التامين الصحي واستغلال بعض الدكاتره لرفع الفاتورة

[مرهوب]

السلام عليكم ورحمه الله وبركاته

كيف حالكم عساكم طيبين

صارلي موضوع وحبيت اشاركه معكم

افطر الصبح في وانكسر سن من اسناني فجأه وخرب على الفطور وتصبحت

المهم رحت لعيادة محترمه اتعامل معها ولا الموعيد والدكتور في ايجازه رحت عياده ثانية لان الموضوع مايتحمل التاخير


عياده .........

الاستقبال كان مثل وجههم ياخذون البيانات وهم منفقعه كبودهم قطري ووقع على التامين مشيتها لاني ابي احل الموضوع

نص ساعه في الانتظار واكتشفت فيما بعد ان الدكتور فاضي ما عنده احد ولكن الاستقبال سوالف ولا همهم الا لما جيتتهم وقالوا ادخل على طول

مقعديني كذا


رفع ضغط ولكن امشيها لاني راعي الحاجه

دخلت على الدكتور

فحص قال موضوعك صعب

واللثه كبيره ويبيلها قص ملي واحد

ويبيلك تبيض اسنانك ووووو............ ويحط عساس يكبر الفاتورة

قلته وش دخل اللثه وامس منكسر انصدم وصكت قلتله ارقعه وانا بروح لدكتوري الي اتعامل معه

قالي لا خلاص انا بحشيه وان شاء الله ماتحتاج شي

رقعه وخلاص والموضوع ما خذا خمس دقايق



المهم ياخون لاتسلمون نفسكم على اي شي يقوله دكتور خاص الا انتم واثقين منه ولا تصيرون تجارب فيدهم

ولكم كل الشكر



والي عنده تجربه مماثله يشاركنا حتى نزيد الوعي في بعض الي مايخافون الله

[عـ العبيدلي]

قبل تطلع من المستشفى ببندول ومضاد ..
\

ولكن مع التأمين

احين بدون مبالغة " خيشة ادوية " بشكل فيه كمية الأدوية كبيرة جدا ..

[ودي أكون]

الدوله وايد سعت للشعب ولله الحمد، لكن تبقى المشكله في الرقابه
غاب الضمير عند البعض والله المستعان

[حمد 2002]

الحل يبيله ظبط وطوله بال ..


وسعوا صدوركم يالربع

[يمامـة]

اتصلت على مكتب التأمين صحة اشتكي من تماطل بعض المراكز في تكرار الدخول على الطبيب
بحجة كل موعد نسوي لك ي.. وهم اللي كانوا يسووا لنا كل شي في موعد واحد..

الحين يقول لك خذ موعد.. هذي استشارة
تعال موعد ثاني
يفرك له اللثة..
تعال موعد ثالث نشوف مب عارفة وشو..

وقلت لها اصرفوا حق ابوي ثلاث مراهم فولترين وهو بشكل عام ما بيحتاج الا لمرهم واحد بس
فهل المراهم اللي عندنا ببلاش ولا الدولة تدفع لهم؟

فالمراهم هذي صحيح مخصصة من التأمين فليش يتم صرفها من غير حاجة؟
ليش ما يتم تكرار الدوا يرد المريض ياخذه اذا احتاجه من الصيدلية على طول؟

فقالوا احنا نحتاج لملاحظاتكم هذي..

[مرهوب]

ودكم في رقابه قويه عليهم
يعني يلعبون في حسبت المريض عساس يزيدون الفاتورة وبيهذلون
والمفروض العكس

[JN000N]

الموضوع اصلا مب يديد وهم شغالين عليه لا تحاتي

[Charisma]

مرحبا اخوي ..

الدوله ماقصرت بتوفيرها للتأمين الصحي .. وللأسف ياما تكلمنا ان المراكز والعيادات الخاصه اصبحت تجاريه "بحته" .. وهالشيء يتطلب وعي من جميع المراجعين .. لو لاحظت اي أستغلال .. او اسلوب ( شفط وتحليل ) .. قدم شكوى بالأتصال عليهم : 8008800 .. وبتاخذ رقم "مرجعي" .. تتابع وياهم الموضوع .

هذا الحل الوحيد من جهتنا كمراجعين .. نصفي فيه المراكز والعيادات التجاريه .


* ماتشوفون شر.

[حسن]

نفس الموضوع وعياده الاسنان

بلغت التامين عليهم

واخر شي رحت عياده الملكه وعلى حسابي دفعت مبلغ محترم وعده جلسات

وعاد باقي الجسر

الله يعينا

يجب ان تكون هناك قوانين تمنع التلاعب وان تغلق العيادات ولا الوضع بيسير
سبهلله

[بـن عدوان]

ياخي حرام لازم الجهات المختصة تجوف حل.

انا ضد انه دام الدولة بتدفع يلا خلله يسوي كل شي

[رجل مثالي]

أي مشفى يخالف القوانين ويرفع او يستغل المرضى
يجب من الرقابة تقديم إنذار فوري لهم وإذا
لم يبادروا بتصحيح التجاوزات يغلق المشفى

[مرهوب]

مرحبا اخوي ..

الدوله ماقصرت بتوفيرها للتأمين الصحي .. وللأسف ياما تكلمنا ان المراكز والعيادات الخاصه اصبحت تجاريه "بحته" .. وهالشيء يتطلب وعي من جميع المراجعين .. لو لاحظت اي أستغلال .. او اسلوب ( شفط وتحليل ) .. قدم شكوى بالأتصال عليهم : 8008800 .. وبتاخذ رقم "مرجعي" .. تتابع وياهم الموضوع .

هذا الحل الوحيد من جهتنا كمراجعين .. نصفي فيه المراكز والعيادات التجاريه .


* ماتشوفون شر.

جزاك الله خير على الرقم وبخزنه في جوالي
ولاتواجهه

[ام روز]

اتمنى يلغون التامين صارت لعبه

[Charisma]

جزاك الله خير على الرقم وبخزنه في جوالي
ولاتواجهه

ويجزيك بالمثل اخوي.

[الدوحه1]

اتمنى يلغون التامين صارت لعبه


التأمين الصحي ماله داعة وأهدار للمال العام!!
اولا : ماعندنا مراكز ومستشفيات صحيه عالميه.. اللي موجود يشتغل على اسس تجاريه.
ثانيا : اعتقد ان المسئولين عن الصحه عندنا ماقدروا يحلون المشاكل الصحيه فقالوا خلونا نسكت(نخدر)"المواطنين" بالتأمين الصحي؟؟

الدوله ماقصرت ووفرت ميزانيه ضخمه للصرف على الصحه ولكن المشكله في القائمين على ملف الصحه في البلد!!

الحل في رايي هو تسليم ملف الصحه في قطر لشركه عالميه..

[مرتبش]

فوق انه استغلال للدولة فهو تعمد الاضرار بالمريض.. باعطاء ادوية اكثر من اللي يحتاجها كالمضادات الحيوية وغيرها او تحاليل مالها داعي مثل الاشعة وان شالله مافي استغلال في العمليات.

[نوار قطر]

اذا فيه اي شكوى او ملاحظه قدموها لشركة التأمين الصحي ،، صادني موقف مع مستشفى ال،،، ومستشفى ال،،، واشتكيت عليهم وفعلا تجاوبو معاي ماقصرو بس للاسف كانو يتصلون فيني عشان ياخذون ال تفاصيل والمعلومات كامله وعندي دوره تدريبيه وماكنت اقدر ارد عليهم ،،، ومره قلت لهم اتصلو من عقب ال ظ¢ ماتتصلو ،،،

[بشائر]

جزاك الله خير على إثارة هالموضوع المهم جدا .. وكنت والله بكتب عنه ..
فعلا أنا لاحظت هالشيء .. بعض العيادات الخاصة تحديدا مستغلين هالأمر
وديت الوالدة لعيادة أسنان حشو سن ومع الكشف شيكت الدكتورة على ضرس يتحرك قالت لها
هذا خلاص لازم ينشال مش مشكلة بحشيه لج
الحين ولما يزيد الألم لازم ينخلع !!
طيب ليه تحشينه وهو لازم ينخلع؟ علشان تسجل في الكشف إن السن اشتغلت عليه مرتين ! نصب مابعده نصب !
ومانطلع من عندهم إلا وكل مرة تكتب لنا أدوية نشتريها من صيدليتهم ( حتى فيتامين د كتبته ) !!

المفروض بصراحة يتم الاهتمام بهذا الموضوع بشكل خاااص
مافيه آلية لمحاسبتهم ؟ وهل من الممكن تعيين خريجين المحاسبة من القطريين والقطريات في هالمستشفيات والعيادات ؟
بلدهم وهم أولى برعايتها .
الموضوع فعلا يبيله مختص يعرف كيف يراقب ويحط حلول حتى لا يتم نهب أموال الدولة دون وجه حق ..

[بشائر]

فوق انه استغلال للدولة فهو تعمد الاضرار بالمريض.. باعطاء ادوية اكثر من اللي يحتاجها كالمضادات الحيوية وغيرها او تحاليل مالها داعي مثل الاشعة وان شالله مافي استغلال في العمليات.


صادق وفعلا هذا اللي يصير .. ولو ماتم التدخل بهالموضوع ممكن يوصل الاستغلال في العمليات .. الله يحفظنا من كل شر ..
مب عارفين من وين ياكلون خير هالبلد ..

[qatara]

والعكس حصل معاي

عيادة من العيادات لما اعطاني الروشته وهي شي بسيط بس القصد المبدا

قال صاحب الصيدله التي توجد بنفس العياده هذا العلاج لا يشمله التامين

وهو غرغره ومعجون اسنان طبي

لا اعلم هل كلامه حقيقي لا يشمل التامين هذا العلاج
ام لا لاكن ذكرته من باب التعليق على الموضوع

برقم بساطه مبلغ العلاج 50 ريال
لا اعلم هل كلامه حقيقي ام لعبه

[بشائر]

والعكس حصل معاي

عيادة من العيادات لما اعطاني الروشته وهي شي بسيط بس القصد المبدا

قال صاحب الصيدله التي توجد بنفس العياده هذا العلاج لا يشمله التامين

وهو غرغره ومعجون اسنان طبي

لا اعلم هل كلامه حقيقي لا يشمل التامين هذا العلاج
ام لا لاكن ذكرته من باب التعليق على الموضوع

برقم بساطه مبلغ العلاج 50 ريال
لا اعلم هل كلامه حقيقي ام لعبه


أخوي ....كلامه ماهو لعبة دامك دفعت الـ 50 ريال قيمة العلاج :)
علاج المراكز الصحية وحمد بس هم اللي مجانا للقطريين ..

[qatara]

أخوي ....كلامه ماهو لعبة دامك دفعت الـ 50 ريال قيمة العلاج :)
علاج المراكز الصحية وحمد بس هم اللي مجانا للقطريين ..

يعني قصدج المعالجه هي على التامين

والعلاج على حساب المراجع

؟

يبقا ليش قالي هل العلاج مايشمله التامين يعني
هل هناك علاجات يشملها التامين وكيف نعرفها

؟

[بشائر]

يعني قصدج المعالجه هي على التامين

والعلاج على حساب المراجع

؟

يبقا ليش قالي هل العلاج مايشمله التامين يعني
هل هناك علاجات يشملها التامين وكيف نعرفها

؟

لا اخوي كل المستشفيات اللي تتعامل مع التأمين المفروض إن الكشف والعلاج مجانا للقطريين ..
لكن بعض العيادات الخاصة للحين يكشفون مجانا ويبيعون العلاج بفلوس .. ليش أنا بعد مادري؟!

[qatara]

لا اخوي كل المستشفيات اللي تتعامل مع التأمين المفروض إن الكشف والعلاج مجانا للقطريين ..
لكن بعض العيادات الخاصة للحين يكشفون مجانا ويبيعون العلاج بفلوس .. ليش أنا بعد مادري؟!

هني النقطة الي بقيت افهمها
مشكوره

ونحيل السوال للي يعرف يفيدنا مكشور

[R 7 A L]

حتى التشخص صار اي كلام
ماعاد فيه لا اهتمام ولا جديه
لانهم خلاص ضمنوا ان المرضى بيجونهم مو مثل اول مايجيهم الا الي يدفع كاش

[يمامـة]

هني النقطة الي بقيت افهمها
مشكوره

ونحيل السوال للي يعرف يفيدنا مكشور

موضوع الادوية اساسها.. ان هناك ادوية ما تشملها التأمين الصحي
يعني لو تروح المراكز الصحية راح يصرفون لك فيتامين دال حبوب و ابر حسب حاجتك
لكن في التأمين الصحي تشتري حبوب فيتامين دال..

الكثير من الادوية واللي تتراوح اسعارها من الرخيص للغالي ما يشملها التأمين..
ولكن الغالبية العظمى من الادوية يشملها التأمين ولله الحمد..

فنقطة بيع العلاج مب بيد الصيدليات التابعة لعيادات الخاصة.. اللي يصرح
ببيع او عدم بيع الادوية هذي هي وزارة الصحة او " صحة" وهي الجهة المخولة
بتحديد كل ما يتعلق بالتأمين الصحي..