تجديد جواز طفله

[بنت مريخ]

السلام عليكم
رفيجتي عندها بنت 6 سنوات ومطلقه من ولاده البنت
الابو قاطعهم ولايدرون عنه ورافض يتواصل معاهم
الابو العام ترك شغله واستقر في دوله عربيه والبنت جوازها بينتهي ومحتاج تجديد لتسجيل للمدرسه اخر هشهر والام طرشت واتس الاب للابو من 3 اسابيع وكل يوم بكره واخر شي قال بيكتب كتاب لدريوله يفوضه بتجديد وعقبها قطع مصكر جواله والايرد وامه مريضه طايحه في الفراش
كلمت الاستشارت قالو المحكمه وهي ماتبي محكمه بين الرياييل. المحامي طالب 25الف, راحت الجوازات قالو لازم الابو او المحكمه, يعني اذا الابو ماسئل عن البنت حيه او ميته ليش مايعطون الام توكيل تخلص امورها؟
عندكم حل؟؟
الكلمه الطيبه صدقه الله يرحم والديكم

[حسن]

الحل هذا دور يامركز الاستشارات ولا دور حمايه الطفل

ولا يبيلها قضيه ولا شي

اللي يقول قضيه هذا هروب من الواقع

لحظه

قطري

ولا غير قطري

شلون يشتغل دوله عربيه ثاتيه

يعني متجنس

!!!

[وليف الشوق]

انا استغرب ماتبي محكمه وعلى اي اساس يتم تجديد الجواز من غير الاب او قرار من المحكمه ؟ مالها الا انها تروح المحكمه وترفع قضيه بنفسها وتكلم القاضي بنفسها واهو اللي يقرر
واهي مالها الا الحل الوحيد هذا لان الحين في ظرف لا يحسد عليه ولا تتأقلم مع الظروف اللي عايشته ولازم تعرف اننا مش في غابه وتحكمنا قوانين ولازم ننفذ القوانين واهي مالها الا انها توكل امرها لله وترفع قضيه دام الاب مستهتر في قراره ومقفل مخه !! يااااااااااااااااااااااااااخي البنت وش ذنبها في تصرفك هذا ؟ مب حرام عليك تقعد البنت بدون جواز وتتعطل كافه امورها من تعليم وصحه وباقي الامور الثانيه ؟ للدرجه وصل الموضوع ان الاب يهمل بنته ؟ اقسم بالله اني دمعتي على طرف خدي من تصرفات هذا الاب ومن تصرفات كثير من الاباء اللي ماعندهم لارحمة وقلوبهم حجر . وانا انصح الاخت الفاضله وبعد طول انتظار وبعد الاتصالات والرسائل لذلك الاب وعدم الرد على طلبها وسؤالها هو ارسال رساله اخيره لوالدها اما الحضور فورا لتجديد جواز ابنته او تدبير الموضوع بالطرق القانونيه والتي تكفل حق البنت المشروع وانا اعتقد ان اي شخص ماوده يدخل محاكم او بناتنا يدخلون بين الرجاجيل لكن الامور للاسف اقتضت بهالطريقة اللي ماكننا متوقعينها ولازم تتأقلم مع الجو اللي عايشته حاليا" وانا مستغرب من الاخت الفاضله وسؤالي لها ماعندك اب او اخ او قريب يقوم بهالمهمه هذي ؟
ولا حول ولاقوة الا بالله العلي العظيم
يااااااااااااااااااااااااااااااااااااااااااااااااا ااااااااانس ياعالم العيال مالهم ذنب في مصايبكم !!! وافهووووووووووووووووووووووووووووووووا ان لهم حقوق مشروعه مانقدر نمنعهم عنها
وفي اقل الحالات اذا البنت مرضت شلون تتعالج ؟

[ضوى]

قوانين وضعية جائرة ، ضاع الأمر لما وكل لغير أهله

الله يعينها الحل جدا صعب ومن واقع تجربة

[بنت مريخ]

الحل هذا دور يامركز الاستشارات ولا دور حمايه الطفل

ولا يبيلها قضيه ولا شي

اللي يقول قضيه هذا هروب من الواقع

لحظه

قطري

ولا غير قطري

شلون يشتغل دوله عربيه ثاتيه

يعني متجنس

!!!

قطري
فتح له شركه رخام او سيراميك شي جذيه

[بنت مريخ]

انا استغرب ماتبي محكمه وعلى اي اساس يتم تجديد الجواز من غير الاب او قرار من المحكمه ؟ مالها الا انها تروح المحكمه وترفع قضيه بنفسها وتكلم القاضي بنفسها واهو اللي يقرر
واهي مالها الا الحل الوحيد هذا لان الحين في ظرف لا يحسد عليه ولا تتأقلم مع الظروف اللي عايشته ولازم تعرف اننا مش في غابه وتحكمنا قوانين ولازم ننفذ القوانين واهي مالها الا انها توكل امرها لله وترفع قضيه دام الاب مستهتر في قراره ومقفل مخه !! يااااااااااااااااااااااااااخي البنت وش ذنبها في تصرفك هذا ؟ مب حرام عليك تقعد البنت بدون جواز وتتعطل كافه امورها من تعليم وصحه وباقي الامور الثانيه ؟ للدرجه وصل الموضوع ان الاب يهمل بنته ؟ اقسم بالله اني دمعتي على طرف خدي من تصرفات هذا الاب ومن تصرفات كثير من الاباء اللي ماعندهم لارحمة وقلوبهم حجر . وانا انصح الاخت الفاضله وبعد طول انتظار وبعد الاتصالات والرسائل لذلك الاب وعدم الرد على طلبها وسؤالها هو ارسال رساله اخيره لوالدها اما الحضور فورا لتجديد جواز ابنته او تدبير الموضوع بالطرق القانونيه والتي تكفل حق البنت المشروع وانا اعتقد ان اي شخص ماوده يدخل محاكم او بناتنا يدخلون بين الرجاجيل لكن الامور للاسف اقتضت بهالطريقة اللي ماكننا متوقعينها ولازم تتأقلم مع الجو اللي عايشته حاليا" وانا مستغرب من الاخت الفاضله وسؤالي لها ماعندك اب او اخ او قريب يقوم بهالمهمه هذي ؟
ولا حول ولاقوة الا بالله العلي العظيم
يااااااااااااااااااااااااااااااااااااااااااااااااا ااااااااانس ياعالم العيال مالهم ذنب في مصايبكم !!! وافهووووووووووووووووووووووووووووووووا ان لهم حقوق مشروعه مانقدر نمنعهم عنها
وفي اقل الحالات اذا البنت مرضت شلون تتعالج ؟

الاخت الفاضله يتيمه ماعندها الا امها كبيره في السن عيوز
قال للام انا برجع البللاد احتمال عقب شهرين و وزياده
والام شذنبها
هو كان يبي وحده غير ام البنت بس الام رفضتها و خطبت له وحده عاجبتها
و على فكره يوم ودا زوجته الجديده لامه طردها اتصل لامه وقالها ان شفت رقمج مره ثانيه بتشوفين شي عمرج ماشفتيه
هذا كلام امه والله ودمعتها على خدها

[بنت مريخ]

قوانين وضعية جائرة ، ضاع الأمر لما وكل لغير أهله

الله يعينها الحل جدا صعب ومن واقع تجربة

اااااااااااه يا ضوى
الله لايبلي العدو
اي والله والقضاءه الله يهديهم اول العام راحت تسوي خروجيه و طلبت مقابله القاضي كان موريتاني والمحكمه يتصلون للاب ومايرد
قالها القاضي اثبتيلي ان الاب مايدري عن بنته ولايشوفها
اسكتت وماردت
عطاها القاضي خروجيه لانها كانت بتسافر عقب يومين

[لبيبة]

وعليكم السلام ورحمة الله وبركاته

ترفع قضية لتعنت ابو البنت في أداء حقوق البنت.

لو ما يصرف على بنته، ترفع قضية تطلب كل حقوق بنتها.

منع السفر ومنع اصدار جواز ومنع اصدار بطاقة شخصية الا بموافقة الأب، كلها قوانين وضعية ما انزل الله بها من سلطان،

وضعت لإرضاء مجتمع ذكوري سلطوي.

[بنت مريخ]

وعليكم السلام ورحمة الله وبركاته

ترفع قضية لتعنت ابو البنت في أداء حقوق البنت.

لو ما يصرف على بنته، ترفع قضية تطلب كل حقوق بنتها.

منع السفر ومنع اصدار جواز ومنع اصدار بطاقة شخصية الا بموافقة الأب، كلها قوانين وضعية ما انزل الله بها من سلطان،

وضعت لإرضاء مجتمع ذكوري سلطوي.



الابو خارج البلاد
ولا عليه من حد
اي والله وضعيه
استغرب المفروض المحكمه تعطي الام وكاله تخلص امور بنتها
شبيصير يعني؟؟؟؟

[bohilal191]

الله يعينها واذا الام مب قطرية اعتقد بتتأزم امورها

[بنت مريخ]

الله يعينها واذا الام مب قطرية اعتقد بتتأزم امورها

الحمدلله قطريه
الله يسهل ان شاءالله

[بريق الحق]

قوانين وضعية جائرة ، ضاع الأمر لما وكل لغير أهله

الله يعينها الحل جدا صعب ومن واقع تجربة
قوانين بشريه تركو قانون الله وذهبو لقوانين الغرب

[وليف الشوق]

الاخت الفاضله بنت مريخ شيكي على الخاص

[بصمة قطرية]

حبيبتي لازم عن طريق المحكمة عشان تكون في السليم ..
وحدة من هلي صار لها شي قريب من اللي صار لصديقتج
و عن طريق المحكمة ضمنت كل حقوق الطفل
و صار في حضانتها و حتى الجواز عند الأم
تجدده عادي ..

[بنت مريخ]

الحمدلله
احمدك يارب واشكر فضلك
اللي سخرت لها عبادك الصالحين

[لبيبة]

الحمدلله
احمدك يارب واشكر فضلك
اللي سخرت لها عبادك الصالحين

الحمد لله، الله يفرج كل هم،

ممكن نعرف شلون خلصوا موضوعها؟