حط نفسك مكــــــاني ..

[الحياة الخالدة]

السلام عليكم و رحمة الله و بركاته

مساكم / صبحكم الله بالخيــــــر

تمر علينا مواقف كثيرة .. قد يجد أحدنا فيها نفسه الناصــــح الأمين .. العالم بأحوال الدنيا .. و الخبير بالصح والخطـــــأ
شنهو اللي يصير .. و شنهو اللي ما يصيــــــر

بس قبل لا ننصح .. و نلـــــوم .. و نعاتب
خل نتريـــث .. و نفكر شوي
كم واحد فينا حط نفسه مكان الشخص اللي قاعد يلومــــــه أو ينصحه ؟؟
كم واحد تخيل نفسه مكانه .. و قدر مشاعره .. وكل اللي يحس فيه
سواء زعل أو غضب أو قهـــــر أوحتى فرح لموقف معين و أساء فيه التصرف

يقولون : اللي إيده في الماي .. مب مثل اللي إيده في النار
و يقولون بعد : النار ما تحرق .. إلا ريل واطيهــــــا

صحيح ممكن ننصح ونجتهــــــد .. و احنا مشكورين على هالشي
و في أمور شرعية .. ما فيها جدال .. لازم نكون واضحين فيها و حازمين

لكن بالنسبة للأشياء الثانية
الكلام غالباً سهل .. و اللسان ما فيه عظم
بس اللي ينحط في الموقف .. غير اللي برا السالفة
و ما راح يحس و يقدر .. إلا لما الله يكتب له و يصير له نفس الشي

ساعتها بس .. بيقول .. إي والله .. ما ينلام فلان :(

و اقول لكم كلكم ( ولنفسي قبلكم ) : قبل لا تنصحني .. حط نفسك مكانــــــي

If you were in my shoes

وتحياتي للجميـــــــع

[بنت شرق]

ما احب استعمال احذية الاخرين ،،،اما تكون ضيقة او واسعة ،،،لذا افضل حذائي ،،،وحذائي صعب تغير مقاسه

[الحياة الخالدة]

ما احب استعمال احذية الاخرين ،،،اما تكون ضيقة او واسعة ،،،لذا افضل حذائي ،،،وحذائي صعب تغير مقاسه

شي طيب إن كل واحد يعرف مقاســــــه
وما يلبس لا أصغر .. و لا أكبر
لأنه في الحالتيــــــن أكيد بيتعـــــب

حياج الله أختي بنت شرق

[بنت شرق]

شي طيب إن كل واحد يعرف مقاســــــه
وما يلبس لا أصغر .. و لا أكبر
لأنه في الحالتيــــــن أكيد بيتعـــــب

حياج الله أختي بنت شرق
لكن ممكن اتفهم ،،،مواقفهم واسبابها ،،،التقمص ما اعرف له ،،،لانه تفكري منتج احساسي ،،،طوال الوقت ينتج ردة فعل مخالفة ،،،فانا لاابكي مع البكائين ولا اضحك مع الضاحكين ولا الهو مع أصحاب اللهو
يا اما ماعندي حس انساني عالي ،،،او تعاطفي الإنساني ضعيف ،،،

[الجـــوديّ]

... وعليكم السلام ورحمة الله وبركاته ،،


يعطيج العافية الحياة الخالدة على الموضوع وكلامج منطقي وواقعي جداً

صحيح .. النار ماتحرق إلا رجل واطيها .. فمهما برر وسمعناه ما نحس فيه
إلا لما ننحط بمكانه .. فأكيد راح يتغير موقفنا تماما وراح نقول مثله أو أكثر منه..

ولكن ...

أنا دايماً اقول اللي خارج الدائرة يشوف شي اللي في الموقف نفسه أو اللي في الدائرة من داخل ما يشوفه
يعني اللي داخل الدائرة يكون واقع تحت تأثير واللي خارجها ماعليه أي تاثير.

فيه مواقف تكون ردة فعل اصحابها إما قوية أو مبالغ فيها .. أو تجنح به إلى خطأ ... وخطأ يجر خطأ من زود ما هو متأثر بالموقف
ولما يكون النصح من الي هو خارج الدائرة مو بالضرورة نطيعه ويكون كلامه صحيح ويكون اللي في الداخل غلطان ..
نعتبره نوع من تهدئة الأمور .. والأخذ بيد المتضايق.. ونفكر في كلامه .. يمكن فيه مقدار من الصحة

يمكن يجي الزعل على وساسوس الشيطان على ماضي متراكم من المواقف السلبية وكلها تكبر على آخر موقف
ويشوفها الواحد شيء كبيييير ... وكرامتي انجرحت .. وخاصة بين الأهل .. واتم الفقاعة تكبر تكبر تكبر ....
لين عاد تنفجر وتكون مجرد فقاعة شفافة .. موقف بسيط عابر وانتهى وصاحبه مايتم يأوله تأويلات كبيرة
والا يتحول دمل ينخر في نفس صاحبه لين يجي وقت ينفجر بيكون فيه وايد تعفنات وراح يترك اثر طول العمر!!


المطلوب .. التعقل .. والتبصر .. والنظر للمواقف بموضوعية قدر الإمكان
وعدم اتخاذ أي قرار تحت تأثير غضب وانفعال أو الوعد تحت تاثير مزاج رايق ووناسة بدون تفكير.
علشان يقلل الخسائر المعنوية والنفسية .. قدر الامكان..
ونفس الشي لما يكون الموقف ايجابي المبالغ فيها... أو ما أحسنا فيها التصرف.


أما If you were in my shoes ... أشوفها ما تتوافق في كل الحالات..

والسموحة،،

[الحياة الخالدة]

لكن ممكن اتفهم ،،،مواقفهم واسبابها ،،،التقمص ما اعرف له ،،،لانه تفكري منتج احساسي ،،،طوال الوقت ينتج ردة فعل مخالفة ،،،فانا لاابكي مع البكائين ولا اضحك مع الضاحكين ولا الهو مع أصحاب اللهو
يا اما ماعندي حس انساني عالي ،،،او تعاطفي الإنساني ضعيف ،،،

وهذا اللي أتكلم عنه أختي بنت شرق
ما قصدت طبعاً إني أبكي مع كل من بكى .. ولا أضحك مع كل من ضحك
لكن أتخيل ( مجرد تخيل ) إني مكانه .. و احاول أتفهم ردة الفعل

ليش انا اقول هالكلام ؟؟
لأن الواحد ممكن يجي على صاحبه أو حتى حد من أهله .. في موقف معين و يقعد يلومــــــه في الرايحة و الجاية
انت ليش سويت جذي .. و ليش تصرفت جذي .. وياليتك و ياليتك .. ومن هالكلام
طيب انت أكيد ما ترضى لوانت مكانه حد يعاملك بهالطريقة .. صح و الا لا

و أكيد درجة التفاعل و التقمص ( مثل ما تفضلتي ) تختلف من شخص لآخر حسب طبيعته

اسعدني تواجدج في الموضوع أختــــــي

[The Master]

موضوع جدا رائع...وجميل...خاصه انه يحاكي النفس ويدعوها للتفكر في سلوكياتها...

اغلب الناس اتحب تعيش دور الناصح الفاهم اللي يشوفك من فوق...ولو جيت وذكرت له شئ من سلوكياته طنقر وعصب وخنفر...هذا هم البشر...

اتذكر لما نقعد ف المجلس او اي مكان نجتمع فيه...يجي طاري موضوع معين...ويتم انتقاد الفاعل...وغالبا اذا ماكان دائما...اطلع لهم واقول غلط انكم تحكمون عالبشر...ماتدرون وش ظروفهم...او الاسباب اللي خلتهم يسوون هالفعل...ف قبل لا تتكلمون...حطوا نفسكم مكان الفاعل...

وهذا نفس موضوعك...لما اتروح اتعاتب وتنصح وتبدي رايك...للشخص المقابل...لازم قبل لا اتكلمه...اتحط مبررات واعذار...وعقب فكر ف اللي تبغي اتقوله...هل بيستفيد منه ولا اللهم بتنرفزه وخلاص...

ف العقول ليست متساويه...والظروف لاتكون كما نتخيلها...ومب الكل ردة فعله اتكون كما هو المتوقع...


تشكرين عالموضوع القيم...لاهنتي ي الحياة الصعبة

[يمامـة]

طبيعي تنصح وطبيعي جدا تنصح..
وبكل الاحوال سواء كانت ناصح او منصوح محد ممكن يحس بألم و وجع المشكلة الا صاحب المشكلة نفسها
لذلك.. قد ما تعجبنا نصايح الاخرين لانهم ما يقدرون كمية الالم اللي فينا.. بينما الواقع يقول ان نصايحهم
صحيحة واذا هدت انفعالاتنا نلقاهم اجدوا في تقديم النصيحة..

فمن جذيه المفروض ان احنا نحاول لو ما تقبلنا النصيحة واحنا في اوج انفعالاتنا
ان نقلبها في روسنا لما نهدأ.. واذا ما عجبتنا نتركها.. فالناصح ما يفرض علينا
رايه كثر ما يحاول انه يحط لنا حلول لو شافنا نتكلم او نشتكي او نعاني من مواقف او ظروف معينة..

وصباحج سكر يالحياة الخالدة..

[عـ العبيدلي]

مشكلتنا مب في النصح ..
مشكلتنا في اسلوب النصح ..

ومشكلتنا مب في النصحية ..
مشكلتنا في تقبل النصيحة ..

فالنهاية " رحم الله امرأ اهدى إلى عيوبي "

والذكي الي خذ كل نصيحة ونقد .. وفكر فيها وعكسها على حاله ..
ان شاء الله راح تساعده ..

[Charisma]

مرحبا اختي ..


النصيحه " ان مافادتني ماضرتني " ..


المشكله وكل المشكله في التحسس والاستياء من التعرض للنصح .. وهنا تنعكس الفكره الى " ان الشخص المنصوح يعتبر نفسه على صواب دائما " بتبرير تصرفاته وافعاله لظروف وأسباب .. لذلك يتحسس من اي نصيحه تضعه في دوامة المحاسبه ..

يصعب تحديد وجهة نظر ثابته في هذا الموضوع وبشكل عام .. لان هنالك ظروف واحكام لكل حاله .. فمثلا :








أن قدم لي شخص النصيحه في أمر لايعنيه ولا يمسه "خصوصيات" ولم اشاركه في الأمر .. فهنا اعتبرها " لقافه " .



أن قدم لي شخص النصيحه في أمر يعنيه " لامسه " .. ومني شخصيا .. هنا أتقبل النصيحه أن كنت المخطأ في حقه .



أهل الثقه والمقربين دائما نصائحهم محل ترحيب .. حتى ولو لم أخذ بها .. احلل النصيحه × افعالي وافكاري .. وان رأيت الخلل قبلت بها .. وان رأيت ان النصيحه لاتعنيني تناقشت معه في مضمونها .




نعم هنالك ظروف واحكام لأي فعل او تصرف .. قد يؤدي للمحاسبه او التعرض للنصح .. ولكن هذا ليس تبريرا للأفعال الخاطئه .. وابداء الأستياء من النصيحه .. خصوصا وان كان هذا التصرف أثر او ظلم او لامس الناصح او من حوله .. فنصحه و "لومه" لي خير من انتقامه .. وكثر التعرض للنصيحه ومن اكثر من شخص .. تعتبر علامة على ان المنصوح مخطأ .. بشكل او باخر وبغض النظر عن الأسباب .

طبعا تختلف درجات النصح والحرص وتقبلها من قريب الى زميل الى صديق الى غريب .. ولكل فئه اسلوب وطريقه في ايصالها وقبولها .


* وجهة نظر مبعثره

[الحياة الخالدة]

تسلمون جميعاً على مشاركاتكم و وجهة نظركم اللي سعدت فيها و لا شك فيها استفادة للجميع

فقط أحب أوضح نقطة
إني أبداً ما قصدت بموضوعي الاعتراض على النصيحة المخلصة الهادفة أولاً و أخيراً إلى مصلحة المنصوح
واللي يبتغي منها الشخص التخفيف عن الطرف الثاني و إراحته

و إنما كنت أقصد إنه يتفهم موقفه و ما يكثرعليه اللوم والعتاب على ردة فعل خطأ صدرت منه في لحظة انفعال و قهــــــر

و أكيد أسلوب النصح و الإرشاد .. و المدخل إلى ذلك .. يصنع الفارق الكبير
ويبين من اللي قلبه عليك .. و من اللي غير ذلك

جزاكم الله خير

[عثرة جواد]

مرحبا اختي ..


النصيحه " ان مافادتني ماضرتني " ..


المشكله وكل المشكله في التحسس والاستياء من التعرض للنصح .. وهنا تنعكس الفكره الى " ان الشخص المنصوح يعتبر نفسه على صواب دائما " بتبرير تصرفاته وافعاله لظروف وأسباب .. لذلك يتحسس من اي نصيحه تضعه في دوامة المحاسبه ..

يصعب تحديد وجهة نظر ثابته في هذا الموضوع وبشكل عام .. لان هنالك ظروف واحكام لكل حاله .. فمثلا :








أن قدم لي شخص النصيحه في أمر لايعنيه ولا يمسه "خصوصيات" ولم اشاركه في الأمر .. فهنا اعتبرها " لقافه " .



أن قدم لي شخص النصيحه في أمر يعنيه " لامسه " .. ومني شخصيا .. هنا أتقبل النصيحه أن كنت المخطأ في حقه .



أهل الثقه والمقربين دائما نصائحهم محل ترحيب .. حتى ولو لم أخذ بها .. احلل النصيحه × افعالي وافكاري .. وان رأيت الخلل قبلت بها .. وان رأيت ان النصيحه لاتعنيني تناقشت معه في مضمونها .




نعم هنالك ظروف واحكام لأي فعل او تصرف .. قد يؤدي للمحاسبه او التعرض للنصح .. ولكن هذا ليس تبريرا للأفعال الخاطئه .. وابداء الأستياء من النصيحه .. خصوصا وان كان هذا التصرف أثر او ظلم او لامس الناصح او من حوله .. فنصحه و "لومه" لي خير من انتقامه .. وكثر التعرض للنصيحه ومن اكثر من شخص .. تعتبر علامة على ان المنصوح مخطأ .. بشكل او باخر وبغض النظر عن الأسباب .

طبعا تختلف درجات النصح والحرص وتقبلها من قريب الى زميل الى صديق الى غريب .. ولكل فئه اسلوب وطريقه في ايصالها وقبولها .


* وجهة نظر مبعثره

:app2:مع هاااي الرااائ وبقوووة

[بوحارب]

كلام جميل :)

[مهرة]

..

وعليكم السلام والرحمة ومساج الورد والطيب ,,

ممكن اختصر هالحالة او هذا الموقف بكرسي يدور باربع اوجه نقعد فيه ونبدل على كل الزوايا ونشوف بعين كل زاوية ونحاول ايه بس نحاول ولو بشي بسيييط تمر علينا فترة الطيش وبأول العمر والطاقه الغير منظبطة ويبلنا توجيه لذلك نركد اشوي ونحس بغيرنا نسمع الصوت الداخلي الهمس الداخلي حوار النفس (كيف وليش وممكن ولو وحتى) نهاية اليوم نقعد على الكرسي ونحط الضمير الحكم بينا وبين نفسنا ,, حطيت نفسي بكذا حالة كنت بدايتها أستنكرها ولمن حاولت اتقمص ذاك الموقف حسيته لوهله صح .!! او فيه من الصحه لتلك الزاوية ,, كنت أجهل ( الحيرة ) وأستهبل على الي عايشيين فيها وكيف أصلاً فيه شي اسمه شعور الحيرة بين الوعي واللاوعي بين الصح والخطاء بين الشر والخير بين يصير ومايصير بين أقدر ومستحيل لين ماطحت بالغلط بالصدفة بشي غير مخطط له مسبقاً طحت بحيرة وطلعت غزييييرة مدري بتوهق ولا بتوفق وكيف أوصل لكل حبال الحيرة وأفكها كلها ..!

يعطيج العافيه اختي العزيزة الحياة على هذا المتنفس *

موفقة يارب

[مهرة]

تسلمون جميعاً على مشاركاتكم و وجهة نظركم اللي سعدت فيها و لا شك فيها استفادة للجميع

فقط أحب أوضح نقطة
إني أبداً ما قصدت بموضوعي الاعتراض على النصيحة المخلصة الهادفة أولاً و أخيراً إلى مصلحة المنصوح
واللي يبتغي منها الشخص التخفيف عن الطرف الثاني و إراحته

و إنما كنت أقصد إنه يتفهم موقفه و ما يكثرعليه اللوم والعتاب على ردة فعل خطأ صدرت منه في لحظة انفعال و قهــــــر

و أكيد أسلوب النصح و الإرشاد .. و المدخل إلى ذلك .. يصنع الفارق الكبير
ويبين من اللي قلبه عليك .. و من اللي غير ذلك

جزاكم الله خير


اكيد الناصح في هذي اللحظة يحاول قد مايقدر مايجرح الشخص المغلوط او الحاله الي هو عايشها وغير مبررة وواضحة للكل فيها مكابرة فيها غلوو فيها أنفه شطحات صرخات لعنات اي شي مثير بتلك اللحظة بس نعطيه فرصه يهدي عقبها نكلمه ونشوف الفرق بين الفترتين وكيف التقبل وخاصه ان كان هذا الشخص عزيز علينا ,, مرات نستغرب ونستهجن هذي الإنفعالات والحالات مانعرف لها ونقول (الي علينا سويناه) والله يهداه ,, ولكن تمر الأيام وسنين وننحط بهذا الموقف وكأنه قوة غير مرئية تشدنا وترغمنا بالقوة المطلقة وتحطنا بهذا الإطار واحنا نرفضه ونستنكره ومانبيه وننازع بكل قوانا لاء لاء مستحيل يصير ويجينا شعور انه يرجع يومنا من البداية ولا نعيش هذه اللحظة ..!

كمثال*

احنا نروح نعزي ونقوم بواجب العزاء سواء لقريب او بعيد نبي الأجر وسنه نبينا الكريم نسلم وناخذ بخاطر ( الملكومين) ونطلع ونكمل حياتنا عادي لكن ,, هل تخيلنا أنه بيجي يوم من الأيام نكون بمكان (الملكومين) وياخذون الناس بعزاء من هم أغلى مانملك ..! شعور ماله وصف صعب جداً مرات يسبب الخرس .. الله يبعد عنا وعنكم الأحزان ويرحم موتانا وموتى المسلمين ..

[ريم الشمال]

عادة الناصح الذي يمشي وينصح ويحط نفسه قيم على الأخرين بدعوا النصح هذا شخص محب للخير بس ... لاتنصح ولم يطلب منك النصح خاصة في الأمور الحساسه أو امر لايمثل عائق يعيق حياة الناس ويزعجهم ويضر الشخص الذي يقوم بشيء انت تراه خطأ بينما غيرك لا يعتبره مشكله ولا يضرهم

من واقع تجربة ممكن تمر وتشوف خطأ وتحب تنصح بس أنت تعرف أن من تنصحه سوف يستكبر ما تقوم لأنك اصغر منه أو هو غير متقبلك لاتنصحه وانما ابحث عن شخص يشاركك حب هذا الشخص واطلب منه أن ينصحه بعد أن تبين المشكله .

دائما الحياة تعلمنا وتجاربها في اعمارنا تخبرنا أننا تعرضنا للقهروالاجحاف من شخص دخل علينا بصفت انه ناصح ولكنه اضر قبل ان ينفع

ودئما ابتعد عن النصح إلا عندما يطلب منك أو يكون الأمر عظيم ولابد من التدخل أما في الشاردة والواردة تنصح فسمح لي اطلب طلب الحياة الخالدة
ضع نفسك مكان من تنصح قبل أن تنصح

[Dana’1]

صحيح اختي الحياة الخالده
لاحظت محد يحب الناصح.. ويسمونه فيلسوف أو غيرها << من باب تطنز مو مدح
فالأفضل الواحد ما ينصح خصوصا إلي ماطلب نصيحة أحد و حتى لو كانت عندي تجربه شخصيه للموضوع وممكن تفيده بعد بخليه لين يطلبها واقول تجربتي وإنها نفعت معي وبعد لا ياخذ بها والأفضل يسأل مختص لأن ممكن ما تنفع معه.

[نور الحور]

كأن الموضوع نحى منحى اخر ؟؟
هههههههههه

شكرا يالحياة على الموضوع ..

وبالفعل من اهم النقاط التي تضمن تواصل فعال

وتفاعل جيد مع الطرف الاخر على مستوى المشاعر

والافكار .. وحتى السلوك .. هو ان نضع انفسنا موضع الاخر

وليس في النصيحة فقط ..

التعاطف مع الاخر لا يعني اننا نوافقة ولكننا نقدر موقفه ورأيه

وذلك لاننا في المقام الاول وضعنا انفسنا مكانه

بعد ذلك حتى النصيحة تصبح مقبولة لديه ..

لانه يجدها من طرف متفهم .. وفي نفس الوقت هو فعليا

خارج دائرة المشكلة التي تعطل الكثير من الحكمة والتقدير عليه

[مختلفة عقليا]

السلام عليكم

وحقيقه ما احط نفسي مكانه ., اصلا أي شي اسمعه اقول لا شعوريا انا لو مكانه بسوي جييه :secret:

بس انا مقتنعه محد يسوي شي غلط او يسوي شي مو طبيعي ., الا في ظرف معين .,

والا ليش بيسويه !!

صح ان هو غلطان بس انا لازم اعذره و اتذكر بالنهاية احسابه على الله ., انا شكو !!

وحتي لو التصرف كان معاي (( ويا كثر ما صار معاي )) ., اكيد في ظرف خلاه يتصرف جيه

وان ما خذت حقي في الدنيا او تنازلت عنه ., مردي باخذه عند ربي .,

عيشوا بهدوء ., اعذروا الناس ., تصالحوا مع نفسك ومع اللي حولكم ., خذوا الدنيا بسلاسه .,

ويسلموو

[الحياة الخالدة]

ما راح يحس بألم الحوادث الا اللي فقد فيها غالي أو عزيز
ما راح يحس بمرارة الظلم الا اللي انظلم
ما راح يحس بقسوة الحاجة و العوز الا اللي ضاقت عليه الدنيا و هو يطرق الابواب

قبل لا تحطون نفسكم مكان القاضي و الجلاد
حطوها مكان الضحية
بعدين شوفوا شلون بيكون شعوركم

[طبيب قطري]

ما راح يحس بألم الحوادث الا اللي فقد فيها غالي أو عزيز
ما راح يحس بمرارة الظلم الا اللي انظلم
ما راح يحس بقسوة الحاجة و العوز الا اللي ضاقت عليه الدنيا و هو يطرق الابواب

قبل لا تحطون نفسكم مكان القاضي و الجلاد
حطوها مكان الضحية
بعدين شوفوا شلون بيكون شعوركم

كلام جميل بس الخوف لما تتولد مشاعر الانتقام بعد شعور الظلم ..