:::...ذكي دراسة...غبي حياة...:::

[The Master]

92652







امريكا سنة ٢٠٠٠…كنت ١٧ سنه…كنا كورس لغة…كانت رحلة جميله…شهرين…مروا بسرعه…بحلوها بمرها…شي جديد…غريب…عجيب…
تعرفت ع يابانيين…اتشوف درجات امتحانهم ف اللغة الانجليزية علامة كاملة…تروح تسولف معاهم…لاهو يفهم انجليزي…ولا هو بعارف ينطق …

والبرازيلي...درجاته ف الامتحان عالحفه...ووقت الكلام...مافي احسن منه...محد امضبط شسمهم الا هم...

وهذا يقودني لموضوعي الاساسي…

اشيا كثيره تغيرت عن قبل…خاصه البشر…واتكلم عن تصرفاتهم…مقارنة ب الاجيال الحاليه…

قبل اتشوف الولد مع ابوه ولا عمه ولا خاله…او حتى اخوه الاكبر منه…يعلمه السنع واعلوم الرجال…وقعدتهم دوم ف المجالس مع العرب…ياخذ من طبايعهم والسلوم الطيبه…
لجاهم ضيف يعرف كيف يضيفه ويرحب به ويتحفاه…ويقهويه…ويقوم بالواجب…والكلام يعرف السؤال وجوابه ويرد ويسولف…ومتى يتكلم ومتى يسكت…

لكن تعال للجيل الحالي…اغلب وقته عالنت…ولا السوني...او الجوال…ومايطلع من غرفته…ولجيت اتناديه قال لك هااااه…مايعرف نعم ولا لبيه…واكبر مصيبه لما يجيك ضيف…يا الله…كاااااارثة…عادي يصب الفنجان باليسار…وعقب مايصب يقعد…ولا يروح حق ابوه يقول له يباااا انااا زهههقت مااابغي اصب…عاااادي جدا قدام الضيف…ولجيت اتقول له اخبارك يا فلان…يقول لك زين…اخبار ابوك…زين…اخبار اخوانك…زينيين…

اتحاول اتناديه يقعد معاك...او تفتح موضوع...او اتعلمه...دقايق يزهق منك ويدور له تصريفه...عشان يطلع...

هذا هو الجيل الحالي…وهذا مجرد مثال بسيط…

ينطبق ع البنات والشباب…فيهم بلاااادة…وبرود…وعدم فهم مايدور من حولهم ولا حتى الاحساس به…
ك مثال…اذا كنت في مكان عام…وشفت عجوز ادخلت…لما اتشوف حد من الشباب الصغار قام وقال لها حياك…تأكد ان هذا مش لانه طيب…وانما انسان يفهم مايدور حوله…وحريص…وفاهم الدنيا…لانه عاشر الكثير وتعلم منهم الادب والسنع…اما لو من جيل النت بتحصله امفهي…واذا رفع راسه وشافها عادي بيدنع ولا كنه شاف شي…

طبعا اللوم كله ع الوالدين…لا احد غيرهم…هم اساس التربية…
منها ان الام اتخاف ع ولدها وماتبغيه يحتك بالناس اللي بره…ف تحبسه…واتجيب له اللي يبغيه عشان اتبري ذمتها انها حابسته وماتحس بتأنيب الضمير.وتتغافل عن باقي الامور…
والاب…تلقاه ماله بارض ف عياله…لا يبغي يربي…ولا يبغي يعور راسه…كل همه بس اذا بيعصب عليهم…يصارخ…والاهم انهم يخافون منه…هو البعبع…وطبيعي يريحه يشوف ولده دوم ف البيت…عشان مايحاتي وين راح او مصادق من…واذا قلت له ليش ما اتوديهم معاك المجلس…يقول لا لا ماينفع…سوالف الشباب ماتصلح لهم…او يمكن اتاخر…او يمكن زقاير…مب زين لصحتهم…

والبنت نفس الشي…تلقى الام حريصه جدا ع بناتها…واتخاف عليهم من العين…لا اتوديهم معاها لما اتزور الناس…ولا اتخليهم يطلعون يسلمون ع الناس اذا جاووهم…
او حرص الوالدين الشديد ع البنت انهم مايخلونهم يرافجون حد…وتقطعهم عن العالم الخارجي…

ف اتمر السنين …ويكبرون العيال…ويكون الناتج…جيل فاشل…فاج…مغفل…

لا انكر انهم فاهمين ف التكنلوجيا…والكمبيوتر…والجوالات…والانترنت…والدراسه …
لكن هذا كله يعزلهم عن العالم الخارجي…العالم الحقيقي اللي منه نتعرف فيه عالناس…ونسمعهم…ونتكلم معاهم…وانعرف كيف انتصرف…وقت الفرح…ووقت الحزن…

يمكن بتقرا او بتدرس عن هالمشاعر ف النت…لكن شتان بين انك تقرا…او انك تمارسها وتتعلمها تطبيقيا…

وهذا اللي انشوفه حاليا ف المنتديات وتويتر ومواقع التواصل الاجتماعي…اغلب اللي متواجدين اتحصلهم مايشوفون حد…ولا يعرفون حد…واذا تسألهم من ربعكم…بيقولون اوووه واجد ومن كل مكان…تسألهم من ؟ يقولون لك ف النت ربعي…من منتدى او غرفة العاب سوني او غيرها من غرف الدردشات…هذا حدهم…وهذا عالمهم الافتراضي…بتحصلهم مرحين وراعين سوالف وضحك…وغشمرة…وتاخذ منهم كلام عقلاني…لكن لما تجي للواقع والعالم الحقيقي…لا حس ولا خبر…ولو تسأله اخبارك…عادي يغمى عليه من الاحراج…او لجيت بتتحفاه بيرد عليك زين زين زينيين…وغيرها من الامور اللبقة والسنع اللي يفتقرون لها…

اتذكر من فتره…واحد من الشباب مدح لي رسام…ف تويتر…ومشهور…والناس معجبه بشخصيته ف تويتر…ومستانسه عليه…ف قلت هذا لايمنع اني اشيك عليه…سألته عن اسمه…قال لي مب كاتب اسمه…وانما لقب…قلت مو مشكلة…فا لما رحت اشيك عليه…وشفت صورته…شبهت عليه بشخص عاشرته من فتره قصيره…بس استبعدت انه يكون هو…ف هذاك اللي انا اعرفه كان منطوي ع نفسه…وبيتوتي…ومعقد نوعا ما…عكس هذا الشخص اللي انا قاعد اقرا تغريداته ١٨٠ درجه…ف ماتوقعت انه هو…شيكت عالصوره مره ثانيه…قلت لا هو مافي شك…بس مايصير…اعرفه…وكنا مع بعض…ف قلت مافي الا اسأله…فلما ارسلت له…ع طول عرفني…وقال حيالله القبطان…هنا تأكدت انه هو…بلا شك…رسام وفنان…وذو شعبية…لكن فقط في عالم تويتر…

وماكان هو وبس...غيره كثير...

ف ينطبق عليهم العنوان…
“ ذكي دراسه…غبي حياة “

دام عندك موهبة…ولك شخصيه جميله…اظهرها للسطح…تخفيها ليه…خل العالم الحقيقي يشوفها ويثني عليها…واتكون لك تجربه فعليه وعمليه…ابرك من النت او المنتديات اللي تغزوها المجاملات فقط…او امور اخرى…
هذا لايمنع عرضها…لكن الاولى العالم الحقيقي…

ومن عنده مراهق او طفل…يحسن تربيته…وربي بيحاسبه على تربيته…
بتتعب الحين…لكن بترتاح بعدين…كفايه لما الناس تذكر ولدك او بنتك بالخير…هذا فخر لك…وخاصه اذا كان من ناحية انه اجتماعي ولبق ويعرف السنع…ف هذا مايتعلمها الا من اهل بيته وبيئته…ف هذي ترفع الراس…

مب خاشينه داخل غرفته كنه كنز…ليكون المهدي المنتظر بس…

سنعوا اعيالكم…لوعتوا كبدنا بهالاجيال اللي اتنرفز…واتجيب العله…عساكم…ال مب العله…



الانسان الناجح هو الناجح ف العالم الحقيقي بشهادة الجميع…مش اللي وراء الانترنت…





الموضوع خذ منك ٤ دقايق قراءة

وخذ مني ساعة ونص كتابه...

[راجي الْعفو]

يعطيك العافية ..

كلامك هذا اللي اتقوله انا أكرره دايما في المجالس ..

الجيل القادم اذا الله ما رحمهم بيطلع جيل ممسوخ : ..

دينياً - عرفياً ..

جيل بليد ، همّه الكشخة و اللهو و اللعب ..

ما يعرف حقيقةً ، ليش خلق في هالحياة ..

جيل يحتقر نفسه و يعتز بغيره ( اعتزازهم بالغرب ) ..

جيل لاحياء فيه و لا حشمة و لا ستر ..

الوضع مؤسف في الحقيقة ..

كون الشخص يبدع في التكنلوجيا و لا الانجليزي ترى هذي مب شخصية و لا اساس ..

البقية الصالحة موجودة ..

ولكنها ستندثر اذا استمر الوضع ..

الحل :

الدولة ما قصرت و سلكت جانبا ممتازا في ربط الناس بعلوم و سلوم الأولين ..
وبهذا يمكن ان يعززوا الجانب العرفي لديهم نوعا ما ..

ويا حبذا لو بدأوا بالاهم الان وهو :

إرجاع الناس لدينهم ..فبذا تصلح كل الامور ..


والأسرة اساس المنشأ ..

(((((((( كلكم راع و كلكم مسؤول عن رعيته ))))))))

الحديث يطول ..
والمآسي تصول ..
و الأحزان في القلوب تجول ..


ولا ندعوا الا بصلاح الحال ..

بوركت ..

[بصمة قطرية]

موضوع جميل وواقعي 100% الماستر ..
أتفق معاك في كل اللي ذكرته ..

للأسف التكنولوجيا غيرت الحياة
و أثرت كثير على شخصيات الأطفال ..

و مسألة السنع فعلاً في أهالي غفلوا عن هالنقطة
و حجتهم بيكبر و بيتعلم ..
طفلي أنا لازم أعلمه و أسنعه في هالأمور
ما أنتظره يكبر و يتعلم
راح يكبر و يلومني إذا قصرت معاه
لأن هذا دوري و دور أبوه
نعلمه الصح والغلط و نعلمه السنع ..

يمكن فترة من الفترات عيالي كانوا مدمنين آيباد
و أعترف هالشي غلط و أنا الملامة
الحمدلله تداركت الخطأ و حددت لهم ساعات معينه
ووقت الغلط في عقاب ..
لطفل إحنا نصقله و نوجهه و نزرع فيه الأمور
اللي لازم يتعلمها
عقل الطفل نظيف و بسرعه يتعلم
لكن التكنولوجيا أصرت على عقولهم
تحس الأطفال فيهم ( بلادة ) ..!!!

ذكي دراسة و غبي حياة ..
هالكلام صحيح ..
عندي مثال لناس في الدراسة ماشاءالله العقل كمبيوتر
لكن في الحياة العملية قمة الغباء ..
وايد أتسائل يا ترى ليش ..!!
هل صارت عقولهم تستوعب الدراسة بس ..!!!

عالم الإنترنت بمختلف أنواعه
من التواصل الإجتماعي شي جيد و سيء ..
السيء لما تشوف ناس تنطلق خلف الشاشه
و تعبر و هي في الواقع العكس ..
تحس الشخص له شخصيتين
و يعيش تناقض بحيث إن شخصيته في الواقع
تختلف عن شخصيته خلف الشاشة ..
هالشي سيء
لكن الشخص نفسه بيعتبره جيد لأنه قدر يطلع
من قوقعته
و يترك الخجل ..!!

[The Master]

يعطيك العافية ..

كلامك هذا اللي اتقوله انا أكرره دايما في المجالس ..

الجيل القادم اذا الله ما رحمهم بيطلع جيل ممسوخ : ..

دينياً - عرفياً ..

جيل بليد ، همّه الكشخة و اللهو و اللعب ..

ما يعرف حقيقةً ، ليش خلق في هالحياة ..

جيل يحتقر نفسه و يعتز بغيره ( اعتزازهم بالغرب ) ..

جيل لاحياء فيه و لا حشمة و لا ستر ..

الوضع مؤسف في الحقيقة ..

كون الشخص يبدع في التكنلوجيا و لا الانجليزي ترى هذي مب شخصية و لا اساس ..

البقية الصالحة موجودة ..

ولكنها ستندثر اذا استمر الوضع ..

الحل :

الدولة ما قصرت و سلكت جانبا ممتازا في ربط الناس بعلوم و سلوم الأولين ..
وبهذا يمكن ان يعززوا الجانب العرفي لديهم نوعا ما ..

ويا حبذا لو بدأوا بالاهم الان وهو :

إرجاع الناس لدينهم ..فبذا تصلح كل الامور ..


والأسرة اساس المنشأ ..

(((((((( كلكم راع و كلكم مسؤول عن رعيته ))))))))

الحديث يطول ..
والمآسي تصول ..
و الأحزان في القلوب تجول ..


ولا ندعوا الا بصلاح الحال ..

بوركت ..

يامرحبا بك
رد جميل منك...الله لايهينك

اتصدق ان اليابان لازلت تعاني من مشكلة تأثر الاجيال ب امريكا وتقليدهم للامريكان
وقامت اتحاول اترسخ العادات اليابانية ف شعبها واتقويها من اجل الابقاء عليها والمحافظة...

هذول عاداتهم وتقاليدهم جدا محافظة وقوية وقديمة لكن بلا دين ومع ذلك يحاولون يتمسكون فيها
لكن احنا عندنا كل شي ومع ذلك اتشوف تطنيش

هل تتوقع اختلاف الجنسيات له علاقة؟
ك اختلاف العادات والتقاليد؟
مثلا بدال الثوب صار بدلة؟

[The Master]

موضوع جميل وواقعي 100% الماستر ..
أتفق معاك في كل اللي ذكرته ..

للأسف التكنولوجيا غيرت الحياة
و أثرت كثير على شخصيات الأطفال ..

و مسألة السنع فعلاً في أهالي غفلوا عن هالنقطة
و حجتهم بيكبر و بيتعلم ..
طفلي أنا لازم أعلمه و أسنعه في هالأمور
ما أنتظره يكبر و يتعلم
راح يكبر و يلومني إذا قصرت معاه
لأن هذا دوري و دور أبوه
نعلمه الصح والغلط و نعلمه السنع ..

يمكن فترة من الفترات عيالي كانوا مدمنين آيباد
و أعترف هالشي غلط و أنا الملامة
الحمدلله تداركت الخطأ و حددت لهم ساعات معينه
ووقت الغلط في عقاب ..
لطفل إحنا نصقله و نوجهه و نزرع فيه الأمور
اللي لازم يتعلمها
عقل الطفل نظيف و بسرعه يتعلم
لكن التكنولوجيا أصرت على عقولهم
تحس الأطفال فيهم ( بلادة ) ..!!!

ذكي دراسة و غبي حياة ..
هالكلام صحيح ..
عندي مثال لناس في الدراسة ماشاءالله العقل كمبيوتر
لكن في الحياة العملية قمة الغباء ..
وايد أتسائل يا ترى ليش ..!!
هل صارت عقولهم تستوعب الدراسة بس ..!!!

عالم الإنترنت بمختلف أنواعه
من التواصل الإجتماعي شي جيد و سيء ..
السيء لما تشوف ناس تنطلق خلف الشاشه
و تعبر و هي في الواقع العكس ..
تحس الشخص له شخصيتين
و يعيش تناقض بحيث إن شخصيته في الواقع
تختلف عن شخصيته خلف الشاشة ..
هالشي سيء
لكن الشخص نفسه بيعتبره جيد لأنه قدر يطلع
من قوقعته
و يترك الخجل ..!!


الله يعطيك العافية
وعساك عالقوة والله يعينك عالعيال

في مرة واحد يسولف علي
ان عياله الصغار يتكلمون لغة عربية فصحى
قلت له شي جميل...اكيد انت رسخت فيهم هالشي الطيب وهذي لغة القرآن
قال لي بس في مشكلة...قلت له وش هي؟
قال انهم عايشين معانا كانا في عالم قناة سبيس تون!! ويكلمون الناس بشخصيات الكرتون

طبعا هذا من كثر مايخلون عيالهم مقابل التلفزيون
عشان يرتاحون من عيالهم ومن ازعاجهم
ف غابت عن اذهانهم عواقب هالامر...

ف هذول تخيلي كيف وضعهم اذا اكبروا ع هذا المنوال؟؟
الاعيال كيف بيتعايشون مع العالم الخارجي في رايك؟

[ضوى]

خلينا نتفق يا ماستر انه مب شرط العبقري في الدراسة يكون عبقري في الحياة ، وايد شفنا عباقرة لكن عاملهم مع الناس صفر ، اخلاق دنيئة ، كبر غرور جنون عظمة ، وياما شفنا فاشلين دراسة لكن عندهم لباقه واناقه فكر ولسان

العلم مب كل محورشي الاخلاق والادب وفن التعال مع الناس والخبرة بالحياة هي المحور الاساسي ، وهاي ابدا مايعني تقليلي من أهمية الدراسة

شكرا على موضوعك الطويل

[qatari93]

كلامك غالبه سليم اخوي
وخصوصاً اني اشوف النوعية المذكورة في الموضوع
موجودة بين افراد العائلة وهم صغار ( عيال عم آلخ .. )
--
لاكن لازم نعترف ان انغزينا ( غزوه ) فكريا وتكنولوجياً
وهي اساس الموضوع هذا كله

بس وش هي اساليب الدفاع ( القوية ) اللي لازم نتبعها ضد هذا الغزو ؟! ..

[راجي الْعفو]

يامرحبا بك
رد جميل منك...الله لايهينك

اتصدق ان اليابان لازلت تعاني من مشكلة تأثر الاجيال ب امريكا وتقليدهم للامريكان
وقامت اتحاول اترسخ العادات اليابانية ف شعبها واتقويها من اجل الابقاء عليها والمحافظة...

هذول عاداتهم وتقاليدهم جدا محافظة وقوية وقديمة لكن بلا دين ومع ذلك يحاولون يتمسكون فيها
لكن احنا عندنا كل شي ومع ذلك اتشوف تطنيش

هل تتوقع اختلاف الجنسيات له علاقة؟
ك اختلاف العادات والتقاليد؟
مثلا بدال الثوب صار بدلة؟

المرحب باقي ..
ولا هان القايل ..
وجمال الردود من جمال الموضوع ياخوي ..


الشي اللي نحاول انرجعه للأمة يا اخوي ماستر هو الاعتزاز بالهوية ..
الهوية ابد، مضروبة عند الناس الا من رحم الله ..
ضعف و استكانة و مذلة ، بل وصل الحال إلى عدم الاعتراف بها عند كثيرين ..
سواءا كان ذلك بشكل مباشر او غير مباشر ..

أحد الكتّاب الغربيين كان يتكلم عن عوامل قيام الحضارة فكان مما قال:
أن الحضارة لا تقوم الا بلغة القوم أنفسهم .. لا تقوم بلغة أخرى أجنبية دخيلة ..

أما بخصوص اختلاف الجنسيات ، فقد يكون له تأثير ..
لكن ما أظن أن تأثيره كبير لهالدرجة ..
المسألة كلها راجعة للقناعة الداخلية و قوة الشخصية ..
وعدم الانجراف مع كل شاردة و واردة ..

بالتوفيق ..

[ولد العرب]

جميل جدا موووضوعك

انا اطلعهم معي قنص ومجالس والاجهزة االالكترونيه مره بالاسبوع ومتفق مع امهم

وانبهه اخواني واعيال عمي وخواله انهم ينتبهون لعيالي لاني مااسمع نطقها صح ولا غلط
وهلم جر
حلاته يطلع ولدك شقردي نشمي يبيض الوجه
وحااار حيل اكره ماعندي متبلد

اشكرك على مووضووع الجميل يبرد الخاطر صدق

[The Master]

خلينا نتفق يا ماستر انه مب شرط العبقري في الدراسة يكون عبقري في الحياة ، وايد شفنا عباقرة لكن عاملهم مع الناس صفر ، اخلاق دنيئة ، كبر غرور جنون عظمة ، وياما شفنا فاشلين دراسة لكن عندهم لباقه واناقه فكر ولسان

العلم مب كل محورشي الاخلاق والادب وفن التعال مع الناس والخبرة بالحياة هي المحور الاساسي ، وهاي ابدا مايعني تقليلي من أهمية الدراسة

شكرا على موضوعك الطويل


اخذيها قاعده
الوالدين اللي يجتهدون في تدريس اعيالهم...بيجتهدون كذلك في تربيتهم...لان واضح اهتمامهم
في عيالهم بنفسهم...
طبعا ماقصد اهتمام اللي هو اتصل ع المدرس حسنيين يجي يدرس علوي...وهي او هو يبغي ينام تعبان من الدوام...او غيره

اي صح
ترا عشانك حطيت كم عدد الدقايق للقراءة :shy:

[حسن]

موضوعك جميل ومفيد وممتاز
ومن المواضيع الصراحه اللي تستهويني يالماستر

ذات الطابع الاسري والاجتماعي والتربوي

قولي من يربي الحي

!!!

ذكرتني موضوع ولد النجاده لما قال لما توصل عيالك المدرسه وش تقولهم
قلت له تذكرني بنتائج الثانويه زمان لم ينجح احد
محد رد عليه الا ماندر
لان التربيه اصبحت مهب في يد الام اولا ولا الاب ثانيا
ومع عدم وجود موسسات لها قوه تهتم بهم ولعنايتهم مثل الدول
المتقدمه علينا وهي اوروبا

مانبي نطبل ونفاق ونكذب مثل باقي المواضيع

اذا تبحث عن الاجابه لازم نحاسب انفسنا قبل

هذا راي

وشكرا يالماستر

[The Master]

كلامك غالبه سليم اخوي
وخصوصاً اني اشوف النوعية المذكورة في الموضوع
موجودة بين افراد العائلة وهم صغار ( عيال عم آلخ .. )
--
لاكن لازم نعترف ان انغزينا ( غزوه ) فكريا وتكنولوجياً
وهي اساس الموضوع هذا كله

بس وش هي اساليب الدفاع ( القوية ) اللي لازم نتبعها ضد هذا الغزو ؟! ..

اممممم
فيه نسبة يكون فكريا وتقنيا...لكن مب اساس
ف هالاشيا موجودة عند الغرب كذلك...خاصة الدول المتقدمة والصناعية...

عدم تفرغ اولياء الامور ف التربية
والبيئة تغيرت عن قبل...

قبل لما اطلع الفريج اشوف حشرة وعالم ع الدكة الفلانية ولا عند الدكان ولا يلعبون كورة

اما الحين اغلبهم كلن زابن عياله ف البيت
يحتاجون لجرأة
لاهم ربوا اعيالهم ولا هم خلو الشارع يربيهم "اقصد البيئة"

[The Master]

المرحب باقي ..
ولا هان القايل ..
وجمال الردود من جمال الموضوع ياخوي ..


الشي اللي نحاول انرجعه للأمة يا اخوي ماستر هو الاعتزاز بالهوية ..
الهوية ابد، مضروبة عند الناس الا من رحم الله ..
ضعف و استكانة و مذلة ، بل وصل الحال إلى عدم الاعتراف بها عند كثيرين ..
سواءا كان ذلك بشكل مباشر او غير مباشر ..

أحد الكتّاب الغربيين كان يتكلم عن عوامل قيام الحضارة فكان مما قال:
أن الحضارة لا تقوم الا بلغة القوم أنفسهم .. لا تقوم بلغة أخرى أجنبية دخيلة ..

أما بخصوص اختلاف الجنسيات ، فقد يكون له تأثير ..
لكن ما أظن أن تأثيره كبير لهالدرجة ..
المسألة كلها راجعة للقناعة الداخلية و قوة الشخصية ..
وعدم الانجراف مع كل شاردة و واردة ..

بالتوفيق ..

اتفق معاك
شوف اعيال البدو مثلا
برغم تحضرهم لازالوا محافظين ع العادات والتقاليد...

شكرا لعودتك وكلامك الطيب

[The Master]

جميل جدا موووضوعك

انا اطلعهم معي قنص ومجالس والاجهزة االالكترونيه مره بالاسبوع ومتفق مع امهم

وانبهه اخواني واعيال عمي وخواله انهم ينتبهون لعيالي لاني مااسمع نطقها صح ولا غلط
وهلم جر
حلاته يطلع ولدك شقردي نشمي يبيض الوجه
وحااار حيل اكره ماعندي متبلد

اشكرك على مووضووع الجميل يبرد الخاطر صدق


من دواعي سروري

والاجمل هو متابعتك لهم وبذل الجهد واللي تقدر عليه...هذا اللي يبرد خاطري...ويسعدني
هذا هو المطلوب انك تحسن تربية عيالك واتعلمهم الصح والطريق الصحيح...والباقي بيد رب العالمين وقرارتهم هم بنفسهم...

لاهنت

[The Master]

موضوعك جميل ومفيد وممتاز
ومن المواضيع الصراحه اللي تستهويني يالماستر

ذات الطابع الاسري والاجتماعي والتربوي

قولي من يربي الحي

!!!

ذكرتني موضوع ولد النجاده لما قال لما توصل عيالك المدرسه وش تقولهم
قلت له تذكرني بنتائج الثانويه زمان لم ينجح احد
محد رد عليه الا ماندر
لان التربيه اصبحت مهب في يد الام اولا ولا الاب ثانيا
ومع عدم وجود موسسات لها قوه تهتم بهم ولعنايتهم مثل الدول
المتقدمه علينا وهي اوروبا

مانبي نطبل ونفاق ونكذب مثل باقي المواضيع

اذا تبحث عن الاجابه لازم نحاسب انفسنا قبل

هذا راي

وشكرا يالماستر

مافي شكك ان احنا لازم انحاسب انفسنا وانشوف تصرفاتنا وتقصيرنا...
واذا ماكنا امقصرين ف عيالنا هذا لايمنع انعلم وانفهم اللي حولنا...ك اعيال اخوك او اختك...
لو انت ماعندك اسلوب ف الكلام...اقل شي خاووهم...وخذهم معاك المجلس يشوفون ويتعلمون...وخله يقوم ويصب القهوة ويغلط ومنها يتعلم...
طبعا مش معيار القهوة وانما هذا مثال تطبيقي انك اتحاول وتسعى...

والمؤسسات...اشوف الدولة قامت تهتم ب ترسيخ العادات القديمة من خلال برامج التلفزيون والمسابقات وغيرها...
وعجبني ك مثال قناة الريان...رغم وجود عدد من الناس لايتفقون فيها...وهو طريقة كلامهم والكلمات المستخدمه كلها جميلة ولبقه ومن اساس كلامنا القطري...

طبعا هذا وحده ماراح يأثر كثر اهتمام الوالدين وتربيتهم...

يامرحبا بك

[عابر سبيل]

قواك الله يالمساتر...
ما شاء الله..موضوع فعلا يستحق القراءة.., لو خذ اكثر من ال4 دقايق اللي انت محددها..

استرقت من وقتي لاقرأه باسرع وقت ممكن..
و ساعيد قرائته لاحقا-باذن الله-
حتى اكون مركز اكثر .و عندها قد اضع تعقيبا..

لكن..و بعُجالة..
حسيت انك تعرض المشكلة بوضح..
و امثلة متنوعة و كلها واقعية..

و لكني ما استطعت ان ألمح نفس الوضوح للحلول المقترحة!

يعني لو تكرمنا بنص ساعة اضافة لل ساعة و نص اللي استغرقتها..
و تدحرج ابواب الحلول...بذات وضوح عرض المشكلة..

و جزاك الله كل خير..

*
*
،،
س جانبي) حسستني و لكأننا زملاء دراسة في المعهد ذاته..
بس البرازيلي ذكرني ايش اسمه:secret:

[The Master]

قواك الله يالمساتر...
ما شاء الله..موضوع فعلا يستحق القراءة.., لو خذ اكثر من ال4 دقايق اللي انت محددها..

استرقت من وقتي لاقرأه باسرع وقت ممكن..
و ساعيد قرائته لاحقا-باذن الله-
حتى اكون مركز اكثر .و عندها قد اضع تعقيبا..

لكن..و بعُجالة..
حسيت انك تعرض المشكلة بوضح..
و امثلة متنوعة و كلها واقعية..

و لكني ما استطعت ان ألمح نفس الوضوح للحلول المقترحة!

يعني لو تكرمنا بنص ساعة اضافة لل ساعة و نص اللي استغرقتها..
و تدحرج ابواب الحلول...بذات وضوح عرض المشكلة..

و جزاك الله كل خير..

*
*
،،
س جانبي) حسستني و لكأننا زملاء دراسة في المعهد ذاته..
بس البرازيلي ذكرني ايش اسمه:secret:


هلا ومرحب ب عابر...

بالنسبه للحلول...ابروحه الموضوع طويل...واغلب الناس تفتح الصفحه اتشوفه طويل اتسوي باك...وبعد تبغيني احط الحلول!!

اتفق معاك الموضوع لازم يكون كامل...بس هالمره قلت باعرض الحلول عن طريق المناقشه والردود مع الاعضاء...ف بتلقى ف الردود بعض من الحلول المطروحه مني ومن الاعضاء...لازم نترك مجال للغير ب التعبير...

بخصوص امريكا...امممم
اللي كانوا معاي لازلت اتواصل معاهم...اقصد القطريين...

اما البرازليين كانوا اثنين...واحد اسمه كليبر وهذه دوم فاقد...والثاني اسمه ايدواردو...طبعا هذا راعي شسمه...احم

[حسن]

والله يالماستر

ماتقدر ترجع زمن اول مثل الحين والمرجله ترا مهب بصبه قهوه
وبعدين ترا الترد ي طال الجميع اسمحلي لا بدوها ولاحاظرها
كلن يقول يالله السلامه

واساسا وين قعده المجالس الحين راحت ماعاد بقي الا الشي القليل
انا مابيه يصب قهوه انا ابيه ينفع نفسه دخيل الله

الناس الحين ملهيتها الماده والسفرات


تحياتي لك

[المحاميه]

ههههه ليه كذا عاد


انا شفت العنوان ضحكت بصراحه


الحين باروح اقرا :nice: وانا متأكده ان الكلام صحيح

[المحاميه]

ماعندي تعليق ولا اضافه بعد كلامك

كفيت ووفيت

عكست الواقع بصوره بسيطه سلسه


جزاك الله خير .. ننطر ابداعاتك بشغف ..

فعلا مواضيعك مفيده لانها تنطرح باسلوب مختصر بعيد عن النقل وحفاوة السجع ..


شكرا

[بوحارب]

الموضوع طويل ياخي:(

عالعموم انا اشوف نفسي

غبي دراسة وذكي في الحياة

شي احسن من لاشي :)

[sweet qatar]

مرحبا الماستر


العلاقة بين الحياة والدراسة أو الحياة والتكنولوجيا مب طردية

لكن تتفاوت بحسب البيئة المحيطة بالشخص

أتفق معاك في دور الأهل خصوصاً إن الطفل يمنع من مجالسة الكبار

وفجأة وهو شاب كبير يبونه يتكلم ويعبر عن نفسه وياخذ ويعطي مع مستويات مختلفة وأعمار متباينة

وطبعاً أي خطأ بسيط بينحسب عليه والكل بيستلمه

لكن الربط بين الفشل الإجتماعي و الذكاء ... ما أعتقد أنه مناسب

[7llo]

الشيخ الدراسه ماردك تخلصها لانه شهادتك هي الي بتفيدك بالاول والاخر يعني انت مثلن بتدرس 22 سنه وبتاخذ بكالوريوس انت في هل 22 سنه بتكون طايش يعني توك لحد الحين مافهمت الدنيا ومستحيل تكون عرفت كل شي المعلومه الي ابي اوصلها .. انه الدراسه غير عن الحياه او الدنيا انت عايش فيها وابسط مثال انت تدرس في الجامعه بزنس او اي شي ثاني لكن تعال اشتغل والله العظيم انه كل الدرسته في شي والشغل والدنيا شي ثاني مابتحصل ولا شي من الي درسته تقدر اطبقه او تقدر تسويه في شغلك يعني شهادتك بتكون اورقه انك خلصت دراستك لكن شغلك وحياتك والدنيا شي ثاني الدنيا كل يوم الواحد يتعلم منها حتز لو وصل عمرك 50 سنه مابتكون فاهم في كل شي يمكن انت بتستحي تقول اني ماعرف هل الشي لانه بيكون عمرك كبير بس صدقني الدنيا مدرسه الواحد يتعلم منها كل يوم ولازم تتقبل هل الشي بصدر رحب الدنيا فيها الزين وفيها الشين وفي الاول والاخر انت الي تختار طريقك واصدقاءك وانت الي تختار حياتك محد بيجبرك على شي

[يمامـة]

مراحب يا ذا ماستر..

اعتقد تقصد انه ذكي دراسيا لكنه غبي اجتماعيا..
يعني الشخص هذا يفتقر للذكاء الاجتماعي وطرق التواصل مع الناس في حياته الخاصة او العامة..

وصدقت في كل كلمة كتبتها وهذا واقع نلمسه من حولنا سواء في عيالنا او عيال اخواننا و خواتنا
بنات كانوا ولا صبيان..

لذلك نلاحظ ان بدل ما نهتم في ضيوفنا نحصل عيوننا تكون على عيالنا علشان انبههم يتركون
الجوال او الايباد او ينتبهون للضيف او يشلون الصحون او يحترمون وجود الضيف
ولا تقعد كل وحدة تعدل مكياجها جدامهم!!!

مب شرط الشاب يطلع علشان يتعلم السنع.. لكن اشوف مهم جدا ان الشاب او البنت
يضيفون اللي في البيت علشان يتعلمون اداب الضيافة و احترام الضيف..

[بنت شرق]

النجاح في العالم الافتراضي ،،،والفشل في القدرة على مواجهة الناس
النجاح الحقيقي عبر الحياة الواقعية ،،
اعتقد فيه مبالغة ،،،
ممكن يكون الشخص منعزل ،،،لسبب او لاخر ،،،لكن لديه طاقة إبداعية ،،،يفضل يظهرها ،،،عبر النت ،،،مافيها شي دام من غير معصية للخالق ،،
كان فيه لقاء شاهدته من زمان عن كاتبه كورية ،،،فازت بجوائز دولية ،،،في مجال القصة لكنها فضلت الاعتزال عن الاعلام والناس وبررت موقفها
انه ما بغت تنتفخ الانا الذاتية لها ،،،وتبي تعيد رسم علاقتها بمحيطها بهدوء ،،،هاي ناتج الطبيعة الذاتية للشخص ،،،هو منفتح او منغلق مع الجماعة

بس غالبا موقف الانعزال من الجماعة ،،،لا نبذها لانه بينهما فارق كبير ،،،،،ناتج عن الخجل الشديد ،،والاصطدام بمواقف صعبة ومحرجة بالحياة المبكرة
وكثرة القمع الاجتماعي ،،،الممارس من ولاة الامر اب ام اخوة اخوات ،،،وكذلك انعدام اقران له بالاسرة ،،يجعل الشخص منعزل ويفضل الوحدة ،،
او المرور بتجارب قاسية جدا ،،،واهمال وتجاهل بالصغر،،،فقرر يحط اكس على العلاقات الاجتماعية ،،،

الشيء الذي سيكتشفه هؤلاء ،،،انه بيكون فيه فجوة بين الواقع ومحيطهم الافتراضي،،،وانعدام الترابط والتجانس مع الناس ،،،،
بس هم هذا ليس فيه إشكالية ما دام لاترافقه معصية او اخلال بالواجبات تجاه الهه ،،،ودينه ،،،او أدى لضرر بالحالة والصحة النفسية ،،
وكما تفضلت تكون قدراتهم الاجتماعية ضعيفة لمنعدمة ،،،وليس لديهم اسنان اجتماعية ،،،بمعنى قدرة على الرد والكيد ،،،


فالأذكياء اذا كان محيطهم فاشل ،،،او لايقدم لهم تعطشهم للمعرفة والحديث ،،،يلجأون للخيال ،،،ويكون خصب عندهم
فجاء النت (عالم افتراضي ) وحل محل الخيال فاصبح شبه واقع ،،،

إضافة انه غالبا المجتمعات الغير نشطة على مستوى إدارة أنشطة للافراد داخل المجتمع ،،،او مهتمة فقط بابراز الجانب الأحادي
كالرياضة ،،وتمنع وتجهض ،،قدرة أبناء المجتمع على تكوين الروابط والنشاطات الفردية والجماعية الاجتماعية ،،،تضعف قدرات
الافراد ،،،الذين ليس لديهم محيط اجتماعي نشط ومنضبط ،،،وبفقده ،،،(المحيط الاجتماعي النشط )،،،،،ينخرطون بالعالم الافتراضي ،،،
الذي يجدون فيه المتعة والحظوة والاعجاب ،،ولايستلزم منهم الجرأة ،،،والتضحية،،،

[طبيب قطري]

موضوع اكثر من رائع.. للاسف كثير منا لا يهتم بتربية عياله وتعليمهم السنع.. اعرف واحد عنده ولدين يتباهى بهم طول الوقت لما شفتهم قلت بنفسي هذولا اكيد متخلفين عقليا من كثر الدلع وعدم التربيه اليهال استغفر الله العظيم مايعرفون يتكلمون حتى جملتين على بعض واستغربت انهم يلبسون الحفاض مع ان اعمارهم تجاوزت الاربع سنين! هذا غير انهم طول الوقت يتفلون على ابوهم ويتضاربون ويصارخون ويكسرون والاب على هذا كله مستانس ! ويقولي كل ماجاب لهم اي باد اكسروه!!

[بشائر]

ماشاء الله موضوع متكامل .. الله يعطيك العافية أخوي ماستر ..

البعض قد يركز على دراسته وتشغل كل حياته .. فينقعطع عن الناس
وعن التواصل وتكون علاقاته محدودة جدا .. أكيد بيكون فلتة زمانه بالدراسة تفوق وتميز .. الخ
ولكن تلقاه اجتماعيا فاشل لقلة خبرته بالحياة ..
الذكاء العلمي وحده لا يكفي أبدا ..لأن الخبرة بالحياة مطلب أساسي وبها تقدر تمشي حياتك صح ..
والأفضل طبعا هو الجمع بينهما ..
وأما عن حرص الوالدين الزائد على عيالهم لدرجة مايطمئنون إلا وهم عندهم وحولهم في البيت .. ماينلامون بصراحة
صديق السوء أول شخص تخاف منه .. عندي طالبات بنفس العمر تلقى بينهم المسيكينة وتلقى العوووبة
سبحان الله يبين حتى من نظراتهن وأسلوبهن ..


هذا غير انهم طول الوقت يتفلون على ابوهم ويتضاربون ويصارخون ويكسرون والاب على هذا كله مستانس ! ويقولي كل ماجاب لهم اي باد اكسروه!!

ضحكني هالرد اضحك الله سنك اخوي.

[The Master]

والله يالماستر

ماتقدر ترجع زمن اول مثل الحين والمرجله ترا مهب بصبه قهوه
وبعدين ترا الترد ي طال الجميع اسمحلي لا بدوها ولاحاظرها
كلن يقول يالله السلامه

واساسا وين قعده المجالس الحين راحت ماعاد بقي الا الشي القليل
انا مابيه يصب قهوه انا ابيه ينفع نفسه دخيل الله

الناس الحين ملهيتها الماده والسفرات


تحياتي لك


وجهة نظرك واحترمها...لكن لازال هناك بصيص من الامل...ولما تستسلم من الحين...وش خلينا للي مايعرفون يربون اعيالهم؟؟؟...لازم اتثابر...وتتعب...وتجتهد...
انت ازرع...وبكرة بتحصد...
لاتخلي مجريات الحياة اتحبطك...

المادة والسفر...هذي من نعم الله ع الانسان...في اشيا زايده عن حدها...لكن تقدر انت تستخدمها في صالحك...فقط شغل مخك...

[The Master]

ههههه ليه كذا عاد


انا شفت العنوان ضحكت بصراحه


الحين باروح اقرا :nice: وانا متأكده ان الكلام صحيح:secret::telephone:

[The Master]

ماعندي تعليق ولا اضافه بعد كلامك

كفيت ووفيت

عكست الواقع بصوره بسيطه سلسه


جزاك الله خير .. ننطر ابداعاتك بشغف ..

فعلا مواضيعك مفيده لانها تنطرح باسلوب مختصر بعيد عن النقل وحفاوة السجع ..


شكرا

ضحكتيني ب حفاوة السجع...

العفو...ويكفيني سعادة انك قريتي وفهمتي الموضوع...وهذا المطلوب...مع اني افضل مشاركتك وسماع رايك في ايجاد حلول لمثل هؤلاء الفئه من المجتمع...

يامرحبا بك...
وان شاء الله بنكون متواجدين اذا تواجدنا يفيد...

[The Master]

الموضوع طويل ياخي:(

عالعموم انا اشوف نفسي

غبي دراسة وذكي في الحياة

شي احسن من لاشي :)

القناعة كنز لا يفنى...

[The Master]

مرحبا الماستر


العلاقة بين الحياة والدراسة أو الحياة والتكنولوجيا مب طردية

لكن تتفاوت بحسب البيئة المحيطة بالشخص

أتفق معاك في دور الأهل خصوصاً إن الطفل يمنع من مجالسة الكبار

وفجأة وهو شاب كبير يبونه يتكلم ويعبر عن نفسه وياخذ ويعطي مع مستويات مختلفة وأعمار متباينة

وطبعاً أي خطأ بسيط بينحسب عليه والكل بيستلمه

لكن الربط بين الفشل الإجتماعي و الذكاء ... ما أعتقد أنه مناسب

رايك واحترمه...ومن حقك تبدين ماترينه صحيحا...

بس هل اتلاحظين ان الولد مايكون ذكي دراسيا الا بمجهود كبير منه...وهالمجهود يكون انه يركز في دراسته كثير لدرجه انه ينسى اللي حوله...وينطوي مع نفسه في غرفته...اتذكر ع ايامنا...
لما انشوف واحد شاطر وشاد حيله...انقول له ي المصر()...طبعا مش تقليل...وانما صفه...انفردوا فيها هم دراسيا...وتألقوا...ف هذا اللي شاطر في دراسته...لما اتروح اتسولف معاه...ماتحسه صاحي ميه ميه...كنه معقد مايعرف يتكلم...خجول...وقليل اتحصل واحد شاطر يكون امبلتع...
ماقول هذا صح وهذا خطأ...لكن الظروف الاجتماعية اللي مر فيها هي اللي خلته يركز في جانب ويترك الجانب الثاني...

ما اقنعك بكلامي...وانما اذكر لك مثال...
والشاطر ف المدرسه مب شرط يكون ذكي...ياما طلاب عرفناهم كله حفظ ومجهووووود كبير عشان يجيبون درجات كبيره وهذا كله منعكس ع حياتهم العامه...

[The Master]

الشيخ الدراسه ماردك تخلصها لانه شهادتك هي الي بتفيدك بالاول والاخر يعني انت مثلن بتدرس 22 سنه وبتاخذ بكالوريوس انت في هل 22 سنه بتكون طايش يعني توك لحد الحين مافهمت الدنيا ومستحيل تكون عرفت كل شي المعلومه الي ابي اوصلها .. انه الدراسه غير عن الحياه او الدنيا انت عايش فيها وابسط مثال انت تدرس في الجامعه بزنس او اي شي ثاني لكن تعال اشتغل والله العظيم انه كل الدرسته في شي والشغل والدنيا شي ثاني مابتحصل ولا شي من الي درسته تقدر اطبقه او تقدر تسويه في شغلك يعني شهادتك بتكون اورقه انك خلصت دراستك لكن شغلك وحياتك والدنيا شي ثاني الدنيا كل يوم الواحد يتعلم منها حتز لو وصل عمرك 50 سنه مابتكون فاهم في كل شي يمكن انت بتستحي تقول اني ماعرف هل الشي لانه بيكون عمرك كبير بس صدقني الدنيا مدرسه الواحد يتعلم منها كل يوم ولازم تتقبل هل الشي بصدر رحب الدنيا فيها الزين وفيها الشين وفي الاول والاخر انت الي تختار طريقك واصدقاءك وانت الي تختار حياتك محد بيجبرك على شي

مافي شك...كلام سليم...ليس بمجمله...لكن فيه من الصحه...
اكيد الدراسه غير عن الحياه...لكن ماتقدر تفصلهم عن بعض...كلن يكمل الثاني...ومهما درست اشيا ماتستفيد منها ف حياتك العمليه...بتفيد مخك وعقلك...واتخليك تنضج اكثر...

[The Master]

مراحب يا ذا ماستر..

اعتقد تقصد انه ذكي دراسيا لكنه غبي اجتماعيا..
يعني الشخص هذا يفتقر للذكاء الاجتماعي وطرق التواصل مع الناس في حياته الخاصة او العامة..

وصدقت في كل كلمة كتبتها وهذا واقع نلمسه من حولنا سواء في عيالنا او عيال اخواننا و خواتنا
بنات كانوا ولا صبيان..

لذلك نلاحظ ان بدل ما نهتم في ضيوفنا نحصل عيوننا تكون على عيالنا علشان انبههم يتركون
الجوال او الايباد او ينتبهون للضيف او يشلون الصحون او يحترمون وجود الضيف
ولا تقعد كل وحدة تعدل مكياجها جدامهم!!!

مب شرط الشاب يطلع علشان يتعلم السنع.. لكن اشوف مهم جدا ان الشاب او البنت
يضيفون اللي في البيت علشان يتعلمون اداب الضيافة و احترام الضيف..

من حرصك ع الصح والعدله...اتنبهينهم واتابعينهم...لكن غيرك خبر خير...
واكيد الواحد يبغي يظهر للناس بشكل جميل...والاجمال اعياله يبيضون وجهه...مدأيا قدام الضيوف...لكن ف المستقبل لازم يعرف كيف يتعامل مع الناس ويكون مهذب...ولبق ويعرف يتكلم...
ف هالامور اتقودنا للمستقبل...

هل تتفقين معاي...ان اغلب المناصب ف العالم...اتكون للناس اللي يعرفون يتكلمون وعندهم اسلوب مقنع؟ ويعرفون من أين تؤكل الكتف؟

[The Master]

النجاح في العالم الافتراضي ،،،والفشل في القدرة على مواجهة الناس
النجاح الحقيقي عبر الحياة الواقعية ،،
اعتقد فيه مبالغة ،،،
ممكن يكون الشخص منعزل ،،،لسبب او لاخر ،،،لكن لديه طاقة إبداعية ،،،يفضل يظهرها ،،،عبر النت ،،،مافيها شي دام من غير معصية للخالق ،،
كان فيه لقاء شاهدته من زمان عن كاتبه كورية ،،،فازت بجوائز دولية ،،،في مجال القصة لكنها فضلت الاعتزال عن الاعلام والناس وبررت موقفها
انه ما بغت تنتفخ الانا الذاتية لها ،،،وتبي تعيد رسم علاقتها بمحيطها بهدوء ،،،هاي ناتج الطبيعة الذاتية للشخص ،،،هو منفتح او منغلق مع الجماعة

بس غالبا موقف الانعزال من الجماعة ،،،لا نبذها لانه بينهما فارق كبير ،،،،،ناتج عن الخجل الشديد ،،والاصطدام بمواقف صعبة ومحرجة بالحياة المبكرة
وكثرة القمع الاجتماعي ،،،الممارس من ولاة الامر اب ام اخوة اخوات ،،،وكذلك انعدام اقران له بالاسرة ،،يجعل الشخص منعزل ويفضل الوحدة ،،
او المرور بتجارب قاسية جدا ،،،واهمال وتجاهل بالصغر،،،فقرر يحط اكس على العلاقات الاجتماعية ،،،

الشيء الذي سيكتشفه هؤلاء ،،،انه بيكون فيه فجوة بين الواقع ومحيطهم الافتراضي،،،وانعدام الترابط والتجانس مع الناس ،،،،
بس هم هذا ليس فيه إشكالية ما دام لاترافقه معصية او اخلال بالواجبات تجاه الهه ،،،ودينه ،،،او أدى لضرر بالحالة والصحة النفسية ،،
وكما تفضلت تكون قدراتهم الاجتماعية ضعيفة لمنعدمة ،،،وليس لديهم اسنان اجتماعية ،،،بمعنى قدرة على الرد والكيد ،،،


فالأذكياء اذا كان محيطهم فاشل ،،،او لايقدم لهم تعطشهم للمعرفة والحديث ،،،يلجأون للخيال ،،،ويكون خصب عندهم
فجاء النت (عالم افتراضي ) وحل محل الخيال فاصبح شبه واقع ،،،

إضافة انه غالبا المجتمعات الغير نشطة على مستوى إدارة أنشطة للافراد داخل المجتمع ،،،او مهتمة فقط بابراز الجانب الأحادي
كالرياضة ،،وتمنع وتجهض ،،قدرة أبناء المجتمع على تكوين الروابط والنشاطات الفردية والجماعية الاجتماعية ،،،تضعف قدرات
الافراد ،،،الذين ليس لديهم محيط اجتماعي نشط ومنضبط ،،،وبفقده ،،،(المحيط الاجتماعي النشط )،،،،،ينخرطون بالعالم الافتراضي ،،،
الذي يجدون فيه المتعة والحظوة والاعجاب ،،ولايستلزم منهم الجرأة ،،،والتضحية،،،

رد جدا جميل ووافي...واسوي له له اعادة ريتويت..
احترم وجهة نظرك..لكن هل الكاتبة الكورية بتحصل ع جائزة لو انها ماعاشرت الناس ولا اسمعت حديثهم ولا قصصهم ومغامراتهم??

انتي اهتميتي لجانب التنفيس عن طاقة زايدة لا توجد ف حياتهم..وهذا لاباس فيه ومحد عنده اعتراض عليه..لكن فالنهايه طاقة زايده يعني ادى الواجبات والفرائض اللي عليه..وبقت طاقة اضافية يبغي يطلعها..
اللي انا اتكلم عنهم كل طاقتهم ف النت والجوال والسوني..يعني اتركوا المجتمع وافراده..واهتموا بعالم افتراضي..لدرجه انه خيالي انه نسى عالمه اللي هو فيه..ف هل يعتبر سلوك سليم? ?

وانا اتكلم اجمالا عن الجيل الناشئ المراهق..والواحد يتلاحق قبل لايفوت الاوان ونصبح كلنا اليين "اجهزة كهربائية"

[The Master]

موضوع اكثر من رائع.. للاسف كثير منا لا يهتم بتربية عياله وتعليمهم السنع.. اعرف واحد عنده ولدين يتباهى بهم طول الوقت لما شفتهم قلت بنفسي هذولا اكيد متخلفين عقليا من كثر الدلع وعدم التربيه اليهال استغفر الله العظيم مايعرفون يتكلمون حتى جملتين على بعض واستغربت انهم يلبسون الحفاض مع ان اعمارهم تجاوزت الاربع سنين! هذا غير انهم طول الوقت يتفلون على ابوهم ويتضاربون ويصارخون ويكسرون والاب على هذا كله مستانس ! ويقولي كل ماجاب لهم اي باد اكسروه!!

يلا خذ..هذا مثال للتربية السلبية..
طبعا هذا خطأ ف التربيه..وعدم ادراك المسؤولية

[يمامـة]

من حرصك ع الصح والعدله...اتنبهينهم واتابعينهم...لكن غيرك خبر خير...
واكيد الواحد يبغي يظهر للناس بشكل جميل...والاجمال اعياله يبيضون وجهه...مدأيا قدام الضيوف...لكن ف المستقبل لازم يعرف كيف يتعامل مع الناس ويكون مهذب...ولبق ويعرف يتكلم...
ف هالامور اتقودنا للمستقبل...

هل تتفقين معاي...ان اغلب المناصب ف العالم...اتكون للناس اللي يعرفون يتكلمون وعندهم اسلوب مقنع؟ ويعرفون من أين تؤكل الكتف؟

مستحيل ما اتفق معاك في نقطة ان اغلب المناصب في العالم تحتاج الى الانسان المتحدث اللي يكون واثق من نفسه لما يتكلم..
ومع هذا نعاني في قطر من نقطة الانفتاح على الناس وطلاقة اللسان عند عيالنا .. وان كانوا يملكون ملكات الحديث
الا ان المجتمع بشكل عام او التأهيل يضمر فيهم هالشي.. وما بالك لو من الاساس تلقى الاطفال منطوين وما يبون يبرزون اعمارهم..

في السابق يا ذا ماستر كان نظام الطابور الصباحي يشجع الطلاب انهم يبرزون اعمارهم بشكل كبير
فالمشاركة في اذاعة الطابور الصباحية بأي مشاركة كانت بمثابة الحصول على الدوري القطري..
واللي ما كانوا يختارونهم كانوا يعيشون هالخيال والحلم في بالهم( مثلي)..

وضف ان في ناس ما يحبون يبرزون نفوسهم يعني مب غايتهم انهم يتكلمون علشان يقولون نحن هنا
وعندي اثنين في البيت يعتبرون اكثر اثنين تفوقا بالنسبة للباقي في البيت لكن اي مدرس او مدرسة جديدة يقابلهم يقولون عنهم هذيلا عدم..
لين يقدمون اختبارات وتتغير النظرة 180 درجة.. الانطباع عنهم كسل في التفاعل في الصف وتفوق كبير الاوراق .. يمكن الحياة الجامعية
اجبرتهم اشوي انهم يتلحلحون.. لكن في الاخير تحصل الهدوء والترقب والمتابعة هي صفتهم بشكل عام......

لذلك اعتقد ان طبيعة الانسان بعد تلعب دور في غباءه الاجتماعي.. حتى لو كان للاهل دور كبير في زجهم في العالم الاجتماعي..

[ريم الشمال]

لا خلاف في كل ما احتواه الموضوع هناك مشكلة يعاني منه الكثير حلها لا يأتي دون جهد
والجهد لابد أن يكون من قبل الوالدين حيث يتساعد الطرفان في نشأت اطفالهم وخلق بيئة
هذه البيئة تساعدهم على التعامل مع العالم الخارجي وهي تربية تحتاج جهد ووقت من قبلهم
تربية الاطفال لاتكون فقط بأن نوفر لهم الطعام والملبس والتسلية
هي أكبر المراقبة والتوجيه والمساعدة ووضع برامج معينة تجعل الطفل ينطلق في هذه الدنيا بدون قيود مسلح بتربية سليمة

يمامة بالنسبة للمشكلة وهي الجراءة في التحدث واللباقة في الحديث فعلاجها بسيط وفي نفس الوقت يحتاج وضع برنامج من قبل الوالدين ويتم تنفيذه
الحل هو تعلم الخطابة والألقاء حيث يتم تعليم الطفل منذوا طفولته على القراءة الجهرية بصوت عالي كمن يخطب ويتم ذلك في البيت أو المدرسة مثل الأم والأب يخصصون ساعات من وقتهم يطالبون فيه ابنائهم القراءة بشكل جهري لقصيده أو فقرة أدبية أو فقرة كتاب محبب لهم ويتم تصويب طريقة النطق من قبلهم حتى لو كان في الاجازة يمكن يتحملون وضع مدرس للغه عربية مهمته تعليم الاطفال القراءة الصحيحة والخطابة .
أما اللباقة فهي ايضا يمكن يتم تعليمها بما هو معروف عندنا بالسنع يعني هذا يجوز عمله وهذا غير جائز ويخالف ما تعود عليه الناس والمجتمع

نبي سوق عكاظ مرة أخرى في القرن الواحد والعشرين

[The Master]

ماشاء الله موضوع متكامل .. الله يعطيك العافية أخوي ماستر ..

البعض قد يركز على دراسته وتشغل كل حياته .. فينقعطع عن الناس
وعن التواصل وتكون علاقاته محدودة جدا .. أكيد بيكون فلتة زمانه بالدراسة تفوق وتميز .. الخ
ولكن تلقاه اجتماعيا فاشل لقلة خبرته بالحياة ..
الذكاء العلمي وحده لا يكفي أبدا ..لأن الخبرة بالحياة مطلب أساسي وبها تقدر تمشي حياتك صح ..
والأفضل طبعا هو الجمع بينهما ..
وأما عن حرص الوالدين الزائد على عيالهم لدرجة مايطمئنون إلا وهم عندهم وحولهم في البيت .. ماينلامون بصراحة
صديق السوء أول شخص تخاف منه .. عندي طالبات بنفس العمر تلقى بينهم المسيكينة وتلقى العوووبة
سبحان الله يبين حتى من نظراتهن وأسلوبهن ..



ضحكني هالرد اضحك الله سنك اخوي.


احسنتي...ف الجمع بينهم هو الصح...

و ك اولياء امور...ما نضغط ع اعيالنا وانعقدهم ونحبسهم...لازم انكون مرنين...متفهمين...عقلانيين...

صديق السوء...وهل هالفئات شافت فعلا صديق السوء في حياتها؟؟؟
انا مع فكرة التجربه خير برهان...وهي اللي اتخليك اتفكر عدل...واتميز بين الخبيث والطيب...لكن هذا كله عقب تأسيس التربية الصحيحه في اولادك...ف هذا هو خط الرجعه لهم...

مثلا انتي كيف عرفتي ان هي راعية مشاكل وهذي طيبه؟
ب التجربه والممارسه...

[The Master]

مستحيل ما اتفق معاك في نقطة ان اغلب المناصب في العالم تحتاج الى الانسان المتحدث اللي يكون واثق من نفسه لما يتكلم..
ومع هذا نعاني في قطر من نقطة الانفتاح على الناس وطلاقة اللسان عند عيالنا .. وان كانوا يملكون ملكات الحديث
الا ان المجتمع بشكل عام او التأهيل يضمر فيهم هالشي.. وما بالك لو من الاساس تلقى الاطفال منطوين وما يبون يبرزون اعمارهم..

في السابق يا ذا ماستر كان نظام الطابور الصباحي يشجع الطلاب انهم يبرزون اعمارهم بشكل كبير
فالمشاركة في اذاعة الطابور الصباحية بأي مشاركة كانت بمثابة الحصول على الدوري القطري..
واللي ما كانوا يختارونهم كانوا يعيشون هالخيال والحلم في بالهم( مثلي)..

وضف ان في ناس ما يحبون يبرزون نفوسهم يعني مب غايتهم انهم يتكلمون علشان يقولون نحن هنا
وعندي اثنين في البيت يعتبرون اكثر اثنين تفوقا بالنسبة للباقي في البيت لكن اي مدرس او مدرسة جديدة يقابلهم يقولون عنهم هذيلا عدم..
لين يقدمون اختبارات وتتغير النظرة 180 درجة.. الانطباع عنهم كسل في التفاعل في الصف وتفوق كبير الاوراق .. يمكن الحياة الجامعية
اجبرتهم اشوي انهم يتلحلحون.. لكن في الاخير تحصل الهدوء والترقب والمتابعة هي صفتهم بشكل عام......

لذلك اعتقد ان طبيعة الانسان بعد تلعب دور في غباءه الاجتماعي.. حتى لو كان للاهل دور كبير في زجهم في العالم الاجتماعي..


اكيد...ف المجتمع هو ركيزه اساسيه ف التربيه...واحنا ليه نطالب ب اجتهاد الوالدين واللي حولهم؟
عشان يكون هناك تأثير اكبر...
ك مثال...اذا تابعتي احدى القنوات القطريه...فيها مقدمين قطريين...شي يثلج الصدر...لكن ركزي في تقديمهم...يتلعثمون...يغلطون...يتوهقون...مافي استرسال في الحديث...الصمت كثير...ماعندهم سرعة البديهة ف الرد...ف البدايه انا اعتقدت من سوء التدريب لهم...لكن لما سألت...القناة ادفع مبالغ كبيره من اجل تدريبهم وتطويرهم...لكن لازالوا يحتاجون وقت...
اشوف عندهم نقص ثقه ف النفس...والرهبه...

وبالمقارنه...تعالي شوفي الشعب الكويتي...طلاااااقه ف اللسان...ومهارة في الحديث والمحاورة...هذا كله من البيئة...وهذا اللي نحتاجه في قطر...من هذا الباب...

نحتاج نزرع الثقه في عيالنا...
مثلا طابور الصباح...ليش انخليه يقرا من اورقه...خله من نفسه يفكر ويتكلم...
ف البيت...نجمع العائله وانخليه يركب ع طاوله...ويتكلم في موضوع ما...

مجرد امثله...
وهي من الامور اتساعد ع طلاقه اللسان ونزع الرهبه...وزرع الثقه...ب التأييد والشكر والتقدير...

[The Master]

لا خلاف في كل ما احتواه الموضوع هناك مشكلة يعاني منه الكثير حلها لا يأتي دون جهد
والجهد لابد أن يكون من قبل الوالدين حيث يتساعد الطرفان في نشأت اطفالهم وخلق بيئة
هذه البيئة تساعدهم على التعامل مع العالم الخارجي وهي تربية تحتاج جهد ووقت من قبلهم
تربية الاطفال لاتكون فقط بأن نوفر لهم الطعام والملبس والتسلية
هي أكبر المراقبة والتوجيه والمساعدة ووضع برامج معينة تجعل الطفل ينطلق في هذه الدنيا بدون قيود مسلح بتربية سليمة

يمامة بالنسبة للمشكلة وهي الجراءة في التحدث واللباقة في الحديث فعلاجها بسيط وفي نفس الوقت يحتاج وضع برنامج من قبل الوالدين ويتم تنفيذه
الحل هو تعلم الخطابة والألقاء حيث يتم تعليم الطفل منذوا طفولته على القراءة الجهرية بصوت عالي كمن يخطب ويتم ذلك في البيت أو المدرسة مثل الأم والأب يخصصون ساعات من وقتهم يطالبون فيه ابنائهم القراءة بشكل جهري لقصيده أو فقرة أدبية أو فقرة كتاب محبب لهم ويتم تصويب طريقة النطق من قبلهم حتى لو كان في الاجازة يمكن يتحملون وضع مدرس للغه عربية مهمته تعليم الاطفال القراءة الصحيحة والخطابة .
أما اللباقة فهي ايضا يمكن يتم تعليمها بما هو معروف عندنا بالسنع يعني هذا يجوز عمله وهذا غير جائز ويخالف ما تعود عليه الناس والمجتمع

نبي سوق عكاظ مرة أخرى في القرن الواحد والعشرين



كلام جدا جميل...وافكار تستاهل التجربه...

والدولة مهتمه في هذا الامر...وتسعى...

ك مثال...افتتاح دورة مجلس التعاون الخليجي في قطر...جابوا قطري وقطريه ليفتتحوا المجلس وخلوهم يتحدثون ب اسلوب مختلف عن القراءة من ورقه...
صحيح شفنا فيهم رهبه واتباك...بس ك بدايه شي جميل...وخطوه اعجبتني...


كل هذا يحتاج وقت...مش بين يوم وليله...لكن هذا لايمنع المثابره...والسعي...

المشكلة دوم الوالدين يشوفون نفسهم صح...وبعضهم يدري انه امقصر ويقول وش اسوي...وغيره يقول بحاول اتغير...

كل هذا من اجل مستقبل اعيالكم...ومستقبل دولة قطر...

[يمامـة]

يمامة بالنسبة للمشكلة وهي الجراءة في التحدث واللباقة في الحديث فعلاجها بسيط وفي نفس الوقت يحتاج وضع برنامج من قبل الوالدين ويتم تنفيذه
الحل هو تعلم الخطابة والألقاء حيث يتم تعليم الطفل منذوا طفولته على القراءة الجهرية بصوت عالي كمن يخطب ويتم ذلك في البيت أو المدرسة مثل الأم والأب يخصصون ساعات من وقتهم يطالبون فيه ابنائهم القراءة بشكل جهري لقصيده أو فقرة أدبية أو فقرة كتاب محبب لهم ويتم تصويب طريقة النطق من قبلهم حتى لو كان في الاجازة يمكن يتحملون وضع مدرس للغه عربية مهمته تعليم الاطفال القراءة الصحيحة والخطابة .
أما اللباقة فهي ايضا يمكن يتم تعليمها بما هو معروف عندنا بالسنع يعني هذا يجوز عمله وهذا غير جائز ويخالف ما تعود عليه الناس والمجتمع

نبي سوق عكاظ مرة أخرى في القرن الواحد والعشرين


للأمانة يا ريم الشمال.. كل الامور اللي ذكرتيها كنت اتبعها مع عيالي ولله الحمد
لو بيقرون مرات القصص.. اطلب منهم يقرون بحس عالي يسمعوني اللي يقرونه..

ما عندي يقرأ القرآن قراءة صامتة لازم يرفع صوته ويسمعني اشلون يقرأ القرآن.
زجيتهم البعض منهم في دورات تعلم مهارات القيادة وكان ما بينها تعلم الخطابة كقائد..
سجلت البعض منهم في مركز قطر التطوعي علشان يتعلمون كيفية التواصل والتخاطب والتحدث
في الفعاليات اللي بيشاركون فيها.. وقد اضطر في مرات كثيرة اني امسك القصة او الموضوع
اللي يكتبونه وابيهم يقرونه لي بصوت عالي.. اني اقراه لهم بطريقة تشجعهم على تقليدي وانهم يكونون
احسن مني..

ولكن في الاخير بعد تلقين الطبيعة الجينية للشخص نفسه تلعب دور كبير في انه يسحب نفسه..
فعلى سبيل المثال بنتي دايما تقول لو بوقف في مكان اتكلم فيه احس اني عملاق والناس مثل النمل :(
تشبيهها غريب.. وترفض عروض كثيرة انها تمثل مدرستها لأنها من داخلها ما تبي تواجه الناس
مب لأنها اصلا ضعيفة في المواجهة او الكلام ولكن لأنها ما تبي تبرز نفسها في المواقف هذي..

ويوم وافقت على عرضين من العروض لاقت من المديح اللي يفوق مستوى عمرها.. ومع هذا
ما زالت ترفض و ترفض وترفض.. ونفس المشكلة مع اخوها الصغير.. واخوها اللي ترتيبه الثاني..

فمثل ما قلتي مهم جدا نقول للطفل اعتبر نفسك رئيس او مدير او انت في خطبة وتخيل اشلون بتتكلم مع الناس
اشلون بتواجههم.. اشلون بترفع صوتك علشان يسمعونك.. واشلون بتوازن نظراتك وحركات جسمك
ما بين النظر في الورقة والنظر لهم.. لكن بعد البيت بروحه ما بيكفي دام ان ما في فعاليات يتم اشراك هالاطفال فيها..
ما عندنا في المدارس فعاليات للخطابة او مسابقات ما بين المدارس.. والمناظرات يبون ناس متفوقين
طيب اللي مب متفوق في دراسته هذا يموت وما يتطور؟
عندنا مشكلة وتحتاج الى حل في تشجيع طلابنا على التحدث والخطابة وتنسيق الكلمات..

[The Master]

للأمانة يا ريم الشمال.. كل الامور اللي ذكرتيها كنت اتبعها مع عيالي ولله الحمد
لو بيقرون مرات القصص.. اطلب منهم يقرون بحس عالي يسمعوني اللي يقرونه..

ما عندي يقرأ القرآن قراءة صامتة لازم يرفع صوته ويسمعني اشلون يقرأ القرآن.
زجيتهم البعض منهم في دورات تعلم مهارات القيادة وكان ما بينها تعلم الخطابة كقائد..
سجلت البعض منهم في مركز قطر التطوعي علشان يتعلمون كيفية التواصل والتخاطب والتحدث
في الفعاليات اللي بيشاركون فيها.. وقد اضطر في مرات كثيرة اني امسك القصة او الموضوع
اللي يكتبونه وابيهم يقرونه لي بصوت عالي.. اني اقراه لهم بطريقة تشجعهم على تقليدي وانهم يكونون
احسن مني..

ولكن في الاخير بعد تلقين الطبيعة الجينية للشخص نفسه تلعب دور كبير في انه يسحب نفسه..
فعلى سبيل المثال بنتي دايما تقول لو بوقف في مكان اتكلم فيه احس اني عملاق والناس مثل النمل :(
تشبيهها غريب.. وترفض عروض كثيرة انها تمثل مدرستها لأنها من داخلها ما تبي تواجه الناس
مب لأنها اصلا ضعيفة في المواجهة او الكلام ولكن لأنها ما تبي تبرز نفسها في المواقف هذي..

ويوم وافقت على عرضين من العروض لاقت من المديح اللي يفوق مستوى عمرها.. ومع هذا
ما زالت ترفض و ترفض وترفض.. ونفس المشكلة مع اخوها الصغير.. واخوها اللي ترتيبه الثاني..

فمثل ما قلتي مهم جدا نقول للطفل اعتبر نفسك رئيس او مدير او انت في خطبة وتخيل اشلون بتتكلم مع الناس
اشلون بتواجههم.. اشلون بترفع صوتك علشان يسمعونك.. واشلون بتوازن نظراتك وحركات جسمك
ما بين النظر في الورقة والنظر لهم.. لكن بعد البيت بروحه ما بيكفي دام ان ما في فعاليات يتم اشراك هالاطفال فيها..
ما عندنا في المدارس فعاليات للخطابة او مسابقات ما بين المدارس.. والمناظرات يبون ناس متفوقين
طيب اللي مب متفوق في دراسته هذا يموت وما يتطور؟
عندنا مشكلة وتحتاج الى حل في تشجيع طلابنا على التحدث والخطابة وتنسيق الكلمات..

شكرا عالتعقيب...
وذكر تجربتك...سبحان الله فعلا الواحد يسوي اللي عليه...والجينات لها شغل كبييييير ف سلوكيات الطفل...