مساعدة يا جماعة الخير

[sendarala]

السلام عليكم ورحمة الله وبركاته

ممكن تساعدوني

وين القى واحد من هالاجهزة ( cutter blotter ، cuttle bug ، cameo ، silhouettesd)

لرسم وقص الاستكرات والتيشيرتات مع الورق والالوان جميع اغراضه :victory:

يا رب حد يرد علي ويساعدني اني القى الجهاز :nice:

[بصمة قطرية]

إن شاءالله يفيدونج الأعضاء ..



للرفع ..

[Rider]

واحد جايب مثل هالاغراض من السوق الصيني في دبي شوفي السوق الصيني في قطر يمكن يكون فيه

[sendarala]

ما شاء الله 269 مشاهدة

ما في الا شخصين ردوا علي يعطيهم العافية

ان شاء الله اختي بصمة حد يفيدني وشكرا لج حبوبة

اخوي rider شكرا لك بس وين هذا السوق الصيني في قطر اول اسمع ان عندنا سوق صيني !!!

[(ام عبدالله)]

ما شاء الله 269 مشاهدة

ما في الا شخصين ردوا علي يعطيهم العافية

ان شاء الله اختي بصمة حد يفيدني وشكرا لج حبوبة

اخوي rider شكرا لك بس وين هذا السوق الصيني في قطر اول اسمع ان عندنا سوق صيني !!!

اعذريهم اختي 269 مشاهده بس ماعندهم جواب escape

[رحال]

ماعندنا جواااب اختي
تبين أفتي مثلاااا ..؟

[sendarala]

هلا والله (أم عبدالله 1 ورحال) فيكم

هههههههههههههه

اكيد معذورين
بس سؤالي محد يعرف يجاوبه من ال 269 شخص
يا اما انا ما عرفت اصيغ السؤال عدل أو هم ما فهموا السؤال اللي طرحته

طبعا ما ابي حد يفتي ابي اجابة تكون مجرب للشيء او عارف وين المكان ؟

المهم شكرا لكم اهم شي انكم تجاوبتوا معاي

[لبيبة]

وعليكم السلام ورحمة الله وبركاته

كنت بأجاوب انهم موجودين في امازون،

لكن فهمت انج تدورينهم في الدوحة،

فما اعتقدت ان جوابي بيفيدج.

الله يوفقج وتلاقينهم.

[sendarala]

تسلم اخوي لبية

اي نفس اللي فهمته

وياكم يا رب

[لبيبة]

تسلم اخوي لبية

اي نفس اللي فهمته

وياكم يا رب

اختج لبيبة، مب اخونا لبية :)

[العلياا]

وعليكم السلام

تقصدين اللي يقصون الستكرات دوائر وفي ديزاينات ؟؟

[sendarala]

اختج لبيبة، مب اخونا لبية :)


سوري حبوبة قريت الاسم بالغلط

[sendarala]

وعليكم السلام

تقصدين اللي يقصون الستكرات دوائر وفي ديزاينات ؟؟

اي وين احصله

[رحال]

اختج لبيبة، مب اخونا لبية :)

هههاي
ماتنلام مسكينه حتى آنه كنت أعتد أنك واحد ..

[العلياا]

Fanatek_qa

عندها بعد اللي يسووي لج الـ Gift bag

موفقه