السفـــــر .. حـان طـاريــــــه ..!

[sweet qatar]

السلام عليكم ورحمة الله وبركاته


من الأمور اللي تجيب السعادة .. مقابلة هذا الشيء الحنون

http://www13.0zz0.com/2014/05/31/18/185162061.jpg

وهذا أكبر دليل على إن الحب لا يعترف بالجمال :shy:.. !



لكن يبقى اللغز الذي حير العلماء


http://cdn-wac.emaratalyoum.com/polopoly_fs/1.236851.1272220992!/image/3142414131.jpg


مالذي تحتويه شنط السفر


من غرائب وعجائب ومأكولات ..!!


ما بين مؤيد ومستنكر


ياليت تشاركونا آراءكم و تجاربكم حول حمل الطعام أثناء السفر .. وهل هو ضروري .. أم عادات وتقاليد :o

[الجـــوديّ]

وعليكم السلام ورحمة الله وبركاته ،،



موضوع حلو ياسويتي ..



بيني وبين نفسي قررت اني ما اسافر الا وانا حاطة المأكولات التالية في الشنطة تكفي ليلة واحدة للاحتياط:

(( خبز + جبن + زعتر + زيت زيتون + قوطي حليب + أكياس شاي+قهوة عربية وادواتها))

سوا كنا مسافرين أي مكان في العالم .... قريب والا بعيد

من عقب الحجة الأخيرة لي والخربطة اللي صارت فيها (متنا من الجوع)

+

هالمأكولات هي المفضلة عندي وعند اليهال وقت التعب حتى لو كان جنبها قوزي!

[qatara]

هو تم امان في بلدان العالم للسفر

[بصمة قطرية]

بالنسبة لي شيين لازم معاي حتى لو رايحة الحسا ليلة ..
القهوة ( دلة جاهزة للطريق .. و لازم يومياً أسوي القهوة قبل لا نطلع )
على فكرة أنا ما أشرب قهوة ..
بس لازم لبوالعيال ..
ثانياً حليب و شاي ..
لزوم الكرك أول ما أصحى ..
باقي الأشياء ما تهمني عادي أصلاً
الأكل آخر إهتماماتي و ما عندي مشكلة أعيش على الفواكه ..
بس إذا عيالي معاي لازم آخذ لهم ( البهانس )
بساكيت و اشياء بسيطة ..

[حمد بن خالد]

ولا حتى صبع جوكلت ( كافي )

كل ماخفت كل ماكان أفضل

[بومحمد المطاوعه]

وعليكم السلام ورحمة الله وبركاته ,,

انا عن نفسي لو اسافر بالسياره ,,

لو بروحي ما اخذ معاي لا دله ولا شي ,,

الله يخلي المحطات فيها الشاي وكل انواع الكوفي ’’

محطه وقود ومحطات السعوديه وفي الأمارات ,,

ولكن لو معاي ام عيالي وعيالي ,,
تسوي شاي وقهوه وكرك ,,

واخذ معاي روتي سليس وجبن وجام ,,
ونواع الاشباس والكوافي وهالسوالف ,,
للخط يعني لين اوصل دبي ,,

ورحت تقريبآ مرتين فالسياره ,, مع العيال

والله يحفظ الجميع ,,

[المــزن*]

وعليكم السلام والرحمه

اي والله صدقتي يا سويت هالدبدوب يجلب الراحة النفسيه :shy:

عن نفسي ف الخليج مااخذ ولا شي معاي

بس برا الخليج لازم قهوة ومستلزمات الشاي وتوست + جبن :nice: واشياء خفيفه للياهال


يعطيج العافيه حبيبتي :nice:

[sweet qatar]

وعليكم السلام ورحمة الله وبركاته ،،



موضوع حلو ياسويتي ..



بيني وبين نفسي قررت اني ما اسافر الا وانا حاطة المأكولات التالية في الشنطة تكفي ليلة واحدة للاحتياط:

(( خبز + جبن + زعتر + زيت زيتون + قوطي حليب + أكياس شاي+قهوة عربية وادواتها))

سوا كنا مسافرين أي مكان في العالم .... قريب والا بعيد

من عقب الحجة الأخيرة لي والخربطة اللي صارت فيها (متنا من الجوع)

+

هالمأكولات هي المفضلة عندي وعند اليهال وقت التعب حتى لو كان جنبها قوزي!




:omg:

متوا من اليوع ؟ .. سالفتج شكلها أكشن !!

انزين ممكن تقولين لنا وين الخطأ الي صار ؟ و شلون ترتبين الأكل في الشنط ؟

الله يخلي لج اليهال و شاكرة لج مشاركتج الحلوة :o





هو تم امان في بلدان العالم للسفر

الحافظ الله :o

[رجل الجزيرة]

يا زين الأرض وبس.

[@north_star@]

سالفة الاكل بس اذا سافرت بالسيارة أما الطيارة ما يحتاج :nice:

[sweet qatar]

بالنسبة لي شيين لازم معاي حتى لو رايحة الحسا ليلة ..
القهوة ( دلة جاهزة للطريق .. و لازم يومياً أسوي القهوة قبل لا نطلع )
على فكرة أنا ما أشرب قهوة ..
بس لازم لبوالعيال ..
ثانياً حليب و شاي ..
لزوم الكرك أول ما أصحى ..
باقي الأشياء ما تهمني عادي أصلاً
الأكل آخر إهتماماتي و ما عندي مشكلة أعيش على الفواكه ..
بس إذا عيالي معاي لازم آخذ لهم ( البهانس )
بساكيت و اشياء بسيطة ..

ماشالله عليج

طيب ممكن تفيدينا بطريقة ترتيب الأغراض هذي في الشنط

شاكرة لج المشاركة وانتظر تفاصيل الترتيب .. بليز يعني :rolleyes:


ولا حتى صبع جوكلت ( كافي )

كل ماخفت كل ماكان أفضل

أميل لرأيك .. التخفيف والتغيير أفضل

بس لو كنت مسافر بروحك .. لكن لو معاك العايلة .. كبار وصغار
أعتقد صبع شوكلت بيفك أزمات :o

[sweet qatar]

وعليكم السلام ورحمة الله وبركاته ,,

انا عن نفسي لو اسافر بالسياره ,,

لو بروحي ما اخذ معاي لا دله ولا شي ,,

الله يخلي المحطات فيها الشاي وكل انواع الكوفي ’’

محطه وقود ومحطات السعوديه وفي الأمارات ,,

ولكن لو معاي ام عيالي وعيالي ,,
تسوي شاي وقهوه وكرك ,,

واخذ معاي روتي سليس وجبن وجام ,,
ونواع الاشباس والكوافي وهالسوالف ,,
للخط يعني لين اوصل دبي ,,

ورحت تقريبآ مرتين فالسياره ,, مع العيال

والله يحفظ الجميع ,,

آمين

فعلاً السفر بالسيارة له ترتيب ثاني

وأنا أفضل تجهيز وجبات خفيفة للطريق .. أحسن من الشبس والحلويات
لأنها بتزيد نشاط اليهال وحركتهم في السيارة

والله يخليهم لك ..'

[sweet qatar]

وعليكم السلام والرحمه

اي والله صدقتي يا سويت هالدبدوب يجلب الراحة النفسيه :shy:

عن نفسي ف الخليج مااخذ ولا شي معاي

بس برا الخليج لازم قهوة ومستلزمات الشاي وتوست + جبن :nice: واشياء خفيفه للياهال


يعطيج العافيه حبيبتي :nice:

الله يعافيج حبيبتي :o

حلو والله ماتاخذين شي معاج في الخليج
أنا أعرف ناس يروحون الإمارات وياخذون معاهم ماجلة :)

بليز لاتقولين انج تاخذين جبن قلاصات ؟!

[بومحمد المطاوعه]

آمين

فعلاً السفر بالسيارة له ترتيب ثاني

وأنا أفضل تجهيز وجبات خفيفة للطريق .. أحسن من الشبس والحلويات
لأنها بتزيد نشاط اليهال وحركتهم في السيارة

والله يخليهم لك ..'

اللهم امين ,,
خليهم تزيد علشان يرقدون ههههههههه

انا اوزع عليهم الأيبادات ,,
واشغل لهم ديفيدي ف شاشات الموتر ..

وحاط لهم برانيص ,, علشان كل واحد يحط راسه ويرقد ,,
وطبعآ ملبسينهم بجامات ههههههههه
يعني امورهم طيبه الحمدلله ..

[sweet qatar]

يا زين الأرض وبس.

ليش بس ؟



سالفة الاكل بس اذا سافرت بالسيارة أما الطيارة ما يحتاج :nice:

ماشالله عليك .. بس ما وضحت لنا نورث

إذا كان سفرك وحداني ولا مع العايلة ؟

[sweet qatar]

اللهم امين ,,
خليهم تزيد علشان يرقدون ههههههههه

انا اوزع عليهم الأيبادات ,,
واشغل لهم ديفيدي ف شاشات الموتر ..

وحاط لهم برانيص ,, علشان كل واحد يحط راسه ويرقد ,,
وطبعآ ملبسينهم بجامات ههههههههه
يعني امورهم طيبه الحمدلله ..

ماشالله الوصف بروحه يريح :)

حلو إنك تستعد لكل شي إذا معاك يهال


وايد شفت أبهات طلعوا من طورهم

من ناحية يراكضون يخلصون الإجراءات .. ومن ناحية تلقي البزر يحن علي أبوه
ولا يشيل المكان بصياحه !

[@north_star@]

ليش بس ؟




ماشالله عليك .. بس ما وضحت لنا نورث

إذا كان سفرك وحداني ولا مع العايلة ؟

طبعا لو بالسيارة مع العيال لازم شوية فواكه وشاي وقهوة او نسكافيه وكيك وسوالف اليهال ولو بروحي اهم شي الماي ودلة الشاي والتركش
وبالنسبه للطيارة شوية كيك وبسكوت وحلاوة حق اليهال بس

[بومحمد المطاوعه]

ماشالله الوصف بروحه يريح :)

حلو إنك تستعد لكل شي إذا معاك يهال


وايد شفت أبهات طلعوا من طورهم

من ناحية يراكضون يخلصون الإجراءات .. ومن ناحية تلقي البزر يحن علي أبوه
ولا يشيل المكان بصياحه !

والله اختي ,, شوفي بقولج شي
هذيله من لحمي ودمي عيالي ,,

اسوي المستحيل وامسك اعصابي مهما كان السبب ,,
بس ما ابين لهم اني بارد ,, ولا اكون قاسي ..

الحين الحمدلله بس ألتفت عليهم واعطيهم النظره الشرسه خخخخ
يسكتون ويصخون وعقب لو يبون شي

على طول بابا بصوت خفيف
اذا ضحكت وقلت لهم لبيه يضحكون ويلموني لدرجه التزنط:rolleyes2: هههههه

والحمدلله الحياه تمشي مع التغافل والتهاون والصبر ,,

يعني لو صب شاي على الكرسي ,,
شنو يعني خله يصب
مرده بينغسل وبيتغير وبيتجدد ,,

ولكن لو صب الشاي ونزلت وضربته وتشوه الولد ,,
شالفايده اللوم عقب
هل اقدر ابدله ,,
ابدل جلده ابدل التشووه

صعب جدآ لو زرعتي في طفلج العنف والصياح والهواش
صعب يتغير في اليوم والليله

والله ,, لو صاده توحد الياهل من التعامل والهواش والحزن
بيتحسف الأب من تصرفاته مع الولد الحركي ,,

اسأل الله ان يحفظ عيالي وعيالكم يارب ,, ويازين الحياه بالعيال والشقف والهواش والضحك والتكسر

كل هاي فدوووووه لهم :)

[القبطان سلفر]

الطعام بشكل عام يمثل مكون ثقافي وهوية وطنية لمعظم شعوب العالم .خصوصا سكان الدول الشرقيه . فالاجانب الاوربيين على سبيل المثال لا يهتمون كثيرا بنقل اطعمتهم الخاصه او حتى نكهاتها التي تضاف في الطبخ لانهم بالأساس يعتمدون على الوجبات السريعه او المطاعم المختلفه بمعنى ليس لديهم ثقافة النكهة المتجذره فينا كشرقيين .

العرب وخصوصا الخليجيين أصحاب مزاج وذوق صعب ولا يرضون بالقليل لذلك عند سفرهم لدول لا تنسجم ونكهة طعامهم كالدول الغربيه . يحرصون على اخذ بعض أنواع اطعمتهم الضروريه وبهاراتها التي لا غنى عنها في الخارج .

عن نفسي احرص كل الحرص على اخذ أدوات صنع القهوة التركية كالبن والموقد ( الفرن ) الصغير لصناعتها . فهي تعتبر من اهم الأولويات لدي:victory:


اما الاطعمه والبهارات فهي أمور لانحضرها معنا لتوفر مطاعم اسيويه وعربيه في الخارج قريبه من المذاق العربي وان كنا صدمنا في أحيان كثيره من سؤ الطعم وعدم صلته بالاسيوي او حتى العربي ......... ولكن العوض ولا الحريمه :weeping:

[JN000N]

وعليكم السلام ورحمة الله وبركاته


على حسب مدة السفر ووين بنسافر
يعني دول الخليج مستحيل نودي اكل او بهارات وهالسوالف
بس هيل وزعفران وقهوه والباقي من هناك

اما اذا سفره طويله شهر وطالع وبنسكن في شقه او بيت ومب فندق
ف نودي معانا البهارات لزوم الطبخه تطلع خنينه خاصه اذا مثلا رحنا مصر غير القهوه وما شابه
اما لو دوله اجنبيه ومطولين فيها ومب كل شي نحصله هناك ف تلاقينا ودينا البهارات وبعض الاشيا (مثال يوم كنا ف امريكا وكنا مرمضين هناك حتى خبز الرقاق وديناه والكرم كرمل والقشطه لان مانحصل حتى ف البقالات العربيه وطحين اللقيمات والتمر وهالسوالف)

في اماكن مثلا كلنا من مطاعمهم ومأساه كان والمشكله مب حاسبين حساب نودي اكل معانا ف الله يسلم الجمعيه شرينا الطماط والعيش وسلقنا العيش والطماط مدفون فيه والله يسلم الروب حق اللي ما يحب يعصر الطماطه وبالهنا والشفا هيهيهيهي

المهم
متى بتكنسلون اقامتي شهرين وتسفروني :)

[sweet qatar]

طبعا لو بالسيارة مع العيال لازم شوية فواكه وشاي وقهوة او نسكافيه وكيك وسوالف اليهال ولو بروحي اهم شي الماي ودلة الشاي والتركش
وبالنسبه للطيارة شوية كيك وبسكوت وحلاوة حق اليهال بس

ههههههههه

حق اليهال بس !! أشكره ما تشيل الخفايف هذي بنفسك :)


ذكرتني بالشباب معانا .. أول شي بيعطونا الجوازات
عقب بيعطونا الكيمره شوي إلا كل أغراضهم في شناطنا وهم خفاف ماشالله


الله يخلي لك اليهال و يحفظهم

[ضوى]

موضوعج حلو يازعلانه

انا ماودي اكل معاي السفر بس اودي شنطة صغيرة فيه جبس وحلويات وبسكوت لزوم النقنة في الطيارة والمطار عشان الصغيرة اللي عندي وعيالي اذا جا على بالهم الاكل

صج نتوهق بالمطاعم بس نمشي الحال ونرجع خسرانين وزن من قل الاكل

[حسن]

انا اهم شي عندي الشورت حق السبوح يافي البحر ولا في البركه

بالنسبه للاكل اودي ساعات خبز مهياوه وجبنه ميش
وبخاخ حق الناموس

:)

[sweet qatar]

والله اختي ,, شوفي بقولج شي
هذيله من لحمي ودمي عيالي ,,

اسوي المستحيل وامسك اعصابي مهما كان السبب ,,
بس ما ابين لهم اني بارد ,, ولا اكون قاسي ..

الحين الحمدلله بس ألتفت عليهم واعطيهم النظره الشرسه خخخخ
يسكتون ويصخون وعقب لو يبون شي

على طول بابا بصوت خفيف
اذا ضحكت وقلت لهم لبيه يضحكون ويلموني لدرجه التزنط:rolleyes2: هههههه

والحمدلله الحياه تمشي مع التغافل والتهاون والصبر ,,

يعني لو صب شاي على الكرسي ,,
شنو يعني خله يصب
مرده بينغسل وبيتغير وبيتجدد ,,

ولكن لو صب الشاي ونزلت وضربته وتشوه الولد ,,
شالفايده اللوم عقب
هل اقدر ابدله ,,
ابدل جلده ابدل التشووه

صعب جدآ لو زرعتي في طفلج العنف والصياح والهواش
صعب يتغير في اليوم والليله

والله ,, لو صاده توحد الياهل من التعامل والهواش والحزن
بيتحسف الأب من تصرفاته مع الولد الحركي ,,

اسأل الله ان يحفظ عيالي وعيالكم يارب ,, ويازين الحياه بالعيال والشقف والهواش والضحك والتكسر

كل هاي فدوووووه لهم :)

اللهم آمين

يستاهلون والله

أنا استغرب من الي يسافر إجازة و طول الوقت يسكت ولده ولا يصرخ علي بنته

زين شالفايدة !! ليش كل هالخساير إذا بتحرق قلبك وقلبهم !!

آخر سفرة كان جدامي أبو .. صرخ صرخة علي ولده و خذه واحذفه
بغيت أموت في مكاني من الرعب

مع إن المكان يهبل والجو خيالي ..

صج الياهل كان يحن بس انت أبوه لازم تمسك أعصابك


الله يهدي الجميع

[المــزن*]

الله يعافيج حبيبتي :o

حلو والله ماتاخذين شي معاج في الخليج
أنا أعرف ناس يروحون الإمارات وياخذون معاهم ماجلة :)

بليز لاتقولين انج تاخذين جبن قلاصات ؟!

اي فالخليج استثقل اودي شي معاي هههه الفنادق ماشاءالله ماتقصر
في ناس مايحبوون اي قهوة ، لازم خلطاتهم الخاصه :nice:


http://www.qqq4.com/u/811204151428818527161.jpg (http://www.qqq4.com/)

هالجبن الي اخذه معاي :nice:

[غريب الدّار]

انا اهم شي عندي الشورت حق السبوح يافي البحر ولا في البركه

بالنسبه للاكل اودي ساعات خبز مهياوه وجبنه ميش
وبخاخ حق الناموس

:)

هههههههههههههههههههههههههاهاهاهاهاهاهاهاهاهاهاهاها هاهاهاهاههاهاهاههههههههههههههههههههههههههاهاهاهاها ههاهاهاهاهاهاههههههههههههههههههااي

مادري اذا كلامك جد ولا لا يابو علي
ودايما على راسي

بس والله ضحكت

الله يسعد لياليك قول آمين
:)


خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخ

[sweet qatar]

الطعام بشكل عام يمثل مكون ثقافي وهوية وطنية لمعظم شعوب العالم .خصوصا سكان الدول الشرقيه . فالاجانب الاوربيين على سبيل المثال لا يهتمون كثيرا بنقل اطعمتهم الخاصه او حتى نكهاتها التي تضاف في الطبخ لانهم بالأساس يعتمدون على الوجبات السريعه او المطاعم المختلفه بمعنى ليس لديهم ثقافة النكهة المتجذره فينا كشرقيين .

العرب وخصوصا الخليجيين أصحاب مزاج وذوق صعب ولا يرضون بالقليل لذلك عند سفرهم لدول لا تنسجم ونكهة طعامهم كالدول الغربيه . يحرصون على اخذ بعض أنواع اطعمتهم الضروريه وبهاراتها التي لا غنى عنها في الخارج .

عن نفسي احرص كل الحرص على اخذ أدوات صنع القهوة التركية كالبن والموقد ( الفرن ) الصغير لصناعتها . فهي تعتبر من اهم الأولويات لدي:victory:


اما الاطعمه والبهارات فهي أمور لانحضرها معنا لتوفر مطاعم اسيويه وعربيه في الخارج قريبه من المذاق العربي وان كنا صدمنا في أحيان كثيره من سؤ الطعم وعدم صلته بالاسيوي او حتى العربي ......... ولكن العوض ولا الحريمه :weeping:

شكرآ علي عمق التحليل كابتن

فعلاً تمسك الشرقيين بطعامهم أكبر باضعاف من الأوروبيين

بالعكس انفتاح الأوروبيين أكبر علي أطعمة الشعوب الأخري

للأسف كابتن الموضوع صار أكبر من المزاج و التوفير مثل ما ما كان في السابق

صار شو لدي البعض.. الي يحبون تقليد الهاي كلاس :)

[حسن]

هههههههههههههههههههههههههاهاهاهاهاهاهاهاهاهاهاهاها هاهاهاهاههاهاهاههههههههههههههههههههههههههاهاهاهاها ههاهاهاهاهاهاههههههههههههههههههااي

مادري اذا كلامك جد ولا لا يابو علي
ودايما على راسي

بس والله ضحكت

الله يسعد لياليك قول آمين
:)


خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخ

:omg:


:con2:

[بومحمد المطاوعه]

اللهم آمين

يستاهلون والله

أنا استغرب من الي يسافر إجازة و طول الوقت يسكت ولده ولا يصرخ علي بنته

زين شالفايدة !! ليش كل هالخساير إذا بتحرق قلبك وقلبهم !!

آخر سفرة كان جدامي أبو .. صرخ صرخة علي ولده و خذه واحذفه
بغيت أموت في مكاني من الرعب

مع إن المكان يهبل والجو خيالي ..

صج الياهل كان يحن بس انت أبوه لازم تمسك أعصابك


الله يهدي الجميع

اللهم امين ,,

والله انا اتضايق لو شفت تصرف جذي ,,
اعوذ بكلمه انا ولكن ,, لو سمح لي الوقت او النفسيه او قدرت اوقف الأب واكلمه
اوقفه واسلم عليه واكلمه وانصحه بيني وبينه ,,

في شخص كلمته قالي مالك شغل انا ابوه واعرف اتصرف ,, قلت له ادري
وصحيح مالي شغل بس حط في بالك لو تعقد الولد ,, انت السبب وانت الي بتتحاسب يوم القيامه ,,
وانت الي بتتحسف :)

خليته يفكر في نفسه وهالكلام يمكن يكون غافل عنه ولكن نصيحه من القهر والله ,,

الله يهديهم صدقتي البعض والله يعفس السفره بسبب اسلوبه ,, وتعامله

ترى هذوله اطفال ومعروفين انهم حركيين ويهال ف لازم الواحد يدرك عقله في التصرف ,,

الله يحفظ الجميع يارب ,,

[مختلفة عقليا]

السلام عليكم

ماغير الحلويات والجبس و الوالده الله يخليها كانت تاخذ كرك وقهوه ,’

وخفايف ., والباقي من الطريج .,

ويسلموو

[sweet qatar]

وعليكم السلام ورحمة الله وبركاته


على حسب مدة السفر ووين بنسافر
يعني دول الخليج مستحيل نودي اكل او بهارات وهالسوالف
بس هيل وزعفران وقهوه والباقي من هناك

اما اذا سفره طويله شهر وطالع وبنسكن في شقه او بيت ومب فندق
ف نودي معانا البهارات لزوم الطبخه تطلع خنينه خاصه اذا مثلا رحنا مصر غير القهوه وما شابه
اما لو دوله اجنبيه ومطولين فيها ومب كل شي نحصله هناك ف تلاقينا ودينا البهارات وبعض الاشيا (مثال يوم كنا ف امريكا وكنا مرمضين هناك حتى خبز الرقاق وديناه والكرم كرمل والقشطه لان مانحصل حتى ف البقالات العربيه وطحين اللقيمات والتمر وهالسوالف)

في اماكن مثلا كلنا من مطاعمهم ومأساه كان والمشكله مب حاسبين حساب نودي اكل معانا ف الله يسلم الجمعيه شرينا الطماط والعيش وسلقنا العيش والطماط مدفون فيه والله يسلم الروب حق اللي ما يحب يعصر الطماطه وبالهنا والشفا هيهيهيهي

المهم
متى بتكنسلون اقامتي شهرين وتسفروني :)

عدل كلامج جنون

الي بيسافر إجازة أقل من شهر .. مب مثل الي بيقعد له فترة لأي سبب

بس نصيحة لاتكثرين ولاتعلمين هههههههه

يعني لو رحتي زيارة لمغتربين و وديتي ماجلة لاتعلمينهم
خصوصاً إذا السالفة فيها سمج

لأن سفرتج بتنقلب طباخ في طباخ

انزين تري وصفج يشهي أحب الطماط علي العيش الأبيض :(

[العلياا]

ولو اني قليل ما اسافر لكن في هالسفرات القليلة وكانت مدتها اسبوعين لين ثلاث اسابيع كحد اقصى
ما نودي معانا شي فقط كيك للعيال يتسلون فيه فالطيارة ..

شخصياً ماكنت اتوقع ان الناس تودي معاها اكل فالسفر !!


يعطيج العافيه سويتي :o

[sweet qatar]

موضوعج حلو يازعلانه

انا ماودي اكل معاي السفر بس اودي شنطة صغيرة فيه جبس وحلويات وبسكوت لزوم النقنة في الطيارة والمطار عشان الصغيرة اللي عندي وعيالي اذا جا على بالهم الاكل

صج نتوهق بالمطاعم بس نمشي الحال ونرجع خسرانين وزن من قل الاكل

انتي الحلوة :o

أعتقد شي أساسي تاخذين شنطة سناك بيدج ولا عند اليهال
بس المشكلة وايد أشيا يمنعونها في المطار


أحلي شي في السفر خسارة الوزن غير إن تغيير نوع الأكل الي متعودة عليه تزيد حاسة التذوق





انا اهم شي عندي الشورت حق السبوح يافي البحر ولا في البركه

بالنسبه للاكل اودي ساعات خبز مهياوه وجبنه ميش
وبخاخ حق الناموس

:)


الأكل تحطه في شنطتك ولا أم العيال تولاه ؟!

انزين والريحة ؟

[sweet qatar]

اي فالخليج استثقل اودي شي معاي هههه الفنادق ماشاءالله ماتقصر
في ناس مايحبوون اي قهوة ، لازم خلطاتهم الخاصه :nice:


http://www.qqq4.com/u/811204151428818527161.jpg (http://www.qqq4.com/)

هالجبن الي اخذه معاي :nice:

لا يالمزن لاااا :weeping:

هالشي الي لازم تستغنين عنه .. لأنه مب جبن أصلا

أدري وايد ناس متعودين عليه ويحبونه ومايستغنون عنه

بس الكل يحذر منه !!


هههههههههههههههههههههههههاهاهاهاهاهاهاهاهاهاهاهاها هاهاهاهاههاهاهاههههههههههههههههههههههههههاهاهاهاها ههاهاهاهاهاهاههههههههههههههههههااي

مادري اذا كلامك جد ولا لا يابو علي
ودايما على راسي

بس والله ضحكت

الله يسعد لياليك قول آمين
:)


خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخ

شكله يتغشمر

بس سوا خير دام ضحكك .. دوم ان شالله :)

[sweet qatar]

اللهم امين ,,

والله انا اتضايق لو شفت تصرف جذي ,,
اعوذ بكلمه انا ولكن ,, لو سمح لي الوقت او النفسيه او قدرت اوقف الأب واكلمه
اوقفه واسلم عليه واكلمه وانصحه بيني وبينه ,,

في شخص كلمته قالي مالك شغل انا ابوه واعرف اتصرف ,, قلت له ادري
وصحيح مالي شغل بس حط في بالك لو تعقد الولد ,, انت السبب وانت الي بتتحاسب يوم القيامه ,,
وانت الي بتتحسف :)

خليته يفكر في نفسه وهالكلام يمكن يكون غافل عنه ولكن نصيحه من القهر والله ,,

الله يهديهم صدقتي البعض والله يعفس السفره بسبب اسلوبه ,, وتعامله

ترى هذوله اطفال ومعروفين انهم حركيين ويهال ف لازم الواحد يدرك عقله في التصرف ,,

الله يحفظ الجميع يارب ,,

والله ياخوي مب الكل يتقبل

بس صج موقف صعب و الوحدة ماتعرف شلون تصرف فيه

الله لا يعيده :(


السلام عليكم

ماغير الحلويات والجبس و الوالده الله يخليها كانت تاخذ كرك وقهوه ,’

وخفايف ., والباقي من الطريج .,

ويسلموو

وعليكم السلام ورحمة الله

الله يخلي لج الوالدة..'

[غريب الدّار]

شكله يتغشمر

بس سوا خير دام ضحكك .. دوم ان شالله :)

وياج يالشيخة ماقصرتي
عسى الله يسعدج دنيا وآخرة

[بومحمد المطاوعه]

والله ياخوي مب الكل يتقبل

بس صج موقف صعب و الوحدة ماتعرف شلون تصرف فيه

الله لا يعيده :(





اللهم امين ,, صحيح البعض مايتقبل ,,

بس انا اكون مرتاح نفسيآ اني كلمته

بغض النظر شنو بحصل ,, شكر ام كلمه مالك دخل ,,
عادي عندي ,,

ولكن لو غلط هني بتصرف تصرف اخر ,,
يعني لو سب او قال كلمه غير طيبه ,,

[JN000N]

عدل كلامج جنون

الي بيسافر إجازة أقل من شهر .. مب مثل الي بيقعد له فترة لأي سبب

بس نصيحة لاتكثرين ولاتعلمين هههههههه

يعني لو رحتي زيارة لمغتربين و وديتي ماجلة لاتعلمينهم
خصوصاً إذا السالفة فيها سمج

لأن سفرتج بتنقلب طباخ في طباخ

انزين تري وصفج يشهي أحب الطماط علي العيش الأبيض :(

حسرتي
ف امريكا فريجنا والشبيبه حولنا درو ان في مجابيس وصوالين وثريد قامو يتبادلون مواعينهم هههههه يحليلهم نطبخ لنا ولهم

لا تصدقين كثر ماسافرنا وطولنا في امريكا ماسوينا الا مجبوس الربيان ومشخول ربيان اما سمج ثاني لا
ومصر ايه على بياحهم المشوي غيره لا

ولايهمج زوريني انتي بس مره واللي مايسويلج ف مكتبه عيش ابيض هميج ومدفون فيه طماط ! كم سويت عندنا

[sweet qatar]

ولو اني قليل ما اسافر لكن في هالسفرات القليلة وكانت مدتها اسبوعين لين ثلاث اسابيع كحد اقصى
ما نودي معانا شي فقط كيك للعيال يتسلون فيه فالطيارة ..

شخصياً ماكنت اتوقع ان الناس تودي معاها اكل فالسفر !!


يعطيج العافيه سويتي :o

الله يعافيج حبيبتي :o

شكلج ما تدرين إن يودون كل شي من غرشة الفلفل لين خيشة العيش


أنا هالموضوع أتقبله مع المغتربين طلاب ولا دبلوماسيين ولا أي شغل برا

لكن سياحة !!

أحس أوفر

[sweet qatar]

وياج يالشيخة ماقصرتي
عسى الله يسعدج دنيا وآخرة

أجمعين ان شالله




اللهم امين ,, صحيح البعض مايتقبل ,,

بس انا اكون مرتاح نفسيآ اني كلمته

بغض النظر شنو بحصل ,, شكر ام كلمه مالك دخل ,,
عادي عندي ,,

ولكن لو غلط هني بتصرف تصرف اخر ,,
يعني لو سب او قال كلمه غير طيبه ,,

الله يجزيك خير ويجعلها في ميزان حسناتك

[حسن]

انتي الحلوة :o

أعتقد شي أساسي تاخذين شنطة سناك بيدج ولا عند اليهال
بس المشكلة وايد أشيا يمنعونها في المطار


أحلي شي في السفر خسارة الوزن غير إن تغيير نوع الأكل الي متعودة عليه تزيد حاسة التذوق







الأكل تحطه في شنطتك ولا أم العيال تولاه ؟!

انزين والريحة ؟

في شنطه خاصه علشان تعود مليانهدد

اي ريحه

!!!

[sweet qatar]

حسرتي
ف امريكا فريجنا والشبيبه حولنا درو ان في مجابيس وصوالين وثريد قامو يتبادلون مواعينهم هههههه يحليلهم نطبخ لنا ولهم

لا تصدقين كثر ماسافرنا وطولنا في امريكا ماسوينا الا مجبوس الربيان ومشخول ربيان اما سمج ثاني لا
ومصر ايه على بياحهم المشوي غيره لا

ولايهمج زوريني انتي بس مره واللي مايسويلج ف مكتبه عيش ابيض هميج ومدفون فيه طماط ! كم سويت عندنا

هههههههههه

والله طلابنا يكسرون خاطري .. يستاهلون الدلع كم يوم


تسلم لي أم السنع .. لا خلا ولا عدم :o

[المــزن*]

لا يالمزن لاااا :weeping:

هالشي الي لازم تستغنين عنه .. لأنه مب جبن أصلا

أدري وايد ناس متعودين عليه ويحبونه ومايستغنون عنه

بس الكل يحذر منه !!



شكله يتغشمر

بس سوا خير دام ضحكك .. دوم ان شالله :)


اذا مب جبن ،، عيل شنو؟؟ :omg: :eek5:

[sweet qatar]

في شنطه خاصه علشان تعود مليانهدد

اي ريحه

!!!

الحبنة الميش مب هاي الجبنة المصرية ؟؟ أخبر ريحتها قوية !

التخطيط حلو .. صج بتحتاج مكان للأغراض وأنت معود


اذا مب جبن ،، عيل شنو؟؟ :omg: :eek5:

دهن :(

[المــزن*]

الحبنة الميش مب هاي الجبنة المصرية ؟؟ أخبر ريحتها قوية !

التخطيط حلو .. صج بتحتاج مكان للأغراض وأنت معود



دهن :(

انا احس طعمه جبن ههههههههه

ماعلينا زين حق السفر شنو المناسب؟ المثلثات احس بتتفعص :( والغرشه بتنكسر :(

[بومحمد المطاوعه]

أجمعين ان شالله



الله يجزيك خير ويجعلها في ميزان حسناتك

اللهم امين يارب ..
وياكم

[العلياا]

الله يعافيج حبيبتي :o

شكلج ما تدرين إن يودون كل شي من غرشة الفلفل لين خيشة العيش


أنا هالموضوع أتقبله مع المغتربين طلاب ولا دبلوماسيين ولا أي شغل برا

لكن سياحة !!

أحس أوفر

صحيح :victory:

[أم محمد 90]

ههههههههه حبيت موضوعج , ياختي معاي وحدة بسناب رايحة لندن اشوفها تسوي المجبوس والقهوه والشاي والثريد والخبيص
سألتها من وين تشترونه

قالت لا مودين معانا !!!

انصدمت يعني ماقد رحت لندن بس ماعرف

انا عن نفسي مااخذ شي وياي الا غرشة الماي فقط .

[بوحارب]

صباحوو سويت

انا اشوف السفر سعادة مؤقتة

وخاصة ذلك الشخص الغبي اللي يسافر وهو متسلف

:)

[رجل الجزيرة]

ليش بس ؟




ماشالله عليك .. بس ما وضحت لنا نورث

إذا كان سفرك وحداني ولا مع العايلة ؟

عندي فوبيا من الطيران.
:)

مرة حسيت بضيقة كأني في غرشة والطيارة تقلع، حتى الآن ما عرفت ويش السبب؟ والمرة الثانية جاتني نفس الضيقة وذكرت الله من قلبي دخلتني سعادة كأني في عالم ثاني وإختفت الضيقة، والحين لو ملايين الدنيا ما ركبت الطيارة، والحمد لله على كل حال.

[حسن]

صباحوو سويت

انا اشوف السفر سعادة مؤقتة

وخاصة ذلك الشخص الغبي اللي يسافر وهو متسلف

:)

هلا بو حارب الحين انا طاير على الكويت

خبرك الاسناب شات لعب دور

باطرش لك الحين الصور انتظر


:)

توصي شي من الكويت

:victory:

[بوحارب]

وبالنسبة للأغراض أودي كل شي معاي

وخاصة لندن اخر مره توهقت في المطار

الوزن طلع 30 kg زيادة

مع العلم عندي اربع تذاكر :(

بس كل شي يخطر في بالج وديته

طبعا اقصد تموين الطباخ
وأدوات الطبخ ;)

ترى الطباخ في السفر له متعه سدئوني :rolleyes:

[بوحارب]

هلا بو حارب الحين انا طاير على الكويت

خبرك الاسناب شات لعب دور

باطرش لك الحين الصور انتظر


:)

توصي شي من الكويت

:victory:

الكويت هاه

لا تعليق لا تعليق لا تعليق هههههههههههههههه

الله كريم بس :(crazy

[يمامـة]

ما اتذكر اني اشل معاي أكل ابدا خالص واااصل ..
ولكن لما كنا نسافر في السيارة واليهال كانوا صغار.. كنت اخذ معاي فواكه
وكيس سلايس وغرشة جبن و قبشة.. حق اليهال بس.. لان المحطات اللي تبيع الاكل
كنا نتوقف عندها وناخذ اللي نبيه..

[أم محمد 90]

هلا بو حارب الحين انا طاير على الكويت

خبرك الاسناب شات لعب دور

باطرش لك الحين الصور انتظر


:)

توصي شي من الكويت

:victory:

اخوي حسن طلبتك ,,

انا رايحة الكويت بعد بكرة ، وبصراحة لحين ماحجزت لي مكان سكن عائلي لاني اول مرة اروح

اذا تعرف مكان (نظيف) وعائلي ارسل لي اسماء نشيك عليها .

[sweet qatar]

انا احس طعمه جبن ههههههههه

ماعلينا زين حق السفر شنو المناسب؟ المثلثات احس بتتفعص :( والغرشه بتنكسر :(

والله مادري .. جربي الكيري ولا فيلادلفيا وحطيهم في البلاستيك

صبري يمكن باقي البنات يفيدونج .. أنا أحب الأجبان الأوروبية والقاها في كل مكان



صحيح :victory:

ماتدرين يالعليا يمكن تغيرين راييج

اقنعوني الأمهات

[sweet qatar]

ههههههههه حبيت موضوعج , ياختي معاي وحدة بسناب رايحة لندن اشوفها تسوي المجبوس والقهوه والشاي والثريد والخبيص
سألتها من وين تشترونه

قالت لا مودين معانا !!!

انصدمت يعني ماقد رحت لندن بس ماعرف

انا عن نفسي مااخذ شي وياي الا غرشة الماي فقط .

حبتج العافية

لاتطرين لي السناب ولا الكويت :(

خصوصاً سلايدر ستيشن :weeping:


لندن المفروض ما يودون معاهم شي .. كل شي هناك

حتي حليب التموين تلقينه يتمشي

بعضهم يستمتعون بالطباخ خصوصا الجو يساعد والمكان يفتح النفس





صباحوو سويت

انا اشوف السفر سعادة مؤقتة

وخاصة ذلك الشخص الغبي اللي يسافر وهو متسلف

:)

يسعد صباحك

بالنسبة لي السفر سعادة دائمة :o

كل سفرة احس اني اصير اهدا و أروق

انت ما تحتاج تقول شي .. شفنا كل شي :secret:

[sweet qatar]

عندي فوبيا من الطيران.
:)

مرة حسيت بضيقة كأني في غرشة والطيارة تقلع، حتى الآن ما عرفت ويش السبب؟ والمرة الثانية جاتني نفس الضيقة وذكرت الله من قلبي دخلتني سعادة كأني في عالم ثاني وإختفت الضيقة، والحين لو ملايين الدنيا ما ركبت الطيارة، والحمد لله على كل حال.

لا إله إلا الله

الله لا يحدك علي السفر إذا هذي حالتك

السفر بالسيارة حلو .. :victory:


وبالنسبة للأغراض أودي كل شي معاي

وخاصة لندن اخر مره توهقت في المطار

الوزن طلع 30 kg زيادة

مع العلم عندي اربع تذاكر :(

بس كل شي يخطر في بالج وديته

طبعا اقصد تموين الطباخ
وأدوات الطبخ ;)

ترى الطباخ في السفر له متعه سدئوني :rolleyes:

ليش العبالة !!

صج الطبخ متعة .. خصوصاً الشباب يبدعون في السفر

بس كل شي تبيه بتلقاه هناك .. !

[sweet qatar]

ما اتذكر اني اشل معاي أكل ابدا خالص واااصل ..
ولكن لما كنا نسافر في السيارة واليهال كانوا صغار.. كنت اخذ معاي فواكه
وكيس سلايس وغرشة جبن و قبشة.. حق اليهال بس.. لان المحطات اللي تبيع الاكل
كنا نتوقف عندها وناخذ اللي نبيه..

الله يحفظهم لج ..'

[بومحمد المطاوعه]

صباحوو سويت

انا اشوف السفر سعادة مؤقتة

وخاصة ذلك الشخص الغبي اللي يسافر وهو متسلف

:)

خخخخخخ

عيل 60%
اغبياء في قطر

الاكثريه سلفيات يالذيب ,,

[العلياا]

ماتدرين يالعليا يمكن تغيرين راييج

اقنعوني الأمهات

مستقبلاً ممكن لكن فالوقت الحالي اشوف ان متعة السفر في انج تجربين اكلات جديدة :victory:

[بوحارب]

لا إله إلا الله

الله لا يحدك علي السفر إذا هذي حالتك

السفر بالسيارة حلو .. :victory:



ليش العبالة !!

صج الطبخ متعة .. خصوصاً الشباب يبدعون في السفر

بس كل شي تبيه بتلقاه هناك .. !
انا اقصد السفرة الطويلة
يعني شهر وطالع

مب شي كل يوم اكل مطاعم
قرف الله يعزج

ومثل ما احنا مسافرين نغير جو ونستانس
ودنا بعد نأكل شي طيب وصحي :)




خخخخخخ

عيل 60%
اغبياء في قطر

الاكثريه سلفيات يالذيب ,,

اتوقع اكثر :)

[بومحمد المطاوعه]

اتوقع اكثر :)

صحيح عادي ياخوك
شفنا وعشنا

[qatari93]

فـ الطيارة ..

جبس على كوافي حق طقطقه ..

اذا بر ..

دله شاي حمر وقهوة وقاام الشووط ..

[رجل الجزيرة]

لا إله إلا الله

الله لا يحدك علي السفر إذا هذي حالتك

السفر بالسيارة حلو .. :victory:



ليش العبالة !!

صج الطبخ متعة .. خصوصاً الشباب يبدعون في السفر

بس كل شي تبيه بتلقاه هناك .. !

أحلى بواجد:

1 - السفر بالبر على كيف كيفي والطيارة حجز وطابور ويمكن الواحد يتأخر.
2 - راعي السفر بالبرسيارته عنده لا تأخير وفيزا ولا عربون ولا شيء.
3 - وعندنا الطائف وأبها والنماص وبجلرشي من شمال الطائف لين حدود جيزان جنوب وصلالة في وقت الصيف وفي عمان نفسها فيها مناطق جبلية ومساجد وكل شيء رخيص وأمن وإطمئنان والحمدلله.

وجزاج الله خير.

[غريب الدّار]

أحلى بواجد:

1 - السفر بالبر على كيف كيفي والطيارة حجز وطابور ويمكن الواحد يتأخر.
2 - راعي السفر بالبرسيارته عنده لا تأخير وفيزا ولا عربون ولا شيء.
3 - وعندنا الطائف وأبها والنماص وبجلرشي من شمال الطائف لين حدود جيزان جنوب وصلالة في وقت الصيف وفي عمان نفسها فيها مناطق جبلية ومساجد وكل شيء رخيص وأمن وإطمئنان والحمدلله.

وجزاج الله خير.
كلامك مليون في المية صح من ناحية مميزات السفر بالسيارة

بس له سلبيات بعد

واكبر السلبيات :
انك انت تتحمل تعطل السيارة لا سمح الله او أي مشكلة

الطيارة حتى لو تتأخر يتمون هم مسؤولين لين آخر لحظة عن الرحلة

بس بالسيارة (ومع كل المميزات اللي ذكرتها اخوي ) تظل هالسلبية موجودة

وكل شي له سلبيات وايجابيات

[Charisma]

مرحبا اختي ..


شنطة السفر ماحط فيها اي نوع من المأكولات او المشروبات ماعدا "القهوه" .. لان اي شيء أخر راح يكون متوفر .

ملاحظه : بعض الدول تمنع جلب انواع معينه من المأكولات .. وتفرض غرامه عليها .

[sweet qatar]

مستقبلاً ممكن لكن فالوقت الحالي اشوف ان متعة السفر في انج تجربين اكلات جديدة :victory:

بس السناكس ضروري

في أي وقت ممكن يصيدج الجوع .. أو لاسمح الله تحتاجين تاخذين دوا ولازم تاكلين قبله

ممكن بعد وصولج يكون متأخر وما تلقين سوبر ماركت يأمن احتياجاتج

في السفر توقعي أي شي :o



انا اقصد السفرة الطويلة
يعني شهر وطالع

مب شي كل يوم اكل مطاعم
قرف الله يعزج

ومثل ما احنا مسافرين نغير جو ونستانس
ودنا بعد نأكل شي طيب وصحي :)



اااي اقنعتني بالصحي

ما قلت لي مفوح ولا علي البخار :o

[sweet qatar]

فـ الطيارة ..

جبس على كوافي حق طقطقه ..

اذا بر ..

دله شاي حمر وقهوة وقاام الشووط ..

شغل عدل :victory:

بس لاتكثر الشبس في الطيارة عشان الإزعاج :o
خلك علي الكوافي


أحلى بواجد:

1 - السفر بالبر على كيف كيفي والطيارة حجز وطابور ويمكن الواحد يتأخر.
2 - راعي السفر بالبرسيارته عنده لا تأخير وفيزا ولا عربون ولا شيء.
3 - وعندنا الطائف وأبها والنماص وبجلرشي من شمال الطائف لين حدود جيزان جنوب وصلالة في وقت الصيف وفي عمان نفسها فيها مناطق جبلية ومساجد وكل شيء رخيص وأمن وإطمئنان والحمدلله.

وجزاج الله خير.

وياك أخوي

أنا ودي أسافر بالسيارة مسافات بعيدة

برا الخليج .. أحس الطريق ممتع و تغيير حقيقي
لكن للأسف المشاكل والحروب مانعتنا

بس بالنسبة للزحمة والطوابير .. نفس الشي
إلا بالعكس في المطار تكون مرتاح ومكان مكيف

[sweet qatar]

كلامك مليون في المية صح من ناحية مميزات السفر بالسيارة

بس له سلبيات بعد

واكبر السلبيات :
انك انت تتحمل تعطل السيارة لا سمح الله او أي مشكلة

الطيارة حتى لو تتأخر يتمون هم مسؤولين لين آخر لحظة عن الرحلة

بس بالسيارة (ومع كل المميزات اللي ذكرتها اخوي ) تظل هالسلبية موجودة

وكل شي له سلبيات وايجابيات

صح كل شي له إيجابيات وسلبيات

وكل طريقة ومتعتها ..



مرحبا اختي ..


شنطة السفر ماحط فيها اي نوع من المأكولات او المشروبات ماعدا "القهوه" .. لان اي شيء أخر راح يكون متوفر .

ملاحظه : بعض الدول تمنع جلب انواع معينه من المأكولات .. وتفرض غرامه عليها .

هلا أخوي

فعلاً أنا كل ما شفت هلي بيحطون شي تذكرت فيديو العايلة السعودية في مطار أستراليا :(

[الجـــوديّ]

:omg:

متوا من اليوع ؟ .. سالفتج شكلها أكشن !!

انزين ممكن تقولين لنا وين الخطأ الي صار ؟ و شلون ترتبين الأكل في الشنط ؟

الله يخلي لج اليهال و شاكرة لج مشاركتج الحلوة :o






الحافظ الله :o

لما كنا في الحج ... عب الوقفة بيومين .. وكانت ذيك الايام باردة واحنا في خيام
مادري شصار مشكلة في الحملة .. في السيفتي تقريبا
قالوا مافي افران تولع
وهذا هم الطباخين يطبخون العشاء على حطب:rolleyes2:
وكان العشاء ذباح
متى جابوا لنا العشاء حول 11:30 في الليل
قد الامهات اتعبوا مساكين
واهل السكر جاهم هبوط
والعالم عفسة ماحولنا شي
المطاعم والمحلات بعيدة .. ومن يقدر يوصلها الا الرياييل
ولازم يصفون طابور وارقام الانتظار فوق 300 !

.. وسط هالمعمة وساعات الانتظار والتافف والارهاق والتعب
كان بينا حجيات أخوات عربيات مب وايانا في الدنيا
طلعوا من شنطتهم خبيزتهم وزعتراتهم وزيتهم والخيار والبرتقال
تعشوا من الساعة 8 .. وتمددوا وعينوا من الله خير وحطوا روسهم وناموا
(( عليهم بألف عافية )) .... واحنا متقرفضين من البرد والجوع !


من يومها ... ما خلي خبزاتي وجبناتي وزعتراتي .. حق وقت الازمات .. وانفعت معاي .. :victory:

:

شلون ؟

عادي .. تكون عندج العلب الحافظة أحجام صغيرة للسفر .. + ورق اللف الشفاف + أو اللزقة

https://encrypted-tbn0.gstatic.com/images?q=tbn:ANd9GcQcDnXcp1euCh1W5zoZsFKtFNAzEYqYl Jo6TIwhzrbDcdxU4i9d https://encrypted-tbn0.gstatic.com/images?q=tbn:ANd9GcQq57F6AGNxp5ylvD0EeLsVhsRBRNcOJ xpN3mAtL-73BB1o3kvY https://encrypted-tbn3.gstatic.com/images?q=tbn:ANd9GcQsSHzmNIOHEIn6MZXfzHbHik86i9-pUd5ThmgTnJpws6TezvN-


استخدمي العلب الصغيرة افضل علشان الوزن ..
اذا كانوا وايد أحسن انج تجمعينهم كلهم وتلزقينهم مع بعض علشات توفرين مساحة في الشنطة ولما توصلين اطلعينهم بسهولة
اذا شي فيه ريحة مثل القهوة أو بهارات .. غلفيها بالورق البلاستيك .. وعلشان لو شي بينكت يكون كله محفوظ ما يوصخ الشنطة أو الملابس.
اذا شوي طبعا بتحطينهم بين الملابس .. واذا وايد يبيلهم شنطة صغيرة بروحهم
وممكن تاخذين معاج اكواب وقفاش وشوك بلاستيك
صح البرستيج شوي يطيح وخاصة اذا السكن في فندق 5 نجوم .. بس احسن من انتظار ساعة الا ربع علشان يجيبون ملعقة أو سكين :(
أهم شي ... أول ليلة نوصل بالسلامة .. وننام احنا مرتاحين ودفيانين من بعد الخبز والجبن والكرك :)

[بوحارب]

^

ترتيبك حلو الجودي

ذكرتيني في اوووول سفرة لي الى لندن

كنت مودي معاي روتي وجبن وعدة الكرك

ونمت وانا شبعان ;)

بالفعل اول ليلة الواحد وده يتعشى اي شي خفيف وينام وبس
من متفيق يروح يدور مطعم ذيك الحزه!:(

[بصمة قطرية]

أممممممم
ترتيب الأغراض في الشنطة ..
كل شي له شنطة صغيره خاصه فيه
احب الشنطة مرتبه
أفتحها و أطلع كل شي بسهولة
ما أحب أشوف ( داحس و الغبراء ) في الشنطة
أتعب نفسياً ..
أرتب في شنطتي مكان لكل شي ..
مثلاً عدة القهوة كاملة مع الدلة و الفناجين ..
و أحاول إني أحط الأشياء القابلة للكسر
بين الملابس عشان ما تتكسر ..
عموماً أنا قبل كل سفرة أجيب ورقة و قلم
و أكتب كل اللي بحتاجه للسفر
أريح نفسي عشان ما أنسى شي مهم ..

[برشلوني قطر]

اذا رحت لبلاد اول مره اروح لها اودي اشياء تنكل لاول يومين بس...وخفايف خبز جبن من باب الاحتياط..توصل تعبان..وبعدين تكتشف البلاد واعتقد فيها كل شي..

[ودي أكون]

تختلف الشنطه من دوله لدوله طبعاً

بس اهم شي الكوافي والاشباس والعلوج، بكمية بسيطه جداً، لجميع السفرات الطويله والقصيره

اما الباقي ع حسب وجهة السفره انحدد حاجتنا للمحمولات الغذائيه



الله يكتب لي سفره عاجله قبل الزحمه يارب :weeping:

[غايه الطواش]

امممم موضوع حللو وخاصه امه فيه سفر

صراحه بالعاده ماودي معاي اكل الا في حالتين اذا بروح جزر او سفره طويله اودي بس البهارات

[aloosh]

كيف اسافر حق اي دوله معاد الخليجيه وهم ينظرون لك بحتقار
كيف اسافر لدوله يسبك بدون سبب
كيف اسافر لدوله اعلانات الدعاره في كل كشك هاتف
كيف اسافر لدوله والاعلانات الخادشه للحياء في الشوارع
كيف اسافر لدوله تستغلك على انك شخص غبي
كيف اسافر لدوله فيها عنصريه الاسلام
كيف اسافر لدوله فيها المعاصي لليل نها جهارآ نهارآ
كيف اخذ اهلي الى مجتمع فاسد
كيف احافظ على شوفاتي من المناظر المخله

لان اسافر سقضي اجازتي في ربوع الخليج

رأئ شخصي والكل حر

[sweet qatar]

لما كنا في الحج ... عب الوقفة بيومين .. وكانت ذيك الايام باردة واحنا في خيام
مادري شصار مشكلة في الحملة .. في السيفتي تقريبا
قالوا مافي افران تولع
وهذا هم الطباخين يطبخون العشاء على حطب:rolleyes2:
وكان العشاء ذباح
متى جابوا لنا العشاء حول 11:30 في الليل
قد الامهات اتعبوا مساكين
واهل السكر جاهم هبوط
والعالم عفسة ماحولنا شي
المطاعم والمحلات بعيدة .. ومن يقدر يوصلها الا الرياييل
ولازم يصفون طابور وارقام الانتظار فوق 300 !

.. وسط هالمعمة وساعات الانتظار والتافف والارهاق والتعب
كان بينا حجيات أخوات عربيات مب وايانا في الدنيا
طلعوا من شنطتهم خبيزتهم وزعتراتهم وزيتهم والخيار والبرتقال
تعشوا من الساعة 8 .. وتمددوا وعينوا من الله خير وحطوا روسهم وناموا
(( عليهم بألف عافية )) .... واحنا متقرفضين من البرد والجوع !


من يومها ... ما خلي خبزاتي وجبناتي وزعتراتي .. حق وقت الازمات .. وانفعت معاي .. :victory:

:

شلون ؟

عادي .. تكون عندج العلب الحافظة أحجام صغيرة للسفر .. + ورق اللف الشفاف + أو اللزقة

https://encrypted-tbn0.gstatic.com/images?q=tbn:ANd9GcQcDnXcp1euCh1W5zoZsFKtFNAzEYqYl Jo6TIwhzrbDcdxU4i9d https://encrypted-tbn0.gstatic.com/images?q=tbn:ANd9GcQq57F6AGNxp5ylvD0EeLsVhsRBRNcOJ xpN3mAtL-73BB1o3kvY https://encrypted-tbn3.gstatic.com/images?q=tbn:ANd9GcQsSHzmNIOHEIn6MZXfzHbHik86i9-pUd5ThmgTnJpws6TezvN-


استخدمي العلب الصغيرة افضل علشان الوزن ..
اذا كانوا وايد أحسن انج تجمعينهم كلهم وتلزقينهم مع بعض علشات توفرين مساحة في الشنطة ولما توصلين اطلعينهم بسهولة
اذا شي فيه ريحة مثل القهوة أو بهارات .. غلفيها بالورق البلاستيك .. وعلشان لو شي بينكت يكون كله محفوظ ما يوصخ الشنطة أو الملابس.
اذا شوي طبعا بتحطينهم بين الملابس .. واذا وايد يبيلهم شنطة صغيرة بروحهم
وممكن تاخذين معاج اكواب وقفاش وشوك بلاستيك
صح البرستيج شوي يطيح وخاصة اذا السكن في فندق 5 نجوم .. بس احسن من انتظار ساعة الا ربع علشان يجيبون ملعقة أو سكين :(
أهم شي ... أول ليلة نوصل بالسلامة .. وننام احنا مرتاحين ودفيانين من بعد الخبز والجبن والكرك :)

يااااالله موقف صعب :(

اظن عقب العشا صار إغماء جماعي :o

تقبل الله طاعتكم والله يرزقنا ويرزقكم حجة قريبة ..،


ماشالله ترتيبج حلو

صاجه أهم شي الملاعق و الصحون لأن هاي الي نتوهق فيهم عادة
إذا مع كل العايلة بس إذا شخصين ثلاث ما نسويها



تسلمين حبيبتي علي مشاركتنا تجربتج فعلاً لا تنسي !

وان شالله الأعضاء يستفيدون من طريقتج مثل ما انا استفدت


جزاج الله خير

[sweet qatar]

^

ترتيبك حلو الجودي

ذكرتيني في اوووول سفرة لي الى لندن

كنت مودي معاي روتي وجبن وعدة الكرك

ونمت وانا شبعان ;)

بالفعل اول ليلة الواحد وده يتعشى اي شي خفيف وينام وبس
من متفيق يروح يدور مطعم ذيك الحزه!:(


حد قالك لندن ما عندهم روتي :o




أممممممم
ترتيب الأغراض في الشنطة ..
كل شي له شنطة صغيره خاصه فيه
احب الشنطة مرتبه
أفتحها و أطلع كل شي بسهولة
ما أحب أشوف ( داحس و الغبراء ) في الشنطة
أتعب نفسياً ..
أرتب في شنطتي مكان لكل شي ..
مثلاً عدة القهوة كاملة مع الدلة و الفناجين ..
و أحاول إني أحط الأشياء القابلة للكسر
بين الملابس عشان ما تتكسر ..
عموماً أنا قبل كل سفرة أجيب ورقة و قلم
و أكتب كل اللي بحتاجه للسفر
أريح نفسي عشان ما أنسى شي مهم ..

التنظيم حلو .. عشان ما تنسين شي وترتبين نفسج

جزاج الله خير بصمة علي عودتج وشرح طريقة الترتيب

ما قصرتي يالغالية

[sweet qatar]

اذا رحت لبلاد اول مره اروح لها اودي اشياء تنكل لاول يومين بس...وخفايف خبز جبن من باب الاحتياط..توصل تعبان..وبعدين تكتشف البلاد واعتقد فيها كل شي..

عدل شغلك ..

لازم الواحد من يسكن مكان يستكشف المنطقة حوله

مرة سكنا شقة في منطقة أول مرة ندخلها

أربع أيام واحنا ناكل من مخبز قريب واكله مب ذاك الزود .. الله يزيد النعمة

في آخر يومين اكتشفنا مخبز الصوب الثاني .. أكله يصيييييح من لذته :weeping:



تختلف الشنطه من دوله لدوله طبعاً

بس اهم شي الكوافي والاشباس والعلوج، بكمية بسيطه جداً، لجميع السفرات الطويله والقصيره

اما الباقي ع حسب وجهة السفره انحدد حاجتنا للمحمولات الغذائيه



الله يكتب لي سفره عاجله قبل الزحمه يارب :weeping:

آمين

انا أحاول قد ماقدر أقلل من سوالف الشبس والكافي

يعني كمية بسيطة جدآ للطريق

وأكيد الوجهة هي الي تحدد

الله يرزقج السفرة الي تمنينها :o

[sweet qatar]

امممم موضوع حللو وخاصه امه فيه سفر

صراحه بالعاده ماودي معاي اكل الا في حالتين اذا بروح جزر او سفره طويله اودي بس البهارات

هلا بالحلوة :o

فعلاً الجزر غالباً أكلها محدود

أنا جربت بس حدي البنانا .. :)

والله يكتب لي واقلدج :o

[sweet qatar]

كيف اسافر حق اي دوله معاد الخليجيه وهم ينظرون لك بحتقار
كيف اسافر لدوله يسبك بدون سبب
كيف اسافر لدوله اعلانات الدعاره في كل كشك هاتف
كيف اسافر لدوله والاعلانات الخادشه للحياء في الشوارع
كيف اسافر لدوله تستغلك على انك شخص غبي
كيف اسافر لدوله فيها عنصريه الاسلام
كيف اسافر لدوله فيها المعاصي لليل نها جهارآ نهارآ
كيف اخذ اهلي الى مجتمع فاسد
كيف احافظ على شوفاتي من المناظر المخله

لان اسافر سقضي اجازتي في ربوع الخليج

رأئ شخصي والكل حر

لك كل الحرية أخوي

بس اسمح لي أعلق


إذا علي السب ما بتروح إلا السلطنة :o

والمناظر الي تقول عنها ما سلمنا منها في قطر

أما بالنسبة للغباء مب الكل يعاملك إنك غبي بالعكس في مجتمعات راقية وتعاملك باحترام

[بوحارب]

حد قالك لندن ما عندهم روتي :o







عندهم :pardon:

واحلى والذ ب 1000 مره من اللي عندنا
تخيلي حصلت روتي سامون مدة انتهائه 4 شهور :)
بس انا أتكلم عن اول يوم خيتو
الواحد يوصل هلكان وده يتعشى اي شي ويرقد

وظهرية جميلة ان شاء الله

وفديت لندن :sorry:

[sweet qatar]

عندهم :pardon:

واحلى والذ ب 1000 مره من اللي عندنا
تخيلي حصلت روتي سامون مدة انتهائه 4 شهور :)
بس انا أتكلم عن اول يوم خيتو
الواحد يوصل هلكان وده يتعشى اي شي ويرقد

وظهرية جميلة ان شاء الله

وفديت لندن :sorry:


ولك ان شالله :o


صج الروتي عندهم الذ بألف مرة :(

أنا كنت أقصد الي يوصون بعض .. سو حسابك و خذ وشيل يزعم بيوفر
وهو بيكلف علي نفسه وزن وشيل وحط

وكل شي موجود .. !

[Dana’1]

هلا والله ،، موضوع رائع وخفيف ظريف
شخصيا بالسفر ما أخذ معي أكل لا قبل مع اهلي ولا الحين ،،، كل شي متوفر وبعدين احلا شي بالسفر تغير جو و تاكل من أكل أهل البلد والمطاعم إلي فيها :)


والمرات الي اخذت فيها شي ناااااادره وماكانت شخصيه

أخذنا تمر معنا لتركيا ،،موصيتنا عليه أحد الأخوات العربيات عايشه هناك,, لأنها تحب تمورنا المضغوطه بالدبس ,, وهالشي مو متوفر عندهم ،،، ففعلا مرات بعض الدول ما توفر بعض المنتجات بنفس طريقتنا او الجوده الي عندنا

ومره ارسلنا لأخوي في امريكا تمر وقهوه ،،حتى مو دايم طلبها في رمضان لان وقتها ما كانت كلها متوفره
هالشيئين بس الي اذكرهم

لكن بالعوده للبلاد ,,ممكن أخذ معي أنوع شوكلاته مو متوفر عندنا شخصي او كهدايا لعشاق الشوكليت عندنا

مره اخذت دله قهوه بالخط اتفنجل واكيف مع اختي :)

أما سالفة سفر للخارج سياحه و نشيل رز و بن وتموين بيت كامل هذي ماقد صاااارت أبد،،، بس ممكن تصير ليش لا !

دمتي بود^_^

[حسن]

توني جاي من السفر ياسويت

واكثر شي شفت يحافضون عليه الخدامات
حتى لو يومين

شي فضيع

:(

[sweet qatar]

هلا والله ،، موضوع رائع وخفيف ظريف
شخصيا بالسفر ما أخذ معي أكل لا قبل مع اهلي ولا الحين ،،، كل شي متوفر وبعدين احلا شي بالسفر تغير جو و تاكل من أكل أهل البلد والمطاعم إلي فيها :)


والمرات الي اخذت فيها شي ناااااادره وماكانت شخصيه

أخذنا تمر معنا لتركيا ،،موصيتنا عليه أحد الأخوات العربيات عايشه هناك,, لأنها تحب تمورنا المضغوطه بالدبس ,, وهالشي مو متوفر عندهم ،،، ففعلا مرات بعض الدول ما توفر بعض المنتجات بنفس طريقتنا او الجوده الي عندنا

ومره ارسلنا لأخوي في امريكا تمر وقهوه ،،حتى مو دايم طلبها في رمضان لان وقتها ما كانت كلها متوفره
هالشيئين بس الي اذكرهم

لكن بالعوده للبلاد ,,ممكن أخذ معي أنوع شوكلاته مو متوفر عندنا شخصي او كهدايا لعشاق الشوكليت عندنا

مره اخذت دله قهوه بالخط اتفنجل واكيف مع اختي :)

أما سالفة سفر للخارج سياحه و نشيل رز و بن وتموين بيت كامل هذي ماقد صاااارت أبد،،، بس ممكن تصير ليش لا !

دمتي بود^_^

هلا بالذوق كله

نورتي الموضوع :o

أما سالفة التوصية هذي فعلاً ما نسلم منها .. في الروحة أو الردة

المشكلة المواد الغذائية مب سهله في التنقل .. لكن نتحمل ونشقلها

بالنسبة للمقيمين في الخارج شغل ولا دراسة .. صراحة من حقهم

وممكن نرسل لهم عن طريق شركات الشحن كل شي

حتي خبز الرقاق :o


ما تدرين شيصير بالمستقبل ديور

يمكن اشوفج في لندن وتقولين لي اليوم غداج عندي طابخة "مثلوثة " :eek2:

[sweet qatar]

توني جاي من السفر ياسويت

واكثر شي شفت يحافضون عليه الخدامات
حتى لو يومين

شي فضيع

:(

الحمدلله علي السلامة

تقصد إن الخدامات أكثر من يشيل أكل ؟؟

صراحة فيهم خير .. الي يجيب لنا موز من مزرعتهم والي مانجا والي جوز هند

حتي الدريولية والصبيان .. يحليلهم

[R 7 A L]

موضوع حلو وتعليقات وردود حلوة
انا الشي الي لازم اخذه معي اذا سافرت بندول اكسترا

[الجني]

التمر من الضروريات في السفر
حسب المدة تزيد الكمية

[حسن]

الحمدلله علي السلامة

تقصد إن الخدامات أكثر من يشيل أكل ؟؟

صراحة فيهم خير .. الي يجيب لنا موز من مزرعتهم والي مانجا والي جوز هند

حتي الدريولية والصبيان .. يحليلهم

لا ياسويت راح فكرك بعيد

اقصد اكثر ماشفت من هل قطر ساحبين معاهم الخدم مادري ليش
الى هذه الدرجه مايستغنون عنهم

هذا اصبح مرض قطري خطير

خدامات بالهبل مسفرينهم معاهم ولو يومين

مهب منهم من الرواتب العاليه الحمدلله

:)

[Bin Hood]

كتاب + اي باد

تكون داخل شنطة مدرسية !

[sweet qatar]

موضوع حلو وتعليقات وردود حلوة
انا الشي الي لازم اخذه معي اذا سافرت بندول اكسترا

كلك ذوق أخوي

الله يبعد عنك الشر ولاتحتاج لها

عادة السفر يغنيك عن المهدئات جرب تتركها


التمر من الضروريات في السفر
حسب المدة تزيد الكمية

الحلو في التمر سهل نقله .. ما تحاتي إنه يخترب أو يخرب محتوي الشنطة


حياكم الله

[sweet qatar]

لا ياسويت راح فكرك بعيد

اقصد اكثر ماشفت من هل قطر ساحبين معاهم الخدم مادري ليش
الى هذه الدرجه مايستغنون عنهم

هذا اصبح مرض قطري خطير

خدامات بالهبل مسفرينهم معاهم ولو يومين

مهب منهم من الرواتب العاليه الحمدلله

:)

ليش يا حسن ماتبي الخدم يستانسون ويغيرون جو

حتي علي أيام الرواتب 5000 ريال أحياناً كنا نودي خدمنا معانا

وسع صدرك وخل الناس تستانس .. هم بعد رويحة و يتمنون السفر


كتاب + اي باد

تكون داخل شنطة مدرسية !

الله عليك يا بن هود .. نتكلم عن الأكل
وانت همك غذاء الروح :o
.
.



علي العموم النقاش في الموضوع واسع

هدفي لفت نظر الناس لعدم التسرع بالحكم و استبدال ثقافة الاستهزاء بثقافة الاحترام والتفهم

وأي شخص بيوصي أو بيطلب يكون بحدود القوانين والذوق

[حسن]

جواب دبلوماسي

:)

[sweet qatar]

جواب دبلوماسي

:)

شكرآ :)

[نور الحور]

شكرا سويت على الموضوع .. بالفعل السفر حان طاريه وخلص ههههههه

بالنسبة لي ما احب اودي معاي اي اكل بالسفر

وبالمطار ناخذ من الديوتي فري شبسات وشوكلتات ونستمتع فيهم اثناء الرحلة

حزات وفي مرات نادرة ناخذ معانا فلفل كريستال لانه ادمان

مع اغلب الاكلات وحزات مايكون متوفر بالبلد اللي بنروح لها ..

والحمدلله عموما ما نتوهق .. كلشي متوفر هو او بديله ..

وحلو الواحد يكسر الروتين .. مع اني بالاكل ذوقي صعب وايد ..

لكن احاول اتأقلم واستمتع بالتجربة بكل ما فيها بشغف :nice:

[بصمة قطرية]

على طاري الأكل ..
أخاف أجرب أكلات غريبة ..
لأني أتحسس من أشياء كثيرة
أول مرة رحت تايلند كلت من بوفيه الفندق و ما ترقعت ..
ذبحتني الحساسية ..
أفضل أطبخ إذا في مجال
اهم شي البهارات في علب صغيرة ..
و لا ما أجازف آكل شي أعرفه و ضامنته
عموماً أنا مغرمة باستا و سلطات و هاي موجودة
في كل مكان ..

[Al-Kuwari]

ما اخذ معاي اكل بالسفر وما اخذت الا مره بس كنت رايح المالديف وانا ما اكل سي فود فاخذت معاي جبن وخبز وبسكويت اشياء تمشي الحال يعني
اما السفرات الثانية فما احب اخذ شي لان السفرة حدها اسبوع عشر ايام والواحد يحب يجرب الاشياء الجديده

لكن سفراتي لبريطانيا بما اني طالب مغترب لا اخذ معاي اشياء كثيرة اذكر اول سنة جبت معاي قهوة وزعفران وتوابل وجبت بعد عيش بوابة الهند وبلاليط ماخليت شي ههههه بس هذا كان اول سنة وكنت احس بتشفق على كل شي من الدوحة حتى حليب التموين خذته ثاني سنة قلت الاشياء اللي اخذها معاي

اما الحين وانا على نهاية المشوار ففالغالب اخذ معاي تمر وقهوة وهيل وزعفران بس لا اكثر لعدم توافرهم هنا

[sweet qatar]

شكرا سويت على الموضوع .. بالفعل السفر حان طاريه وخلص ههههههه

بالنسبة لي ما احب اودي معاي اي اكل بالسفر

وبالمطار ناخذ من الديوتي فري شبسات وشوكلتات ونستمتع فيهم اثناء الرحلة

حزات وفي مرات نادرة ناخذ معانا فلفل كريستال لانه ادمان

مع اغلب الاكلات وحزات مايكون متوفر بالبلد اللي بنروح لها ..

والحمدلله عموما ما نتوهق .. كلشي متوفر هو او بديله ..

وحلو الواحد يكسر الروتين .. مع اني بالاكل ذوقي صعب وايد ..

لكن احاول اتأقلم واستمتع بالتجربة بكل ما فيها بشغف :nice:

العفو :o

فعلاً عدي الوقت وخلصت الإجازة والناس ردوا الدوحة

أنا مثلج نور أحب أجرب وأغامر

ان شالله تستمتعين دوم يالشغوفة :o


على طاري الأكل ..
أخاف أجرب أكلات غريبة ..
لأني أتحسس من أشياء كثيرة
أول مرة رحت تايلند كلت من بوفيه الفندق و ما ترقعت ..
ذبحتني الحساسية ..
أفضل أطبخ إذا في مجال
اهم شي البهارات في علب صغيرة ..
و لا ما أجازف آكل شي أعرفه و ضامنته
عموماً أنا مغرمة باستا و سلطات و هاي موجودة
في كل مكان ..

دايماً المطاعم الإيطالية تنقذنا :o

بس دامج راعية حساسية يبيلج تحاسبين وايد

الله يعينج ويحفظج من كل شر حبيبتي

[sweet qatar]

ما اخذ معاي اكل بالسفر وما اخذت الا مره بس كنت رايح المالديف وانا ما اكل سي فود فاخذت معاي جبن وخبز وبسكويت اشياء تمشي الحال يعني
اما السفرات الثانية فما احب اخذ شي لان السفرة حدها اسبوع عشر ايام والواحد يحب يجرب الاشياء الجديده

لكن سفراتي لبريطانيا بما اني طالب مغترب لا اخذ معاي اشياء كثيرة اذكر اول سنة جبت معاي قهوة وزعفران وتوابل وجبت بعد عيش بوابة الهند وبلاليط ماخليت شي ههههه بس هذا كان اول سنة وكنت احس بتشفق على كل شي من الدوحة حتى حليب التموين خذته ثاني سنة قلت الاشياء اللي اخذها معاي

اما الحين وانا على نهاية المشوار ففالغالب اخذ معاي تمر وقهوة وهيل وزعفران بس لا اكثر لعدم توافرهم هنا

ههههههههه

ماشالله عليك
انتوا الطلاب غير .. وضعكم خاص


الله يوفقك و ينولك الشهادة الي تتمناها

و ترجع الدوحة و تآكل بلاليط لين تشبع :o

[Al-Kuwari]

ههههههههه

ماشالله عليك
انتوا الطلاب غير .. وضعكم خاص


الله يوفقك و ينولك الشهادة الي تتمناها

و ترجع الدوحة و تآكل بلاليط لين تشبع :o


اللهم امين , الله يجزاج خير

بيني وبين الشهادة شهر , الله يسهل يارب

[sweet qatar]

اللهم امين , الله يجزاج خير

بيني وبين الشهادة شهر , الله يسهل يارب

هانت

عسي الله ما يضيع لك تعب

و ييسر أمرك وأمر كل طلابنا المغتربين .. وترجعون سالمين غانمين

[حسن]

الاخت سويت لفت نظري العنوان ينطبق علينا حاليه
اصبح طاري الناس يوميا ومخطاطاهم الاسبوعيه والشهريه واليوميه

اصبحا شعب السفار

:)

[sweet qatar]

الاخت سويت لفت نظري العنوان ينطبق علينا حاليه
اصبح طاري الناس يوميا ومخطاطاهم الاسبوعيه والشهريه واليوميه

اصبحا شعب السفار

:)

هلا أخوي حسن

لا تحاتي في السفر محد يغلب الكويتيين .. ماشالله لو تروح غابات الأمازون بتلقي كويتي جدامك

وفي المسفار .. هناك شعب آخر و لا مجال للمنافسة والله يبعدهم عنا


الحمدلله علي النعم الي احنا فيها .. والله يزيد ويبارك

[Dana’1]

هلا بالذوق كله

نورتي الموضوع :o

أما سالفة التوصية هذي فعلاً ما نسلم منها .. في الروحة أو الردة

المشكلة المواد الغذائية مب سهله في التنقل .. لكن نتحمل ونشقلها

بالنسبة للمقيمين في الخارج شغل ولا دراسة .. صراحة من حقهم

وممكن نرسل لهم عن طريق شركات الشحن كل شي

حتي خبز الرقاق :o


ما تدرين شيصير بالمستقبل ديور

يمكن اشوفج في لندن وتقولين لي اليوم غداج عندي طابخة "مثلوثة " :eek2:

يالبى قلبك بس ^_^

أما إذا شفتك أبشري بالغداء ,, بس المثلوثه لاهي عالبال ولا عالخاطر لا وبلندن :eek2: هذي طال عمرك بعزمك عليها اذا شفتك بالجنوب وعلى سلييق اذا شفتك بالطايف ههههههههههه
إلا شطاري عليها " مثلوثه" !!؟
ممممم ذكرتيني بمثلوثة جارتنا أم سعيد يالبيها^_^

[sweet qatar]

يالبى قلبك بس ^_^

أما إذا شفتك أبشري بالغداء ,, بس المثلوثه لاهي عالبال ولا عالخاطر لا وبلندن :eek2: هذي طال عمرك بعزمك عليها اذا شفتك بالجنوب وعلى سلييق اذا شفتك بالطايف ههههههههههه
إلا شطاري عليها " مثلوثه" !!؟
ممممم ذكرتيني بمثلوثة جارتنا أم سعيد يالبيها^_^

ههههههههههههه

تخيلي عاد في لندن .. وفي البرد :o



تري عمري ماذقت المثلوثة بس أعرف ان فيها أكثر من شي

الله يذكر جارتكم أم سعيد بالخير .. شفتي الأكلات الطيبة تذكرج بالطيبين

[بصمة قطرية]

الاخت سويت لفت نظري العنوان ينطبق علينا حاليه
اصبح طاري الناس يوميا ومخطاطاهم الاسبوعيه والشهريه واليوميه

اصبحا شعب السفار

:)

الله لا يغير علينا :)

من زمان ما سافرت :(

[sweet qatar]

الله لا يغير علينا :)

من زمان ما سافرت :(

آمين

الله يكتب لج سفرة قريبة .. علي فرح و وناسة

[بنت شرق]

بس حبيت اتاكد المثلوثة هي الجريش مع خبز رقاق مع عيش ،،،،،تبون الصراحة اكلة تشبع أسبوع ،،

[بوحارب]

بس حبيت اتاكد المثلوثة هي الجريش مع خبز رقاق مع عيش ،،،،،تبون الصراحة اكلة تشبع أسبوع ،،

صحيح هي


أكله من النوع الفخممم

ابيهاااااا :(

[راجي الْعفو]

من يبي مثلوثة ياخوان

هالاكلة عجيبه

ينطبق عليها مثل :

بتاع كلو

[بوحارب]

من يبي مثلوثة ياخوان

هالاكلة عجيبه

ينطبق عليها مثل :

بتاع كلو

ياخي فيه مطعم في معيذر يسويها
بس للحين ماجربته
وماظن نفس اللي كليتها في الرياض << دمار شامل :(

سويت يا ريت تغيرين اسم الموضوع الى

الاكل حان طارية :)

[راجي الْعفو]

ياخي فيه مطعم في معيذر يسويها
بس للحين ماجربته
وماظن نفس اللي كليتها في الرياض << دمار شامل :(

سويت يا ريت تغيرين اسم الموضوع الى

الاكل حان طارية :)

لاتييب طاري مطاعم الرياض

يقولون جده غير

وانا اقول الرياض نو فير !

[بوحارب]

يبيلنا دوره في المثلوثه << هذي اللي لها القلب يشتاق :(

[Dana’1]

ههههههههههههه

تخيلي عاد في لندن .. وفي البرد :o



تري عمري ماذقت المثلوثة بس أعرف ان فيها أكثر من شي

الله يذكر جارتكم أم سعيد بالخير .. شفتي الأكلات الطيبة تذكرج بالطيبين
إي والله الطيب دايم من الطيبين ياحلاتهم
إحنا بعد ما نسويها وهي فعلا عباره عن ثلاث طبقات من جريش ووقرصان او رقاق مع الرز الخفيف بالوجه
هذي يمكن أكلتها مرتين او ثلاث بالكثيير

ماشاءلله طاري المثلوثه والأكل جمع الشيبان وجات بخاطرهم هههههههه

أجل لو تذوقون المفلق الحساوي إيش تسون ^_^