المناحس،،،،،!!

[بوحارب]

السلام عليكم

صباح الخير every body


بخصوص المناحس
بعض الناس شغلتهم في الحياه بس يناحس خلق الله

يناحس في المواقف
يناحس في السفر
يناحس اذا بنطلب عشا
يناحسك في الردود :(
يناحسك في الطريق انت تقول من هنا اقرب
وهو يقول لا من هنا احسن والمشكلة هو غلط وانت الصحcrazy

المهم ما ينتهي يومه الا وهو مناحس 200-300 نفر

زين وش استفدت يا أيها النحيس:)



الموضوع ذكرني في اخونا n7ese الله يذكره بالخير
تخبرونه ؟؟!


اتركوا المناحس عنكم يا أيها النحيسون :)

[غايه الطواش]

عجبني موضوعك بس مب كاتبه ردي نحاس :)

[غريب الدّار]

المهم ما ينتهي يومه الا وهو مناحس 200-300 نفر



:)

بل!

وايد

يعني لو مثلا عشرين ثلاثين بنقول اوكي
لكن 200 الى 300 ؟

لا وايد بصراحة

تحياتي يابو حارب وقواك الله

[ودي أكون]

اتركوا المناحس عنكم يا أيها النحيسون :)

وانا اعناد موب تاركه النحاسه زين :tease:

[بومحمد المطاوعه]

هههههههههههههههههههههههههههه

مالك حل
موضوعك في صلب المنتدى بكبره :tease:

[JN000N]

عليكم السلام

يالنحيس

:)

[أين الحل ؟]

لا يوجد طعم للحياة بدون مناحس .

[عابر سبيل]

السلام عليكم

صباح الخير every body


الموضوع ذكرني في اخونا n7ese الله يذكره بالخير
تخبرونه ؟؟!


:)

اي بالله..ما يننسى..
لانه اسم ابدا مش على مسمى..
و نعم الرجل ابن ".....ــاب"
من الاعضاء اللي ترشيتهم يغيرون معرفهم..

فلم انجح..كما نجحت في مراشاتي مع "مشرفتنا
و اختنا الكبيرة/ الحياة الخالدة:)

الله يحله و يبيحه وين ما كان..
و يجمعنا و اياه و اياكم..
في مكان احسن من هالدنيا و ما فيها
*
*
،،

السلام عليكم

صباح الخير every body





اتركوا المناحس عنكم يا أيها النحيسون :)

يصبحك بالنور..
يعني حتى مع "الكركيون" هنالك مناحس و نحيسون..
لا..هذولا مالهم حل..

بس المناحس يهون..
الغثى كله من "النحيس"..
عافانا الله من هكذا بلوه..

عموما يا بو حارب..
يقولون لك:
لولا المناحس و "النحيسين"
كان صكرت اغلب مكاتب "المحامين"

[بوحارب]

عجبني موضوعك بس مب كاتبه ردي نحاس :)
It's okay :o


بل!

وايد

يعني لو مثلا عشرين ثلاثين بنقول اوكي
لكن 200 الى 300 ؟

لا وايد بصراحة

تحياتي يابو حارب وقواك الله
يعني على سبيل المثال :)

الله يقويك على طاعته




وانا اعناد موب تاركه النحاسه زين :tease:
براحتج :)


هههههههههههههههههههههههههههه

مالك حل
موضوعك في صلب المنتدى بكبره :tease:

المناحس اللي في حياتنا اكثر واكبر من المنتدى

المنتدى فيه مناحس خفيف خفيف

[سفير الدوحة]

عندي اثنين من الشباب من 5 سنين وهم مب على راي
لازم السالفه يناحسون فيها وما يكونون على راي

:)

[بومحمد المطاوعه]

المناحس اللي في حياتنا اكثر واكبر من المنتدى

المنتدى فيه مناحس خفيف خفيف

المنتدى فيه مناحس ثقيل ثقيل قصدك
مب خفيف خفيف

لاشك ان خارج المنتدى فيه مناحس ,,

مع اني مستغرب من سواقه في دبي والسواقه هني ف الدوحه ..

فرق مليون درجه

هناك ثقافه

هني مربط هجن

الا من رحم ربي ,,

[بوحارب]

عليكم السلام

يالنحيس

:)
هههههههههه

صباحوو جنون


لا يوجد طعم للحياة بدون مناحس .
يمكن :con2:

بس كثرته تسد النفس ياخي :(




اي بالله..ما يننسى..
لانه اسم ابدا مش على مسمى..
و نعم الرجل ابن ".....ــاب"
من الاعضاء اللي ترشيتهم يغيرون معرفهم..

فلم انجح..كما نجحت في مراشاتي مع "مشرفتنا
و اختنا الكبيرة/ الحياة الخالدة:)

الله يحله و يبيحه وين ما كان..
و يجمعنا و اياه و اياكم..
في مكان احسن من هالدنيا و ما فيها
*
*
،،


يصبحك بالنور..
يعني حتى مع "الكركيون" هنالك مناحس و نحيسون..
لا..هذولا مالهم حل..

بس المناحس يهون..
الغثى كله من "النحيس"..
عافانا الله من هكذا بلوه..

عموما يا بو حارب..
يقولون لك:
لولا المناحس و "النحيسين"
كان صكرت اغلب مكاتب "المحامين"

اي والله ونعم الرجل
تكفى ان واجهته بلغه سلامي :)
وأبدا الكلام ما ينطبق عليه ومب قصدي بس ذكرته:(


المهم

اي والله لولا المناحس
كان المحاميين الحين مفلسين يا عابر

اسعدني مرورك وصباحك اشطه وكرك :cool:

[يمامـة]

طبيعة تنرسخ في شخصيتهم فما يحسون بطعم الحياة الا لو ناحسوا في كل شي..

ومع هذا ترى حلو المناحس مرات يحسس بشعور حلو لما تناحس وتحصل اللي تبيه:telephone:

[ولد العرب]

المنتدى فيه مناحس ثقيل ثقيل قصدك
مب خفيف خفيف

لاشك ان خارج المنتدى فيه مناحس ,,

مع اني مستغرب من سواقه في دبي والسواقه هني ف الدوحه ..

فرق مليون درجه

هناك ثقافه

هني مربط هجن

الا من رحم ربي ,,

ابو محمد ياحبيبي المنتدى احسن من مليون منتدى على مستوى العالم
والله ومن ثم والله مافيه منحاس الله اعلم يمكنهم يقصدونك انت بالذات ياخي ماشوووفهم يناحسون عكسك :(

ياخي تزعلني انت :anger1:

[راجي الْعفو]

وعليكم السلام و رحمة الله و بركاته ..

مرحبا يالكتكوت المدلل ..

ذول الله يسلمك فيهم تعصب و يشوفون نفسهم ان اهم الصح و البقية مظيعين الطريج ..

الحل انهم يتقبلون الاراء اللي ممكن ان تقبل و يناقشونها ..

جاء عن علي بن أبي طالب رضي الله عنه :

اثنان ، احدهما لا يصلح الا بالتفرد ، و الاخر لا يصلح الا بالمشاركة :

الاول : الملك و الحكم


الثاني: الرأي




وأخيرا أقولك :

صباحك نحاسة!

[بومحمد المطاوعه]

ابو محمد ياحبيبي المنتدى احسن من مليون منتدى على مستوى العالم
والله ومن ثم والله مافيه منحاس الله اعلم يمكنهم يقصدونك انت بالذات ياخي ماشوووفهم يناحسون عكسك :(

ياخي تزعلني انت :anger1:

انزين وانا قلت شي ..؟

قلت الحقيقه الي نشوفها

اشفيك صاير دلوع وحساس وتقتبس كلامي بس

ترى كلنا نشوف ونعرف
شلي صاير

ومايهمني من يناحسني مدام اتكلم صح وفالحق
ماخاف من شي والحمدلله

شكرآ على صراحتك وجزاك الله خير

[ولد العرب]

انزين وانا قلت شي ..؟

قلت الحقيقه الي نشوفها

اشفيك صاير دلوع وحساس وتقتبس كلامي بس

ترى كلنا نشوف ونعرف
شلي صاير

ومايهمني من يناحسني مدام اتكلم صح وفالحق
ماخاف من شي والحمدلله

شكرآ على صراحتك وجزاك الله خير

:( انت فله والله

[بومحمد المطاوعه]

:( انت فله والله

اوك..

[ودي أكون]

ابو محمد ياحبيبي المنتدى احسن من مليون منتدى على مستوى العالم
والله ومن ثم والله مافيه منحاس الله اعلم يمكنهم يقصدونك انت بالذات ياخي ماشوووفهم يناحسون عكسك :(

ياخي تزعلني انت :anger1:

لا تحلف ان المنتدى مافيه مناحس :rolleyes2:

يالنحيس :secret:

[بوحارب]

يا جماعة الخير

انا ذكرت اكثر من مثال في حياتنا اليومية

ليش ركزتوا على المنتدى !!

ستوووووب عشان مايخترب الموضوع :waiting:

ولي عوده :o

[A-Alansari]

ياخي المناحس فله صراحه

انا شوي نحيس في بعض الامور لكن للوناسه بس

النحاسه لها لذة خاصه خصوصا لين تنتصر ههههه

[بوحارب]

عندي اثنين من الشباب من 5 سنين وهم مب على راي
لازم السالفه يناحسون فيها وما يكونون على راي

:)
احلى شي المناحس بين الشباب

تشوف فلم اكشن عالطبيعة هههههه

أسعدني تعليقك




المنتدى فيه مناحس ثقيل ثقيل قصدك
مب خفيف خفيف

لاشك ان خارج المنتدى فيه مناحس ,,

مع اني مستغرب من سواقه في دبي والسواقه هني ف الدوحه ..

فرق مليون درجه

هناك ثقافه

هني مربط هجن

الا من رحم ربي ,,
بالنسبة لمناحس السواقة

هذا النحيس اللي ماسك الخط السريع وما يبي يفتح

ياخي اغرب عن وجهي يالملغ crazy


طبيعة تنرسخ في شخصيتهم فما يحسون بطعم الحياة الا لو ناحسوا في كل شي..

ومع هذا ترى حلو المناحس مرات يحسس بشعور حلو لما تناحس وتحصل اللي تبيه:telephone:

الانتصار حلو

وتزيد حلاوته اذا كان بعد المناحس :)

صباحوو خالتو

[بوحارب]

وعليكم السلام و رحمة الله و بركاته ..

مرحبا يالكتكوت المدلل ..

ذول الله يسلمك فيهم تعصب و يشوفون نفسهم ان اهم الصح و البقية مظيعين الطريج ..

الحل انهم يتقبلون الاراء اللي ممكن ان تقبل و يناقشونها ..

جاء عن علي بن أبي طالب رضي الله عنه :

اثنان ، احدهما لا يصلح الا بالتفرد ، و الاخر لا يصلح الا بالمشاركة :

الاول : الملك و الحكم


الثاني: الرأي




وأخيرا أقولك :

صباحك نحاسة!
دررر دررر مستر راجي باشا :)

صباحك قبقب يعضك في صبعك الدب:(


ياخي المناحس فله صراحه

انا شوي نحيس في بعض الامور لكن للوناسه بس

النحاسه لها لذة خاصه خصوصا لين تنتصر ههههه

هلا عزوز

يعني انت تناحس فلان عشان ترفع ضغطه وتضحك عليه صح ههههه

ياخي كم انت شرير يا فتى :)

[بومحمد المطاوعه]

يا جماعة الخير

انا ذكرت اكثر من مثال في حياتنا اليومية

ليش ركزتوا على المنتدى !!

ستوووووب عشان مايخترب الموضوع :waiting:

ولي عوده :o

يالقااالي
لاني انا عايش في هالشي

قلت لك هني
وقلت لك عن الشارع
ف السيارات والسواقه ف دبي غير عن الدوحه


هالشيئين الي شفت النحاسه بالقو

[sweet qatar]

القليل من النحاسة ما تضر .. بالعكس تجذب :o

لكن النحيس الشرس مثل ما وصفته في موضوعك

هذا يرفع الضغط وينرفز ويخرب الجووو

مادري السالفة إثبات وجود أو دلع أو فراغة

الي يناحس ويحسب نفسه واو و أسد

أحب أقوله إنه قطو :)

[دااانة قطر]

بو حاارب .. ايش مفهوم النحاسة لو سمحت؟؟

[الحياة الخالدة]

السلام عليكم و رحمة الله
الرجاء مشكورين عدم إقحام المنتدى و سلوك الأعضاء في الموضوع
كي لا يُغلق

بوحارب جزاه الله خير يتكلم عن المناحس بشكل عام
و كذلك فعل معظم الأعضاء اللي استوعبوا الهدف من الموضوع

جزاكم الله خير لحسن تعاونكم

[عابر سبيل]

السلام عليكم و رحمة الله
الرجاء مشكورين عدم إقحام المنتدى و سلوك الأعضاء في الموضوع
كي لا يغلق الموضوع
بوحارب جزاه الله خير يتكلم عن المناحس بشكل عام
و كذلك فعل معظم الأعضاء اللي استوعبوا الهدف من الموضوع

جزاكم الله خير لحسن تعاونكم

فعلا...و انا اقترح..ان كان الطرح الاساسي و راعيه غير مشوشرين و الفكرة واضحة
و لا تؤذي احد بالمنتدى...
ان لا نُحرم نحن و هو من المواضيع الطيبة..
بسبب سوء فهم او تقدير البعض او ردودهم التي
تثير لغط..

تنبيه في محله..اتمنى ان يؤخذ من قبلنا كأعضاء..بسعة صدر..
و جزاكم الله خير يا مشرفي و ادارةالمنتدى

[بومحمد المطاوعه]

انا مستوعب الموضوع الحمدلله

وقلت المناحس ف الشارع اغبى منه مافي

وقلت سواقه دبي غير عن الدوحه
لاني صج صج
متبهدل مع مناحس الشوارع


بوحروب انت ماعندك مشكله ههههه فالمناحس
لعبتك

[عابر سبيل]

اي والله ونعم الرجل
تكفى ان واجهته بلغه سلامي :)
وأبدا الكلام ما ينطبق عليه ومب قصدي بس ذكرته:(


المهم

اي والله لولا المناحس
كان المحاميين الحين مفلسين يا عابر

اسعدني مرورك وصباحك اشطه وكرك :cool:

تدري..كنت ابي اكتب رد من اللي تحبه..
"معلقة" من 2000 كلمة..
بس قلت اخاف اطلع على جبدك علة..
و تصنقني اني مع النحاسة و النحيسين
"شلة"..

يا خي ..شلون تكتب مواضيع في كلمات قليلة..
علمني عشان اتعلم منك اصول
"النحاسة"

[بومحمد المطاوعه]

بالنسبة لمناحس السواقة

هذا النحيس اللي ماسك الخط السريع وما يبي يفتح

ياخي اغرب عن وجهي يالملغ crazy




اي والله هاي اخس حاله تمر علي
الله يهديهم بس

[عاشق العديد]

والله يابوحارب ..

انا ماعندي اي مشاكل ..

لكن الي يجي يبي يسوي شي بالغصب ..

يعني مثلا لف عليك بالغصب وبدون اشاره والله مايطلع لو فيها زلغ روز رايس ..
دق اشاره .. احترمني بخليك تمر تقطه بوجهي والله ادعمك .. عااادي ..

[بوحارب]

القليل من النحاسة ما تضر .. بالعكس تجذب :o

لكن النحيس الشرس مثل ما وصفته في موضوعك

هذا يرفع الضغط وينرفز ويخرب الجووو

مادري السالفة إثبات وجود أو دلع أو فراغة

الي يناحس ويحسب نفسه واو و أسد

أحب أقوله إنه قطو :)
سمعوا كلام سويت يالنحيسين تراها بتسميكم قطاوه عقب لحد يزعل:)

وقليل من النحاسه ما يضر :pic:


بو حاارب .. ايش مفهوم النحاسة لو سمحت؟؟
هو ذلك الشخصي الذي يمشي عكس السير في كل شي
ولا يقبل رأي احد الا رأيه نفسه فقط


هاه كيف الشرح تمام ولا !


السلام عليكم و رحمة الله
الرجاء مشكورين عدم إقحام المنتدى و سلوك الأعضاء في الموضوع
كي لا يُغلق

بوحارب جزاه الله خير يتكلم عن المناحس بشكل عام
و كذلك فعل معظم الأعضاء اللي استوعبوا الهدف من الموضوع

جزاكم الله خير لحسن تعاونكم
وعليكم السلام

شكرًا على التوضيح مديرتنا



انا مستوعب الموضوع الحمدلله

وقلت المناحس ف الشارع اغبى منه مافي

وقلت سواقه دبي غير عن الدوحه
لاني صج صج
متبهدل مع مناحس الشوارع


بوحروب انت ماعندك مشكله ههههه فالمناحس
لعبتك
الله يبعد عنك النحيسين والمناحس

وانا نحيس على خفيف خفيف بس هههههههه


والله يابوحارب ..

انا ماعندي اي مشاكل ..

لكن الي يجي يبي يسوي شي بالغصب ..

يعني مثلا لف عليك بالغصب وبدون اشاره والله مايطلع لو فيها زلغ روز رايس ..
دق اشاره .. احترمني بخليك تمر تقطه بوجهي والله ادعمك .. عااادي ..

انها العصبية يا ساده هههههههه

انا عكسك عادي عندي لو يطلع في وجهي بدون احترام
بس اهم شي ما يزلق الهدد حقتي والله انزله ببقسله :(

[بوحارب]

تدري..كنت ابي اكتب رد من اللي تحبه..
"معلقة" من 2000 كلمة..
بس قلت اخاف اطلع على جبدك علة..
و تصنقني اني مع النحاسة و النحيسين
"شلة"..

يا خي ..شلون تكتب مواضيع في كلمات قليلة..
علمني عشان اتعلم منك اصول
"النحاسة"

هههههههههههه

عيل زين ما كتبت رد طويل لاني كنت بسحب عليه ومب قاريهcrazy


طال عمرك انا من صغري امشي على قاعدة خير الكلام ما قل ودل

يعني بدون دورات ولا ورش عمل صرت أوصل المعلومة بكلمات معدودة

حرفنه هاه؟>>>> ويمكن بسبب قلة الخبرة والاسلوب كلامي قليل :(

يبيلك دورة عندي عابر سبيل صدقني اخلي مواضيعك اذا طولت تكون من اربع سطور بس :)

[.قطر.]

وعليكم السلام ورحمه الله وبركاته

انا يبط جبدي النحيس اللي اذا ييت بتدخل جدامه يشوفك بتدخل جدامه ويدعس :anger1:

[توشيبا]

انا صار لي خمس سنوات اتناحس مع واحد

لي اليوم

تقريبا في اليوم عشر مرات كذا نتناحس من غير النذاله

لاحياه الا بالمناحسه والاكشن

[وليف الشوق]

انا عجتني كلمة

زين وش استفدت يا أيها النحيس

وكلمة

اتركوا المناحس عنكم يا أيها النحيسون

ههههههههههههههههههههههههه

[حسن]

هلا هلا

بوحارب

الصراحه انا عدو النحاسه ودائما سمح واللي يقولي اقوله ان شاء الله
مرو علي شكثر ولا زاولو في فلكهم يسبحون
نحاسه غير شكل
روسهم يابسه من النحاسه

مر علي بكره ارويك النحيس على اصولها في الميلس
علشان طنقره بس يحرم نفسه من العشى طول الدهر

نحيس

احس ان النحاسه من الشيطان
هل توافقني الرؤيا ؟

:telephone:

[MirusS]

بوحمني دايما انطر مواضيعك ياخي دايما تكون فيها اثاره :omg:
جوف المناحس سلوك سيئ :omg: بس مش على الناحس على المنحوس عليه :omg:
انا كنت اناحس لما كنت صغير بس الحين لا :victory:

من اقسى مظاهر المناحس تطقطق القلم والاستاذ يشرح .. كنت بموت بسبتها :o

[العلياا]

عندي اخت نحيسه يصير فيها شي لو اتفقت معاي :(

اذا طلعت معاها ورحنا مكان جديد اقول لها سيدا
تقول لا يمين يا امي يمين مادري وين يوديج لا لا يمين صدقيني

:)

[وليف الشوق]

لكن انا ادقق على المناحس في الشارع وكثرتها هالايام وانتم تشوفون الوضع الحاصل
انا ابي ابفهم اللي يناحس بالشارع اهو اصلا مالك الشارع و شاريه من حلاله ؟
اللي ابيه جواب واحد فقط هل الشارع ملك عام ولا ملك خاص ؟
اذا ملك خاص انا ماراح اتكلم ولا راح اتعدى على املاك الغير
لكن اذا الشارع ملك عام للمواطن والمقيم فمن حقي اني اتخذ اجراء قانوني ضد المعتدي علي بالشارع واخلي القانون ياخذ مجراه ان كان الحق لي او علي
واحنا مش في غابه وتحكنا قوانين وفي عداله وقاون ياخذ مجراه وفي هالزمن القوة ماتجوز وهناك جهات اخرى تاخذ حقك
والخيار الاول لك ان كان تسامح المعتدي عليك او تتخذ اي اجراء قانوني ضده
وانا مرة من المرات تحرش فيني واحد وقام يناحسني في الشارع مع انه غلطان 100% وبعدين وقفته وتفاهمت معاه لكن للاسف لقيت ان عمره بحدود الـ 20 سنه ودلوع وكان يقول لي اسف كنت العب في الجوال وماقصدت ان اناحسك ؟ في هالحاله وش تعتقدون اسوي معاه اذا اهله مدلعينه وماعلموه انه يحترم الناس او القانون

[بوحارب]

وعليكم السلام ورحمه الله وبركاته

انا يبط جبدي النحيس اللي اذا ييت بتدخل جدامه يشوفك بتدخل جدامه ويدعس :anger1:
يحسب نفسه شاطر اذا ناحس بالطريقة هذي :)


انا صار لي خمس سنوات اتناحس مع واحد

لي اليوم

تقريبا في اليوم عشر مرات كذا نتناحس من غير النذاله

لاحياه الا بالمناحسه والاكشن
ههههههههههه

عشر مرات شوي وعادي أهم شي مستانسين

انا عجتني كلمة

زين وش استفدت يا أيها النحيس

وكلمة

اتركوا المناحس عنكم يا أيها النحيسون

ههههههههههههههههههههههههه

:oops::funny:

[دااانة قطر]

هو ذلك الشخصي الذي يمشي عكس السير في كل شي
ولا يقبل رأي احد الا رأيه نفسه فقط

هاه كيف الشرح تمام ولا !



هي تمااام


اشوفه تماام في حدود

[.قطر.]

يحسب نفسه شاطر اذا ناحس بالطريقة هذي :)

::::

لا والمشكله يكون ماشي 40 مثلا ومافي حد جدامه وانت بتدخل يصير لك طياره بس ماتدخل جدامه :omg:

[بوحارب]

هلا هلا

بوحارب

الصراحه انا عدو النحاسه ودائما سمح واللي يقولي اقوله ان شاء الله
مرو علي شكثر ولا زاولو في فلكهم يسبحون
نحاسه غير شكل
روسهم يابسه من النحاسه

مر علي بكره ارويك النحيس على اصولها في الميلس
علشان طنقره بس يحرم نفسه من العشى طول الدهر

نحيس

احس ان النحاسه من الشيطان
هل توافقني الرؤيا ؟

:telephone:
هلا هلا مدير

توني اقول في نفسي وينه معرسنا مختفي!؟!:)

لاحظت عليك والله والرؤيا صحيحه 100%

الشباب في المجلس يصارخون وهواش وحلف وسب وانت تطقطق عالاب وترد عليهم بكل هدوووووء

يعجبني الأنسان البارد في الوقت اللي الناس فيه معصبه

بكرة ربوع نبي نروح نقصف القباقب;)



بوحمني دايما انطر مواضيعك ياخي دايما تكون فيها اثاره :omg:
جوف المناحس سلوك سيئ :omg: بس مش على الناحس على المنحوس عليه :omg:
انا كنت اناحس لما كنت صغير بس الحين لا :victory:

من اقسى مظاهر المناحس تططق القلم والاستاذ يشرح .. كنت بموت بسبتها :o

ياخي أحرجتني :) ههههه

زين انك وقفت مناحس

بس حركة القلم هذي ماله داعي
انا قريت السالفة وقفلت!
عيل وش كان شعور المدرس ههههههه

أشكرك على هيك مرور فايبر

[حسن]

جايلك جايلك

شوف ولد العرب وش يسوي رايح حق بوذيب يتنشد وين راح

خخخخخخ

تعال بوالذيب النحيس العود بعد وحمد
مع مشيته

وايد

[بوحارب]

عندي اخت نحيسه يصير فيها شي لو اتفقت معاي :(

اذا طلعت معاها ورحنا مكان جديد اقول لها سيدا
تقول لا يمين يا امي يمين مادري وين يوديج لا لا يمين صدقيني

:)
هذي الحاله يسمونها أوم النحاسه

وهو الشخص اللي يكون صامل على رأيه وهو غير عارف شنو قدّامه!!crazy

الله يعينج عليها ;) ويخليكم لبعض


لكن انا ادقق على المناحس في الشارع وكثرتها هالايام وانتم تشوفون الوضع الحاصل
انا ابي ابفهم اللي يناحس بالشارع اهو اصلا مالك الشارع و شاريه من حلاله ؟
اللي ابيه جواب واحد فقط هل الشارع ملك عام ولا ملك خاص ؟
اذا ملك خاص انا ماراح اتكلم ولا راح اتعدى على املاك الغير
لكن اذا الشارع ملك عام للمواطن والمقيم فمن حقي اني اتخذ اجراء قانوني ضد المعتدي علي بالشارع واخلي القانون ياخذ مجراه ان كان الحق لي او علي
واحنا مش في غابه وتحكنا قوانين وفي عداله وقاون ياخذ مجراه وفي هالزمن القوة ماتجوز وهناك جهات اخرى تاخذ حقك
والخيار الاول لك ان كان تسامح المعتدي عليك او تتخذ اي اجراء قانوني ضده
وانا مرة من المرات تحرش فيني واحد وقام يناحسني في الشارع مع انه غلطان 100% وبعدين وقفته وتفاهمت معاه لكن للاسف لقيت ان عمره بحدود الـ 20 سنه ودلوع وكان يقول لي اسف كنت العب في الجوال وماقصدت ان اناحسك ؟ في هالحاله وش تعتقدون اسوي معاه اذا اهله مدلعينه وماعلموه انه يحترم الناس او القانون

والله يا وليف السواقة فن وذوق واخلاق
وهالشي يفتقدونه كثير من السائقين
وخاصة اللي جايين من برى !

وأما هالدلوع عذره باااايخ شنو كنت العب فالجوال!
وين اصرفها له!؟

[بوحارب]

هي تمااام


اشوفه تماام في حدود
;)




لا والمشكله يكون ماشي 40 مثلا ومافي حد جدامه وانت بتدخل يصير لك طياره بس ماتدخل جدامه :omg:
هههههههه مريض هذا الله لا يبلانا :(


جايلك جايلك

شوف ولد العرب وش يسوي رايح حق بوذيب يتنشد وين راح

خخخخخخ

تعال بوالذيب النحيس العود بعد وحمد
مع مشيته

وايد

هههههههههههه

اما حمد عليه مشيه يخليك تقوم من سابع نومه :(

[MirusS]

ياخي أحرجتني :) ههههه

زين انك وقفت مناحس

بس حركة القلم هذي ماله داعي
انا قريت السالفة وقفلت!
عيل وش كان شعور المدرس ههههههه

أشكرك على هيك مرور فايبر

قصدي اطقطق زر القلم مب اطقه هو بالقلم هههههههههه

[رهج السنابك]

كن نحيساً ترى الوجود جميلاً

[بن غيث]

المناحس ... يدل على عدم التفكير بشكل جيد
والله يهدي الجميع ..

[الجـــوديّ]

موضوع كيوت .. بس النحيسين مب كيوت

ويحطون نفسهم في مواقف بايخــــــه ... يخلونا نضحك عليهم عقوبة :p

[النهار]

ياخي انا من يوم استويت نحيس وملغ ايش اسوي هههههه هذي جينات يتوارثها الانسان

[مشـــــاعر]

.


عن نفسي أحب آإلمناحس هآآآآآآآآآآآآآآآآآآآآآآآآآآآآآآآآآآآآآآلقد :nice:
خآإصة النآإس إللي يستاهلون آإلمناحس . .

[Charisma]

مرحبا اخوي بو حارب ..


النحاسه طبع عند الأغلبيه .. حتى لو انكرنا هالشيء .. فهو موجود في تعاملاتنا .. وبشكل متفاوت من شخص لاخر ..

البعض يناحس لجل يثبت انه "الصح" دايما ..

البعض يناحس من باب "الكراهيه" والعداوه..

البعض يناحس لجل يوصل درس او "رساله" خصوصا لو الطرف الاخر " تمادى " في موقف معين.




بالاخير مثل هالتصرفات تحكمها ظروف واسباب ولانقدر نحكم على شخص انه "نحيس" من موقف واحد او اثنين .. واتفق معاك ان البعض وصلت عندهم النحاسه مرحله "متقدمه" .. وصار طبع متأصل في حياته اليوميه .. وسبحان الله اغلب هالنوعيه تلقاهم من أهل الـ / كبر والغرور والتعالي .


*وجهة نظر

[بوحارب]

قصدي اطقطق زر القلم مب اطقه هو بالقلم هههههههههه
اهاااا هههههههههه
حركة مزعجة من قلب ياخي هههه



كن نحيساً ترى الوجود جميلاً
اللي اعرفه كن جميلاً ترى الوجود جميلا !


المناحس ... يدل على عدم التفكير بشكل جيد
والله يهدي الجميع ..
يمكن والله العالم ؟

[بوحارب]

موضوع كيوت .. بس النحيسين مب كيوت

ويحطون نفسهم في مواقف بايخــــــه ... يخلونا نضحك عليهم عقوبة :p
يعني نفس ما قال عادل امام
بتحطو نفسكو في مواقف بايخااااااه :)


ياخي انا من يوم استويت نحيس وملغ ايش اسوي هههههه هذي جينات يتوارثها الانسان

يعني واحد يتريق من قهوة حمود
وش بيطلع!!

اكيد نحيس يعني:(

[حسن]

اكثر شعب في نحاسه

احنا

كلشي يبون يناحسون فيه

صج لين قالو دش في النار قال حطبها خظر

انت وش عليك

نحيس

[bohilal191]

ياريال المناحس عند البعض شي مقدس ويبطون كبد الواحد ،،والله يعينا

سنفروا بنحاستكم

[مختلفة عقليا]

السلام عليكم

لاحظت وايد عندهم سوء فهم للنحيس ., في فرق بين العنيد اللي يصر علي رايه او افكاره والنحيس اللي يتعمد ينرفز اللي قدامه لاي سبب

انا اتوقع اللي يناحس الكل عنده مشكله مع نفسه لازم ينتبه لها .,

لان الانسان المستقر دايما يبحث عن الهدوء النفسي ., والعلاقات المتزنه

بعيد عن التوتر له وللي حوله ., بعيد عن اذاء الاشخاص والمشاعر .,

الله يشفيهم .,

ويسلموو

[حليتان*]

النحاسه كنز لا يفنى


بو حروووب تحبني ولا تحب الدراهم ؟

[ولد العرب]

انا ياخووان عندي النحيس هو نفس الحسود الحقود

ماعمره حب الخير لاحد

[بومحمد المطاوعه]

انا ياخووان عندي النحيس هو نفس الحسود الحقود

ماعمره حب الخير لاحد

اتق الله ,,

فرق بين هذي وهذاك

في ناس فيهم حسد ولكن مب نحيس وفي ناس نحيسين ولكن فالخير سباقين ..

لاتربط الاثنين ف بعض

[ولد العرب]

اتق الله ,,

فرق بين هذي وهذاك

في ناس فيهم حسد ولكن مب نحيس وفي ناس نحيسين ولكن فالخير سباقين ..

لاتربط الاثنين ف بعض

اتق الله في ايش يابومحمد
ماغلطت بشي
الا كلهم في خانه وحده وش اللي حاده يناحس بالله حسد ولا حقد
بنفس الوقت ليه ماسمح له ولا خلا قلبه سمح وطيبه
الا كلهم قالب واحد وابصم لك بالعشره

ولا فيه فرق يابومحمد
النحيس وصخ ومن اوصخ الكائنات البشريه لما يسبب من اضرار

[بومحمد المطاوعه]

اتق الله في ايش يابومحمد
ماغلطت بشي
الا كلهم في خانه وحده وش اللي حاده يناحس بالله حسد ولا حقد
بنفس الوقت ليه ماسمح له ولا خلا قلبه سمح وطيبه
الا كلهم قالب واحد وابصم لك بالعشره

ولا فيه فرق يابومحمد
النحيس وصخ ومن اوصخ الكائنات البشريه لما يسبب من اضرار

عاد ماندري ليش يناحس

يمكن مريض ,,
يمكن فيه بلا ,,
يمكن انسان فيه عقده نفسيه

يعني تظن الأنسان الي صاحي يناحس ,,.؟

مافي انسان صاحي يناحس
ياعصبي
يا مريض
يا فيه شي في اعصابه

ندعو الله ان يشفيهم ,.,

ليش نوصفهم بالوصاخه .,.

مايجوز ياشيخ

[ولد العرب]

عاد ماندري ليش يناحس

يمكن مريض ,,
يمكن فيه بلا ,,
يمكن انسان فيه عقده نفسيه

يعني تظن الأنسان الي صاحي يناحس ,,.؟

مافي انسان صاحي يناحس
ياعصبي
يا مريض
يا فيه شي في اعصابه

ندعو الله ان يشفيهم ,.,

ليش نوصفهم بالوصاخه .,.

مايجوز ياشيخ

يه
النحس صفه حالها حال الحسد والحقد هل بعد مريض مبتلاء
يعني النحيس لو انه يخاف الله ماسبب المشاكل لخلق الله بالطريق وبكل مكان مجرد انه نحيس ولا يحب الخير للناس

[بومحمد المطاوعه]

يه
النحس صفه حالها حال الحسد والحقد هل بعد مريض مبتلاء
يعني النحيس لو انه يخاف الله ماسبب المشاكل لخلق الله بالطريق وبكل مكان مجرد انه نحيس ولا يحب الخير للناس


اكيد ابتلاء من الله لاشك في هذا الأمر ,,
في حد يمشي بدون امر الله ,,.؟

صح كلامك لو يخاف الله ماسبب المشاكل لخلق الله ..
ونحن مانعلم ليش اهو نحيس ,,

ترى الاعصاب لها دور

اذا الواحد عصبي
بتشوفه مناحس

ف احمد الله على الابتلاء
كل هذا ابتلاء
الحسد والنحاسه الصحه العافيه
كلها امر من الله تعالى

مانقول غير الحمدلله والشكر على النعمه والصحه والعقل

وندعي لهم بالهدايه ...

[دااانة قطر]

انزين الحين اذا وحدة تناحسني ما اناحسها عشاان ماصير مريضة نفسية مثلا ؟؟

[بومحمد المطاوعه]

انزين الحين اذا وحدة تناحسني ما اناحسها عشاان ماصير مريضة نفسية مثلا ؟؟

ليش تناحسينها اصلآ

خلاص خليها تحترق اعصابها
وصيري احسن منها

يعني تخيلي مثلآ
ناحستج فالشارع
بتروحين بتناحسينها
يمكن صار حادث لاسمح الله
يمكن صار شي

شالفايده عقب ,,..؟

الندم والحسره
خلاص غيري دربج وخليها تموت قهر

[ولد العرب]

انزين الحين اذا وحدة تناحسني ما اناحسها عشاان ماصير مريضة نفسية مثلا ؟؟

هذا الحسد ياختي حقد اعوذ بالله
نحاسه ايش سببها معروف هالشي مهب شرط مريض نفسي
الا اوصخ خلق الله هالنحيس الا لايحطه قدامي

[بومحمد المطاوعه]

هذا الحسد ياختي حقد اعوذ بالله
نحاسه ايش سببها معروف هالشي مهب شرط مريض نفسي
الا اوصخ خلق الله هالنحيس الا لايحطه قدامي

ابتلاااااااااء من الله
احمد ربك على النعمه

حسد وحقد على شنو
هههههههههه
اشدخل النحاسه فالحقد ,,.؟

يعني الحين لو انت ماشي فالدرب ولف عليك مناحس
اشدخل حاسدك على الشارع مثلآ
اهو يمشي على نفس الشارع ووين الحسد ,.,.؟

قصدك نحيس اي
ملغ اي
يستهبل اي
بس حسد وحقد ههههههه
ماتركب ابد

[دااانة قطر]

ليش تناحسينها اصلآ

خلاص خليها تحترق اعصابها
وصيري احسن منها

يعني تخيلي مثلآ
ناحستج فالشارع
بتروحين بتناحسينها
يمكن صار حادث لاسمح الله
يمكن صار شي

شالفايده عقب ,,..؟

الندم والحسره
خلاص غيري دربج وخليها تموت قهر

الا الشاارع .. انا ما انااحس فيه ابي عمري بنااتي يبوني امي تبيني الله يحفظهم





غير الشاارع .. انا اقصد في المور الثاانيه



في امثلة وااايد
مثلا وحدة تتناحس معااي على شغلااات في مجاال العمل
اذا انا ماناحستها راحت علي الترقياات والكورساات وغيره

[بومحمد المطاوعه]

الا الشاارع .. انا ما انااحس فيه ابي عمري بنااتي يبوني امي تبيني الله يحفظهم





غير الشاارع .. انا اقصد في المور الثاانيه



في امثلة وااايد
مثلا وحدة تتناحس معااي على شغلااات في مجاال العمل
اذا انا ماناحستها راحت علي الترقياات والكورساات وغيره

كلها في دائره النحاسه ,.,

ف الاحسن توكلين امرج لله تعالى والي الله كاتبه بيصير على اكبر راس كان ,,
ماعليج من الترقيات والدرجات مب ف يد المدير ..

كلها ف يد الله تعالى

[ولد العرب]

ابتلاااااااااء من الله
احمد ربك على النعمه

حسد وحقد على شنو
هههههههههه
اشدخل النحاسه فالحقد ,,.؟

يعني الحين لو انت ماشي فالدرب ولف عليك مناحس
اشدخل حاسدك على الشارع مثلآ
اهو يمشي على نفس الشارع ووين الحسد ,.,.؟

قصدك نحيس اي
ملغ اي
يستهبل اي
بس حسد وحقد ههههههه
ماتركب ابد


سؤال يابومحمد من ايش طلع النحاسه ايش سببها بالله

[دااانة قطر]

ابتلاااااااااء من الله
احمد ربك على النعمه

حسد وحقد على شنو
هههههههههه
اشدخل النحاسه فالحقد ,,.؟

يعني الحين لو انت ماشي فالدرب ولف عليك مناحس
اشدخل حاسدك على الشارع مثلآ
اهو يمشي على نفس الشارع ووين الحسد ,.,.؟

قصدك نحيس اي
ملغ اي
يستهبل اي
بس حسد وحقد ههههههه
ماتركب ابد

مع ردك في مفهوم النحااسة

[دااانة قطر]

كلها في دائره النحاسه ,.,

ف الاحسن توكلين امرج لله تعالى والي الله كاتبه بيصير على اكبر راس كان ,,
ماعليج من الترقيات والدرجات مب ف يد المدير ..

كلها ف يد الله تعالى



والنعم بالله
بس ماقتنعت بردك هني
والترقية اللي استحقها بداية هالشهر بطلعها من عيونهم
مو انا اشتغل وانكرف وحقي يتاخر عشاان حقد غيري علي
ماضااع حق ورااه مطاالب
ومو انا اللي اسكت عن حقي
والله عالظاالم وعلى من كاان السبب في التأخير

[بومحمد المطاوعه]

سؤال يابومحمد من ايش طلع النحاسه ايش سببها بالله

الحسد
والحقد
مثل ماذكرت ..

ولكن ليش نقدس هالشي ,,..؟

هل في فالاسلام كلمه النحس , او النحاسه .,


كلها خرافات هذي

في حسد في الأسلام ومذكوره الأدله

ولكن النحس هذي كلها تأليف بشري

[بومحمد المطاوعه]

والنعم بالله
بس ماقتنعت بردك
والترقية اللي استحقها بداية هالشهر بطلعها من عيونهم
مو انا اشتغل وانكرف وحقي يتاخر عشاان حقد غيري علي
ماضااع حق ورااه مطاالب
ومو انا اللي اسكت عن حقي
والله عالظاالم وعلى من كاان السبب في التأخير

الله يفرج همج
ولاتخافين
حقج موجود بأذن الله

المولى جل جلاله تكفّل بضمان أرزاق جميع الكائنات حيث قال جل شأنه:
(( وَمَا مِنْ دَابَّةٍ فِي الأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ))[هود:6]

وقال جل شأنه: (( وَفِي السَّمَاءِ رِزْقُكُمْ وَمَا تُوعَدُونَ ))[الذاريات:22

اطمئني لهذه الناحية واعلمي أنه إذا كان لك نصيب ورزق فلا يمكن لأحدٍ أن يمنعه عنك مهما كان
فالمولى جل جلاله قد قدّر المقادير وقسّم الأرزاق قبل خلق السماوات والأرض بخمسين ألف سنة

فنصيبك سوف يأتيك مهما طال الزمن وتأكدي من المولى بأنه لم ولن ينساك أبداً، حتى الكافر الذي يعبد غيره يرزقه سبحانه ولا يحرمه ولا ينساه
فهل يُعقل أن ينساك أختي وأنت الموحدة المؤمنة المصلية المحبة له ولرسوله صلى الله عليه وسلم؟

هذا مستحيل قطعاً ولكنها مسألة وقت ورزقك موجود في خزائن الله وما عليك إلا السعي والأخذ بالأسباب
ودعي النتائج للمولى سبحانه وتعالى
وليست المسألة مسألة حظ كما تقولين
وإنما هي أقدار مقدرة
وأرزاق مقسّمة ليس فيها تخمين ولا توقعات ولا عشوائية

فاجتهدي في الطاعة والعبادة أكثر وأكثر واستغلي أوقات فراغك قدر الاستطاعة في القرب من الله
وتأكدي أن هذا سوف يسهّل لك الأمر
ويكون سبباً في قضاء حاجتك لأن ما عند الله لا يصل إليه العبد إلا بطاعة الله ورضاه
وكلما كان العبد أكثر طاعة كلما كان إكرام الله له أحسن وأفضل وأوسع من غيره
فاجتهدي في الطاعة وأكثري من الدعاء ,, وإياك والملل أو اليأس أو القنوط ,, وإنما كوني دائماً متفائلة
واعلمي أنها مسألة وقت
واعلمي (أن النصر مع الصبر، وأن الفرج مع الكرب، وأن مع العسر يسراً)

[دااانة قطر]

الله يفرج همج
ولاتخافين
حقج موجود بأذن الله

المولى جل جلاله تكفّل بضمان أرزاق جميع الكائنات حيث قال جل شأنه:
(( وَمَا مِنْ دَابَّةٍ فِي الأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ))[هود:6]

وقال جل شأنه: (( وَفِي السَّمَاءِ رِزْقُكُمْ وَمَا تُوعَدُونَ ))[الذاريات:22

اطمئني لهذه الناحية واعلمي أنه إذا كان لك نصيب ورزق فلا يمكن لأحدٍ أن يمنعه عنك مهما كان
فالمولى جل جلاله قد قدّر المقادير وقسّم الأرزاق قبل خلق السماوات والأرض بخمسين ألف سنة

فنصيبك سوف يأتيك مهما طال الزمن وتأكدي من المولى بأنه لم ولن ينساك أبداً، حتى الكافر الذي يعبد غيره يرزقه سبحانه ولا يحرمه ولا ينساه
فهل يُعقل أن ينساك أختي وأنت الموحدة المؤمنة المصلية المحبة له ولرسوله صلى الله عليه وسلم؟

هذا مستحيل قطعاً ولكنها مسألة وقت ورزقك موجود في خزائن الله وما عليك إلا السعي والأخذ بالأسباب
ودعي النتائج للمولى سبحانه وتعالى
وليست المسألة مسألة حظ كما تقولين
وإنما هي أقدار مقدرة
وأرزاق مقسّمة ليس فيها تخمين ولا توقعات ولا عشوائية

فاجتهدي في الطاعة والعبادة أكثر وأكثر واستغلي أوقات فراغك قدر الاستطاعة في القرب من الله
وتأكدي أن هذا سوف يسهّل لك الأمر
ويكون سبباً في قضاء حاجتك لأن ما عند الله لا يصل إليه العبد إلا بطاعة الله ورضاه
وكلما كان العبد أكثر طاعة كلما كان إكرام الله له أحسن وأفضل وأوسع من غيره
فاجتهدي في الطاعة وأكثري من الدعاء ,, وإياك والملل أو اليأس أو القنوط ,, وإنما كوني دائماً متفائلة
واعلمي أنها مسألة وقت
واعلمي (أن النصر مع الصبر، وأن الفرج مع الكرب، وأن مع العسر يسراً)

جزااك الله خير أخوي بومحمد
والله يجزيك خير ويباارك فيك ومن يعز عليك

[بومحمد المطاوعه]

جزااك الله خير أخوي بومحمد
والله يجزيك خير ويباارك فيك ومن يعز عليك

اللهم امين وياج يارب ,,

الله يرحم والديج
ماقصرتي بارك الله فيج
وربي يكتب لج الخير ان شاءالله قريبآ

[بوحارب]

.


عن نفسي أحب آإلمناحس هآآآآآآآآآآآآآآآآآآآآآآآآآآآآآآآآآآآآآآلقد :nice:
خآإصة النآإس إللي يستاهلون آإلمناحس . .
راحت عليهم والله يعينهم عليج هههههه :(


مرحبا اخوي بو حارب ..


النحاسه طبع عند الأغلبيه .. حتى لو انكرنا هالشيء .. فهو موجود في تعاملاتنا .. وبشكل متفاوت من شخص لاخر ..

البعض يناحس لجل يثبت انه "الصح" دايما ..

البعض يناحس من باب "الكراهيه" والعداوه..

البعض يناحس لجل يوصل درس او "رساله" خصوصا لو الطرف الاخر " تمادى " في موقف معين.




بالاخير مثل هالتصرفات تحكمها ظروف واسباب ولانقدر نحكم على شخص انه "نحيس" من موقف واحد او اثنين .. واتفق معاك ان البعض وصلت عندهم النحاسه مرحله "متقدمه" .. وصار طبع متأصل في حياته اليوميه .. وسبحان الله اغلب هالنوعيه تلقاهم من أهل الـ / كبر والغرور والتعالي .


*وجهة نظر
وجهة نظر جميلة جدن جدن جداااا :)


اكثر شعب في نحاسه

احنا

كلشي يبون يناحسون فيه

صج لين قالو دش في النار قال حطبها خظر

انت وش عليك

نحيس
ههههههههههههه

نحيس كبير


ياريال المناحس عند البعض شي مقدس ويبطون كبد الواحد ،،والله يعينا

سنفروا بنحاستكم

الله يعين :)

[بوحارب]

السلام عليكم

لاحظت وايد عندهم سوء فهم للنحيس ., في فرق بين العنيد اللي يصر علي رايه او افكاره والنحيس اللي يتعمد ينرفز اللي قدامه لاي سبب

انا اتوقع اللي يناحس الكل عنده مشكله مع نفسه لازم ينتبه لها .,

لان الانسان المستقر دايما يبحث عن الهدوء النفسي ., والعلاقات المتزنه

بعيد عن التوتر له وللي حوله ., بعيد عن اذاء الاشخاص والمشاعر .,

الله يشفيهم .,

ويسلموو
وعليكم السلام

عجبتني سالفة الهدوء النفسي :o


النحاسه كنز لا يفنى


بو حروووب تحبني ولا تحب الدراهم ؟
احب الدراهم بالراحة

وما يمنع اني احوبك شوي :)


انا ياخووان عندي النحيس هو نفس الحسود الحقود

ماعمره حب الخير لاحد
ماظن !!

النحيس يعاندك
اما الحسود ما يتمنى لك الخير


انزين الحين اذا وحدة تناحسني ما اناحسها عشاان ماصير مريضة نفسية مثلا ؟؟

ولد المطاوعة ماقصر بالتوضيح ولكم جزيل الشكر على الحوار
بس ماقريت شي لان الردود طويلة :(

[الحياة الخالدة]

البعض يناحس لمجرد المناحس
يعني مب شرط أنه شرير أو سيء

قد تكون عنده رسالة يبي يوصلها لشخص يحبه من غير ما يجرحه أو يتسبب في مشاكل معاه

المناحس من الناس اللي تحبهم ممكن يكون حلو

[حسن]

ماعتقد مافينا نحيس ابدا

حتى انا اناحس المره أحيانا

أذكر يوم صغير كنت حنان وأخبر امي ضربتني بلوح وصاد طرف عيني ونزل فيها دم
وصحت واشتكيت لأبي وأخبر ابوي هاوشها مادري سبها وانا استانست
لكن الحين بعد الكبر لما أتذكر الموقف أتألم على امي
ولو تبط عيوني الثنتين ماشتكيت عليها لحد

الله يرحمهم جميعا

:weeping:

[بوحارب]

البعض يناحس لمجرد المناحس
يعني مب شرط أنه شرير أو سيء

قد تكون عنده رسالة يبي يوصلها لشخص يحبه من غير ما يجرحه أو يتسبب في مشاكل معاه

المناحس من الناس اللي تحبهم ممكن يكون حلو
تحليل بسيط وجميل وهادئ ويدخل العقل

أشكرك مشرفتنا العزيزة على الأضافة الجميلة :)


ماعتقد مافينا نحيس ابدا

حتى انا اناحس المره أحيانا

أذكر يوم صغير كنت حنان وأخبر امي ضربتني بلوح وصاد طرف عيني ونزل فيها دم
وصحت واشتكيت لأبي وأخبر ابوي هاوشها مادري سبها وانا استانست
لكن الحين بعد الكبر لما أتذكر الموقف أتألم على امي
ولو تبط عيوني الثنتين ماشتكيت عليها لحد

الله يرحمهم جميعا

:weeping:

الله يغفرلها ويجعل مثواها الجنة يارب

ملاحظ عليك تروح وترد على الموضوع حسن
مع انك انسان مب نحيس كلش كلش كلش

ياخي أغبطك على هالصفة الجميلة اللي فيك :):(

ووولكم باك لديرتك يالمدير

[بـارود]

يقولك اثبتت الدراسات أن النحاسه عند اليهال تدل على قوة الشخصية
البعض يعيش دور الطفل بتفكيره وطريقة تعامله وتصرفه مع الأمور

[بوحارب]

يقولك اثبتت الدراسات أن النحاسه عند اليهال تدل على قوة الشخصية
البعض يعيش دور الطفل بتفكيره وطريقة تعامله وتصرفه مع الأمور

Like :thumbup1:

[عثرة جواد]

السلام عليكم

اااه من النحاااسة اعرف 2 يموتون ف شي اسمة نحاسة

ف كل شي يتناحسون بس فديتهم ف وقت الصفاء يتمون يضحكون ع حركاتهم

بس بسالك بو حارب ... اشرايك ف مناحسة الانسان لنفسة ...

عساك ع القوة

[بوحارب]

السلام عليكم

اااه من النحاااسة اعرف 2 يموتون ف شي اسمة نحاسة

ف كل شي يتناحسون بس فديتهم ف وقت الصفاء يتمون يضحكون ع حركاتهم

بس بسالك بو حارب ... اشرايك ف مناحسة الانسان لنفسة ...

عساك ع القوة

وعليكم السلام

عجيبين هالنفرين :o

بالنسبة للي يناحس نفسه شخص متردد زيادة عن اللازم

اتوقع هالشي اللي خلاه يناحس حاله :pic:

[عثرة جواد]

وعليكم السلام

عجيبين هالنفرين :o

بالنسبة للي يناحس نفسه شخص متردد زيادة عن اللازم

اتوقع هالشي اللي خلاه يناحس حاله :pic:

ممكن بس ف ناس يشوفون مناحسة النفس من باب الترويض ويخليها تنقاد
:)

[بوحارب]

ممكن بس ف ناس يشوفون مناحسة النفس من باب الترويض ويخليها تنقاد
:)

عاد ما لقى الا يروض نفسه !؟

هذا شخص ضعيف من وجهة نظري البسيطة #_#

[حسن]

عاد ما لقى الا يروض نفسه !؟

هذا شخص ضعيف من وجهة نظري البسيطة #_#

من نزلت موضوعك يابوحارب انتشرت وزادت النحاسه

لايكون فيروس انت قاعد تنزله وتنشره

الله يكفينا شر النحاسه

قولو امين

:)

[نور الحور]

شكرا بو حارب على الموضوع الكيوت :nice:

النحاسه او العناد .. وان الواحد يصير دايما خلف خلاف

وعكس التيار يعني كطبع دائم مو مرات معدودة نتيجة غضب مثلا

او سوء مزاج .. او انتصار لفكرة مقتنع فيها صج

لو كنت تتكلم عن طبع فهو بالفعل مشكلة .. وعرض غير سوي من اعراض

الشخصية ..لان الشخصية السوية لا يمكن ان تمارس العناد والمكابرة بغرض العناد نفسه !

المناحس بهالصورة دليل على وجود اضطراب معين لابد من البحث عن اسبابه ..

وعلى فكرة بو حارب .. احيانا المناحس يظهر على صورة جدال عقيم

او يعكس رغبة غير سوية في الظهور المختلف عن الاخرين

ليس من منطلق التميز الايجابي .. ولكن بغرض الاختلاف عن البقية

ولو كانوا على حق !

والنحاسة بهالمفهوم ابتليت بها بعض الاقوام التي انكرت رسالات الرسل

فهناك من رفض الدعوة والرسالة التي اتي بها نبي من الانبياء فقط بغرض العناد والمناحس ..

مع انه يعلم بقرارة نفسه انه الحق !

الله يبعد عنا النحاسة والمناحس ..

وما اجمل ان يكون الانسان هينا لينا رفيقا .. حكيما في تصرفه

غير تصادمي .. يلتزم بمبادئه ويتمسك ويدافع عن ارائه لكن من غير جدال

ولا مناحس ولا مكابرة للحق


تسلم بوحارب مرة ثانية للموضوع

[الجني]

اعتقد ان النحيس مريض نفسياً
عنده عقدة الـ "أنا" كبيرة
و مهزوم من الداخل و يداري هزيمته بنحاسه
و كئيب لأنه انتقامي بطبيعته
فهو لا يقبل ان يكون اقل من غيره
و نرجسي يعشق نفسه

لذا نقول " الحمد لله الذي عافانا مما ابتلاك به و فضلنا على كثير ممن خلق تفضيلا

[راعي ارقام]

والله ذكرتني بواحد اذا قلت له شي قال مستحيل مايصير !! واذا سمع السالفه من طرف ثاني صدقها !!

[بوحارب]

من نزلت موضوعك يابوحارب انتشرت وزادت النحاسه

لايكون فيروس انت قاعد تنزله وتنشره

الله يكفينا شر النحاسه

قولو امين

:)
هههههههههه

امين :)


شكرا بو حارب على الموضوع الكيوت :nice:

النحاسه او العناد .. وان الواحد يصير دايما خلف خلاف

وعكس التيار يعني كطبع دائم مو مرات معدودة نتيجة غضب مثلا

او سوء مزاج .. او انتصار لفكرة مقتنع فيها صج

لو كنت تتكلم عن طبع فهو بالفعل مشكلة .. وعرض غير سوي من اعراض

الشخصية ..لان الشخصية السوية لا يمكن ان تمارس العناد والمكابرة بغرض العناد نفسه !

المناحس بهالصورة دليل على وجود اضطراب معين لابد من البحث عن اسبابه ..

وعلى فكرة بو حارب .. احيانا المناحس يظهر على صورة جدال عقيم

او يعكس رغبة غير سوية في الظهور المختلف عن الاخرين

ليس من منطلق التميز الايجابي .. ولكن بغرض الاختلاف عن البقية

ولو كانوا على حق !

والنحاسة بهالمفهوم ابتليت بها بعض الاقوام التي انكرت رسالات الرسل

فهناك من رفض الدعوة والرسالة التي اتي بها نبي من الانبياء فقط بغرض العناد والمناحس ..

مع انه يعلم بقرارة نفسه انه الحق !

الله يبعد عنا النحاسة والمناحس ..

وما اجمل ان يكون الانسان هينا لينا رفيقا .. حكيما في تصرفه

غير تصادمي .. يلتزم بمبادئه ويتمسك ويدافع عن ارائه لكن من غير جدال

ولا مناحس ولا مكابرة للحق


تسلم بوحارب مرة ثانية للموضوع

ما شاء الله تحليل عجيب ومنطقي

وكلام جميل نفس نفس كل مره
وانتي لج كل الشكر على هذا الرد الطيب :o

[بوحارب]

اعتقد ان النحيس مريض نفسياً
عنده عقدة الـ "أنا" كبيرة
و مهزوم من الداخل و يداري هزيمته بنحاسه
و كئيب لأنه انتقامي بطبيعته
فهو لا يقبل ان يكون اقل من غيره
و نرجسي يعشق نفسه

لذا نقول " الحمد لله الذي عافانا مما ابتلاك به و فضلنا على كثير ممن خلق تفضيلا

هلووووو مستر يني :cool:

المشكلة قريت نكك وانا لحالي والليل موحش وانا بروحي مستوحش crazy

المهم

كثيرين اللي عندهم عقدة ال (انا)

الله لا يبلانا :)


والله ذكرتني بواحد اذا قلت له شي قال مستحيل مايصير !! واذا سمع السالفه من طرف ثاني صدقها !!


ههههههه بااال هذا حالته صعبه معاك ;)

[R 7 A L]

هذولا ( مرضى ) وعلاجهم التسفيه مع احترامي الشديد لهم

[بوحارب]

هذولا ( مرضى ) وعلاجهم التسفيه مع احترامي الشديد لهم

السحبيه ممتازه وتصلح في كثير من المواقف :)

اتفق معاك

[Bin Hood]

بو حارب الظاهر تبت من النحاسة !

المهم المناحس لديه من الوقت الكثير ليشغله بالمناحس

+ قليل من العقل يقول له ناحس لا ياخذون حقك !

في النهاية يوصل 30 وما يدري سشالفة

وراح يقول ليس العالم تناحسني !



اعترف

قلت والا ما قلت ؟!

[بوحارب]

بو حارب الظاهر تبت من النحاسة !

المهم المناحس لديه من الوقت الكثير ليشغله بالمناحس

+ قليل من العقل يقول له ناحس لا ياخذون حقك !

في النهاية يوصل 30 وما يدري سشالفة

وراح يقول ليس العالم تناحسني !



اعترف

قلت والا ما قلت ؟!

اعترف تبت من المناحس ��

[Bin Hood]

^

حبيب يا بوحارب

[بوحارب]

حبيب البي انته ^____^

[حسن]

الكل قام يالف على كيفه

النحاسه هذه متاصله فينا

حتى الصغار نحيسين ولا شفت انحس من ولد بوحارب

الى يطب بحر

شنهو هذا


:omg:

[بوحارب]

الكل قام يالف على كيفه

النحاسه هذه متاصله فينا

حتى الصغار نحيسين ولا شفت انحس من ولد بوحارب

الى يطب بحر

شنهو هذا


:omg:

قول ما شاء الله :pic:

[حسن]

قول ما شاء الله :pic:

ما شاء الله


:)

[بوحارب]

ما شاء الله


:)

Welcome anytime :pic: