23 ألف مخالفة مرورية تحت مراقبة «""طلع""

[دايموند]

وقال خلال تدشين النظام الجديد، أمس: إن المشروع يهدف إلى رصد المخالفات المرورية بكافة أنواعها، مثل عدم ربط حزام الأمان أو التحدث في الهاتف أثناء القيادة أو التجاوز الخاطئ أو السرعة الزائدة أو السير ببطء أو قطع الإشارة الضوئية، وغيرها من المخالفات التي تشكل خطراً على السلامة العامة على الطريق.

وأشار إلى أن تفعيل كاميرات المراقبة الأمنية بالشوارع والطرق الرئيسية بالدولة، من خلال المشروع، ستعمل على تعزيز الرقابة على الشوارع.
وأضاف أن المشروع يعمل بالتعاون بين إدارة العمليات المركزية والإدارة العامة للمرور وإدارة النظم الأمنية بالإدارة العامة لنظم المعلومات».
وأوضح أن كافة الكاميرات بالشوارع كاميرات ذكية يمكن السيطرة عليها من غرفة العمليات وبها إمكانات رصد المخالفات المرورية بنظام الزوم لتقريب المسافة من السيارة المخالفة وتصويرها في سجل خاص برقم المركبة والمكان الذي وقعت فيه المخالفة ونوع المخالفة، بهدف ضبط الحركة المرورية على الطريق.


وبين أن المشروع سيحسن من التزام قائدي المركبات بقواعد السير والأنظمة والتعليمات المرورية بما يحافظ على حياة وسلامة المواطنين والمقيمين، مشدداً على أن من لا يخطئ لا تسجل عليه مخالفة والأولى الالتزام بقواعد وقانون المرور لتجنب المخالفات.
وأشار إلى أنه سوف يتم إبلاغ أصحاب المركبات المخالفة بالمخالفة المرورية بواسطة الرسائل النصية من خلال خدمة مطراش بحيث لا يفاجأ مالك المركبة بالمخالفة المرورية أثناء تجديد الترخيص. ودعا قائدي المركبات إلى الالتزام بأنظمة وتعليمات السير لتحقيق السلامة المرورية على الطريق وتجنب المخالفات المرورية.


من جانبه أكد المقدم حسن محمد الكواري، مساعد مدير إدارة العمليات المركزية، أن الإدارة استعانت في هذا المشروع بعنصر بشري مدرب على استخدام الكاميرات والتعامل معها بشكل كامل لرصد أية مخالفة مرورية في أي مكان بالدولة، مشيراً إلى أن هذا المشروع سوف يقضي على الازدحام المروري بالدولة ويؤدي إلى التزام قائدي السيارات بقانون المرور، حيث إن أغلب أسباب الازدحام المروري ترجع إلى عدم التزام قائدي السيارات بأنظمة السير ومخالفة قانون المرور.
وأكد أهمية هذا المشروع الذي يوفر البيئة المرورية الآمنة على الطريق، ويشكل مصدراً لتوفير المعلومات اللازمة عن الحركة المرورية ومواقع الازدحام والحوادث المرورية.
وأشار إلى أن كاميرات المراقبة الأمنية واضحة للعيان وفي أماكن ظاهرة، ما يتطلب من الجميع الالتزام فالدولة تخضع للمراقبة الأمنية.
بدوره، أوضح الملازم أول جاسم خميس المريخي، ضابط المراقبة الأمنية بإدارة العمليات المركزية، أن غرفة المراقبة الأمنية تتكون من ثلاثة محاور: محور مروري وآخر أمني وثالث متعلق بأمن الملاعب.
وقال: «نعمل من خلال كادر بشري مدرب يصل إلى 124 من الضباط وصف الضباط والأفراد مقسمين على أربعة «شفتات» يعملون على مدى 24 ساعة على رصد المخالفات المرورية ورصد الجريمة قبل وقوعها، والإبلاغ عن الازدحام المروري والحوادث المرورية».


وأضاف: «نقوم برصد المخالفة ومن ثَمَّ إرسالها إلى غرفة العمليات المركزية وتحرير المخالفة مع أخذ الصور التوضيحية التي تدل على المخالفة للسيارة ورقمها وموقعها ونوعية المخالفة، وذلك في حال اعتراض مالك المركبة يتم إطلاعه على الصور التوضيحية لمركبته المخالفة».
ودشنت إدارة العمليات المركزية بمركز القيادة الوطني بالتعاون مع الإدارة العامة للمرور والإدارة العامة لنظم المعلومات «إدارة النظم الأمنية» أمس مشروع «طلع» للمراقبة الأمنية، والذي يهدف إلى تفعيل كاميرات المراقبة الأمنية بالشوارع والطرق الرئيسية بالدولة لرصد المخالفات المرورية بكافة أنواعها التي حددها قانون المرور، لإحكام السيطرة الأمنية داخل كافة مناطق الدولة مع المساهمة في تيسير الحركة المرورية ورصد أية مخالفة مرورية في حينها.

عيل زادت رواتب قسم المرور
والله اغتنوا منا ...!!

[بن يوسف الثقفي]

رحنا فيها ههههه

[نيساني]

كلاااااااام كبير!!!


وشكراً

[مختلف جداََ]

قواهم الله ، فعلا الشوارع محتاجه ضبط

[دايموند]

طلع الفلوس طلع

[ألعب بعيد]

نفس سالفة مطراش 2 يوم قالو التبليغ بالصور
انزين واهلي معي فالموتر مالهم أي خصوصية !؟

[حسن]

شي جيد وجميل وتاخرنا في تركيبها

ان شاء الله يحصلون كبينتي اللي انسرقت

:)

[النهار]

شي جيد وجميل وتاخرنا في تركيبها

ان شاء الله يحصلون كبينتي اللي انسرقت

:)

ههههههههههههههههههه
انت لين الحين قاعد تدور عليها يبا راحت من بيع امس
المفروض تنحر جلال لانه هو السبب

[العقل المدمر]

نفس سالفة مطراش 2 يوم قالو التبليغ بالصور
انزين واهلي معي فالموتر مالهم أي خصوصية !؟

مركب اهلك وتخالف معاهم ؟
انزين اللي فالشارع كلهم شافوهم
ترى سيارة في الشارع مب ميلس بيتكم

[عيسى111]

لي تحفظ على إسم طلع

هل معناه أن المواطنين والمقيمن صيدة لصقور المرور؟

هل نحن في نظرهم أرانب أو حباري أو أي صيد من نوع آخر؟

[النهار]

الحين طبقوه ولا تحت التجربه
خلاص قررت احط مخفي كامل :weeping:
مافيني شده على ربط الحزام احس اني مخنوق :rolleyes2:

[بوNasser]

" من جانبه أكد المقدم حسن محمد الكواري، مساعد مدير إدارة العمليات المركزية، أن الإدارة استعانت في هذا المشروع بعنصر بشري مدرب على استخدام الكاميرات والتعامل معها بشكل كامل لرصد أية مخالفة مرورية في أي مكان بالدولة، مشيراً إلى أن هذا المشروع سوف يقضي على الازدحام المروري بالدولة ويؤدي إلى التزام قائدي السيارات بقانون المرور، حيث إن أغلب أسباب الازدحام المروري ترجع إلى عدم التزام قائدي السيارات بأنظمة السير ومخالفة قانون المرور. "


الحين مشروع كاميرات في الشوارع، هو اللي بيقضي على الزحام المروري!!!!!

يمكن ليش لا....

[نفسي عزيزه]

الله يستر علينا

[MAZEN37]

انا نفس النهار
ماقدر علغŒ الحزام احس روحي بتطلع

[Al-Kuwari]

لي تحفظ على إسم طلع

هل معناه أن المواطنين والمقيمن صيدة لصقور المرور؟

هل نحن في نظرهم أرانب أو حباري أو أي صيد من نوع آخر؟

اتفق معاك

[Nojoom]

ياربع احس المرور مستأنس على سالفة المخالفات وكأنها تجاره كل يوم ينميها بمشاريع جديده ،،

الكاميرات حلوه مثلا لو صار بلاغ او شي ،،، او حادث ويبون يعرفون من المتسبب ،،،،الخ

لكن لرصد المخالفات !!! اشوف السالفة تجاريه اكثر من انها ضبط الالتزام ،،

ولو المرور صادق ان يبي يضبط الالتزام مثل مابتكر كل هالمور ،،، خله يبتكر طرق عقابيه للمخالفين من غير فلوس ،،

[Sowaidi]

ياربع احس المرور مستأنس على سالفة المخالفات وكأنها تجاره كل يوم ينميها بمشاريع جديده ،،

الكاميرات حلوه مثلا لو صار بلاغ او شي ،،، او حادث ويبون يعرفون من المتسبب ،،،،الخ

لكن لرصد المخالفات !!! اشوف السالفة تجاريه اكثر من انها ضبط الالتزام ،،

ولو المرور صادق ان يبي يضبط الالتزام مثل مابتكر كل هالمور ،،، خله يبتكر طرق عقابيه للمخالفين من غير فلوس ،،

السالفة تجاريه من زمان. اعتبرها ضرائب غير مباشره

[الحياة الخالدة]

" من جانبه أكد المقدم حسن محمد الكواري، مساعد مدير إدارة العمليات المركزية، أن الإدارة استعانت في هذا المشروع بعنصر بشري مدرب على استخدام الكاميرات والتعامل معها بشكل كامل لرصد أية مخالفة مرورية في أي مكان بالدولة، مشيراً إلى أن هذا المشروع سوف يقضي على الازدحام المروري بالدولة ويؤدي إلى التزام قائدي السيارات بقانون المرور، حيث إن أغلب أسباب الازدحام المروري ترجع إلى عدم التزام قائدي السيارات بأنظمة السير ومخالفة قانون المرور. "


الحين مشروع كاميرات في الشوارع، هو اللي بيقضي على الزحام المروري!!!!!

يمكن ليش لا....

ما تدري يا بو ناصر .. سبحان الله
يمكن الناس يخافون من الكاميرات و يقعدون في بيوتهم ما يطلعون
فبالتالي تخف الزحمة
انا اقول يمكن
بعد هم لهم وجهة نظر :secret:

[حسن]

ههههههههههههههههههه
انت لين الحين قاعد تدور عليها يبا راحت من بيع امس
المفروض تنحر جلال لانه هو السبب

والله الصراحه شاقولك مالقيت اهتمام في القضيه ولا لوعلي بهلكبتر وقت التخيم تلف عليهم باطلعها
المشكله مافي كيمرات الى قليله ولا مهمه
في دبي اكثر من 15 سنه كلها كيمرات على الأقل تغنيك عن أمور كثيره وحفظ الامن
اذا الحين الكثير من البيوت فيها كيمرات ماتبي الدوله تحط كيمرات للمراقبه انت ماشفت الولد
السعودي اللي اخطوفوه كيف كيمره الجارصورته

انا ناوي احط في سيارتي كيمره علشان اوثق الاحداث

:)

[.قطر.]

والله الصراحه شاقولك مالقيت اهتمام في القضيه ولا لوعلي بهلكبتر وقت التخيم تلف عليهم باطلعها
المشكله مافي كيمرات الى قليله ولا مهمه
في دبي اكثر من 15 سنه كلها كيمرات على الأقل تغنيك عن أمور كثيره وحفظ الامن
اذا الحين الكثير من البيوت فيها كيمرات ماتبي الدوله تحط كيمرات للمراقبه انت ماشفت الولد
السعودي اللي اخطوفوه كيف كيمره الجارصورته

انا ناوي احط في سيارتي كيمره علشان اوثق الاحداث

:)
سو نفس الاجانب ركب كيمرات في سيارتك وصور شوف الاجانب اشلون يسوون الفيديوهات منتشره ع اليوتيوب خصوصا فيديوهات الحوادث
والله يحفظنا ويحمينا من الحوادث

:)

[مابدل العادات]

خطوه ممتازه ويشكرون عليها الصراحه وخاصه انها تهتم بمراقبه الدوله

وشق المخالفات عجبني يوم ذكر المتجاوزين و الي يقطعون الإشاره والي يمشون ببطئ والأخيره اهم وحده بالنسبه لي اتمنى تتفعل وخاصه في 22 فبراير في غير اوقات الذروه طبعا

ولاكن اذا بيخالفون على الأحزام أو التليفون الصراحه اشوف انه راح يضيع وقتهم لأنهم لازم يقربون الصوره على الموتر ويشيكون على موتر موتر سالفه الأولى يركزون على الأشياء الأكبر والأهم

[جراسا]

والله اللي يلتزم بقوانين المرور ما يهمه كاميرات او رادار
كل واحد يربط الحزام و يلتزم بالسرعات القانونية و ما ينجاوز بشكل خاطئ و اموره طيبة

[.قطر.]

والله اللي يلتزم بقوانين المرور ما يهمه كاميرات او رادار
كل واحد يربط الحزام و يلتزم بالسرعات القانونية و ما ينجاوز بشكل خاطئ و اموره طيبة

:nice:

[دايموند]

الحين طبقوه ولا تحت التجربه
خلاص قررت احط مخفي كامل :weeping:
مافيني شده على ربط الحزام احس اني مخنوق :rolleyes2:


صح كلامك والي حاط مخفي كامل اشلون يصيدونه انه مب لابس حزام الامان او قاعد يهذر بالجوال او او؟!!



ياربع احس المرور مستأنس على سالفة المخالفات وكأنها تجاره كل يوم ينميها بمشاريع جديده ،،

الكاميرات حلوه مثلا لو صار بلاغ او شي ،،، او حادث ويبون يعرفون من المتسبب ،،،،الخ

لكن لرصد المخالفات !!! اشوف السالفة تجاريه اكثر من انها ضبط الالتزام ،،

ولو المرور صادق ان يبي يضبط الالتزام مثل مابتكر كل هالمور ،،، خله يبتكر طرق عقابيه للمخالفين من غير فلوس ،،

اتفق معاك 100%

همهم الفلوس بس للاسف

[معماري قطري]

تعويض حق نزول سعر البترول وياليتها آنية وتوصل الواحد سرعة حتى يعرف وين اخطأَ وتستوي رادع

[معماري قطري]

والله اللي يلتزم بقوانين المرور ما يهمه كاميرات او رادار
كل واحد يربط الحزام و يلتزم بالسرعات القانونية و ما ينجاوز بشكل خاطئ و اموره طيبة

التجاوز بشكل خاطيء يعني من اليمين عادي وغصب في هالوقت لين حصل الواحد واحد ساد اليسار وثاني ساد الوسط يمشون 50 والسرعة 80 ولو تم وراهم بيموت قهر

[Azizuk]

كله كوم وسبب زحمة الشوارع والمخالفين كوم

الحين زحمة الشارع بسبب المخالفين

والله الزحمه سببها المشاريع اللي تدبي

مشروع محطوط له مدة وخطة زمنية سنتين يقعد اربع سنين

والعمال يرقدون جنب المشروع

ليش التجار والمقاولين مايدفعون لهم رواتبهم

والمشكلة لا يوجد بديل بنفس المستوى اذا تم إغلاق وبداء بمشروع جديد في نفس المكان

دوار مدرسة الجزيرة ودوار وقود كم صار لهم تحت الإنشاء

بعض الأوقات أعد العمال اللي في المشروع يوصلون عددهم خمسة

أقول في خاطري هل يعقل مشروع مثل هذا بس عدد قليل من العمال يشتغلون فيه

والجسور لازم تنصب في مكانها

والدول الاخرى يجيك الشارع والجسور والأعمدة مصبوبه وجاهزة يحمل ويتركب تركيب على اليات خاصه وتتركب بوصلات حتى فيها نسبه لتمدد والانكماش

الله يعينه على مشروع طالع

[جاسم الدوحة]

لي تحفظ على إسم طلع

هل معناه أن المواطنين والمقيمن صيدة لصقور المرور؟

هل نحن في نظرهم أرانب أو حباري أو أي صيد من نوع آخر؟

فعلاً
لم يوفقوا أبداً في اختيار الاسم
ولم أعرف كيف يُـنطق أصلاً
ليناسب الفكرة المقصودة !

[جراسا]

التجاوز بشكل خاطيء يعني من اليمين عادي وغصب في هالوقت لين حصل الواحد واحد ساد اليسار وثاني ساد الوسط يمشون 50 والسرعة 80 ولو تم وراهم بيموت قهر

لا يا عزيزي.....مب عادي و غصب....لما تكون واقف على الاشارة ولا الدوار و يجي لك واحد اقل ما تقول عنه قليل ادب.....و يكسر عليك من اليمين...شو تسوى انت في هاللحظة....اذا انت ترضاها لنفسك ....غيرك ما يرضاها

[غريب الدّار]

قواهم الله ، فعلا الشوارع محتاجه ضبط
:nice:

[G0LD]

عند الصقاره اهل الطيور المفضل لديهم هو الطير ( الطلع ) بالمختصر الطير الطلع مايتعب راعيه هو الي يقنص ويهد ويصيد - فقط راعيه يحطه على التكايه ومفرع

ويدوج - يدور في البر والطير بنفسه يقوم بالواجب - هو طير الطلع هو الاثمن في بعض الاحيان والارغب عند الصقار

[بومحمد المطاوعه]

قرار صائب ,,

اسأل الله ان يحفظ الجميع ,,

لاتبوق لاتخاف ,,

لا تخالف محد بيخالفك
اما تخالف وتبي تسرح وتمرح فالشارع على كيفك ,,
وتلف ع العالم وتتجاوز وتعرقل وماتبي حد يخالفك

اسمح لي ,, وتستاهل المخالفه ,,

رساله لكل مخالف معترض ,,

[@north_star@]

فعلا السبب الرئيسي للزحمة المستهترين بالقانون والناس انفسهم يعني على سبيل المثال يجونك اللي يتجاوزون عن اليمين وبيدخل على الناس بالغصب يعرقل حركة السير وكثير من المرات يتسبب بحادث ويسكر الشارع
و اللي يلف على خلق الله ويغير مسربه بدون لا غماز أو اشارة واللي يتكلم بالموبايل وماشي 50 والناس وراه طابور وهذا غير عن اللي يمشي بالخطوط السريعة على سرعة 60 وماسك اقصى اليسار وما يبي يفتح
واللي يوقفون صوب دكان خاصة الصبح وعادي يوقف بالشارع لين راعي الدكان يطلعله ويتم واقف ومضيق على الناس والامثلة كثيرة مقياسا بالحفريات والمشاريع التي تتسبب بالزحام

[العلياا]

شنهي المناطق اللي تركبت فيها الكاميرات ؟؟

[LiL iNVe$ToR]

شغلتكم بس اتحلطمون ..ومايعجبكم شي ..انا مع كل شي يساهم في زيادة الوعي والضبط في شوارعنا.. روحو شوفو الناس المتقدمين شلون سواقتهم ووعيهم ..لاتقولون شوارعهم او مواقفهم او زحمه اقل ومن هالكلام اللي ماله خص ابداً! ليش الشارع يسوق بك ولا انت تسوق عليه؟ السالفه كلها في الاخلاق والتفكير بالغير فالشارع وتعطيهم حقهم من غير انانيه! الانانيه والمنافسه فالشارع بزود عندنا ليش؟

لازم الكل يحاول يسوي فرق ويرتقي بكل شي يقدر يسويه فالشارع وبرا الشارع ..لانك اتعامل مع بشر( يعني اشخاص عندهم اهل مثلكم) مب مجرد شوارع وسيارات.

لما تخسرون ناس يعزون عليكم ضحية في حادث مروري ماله/مالها شغل فيه, بتعرفون عقب ليش هالاشيا والقوانين موجوده من الاساس.


سلام

[(ام عبدالله)]

خطوه ممتازه .. ولو انها متاخره .. بالتوفيق ان شاء الله

[شيخ الديرة]

ياربع احس المرور مستأنس على سالفة المخالفات وكأنها تجاره كل يوم ينميها بمشاريع جديده ،،


يمكنك تقليل أرباحهم بعدم المخالفة, لا أعتقد انهم راح يزعلون


ولو المرور صادق ان يبي يضبط الالتزام مثل مابتكر كل هالمور ،،، خله يبتكر طرق عقابيه للمخالفين من غير فلوس ،،

كيف يعني من غير فلوس؟ ماهي أقتراحاتك؟

[بومحمد المطاوعه]

لما تخسرون ناس يعزون عليكم ضحية في حادث مروري ماله/مالها شغل فيه, بتعرفون عقب ليش هالاشيا والقوانين موجوده من الاساس.


سلام

رحم الله والديك
تكلمت مافي خاطري ..

صدقت والله

والحمدلله حطو كيمرات علشان كل شي واضح ودليل ,,

الله يزيد هالكيمرات كل مكان والله يحفظنا من السوء يارب

[شيخ الديرة]

اسمح لي ,, وتستاهل المخالفه ,,

رساله لكل مخالف معترض ,,

فعلا ما يعترض على هذه الأمور الا من هو متعود يخالف

[بومحمد المطاوعه]

فعلا ما يعترض على هذه الأمور الا من هو متعود يخالف

اي والله صادق ,,

يعني انا وانت والغير
لو نمشي بشكل صحيح ,,

من كفو يخالفك .؟
وانت اصلن بتمشي وانت مرتاح
لأنك مثل الملك تمشي ..
ولكن تعال تجاوز او خالف
تشوف الف مره المنظره
ولو سمعت صوت الدوريه

تحس بصعقه فالمخ ,, وترتبك ,,

خلك في الطريق السليم بتمشي ملك

تحياتي لك يالغالي

[شيخ الديرة]

شنهي المناطق اللي تركبت فيها الكاميرات ؟؟
عين الله بكل مكان, تعريض الناس للخطر والموت حسابها عند الخالق أكبر من أي مرور

[دايموند]

مع احترامي لكل الي مؤيد نظام طلع بس سؤال يجول في خاطري
هل كل الي مؤيدين يربطون حزام الامان ؟!!

انا وحده 80% اربط الحزام لكن نادرا جدا الاقي رجل قطري لابس الحزام

[غريب الدّار]

مع احترامي لكل الي مؤيد نظام طلع بس سؤال يجول في خاطري
هل كل الي مؤيدين يربطون حزام الامان ؟!!

انا وحده 80% اربط الحزام لكن نادرا جدا الاقي رجل قطري لابس الحزام

بالنسبة لي اختي :

حتى لو ماكنت اربط حزام الأمان مؤيد
:)


مب معنى اني خالفت خلاص باعارض

لا


اذا اللي بيمشي علي بيمشي على غيري اهلا وسهلا ومرحبا

واذا تمت مخالفتي وانا مب رابط الحزام استاهل ونص
وباقول في خاطري قواهم الله انا اللي امخالف

طبعا أتكلم عن الحزام كمثال لانج ضربتيه

يمكن انا دايما اربط الحزام
من يدري
:)

تحياتي

[شيخ الديرة]

مع احترامي لكل الي مؤيد نظام طلع بس سؤال يجول في خاطري
هل كل الي مؤيدين يربطون حزام الامان ؟!!

انا وحده 80% اربط الحزام لكن نادرا جدا الاقي رجل قطري لابس الحزام

ما هذا المنطق في الحوار؟

اللي ما يلبس حزام الأمان ولكن يلتزم بالسرعة وأداب الطريق, حاله حال اللي يدخن, أذيته على نفسه لو صار حادث لا سامح الله. أما اللي يخالف السرعة وأداب الطريق فأذيته على الأبرياء الأخرين حتى لو لبس حزام.

[غريب الدّار]

ما هذا المنطق في الحوار؟

اللي ما يلبس حزام الأمان ولكن يلتزم بالسرعة وأداب الطريق, حاله حال اللي يدخن, أذيته على نفسه لو صار حادث لا سامح الله. أما اللي يخالف السرعة وأداب الطريق فأذيته على الأبرياء الأخرين حتى لو لبس حزام.

بغض النظر ياشيخ الديرة

دام القانون امر بربط الحزام فلازم الكل يربط ولا يتخالف

طبعا ردي بناءا على فهمي المحدود لمداخلتك اخوي وأتمنى اتصحح لي اذا اني غلطان

[العلياا]

عين الله بكل مكان, تعريض الناس للخطر والموت حسابها عند الخالق أكبر من أي مرور

كان مجرد استفسار لا اكثر ولا اقل
عموماً
جزاك الله خير على التنبيه :)

[بومحمد المطاوعه]

مع احترامي لكل الي مؤيد نظام طلع بس سؤال يجول في خاطري
هل كل الي مؤيدين يربطون حزام الامان ؟!!

انا وحده 80% اربط الحزام لكن نادرا جدا الاقي رجل قطري لابس الحزام

انا اربط 100% ولله الحمد

سواء كاشخ ولا طالع ف اي موتر كشخه بعد اربط ,,

اول ما ادق سلف للموتر اربط تعودت خلاص

سواء كنت عبري او السائق او قاعد ورى
اربط الحزام والحمدلله ,,

لاني شفت حادث بسيط والشخص طار من موتره من بعده اتعضت ولله الحمد

[محاسب]

مع المشروع وله كامل الدعم والتأييد ....لكن بخصوص الاسم (طلع) اشوف ان الاسم بوادي
والمشروع بوادي ثاني
أفضل...
(حط بالك)
( تحت العين)
(........الخ.

[دايموند]

ما هذا المنطق في الحوار؟

اللي ما يلبس حزام الأمان ولكن يلتزم بالسرعة وأداب الطريق, حاله حال اللي يدخن, أذيته على نفسه لو صار حادث لا سامح الله. أما اللي يخالف السرعة وأداب الطريق فأذيته على الأبرياء الأخرين حتى لو لبس حزام.

اشفيك منفعل والا حسيت اني كنت اقصدك مثلا ؟؟!!!!

اشرب لك عصير ليمون يهدي اعصابك ع هالحر

وثانيا سؤالي واضح انا مستغربه من المثاليين الي عندنا يقولون خل يطبقون هالنظام (طلع) وهم اصلا مب مطبقين النظام!!
وبعدين يجيون المنتدى يشتكون بعدد المخالفات ...

اذا كنتوا مأيدين النظام فالتزموا به مو بس كلام (نصيحه)