العمل والاهل

[بريق الحق]

بسم الله الرحمن الرحيم


السلام عليكم ورحمة الله وبركاته


اتصلت على واحد من الربع الظهر قلت له يالغالي وين ياخوك صار لي شهر اتصلك العصر او المغرب ماترد علي قالي لازم تسوي ذبيحه لانه رديت عليك (:
قلت له عسى ماشر ان شاء الله مافيك شي وانت ماترد الا وقت الدوام وبعدها مافي امل اترد على حد حتى اسئل الربع يقلون لي نفس الشي اتصله وقت الدوام برد وقبل كنت ترد اي وقت
قالي اسمع يالغالي
كان عندي واحد من الربع كل حياته شغل في شغل حتى فالبيت يخلص امور الشغل حياته كلها امور الدوام وكانت مرته اتقوله انت ماتقعد معاي ولا مع اليهال وكانت تردد هالكلام عليه لين ماتوفت مرته الله يرحمه ، فكل مايقعد معانا يتذكر كلامها ويتحسف انه مايقعد معاهم لدرجه وصل انه كره الدوام وحالته مايعلم به الا الله

فقالي يالغالي اهني من اوصل البيت اقعد الجوال ولا ارد على المكالمات واكثرها من الدوام قبل كنت ادخل البيت واقعد اخلص امور الشغل اما الحين قعدتي مع ام العيال والعيال اهم من الشغل لانه بكره بموت وبي من يخلص الشغل عني
قلت له عدل شغل وانتهت المكالمه بصفقه ناجحه (:


شلون قعدتكم فالبيت تقعدون مع اهاليكم مع اعيالكم ولا بس من مجلس الى مجلس او القعده بختصار تخلص امور الدوام وشغلك !!!
وجزاكم الله خير

[العقل المدمر]

الله يرحمها
عورني قلبي
:weeping:

[الحياة الخالدة]

وعليكم السلام و رحمة الله و بركاته

جزاك الله خير على التذكيــــــر

[بريق الحق]

الله يرحمها
عورني قلبي
:weeping:
الله يرحمها ويجمعهم فالجنه يارب

[بريق الحق]

وعليكم السلام و رحمة الله و بركاته

جزاك الله خير على التذكيــــــر

وجزاج خير
للعلم اقنعني بكلامه وكلامه صحيح بالنسبه لي

[رهج السنابك]

كل موظف ناجح ومدير متميز يكون اب وزوج فاشل*اذاماقدر
يوازن

[The Master]

سرد جميل جدا… وتوفقت ف الطرح

اتفق مع صاحبك وسبحان الله رب ضارة نافعة...

واشكرك ع التنبيه..وجزاك الله خير

بس سؤال
انت رفيجه..ف ليه مارد عليك??
ولا شكلك راعي مصلحه.. <_<

[بريق الحق]

سرد جميل جدا… وتوفقت ف الطرح

اتفق مع صاحبك وسبحان الله رب ضارة نافعة...

واشكرك ع التنبيه..وجزاك الله خير

بس سؤال
انت رفيجه..ف ليه مارد عليك??
ولا شكلك راعي مصلحه.. <_<

بقولك شي ترى فرق العمر بيني وبينه 20 سنه تقريبا (:
هو شيبه بالنسبه لي
ومايرد علي قالي بعض الظروف الي مرت فيه بعد
ترى الصفقه كان من صوبي هو المستفيد اصلن بس هو بفيدني لانه شخص معروف (:

[بريق الحق]

كل موظف ناجح ومدير متميز يكون اب وزوج فاشل*اذاماقدر
يوازن
السوال من الاهم العمل ام الاهل
الشغل ماراح يوقف علي وبي من يخلص الشغل او يكمله
اما الاهل بوقف علي واذا فقدتهم صعب استرجعهم

[The Master]

بقولك شي ترى فرق العمر بيني وبينه 20 سنه تقريبا (:
هو شيبه بالنسبه لي
ومايرد علي قالي بعض الظروف الي مرت فيه بعد
ترى الصفقه كان من صوبي هو المستفيد اصلن بس هو بفيدني لانه شخص معروف (:

ممكن اصير صديقك ^_^

[بريق الحق]

ممكن اصير صديقك ^_^
ونعم فيك يالقبطان ومثلك الواحذ مايفرط فيهم وصحبتهم مكسب
بس مب اتقول صغير فالعمر ومادري وشو (:

[عضوو]

قال صلى الله عليه وسلم ( إن لربك عليك حقا ولنفسك عليك حقا ولأهلك عليك حقا فأعط كل ذي حق حقه)

[ودي أكون]

أما سالفة أن كلش ماعنده وقت يرد على اتصال مايتعدى الخمس دقايق.،!! .. يعني هاذي صعبه
يمكن يبي يصرفك وجاب لك هالقصه والله مادري ههه

وجهة نظر :)


المهم،، فرق بين ان مايدخل امور العمل ف حياته.، ويترك الجوال ع جنب.، وفرق ان يرد على اتصالات من الاهل او الربع الخ.، عالاقل يكون في وقت لهم.، مو قطيعه تحت بند ( كل وقتي للاهل ).، لاني مستحيل بقدر اصدق ان في ريال وقته بعد الدوام 100% فقط للاهل.،.. لان العلاقات الاسريه سبحان الله تحتاج مرات ان الزوجه تبتعد ساعات عن زوجها.، والزوج كذلك من باب ان هالشيء يجلب الشوق بينهم والله اعلم ..


شوف انا مايالسه اشكك فالريال.، لان بما ان هو اكبر منك فأكيد التزاماته اكثر والله اعلم.، وكلن له ظروفه.، لكني اتكلم بصفه عامه.، اني صعبه اتقبل ان الواحد مايرد ع احد بحكم ان معطي وقته لاهله فقط..، يعني ودي اصدق بصراحه بس ماقدر :)

[نوار قطر]

الاعتدال مطلوب يعني هو ياحرك يابرك،،، يا انه يهمل بيته ومرته وعياله ويجابل شغله ،،او انه من عقب شغله مايرد على حد ومايتحرك من بيته ويجابل مرته وعياله،،،، لا طبعا الريال عليه التزامات وواجبات يقوم فيها ،،، معناته انه مايطلع من بيته خير شر ،،، معناته انه مايوجب احد لا في عزى ولا فرح ،،، ليش مايعطي كل ذي حق حقه ،، لنفرض احد كان يبيه في شي ضروري مسألة حياه او موت ،، بيقول حق الي متصل له لا والله مب راد عليك لاني مع بيتي وعيالي ،،، كلمه مب منطقي كلش ،،، حلاة الريال يشتغل يجابل شغله ،، يطلع يروح ،،، يوجب الناس ،،، وقبل كل شي قايم في بيته،،،

[بريق الحق]

أما سالفة أن كلش ماعنده وقت يرد على اتصال مايتعدى الخمس دقايق.،!! .. يعني هاذي صعبه
يمكن يبي يصرفك وجاب لك هالقصه والله مادري ههه

وجهة نظر :)


المهم،، فرق بين ان مايدخل امور العمل ف حياته.، ويترك الجوال ع جنب.، وفرق ان يرد على اتصالات من الاهل او الربع الخ.، عالاقل يكون في وقت لهم.، مو قطيعه تحت بند ( كل وقتي للاهل ).، لاني مستحيل بقدر اصدق ان في ريال وقته بعد الدوام 100% فقط للاهل.،.. لان العلاقات الاسريه سبحان الله تحتاج مرات ان الزوجه تبتعد ساعات عن زوجها.، والزوج كذلك من باب ان هالشيء يجلب الشوق بينهم والله اعلم ..


شوف انا مايالسه اشكك فالريال.، لان بما ان هو اكبر منك فأكيد التزاماته اكثر والله اعلم.، وكلن له ظروفه.، لكني اتكلم بصفه عامه.، اني صعبه اتقبل ان الواحد مايرد ع احد بحكم ان معطي وقته لاهله فقط..، يعني ودي اصدق بصراحه بس ماقدر :)

تصدقين ولا ماتصدقين هذي مشكلتج اختي

بوركتي

[بنت شرق]

قال صلى الله عليه وسلم ( إن لربك عليك حقا ولنفسك عليك حقا ولأهلك عليك حقا فأعط كل ذي حق حقه)

صدق رسول اللن صلى الله عليه وسلم

[حسن]

الصراحه يابريق الحق

انا اللي مايرد علي مرتين على طول اسويله دليت

ياخوك مافي انسان مهب مشغلول ولكنن الترتيب مطلوب
بس جيل الحالي ماشاء الله عليهم بيتوتين كلش وتشوفه مول لزقه
مع المدام مايفارقها ولا يرد لها طلب

اما مايرد عليك ويقولك مشغول هذه ماتدخل في راسي

الحمدلله اشتغل واقعد مع عيالي ومجلسي وبس
شغل دواره ماعندي
ولعلمك حتى العيال اوديهم واجيبهم من المدرسه

انت تشوف

:)

[نوفا91]

أما سالفة أن كلش ماعنده وقت يرد على اتصال مايتعدى الخمس دقايق.،!! .. يعني هاذي صعبه
يمكن يبي يصرفك وجاب لك هالقصه والله مادري ههه

وجهة نظر :)


المهم،، فرق بين ان مايدخل امور العمل ف حياته.، ويترك الجوال ع جنب.، وفرق ان يرد على اتصالات من الاهل او الربع الخ.، عالاقل يكون في وقت لهم.، مو قطيعه تحت بند ( كل وقتي للاهل ).، لاني مستحيل بقدر اصدق ان في ريال وقته بعد الدوام 100% فقط للاهل.،.. لان العلاقات الاسريه سبحان الله تحتاج مرات ان الزوجه تبتعد ساعات عن زوجها.، والزوج كذلك من باب ان هالشيء يجلب الشوق بينهم والله اعلم ..


شوف انا مايالسه اشكك فالريال.، لان بما ان هو اكبر منك فأكيد التزاماته اكثر والله اعلم.، وكلن له ظروفه.، لكني اتكلم بصفه عامه.، اني صعبه اتقبل ان الواحد مايرد ع احد بحكم ان معطي وقته لاهله فقط..، يعني ودي اصدق بصراحه بس ماقدر :)

نفسج ، مادري كلش ماقتنعت
:)

[رجل مثالي]

نعم الواجبات ومن التكليف على رب الأسرة تلبية مطالب أفراد الأسرة من جميع النواحي ويجلس مع أسرته لأن الوالد له دور مع الاسرة والعيال وأيظآ من الواجبات إعطاء العمل حقه وإعطاء الزملاء حقهم وإعطاء صلة الأرحام حقهم

[بشائر]

قال صلى الله عليه وسلم ( إن لربك عليك حقا ولنفسك عليك حقا ولأهلك عليك حقا فأعط كل ذي حق حقه)


عليه الصلاة والسلام ... وهذا أفضل رد على موضوعك اخوي بريق الحق ..
وفقك الله

[qatara]

بعظهم \ن وظيفته وجواله الي رنته احاديث
او قران وهو اكبر مغازلجي اهم عنده من كل شي
ماعنده مشكله يضحي بكل شي لاجلهم

يمكن حتا صلاواته تفوته كلها
ماعنده مشكله
الا هلحاجتين يضحي بكل شي لاجلهم

[يمامـة]

في هيك وفي هيك.. والموازنة مطلوبة من رب الاسرة..
واذا زاد الهيك على حساب هيك بتصير النتيجة مب هيك..

وشكرا لكم..

[R 7 A L]

صعب جداً المبدا الي هو ماشي عليه في مجتمعنا المتماسك المترابط المسلم
لنا اهل واعمام وخوال واقارب واصدقاء وزملاء يجيب علينا التواصل معهم وزيارتهم غصب علينا موب كيفنا حتى لو مانبي

لذا التوازن هو الحل الافضل

[sweet qatar]

موضوعك رائع بريق

الله يرحمها ويصبر قلب زوجها وعيالها


المشكلة الشغل يضيع عمرك

وأغلب الوقت ما يعطيك كثر ما تعطيه

فالشاطر الي بيوازن حياته ويعيش يومه قبل لا يمر العمر

ويشوف ان عائلته تغيرت وتعودت علي غيابه

ويصيرون ما يتقبلون وجوده و أسلوبه

[qatara]

خلونا من المثاليه بالتوازن ولا كلمة بالتفاهم
كلام غير مقنع

لا لا

اعطو كل شي حقه واولويته

بلاش ترقيع هرمنا

[بوحارب]

في هيك وفي هيك.. والموازنة مطلوبة من رب الاسرة..
واذا زاد الهيك على حساب هيك بتصير النتيجة مب هيك..

وشكرا لكم..

I'm with you

توازن بسيط وتكون امورنا في السمبتيك

مصطلحات مال امها داعي :)