..!!.. [ رمضــــان والنــــاس والوقـــــت ] ..!!..

[أم محمد 90]

السلام عليكم ورحمة الله وبركاته ,,

بداية أحب أقولكم اني كتبت هالموضوع بتمعن شديد وحاولت اختصر قدر المستطاع لاني عارفة معظم اذا مش الكل مايحب يقرأ المواضيع الطويلة .

وفالاخير لو قريتوه كامل صدقوني بتطلعون باستفادة ماتقل عن 10% :o

::

تصدقون إني أنا وبيتنا (اخواني أمي أبوي ) مانطلع ف رمضان الا للسحور أو للجمعية ؟ راحة بال تامة , ورمضان بالنسبة لنا وقت عبادة وراحة نفسية

مو ضغط نفسي ايش اشتري ,, ومن وين ,, ومتى , وزحمة , متى اروح , شكثر انطر ؟


الكلام هذا موجه للرجال وللنساء واخص فيه النساء لان مشاويرنا في رمضان أكثر من الرجال ( لحد ينكر )

الحين احنا بمنتصف شهر أبريل , مابقى على رمضان الكثير ولكن فيه وقت الواحد يجهز يشتري يخلص أموره عشان يكون (باله مرتاح ف رمضان ووقته للعبادة وصلة الرحم والامور المهمة الاخرى )


ما اقدر افتي للرجال واقول لهم ايش ممكن يجهزون من اللآن عشان يتفرغون برمضان بس تقدرون انتو كاعضاء تفيدون بعض فالموضوع .,

راح اتكلم للنساء :

التخطيط لمشتريات رمضان بطريقة صحيحة توفر عليج :

الوقت

الجهد

والأهم ؟ الفلوس !

ابتدي من الحين ,,

ولا حد منكن يحاول يقنعني ان في موديلات فنتك غريبة عجيبة بتنزل ف رمضان عن الحين ؟
ترى فرق المدة شهر وشوي ؟ فـ/ لحد يلعب براسكم ويقول انتظري لرمضان بتنزل كولكشات حلوة !

- عبايات فصلي من الحين بتوفرين :
( وقت , وتقدرين تضبطين قياسها بدون ضغط , وغير جذي بتوفرين مبلغ لان المحل او المصممة تكون اسعارهم عادية مقارنة بموسم رمضان . )

- جلابيات ؟ اذا بامكان تسافرين احد دول الخليج نصيحتي سافري ويك اند واشتري قد ماتبين خصوصاً ان المعارض حالياُ قائمة بالبحرين والكويت والجلابيات عندهم ببلاش .
ماتقدرين تسافرين ؟ في وقت روحي السوق من الحين اشتري القطع وفصليها وريحي نفسج .

باختصار عشان ما اطيل الحديث ( اي شي يخص مشتريات اشتري من الحين وخليه على جنب لرمضان )

واتكلم عن كل شي بالتفاصيل الصغيرة حتى لو حلق او اكسسوار شعر !

حتى الفوالة ؟ اطلبيها قبل رمضان باسبوع وحددي انج تبينها فاليوم الفلاني . (وياكثر هالامور بالانستقرام)

بالنسبة للكماليات الجمالية : (الصالون) وهو خوف وهاجس كل بنت في هالفترة !

من الحين اضمني لنفسج :

- حناية (احجزي ثنتين عشان لو وحدة انكبتج )
- الأمور الأخرى
- قص صبغات شعر الخ ... من الحين سوي حجوزاتج .


باختصار سالفة انتظار الصالون المتعبة والذبح والهواش ف الصالون والاعصاب
وهذا دوري وافوت فطوري وفوق هذا اغلب الشغل مايطلع مضبوط بسبب الزحمة .

صدقوني حتى التسريحات اللي تروحون لها الصالون الفجر من اليوتيوب تتعلمونها ..

او انج تتعاملين مع ناس معينين وخلاص انتي زبونه مفضله عندهم وتبديج على الكل وتقدرين تكسبين الحنايات او اللي يسوون الشعر بهدايا بسيطة مثل جلابية ولا شنطة ماتبينها وراح تكونين وايد مفضلة عندها لدرجة تبديج على اي زحمة ( تجربة شخصية)


----------------


فحوى موضوعي :


التجهيزات القبلية لرمضان راح تريحكم نفسياً . وعن تجربه شخصية :

انا هذا رابع رمضان اسوي جذي حتى الصالون ما ادخله برمضان ابداً وعلمت اهلي وصرنا من الناس اللي مانتعب نفسيا برمضان ونقول ياربي زحمة متى يمدينا نشتري ونسوي .

يفضل انكم تسوون لستة وتكتبون فيها بالتفصيل انتو ايش محتاجين وتحددون تاريخ معين حق كل شي .

اتمنى لو شخص واحد يجرب هالطريقة لرمضان السنة . صدقوني بتحسون بفرق كبيييييييير .


والله يبلغنا رمضان ان شاء الله

[راجي الْعفو]

وعليكم السلام و رحمة الله وبركاته ..

يزاج الله خير عالتنبيه المهم يا ام محمد ..

( رغم أنف من أدرك رمضان فلم يغفر له )

والله يبلغنا رمضان أعوام عديدة ويكتب لنا فيه أوفر الحظ و النصيب ..

امين ..

بوكت ..

[غريب الدّار]

رحم الله والديج ياام محمد

كلامج عين العقل

وهذا الصح للي يبي يريح راسه

[بومحمد المطاوعه]

وعليكم السلام ورحمه الله وبركاته ,,

جزاكي الله خير ,,
ورحم الله والديج ,,

صدقتي والله الحين لو الواحد يجهز يرتاح نفسيآ ...

والحين اجازه الطلاب والمدرسات ,, يعني عندهم وقت ,,

وانا عن نفسي اليوم ان شاءالله بودي محمد ولدي وبفصل له ثياب حق العيد ,, وثياب حق رمضان ..

شريت له وحق خواته كل شي .. وفصلنا للبنات وامهم في الخياط
والتسليم بعد اسبوع ان شاءالله ,,


والي صج يكسرون خاطري قبل العيد بيوم ,,

تشوفين السوق زحمه وعفسه
كأنهم مايدرون ان بعد كم يوم العيد ,,

سوق العلي والزحمه فيه لاتطاااااااااق قبل العيد بكم يوم ,,

الله يحفظ الجميع

[يمامـة]

ومع هذا لن تقل الزحمة .. شي طبيعي تكون هناك زحمة في الاماكان هذي..
لانها مواسم .. ومستحيل كل وحدة تلقى اللي تجيها البيت..

لذلك افضل اقتراح الاعتماد على النفس بشكل أكبر..
والبنات يتعلمون يسوون كل شي بروحهم.. من بدير كير و تسريحات وسشوار وغيره..
و تبقى مشكلة الحنة.. اللي تتكفل فيها وحدة تروح من بدري تاخذ للكل الارقام وعقب يروحون يتحنون
وهم مبسوطين في لمتهم مع بعض..

اعتقد اللي يميز المناسبات هذي الدوشة والزحمة لولاهم ما كنا حسينا انها اجواء عيد..

وربنا يبلغنا رمضان ولا يحرمنا من اجره..

[أم محمد 90]

وعليكم السلام و رحمة الله وبركاته ..

يزاج الله خير عالتنبيه المهم يا ام محمد ..

( رغم أنف من أدرك رمضان فلم يغفر له )

والله يبلغنا رمضان أعوام عديدة ويكتب لنا فيه أوفر الحظ و النصيب ..

امين ..

بوكت ..

اللهم امين ويجزا الجميع ان شاء الله .


رحم الله والديج ياام محمد

كلامج عين العقل

وهذا الصح للي يبي يريح راسه

ووالديك اخوي

صحيح ، انا احب اشتري راحة راسي صراحة ..

[ضوى]

الحمد لله ماعندنا هالشطة كلها لا لرمضان ولا للعيد البسيط جدا والعادي جدا والله يثبتنا يارب

[أم محمد 90]

وعليكم السلام ورحمه الله وبركاته ,,

جزاكي الله خير ,,
ورحم الله والديج ,,

صدقتي والله الحين لو الواحد يجهز يرتاح نفسيآ ...

والحين اجازه الطلاب والمدرسات ,, يعني عندهم وقت ,,

وانا عن نفسي اليوم ان شاءالله بودي محمد ولدي وبفصل له ثياب حق العيد ,, وثياب حق رمضان ..

شريت له وحق خواته كل شي .. وفصلنا للبنات وامهم في الخياط
والتسليم بعد اسبوع ان شاءالله ,,


والي صج يكسرون خاطري قبل العيد بيوم ,,

تشوفين السوق زحمه وعفسه
كأنهم مايدرون ان بعد كم يوم العيد ,,

سوق العلي والزحمه فيه لاتطاااااااااق قبل العيد بكم يوم ,,

الله يحفظ الجميع

اييي عارفة والله مجربين من سنين ههههه

انا خلصت تفصيل عبايات للعيد ماحب الخياطين احب شي ارقى ف عندي مصممة ف البحرين اسعارها مو اكثر من 800 وعباياتها حلوة وايد وفخمه . ودوم مراسلاتي معاها واتس اب واحول لها الفلوس وتطرش لي العباة وتطلع فت قياسي .

وهالويك اند رايحة الكويت حق البدلات والفساتين والجلابيات والمكياج وهالامور .

وبعده باسبوعين بنروح لاغراض البيت الاحساء والخبر .

صحيح التجهيز بوقت وايد مريح .



ومع هذا لن تقل الزحمة .. شي طبيعي تكون هناك زحمة في الاماكان هذي..
لانها مواسم .. ومستحيل كل وحدة تلقى اللي تجيها البيت..

لذلك افضل اقتراح الاعتماد على النفس بشكل أكبر..
والبنات يتعلمون يسوون كل شي بروحهم.. من بدير كير و تسريحات وسشوار وغيره..
و تبقى مشكلة الحنة.. اللي تتكفل فيها وحدة تروح من بدري تاخذ للكل الارقام وعقب يروحون يتحنون
وهم مبسوطين في لمتهم مع بعض..

اعتقد اللي يميز المناسبات هذي الدوشة والزحمة لولاهم ما كنا حسينا انها اجواء عيد..

وربنا يبلغنا رمضان ولا يحرمنا من اجره..

شزينها حنا اللزيق يمامة ولا شرايج ؟ :shy:

[sweet qatar]

صادقه أم محمد

التحهيز في رمضان تعب علي تعب أصلا مافي وقت
والسوق يكون تعيس وبايخ والجو :weeping:


الحمدلله أغلب الصالونات صارت توفر خدمة منزلية ..

والله يبلغنا وإياكم الشهر وأجره

[عـ العبيدلي]

شخصيا عندي هواية اخلص مشاويري ليلة العيد ..

وبالنسبة لباقي الشهر اغلبه اكون برع البيت .. اله وقت النوم اكون فالبيت والفطور بس

[حسن]

كان زين رسالتك توصل للجميع

الصراحه شهر عباده والكثير ماخذه شهر كسل ونوم وسهر
ودواره اسواق وغثى

للاسف الكثير غير اخوانا الغرب الخيم والشيش
الحمدلله ماعندي هل الامور الوضوع عادي
والحمدلله الجمعيات في كل مكان وعند بيوتنا اي شي نبيه 5دقائق
شكل مشتريات وتخزين هذا مرفوض عندي نهائيا رغم ان عندي فطور ريوميا
لايقل عن 25 وطالع

هذا شهر فضيل وعباده وخسران من مر عليه وقضاها في رقاد وسهر واكل

جزاك الله خير

[العلياا]

وعليكم السلام

مممم المفترض ان الناس في رمضان تجهز للعيد مش لرمضان ؟؟

بإستثناء القرنقعوه اعتقد اهنيه معظم الحريم ينطرون رمضان عشان المعارض النسائية اللي تصير في رمضان
عكس الكويت تماما اللي ماشاءالله بادين من شهر تقريباً واحنا دائما ملابس القرنقعوه ما تطلع الا قبلها بكم يوم

باقي الامور كلها نجهزها قبل رمضان والامور النسائية نحجز موعد اول رمضان ونرتاح من الزحمة

يعطيج العافيه

[بومحمد المطاوعه]

شخصيا عندي هواية اخلص مشاويري ليلة العيد ..

وبالنسبة لباقي الشهر اغلبه اكون برع البيت .. اله وقت النوم اكون فالبيت والفطور بس

ههههههههه

عيل انا بكتب فيك مقال فالجريده

سبب الزحمه ليله العيد :tease:

الله يحفظك ياخوي
زحمه وعفسه
خلص قبل احسن

[بومحمد المطاوعه]

اييي عارفة والله مجربين من سنين ههههه

انا خلصت تفصيل عبايات للعيد ماحب الخياطين احب شي ارقى ف عندي مصممة ف البحرين اسعارها مو اكثر من 800 وعباياتها حلوة وايد وفخمه . ودوم مراسلاتي معاها واتس اب واحول لها الفلوس وتطرش لي العباة وتطلع فت قياسي .
وهالويك اند رايحة الكويت حق البدلات والفساتين والجلابيات والمكياج وهالامور .
وبعده باسبوعين بنروح لاغراض البيت الاحساء والخبر .
صحيح التجهيز بوقت وايد مريح .
:shy:

الله يحفظج ان شاءالله ,,

ولاتنسين محروق صبعه
مادري شسمه

خخخخخخخ

والله يعينكم ع التجهيز

[عـ العبيدلي]

ههههههههه

عيل انا بكتب فيك مقال فالجريده

سبب الزحمه ليله العيد :tease:

الله يحفظك ياخوي
زحمه وعفسه
خلص قبل احسن

فالة العيد تخترب لو شريتها قبل لازم ليلة العيد ..

بس على طاري لازم نفصل ثياب من احين لانه صج عقب محد يفصل ..

[أم محمد 90]

شخصيا عندي هواية اخلص مشاويري ليلة العيد ..

وبالنسبة لباقي الشهر اغلبه اكون برع البيت .. اله وقت النوم اكون فالبيت والفطور بس


ايي شعليك غترة ونعال وفانيلة وسروال وقحفية

لاحد يقولك ويي بوكك مال العالم ولا ساعتك وزرارك شايفينه قبل

احنا البنات مساكين :(

[بومحمد المطاوعه]

فالة العيد تخترب لو شريتها قبل لازم ليلة العيد ..

بس على طاري لازم نفصل ثياب من احين لانه صج عقب محد يفصل ..

صدقت
فصل من الحين
والله عقب بتتحسف ,,

انا تدري الاسبوع الجاي بروح افصل
اليوم بودي محمد ولدي بفصل له ,,
والاسبوع الجاي بفصل
لاني انا ماشاءالله كل شهر وزني يخف ,,

تلتهت ههههه اخاف افصل ويصير الثوب بشت هع

وفاله العيد ماتقدر تشتري من الحين ,,
صدقت ياليله العيد او قبلها بيوم ,,

والله يقويك يارب

[المحاميه]

ماعرف اتشرى الا مع الزحمه والسعر ضارب حده فوق :shy: كل مره نفس الغلطه :tease:

يمكن الزول مايطلع طلعته الا اذا شاف الصج وقرب الوقت

[يمامـة]

فالة العيد تخترب لو شريتها قبل لازم ليلة العيد ..

بس على طاري لازم نفصل ثياب من احين لانه صج عقب محد يفصل ..

صحيح تخترب وفوقه يبيعون شي بايت..
فلازم تتذوق و تتنقى.. ليلة قبل العيد كأكبر تقدير..

[عـ العبيدلي]

ايي شعليك غترة ونعال وفانيلة وسروال وقحفية

لاحد يقولك ويي بوكك مال العالم ولا ساعتك وزرارك شايفينه قبل

احنا البنات مساكين :(

وزرار وقلم وساعة وثياب وفالة العيد ..
غير طلبات البيت ..
و
و
و

بس عادي هونها وتهون ..

[JN000N]

ام محمد

يزاج الله خير يالطيبه عالتذكير

بس لحظه عندي نوقطه


التخطيط لمشتريات رمضان

لا حد منكن يحاول يقنعني ان في موديلات فنتك غريبة عجيبة بتنزل ف رمضان عن الحين ؟
ترى فرق المدة شهر وشوي ؟ فـ/ لحد يلعب براسكم ويقول انتظري لرمضان بتنزل كولكشات حلوة !

- عبايات فصلي من الحين بتوفرين :
( وقت , وتقدرين تضبطين قياسها بدون ضغط , وغير جذي بتوفرين مبلغ لان المحل او المصممة تكون اسعارهم عادية مقارنة بموسم رمضان . )

- جلابيات ؟ اذا بامكان تسافرين احد دول الخليج نصيحتي سافري ويك اند واشتري قد ماتبين خصوصاً ان المعارض حالياُ قائمة بالبحرين والكويت والجلابيات عندهم ببلاش .
ماتقدرين تسافرين ؟ في وقت روحي السوق من الحين اشتري القطع وفصليها وريحي نفسج .

باختصار عشان ما اطيل الحديث ( اي شي يخص مشتريات اشتري من الحين وخليه على جنب لرمضان )

واتكلم عن كل شي بالتفاصيل الصغيرة حتى لو حلق او اكسسوار شعر !

حتى الفوالة ؟ اطلبيها قبل رمضان باسبوع وحددي انج تبينها فاليوم الفلاني . (وياكثر هالامور بالانستقرام)

بالنسبة للكماليات الجمالية : (الصالون) وهو خوف وهاجس كل بنت في هالفترة !


وبعد باقي النقاط بس تعبت وانا اقتبس

بس
صدقون إني أنا وبيتنا (اخواني أمي أبوي ) مانطلع ف رمضان الا للسحور أو للجمعية ؟ راحة بال تامة , ورمضان بالنسبة لنا وقت عبادة وراحة نفسية

مو ضغط نفسي ايش اشتري ,, ومن وين ,, ومتى , وزحمة , متى اروح , شكثر انطر ؟


الكلام هذا موجه للرجال وللنساء واخص فيه النساء لان مشاويرنا في رمضان أكثر من الرجال ( لحد ينكر )



انزين شسالفه احين
نشتري والا مانشتري
نتعبد والا نروح الجمعيه بس؟
مانتزاور والا الزياره لها اجر ف رمضان؟
نهاجم والا ندافع خخخخ


احين صج دامني بقعد ف البيت وطول رمضان تعبد شله اروح واشتري جلابيات كشخه وفواله وذهب ومادري شنو
بلبس ذهبي وجلابيتي وبتمكيج وبتعدل وبقرا قران؟

يعني بين وبين لا تصكينها كلها ولا تفتحينها عالاخر
شله المخاسير والتجهيزات دام مافي طلعات

الا هذا احنا الحمدلله ف رمضان القران نختمه اكثر من ثلاث مرات
ونذكر الله ونتعبد ونصلي ونسوي الخير وفنفس الوقت نطلع ونتونس ونشوف الدنيا ونتزاور ونتشرى ونطالع التلفزيون
يعني جي وجي

بعدين الصراحة ماقتنعت بسالفه كل التجهيزات تكون قبل رمضان
انتي بنت مثلنا وعارفه ان والا تطلع اشيا ف نص الشهر لين يوم العيد ومانخلص بعد
احنا بنات غير
قولي الرياييل معليه
لو يفصل ثوب قبل رمضان بسنه محد درا به يديد والا قديم
لو يشتري كرمكم الله نعال قبل سنتين محد درا عنه
لا غتره ولا عقال ولا قحافي ولا ثياب ولا نعل ولا اطقم بتتغير موضتهم حق العيد ورمضان
اما البنات معروفه سالفة المعارض قبل رمضان ووقت رمضان ووايد مستفيدين يشترون منهم ويفتكون بدل مانروح نفصل وندور خيايطه وخرابيط

يعني انا مب معترضه لا على موضوع ولا شي بس خلنا شوي واقعيين نحاول احنا نخلص مواضيع الجلابيات قبل رمضان وهالشي طبيعي لكن في امور كثيره تطلع لنا من اول يوم

[يمامـة]

شزينها حنا اللزيق يمامة ولا شرايج ؟ :shy:

عاد شاسوي في ام الزين بنتي؟

غرامها تتحنى.. ولازم تروح الصالون واللي نيبهم لها في البيت ما يعجبها شغلهم..
و ذاك اليوم كنا في الرونق .. اقول لها شوفي هاللزقات.. قالت لي بطريقتها الخاصة:
مامااا.. لزقات اللي تنباع في الانسغرام مب هذي .. يالهوي بالي .. يعني لازم مال الانستغرام!!

فحاليا مفتكين من زحمة الحنة لانها مقتنعة ان ما يصير تتحنى وتداوم في الجامعة..
لكنها تستغل الاجازات في التحني اذا حبت تتحنى.. ودخلنا في البدي كير اللي تصر انها لازم تروح الصالون حق العيد
بس مرتبة عمرها وما ترقد الا تكون اول وحدة والصالون يفتح:telephone: ( لبغوا شي لازم يسوونه)

[لبيبة]

وعليكم السلام ورحمة الله وبركاته،

الله يعطيج العافية ام محمد،

ما في اي تجهيزات سبشل لرمضان عندنا،

ولا حجوزات عند صالونات وحنايات،

الحمد لله،

القناعة زينة ومريحة.

[أم محمد 90]

ام محمد

يزاج الله خير يالطيبه عالتذكير

بس لحظه عندي نوقطه




وبعد باقي النقاط بس تعبت وانا اقتبس

بس


انزين شسالفه احين
نشتري والا مانشتري
نتعبد والا نروح الجمعيه بس؟
مانتزاور والا الزياره لها اجر ف رمضان؟
نهاجم والا ندافع خخخخ


احين صج دامني بقعد ف البيت وطول رمضان تعبد شله اروح واشتري جلابيات كشخه وفواله وذهب ومادري شنو
بلبس ذهبي وجلابيتي وبتمكيج وبتعدل وبقرا قران؟

يعني بين وبين لا تصكينها كلها ولا تفتحينها عالاخر
شله المخاسير والتجهيزات دام مافي طلعات

الا هذا احنا الحمدلله ف رمضان القران نختمه اكثر من ثلاث مرات
ونذكر الله ونتعبد ونصلي ونسوي الخير وفنفس الوقت نطلع ونتونس ونشوف الدنيا ونتزاور ونتشرى ونطالع التلفزيون
يعني جي وجي

بعدين الصراحة ماقتنعت بسالفه كل التجهيزات تكون قبل رمضان
انتي بنت مثلنا وعارفه ان والا تطلع اشيا ف نص الشهر لين يوم العيد ومانخلص بعد
احنا بنات غير
قولي الرياييل معليه
لو يفصل ثوب قبل رمضان بسنه محد درا به يديد والا قديم
لو يشتري كرمكم الله نعال قبل سنتين محد درا عنه
لا غتره ولا عقال ولا قحافي ولا ثياب ولا نعل ولا اطقم بتتغير موضتهم حق العيد ورمضان
اما البنات معروفه سالفة المعارض قبل رمضان ووقت رمضان ووايد مستفيدين يشترون منهم ويفتكون بدل مانروح نفصل وندور خيايطه وخرابيط

يعني انا مب معترضه لا على موضوع ولا شي بس خلنا شوي واقعيين نحاول احنا نخلص مواضيع الجلابيات قبل رمضان وهالشي طبيعي لكن في امور كثيره تطلع لنا من اول يوم

جنون شسالفة ؟

القصد ان احنا مانطلع حق تشري فالزحمة ، نشتري قبل ؟؟

شي طبيعي المشتريات حق الزيارات اللي تصير ف رمضان ؟ ورمضان الزيارات والجمعات فيه اكثر من اي وقت غيره (بالنسبة لنا)

القصد ان العشر الاواخر اغلب الناس يقضونها مشتريات وصوالين وتصير زحمة وتبدأ الشكوى بدل ما الواحد في هالايام باله يكون مرتاح ويأدي فروضه وواجباته اتجاه ربه .

ترى قصدي من الموضوع جداااااااا وااضح .

انا عن نفسي اقولج هاي رابع سنة لي اسوي جذي وفعلاً مااحتاج شي كلش

صراحة اول سنة جربت اي نعم طلعت لي شغلة مني شغلة مناك ما انكر .

لكن سنة ورا سنة اعرف جدولي
اعرف وشو نظامنا ف رمضان
من بيجينا
هالايام حق شنو ومنو

ف خلاص اجهز كل شي من قبل

وطلعاتي تكون خفيفة حق جمعيات ولا اكل ولا امور بسييييطة ما تخليني اثقل جتوفي واحاتي

فهمتي علي يا قميلة ولا

[أم محمد 90]

ماعرف اتشرى الا مع الزحمه والسعر ضارب حده فوق :shy: كل مره نفس الغلطه :tease:

يمكن الزول مايطلع طلعته الا اذا شاف الصج وقرب الوقت
افا افا
الا انتي ماتوقعتها منج امانة هههههههههه

[أم محمد 90]

وعليكم السلام ورحمة الله وبركاته،

الله يعطيج العافية ام محمد،

ما في اي تجهيزات سبشل لرمضان عندنا،

ولا حجوزات عند صالونات وحنايات،

الحمد لله،

القناعة زينة ومريحة.




الحمد لله ماعندنا هالشطة كلها لا لرمضان ولا للعيد البسيط جدا والعادي جدا والله يثبتنا يارب



اللهم امين

انتم من الناس المحظوظين الله يديم عليكم النعمة

[أم محمد 90]

عاد شاسوي في ام الزين بنتي؟

غرامها تتحنى.. ولازم تروح الصالون واللي نيبهم لها في البيت ما يعجبها شغلهم..
و ذاك اليوم كنا في الرونق .. اقول لها شوفي هاللزقات.. قالت لي بطريقتها الخاصة:
مامااا.. لزقات اللي تنباع في الانسغرام مب هذي .. يالهوي بالي .. يعني لازم مال الانستغرام!!

فحاليا مفتكين من زحمة الحنة لانها مقتنعة ان ما يصير تتحنى وتداوم في الجامعة..
لكنها تستغل الاجازات في التحني اذا حبت تتحنى.. ودخلنا في البدي كير اللي تصر انها لازم تروح الصالون حق العيد
بس مرتبة عمرها وما ترقد الا تكون اول وحدة والصالون يفتح:telephone: ( لبغوا شي لازم يسوونه)

ههههههههههههههههههههههههه

شفتي يا اليمامة انا جذي لما كنت بنوتة تحت العشرين ، والله اني اقوم اسوي كل كل كل شي امي تبيه من الالف للياء وحزات هي تناحس تشوف مدى صبري تحملني فوق طاقتي ههههه
اتصبر عشان تشقيرة الحاجب الي تصير وقت العيدين بس
وعشان البدي كير والمني كير اللله ايييييييييااام اشتاق لها

يمه ودي ارجع صغيرة :weeping:

[أم محمد 90]

كان زين رسالتك توصل للجميع

الصراحه شهر عباده والكثير ماخذه شهر كسل ونوم وسهر
ودواره اسواق وغثى

للاسف الكثير غير اخوانا الغرب الخيم والشيش
الحمدلله ماعندي هل الامور الوضوع عادي
والحمدلله الجمعيات في كل مكان وعند بيوتنا اي شي نبيه 5دقائق
شكل مشتريات وتخزين هذا مرفوض عندي نهائيا رغم ان عندي فطور ريوميا
لايقل عن 25 وطالع

هذا شهر فضيل وعباده وخسران من مر عليه وقضاها في رقاد وسهر واكل

جزاك الله خير

كلامك صحيح , واشفق جداً على اللي طول نومه نايم ومايقوم الا قبل الفطور بكم دقيقة .....


وعليكم السلام

مممم المفترض ان الناس في رمضان تجهز للعيد مش لرمضان ؟؟

بإستثناء القرنقعوه اعتقد اهنيه معظم الحريم ينطرون رمضان عشان المعارض النسائية اللي تصير في رمضان
عكس الكويت تماما اللي ماشاءالله بادين من شهر تقريباً واحنا دائما ملابس القرنقعوه ما تطلع الا قبلها بكم يوم

باقي الامور كلها نجهزها قبل رمضان والامور النسائية نحجز موعد اول رمضان ونرتاح من الزحمة

يعطيج العافيه

جهزي لرمضان + العيد ,, مفروض ان احنا كبنات وصلنا لمرحلة نعرف احتياجاتنا بالضبط.

ع فكرة ، في مقالة مرة قريتها .

انا لو عندج مناسبة كبيييرة ، اشخلي كبتج شخال وبتحصلين اشياء انتي شريتيها وناسيتها ( 74% من النساء سوو معاهم هالشي وطلع صح)

وانا جربته وفعلاُ كل ما افتح خزاناتي وافتش وافرز وارتب الاقي اشيا ناسية اني خذتها ف احيانا اوفر ع نفسي وايد .

وبالضبط فيما يخص القرنقعوه تراها كلها الا خلقان من السوق يجمعونها مع بعض ويسمونها (فنتك) ف مش لازم ننطر معارض الواحد يفصل وياكثر خياييطنا .

[JN000N]

جنون شسالفة ؟

القصد ان احنا مانطلع حق تشري فالزحمة ، نشتري قبل ؟؟

شي طبيعي المشتريات حق الزيارات اللي تصير ف رمضان ؟ ورمضان الزيارات والجمعات فيه اكثر من اي وقت غيره (بالنسبة لنا)

القصد ان العشر الاواخر اغلب الناس يقضونها مشتريات وصوالين وتصير زحمة وتبدأ الشكوى بدل ما الواحد في هالايام باله يكون مرتاح ويأدي فروضه وواجباته اتجاه ربه .

ترى قصدي من الموضوع جداااااااا وااضح .

انا عن نفسي اقولج هاي رابع سنة لي اسوي جذي وفعلاً مااحتاج شي كلش

صراحة اول سنة جربت اي نعم طلعت لي شغلة مني شغلة مناك ما انكر .

لكن سنة ورا سنة اعرف جدولي
اعرف وشو نظامنا ف رمضان
من بيجينا
هالايام حق شنو ومنو

ف خلاص اجهز كل شي من قبل

وطلعاتي تكون خفيفة حق جمعيات ولا اكل ولا امور بسييييطة ما تخليني اثقل جتوفي واحاتي

فهمتي علي يا قميلة ولا

المهم ماعلينا من الطويله
شبتييبين لي من الكويت؟ :shy:
وعطيني رقم الي تطلبين منها عبايات :sneaky:
وفهمت يا حلوه :shy: بس شوي مافهمت
بس المهم انطر الرد

[بنت مريخ]

الحمدلله متبعه هريقه من زمااان
احس رمضان للعباده
اكره الطعه في رمضان
العيد صينيه حلاوه و قهوه ومدخن

[أم محمد 90]

المهم ماعلينا من الطويله
شبتييبين لي من الكويت؟ :shy:
وعطيني رقم الي تطلبين منها عبايات :sneaky:
وفهمت يا حلوه :shy: بس شوي مافهمت
بس المهم انطر الرد

عبالي تقولين عني طويلة , اي الطول عز عز عز
بجيب لج حراق اصباعو ع قولة بو محمد اللي ماعرف شنو لونه وشكله وطعمه.
اول شي قولي لي وين اسكن مناك :( محتاسة ياربي
بتفهمين جربي وبتفهمين
وبخصوص مصممة العبي اكتبي ف انستقرام nada line بتطلع لج يختي الرقم طويل عيزانة اكتبه ههههههههه

[الجني]

عقب الشوربة و حبتين سمبوسة الواحد يحس كأنه دنكر
و الباقي للقمامة للأسف

رمضان شهر الإمتناع عن الأكل و ليس زيادة الأكل
احنا نأكل في رمضان أكثر من أي شهر آخر و كأنه "شهر الإحتفال بالأكل"
و هذا دليل قلة الإيمان .
نبحث عن مسجد لصلاة تراويح أكسبرس .
لا يجتمعان النشاط مع الشبع

اللهم نسألك الهداية

[يمامـة]

ههههههههههههههههههههههههه

شفتي يا اليمامة انا جذي لما كنت بنوتة تحت العشرين ، والله اني اقوم اسوي كل كل كل شي امي تبيه من الالف للياء وحزات هي تناحس تشوف مدى صبري تحملني فوق طاقتي ههههه
اتصبر عشان تشقيرة الحاجب الي تصير وقت العيدين بس
وعشان البدي كير والمني كير اللله ايييييييييااام اشتاق لها

يمه ودي ارجع صغيرة :weeping:

والله اذا تبين الصراحة ودي تعتمد على نفسها في امور كثيرة.. فمن جذيه اتلكلك لها او اعطيها
كاش اني رافضة روحتها للصالون وابيها تسوي شغلها بروحها.. مرات تحاول تغريني وتقول لي
امشي معاي بسوي لج على حسابي.................> انها ترشيني يا آنستي..
ومع هذا تلقيني حق الاعياد والمناسبات الخاصة اوافقها بكل رحابة صدر..

مرات يا ام حمد مهما تكونين مخلصة قبل رمضان الا لازم تطلع لج شغلة ليلة العيد او قبلها..
وتضطرين تنزلين السوق او المجمعات.. واحنا بشكل عام نتعامل مع العيد
كأن عندنا فقر في الكباتة.. كل شي لازم يكون يديد من طق طق لين السلام عليكم..

فمن جذيه هالنوعية من الناس تلقينهم هم سبب الزحمة في السوق.....> ( تقصد نفسها):shy:

[يمامـة]

عقب الشوربة و حبتين سمبوسة الواحد يحس كأنه دنكر
و الباقي للقمامة للأسف

رمضان شهر الإمتناع عن الأكل و ليس زيادة الأكل
احنا نأكل في رمضان أكثر من أي شهر آخر و كأنه "شهر الإحتفال بالأكل"
و هذا دليل قلة الإيمان .
نبحث عن مسجد لصلاة تراويح أكسبرس .
لا يجتمعان النشاط مع الشبع

اللهم نسألك الهداية

يا سعدنا بوجودك في هالموضوع يا اخونا الجني
وياهلا و يمرحبا نورتنا ..

عذرا ام محمد لازم نوجب اخونا الجني بعد هالغيبة..

[بنت شرق]

حلو الموضوع ،،،واذا ماعليج امر رقم صاحبة العبايات ،، زين شفت رد بصمة
بس اهي على البرايفيت ،،،

الي يبي يشوف اطباق خليجية وقطرية حساب شيخة المير راعية كتاب فن الطبخ القطري ،،وايد حلو ومقاديرها ما شا الله مضبوطه

[بصمة قطرية]

عبالي تقولين عني طويلة , اي الطول عز عز عز
بجيب لج حراق اصباعو ع قولة بو محمد اللي ماعرف شنو لونه وشكله وطعمه.
اول شي قولي لي وين اسكن مناك :( محتاسة ياربي
بتفهمين جربي وبتفهمين
وبخصوص مصممة العبي اكتبي ف انستقرام nada line بتطلع لج يختي الرقم طويل عيزانة اكتبه ههههههههه

فندق سمفوني و لا أروع ..

ماشاءالله عليج بتروحين تجهزين لرمضان والعيد من الكويت
يا بختج وديني معاج ميته أبي أروح الكويت
محد معطيني ويه :(

مكياج مكتفية تعالي إخذي اللي يعجبج ..
جلابيات بيوصلوني من الإمارات
ما أتعب نفسي أروح لها خخخخخخخ
شنو بعد ..
تصدقين عاد من اسبوع سويت جرد
لاحظت الحمدلله اني مكتفية من الشنط و الصنادل
و المكياج و العطور و الملابس ..
بس لازم كم جلابية جديدة لرمضان ..
و ناوية أفصل للعيد أدور لي موديل
عندج موديل ناعم ..!!
والعباية أفصلها في رمضان عشان يكون الموديل جديد بس ..

[بصمة قطرية]

بالنسبة لإستعدادات الطبخ
طبعاً في أشياء أحب أجهزها قبل رمضان
لي طقوس خاصه لازم أسويها*
قبل رمضان ..
عشان ما يشغلني شي في رمضان ..

والعيال أجهزهم في يوم
طلعة وحدة بالكثير طلعتين أخلص كل أمورهم
هاي فايدة الأولاد :)

[رهج السنابك]

مررررررريحه راسي من هاي كله والحمدلله وبكل فخر بعد هاهاهاها صج الله يعينكم اذا هاي كله تسوونه

بالعاده دولابي فيه ملابس جديده ومانلبست الا مره او مرتين او قليل ناس شافوها في العيد لو حد زارنا لبست من الموجود والسلام*
صالون مايحتاج البنات المفروض يعرفون يرتبون نفسهم بنفسهم والحنة من صجكم تقعدون ساعات عشانها هم بعد مب لازم وشفيها الطبوقة؟! شحلاتها

وشنو بعد. امممم فوالة العيد اخذوها الصبح*

التجهز اللي اكثر من اللازم مالوش داعي والعيد كله كم ساعه الصبح وخلاص واراهن على ان البنات عندهم لبس فايض من كل عيد ما انلبس لين العيد الي عقبه

[العقل المدمر]

انا مادريت ان فيه ناس يفصلون جلابيات حق رمضان الا العام :shy:
عمرنا ماجهزنا شي فالبيت غير السمبوسات والا الجلابيات عادي عندي من سنين ومب من كثر طلعاتي
يا زين رمضان وجوه وجمعة الاهل اللي تصير فيه غير وتكون احلى
والحمد لله انا من النوع اللي نادر ما ادخل سوق فرمضان
ولا احب اطلع الا حق زيارات

[الجـــوديّ]

الحمدلله ربي على النعمة

تسلمين أم محمد على التذكير .. وطريقتج ممتازة :victory:

حلاتنا بعد نسوي برامج للعبادة في رمضان علشان الواحد ما يمل

يحاول قد مايقدر يجتهد وينوع في العبادات والطاعات

الله يبلغنا واياكم الشهر لافاقدين ولامفقودين

[أم محمد 90]

والله اذا تبين الصراحة ودي تعتمد على نفسها في امور كثيرة.. فمن جذيه اتلكلك لها او اعطيها
كاش اني رافضة روحتها للصالون وابيها تسوي شغلها بروحها.. مرات تحاول تغريني وتقول لي
امشي معاي بسوي لج على حسابي.................> انها ترشيني يا آنستي..
ومع هذا تلقيني حق الاعياد والمناسبات الخاصة اوافقها بكل رحابة صدر..

مرات يا ام حمد مهما تكونين مخلصة قبل رمضان الا لازم تطلع لج شغلة ليلة العيد او قبلها..
وتضطرين تنزلين السوق او المجمعات.. واحنا بشكل عام نتعامل مع العيد
كأن عندنا فقر في الكباتة.. كل شي لازم يكون يديد من طق طق لين السلام عليكم..

فمن جذيه هالنوعية من الناس تلقينهم هم سبب الزحمة في السوق.....> ( تقصد نفسها):shy:

صح بالضبط , ههههه ياليمامة رتبي امورج مابي اشوفج ف السوق من محل لين محل واخر كم وكم اخر
الله يخليها لج ويبلغج فيها ان شاء الله


عقب الشوربة و حبتين سمبوسة الواحد يحس كأنه دنكر
و الباقي للقمامة للأسف

رمضان شهر الإمتناع عن الأكل و ليس زيادة الأكل
احنا نأكل في رمضان أكثر من أي شهر آخر و كأنه "شهر الإحتفال بالأكل"
و هذا دليل قلة الإيمان .
نبحث عن مسجد لصلاة تراويح أكسبرس .
لا يجتمعان النشاط مع الشبع

اللهم نسألك الهداية

حياك الله اخوي ومنور الموضوع , الله يهدي الجميع ان شاء الله


يا سعدنا بوجودك في هالموضوع يا اخونا الجني
وياهلا و يمرحبا نورتنا ..

عذرا ام محمد لازم نوجب اخونا الجني بعد هالغيبة..

اسمه المستعار مميز واشوف عدد مشاركاته كثيرة ولكن مالمحت له ردود من قبل بحكم اني حديثة على المنتدى

[أم محمد 90]

فندق سمفوني و لا أروع ..

ماشاءالله عليج بتروحين تجهزين لرمضان والعيد من الكويت
يا بختج وديني معاج ميته أبي أروح الكويت
محد معطيني ويه :(

مكياج مكتفية تعالي إخذي اللي يعجبج ..
جلابيات بيوصلوني من الإمارات
ما أتعب نفسي أروح لها خخخخخخخ
شنو بعد ..
تصدقين عاد من اسبوع سويت جرد
لاحظت الحمدلله اني مكتفية من الشنط و الصنادل
و المكياج و العطور و الملابس ..
بس لازم كم جلابية جديدة لرمضان ..
و ناوية أفصل للعيد أدور لي موديل
عندج موديل ناعم ..!!
والعباية أفصلها في رمضان عشان يكون الموديل جديد بس ..

حياج والله اني سحبت بنت خالي وامها ويانا وعندنا اهلنا هناك وبتفرفر فالسوق عدل كله يمدحون لي الجلابيات والبدلات هناك وجد متحمسة
انا قلت لامي عن الفندق تقول خلاص حجزت يارب يطلع فندق محترم صراحة ماحب اقعد ف اي مكان :(

اول مرة اروح الكويت العادة دوم ف دبي بس تشجعت السنة خصوصا بعد ما اشوف مشتريات رفيجاتي .

بخصوص الموديلات الناعمة شوفي حساب نوف فاشن بالانستقرام تنزل موديلات حلوة وايد مع تاق حق مصممة الموديل .

صدقيني الموديلات كلها نفس الشي وشو الفنتك اللي بينزل ف رمضان موديلات مثلها مثل اي وقت ، اذا تبين شي حلو (الاناقة الملكية) ف السد عباياتهم حلوة وينزلون كولكشن حلو قبل رمضان .

وطريقة الجرد جدا مفيدة انا احب اسويها قبل لا اروح اشتري اغراض لموسم الاعياد عشان اعرف وشو احتاج بالضبط .


حلو الموضوع ،،،واذا ماعليج امر رقم صاحبة العبايات ،، زين شفت رد بصمة
بس اهي على البرايفيت ،،،

الي يبي يشوف اطباق خليجية وقطرية حساب شيخة المير راعية كتاب فن الطبخ القطري ،،وايد حلو ومقاديرها ما شا الله مضبوطه

حبيبتي كتبي nada line
بالانستقرام بتطلع لج على طول .

[أم محمد 90]

الحمدلله ربي على النعمة

تسلمين أم محمد على التذكير .. وطريقتج ممتازة :victory:

حلاتنا بعد نسوي برامج للعبادة في رمضان علشان الواحد ما يمل

يحاول قد مايقدر يجتهد وينوع في العبادات والطاعات

الله يبلغنا واياكم الشهر لافاقدين ولامفقودين

اللهم امين , جدول الطاعات فكرة جدا مهمة الواحد يحاول يستغل هالشهر بكل تفاصيله .

[أم محمد 90]

مررررررريحه راسي من هاي كله والحمدلله وبكل فخر بعد هاهاهاها صج الله يعينكم اذا هاي كله تسوونه

بالعاده دولابي فيه ملابس جديده ومانلبست الا مره او مرتين او قليل ناس شافوها في العيد لو حد زارنا لبست من الموجود والسلام*
صالون مايحتاج البنات المفروض يعرفون يرتبون نفسهم بنفسهم والحنة من صجكم تقعدون ساعات عشانها هم بعد مب لازم وشفيها الطبوقة؟! شحلاتها

وشنو بعد. امممم فوالة العيد اخذوها الصبح*

التجهز اللي اكثر من اللازم مالوش داعي والعيد كله كم ساعه الصبح وخلاص واراهن على ان البنات عندهم لبس فايض من كل عيد ما انلبس لين العيد الي عقبه

هههههههاي الارستقراطية انتي شكلج من البنات اللي شكلها ف العيد مثل شكلها ف كل زوارة ماتغير ف نفسها شي وهاي شي حلو ومب حلو احيان
يعني حزات اشوف بنات تسوي ميك اوفر كلش نيو ستايل للعيد تغير من نفسها 180 درجة وليش يعني كلهم اهلج وتوج شايفتهم من كم يوم خخخخ


انا مادريت ان فيه ناس يفصلون جلابيات حق رمضان الا العام :shy:
عمرنا ماجهزنا شي فالبيت غير السمبوسات والا الجلابيات عادي عندي من سنين ومب من كثر طلعاتي
يا زين رمضان وجوه وجمعة الاهل اللي تصير فيه غير وتكون احلى
والحمد لله انا من النوع اللي نادر ما ادخل سوق فرمضان
ولا احب اطلع الا حق زيارات



ماهو الزيارات هي البلشة ، انا احب الجلابيات ف رمضان لان الوقت الوحيد اللي اقدر البس فيه جلابيات الايام العادية ماحب كلش :shy:

[ودي أكون]

الله يبلغنا رمضان واياكم ويتقبل منا جميع طاعاتنا يارب، اللهم آمين

بالنسبه لي ولله الحمد خلصت جلابيات رمضان واستلامتهم من اسبوعين تقريباً، وخلصت للعيد، باقي بعض الامور اللي اقدر اخلصهم فيوم او يومين بإذن الله
ايلال الصلاه والسجادة، خلصتهم حق رمضان.. احب ف رمضان كل شي جديد
اي امور ثانيه تنقصني للعيد، اخلصها ف ليلة العيد، والخدامات اشتري لهم فليلة العيد، واي نواقص ثانيه اخلصها بعد في هالليله سواء شراشف او طاولات ناقصه او او او الخ
أما فوالة العيد من كم سنه الحمدلله ماشرينا، لان ليلة العيد اغلب اخواني وخواتي يمرون على امي جايبين فوالة العيد حق بيت ابوي،


والحمدلله رب العالمين ، الله يبلغنا واياكم اجمل ايام السنه

[رهج السنابك]

قلتيها كلهم اهلي الي اشوفهم كل اسبوع
نو نفر جديد عيل ليش التخصبق هاهاهاها

[بومحمد المطاوعه]

يبيله افتح محل بس ف رمضان واسكره ثالث العيد

شكلي بردخل ذهب

هع هع هع

هل من شريك :app2:

[JN000N]

عبالي تقولين عني طويلة , اي الطول عز عز عز
بجيب لج حراق اصباعو ع قولة بو محمد اللي ماعرف شنو لونه وشكله وطعمه.
اول شي قولي لي وين اسكن مناك :( محتاسة ياربي
بتفهمين جربي وبتفهمين
وبخصوص مصممة العبي اكتبي ف انستقرام nada line بتطلع لج يختي الرقم طويل عيزانة اكتبه ههههههههه

اي والله الطول عز تعالي فهميهم الجماعه
وين تسكنين لو بقولج بكون قاريتلج مب عن تجربه لاني ماقط رحت الصراحه لحين مادشت مزاجي
بضيفها ندى بجوف شعندها
شوقرن يالحب

[بونووف]

شرايكم السنه تخلصون اغراض العيد قبل رمضان ..


عشان تفضى لي الشوارع واقضي مشاوري على راحتي :shy:

[R 7 A L]

هو المفروض الكل يتفرغ للعبادة
بس صعبة على اكثر الناس خاصة الي مايلبسون الا احدث شي

[الزعفراني]

اليوم 9 شعبان .. يفصلنا عن رمضان 21 يوماً .. الله يبلغنا اياه واياكم ويكتب لنا صيامه وقيام ليله ..

الكل يعرف ان ام المشاكل في شهر رمضان تكون في الاستعداد للعيد مع الاسف من تجهيزات وملابس وخلافه ..

والمشكلة تكمن في اضاعة الوقت في رمضان في الاسواق والبحث والتجهيز للعيد ..

جرت العادة بالنسبة لي خلال السنتين الماضيتين بانجاز تجهيزات العيد قبل دخول شهر رمضان :)

بمعنى ما يدخل رمضان الا وانا مجهز للعيد ومستلزماته من ملابس للعيال ومستلزماتهم وكذلك مستلزمات البيت والأهل وخلافه

والحمدلله افتكيت من سالفة الهياته في المجمعات والاسواق والخياطين والزحمه اللي تصير في هذا الشهر الفضيل

لذلك نصيحة الواحد يحاول يجهز من الحين له ولعياله واهله - الشي اللي يمكن تجهيزه من الان - ويتجنب اللحظات الاخيرة اللي تصير كل سنه في الهجوم على الاسواق

واضاعة الوقت في مثل هالشهر الفضيل

هذا بمايتعلق في موضوع التجهيز للعيد واللي يتسبب في اضاعة الوقت في رمضان طبعا هناك اسباب اخرى تساهم في اضاعة الوقت لكن مش مجال حديثنا

او ممكن اي حد يتفضل بذكرها في هالموضوع للفائدة ..

تحياتي واشواقي :shy:

[غايه الطواش]

انا مثلك اخلص تجهيزات العيد ورمضان من قبله , حتى لو سافرت اعمل حساب العيدين سواء لي شخصيا , او ملابس البنات واكسسواورتهم حق العيد .
بس فوايل العيد لازم يكون لها طلعه , نهائيا في رمضان ماحب اطلع البيت ,
ايضا من الامور الي تسبب في اضاعه الوقت وخاصه للحريم , انها طول يومها في المطبخ , مع العلم ان رمضان شهر عباده مب شهر طبخات , وللشباب السهر الي ماله داعي وكانه رمضان شهر للسهر ,وياليت السهر في مجالس الذكر , بالعكس سوالف وغبقات ولعب وورقه وكوره .