيون طول الوقت او الفيدو جيم.. بالعكس عودناهم على اسلوب التحدث والجمعه مع الاهل واللعب مع بعضهم وتكوين صداقات واهم شي محفظة القران اللي كانت تيجي تحفظهم منذ الصغر وانا كنت اهتم اني اقراء لهم قصص الانبياء بمساعدة امهم لما مايكون عندي وقت او مااكون متواجد..

ما شاء الله تبارك الرحمن الله يبلغك فيهم يا اخوي طبيب قطري..
ولا يغير عليكم ويزيدكم ترابط و تفاهم..

[يمامـة]

تسجيل متابعة،

احب البنات والله يعلم بي شكثر احبهم واحب وجودهم اللطيف اللي يجمل حياتي،

اللهم لك الحمد ولك المنة والفضل جميعًا،

وما في داعي اكتب لأنج يا يمامة تعرفين عني كل شي،

الله يحفظ لنا بناتنا ويبلغنا فيهم بكل خير يا رب.

الله يحفظ لج كل غالي يا لبيبة ويبلغج فيهم..
واللهم آمين..

[يمامـة]

هل عانيتم من تربية البنات؟
...........................................

وهل تربية البنت تختلف عن تربية الولد؟
نعم من الطبيعي انه تربية الولد تختلف عن تربية البنت لانه لازم يتربى على الخشونة وتعويده على عادات الرجال على عكس البنت

ما هو الاختلاف ما بين تفكير البنت والولد رغم ان التربية واحدة؟
التربية مب وحدة كما ذكرت في الاجابة على السؤال السابق

هل تضطر الى تمييز البنت بتوفير طلباتها على حساب الولد؟ ولماذا؟
طبعا لا هذا أسلوب خاطئ وربما يولد الحقد والكراهية لدى الولد

كيف تتمنى ان تكون حياة ابنتك في المستقبل؟
اتمنى أول شي يكون من الصالحين وثاني شي يكون رجل يعتمد على نفسه ويتحمل مسؤولياته وياخذ باله من خواته ومن أهل البيت

وتحياتي لكي اخت يمامة على الموضوع الجميل

تحياتك مقبولة يا النجم الشمالي وشكرا على اعطاء الاسئلة من وقتك..
والله يبلغك في بناتك وصبيانك اللهم امين..

[يمامـة]

بصراحة ما أذكر إني تعبت في تربيتهم خصوصاً بوجود أمهم .

ما أدري يمكن لأنهم توهم صغار .
لا أدري

يصير ليش لا.. وجود الأم له دور كبير في حمل مسؤولية التربية
فقد تحملها بحب وحنان و عطف وقد تحملها بشدة وغضب و..
وفي الاخير الاب يجني الثمار وان شاء الله تكون ثمار نفخر بانتاجها..

الله يخليهم لك بنوتاتك الصغار ويبلغك فيهم ويخلي لك امهم..

[يمامـة]

موضوع طيب
الله يطيب ايامج اختي ،،


راجع ان شاءالله

حياك الله في كل وقت يا اخو بو محمد

[يمامـة]

البنت عوبه وحنانه وزنانه وشطانتها اكثر من الولد وكله صراخ وبكي وهم على القلب من وهي صغيره لين تكبر






اتغشمر اتغشمر يه






الصج
البنات الطف الكائنات وعسولات وروحهم حلوه بالبيت
ربيت بنيه وربيت ولد
كلهم عسل ودلع وجمال ولزازة
الله يحفظهم

ارسطوو اتفق معاج في السطر الاول من غير غشمرة
البنت الاحظ عليها تتصف بمل هالصفات اذا ما تم ضبطها واعادة برمجتها
على عكس الصبي اللي يخلص اموره بنفسه ويعيش حياته من غير حنه ورنة وسندارة..

لكن مثل ما قلتي الاثنين حلوين وطعمين وسكريين وبنحبهم وبنحبج في الصيف وبنحبج في الشتي:shy:

[يمامـة]

فديت بنوتي وضحة

صارلي كم سنة ماضربتها

واخوانها كل يوم ملشطهم تلشط

لكن مسكينة قبل كم يوم خنقتها لانها قهرتني :(

عالعموم البنات ألطف الكائنات ورحيمات اكثر من الصبيان بوااااايد

في هذي صدقت والله..

يا سبحان الله قلب البنت يحمل هم الام والاب اكثر من قلب الولد...............> يبي لنا نعرف شسالفة
خااااصة ما بعد الزواج.. تلقى البنت تحن تكون قريب امها و ابوها اكثر من الصبي اللي يحب يكمل حياته بطريقته..

اما خنقتها :unsure: ( اندر تيكر) .. الله يخليها لك جنتي خطيبة ولدي .. ويخلي لك اخوانها يارب
ويبلغك فيهم كلهم ويخلي لك امهم و ما تاخذ وحدة ثانية عليها:telephone:

[نوفا91]

بنتي للحين صغيره بس احس تربية البنات صايره اصعب بكثير عن قبل مع الانفتاح اللي نشوفه ، راح يتطلب جهد مني كبير


بس تدرين يايمامه اني ما احب البنات :secret:

[بومحمد المطاوعه]

حياك الله في كل وقت يا اخو بو محمد

الله يحييج اختي

ان شاءالله بشارك ..

بس مصدوم محد شارك ههههههه
لو انتقاد
بتشوفين ضرب نعل هني :nice:

الله المستعان

[مختلفة عقليا]

السلام عليكم

ياتني العبره وانا اقراء ., حسيت اني اقراء معنات امي حبيتي وابوي الغالي ,’

تخيلت امي وابوي يكتبون عن تربيتي .,

الله يرزقهم الجنه من اوسع ابوابها .,

وانا ادري اتعبوا وايد في تربيتنا .,

وم عندي اعيال ., ماعندي تجربه في الموضوع .,

ويسلموو

[بصمة قطرية]

موضوع عنصري بحت .. !!!
أرفض هالنوع من المواضيع ..
ليش يعني بس خصيتي البنات و تربية البنات ..!!؟؟ :(
حتى الأولاد حلوين والله حلوين و يمكن مرات أحلى من البنات ..

[يمامـة]

الله يحييج اختي

ان شاءالله بشارك ..

بس مصدوم محد شارك ههههههه
لو انتقاد
بتشوفين ضرب نعل هني :nice:

الله المستعان

لانه الموضوع هجوم على البنات بالتالي ما يحتاج دفاع عنها بحق او بباطل..

فخلنا في هدوئنا هذا وخلنا نستمتع بجمال المشاركات الوردية الهادية فيه..

[يمامـة]

موضوع عنصري بحت .. !!!
أرفض هالنوع من المواضيع ..
ليش يعني بس خصيتي البنات و تربية البنات ..!!؟؟ :(
حتى الأولاد حلوين والله حلوين و يمكن مرات أحلى من البنات ..

هاهاها.. يحق لج تحسين بالعنصرية.. مع اني توقعت بتعبرين عن
شعور خوض تجربة تربية البنت..

وبما ان احنا متخصصين في تربية الصبيان.. خليني اعترف اني
بشكل عام احب الصبيان اكثر من البنات... لأني اشوف البنات دلوعات
وما استحمل دلعهم :(

ولكن لما شرفوا الشباب الصغار.. قلبي كان يتلهف على التناير القصيرة
في المحلات وخاطري اشتريها بس من له؟ فكنت ابي يكون عندي بنت..

وياتني البنت فكانوا ينادونها في الممرضات الاميرة لانها عقب ثلاث شباب
ما اتذكر اني ربيتها غير عن الصبيان الا في ملابسها والعابها.. بينما التربية كانت وحدة
ولما بدت تكبر فرضت علي فرض اني اتفهم ان البنت غير عن الصبي
وان البنت حساسة اكثر من الصبي وفيها دلع وفيها رقة عكس الصبيان الدفشين..

الله يحفظهم لنا يارب كلهم..

[يمامـة]

السلام عليكم

ياتني العبره وانا اقراء ., حسيت اني اقراء معنات امي حبيتي وابوي الغالي ,’

تخيلت امي وابوي يكتبون عن تربيتي .,

الله يرزقهم الجنه من اوسع ابوابها .,

وانا ادري اتعبوا وايد في تربيتنا .,

وم عندي اعيال ., ماعندي تجربه في الموضوع .,

ويسلموو

وعليكم السلام ورحمة الله وبركاته

:"(
شنسويت لكم كله تخنقكم العبرة بسبة هالموضوع :"(

اشلون ممكن تفسرين هالدموع اللي تبللت بعض المشاركات؟

انتي تذكرتي تعب امج وابوج.. لكن اللي تكلموا عن بناتهم ليش تتوقعين ادمعت عيوني؟

[يمامـة]

بنتي للحين صغيره بس احس تربية البنات صايره اصعب بكثير عن قبل مع الانفتاح اللي نشوفه ، راح يتطلب جهد مني كبير


بس تدرين يايمامه اني ما احب البنات :secret:

كنت مثلج ما احب البنات..
وللحين ما استحمل دلعهم وايد.. والكل متحلف فيني يبرد حرته فيني في احفادي ان الله راد
ورزق عيالي عيال..

لأني لو قعدت في بيت ابوي وشفت دلع البنات الماصخ اعصب عليهم:shy:.. و اذا مر وما سلموا علي
اعصب عليهم ويمكن اعاقبهم .. فاحرمهم من اي شي اوزعه على الكل:secret:
فصاروا من يدخلون يحرصون يسلمون علي.. فاختي تقولي لا تنبسطين ترى مب حبا فيج
ولكن خوفا منج.. اقول لهم المهم يعبروني:shy:

لكن لما اشوف دلع بنت اخوي وسوالفها .. واشوف سوالف ولدي اخوي الثاني وهو بنفس عمرها
والكل يحبه من سوالفه الحلوة.. اشوف البنت غير فيها نعومة وفيها دلع وفيها حركات خاصة فيها
ما تنقبل من الصبي خير شر.. في الوقت اللي مهما شجعنا الولد على الدفاشة الا ان نعاني من دفاشتهم..

[بصمة قطرية]

هاهاها.. يحق لج تحسين بالعنصرية.. مع اني توقعت بتعبرين عن
شعور خوض تجربة تربية البنت..

وبما ان احنا متخصصين في تربية الصبيان.. خليني اعترف اني
بشكل عام احب الصبيان اكثر من البنات... لأني اشوف البنات دلوعات
وما استحمل دلعهم :(

ولكن لما شرفوا الشباب الصغار.. قلبي كان يتلهف على التناير القصيرة
في المحلات وخاطري اشتريها بس من له؟ فكنت ابي يكون عندي بنت..

وياتني البنت فكانوا ينادونها في الممرضات الاميرة لانها عقب ثلاث شباب
ما اتذكر اني ربيتها غير عن الصبيان الا في ملابسها والعابها.. بينما التربية كانت وحدة
ولما بدت تكبر فرضت علي فرض اني اتفهم ان البنت غير عن الصبي
وان البنت حساسة اكثر من الصبي وفيها دلع وفيها رقة عكس الصبيان الدفشين..

الله يحفظهم لنا يارب كلهم..

شلون بعبر عن شعور خوض تجربة تربية البنات
و أنا ما عندي بنت ..!!
بقول لج على شي ..
صحيح ما عندي بنت
لكن ما حرمت نفسي من متعة تربية و تدليع البنات ..
كل بنت تجي في العيلة بمثابة بنتي
يعني تاخذ مني دلع ما تحصله عند أمها ..
أحب البنات واااايد
أدلعهم اشتري لهم كل اللي يعجبني
سواء بنات صديقاتي و لا بنات أخواني ..
البنت حلوة بدلعها و حنيتها ..
و من حقها البنت تتدلع يعني إذا البنت ما تدلعت
من راح يتدلع الولد ..!!
عموماً البنات حلوات و الأولاد حلوين ..
و تربية البنت الكل يشوفها صعبة في هالزمن
مع إني أشوف إن تربية الولد صعبة و ممكن تكون أصعب
من تربية البنت ..
البنت أنا بقيدها بالطلعات يعني ما تطلع إلا معاي
الولد بيكبر و بيسوق و بيطلع مع ربعه
و الأم تقعد تحاتي طول ما هو برع ..

الله يحفظهم و يبعد عنهم عيال الحرام ..

[يمامـة]

شلون بعبر عن شعور خوض تجربة تربية البنات
و أنا ما عندي بنت ..!!
بقول لج على شي ..
صحيح ما عندي بنت
لكن ما حرمت نفسي من متعة تربية و تدليع البنات ..
كل بنت تجي في العيلة بمثابة بنتي
يعني تاخذ مني دلع ما تحصله عند أمها ..
أحب البنات واااايد
أدلعهم اشتري لهم كل اللي يعجبني
سواء بنات صديقاتي و لا بنات أخواني ..
البنت حلوة بدلعها و حنيتها ..
و من حقها البنت تتدلع يعني إذا البنت ما تدلعت
من راح يتدلع الولد ..!!
عموماً البنات حلوات و الأولاد حلوين ..
و تربية البنت الكل يشوفها صعبة في هالزمن
مع إني أشوف إن تربية الولد صعبة و ممكن تكون أصعب
من تربية البنت ..
البنت أنا بقيدها بالطلعات يعني ما تطلع إلا معاي
الولد بيكبر و بيسوق و بيطلع مع ربعه
و الأم تقعد تحاتي طول ما هو برع ..

الله يحفظهم و يبعد عنهم عيال الحرام ..

امين يارب العالمين..
اللي قصدته انج بتقولين ان خاطرج تخوضين تجربة تربية بنت
( يعني ان شاءالله ربنا يرزقج ببنوتة امورة وحبووبة ودلوعة)


التربية للي بيشل همها صعبة سواء للبنت او الولد..
لكن لأن البنت بشكل عام يبي لها تفاهم و حرص وشدة علشان
تلتزم بضوابط كثيرة في ملبسها
وصوتها و مشيتها و شكلها.. فمن جذيه تظهر الصعوبة عند البعض
وخاصة عند تمرد هالبنات و الخوف عليهم من الانجراف خلف كل شي موضة يمر عليهم..

[حسن]

والله ياليمامه البنات حلوين

الحمدلله الله رزقني ببنتين وولدين ولكن ماشفت معاناه في تربيتهم نهائيا
والحمد لله هادين جدا ولاهم مزعحجين جدا ولا يصارخون نهائيا
يعني يجننون مثلي

:)

بالنسبه للي اشوفه في لبعض العرب من مايعانونه من ازعاج
وأقول الحمدلله رب العالمين اني ماشفت ذره من اللي يقولونونه
يمكن لان الله عطاني على نيتي
وماعندي أي تفريق بينهم

:)

[بوحارب]

في هذي صدقت والله..

يا سبحان الله قلب البنت يحمل هم الام والاب اكثر من قلب الولد...............> يبي لنا نعرف شسالفة
خااااصة ما بعد الزواج.. تلقى البنت تحن تكون قريب امها و ابوها اكثر من الصبي اللي يحب يكمل حياته بطريقته..

اما خنقتها :unsure: ( اندر تيكر) .. الله يخليها لك جنتي خطيبة ولدي .. ويخلي لك اخوانها يارب
ويبلغك فيهم كلهم ويخلي لك امهم و ما تاخذ وحدة ثانية عليها:telephone:

اللهم امين

ردج حلو ماعدا اخر نص سطر :(

[بصمة قطرية]

امين يارب العالمين..
اللي قصدته انج بتقولين ان خاطرج تخوضين تجربة تربية بنت
( يعني ان شاءالله ربنا يرزقج ببنوتة امورة وحبووبة ودلوعة)


التربية للي بيشل همها صعبة سواء للبنت او الولد..
لكن لأن البنت بشكل عام يبي لها تفاهم و حرص وشدة علشان
تلتزم بضوابط كثيرة في ملبسها
وصوتها و مشيتها و شكلها.. فمن جذيه تظهر الصعوبة عند البعض
وخاصة عند تمرد هالبنات و الخوف عليهم من الانجراف خلف كل شي موضة يمر عليهم..

الحمدلله على اللي عندي ..
أن شاءالله عيالي بيجيبون لي البنات*
الله يبلغني فيهم و يحفظهم ..
صحيح البنت مسؤوليتها صعبة و تربيتها صعبة
كونها بنت و المغريات في هالزمن بالذات كثيرة ..
ما زلت أقول حتى تربية الولد في هالزمن صعبة
لأن المغريات كثيرة و خطيرة ..
الله يحفظهم ..

[يمامـة]

اللهم امين

ردج حلو ماعدا اخر نص سطر :(

افاا.. ظنيته اجمل ما كتبته اليوم..

المهم معوض قريب ان شاء الله.. والله يخليها لك ويخليك لها..

[يمامـة]

الحمدلله على اللي عندي ..
أن شاءالله عيالي بيجيبون لي البنات*
الله يبلغني فيهم و يحفظهم ..
صحيح البنت مسؤوليتها صعبة و تربيتها صعبة
كونها بنت و المغريات في هالزمن بالذات كثيرة ..
ما زلت أقول حتى تربية الولد في هالزمن صعبة
لأن المغريات كثيرة و خطيرة ..
الله يحفظهم ..

الله يبلغج فيهم يا رب يا بصمة..

وتصيرين جدة البنات والصبيان..:shy:

[يمامـة]

والله ياليمامه البنات حلوين

الحمدلله الله رزقني ببنتين وولدين ولكن ماشفت معاناه في تربيتهم نهائيا
والحمد لله هادين جدا ولاهم مزعحجين جدا ولا يصارخون نهائيا
يعني يجننون مثلي

:)

بالنسبه للي اشوفه في لبعض العرب من مايعانونه من ازعاج
وأقول الحمدلله رب العالمين اني ماشفت ذره من اللي يقولونونه
يمكن لان الله عطاني على نيتي
وماعندي أي تفريق بينهم

:)

اوبيه عاد بنتي عكس بناتك يوم كانت صغيرة
كانت عليها صرخة ترج البيت.. وياليت الامر كان مقصور على رجة البيت
الشعيرات الدموية في خشمها دقيقة واايد فكانت تنفجر من صراخها..

ومساكين اخوانها ما يقدرون يسوون لها شي والا صرخت وشرشر الخشم دمان..
عاد صرت تحت ضغط نفسي ما اعرف متى تكون هي اللي صح ا متى اخوانها هم اللي غلط.
فحذرتها لو صرخت مرة ثانية بضربها.. لكنها ما طاعت فاجرمت فيها مرة من المرات
لاني قلت لها ما بي اسمع حسج خير شر.. وكانت الحادثة اللي فصلنا فيها فيز الصراخ من مخها..

والحين تمشي تنقط هدوء ولله الحمد لدرجة انهم يقولون لي مستحيل هذي بنتج هي عكسج:weeping:

فالبنات حلوات وسكرات وزي الفل.. وبنياتك من الله فيزات الصراخ مسحوبة من مخوخهم ما شاء الله تبارك الرحمن.
و اتفق معاك ان الواحد بعد يحصل على قد نياته في ذريته .. واللهم ارزقنا الخير لنا وحق عيالنا..

الله يخلي لك عيالك ويبلغك فيهم يا اخوي حسن..

[بوحارب]

افاا.. ظنيته اجمل ما كتبته اليوم..

المهم معوض قريب ان شاء الله.. والله يخليها لك ويخليك لها..


خالتو اليمامة

كلامج طيب وفخم
ويدخل القلب لانه طالع من القلب ،،،!
مب كلام ينقط بدون اي اهتمام وشغل بدون ذرابه :)
بس يعني النص سطر الأخير

احس انج حجرتي واسعاً:(


المهم نرجع للموضوع الفخم

البنات حلوين واحبهم وخاصه بوعمر سنه الى ثلاث سنوات
خاطري في بنتي واسميها روضه او لولوه :)

[السديم]

اللهم لك الحمد ان ربي ماحرمنا من الذرية الصالحة ..

اموت على البنات وتربيتهم ودلعهم .. ويوم كنت حامل ودريت انهم توأم تمنيت يكونون بنتين .. بس اللهم لك الحمد جاني بنت و ولد ..

الكل يقولي نلاحظج تحبين الولد وتتشفقين عليه اكثر مع اني ماحس بهالشي واحبهم نفس الحب .. حاليا للحين صغار مادري شلون بكون في التعامل معاهم مستقبلا ..

لكن اتوقع بنتي دلوعة و مزاجية شوي الله يعينا على تربيتهم التربية الصالحة يارب ..

[يمامـة]

اللهم لك الحمد ان ربي ماحرمنا من الذرية الصالحة ..

اموت على البنات وتربيتهم ودلعهم .. ويوم كنت حامل ودريت انهم توأم تمنيت يكونون بنتين .. بس اللهم لك الحمد جاني بنت و ولد ..

الكل يقولي نلاحظج تحبين الولد وتتشفقين عليه اكثر مع اني ماحس بهالشي واحبهم نفس الحب .. حاليا للحين صغار مادري شلون بكون في التعامل معاهم مستقبلا ..

لكن اتوقع بنتي دلوعة و مزاجية شوي الله يعينا على تربيتهم التربية الصالحة يارب ..

ما شاء الله.. الله يخليهم لج يا السديم..

يجوز تهتمين فيه اكثر لطبيعة شخصيته اللي تختلف عن طبيعة شخصية اخته..
فالناس يظنون انج تحبينه و تتشفقين عليه اكثر..

فالاطفال في مثل هالعمر حلوين كلهم لكن مثل ما قلت في امور تخلينا نراعي و نهتم في واحد اكثر من الثاني..

الله يحظفهم لج وتربيهم التربية الصالحة ويبلغج فيهم وتفرحين في عرسهم وتخرجهم من الجامعات.. اللهم آمين..

[يمامـة]

خالتو اليمامة

كلامج طيب وفخم
ويدخل القلب لانه طالع من القلب ،،،!
مب كلام ينقط بدون اي اهتمام وشغل بدون ذرابه :)
بس يعني النص سطر الأخير

احس انج حجرتي واسعاً:(


المهم نرجع للموضوع الفخم

البنات حلوين واحبهم وخاصه بوعمر سنه الى ثلاث سنوات
خاطري في بنتي واسميها روضه او لولوه :)

احسك انك شرير يا بوحروب وخاصة في عدم رضاك في الجزء اللي تعترض عليه كل اشوي
ومع هذا الله يخليك لها ويخليها لك يارب وتفرحون في عيالكم ويرزقكم عيال اكثر ........> العيال عزوة وسند
ينفعونك لطاحت ضروسك..:tooth:

[بوحارب]

هههههههههه

اللهم امين

مافيه احلى من العيال

والله يرزق كل محروم


وعطوها واحد عصير الحب حجم كبير على حسابي ;)

[نوار قطر]

ياحلووو موضووعج يا يمامه

فددديت بنووتي ربي يحفظها الحمدلله ماعانيت ابد في تربيتها ولا تعبتني هاديه ووااايد قنووعه سويلفاتها سوالف عياييز ومن صغرتها دووم كنت ادعي ان ربي يعييني على تربيتها،، ربيتها من صغرتها على اشياء والحمدلله مشت عليها وهالشي ريحني في تربيتها ،، هالبنت دووم شاريه راسها،، مدرستها تقول لي تعجبني ان اذا حد قال لها شي في الصف وضايقها مااتهاوش معاهم او اتيي تقول حق مدرستها ،،تمشي وتخليهم تقول حق المدرسه اذا هم قليلات ادب ليش اصير مثلهم ،،، بالنسبه حق الولد ربيت اخوي بس طبعا ايامهم غير عن هالايام بس فعلا ،، تربية الولد وايد اصعب من البنت ،،، الولد يبي له ريال معاه يشوفه وين يروح ووين ايي ،، البنت تحت امها ،، ان طلعت الام راحت معاها ،، وان قعدت الام فالبيت بتلقينها تحتها ماتفارقها ،،

الله يحفظ اعييلنا من كل شر

[ضوى]

فديت البنات وتربيه البنات وحب البنات اييه عليهم بس ليت الدنيا كلهم بنات

[ضوى]

ياحلووو موضووعج يا يمامه

فددديت بنووتي ربي يحفظها الحمدلله ماعانيت ابد في تربيتها ولا تعبتني هاديه ووااايد قنووعه سويلفاتها سوالف عياييز ومن صغرتها دووم كنت ادعي ان ربي يعييني على تربيتها،، ربيتها من صغرتها على اشياء والحمدلله مشت عليها وهالشي ريحني في تربيتها ،، هالبنت دووم شاريه راسها،، مدرستها تقول لي تعجبني ان اذا حد قال لها شي في الصف وضايقها مااتهاوش معاهم او اتيي تقول حق مدرستها ،،تمشي وتخليهم تقول حق المدرسه اذا هم قليلات ادب ليش اصير مثلهم ،،، بالنسبه حق الولد ربيت اخوي بس طبعا ايامهم غير عن هالايام بس فعلا ،، تربية الولد وايد اصعب من البنت ،،، الولد يبي له ريال معاه يشوفه وين يروح ووين ايي ،، البنت تحت امها ،، ان طلعت الام راحت معاها ،، وان قعدت الام فالبيت بتلقينها تحتها ماتفارقها ،،

الله يحفظ اعييلنا من كل شر

افاااا عيل وين تيري وميري ، الا الامهات من سوق لسوق ومن عرس لين عرس مب انتي تربين الشغاله تربي ميري وربعها

فاهمتني نوار صح

يعل ربي يبارك لج فيها ويرزقج برها ويرزقنا اجمعين بر عيالنا

[بريق الحق]

موضوع عنصري (:
ضوى تبي الدنياء كلها بنات الله يستر بس (:

[ضوى]

لا ابي البنات وابوهم واخوانهم واعمامهم وخوالهم وازواجهم وعيالهم مالنا بد منهم هم راس المال ، بس جملتي تعبير مجازي

[بريق الحق]

:shy:

[نوار قطر]

افاااا عيل وين تيري وميري ، الا الامهات من سوق لسوق ومن عرس لين عرس مب انتي تربين الشغاله تربي ميري وربعها

فاهمتني نوار صح

يعل ربي يبارك لج فيها ويرزقج برها ويرزقنا اجمعين بر عيالنا

ههههههههههه اي والله ياضوى
تيري مخليتها بس تشيل شنطتها وميري تمشي وراها من مجمع لي مجمع وبعد عندي كوماري تطبخ لها كل ما لذ وطاب :shy:
اااامين يارب الله يبارك لنا فيهم ويجعلهم من الذريه الصالحه

[الجـــوديّ]

موضوع عنصري بحت .. !!!
أرفض هالنوع من المواضيع ..
ليش يعني بس خصيتي البنات و تربية البنات ..!!؟؟ :(
حتى الأولاد حلوين والله حلوين و يمكن مرات أحلى من البنات ..

فديت الصبيان أنا ....... أموت فيهم الله يحفظهم ويخليهم لي ويخلي لج عيالج بصمة
ونيسييييين على حللله ... وعندهم سالفة يقولونها

أما البنات ....... ما استحمل ملاقتهم :(

[ضوى]

خلاص عيل متعادلين بهالموضوع

الجودي ام الصبيان

ضوى ام البنيات

اشوف غيري رايج يالجودي عقب ماعرفج على شيخة البنات العليا

[بصمة قطرية]

فديت الصبيان أنا ....... أموت فيهم الله يحفظهم ويخليهم لي ويخلي لج عيالج بصمة
ونيسييييين على حللله ... وعندهم سالفة يقولونها

أما البنات ....... ما استحمل ملاقتهم :(

آميييين ياااارب
إي والله فديتهم و فديت سوالفهم و مغامراتهم ..
الله يخليهم لج و يكبرون و تشوفين السوالف العدلة
خخخخخخخخ
و تصيرين عقب مثلي خبرة مواتر ^_*

[بصمة قطرية]

الله يبلغج فيهم يا رب يا بصمة..

وتصيرين جدة البنات والصبيان..:shy:

آمييين ياااااارب
الله يتمم لولدج على خير و تشوفين عياله و عيال عياله ..

[qatara]

كان يما كان

وكان يما كان

ذكرتيني بغنية مياده الحناوي

بالثمانينات

[الحياة الخالدة]

الله يخلي لكم بناتكم و يبلغكم فيهم و يطرح فيهم البركة
البنات و الاولاد خير و بركة .. و نعمة عظيمة من الله

[يمامـة]

هههههههههه

اللهم امين

مافيه احلى من العيال

والله يرزق كل محروم


وعطوها واحد عصير الحب حجم كبير على حسابي ;)

وشو عصير الحب ذيه بعد يا بو حروب؟ قبل ما توهقني فيه :(


فديت البنات وتربيه البنات وحب البنات اييه عليهم بس ليت الدنيا كلهم بنات

يحق لج تكتبين هالشي تأُير اخر العناقيد واضح في حروفج..
الله يحفظها لج ويخلي لج اخوانها واختها الامورة..


موضوع عنصري (:
ضوى تبي الدنياء كلها بنات الله يستر بس (:

تطمن مستحيل يستوي هالشي.. فهذا من ستر رب العالمين..

[يمامـة]

ياحلووو موضووعج يا يمامه

فددديت بنووتي ربي يحفظها الحمدلله ماعانيت ابد في تربيتها ولا تعبتني هاديه ووااايد قنووعه سويلفاتها سوالف عياييز ومن صغرتها دووم كنت ادعي ان ربي يعييني على تربيتها،، ربيتها من صغرتها على اشياء والحمدلله مشت عليها وهالشي ريحني في تربيتها ،، هالبنت دووم شاريه راسها،، مدرستها تقول لي تعجبني ان اذا حد قال لها شي في الصف وضايقها مااتهاوش معاهم او اتيي تقول حق مدرستها ،،تمشي وتخليهم تقول حق المدرسه اذا هم قليلات ادب ليش اصير مثلهم ،،، بالنسبه حق الولد ربيت اخوي بس طبعا ايامهم غير عن هالايام بس فعلا ،، تربية الولد وايد اصعب من البنت ،،، الولد يبي له ريال معاه يشوفه وين يروح ووين ايي ،، البنت تحت امها ،، ان طلعت الام راحت معاها ،، وان قعدت الام فالبيت بتلقينها تحتها ماتفارقها ،،

الله يحفظ اعييلنا من كل شر

الحلو تفاعلكم معاه:shy:

واللهم يحفظهم يارب ويهديهم للي يحبه ويرضاه..
اللي ييمز البنات يا نوار وهالشي لاحظته فيهم اكثر من الصبيان انهم لهم سوالف العيايز
وانهم يحبون يلعبون دور ربة البيت او المدرسة.. لكن الصبيان مروا علي اربع الله يحفظهم
و حتى الصبيان حولي ما لقيت واحد فيهم لعب دور المعلم ( ياربي ليش؟)..

بالنسبة للاختلاف ما بين تربية الولد والبنت.. للأمانة اشوفها كلها وحدة والطفل
واشوف الام يقع على عاتقها المسؤولية الاكبر في ضبط تربيتهم من هم صغار لين ما يبلغون
وفوقهم كم سنة بعد.. ما الغي دور الاب.. بس بحكم تواجدها معاهم بشكل اكبر اشوف
ان الام دورها اكبر من دور الاب في التربية سواء للبنت او الولد..

[يمامـة]

فديت الصبيان أنا ....... أموت فيهم الله يحفظهم ويخليهم لي ويخلي لج عيالج بصمة
ونيسييييين على حللله ... وعندهم سالفة يقولونها

أما البنات ....... ما استحمل ملاقتهم :(

والبنات حلوات بعد.. و ولوة سوالفهم لكن مب حلو دلعهم الزايد.. ومثل ما قلتي يصيرون مليغات
لو كثروا دلع وتحولوا لصوايات تحن وترن لو ما نفذوا لهم اللي يبونه او لو جاسوهم بزخة بسيطة..

والله يخلي لج الصبيان ويرزقج من طعامة البنات يارب.

[يمامـة]

آمييين ياااااارب
الله يتمم لولدج على خير و تشوفين عياله و عيال عياله ..

اللهم امين.. و شكرا لج يا بصمة..

[يمامـة]

كان يما كان

وكان يما كان

ذكرتيني بغنية مياده الحناوي

بالثمانينات

ضحكتني مشاركتك .. ولقيت فيها ذكاء استدعت اني اوقف عندها
( رغم التنبيه في بداية الموضوع الا انك قدرت تعبر عن اللي في خاطرك بطريقة ملتوية:nop:)

و تجاوبا مع اللي كنت تبي تقوله نكمل كلام ميادة اللي تقول:

كان يا ما كان.. كان يا ما كان
الحب مالي بيتنا و مدفينا الحنان..

زارنا زمان سرق منا فرحتنا والراحة و الامان..




الله يخلي لكم بناتكم و يبلغكم فيهم و يطرح فيهم البركة
البنات و الاولاد خير و بركة .. و نعمة عظيمة من الله
اللهم آمين يالحياة الخالدة ..

[بومحمد المطاوعه]

الله يجزاكي خير اختي يمامه ,.,

موضوعج طيب
والتفاعل اطيب ,,

والحمدلله البنات نعمه من الله ,,
وحتى الأولاد
كلها امر من الله يرزق من يشاء ,,
والحمدلله المال والبنون زينه الحياة الدنيا ..

وانا عن نفسي احب بناتي الجوري والمها ,,
اكثر من محمد ولدي ,,
لأني احصل منهم خدمه اكثر من محمد
الولد غير عن البنت مهما كان ,,

البنات لو تقولين لهم همزو ريلي ولا ظهري
يهمزون ولا يوقفون ,, اما الولد يزهق خخخخخ

بابا خلاص ولا بس صح ,,

يحكم على كيفه
لأن مب رقيق مثل البنت ,,
ولكن يعجبني الولد في امور الشباب ,., مثل تجمع سيارات ولا اروح الكاراج ولا لين اشتغلت على موتري فالحوش ,,
يخدمني والحمدلله يحب هالسوالف ,,
طلعات البحر ولا رحلات ولا اي مكان اهو اول واحد فالسياره ماشاءالله عليه ,,

هذي الي نعرفه من فتحنا عيونا ع الدنيا ,, ان البنت تفرق عن الولد مليون درجه ,,
والولد له سوالفه والبنات لهم سوالفهم في كل شي ..

والله يحفظ عيالكم وعيالنا يارب وعيال المسلمين اجمعين ..

[يمامـة]

الله يجزاكي خير اختي يمامه ,.,

موضوعج طيب
والتفاعل اطيب ,,

والحمدلله البنات نعمه من الله ,,
وحتى الأولاد
كلها امر من الله يرزق من يشاء ,,
والحمدلله المال والبنون زينه الحياة الدنيا ..

وانا عن نفسي احب بناتي الجوري والمها ,,
اكثر من محمد ولدي ,,
لأني احصل منهم خدمه اكثر من محمد
الولد غير عن البنت مهما كان ,,

البنات لو تقولين لهم همزو ريلي ولا ظهري
يهمزون ولا يوقفون ,, اما الولد يزهق خخخخخ

بابا خلاص ولا بس صح ,,

يحكم على كيفه
لأن مب رقيق مثل البنت ,,
ولكن يعجبني الولد في امور الشباب ,., مثل تجمع سيارات ولا اروح الكاراج ولا لين اشتغلت على موتري فالحوش ,,
يخدمني والحمدلله يحب هالسوالف ,,
طلعات البحر ولا رحلات ولا اي مكان اهو اول واحد فالسياره ماشاءالله عليه ,,

هذي الي نعرفه من فتحنا عيونا ع الدنيا ,, ان البنت تفرق عن الولد مليون درجه ,,
والولد له سوالفه والبنات لهم سوالفهم في كل شي ..

والله يحفظ عيالكم وعيالنا يارب وعيال المسلمين اجمعين ..

الله يحفظ لك محمد والمها والجوري ( المها من الاسماء اللي قلبي يحبها ما ادري ليش)
صدقت احنا الحين في بيت ابوي.. نلقى البنات هم اللي محاوطين الام والابو مهما ابدوا الشباب
اهتمامهم الا ان احنا راحتنا و فسحتنا تكون في بيت ابونا .. على عكس الشباب اللي كل ينزل
زوجته في بيت ابوها ويروح يونس عمره مع الشباب..
لذلك الطبيعة الاجتماعية لعبت دور كبير في ان البنات بحكم تواجدهم اكثر في البيت
انهم يكونون اقرب للوالدين.. واللهم لا تغيرنا الا للافضل..

[بومحمد المطاوعه]

الله يحفظ لك محمد والمها والجوري ( المها من الاسماء اللي قلبي يحبها ما ادري ليش)
صدقت احنا الحين في بيت ابوي.. نلقى البنات هم اللي محاوطين الام والابو مهما ابدوا الشباب
اهتمامهم الا ان احنا راحتنا و فسحتنا تكون في بيت ابونا .. على عكس الشباب اللي كل ينزل
زوجته في بيت ابوها ويروح يونس عمره مع الشباب..
لذلك الطبيعة الاجتماعية لعبت دور كبير في ان البنات بحكم تواجدهم اكثر في البيت
انهم يكونون اقرب للوالدين.. واللهم لا تغيرنا الا للافضل..

الله يجزاكي خير اختي ,,
المها اسم جميل ,, وحاب الأسم وانا من عمري 18 سنه :)

وكانت رفيجتي في الروضه اسمها المها هههههه:secret:
الله يحفظها الحين يمكن ام عيال ويمكن عزوبيه
الله اعلم ,..

وان شاءالله الله يرزقني ببنت بسميها ,, هـاجــر ,, بأذن الله

والله لايغير عليكم ويحفظكم يارب ,,

[يمامـة]

الله يجزاكي خير اختي ,,
المها اسم جميل ,, وحاب الأسم وانا من عمري 18 سنه :)

وكانت رفيجتي في الروضه اسمها المها هههههه:secret:
الله يحفظها الحين يمكن ام عيال ويمكن عزوبيه
الله اعلم ,..

وان شاءالله الله يرزقني ببنت بسميها ,, هـاجــر ,, بأذن الله

والله لايغير عليكم ويحفظكم يارب ,,

هاهاها.. لا تشوفك ام محمد..

بنت صديقتي المها.. وهادية جدا هالبنت الله يخليها لها يارب..
أدب واخلاق و هدوء حتى يوم عرسها..

الله يبلغك في المها و الجوري و محمد وكل من يوصل من ذريتك ويصلحهم ويصلحنا ويصلح عيالنا.. امين

[بومحمد المطاوعه]

هاهاها.. لا تشوفك ام محمد..

بنت صديقتي المها.. وهادية جدا هالبنت الله يخليها لها يارب..
أدب واخلاق و هدوء حتى يوم عرسها..

الله يبلغك في المها و الجوري و محمد وكل من يوصل من ذريتك ويصلحهم ويصلحنا ويصلح عيالنا.. امين

ههههههههههههههههههههههههه
شافت ودرت ومدت البوز خخخخخخ
وقالت بغير اسم بنتي المها
عيل مسميها عليها هههههههههه

حفله الحريم فالطنقوووووره والزعل :anger1:

المهم ,,

اللهم امين يارب ,, ويبلغج ف عيالج اختي ,,
ويرزق ولدج خوسيه :nice: بنوته طيبه تشلج فوق راسها .,

جزاكي الله خير الجزاء ,,

[راجي الْعفو]

الله يجزاكي خير اختي ,,
المها اسم جميل ,, وحاب الأسم وانا من عمري 18 سنه :)

وكانت رفيجتي في الروضه اسمها المها هههههه:secret:
الله يحفظها الحين يمكن ام عيال ويمكن عزوبيه
الله اعلم ,..

وان شاءالله الله يرزقني ببنت بسميها ,, هـاجــر ,, بأذن الله

والله لايغير عليكم ويحفظكم يارب ,,

بومحمد ببلغ عليك

وين ياخوي من ايام الروضة و انت عايش جو لندن !

[بومحمد المطاوعه]

بومحمد ببلغ عليك

وين ياخوي من ايام الروضة و انت عايش جو لندن !

هههههههههههههههههه
شفت اشلون ,,


روضه المستقبل كنت
مكس
خلط بلط ههههههههههه

يهال ياخوك يهال لانعلم ههههههههه :eek2:

[يمامـة]

ههههههههههههههههههههههههه
شافت ودرت ومدت البوز خخخخخخ
وقالت بغير اسم بنتي المها
عيل مسميها عليها هههههههههه

حفله الحريم فالطنقوووووره والزعل :anger1:

المهم ,,

اللهم امين يارب ,, ويبلغج ف عيالج اختي ,,
ويرزق ولدج خوسيه :nice: بنوته طيبه تشلج فوق راسها .,

جزاكي الله خير الجزاء ,,

تدري يا اخوي بومحمد.. ما عمري حطيت في بالي ان حريم عيالي يشلوني فوق روسهم
و بينما في بالي دايما و أبدا انهم يشلون بعضهم البعض من غير اي تقصير في حقوقنا تجاهم..

اما بخصوص ام محمد...............> ما اعتقد انها بتزعل من صجها .. بس هي تستخدم
ورقة الزعل علشان تستفيد من طيبتك و عطفك معاها..

والله يخلي لك عيالك..

[عثرة جواد]

السلام عليكم

الله الله امووت ف البناااات احسهم شي ماعرف اوصفة

فيهم دلع وذكاء ولباقة غير طبيعية واتلذذ انرفزهم ع شان اشوف اشلون يتصرفون

الله يحفظهم

وعساج ع القوة

[بومحمد المطاوعه]

تدري يا اخوي بومحمد.. ما عمري حطيت في بالي ان حريم عيالي يشلوني فوق روسهم
و بينما في بالي دايما و أبدا انهم يشلون بعضهم البعض من غير اي تقصير في حقوقنا تجاهم..

اما بخصوص ام محمد...............> ما اعتقد انها بتزعل من صجها .. بس هي تستخدم
ورقة الزعل علشان تستفيد من طيبتك و عطفك معاها..

والله يخلي لك عيالك..

اللهم امين ,,
ولكن اختي لاتيأسين وليش مايشلونهم فوق راسهم ,,!
وين المانع ,,

يازين البنت الي طالعه من بيت محترم
بتشوفج امها مثل ماتشوف امها ,,
وبتحط في بالها ان ام ريلها حسبه امها ,,
والحمدلله هذي الي نشوفه احنا والله لايغير علينا يارب

وبخصوص ام محمد الحمدلله من حقها تزعل علي اذا سويت شي يزعلها
وهذي فطره في كل امرأه ,, الغيره ,,
وكل رجل يغار ,, ولكن غيرة المرأه قويه لأبعد الحدود ,,


جزاكي الله خيرر

[بوحارب]

وشو عصير الحب ذيه بعد يا بو حروب؟ قبل ما توهقني فيه :(



.

انتي قبل كنتي كله تقولين عطوني شراب الحب
على ايام تحداني الزمن الله يذكرها بالخير !_!





وبالنسبة للبنوتات

جميلين وحلوين بس نفسيات أحياناً
لعوزتني وضوح بنفسيتها crazy
ولا لين تقلب علي مره وحده :(

[يمامـة]

السلام عليكم

الله الله امووت ف البناااات احسهم شي ماعرف اوصفة

فيهم دلع وذكاء ولباقة غير طبيعية واتلذذ انرفزهم ع شان اشوف اشلون يتصرفون

الله يحفظهم

وعساج ع القوة
وعليكم السلام ورحمة الله وبركاته

الله يقويج يا عثرة.. والله يتمم عليج وناستج و تلذذج في ننرفزتهم
وتنبسطين لما تشوفين ردود افعالهم.




اللهم امين ,,
ولكن اختي لاتيأسين وليش مايشلونهم فوق راسهم ,,!
وين المانع ,,

يازين البنت الي طالعه من بيت محترم
بتشوفج امها مثل ماتشوف امها ,,
وبتحط في بالها ان ام ريلها حسبه امها ,,
والحمدلله هذي الي نشوفه احنا والله لايغير علينا يارب

وبخصوص ام محمد الحمدلله من حقها تزعل علي اذا سويت شي يزعلها
وهذي فطره في كل امرأه ,, الغيره ,,
وكل رجل يغار ,, ولكن غيرة المرأه قويه لأبعد الحدود ,,


جزاكي الله خيرر

اللي قصدته يا اخوي بو محمد مب اني ما ابي عيالي يشلوني على روسهم
اللي قصدته ان حريم عيالي مالي حق عليهم وبالتالي يكفي عندي ولدي يشلني على راسه
حزتها اكيد زوجته راح تتعلم منه.. فالبعض للاسف يعتبر زوجة الابن ملك خاص وعليها حقوق
لابد ان تقوم بها تجاه ام الزوجة وان كان هذا يزيد عليها اعباء الحياة الزوجية..
لذلك قلت ما بي من حريم عيالي يشلوني فوق روسهم لكني
ابيهم يتفرغون حق ازواجهم ويشلونهم على روسهم ...........> هذي وجهة نظري..

والله يخلي لك ام محمد وحبايب قلبك ونظر عيون ام محمد واللي هم عيالك..




انتي قبل كنتي كله تقولين عطوني شراب الحب
على ايام تحداني الزمن الله يذكرها بالخير !_!





وبالنسبة للبنوتات

جميلين وحلوين بس نفسيات أحياناً
لعوزتني وضوح بنفسيتها crazy
ولا لين تقلب علي مره وحده :(

حسبي الله على ابليسك يا بوحروب الحين شراب الحب خليته نفس عصير الحب

زين شوف وشو شراب الحب


https://www.youtube.com/watch?v=YiJ-0Ah6zX8

اوبيه بدينا الغش بيعطينا بنت ام نفسية :(
ترى خوسيه الوسيم بوكرشة حبوووب ومافيه نفسيات كلش وابتسامته تشل من القلوب الهموم..
ان شاء الله تتغير و لا ياويل حالنا:secret:

الله يحفظها لك ويبلغك فيها يارب.. وتشوفها قمرة في وسط السما..
يعني عروس في حفلة عرسها..

[بوحارب]

يا زينه شراب الحب

عجيب حددده :thumbup:


لا لا ماعليج النفسية اوكي بس لازم مراعاة الشعور شوي

خبرج دلع بنات ما يخلص :)

واللهم امين ولج بمثل ما دعيتي لي


وظهرية ممتعة خالتو يمامة ^_^

[يمامـة]

يا زينه شراب الحب

عجيب حددده :thumbup:


لا لا ماعليج النفسية اوكي بس لازم مراعاة الشعور شوي

خبرج دلع بنات ما يخلص :)

واللهم امين ولج بمثل ما دعيتي لي


وظهرية ممتعة خالتو يمامة ^_^

وظهريتك وعصريتك ومعربيتك يا بوحروب


ملاحظين ان البنات نفسيات بشكل عام.. وخاصة الجيل الحالي فيهم نفسيات غريبة..

الله يهديهم ويصلح لهم حالهم..

[بومحمد المطاوعه]

اللي قصدته يا اخوي بو محمد مب اني ما ابي عيالي يشلوني على روسهم
اللي قصدته ان حريم عيالي مالي حق عليهم وبالتالي يكفي عندي ولدي يشلني على راسه
حزتها اكيد زوجته راح تتعلم منه.. فالبعض للاسف يعتبر زوجة الابن ملك خاص وعليها حقوق
لابد ان تقوم بها تجاه ام الزوجة وان كان هذا يزيد عليها اعباء الحياة الزوجية..
لذلك قلت ما بي من حريم عيالي يشلوني فوق روسهم لكني
ابيهم يتفرغون حق ازواجهم ويشلونهم على روسهم ...........> هذي وجهة نظري..


اي انا اقصد حريم عيالج ,,
مب غلط لو شلوج على راسهم ,, والي ماتحشم ام زوجها هذي مب امرأه سنعه ,,
اذا كانت ام ,, الزوج ,, طبعآ ,,امرأه ,, محترمه وحبوبه وفيها صفات الحسن في التعامل ,,

بعض الأمهات للأسف يسيئون التعامل مع زوجات الأبناء ,,
وبعض الزوجات ماعندهم امهات وتعتبر ام الزوج امها ’’

هذي الدنيا يا اختي ,, بتشوفين الصالح والطالح ,,
الله يرزق عيالج زوجات صالحات ويرزق بناتج ازواج صالحين ,,



والله يخلي لك ام محمد وحبايب قلبك ونظر عيون ام محمد واللي هم عيالك..


اللهم امين ,, جزاكي الله خيرر اختي

[يمامـة]

اي انا اقصد حريم عيالج ,,
مب غلط لو شلوج على راسهم ,, والي ماتحشم ام زوجها هذي مب امرأه سنعه ,,
اذا كانت ام ,, الزوج ,, طبعآ ,,امرأه ,, محترمه وحبوبه وفيها صفات الحسن في التعامل ,,

بعض الأمهات للأسف يسيئون التعامل مع زوجات الأبناء ,,
وبعض الزوجات ماعندهم امهات وتعتبر ام الزوج امها ’’

هذي الدنيا يا اختي ,, بتشوفين الصالح والطالح ,,
الله يرزق عيالج زوجات صالحات ويرزق بناتج ازواج صالحين ,,



اللهم امين ,, جزاكي الله خيرر اختي

الاحترام و الحشيمة موجودة ان شاء الله يا اخوي بو محمد..
بس مثل ما تقول كل له وجهة نظره.. لذلك ما ابي من حريم عيالي الا انهم
يشلون عيالي فوق روسهم.. مع التأكيد ان كلامك بمجمله صحيح..
وشكرا لك على ابداء رايك..

[بومحمد المطاوعه]

الاحترام و الحشيمة موجودة ان شاء الله يا اخوي بو محمد..
بس مثل ما تقول كل له وجهة نظره.. لذلك ما ابي من حريم عيالي الا انهم
يشلون عيالي فوق روسهم.. مع التأكيد ان كلامك بمجمله صحيح..
وشكرا لك على ابداء رايك..

الشكرلله تعالى اختي ,,
الله يجزاج خير ويرزقج ان شاءالله زوجه صالحه لأبنائج ,,

[يمامـة]

الشكرلله تعالى اختي ,,
الله يجزاج خير ويرزقج ان شاءالله زوجه صالحه لأبنائج ,,

الحمدلله.. عندي درة من الدرات النفيسة في البيت الله من بيت كريم والله يهنيهم يارب في حياتهم.. وربي يتمم على الباقي
بدرر مماثلة.. ويرزق جميع امة محمد كل على نياته.. ويصلح حالنا وحال الجميع..

[بومحمد المطاوعه]

الحمدلله.. عندي درة من الدرات النفيسة في البيت الله من بيت كريم والله يهنيهم يارب في حياتهم.. وربي يتمم على الباقي
بدرر مماثلة.. ويرزق جميع امة محمد كل على نياته.. ويصلح حالنا وحال الجميع..

الحمدلله .,

اللهم امين ,,

الله لايغير عليها يارب ,, ولا عليج ولا على المسلمين اجمعين ,,

اسأل الله ان يحفظهم ويحميهم

جزاكي الله خير الجزاء ,,

[يمامـة]

الحمدلله .,

اللهم امين ,,

الله لايغير عليها يارب ,, ولا عليج ولا على المسلمين اجمعين ,,

اسأل الله ان يحفظهم ويحميهم

جزاكي الله خير الجزاء ,,

آمين..