أكثر حصـــــــــة تحبها .. و ذكريات المدرسة

[الحياة الخالدة]

لحظة لحظة
لحد يتهــــــــور

السلام عليكم ورحمة الله و بركاته
و مساكم الله بالخير

طبعاً مب حصة اللي في بالكــــــم

أقصد أيام المدرسة
سواء لشباب أو شابات اليوم أو الأمس أو الماضي البعيـــــــد

شنهي كانت أكثرحصة تحبونها وتستمتعون فيها
وشنهي الحصص اللي ما كنتو تحبونها

أدري أدري بتقولون أحلى حصة .. حصة الاحتياط

غيرها

خلونا نشوف

[@north_star@]

حصة الرياضة والرسم

[.قطر.]

وعليكم السلام ورحمه الله وبركاته

مساج الله بالنور

احب حصه بنت فلان <<<< لازم يتهور :nop:


كنت احب حصه الرسم لان فيها تغيير جو شوي
واكره حصه عندي الرياضيات :rolleyes2:

[الحياة الخالدة]

حصة الرياضة والرسم

حصة الرياضة حلوة
عالأقل تتحرك بدال القعدة على الكرسي

و الرسم .. ما شاء الله
أكيد فنان عيل

[@north_star@]

حصة الرياضة حلوة
عالأقل تتحرك بدال القعدة على الكرسي

فهلا كنت احبها لاني احب الرياضة بشكل عام

و الرسم .. ما شاء الله
أكيد فنان عيل
الحمد لله فعلا كان هذا تخصصي التصميم الداخلي والديكور

[الحياة الخالدة]

وعليكم السلام ورحمه الله وبركاته

مساج الله بالنور

احب حصه بنت فلان <<<< لازم يتهور :nop:


كنت احب حصه الرسم لان فيها تغيير جو شوي
واكره حصه عندي الرياضيات :rolleyes2:

:anger1::anger1:
هذا وانا محذرتكم

ما علينــــــا
يعني بخصوص الرسم وتغيير الجو
يودونكم مكان ثاني والا بنفس الصف ( أنا من زماااااااان عن المدارس )
طيب تغيير جو لأن المادة خفيفة .. والا لأنك مبدع في الرسم ؟؟

[الحياة الخالدة]

الحمد لله فعلا كان هذا تخصصي التصميم الداخلي والديكور

ما شاء الله تبارك الرحمن
تخصص حلو و راقي
و يفيدك في حياتك الشخصية

[.قطر.]

:anger1::anger1:
هذا وانا محذرتكم

ما علينــــــا
يعني بخصوص الرسم وتغيير الجو
يودونكم مكان ثاني والا بنفس الصف ( أنا من زماااااااان عن المدارس )
طيب تغيير جو لأن المادة خفيفة .. والا لأنك مبدع في الرسم ؟؟
دوعابه دوعابه هههههههه :omen2:
مرات ف الصف ومرات مكان ثاني :nice:
احب هالحصه لان الماده خفيفه والواحد يحس انه حصه احتياط ولعب :victory:

[الحياة الخالدة]

دوعابه دوعابه هههههههه :omen2:
مرات ف الصف ومرات مكان ثاني :nice:
احب هالحصه لان الماده خفيفه والواحد يحس انه حصه احتياط ولعب :victory:

آهاااااا
يعني شردة من الدروس الصجيه
يعني انت في الرسم من صوبنا .. صف جنبنا عيل :secret:

[MirusS]

الرياضيات والفيزيا يمكن لأني مااحب احفظ احب الفهم أكثر
ومادة المحاسبه بعد بس هاذي خذيتها فالجامعه

[بصمة قطرية]

موضوع حلو و خفيف ..
كنت أحب حصة الرياضة لأني كنت وايد أحب الرياضة ..
و الإقتصاد المنزلي أستمتع بالطبخ ..
و الإنجليزي و الفرنسي ..

[الحياة الخالدة]

الرياضيات والفيزيا يمكن لأني مااحب احفظ احب الفهم أكثر
ومادة المحاسبه بعد بس هاذي خذيتها فالجامعه

يعني ميولك علميــــــة
شي حلو

[الحياة الخالدة]

موضوع حلو و خفيف ..
كنت أحب حصة الرياضة لأني كنت وايد أحب الرياضة ..
و الإقتصاد المنزلي أستمتع بالطبخ ..
و الإنجليزي و الفرنسي ..

والحين تحبين الرياضة و الا هونتــــــي ؟؟ :nice:

الطبخ .. ما شاء الله
ما يحتاي تقولين .. مواضيعج أكبر دليل
و رمضان بإذن الله شاهد .. بس لا تعذبينا وايد :(

اللغات .. حتى انا احبها
بس على ايامنا عربي وانجليزي بس :secret:
والا تذكرت .. كان الفرنسي في قسم الأدبي

تسلمين حبيبتي

[.قطر.]

آهاااااا
يعني شردة من الدروس الصجيه
يعني انت في الرسم من صوبنا .. صف جنبنا عيل :secret:

:secret:
المشكله اني ماحب ارسم لاني استعيل ف الرسم وتطلع الرسمه اي شي ماحب ارسم بهدوء :rolleyes2:

[رحال]

مع 99% من أعضاء المنتدى
بالتأكيد ( حصة الرياضة بلا مناااازع )

[الحياة الخالدة]

:secret:
المشكله اني ماحب ارسم لاني استعيل ف الرسم وتطلع الرسمه اي شي ماحب ارسم بهدوء :rolleyes2:

يعني لو رسمت بهدوء .. تطلع فنان ؟؟!!
عيل انا لا بسرعة و لا بهدوء :shy:

طيب راونا شوي من رسوماتك :telephone:

[الحياة الخالدة]

مع 99% من أعضاء المنتدى
بالتأكيد ( حصة الرياضة بلا مناااازع )

هههههههههههه
لا جات السالفة على الدراســــــة
نحن شعبٌ رياضي بلا منازع :nice:

[.قطر.]

يعني لو رسمت بهدوء .. تطلع فنان ؟؟!!
عيل انا لا بسرعة و لا بهدوء :shy:

طيب راونا شوي من رسوماتك :telephone:

اي :shy:
مادري وين وديت رسوماتي جني قطيتهم :omen2:

[بصمة قطرية]

والحين تحبين الرياضة و الا هونتــــــي ؟؟ :nice:

الطبخ .. ما شاء الله
ما يحتاي تقولين .. مواضيعج أكبر دليل
و رمضان بإذن الله شاهد .. بس لا تعذبينا وايد :(

اللغات .. حتى انا احبها
بس على ايامنا عربي وانجليزي بس :secret:
والا تذكرت .. كان الفرنسي في قسم الأدبي

تسلمين حبيبتي

الرياضة في دمي ما زلت أحبها .. :strong3::strong3::strong3:

والطبخ إن شاءالله في رمضان إفتحي مطبخي خخخخخخ
وحشني :)


و اللغات ..
أنا كنت أدبي فرنسي
و خاطري أدخل معهد أتعلم فرنسي
حافظة كم كلمة من أيام المدرسة ..:nice:
كانت حصة الفرنسي ممتعه جداً
و لا يوم قلت للمدرسة جوتيم ..
خخخخخخخخخخخ
:shy:

[بصمة قطرية]

هههههههههههه
لا جات السالفة على الدراســــــة
نحن شعبٌ رياضي بلا منازع :nice:

صدقيني الغالبية مب عاشقين الرياضة
بس لأن ما فيها قراية و كتابة خخخخخخخ

[الحياة الخالدة]

اي :shy:
مادري وين وديت رسوماتي جني قطيتهم :omen2:

هااااااااا
انت نظامك جذي
والله كان قلبي حاس انك من صوبنا
مالك في الطين ولا في العجين

[لبيبة]

حصة الإنجليزي

اما الرياضة والرسم ما احبهم لأن المدرسات كانوا يمارسون نظم قمعية واضطهادية

[الحياة الخالدة]

الرياضة في دمي ما زلت أحبها .. :strong3::strong3::strong3:

والطبخ إن شاءالله في رمضان إفتحي مطبخي خخخخخخ
وحشني :)


و اللغات ..
أنا كنت أدبي فرنسي
و خاطري أدخل معهد أتعلم فرنسي
حافظة كم كلمة من أيام المدرسة ..:nice:
كانت حصة الفرنسي ممتعه جداً
و لا يوم قلت للمدرسة جوتيم ..
خخخخخخخخخخخ
:shy:

أبشري
بنفتحه .. بس من كل طبق سوي اثنين .. و العنوان تعرفينه .. ما يحتاي أعلمج :shy:

أما قلتي لها جوتيــــــــم
خقت المرة عليج
بس اسكتي لحد يسمعج :secret:

[.قطر.]

هااااااااا
انت نظامك جذي
والله كان قلبي حاس انك من صوبنا
مالك في الطين ولا في العجين
يه كله انا نفسكم :omen2:
اقط كل الكتب الا كتب الشرعيه :nice:

[الحياة الخالدة]

صدقيني الغالبية مب عاشقين الرياضة
بس لأن ما فيها قراية و كتابة خخخخخخخ

مصدقتج حبيبتي مصدقتج
شعورنا كشعور أي مواطن ما يحب الدراسة

[الحياة الخالدة]

حصة الإنجليزي

اما الرياضة والرسم ما احبهم لأن المدرسات كانوا يمارسون نظم قمعية واضطهادية

الله الانجليزي و العربي وناااااااسة والله

وصدقتي بخصوص القمع و الاضطهاد
أتوقع أغلب المواد اللي ما كنا نحبها .. السبب يرجع للمدرس و شلون يحببج فيها أو ينفرج منهـــــــا

[بريق الحق]

كنت احب حصة الرسم بس ماكنت ارسم لانه الحصه كانت عباره اني اعطي اورقتي حق الي يحبون يرسمون واحنا نقعد مع بعض وسوالف

[الحياة الخالدة]

يه كله انا نفسكم :omen2:
اقط كل الكتب الا كتب الشرعيه :nice:

تقط العلم يا قطر
أفاااا
ما هقيتها منك

أنا شخصياً كنت آخذ كتب المرحلة اللي بروح لها
و ادرسها
عشقي الدراسة
بس طبعاً المواد العلمية و العربي و الانجليزي و الشرعية طبعاً

[.قطر.]

تقط العلم يا قطر
أفاااا
ما هقيتها منك

أنا شخصياً كنت آخذ كتب المرحلة اللي بروح لها
و ادرسها
عشقي الدراسة
بس طبعاً المواد العلمية و العربي و الانجليزي و الشرعية طبعاً
ش بي فيهم :omen2:
الواحد مايصدق تخلص السنه :rolleyes2:

[الحياة الخالدة]

كنت احب حصة الرسم بس ماكنت ارسم لانه الحصه كانت عباره اني اعطي اورقتي حق الي يحبون يرسمون واحنا نقعد مع بعض وسوالف

يعني تعرف ترسم والا ما تعرف ؟؟
مب شرط أشخاص
أقصد غير الأشخاص
والا مالك أصلاً في الرسم
أما القعدة و السوالف ما يحتاي .. ندورها دوارة

[الحياة الخالدة]

ش بي فيهم :omen2:
الواحد مايصدق تخلص السنه :rolleyes2:

ههههههههه
إي مبين عليك :tease:

[.قطر.]

ههههههههه
إي مبين عليك :tease:

:secret:

[بريق الحق]

يعني تعرف ترسم والا ما تعرف ؟؟
مب شرط أشخاص
أقصد غير الأشخاص
والا مالك أصلاً في الرسم
أما القعدة و السوالف ما يحتاي .. ندورها دوارة

لا الرسم في وادي وانا في وداي
وفي حصه ماذكر شكانت بس كان واحد يسوي يسوي لي مساج هههههه كنت صايد الطلاب الله يغفر لنا

[نوفا91]

حصة الشريعه


من صغري والايمان بقلبي ينمو :shy:

[بصمة قطرية]

أبشري
بنفتحه .. بس من كل طبق سوي اثنين .. و العنوان تعرفينه .. ما يحتاي أعلمج :shy:

أما قلتي لها جوتيــــــــم
خقت المرة عليج
بس اسكتي لحد يسمعج :secret:

من عيوني والله ما طلبتي شي .. :shy:

خخخخخخخخخ
أذكر بحلقت عيونها خخخخخخ crazy:funny::funny::funny:

مسكينه
تهقين صدقت .. !! :secret:
الله يسامحني .. :secret:

[الحياة الخالدة]

:secret:

لا تحاتي
سرك في بير( الكل يشرب منه )

[.قطر.]

لا تحاتي
سرك في بير( الكل يشرب منه )

خوش بير
اشوف الجزيره وال cnn داخل
بكره احصل الخبر واصل عند اوباما :tease:

[الحياة الخالدة]

لا الرسم في وادي وانا في وداي
وفي حصه ماذكر شكانت بس كان واحد يسوي يسوي لي مساج هههههه كنت صايد الطلاب الله يغفر لنا

ههههههههه
أما مساج عاااااااد
أتوقع إنك بلغت عنه :secret:

[الحياة الخالدة]

حصة الشريعه


من صغري والايمان بقلبي ينمو :shy:

ههههههههههه
نوفا
أكيد الحين استحوذ على كل حواسج
الحمد لله رب العالمين
الله يرزقنا جميعاً

[الحياة الخالدة]

من عيوني والله ما طلبتي شي .. :shy:

خخخخخخخخخ
أذكر بحلقت عيونها خخخخخخ crazy:funny::funny::funny:

مسكينه
تهقين صدقت .. !! :secret:
الله يسامحني .. :secret:

تسلم عيونج يا عيوني ( شعندها فوزية الدريع هههههههه )

حرام عليج .. عشمتي الحرمة
ما تدري إنج تتدربين على اللغة ههههههههههه
الله يسامحنا جميع

تذكرين الأوتوجرافات اللي كنا نوقعها من البنات والمدرسات ؟؟

[الحياة الخالدة]

خوش بير
اشوف الجزيره وال cnn داخل
بكره احصل الخبر واصل عند اوباما :tease:

لو سمحت لا تتكلم في السياسة :tease:

خلك في حدود أسوار المدرسة
طيب كلمنا عن طفولتك ههههههه شدعوة دكتور نفسي

أقصد قول لنا مغامراتك في المدرسة

[.قطر.]

لو سمحت لا تتكلم في السياسة :tease:

خلك في حدود أسوار المدرسة
طيب كلمنا عن طفولتك ههههههه شدعوة دكتور نفسي

أقصد قول لنا مغامراتك في المدرسة
ماعندي مغامرات كنت مؤدب وفي حالي :shy:

[الحياة الخالدة]

ماعندي مغامرات كنت مؤدب وفي حالي :shy:

ودي أصدق والله
بس براحتك
ما اتوقع الشباب مالهم مغامرات في المدارس
ولا حتى البنات

[.قطر.]

ودي أصدق والله
بس براحتك
ما اتوقع الشباب مالهم مغامرات في المدارس
ولا حتى البنات
شكلي انا الوحيد اللي ماعندي مغامرات هههه :omen2:

[الحياة الخالدة]

شكلي انا الوحيد اللي ماعندي مغامرات هههه :omen2:

طيب يا أخ وحيــــــد :nice:

[بريق الحق]

ههههههههه
أما مساج عاااااااد
أتوقع إنك بلغت عنه :secret:

ليش ابلغ*
كنت استغل الطلاب الي ايب كافي*وفلفل
كانت ايام جميله لي وصعب على الطلاب (:

[بصمة قطرية]

تسلم عيونج يا عيوني ( شعندها فوزية الدريع هههههههه )

حرام عليج .. عشمتي الحرمة
ما تدري إنج تتدربين على اللغة ههههههههههه
الله يسامحنا جميع

تذكرين الأوتوجرافات اللي كنا نوقعها من البنات والمدرسات ؟؟


اي خخخخخخخخخ
عندي دفتر من أيام الإعدادي
كل ما أقراه أضحك
أيااااااااام
الله يذكرهم بالخير ..

[الحياة الخالدة]

ليش ابلغ*
كنت استغل الطلاب الي ايب كافي*وفلفل
كانت ايام جميله لي وصعب على الطلاب (:

مادري .. عبالي المساج في مخالفات :rolleyes2:
يعني من يومك تلعبها صح
لا يكون تقصد كنت مدرس أو إداري ؟؟!!:discuss:

[الحياة الخالدة]

اي خخخخخخخخخ
عندي دفتر من أيام الإعدادي
كل ما أقراه أضحك
أيااااااااام
الله يذكرهم بالخير ..

آآيه عليهم الأوتوغرافات :(
كان عندي أكثر من واحد .. بس ضاعوا بمرور الأيام و السنين :weeping:
كانت فيهم كتابات عجيبة
و كله كوم والعبارات التالية كوم :

أكتب لكي بالمقلوب لتكون المحبة بالقلوب
أكتب لكي بالأحمر لتكون المحبة كالسكـــــر
أكتب لكي بالرصاص لتكون المحبة بالإخلاص

لا لا لا بصييييح
أيام البراءة
مب الحين .. أي بنت تقول لج كلمة حلوة أو تعطيج النظرة اللي هي .. تتصرقعين منهـــــــا

[بريق الحق]

مادري .. عبالي المساج في مخالفات :rolleyes2:
يعني من يومك تلعبها صح
لا يكون تقصد كنت مدرس أو إداري ؟؟!!:discuss:

ولا مدرس ولا اداري
للاسف كنت مسوي عصابه فالصف والسيد الاول تروح عليهم تحذف عليهم تجوفين اشياء اطير واتشوفين ناس مقفله حتى المدرس كنت احط صورة حسني مبارك على السمارت بورد اشخبط عليها وكان اول مايدخل الصف يقولي ماشي هارويك

[نور الحور]

انا كنت احب عموما المواد اللي مدرساتهم طيبات ويعرفون يشرحون :secret:

يعني اهم شي الاخلاق ههههههههه

بس جد كنت استمتع عموما بحصص علم النفس
والفلسفة والنقد الادبي والشعر لدرجة فكرت اتخصص نقد ادبي

وكنت اكره حصص الرياضة و المواد العلمية مع اني كنت افهمها

بسهوووولة وماعندي مشكلة معاها ابدا

لكنها مو على المود بتاتا البته :secret:

شكرا الحياة على الموضوع الحلو ..

متابعة مع البقية اهتماماتهم :nice:

[MirusS]

على طاري المغامرات يمكن أكثر واحد فالدوله كان يشقح من المدرسه انا
بعد الرابعه صعب تحصلني موجود فالصف :cool: .. اداوم عقب المدير واحرك قبله :cool:
كنت ماحب الدوام بس كنت دافور :pioneer:

[النهار]

انا احسن حصه كانت عندي حصة الغداء ادري ماحد فيكم لحق عليها :nice:
وبعد احب حصة الرياضه وبس وباقي الحصص ماحبهم :anger1:

[bohilal191]

حصة الرسم

[القبطان سلفر]

الله على أيام المدرسه:nice:


كنت احب حصة الفلسفه وايد وايد

بالإضافة الى الرياضه عشان نطلع من المدرسه نروح ناكل :secret:

واكره حصة الرياضيات

واكره حصة الرياضيات

[.قطر.]

الله على أيام المدرسه:nice:


كنت احب حصة الفلسفه وايد وايد

بالإضافة الى الرياضه عشان نطلع من المدرسه نروح ناكل :secret:

واكره حصة الرياضيات

واكره حصة الرياضيات
شكلها اخر جمله فيها صدى :happy:

[القبطان سلفر]

الله على أيام المدرسه:nice:


كنت احب حصة الفلسفه وايد وايد

بالإضافة الى الرياضه عشان نطلع من المدرسه نروح ناكل :secret:



واكره حصة الرياضيات



واكره حصة الرياضيات



واكره حصة الرياضيات




واكره حصة الرياضيات



واكره حصة الرياضيات




:shy:

[القبطان سلفر]

شكلها اخر جمله فيها صدى :happy:

صدى الحرمان ممزوج بكره الماده :(

[.قطر.]

الله على أيام المدرسه:nice:


كنت احب حصة الفلسفه وايد وايد

بالإضافة الى الرياضه عشان نطلع من المدرسه نروح ناكل :secret:



واكره حصة الرياضيات



واكره حصة الرياضيات



واكره حصة الرياضيات




واكره حصة الرياضيات



واكره حصة الرياضيات




:shy:

ذكرتني في الاشرطه الدينيه المعاصي صي صي صي صي :happy:

[الحياة الخالدة]

ولا مدرس ولا اداري
للاسف كنت مسوي عصابه فالصف والسيد الاول تروح عليهم تحذف عليهم تجوفين اشياء اطير واتشوفين ناس مقفله حتى المدرس كنت احط صورة حسني مبارك على السمارت بورد اشخبط عليها وكان اول مايدخل الصف يقولي ماشي هارويك

مب سهل يا بريق الحق
من يومك وانت شديد
ما شاء الله تبارك الرحمن

[الحياة الخالدة]

انا كنت احب عموما المواد اللي مدرساتهم طيبات ويعرفون يشرحون :secret:

يعني اهم شي الاخلاق ههههههههه

بس جد كنت استمتع عموما بحصص علم النفس
والفلسفة والنقد الادبي والشعر لدرجة فكرت اتخصص نقد ادبي

وكنت اكره حصص الرياضة و المواد العلمية مع اني كنت افهمها

بسهوووولة وماعندي مشكلة معاها ابدا

لكنها مو على المود بتاتا البته :secret:

شكرا الحياة على الموضوع الحلو ..

متابعة مع البقية اهتماماتهم :nice:

إيوة يا نور .. الله ينور عليج
وهذا اللي كنت أقوله .. المادة على الأغلب كنا نحبها أو نكرهها .. على حسب المدرسين أو المدرسات اللي يعطونا إياها
إضافةً إلى الميول الشخصيــــــة

و توقعت إنج كنتي تحبين علم النفس والفلسفة
إلا كنت بستغرب لو قلتي العكس :nice:

لكن ما توقعتج تكرهين الرياضة ههههههههههه

والعفو حبيبتي
تابعينا .. و فاااالج طيب

[مختلفة عقليا]

السلام عليكم

اعشق التاريخ ., بس المدرسه ما اذكرها كنت استمتع بالماده .,

الحصه الثانيه حصه العربي ., كنت احب مدرستيييي وهي كانت اتحبني ., يوم الخميس كانت تكتب في يدي اتقول عشان اتم اذكرها ., :weeping:

ويسلموو

[المــزن*]

كنت احب حصة الرياضيات وحصة الرسم :nice:

اكره باقي الحصص :rolleyes2:

يعطيج العافيه حبيبتي

[العلياا]

في جميع المراحل كنت اعشق حصة الانقلش
يمكن لان كل مدرسات هالمادة يحبوني ويدلعوني مادري ليش :rolleyes2:

حصة الاقتصاد المنزلي لاني كنت احب اخذ القياسات (عشان تفصيل المريول)
واذكر ان كل ربعي كانوا يحبون هالمادة بس عشان الطبخ وانا الوحيدة اللي كنت احبها عشان الخياطة ..

حصة الرياضة في ابتدائي واعدادي وكنت دائما اشترك في الفريق اللي يمثل المدرسة سواء جمباز او طائرة :secret:
بس في فالثانوية كرهتها لانها كانت عبارة عن شوو فقط ..


شكراً يالحياة ذكرتينا بذكريات حلوة واايد :victory:

[ضوى]

موضوع خفيف وجميل كصاحبته

كنت اعشق العلوم والكيمياء ، عجيبه هالمواد

واكره حصة علم النفس اعوذ بالله كانه ياثوم على صدري من ثقلها ماحب كلام الخرابيط والفلسلفة الغبية

[القبطان سلفر]

موضوع خفيف وجميل كصاحبته

كنت اعشق العلوم والكيمياء ، عجيبه هالمواد

واكره حصة علم النفس اعوذ بالله كانه ياثوم على صدري من ثقلها ماحب كلام الخرابيط والفلسلفة الغبية





هههههههههههههههه

ايوه هني القومنده :secret:

[الحياة الخالدة]

على طاري المغامرات يمكن أكثر واحد فالدوله كان يشقح من المدرسه انا
بعد الرابعه صعب تحصلني موجود فالصف :cool: .. اداوم عقب المدير واحرك قبله :cool:
كنت ماحب الدوام بس كنت دافور :pioneer:

هههههه
ما شاء الله
دوامك على كيفك
عاد الشباب الله يحفظهم لعبتهم القفــــــز فوق الأسوار

طيب لما يصيدونكم تشاقحون .. شيسوون فيكم ؟؟

[الحياة الخالدة]

انا احسن حصه كانت عندي حصة الغداء ادري ماحد فيكم لحق عليها :nice:
وبعد احب حصة الرياضه وبس وباقي الحصص ماحبهم :anger1:

إي ما شاء الله .. من صغرك تحب الأكل ( بس ما تمتـــــن )
أنا في المدارس من سنة الطبعة و لا سمعت عن حصة الغدا .. من وين طلعتها ذي ؟؟!!
طول عمرنا نعرفها اسمها الفرصة ( أو الفسحة )

و بخصوص الرياضة
لحد الحين معشوقة الجماهير ( ما عدا نور الحور )

[بومحمد المطاوعه]

السلام عليكم ورحممه الله وبركاته ,,

الحصه الي كنت احبها

الفنيه خخخخ
والشرعيه ,, والعلوم

اما الي اكرهم

كلهم العربي مع القواعد ,,
والرياضيات عدوي ..
وعلم اجتماع وفلسفه ,,

وبس والله

[الحياة الخالدة]

حصة الرسم

ما شاء الله عليكم
شكل احتراف التصوير مرتبط بحب الرســـــم والفنون الأخرى

[ضوى]

هههههههههههههههه

ايوه هني القومنده :secret:

غمندة من قلب :tease:

[الحياة الخالدة]

الله على أيام المدرسه:nice:


كنت احب حصة الفلسفه وايد وايد

بالإضافة الى الرياضه عشان نطلع من المدرسه نروح ناكل :secret:

واكره حصة الرياضيات

واكره حصة الرياضيات


الله على أيام المدرسه:nice:


كنت احب حصة الفلسفه وايد وايد

بالإضافة الى الرياضه عشان نطلع من المدرسه نروح ناكل :secret:



واكره حصة الرياضيات



واكره حصة الرياضيات



واكره حصة الرياضيات




واكره حصة الرياضيات



واكره حصة الرياضيات




:shy:


صدى الحرمان ممزوج بكره الماده :(

صدى الحرمان
الله يرحمها و يغفر لها :weeping:

المهم
تحب الفلسفة اممممممم
و الرياضة .. مب لله .. بس عشان الأكل اممممممممممم

و بخصوص عشقك للرياضيات
الصدى وصل الجزء الآخر من الكرة الأرضية
واتوقع حتى طاف حدودها :nice:

أهنيك على حبك لهالمادة :nice::nice::tease:

[بوحارب]

صبح صبح يالحياة ;)


الصراحة انا كنت احب المعلم والابلة

يعني ماحب الحصه

لا

احب راعي الحصه لان الأسلوب هو اللي يجذبني :)

وكنت احب احب حصه الانقليزي لان المدرس سميي هههه
وكنت احب حصه الفنية لان المدرسة كيوت ;)

[الحياة الخالدة]

السلام عليكم

اعشق التاريخ ., بس المدرسه ما اذكرها كنت استمتع بالماده .,

الحصه الثانيه حصه العربي ., كنت احب مدرستيييي وهي كانت اتحبني ., يوم الخميس كانت تكتب في يدي اتقول عشان اتم اذكرها ., :weeping:

ويسلموو

وعليكم السلام و رحمة الله و بركاته

التاريخ حلو .. وأدركت هالشي مؤخراً بس
يمكن اللي كان معقدني فيه الحفظ و خصوصاً التواريخ و الأسماء

أما العربي .. يا عيني على العربـــــي .. عشقٌ لا ينتهي

الله يسلمج من كل شر

[الحياة الخالدة]

كنت احب حصة الرياضيات وحصة الرسم :nice:

اكره باقي الحصص :rolleyes2:

يعطيج العافيه حبيبتي

الرياضيات .. وناسة صراحة .. تحفز خلايا المخ
و الرسم : صفي مع مواهب المنتدى

بس شكلج كنتي هااااادية في المدرسة
مادري متخيلتج جذي

الله يعافيج يا قلبي

[نفسي عزيزه]

امووووت ع الاحتياط

الرسم اهم شي هههههه

الله ع التسعينات :weeping:

[.قطر.]

وعليكم السلام و رحمة الله و بركاته

التاريخ حلو .. وأدركت هالشي مؤخراً بس
يمكن اللي كان معقدني فيه الحفظ و خصوصاً التواريخ و الأسماء

أما العربي .. يا عيني على العربـــــي .. عشقٌ لا ينتهي

الله يسلمج من كل شر

اي والله التاريخ يفر المخ في الاسماء والتواريخ خصوصا اذا كانوا السنين والاسماء متشابهين في كم سؤال :rolleyes2:

[الحياة الخالدة]

على طاري الرسم
كان ياما كان في قديم الزمان
كانوا مخلين درجات عليه .. يعني فيه نجاح و رسوب :weeping:

طبعاً محدثتكم بصوب و الرسم في الاتجاه المعاكس
في الثانوية العامة كانت درجتي في الرياضيات 119 و نص من 120
و باقي المواد إما درجة كاملة أو ناقصة شي بسيط

الرسم جايبين لنا موضوعين كالعادة :

واحد زخرفة : نخربط فيه أي كلام يطلع معانا شي

لكن النكبة الموضوع الثاني : سباق الخيول .. عاد تعال رقعها يا مرقع
رسمت لهم رسم ما تعرف الخيل من الكلب ( الله يعزكم ) من الإنسان اللي فوق الخيل :shy:
الحين انا قولوا لي ارسمي بطة و الا دياية و الا حمامة والا عصفور و الا حتى خروف .. تطلع النتيجة ما يفرقون عن بعض
تبوني أرسم خيول يتسابقون :anger1:

المراد إن مجموعي في الثانوية العامة 97% .. الأولى على القطريات
و درجتي في الرسم 11 من 20 يعني على الحفة ( بالضبط فوق درجة الرسوب ) .. لا باركت في الشيطان

أظن الدرجة بس على الموضوع الثاني .. والا موضوع السباق ما قدروا يحطون فيه أكثر من درجة
أتوقع راعوني لأني متفوقــــــة ههههههههههههههه

[الحياة الخالدة]

و بس والله :nice:

[.قطر.]

على طاري الرسم
كان ياما كان في قديم الزمان
كانوا مخلين درجات عليه .. يعني فيه نجاح و رسوب :weeping:

طبعاً محدثتكم بصوب و الرسم في الاتجاه المعاكس
في الثانوية العامة كانت درجتي في الرياضيات 119 و نص من 120
و باقي المواد إما درجة كاملة أو ناقصة شي بسيط

الرسم جايبين لنا موضوعين كالعادة :

واحد زخرفة : نخربط فيه أي كلام يطلع معانا شي

لكن النكبة الموضوع الثاني : سباق الخيول .. عاد تعال رقعها يا مرقع
رسمت لهم رسم ما تعرف الخيل من الكلب ( الله يعزكم ) من الإنسان اللي فوق الخيل :shy:
الحين انا قولوا لي ارسمي بطة و الا دياية و الا حمامة والا عصفور و الا حتى خروف .. تطلع النتيجة ما يفرقون عن بعض
تبوني أرسم خيول يتسابقون :anger1:

المراد إن مجموعي في الثانوية العامة 97% .. الأولى على القطريات
و درجتي في الرسم 11 من 20 يعني على الحفة ( بالضبط فوق درجة الرسوب ) .. لا باركت في الشيطان

أظن الدرجة بس على الموضوع الثاني .. والا موضوع السباق ما قدروا يحطون فيه أكثر من درجة
أتوقع راعوني لأني متفوقــــــة ههههههههههههههه
هههههههههههههههههههه :happy:
مثل ماقلتي ماعطوج ولا درجه ع الموضوع الثاني مالومهم لانهم قالوا سباق خيول مب سباق كلاب :nop:
بس ماشاء الله عليج 97% :nice:

[الحياة الخالدة]

هههههههههههههههههههه :happy:
مثل ماقلتي ماعطوج ولا درجه ع الموضوع الثاني مالومهم لانهم قالوا سباق خيول مب سباق كلاب :nop:
بس ماشاء الله عليج 97% :nice:

إي كنت فلسطينية قبل ههههههههه

يا أخي الرسم موهبة
يعني اللي ما عنده موهبة شيسوي ؟؟ ينتحر مثلاً

الحمد لله ما رسبوني جان فضيحة ما عقبها فضيحة
راسبة في الثانوية العامة
والسبة الرسم
ياهي بتكون وصمة عار في جبين البشرية

[.قطر.]

إي كنت فلسطينية قبل ههههههههه

يا أخي الرسم موهبة
يعني اللي ما عنده موهبة شيسوي ؟؟ ينتحر مثلاً

الحمد لله ما رسبوني جان فضيحة ما عقبها فضيحة
راسبة في الثانوية العامة
والسبة الرسم
ياهي بتكون وصمة عار في جبين البشرية

عيل فلسطينيه ها ههههه عقب الثنويه رجعتي قطريه
انا ف الثنويه صرت جي بعد :secret:

[رهج السنابك]

كنت احب حصة المعلمة الي تحبني واحبها
عاد اصير اشطر وحده وبنفس الوقت استحي من الابلة هاهاها < نفسيات

[الحياة الخالدة]

في جميع المراحل كنت اعشق حصة الانقلش
يمكن لان كل مدرسات هالمادة يحبوني ويدلعوني مادري ليش :rolleyes2:

حصة الاقتصاد المنزلي لاني كنت احب اخذ القياسات (عشان تفصيل المريول)
واذكر ان كل ربعي كانوا يحبون هالمادة بس عشان الطبخ وانا الوحيدة اللي كنت احبها عشان الخياطة ..

حصة الرياضة في ابتدائي واعدادي وكنت دائما اشترك في الفريق اللي يمثل المدرسة سواء جمباز او طائرة :secret:
بس في فالثانوية كرهتها لانها كانت عبارة عن شوو فقط ..


شكراً يالحياة ذكرتينا بذكريات حلوة واايد :victory:

يمكن مدرسات الانجليزي كانوا يحبونج لأنج شطورة

تحبين الخياطة عاد عسى تعرفين تخيطين الحين ؟؟

وحلو إنج كنتي تحبين الرياضة لأجل الرياضة .. مب للشردة من باقي الدروس


العفو حبيبتي .. وانا مستمتعــــــة معاكم

[بريق الحق]

الحياة احسج من النوع الي كان يحط علوج فشعر البنات (:

[الحياة الخالدة]

موضوع خفيف وجميل كصاحبته

كنت اعشق العلوم والكيمياء ، عجيبه هالمواد

واكره حصة علم النفس اعوذ بالله كانه ياثوم على صدري من ثقلها ماحب كلام الخرابيط والفلسلفة الغبية

من ناحية العلوم والكيمياء .. أنا مثلج

لكن علم النفس صراحة ما مر علي في أي مرحلة .. لأني كنت علمي و على أيامي العلمي ما كانت فيه هالمواد
لكني ما أكرهــــــه
أما انتي ما يحتاي تقولين .. شفنا شعورج ناحيته من مشاركاتج في بعض المواضيع :nice:

الجميل حضورج يالغاليـــــــة

[الحياة الخالدة]

السلام عليكم ورحممه الله وبركاته ,,

الحصه الي كنت احبها

الفنيه خخخخ
والشرعيه ,, والعلوم

اما الي اكرهم

كلهم العربي مع القواعد ,,
والرياضيات عدوي ..
وعلم اجتماع وفلسفه ,,

وبس والله

و عليكم السلام ورحمة الله و بركاته

وأكيد اللي نفعك من هذيلا كلهم الشرعيـــــة

الله يثبتك أخوي بو محمد

[وثائقي]

احسن حصة الرياضة واكره حصة الرياضيات ^^

[بومحمد المطاوعه]

و عليكم السلام ورحمة الله و بركاته

وأكيد اللي نفعك من هذيلا كلهم الشرعيـــــة

الله يثبتك أخوي بو محمد

اللهم امين ،،
جزاكي الله خيرر ،،

اي نعم
وللأسف سجلت جامعه قطر ولكن الشرعيه ف جامعه قطر
منهج الله بالخير
وطلعت*من
الجامعه

[ولد العرب]

انا اكره ماعندي المدرسه بكبرها ذكريات الييييمه جدا لااكاد انسى وانا الان بلغت من العمر ولدي اطفال بالله تخيلوا معي اني احلم بالمدرسيين والمدرسه والعذاب لين يومكم
مثل ماتقولون قلبي مليان والله لدرجه توصل لي اخبار مدرسين اللي توفاهم الله ومالي الا اقول الله يرحمهم ويغفر لهم

وحتى المدرسات الله يسامحهم قسوة بقسوة



ابوي والولده اميه لايقرون ولا يكتبون
وانا اخوكم في الله على وجهه اصم يالله اخذ وقطني بالمدارس ولا كنت افهم وليه طابور ذا
وليه متجمعين بالصف وش القصه
ذاك الرجل المدرس حامل عصا واللي بعده واير ابيض وهلم جر

تميت على عماي مش فاهم شي اللهم ابوي الله يرحمه سلمني للمدرس وعطاني فلوس ولا نسيت ماحييت ومشى قدامي واختفى وانا ابد مهب مستوعب انا وين وش سالفه
وش قصه الجرس وش قصه الفسحه وهواش امام مقصف مافهمت ليه يتهاوشون
لاني ببساطه ماكنت اعرف شي اسمه مدرسه ماكنت افهم شي
مره اول حصه تعارف وباول حصه شفت الضرب للطلاب
ومر اول يوم وانتهى الطابور واخترت صف مافيه زحمه على نياتي ياجماعه ورجعوني لصفي
اسمي ماكنت اقدر انطقه عجز بلساني
وبداء الدرس ويالله تعال ياولد العرب وين وصلنا بالصفحه ليه ماتتبع معنا افتح يدك انواع تلشط يوميا
يوميا يوميا
لين منا الله علينا بمنزل جديد في الدوحه حيث الحضاره
وفارقت مدرسه العذاب سنتين
وانتقلت مدرسه نموذجيه مدرسات اسوى تعذيب من السابقه
وبداء الدرس ولازلت عاجز عن التتبع بالدرس طالب يقراء والكل يتابع بكاتبه لين وصل دوري واقفتني معلمتي قالت اين وصلنا اشرت بيدي هنا وفاجاه اظلم الدنيا بوجهي من قوة الصفقه على وجهي مانسيت ولا اقدر انساها الله يسامحها
تدرون ليش جاني كف لاني ماكنت اعرف الكتاب مقلوب احسب انه صح وهي تحسب اني استعبط عليها
وجرتني وراء بالساحه وهات يالكف الثاني وانتبهت مدرسه كانت جالسه بالحديقه على صوت كف

وفزعت لي وضمنتني هنا بكيت من كل قلبي لاول مره بالصف الثالث ماتت عرووق يدي وظهري من جلدهم
قالت ليه تضربينه قالت معقوله 3سنوات وكتاب مقلوب
قالت لها الله اعلم مايسمع اصم
وسبحان الله ارسلتني مستشفى هنا الطامه ولد العرب مايسمع
وقصص طويله لذا
يالحياه الخالده اكره مدرسه كرها غير طبيعي بالرغم خللصت الثانويه العامه

بعضكم قد يسال ابوك مايدري ليه ماقال لهم
الاب امي لايقراء ولا يكتب
مع الطلاب بيتكلم وبينطق لساني هنا تفكيره
وبعضكم بيسال طيب المدرسه ماطرشوني لمدرسه سمعيه وانا اقول للاسف ماكنت موجوده الا بالكويت فقط


عذرا الحياه الخالده تابعت موضوعك من اول طرحه ولازلت اقراء الردود اول باول

ذكرياتي تعيسه

[مهرة]

..

في مرحلة الإبتدائي كنت أحب حصة الرياضيات والعلوم

في الإعدادية كنت أحب اللغة الأنجليزية وحصة الإجتماعيات

في الثانوية حبيت التاريخ ومازلت وحصة الفيزياء والشريعة لأنها نفس المدرسة الله يذكرها بالخير ..

الحين أحب الرسم والقراءة ..

[توشيبا]

احب حصه العلوم الفصل الثاني صف ثاني اعدادي ماعتقد فيه حد يغيب ويفوت حصه ههههههه

واعشق الرياضيات

واكره حصه الرسم ماعرف ارسم ددسن والجماعه في البدي

[الحياة الخالدة]

أنا آسفة لتخطي المشاركات
بس أول ما فتحت المنتدى قريت مشاركة أخوي ولد العرب
و انقبض قلبي من قسوة البشر و تعاملهم

اعذرني ياخوي ولد العرب لأني رجعتك لهالأيام المؤلمة


و لي عودة

[توشيبا]

ولد العرب شوف الخاص

[العلياا]

يمكن مدرسات الانجليزي كانوا يحبونج لأنج شطورة

تحبين الخياطة عاد عسى تعرفين تخيطين الحين ؟؟

وحلو إنج كنتي تحبين الرياضة لأجل الرياضة .. مب للشردة من باقي الدروس


العفو حبيبتي .. وانا مستمتعــــــة معاكم

ايه لاني كنت شاطرة :o
وللحين احب اخيط وابتلشت في اخوي كل يوم والثاني اسوي له زر الثوب :(


ولد العرب
الحمدلله انها فترة وعدت وان شاءالله تنسى كل اللي صار
الله يكون في عونك :(

[حمد 2002]

حصه الأحياء ههههههه








لانه كنه انسولف والأستاذ يشرح هههههههه ومايقول لنا شيء ..

وتحديدا بأول ثانوي ..

[حمد 2002]

شكرا اختي الحياه

[ولد العرب]

أنا آسفة لتخطي المشاركات
بس أول ما فتحت المنتدى قريت مشاركة أخوي ولد العرب
و انقبض قلبي من قسوة البشر و تعاملهم

اعذرني ياخوي ولد العرب لأني رجعتك لهالأيام المؤلمة


و لي عودة
هلا اختي ماعليك لوم
والعذر منك على الاقل ارتحت لي منزلتي مووضووع اقاوم نفسي واكبحها
ولكن هيهات انتم اخواني

وشفت مصيبه غيري بالخاص اليوم عن دراسته وهنات مصيبتي

[ولد العرب]

ولد العرب شوف الخاص

:( الله مستعان ليش كذا ياتوشيبا

[ولد العرب]

ايه لاني كنت شاطرة :o
وللحين احب اخيط وابتلشت في اخوي كل يوم والثاني اسوي له زر الثوب :(


ولد العرب
الحمدلله انها فترة وعدت وان شاءالله تنسى كل اللي صار
الله يكون في عونك :(

الحمد الله على كل حال
العوض في عيالي وبناتي باذن الله
مشكوره خيتوا

[ولد العرب]

حصه الأحياء ههههههه








لانه كنه انسولف والأستاذ يشرح هههههههه ومايقول لنا شيء ..

وتحديدا بأول ثانوي ..

معيض 2002 انت مصاصتك من ذهب يوم ولدت :(

[.قطر.]

حصه الأحياء ههههههه








لانه كنه انسولف والأستاذ يشرح هههههههه ومايقول لنا شيء ..

وتحديدا بأول ثانوي ..
نفس الوضع يصير معاي :happy:
بس هم يسولفون وانا انتبه وماقدر اركز من سوالفهم :rolleyes2:

[.قطر.]

انا اكره ماعندي المدرسه بكبرها ذكريات الييييمه جدا لااكاد انسى وانا الان بلغت من العمر ولدي اطفال بالله تخيلوا معي اني احلم بالمدرسيين والمدرسه والعذاب لين يومكم
مثل ماتقولون قلبي مليان والله لدرجه توصل لي اخبار مدرسين اللي توفاهم الله ومالي الا اقول الله يرحمهم ويغفر لهم

وحتى المدرسات الله يسامحهم قسوة بقسوة



ابوي والولده اميه لايقرون ولا يكتبون
وانا اخوكم في الله على وجهه اصم يالله اخذ وقطني بالمدارس ولا كنت افهم وليه طابور ذا
وليه متجمعين بالصف وش القصه
ذاك الرجل المدرس حامل عصا واللي بعده واير ابيض وهلم جر

تميت على عماي مش فاهم شي اللهم ابوي الله يرحمه سلمني للمدرس وعطاني فلوس ولا نسيت ماحييت ومشى قدامي واختفى وانا ابد مهب مستوعب انا وين وش سالفه
وش قصه الجرس وش قصه الفسحه وهواش امام مقصف مافهمت ليه يتهاوشون
لاني ببساطه ماكنت اعرف شي اسمه مدرسه ماكنت افهم شي
مره اول حصه تعارف وباول حصه شفت الضرب للطلاب
ومر اول يوم وانتهى الطابور واخترت صف مافيه زحمه على نياتي ياجماعه ورجعوني لصفي
اسمي ماكنت اقدر انطقه عجز بلساني
وبداء الدرس ويالله تعال ياولد العرب وين وصلنا بالصفحه ليه ماتتبع معنا افتح يدك انواع تلشط يوميا
يوميا يوميا
لين منا الله علينا بمنزل جديد في الدوحه حيث الحضاره
وفارقت مدرسه العذاب سنتين
وانتقلت مدرسه نموذجيه مدرسات اسوى تعذيب من السابقه
وبداء الدرس ولازلت عاجز عن التتبع بالدرس طالب يقراء والكل يتابع بكاتبه لين وصل دوري واقفتني معلمتي قالت اين وصلنا اشرت بيدي هنا وفاجاه اظلم الدنيا بوجهي من قوة الصفقه على وجهي مانسيت ولا اقدر انساها الله يسامحها
تدرون ليش جاني كف لاني ماكنت اعرف الكتاب مقلوب احسب انه صح وهي تحسب اني استعبط عليها
وجرتني وراء بالساحه وهات يالكف الثاني وانتبهت مدرسه كانت جالسه بالحديقه على صوت كف

وفزعت لي وضمنتني هنا بكيت من كل قلبي لاول مره بالصف الثالث ماتت عرووق يدي وظهري من جلدهم
قالت ليه تضربينه قالت معقوله 3سنوات وكتاب مقلوب
قالت لها الله اعلم مايسمع اصم
وسبحان الله ارسلتني مستشفى هنا الطامه ولد العرب مايسمع
وقصص طويله لذا
يالحياه الخالده اكره مدرسه كرها غير طبيعي بالرغم خللصت الثانويه العامه

بعضكم قد يسال ابوك مايدري ليه ماقال لهم
الاب امي لايقراء ولا يكتب
مع الطلاب بيتكلم وبينطق لساني هنا تفكيره
وبعضكم بيسال طيب المدرسه ماطرشوني لمدرسه سمعيه وانا اقول للاسف ماكنت موجوده الا بالكويت فقط


عذرا الحياه الخالده تابعت موضوعك من اول طرحه ولازلت اقراء الردود اول باول

ذكرياتي تعيسه
قصتك مؤثره وحزينه :weeping:
تخيلت نفسي مكانك واقول ليش جي يعاملوني المفروض يراعون حالتي :(

[توشيبا]

:( الله مستعان ليش كذا ياتوشيبا

يوم الحساب كلن بياخذ حقه :victory:

[شيزكيك]

كانت احلى حصه عندي الانجليزي كنت مبدعه وبالتالي تخصصي كان انجليزي في الجامعة واشتغلت مدرسة انجليزي

[الحياة الخالدة]

صبح صبح يالحياة ;)


الصراحة انا كنت احب المعلم والابلة

يعني ماحب الحصه

لا

احب راعي الحصه لان الأسلوب هو اللي يجذبني :)

وكنت احب احب حصه الانقليزي لان المدرس سميي هههه
وكنت احب حصه الفنية لان المدرسة كيوت ;)

ما شاء الله
يعني انت ماحبيت الحصص
حبيت المدرسين والمدرسات لأنهـــــم كيووووت

شي طيب
وعلى جذي انت بكبرك كنت كيووووت .. و قاعد على الكرسي و متكتف .. وتكتفي بتوزيع ابتسامات
I am so impressed

[الحياة الخالدة]

امووووت ع الاحتياط

الرسم اهم شي هههههه

الله ع التسعينات :weeping:

الاحتياط
والرســــــم

يعني مب مال دراسة باختصار :nice:

[رهج السنابك]

انا اكره ماعندي المدرسه بكبرها ذكريات الييييمه جدا لااكاد انسى وانا الان بلغت من العمر ولدي اطفال بالله تخيلوا معي اني احلم بالمدرسيين والمدرسه والعذاب لين يومكم
مثل ماتقولون قلبي مليان والله لدرجه توصل لي اخبار مدرسين اللي توفاهم الله ومالي الا اقول الله يرحمهم ويغفر لهم

وحتى المدرسات الله يسامحهم قسوة بقسوة



ابوي والولده اميه لايقرون ولا يكتبون
وانا اخوكم في الله على وجهه اصم يالله اخذ وقطني بالمدارس ولا كنت افهم وليه طابور ذا
وليه متجمعين بالصف وش القصه
ذاك الرجل المدرس حامل عصا واللي بعده واير ابيض وهلم جر

تميت على عماي مش فاهم شي اللهم ابوي الله يرحمه سلمني للمدرس وعطاني فلوس ولا نسيت ماحييت ومشى قدامي واختفى وانا ابد مهب مستوعب انا وين وش سالفه
وش قصه الجرس وش قصه الفسحه وهواش امام مقصف مافهمت ليه يتهاوشون
لاني ببساطه ماكنت اعرف شي اسمه مدرسه ماكنت افهم شي
مره اول حصه تعارف وباول حصه شفت الضرب للطلاب
ومر اول يوم وانتهى الطابور واخترت صف مافيه زحمه على نياتي ياجماعه ورجعوني لصفي
اسمي ماكنت اقدر انطقه عجز بلساني
وبداء الدرس ويالله تعال ياولد العرب وين وصلنا بالصفحه ليه ماتتبع معنا افتح يدك انواع تلشط يوميا
يوميا يوميا
لين منا الله علينا بمنزل جديد في الدوحه حيث الحضاره
وفارقت مدرسه العذاب سنتين
وانتقلت مدرسه نموذجيه مدرسات اسوى تعذيب من السابقه
وبداء الدرس ولازلت عاجز عن التتبع بالدرس طالب يقراء والكل يتابع بكاتبه لين وصل دوري واقفتني معلمتي قالت اين وصلنا اشرت بيدي هنا وفاجاه اظلم الدنيا بوجهي من قوة الصفقه على وجهي مانسيت ولا اقدر انساها الله يسامحها
تدرون ليش جاني كف لاني ماكنت اعرف الكتاب مقلوب احسب انه صح وهي تحسب اني استعبط عليها
وجرتني وراء بالساحه وهات يالكف الثاني وانتبهت مدرسه كانت جالسه بالحديقه على صوت كف

وفزعت لي وضمنتني هنا بكيت من كل قلبي لاول مره بالصف الثالث ماتت عرووق يدي وظهري من جلدهم
قالت ليه تضربينه قالت معقوله 3سنوات وكتاب مقلوب
قالت لها الله اعلم مايسمع اصم
وسبحان الله ارسلتني مستشفى هنا الطامه ولد العرب مايسمع
وقصص طويله لذا
يالحياه الخالده اكره مدرسه كرها غير طبيعي بالرغم خللصت الثانويه العامه

بعضكم قد يسال ابوك مايدري ليه ماقال لهم
الاب امي لايقراء ولا يكتب
مع الطلاب بيتكلم وبينطق لساني هنا تفكيره
وبعضكم بيسال طيب المدرسه ماطرشوني لمدرسه سمعيه وانا اقول للاسف ماكنت موجوده الا بالكويت فقط


عذرا الحياه الخالده تابعت موضوعك من اول طرحه ولازلت اقراء الردود اول باول

ذكرياتي تعيسه



حيييييل عورني قلبي معقوله المدرسه ثلاث سنين مااكتشفوا حالتك طيب انت ماكنت تقدر تتكلم بعد دامك ولدت اصم صح؟
بصراحة ولد العرب كان عندي سؤال وانحرجت اسألك
اذا مافي احراج انا لاحظت تقدر تكتب باللهجات المختلفه
اذا انت ماسمعت اللهجة كيف تميزها وكيف تكتبها وانت عمرك ماسمعتها
وبعد كتابتك مية بالمية سليمه باللهجة القطرية هل تعلمت من القراءة فقط؟!
كيف قدرت تفهم معنى كل كلمة من مجرد القراءة وكيف عرفت تقرا
سبحان الله
بس انت مب هين ع فكرة شيطوووووووون

[محب قطر 64]

حكاية ولد العرب تنفع قصة مكتوبة
ذكرنني بقصة الايام لطه حسين في سردة لمعاناته في طفولته الدراسية لكنه كان لمصلحته لما كبر
عدينا مرحلته الابتدائي مش بالساهل
انا مثل ولد العرب وعيت على المدرسة انها مدرسة بالسادس وما فوق
كانت علاماتي جيد الى جيد جدا في كل المواد
وتقبلت كل المواد ما فضلت حصة على حصة
احلى حصة كانت الفسحة هيييييييييييييييييييييي

[الحياة الخالدة]

كنت احب حصة المعلمة الي تحبني واحبها
عاد اصير اشطر وحده وبنفس الوقت استحي من الابلة هاهاها < نفسيات

يعني الحب متبادل
غالباً الطالب يحب المادة لما المدرس يكون متمكن و قادر على تحبيبه فيها
والمدرس يحب الطالب المجتهد الشاطر أو ذو الشخصية الحبوبة

شاطرة وتستحيـــــن :shy::nice:

[الحياة الخالدة]

الحياة احسج من النوع الي كان يحط علوج فشعر البنات (:

وصلت لك أخيــــــراً يالشرير :anger1:
على أي أساس جاك هالاحساس ( شرايك فيني وانا شاعرة متمكنـــــة ) :discuss:
بالعكس والله كنت هادية وخواااافة .. ما اتناشب مع أحد عشان ما يهاوشوني
أقصد البنات طبعاً .. لأن المدرسات كانوا كلهم يحبوني

[مشـــــاعر]

الحمد الله على كل حال
العوض في عيالي وبناتي باذن الله
مشكوره خيتوا

الله يخليهم لكك ويرفعون رآإسكك بإذن آإلله . .


عن نفسي كنت أحب حصة آإلرسم :shy:
هي آإلحصة الوحيدة إللي أفرّغ فيها طآإقتي ع الأورآإق :rolleyes2:

[حليتان*]

فالابتدائيه كنت احب الرياضيات خاصه فصف ثالث كانت عندنا ابله حبوبه الحين ولدها رفيجي

وفالاعداديه الرياضه


وفالثنويه ماكنت اداني المدرسه بكبرها وكل شارد ههههه وله فمعمل الكمبيوتر شابك ع المنتدى هههههه

ومع ذلك جبت 88%