مواقف سوق واقف والشياب والعيايز

[حمد 2002]

مواقف سوق واقف والشياب والعيايز

كثيرا من كبار السن اصبحوا (( يتحلطمون وماكلين حصى )) على مواقف سوق واقف ، لانه الشايب ولا العيوز = العجوز ، كانوا اينزلونهم اهلهم ولا الدريول بمقاربه سوق واقف وتحديدا عند الحريم الي ايبيعون وايبسطون بعد صلاه المغرب وتحديدا قريب مطعم ذا فليج حاليا وتحديدا قريب خياط مبارك ، عذرا على ذكري لاسماء المحلات تلك بس حبيت اقرب لكم المكان والوصف ، اما الان فحدث ولا حرج !! ، اصبحت المواقف تحت الارض !! ، ابي افهم ليش يا أداره سوق واقف لم يتم مراعاة إخواننا كبار السن بهذا الموضوع !! ، صحيح أن بإمكانهم الوصول للسوق عن طريق الكرسي المتحرك ، واهلهم مب امقصرين بيوصلونهم لين باب السوق ، بس بعد الكبير بالعمر يبي يمشي بنفسه وايطلق رجوله !! .


ماهي الحلول من وجهه نظركم لهذا اللموضوع ؟! ، والخلل من أي جهه ؟! ، هل من اداره سوق واقف ام من جهات اخرى ؟


مع فائق تحياتي العطره

محب الوطن والمواطنين والمقيمين وكل من يسكن على ارض قطر ..

الكاتب الصحفي

حمد 2002

[لـبـيـه]

وفي مشكله ثانيه

المواقف الارضيه في حالة الخروج الشياب والحريم يتوهقون في الطلعه لان السواقه على قدهم مساكين فيحصلون صعوبه في الطلوع من الحزم العود الي كنه طعس

وتصير الزحمه والربكه

[توشيبا]

كلامك متناقض

تقول اول يوصلون لين ذي فيلاج والحين من المواقف تحت الارض ويصولنهم لين السوق علي كرسي متحرك

طيب نفس الحاله صارت

واداره السوق حريصه جدا علي الشياب بصوره ماتتوقعها

[حمد 2002]

وفي مشكله ثانيه

المواقف الارضيه في حالة الخروج الشياب والحريم يتوهقون في الطلعه لان السواقه على قدهم مساكين فيحصلون صعوبه في الطلوع من الحزم العود الي كنه طعس

وتصير الزحمه والربكه

كلامج صحيح اختي ،،

وجزاج الله خيرا ،،

[لـبـيـه]

كلامج صحيح اختي ،،

وجزاج الله خيرا ،،

اتمنى تلقي نظره على توقيعي وبس

[حمد 2002]

كلامك متناقض

تقول اول يوصلون لين ذي فيلاج والحين من المواقف تحت الارض ويصولنهم لين السوق علي كرسي متحرك

طيب نفس الحاله صارت

واداره السوق حريصه جدا علي الشياب بصوره ماتتوقعها

قبل يوصلون قريبا من ذا فيلج عن طريق السائق اخي العزيز توشيبا ويمشون على ريولهم ، لانه المواقف قريبه من المطعم ، اما الان فاصبح الخيار لهم فقط هي المواقف الارضيه عن طريق الكرسي المتحرك ،

شكرا لتفهمك وطوله بالك ..

بالتوفيق ..

[حمد 2002]

اتمنى تلقي نظره على توقيعي وبس

آسف اخوي ،

جزاك الله خيرا وبارك الله فيك ..

[يمامـة]

حمد يقدر الدريول ينزلهم صوب المسيد اللي صوب المواقف القديمة عند الشرطي اللي مرتز في نص الدوار
الصغنون..

يعني احنا ما نروح نصف في المواقف لو كنا مع الدريول.. ننزل صوب البراحة اللي يسوون فيها المزاد كل يوم جمعة
وننتقضى وننتصل حق الدريول ونقول له تعال.

بس هل الدريول هو اللي بيدف الشايب بالكرسي؟
اهنيه لازم يفكرون بطريقة اسهل لكبار السن..

ومباركين عرس الاثنين.. بالبمارك الزواج..

[حمد 2002]

حمد يقدر الدريول ينزلهم صوب المسيد اللي صوب المواقف القديمة عند الشرطي اللي مرتز في نص الدوار
الصغنون..

يعني احنا ما نروح نصف في المواقف لو كنا مع الدريول.. ننزل صوب البراحة اللي يسوون فيها المزاد كل يوم جمعة
وننتقضى وننتصل حق الدريول ونقول له تعال.

بس هل الدريول هو اللي بيدف الشايب بالكرسي؟
اهنيه لازم يفكرون بطريقة اسهل لكبار السن..

ومباركين عرس الاثنين.. بالبمارك الزواج..

الله يبارك فيج والفال لأولادج واحفادج ،

اختي اليمامه متى آخر مره رحتي سوق واقف ؟!

اتوقع لو رحتي هاليومين سوف تلاحظين بأن حتى تلك المنطقه سكروها !! ،


اتمنى من الاخوان تصحيح معلوماتي لو كنت غلطان !! ..


ملاحظه اخرى

كنت رايح يوم الجمعه لسوق الحمام والعصافير بسوق واقف لمشاهده الناس وهم ايبيعون حلالهم بالمزاد الي هناك كل يوم جمعه تقريبا ، تتوقعين ماذا رأيت ، رايت وشاهدت بعض الباعه من خارج السوق ، اينزلون حلالهم من دجاج وطيور عن طريق المصعد !! ، تخيلي ذلك المشهد ؟!! ، طيب والروايح الي بتنتشر بالمكان ، الى آخره ..


مع فائق تحياتي لج اختي الكبيره اليمامه على تشريفج لموضوعي وهذا اعتبره تواضع منج ..

[راجي الْعفو]

يصبحك بالخير بوشهبوب ..

وبالمبارك عالاسم الوظيفي الجديد ..

تحياتي الجرائديّة ..

[حمد 2002]

يصبحك بالخير بوشهبوب ..

وبالمبارك عالاسم الوظيفي الجديد ..

تحياتي الجرائديّة ..

الله يحييك اخي العزيز راجي العفو ..

واتمنى انك تضع رأيك بالموضوع ولاتهون !! ..

مع التحيه ..

[راجي الْعفو]

الله يحييك اخي العزيز راجي العفو ..

واتمنى انك تضع رأيك بالموضوع ولاتهون !! ..

مع التحيه ..

والله يا بوشهب الرأي واضح و الاخوة ماقصروا ..

بس إن شاء الله استاذي أحط رأيي ..

رايي ان الشايب اذا ما كان راعي طويله فحلو انه يخصصون له مكان مناسب عند السوق ينزل فيه ..

أما اذا كان من النوع اللي يحب التمشايه وتغيير الجو فما اشوف فيه ضرر دام الكرسي المتحرك موجود ..

وشاكر لك حرصك على أبنائك المواطنين و المقيمين ..

[فريج النجادة]

أشكرك على طرح الموضوع ونقول يا شباب

ليش ما تأخذ أمك او ابوك وتمشية في سوق واقف

او اي مجمع تجاري ليش حارم اقرب الناس من الترفية

واذا يجدون صعوبة في المشي ليش ما تأخذ لهم كرسي

ويتناب الاخوان والاخوات في خدمة والديهم

انت نسيت يوم كنت صغير كم مرة ودوك الألعاب واهتمو فيك
متى يشوفون فيك هذا الاهتمام والبر اصحا يا نايم

[ام روز]

اتفق معاك وكلامك سليم ..الزحمه كل مالها تزيد ..عالاقل كان خلو المواقف اللي ورا لكبار السن وذوي الاحتياجات الخاصه

[poor]

مواقف سوق واقف والشياب والعيايز

كثيرا من كبار السن اصبحوا (( يتحلطمون وماكلين حصى )) على مواقف سوق واقف ، لانه الشايب ولا العيوز = العجوز ، كانوا اينزلونهم اهلهم ولا الدريول بمقاربه سوق واقف وتحديدا عند الحريم الي ايبيعون وايبسطون بعد صلاه المغرب وتحديدا قريب مطعم ذا فليج حاليا وتحديدا قريب خياط مبارك ، عذرا على ذكري لاسماء المحلات تلك بس حبيت اقرب لكم المكان والوصف ، اما الان فحدث ولا حرج !! ، اصبحت المواقف تحت الارض !! ، ابي افهم ليش يا أداره سوق واقف لم يتم مراعاة إخواننا كبار السن بهذا الموضوع !! ، صحيح أن بإمكانهم الوصول للسوق عن طريق الكرسي المتحرك ، واهلهم مب امقصرين بيوصلونهم لين باب السوق ، بس بعد الكبير بالعمر يبي يمشي بنفسه وايطلق رجوله !! .


ماهي الحلول من وجهه نظركم لهذا اللموضوع ؟! ، والخلل من أي جهه ؟! ، هل من اداره سوق واقف ام من جهات اخرى ؟


مع فائق تحياتي العطره

محب الوطن والمواطنين والمقيمين وكل من يسكن على ارض قطر ..

الكاتب الصحفي

حمد 2002

السلام عليكم ورحمة الله وبركاتة

بفضل الله ونعمته اهل قطر فيهم الخير والبركة ويقدرون كبير السن سواء شيبة او عجوز وهذي شهادة لله ..

ولكن يوجد ملاحظات ولكل مشكلة حل بإذن الله ويجب ان نحسن الظن دائما

وانا اقترح حل لإدارة المرور او اصحاب القرار ..

بما انه يوجد تصريح لذوي الاحتياجات الخاصة ولله الحمد ويستخدمه اكثر كبار السن ...

ولكن يفضل ان يكون هناك تصريح لكبار السن من العجزة ويكون تحت شروط وبنود وعمر معين ويختلف من تصريح ذوي الاحتياجات الخاصة تحت مسمى يعكس تقدرينا واهتمامنا بكبير السن

لأن بعض كبار السن قد تجاوز السبعين والثمانين وبصحة جيدة ولله الحمد وليس معاق ولكن يحتاج اهتمام ورعاية وافضلية.

مثلا يكون التصريح لمن هم فوق 70 سنة او فوقها حسب ما يتطلب الامر ليكن نوع من الرعاية والاهتمام بكبار السن وتكون لهم الاولوية في كل شيء سواء في المواقف او في الطوابير او في المراجعات وتكون بمثابة تقدير واحترام للسن حتى لو اني ارى انه يجد الاهتمام والرعاية في جميع الاماكن بدون التصريح ولكن وجود التصريح يكون نوع من الدعم القانوني لكبير السن.

ثقتي جدا كبيرة في المسؤولين واصحاب القرار بأنهم اصحاب نظرة خاصة لهذي الفئة العمرية بدون توصيات واقتراحات واتمنى ان تدرس هذه الفكرة من جميع الجوانب وتطبق اذا كانت سليمة

[طاش]

أعتقد المفروض يشكرون على المواقف الجديدة والتوسعة مواقف تستسع لحوالي2000سيارة هذي مرحله وباقي مراحل وانت لاتنسى انه فيه سياح وضيوف يجون البلد يحتاجون مواقف وحاليا الجماعة قاعدين يسون مشروع توسعة للمواقف الرئيسية الي حاليآ سكروها وفيه ناس مايعجبهم العجب سبحان الله واحنا عندنا كبار سن وبالعكس المواقف الجديدة ريحتنا توقف وطلع من المواقف المكيفة ومصعد وساحة كبيرة حلوة بالعكس اشوف أفضل من قبل وفيه ساحة الأحمد مواقف موجودة يعني استغرب منك شكلة عندك محل وتعبان تلف من المواقف ههههه

[عاشق العديد]

حمد ..

اول شي صباح الخير ..

ثاني شي ..

انا رحت الباركنات الي تحت ..

ومليانه سيارات قولف ..

ويوصلون الحريم ويوصلون كبار السن ..

ماتوقع في تقصير ..

ولو فيه اتوقع انهم يبذلون جهدهم في حل هالمشكله ..

وحتى لو في شياب او عجايز ..

لكن يكون في تنظيم ياحمد ..
انت شايف حالة السوق قبل ماتقدر تمر من الشارع الخارجي من الزحمه ..
فلازم يكون هناك في حل .. لمعالجة هالمشكله ..
والله المستعان ..

[ابن سينا]

انا اشوف المواقف جدا روعه حتى لشياب بيكون اسهل من قبل ماتبون تمشون المشي ترى رياضه

[بنت شرق]

مواقف سوق واقف والشياب والعيايز

كثيرا من كبار السن اصبحوا (( يتحلطمون وماكلين حصى )) على مواقف سوق واقف ، لانه الشايب ولا العيوز = العجوز ، كانوا اينزلونهم اهلهم ولا الدريول بمقاربه سوق واقف وتحديدا عند الحريم الي ايبيعون وايبسطون بعد صلاه المغرب وتحديدا قريب مطعم ذا فليج حاليا وتحديدا قريب خياط مبارك ، عذرا على ذكري لاسماء المحلات تلك بس حبيت اقرب لكم المكان والوصف ، اما الان فحدث ولا حرج !! ، اصبحت المواقف تحت الارض !! ، ابي افهم ليش يا أداره سوق واقف لم يتم مراعاة إخواننا كبار السن بهذا الموضوع !! ، صحيح أن بإمكانهم الوصول للسوق عن طريق الكرسي المتحرك ، واهلهم مب امقصرين بيوصلونهم لين باب السوق ، بس بعد الكبير بالعمر يبي يمشي بنفسه وايطلق رجوله !! .


ماهي الحلول من وجهه نظركم لهذا اللموضوع ؟! ، والخلل من أي جهه ؟! ، هل من اداره سوق واقف ام من جهات اخرى ؟


مع فائق تحياتي العطره

محب الوطن والمواطنين والمقيمين وكل من يسكن على ارض قطر ..

الكاتب الصحفي

حمد 2002

اذا انت كاتب صحفي ،،،راحت علينا

[R 7 A L]

وضف الي ذلك ارضية المواقف المتعرجه
الي حتى الصاحي مايعرف يمشي فيها عدل

[توشيبا]

اذا انت كاتب صحفي ،،،راحت علينا

تم نسف الجبهه وتطير الحواجب