راتبي وين يروح ؟؟؟

[حسن]

السلام عليكم ورحمه الله وبركاته

صباح الخير جميعا

راتبي وين يروح راتبك وين يروح

موضوعي اليوم يتكلم عن فئه الشباب والشابات

كثير من الشباب العزابيه واللي حولي لما تسئله وتقوله وش جمعت وش وفرت
يقول ماوفرت شي ولا جمعت شي راتبي مادري وين يروح
رواتب مشاء الله فوق الممتازه والكثير منها ولا يوفر منها شي
للاسف الكثير منهم يتبع المظاهر ويتبع الموضات وغيرها من السفرات
والبذخ بدون تفكير ولا تقدير
والمشكله ياريبت بعظهم يتحمل شي مصروف البيت معاشات خدم
ابدا نهائيا صرف وابوه يصرف وللاسف مايحثون هم حتى على الادخار
هل انت / انتي
تصرف بالمعقول وتدخر للزمن والحياه القادمه
اما اصرفها على طول وعلى الامور اللي نشوفها للاسف من الكثير
سيارات فارهه جدا ومبالغها توصل للمليون واقل جوالت بالهبل فواتير بالهبل مخالفات مروريه بالهبل
ديون وكالات سفرات وبعثره اموال

ولا تعمل لك ميزانيه معينه وتدخرها لزواج لشراء عقار لمشروع استثماري

يعني تفكر في خطه ولا ماشيين بالبركه

!!!

نسمع ارائكم بالموضوع


تحياتي لكم جميعا

[بنت شرق]

من مؤيدي سياسة اصرف مافي الجيب ،،،،ما اعرف امسك يدي ،،حاولت يمكن شهر شهرين ،،وبعدين فجاءة اصرف كل الي جمعته ،،،
حاولت ،،،لكن الطبع يغلب التطبع ،،،الشراء ادمان ،،،الله لايعافينا منه ،،،

[qatara]

من مؤيدي سياسة اصرف مافي الجيب ،،،،ما اعرف امسك يدي ،،حاولت يمكن شهر شهرين ،،وبعدين فجاءة اصرف كل الي جمعته ،،،
حاولت ،،،لكن الطبع يغلب التطبع ،،،الشراء ادمان ،،،الله لايعافينا منه ،،،


واين نحن من

(وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ)

في حدود الحاجه والمعقول اما اشتري وطلعة مشاوير ليس
لحاجه فقط للشراء بدون أي هدف مفيد فقط مرض الشراء

وتدعين على نفسج بالاسراف ؟!

،،،الشراء ادمان ،،،الله لايعافينا منه

الله يعافي المدمنين ولا يبتلينا

[بنت شرق]

واين نحن من

(وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ)

في حدود الحاجه والمعقول اما اشتري وطلعة مشاوير ليس
لحاجه فقط للشراء بدون أي هدف مفيد فقط مرض الشراء

وتدعين على نفسج بالاسراف ؟!

،،،الشراء ادمان ،،،الله لايعافينا منه

الله يعافي المدمنين ولا يبتلينا
أي والله ،،،الشراء ادمان ،،،لا اطلب معافتي منه ،،،لانه مايضرني ولا يضر غيري ،،،لاضرر ولا ضرار

[qatara]

أي والله ،،،الشراء ادمان ،،،لا اطلب معافتي منه ،،،لانه مايضرني ولا يضر غيري ،،،لاضرر ولا ضرار

حطي هل الآية دايم على بالج

(وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ)

فانه سبحانه لايحب المسرفين فكوني حبيبة لله

بدلا من المبغوضين فوكني من المحبوبين له سبحانه

[رهج السنابك]

ماشيه على خطه ولست " مفجوعه " على الدنيا

[بنت شرق]

حطي هل الآية دايم على بالج

(وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ)

فانه سبحانه لايحب المسرفين فكوني حبيبة لله

بدلا من المبغوضين فوكني من المحبوبين له سبحانه
ان شا الله ،،وذكر فإن الذكرى ،،،تنفع المؤمنين

كتارا انت تحارب أي اسراف ،،،وماتحبه ،،،والا بس اسرافي ،،،ما ادانيه

[qatara]

ان شا الله ،،وذكر فإن الذكرى ،،،تنفع المؤمنين

كتارا انت تحارب أي اسراف ،،،وماتحبه ،،،والا بس اسرافي ،،،ما ادانيه


سوالج غريب

لاكن عموما


{ إِنَّ الْمُبَذِّرِينَ كَانُوا إِخْوَان الشَّيَاطِين }

[حليتان*]

ما اعرف ايود ريال

بس الحمدلله بيزاتي اصرفها فشي فيه فايده
الشي الوحيد الي اصرف عليه بدون فايده الاثاث احب اغير فالاثاث وايد

[النهار]

موضوع رائع اعرف الكثير من الي ذكرتهم هم الان خلف القضبان

[Mohammed2]

طبيعة حياتنا هنا في قطر خلت هالشي يصير عند الشباب
كل شي ولله الحمد متوفر والاهل مايقصرون، يعني مافي شي يجبر الشباب انهم ينتبهون للفلوس عدل ويفكرون تفكير مستقبلي وكيف يصرفونها وكيف يدخرونها بالطريقه العدله
مثلا في بعض البلدان الاجنبيه تلقى الشاب عندهم لانه مدخوله قليل نسبياً ومعتمد على روحه في الحياه بشكل كامل فدايماً يحاسب الف حساب قبل مايشتري شي
وطبيعه الحياه والبلد كذلك تفرض عليه يوفر فمثلاً مايستخدم سياره ولاتكسي فقط مترو او مشي او دراجه


في النهايه ما اقول الا الحمدلله على النعمه وعلى كل شيء

[Charisma]

مرحبا اخوي حسن ..


احييك على الموضوع اخوي .. واتوقع ان الشباب راح يستفيدون منه من اراء وتجارب الأخرين في التصرف والتحكم في الراتب .







لنبدأ بتحليل الوضع وأسباب "ضياع" الراتب :



المظاهر / .. وعلى رأسها السيارات ( الفخمه ) .. تلقى الواحد توه متوظف وأول شيء يخطر على باله ( السياره ) .. ولازم تكون أخر موديل وبمبلغ وقدره .. نعم السياره ضروره .. ولكن القفز الى فئات " فخمه " وفي مقتبل العمر .. ضياع لمستقبله ..ومن الأعلانات التوعويه اللتي لفتت انتباهي في الشوارع ( لاتشتر فرحة اليوم بهم الغد ) ..

الديون / لأسباب تافهه .. مثل السفر .. السيارات الفخمه .. ومع تسهيلات البنوك واساليبهم التسويقيه انجرف الكثير وراء الديون وتراكمت عليهم.

المواكبه / كل كم شهر جوال .. جهاز معين .. التسوق بعشوائيه وفوق الحاجه .. وتجربة كل ماهو جديد .

الرفاهيه / افكار اغلب الشباب حاليا محصوره بين تاريخ 27 من الشهر إلى تاريخ 27 من الشهر المقبل .. شلون ارفه عن نفسي وشلون اصرف الراتب خلال هالشهر .. وكأن الرفاهيه محصوره بمعيار معين يتطلب صرف كل الراتب ..

غياب الوعي / بأهمية حسن تدبير الراتب " ومن البدايه " لضمان المستقبل .. نظام ( عيش يومك ) .. إلى ان يأتي يوم يتحسر فيه على إضاعة سنين من البذخ والصرف العشوائي .




الحلول :


فتح حساب في بنك أسلامي.

ورقه وقلم .. وتحديد الصرف الشهري والألتزامات متضمنه جميع الأحتياجات خلال الشهر ومتابعتها وتسجيلها ..

فتح حساب توفير ( مغلق ) لايمكن السحب منه عن طريق البطاقه او حتى التحويل عن طريق التلفون ..

تقسيم الراتب بحيث يتم توفير الجزء الأكبر منه بتحويل شهري ( آلي ) .. الى حساب التوفير ونسيانه ..

المتبقي من الراتب بعد التوفير هو ( الراتب ) .. فيتم التكيف والتقيد به .. وحتى محاولة التوفير منه للشهر المقبل..

وضع اهداف شهريه وسنويه وعلى المدى البعيد .. تسعى للوصول إليها من ناحية التوفير والأستثمار .. والتخطيط من أجل ذلك .

الأستعانة في التخطيط من أصحاب الخبره كالوالد والأخوان .. وغيرهم من المقربين .

بعد الوصول إلى الأهداف .. يبدأ التفكير في استثمار حساب التوفير .. سواء مشروع تجاري او حتى شراء عقار حتى وان احتاج إلى التقيد بقرض بنكي .

التصدق وبشكل دوري .. فبالصدقه يزيد الرزق بأذن الله وتنزل البركه

.




كلمه اخيره : الرفاهيه "لاحقين عليها" .. والتخطيط والتعب في البدايه ستؤدي الى الراحه في النهايه ( التعب يجلب الراحه والراحه تجلب التعب ) ..

[راجي الْعفو]

وعليكم السلام و رحمة الله و بركاته ..

هلا ب حسن البردان ..

موضوع مهم فيه محاسبة للنفس ..

لازم ما ننسى ان حنا بنُسأل عن فلوسنا :

(( وعن ماله كيف اكتسبه و فيما أنفقه ))

قبل الصرف ، اشلون جبته الفلوس من الاصل ؟

هل تحرّيت الحلال و الحرام ؟

ولا مثل ما الناس ماشية تمشي و لا تهتم ؟

ولما تكسبه بطريقة مشروعة ، يجي السؤال الثاني آلبي هو سؤالك يا حسن :

وين تصرفها ؟

هل انت من المبذرين ؟

او من المسرفين ؟

او من الذين لم يسرفوا و لم يقتروا و كانوا بين ذلك قواما ؟

الحقيقة أتعجب كل العجب من الناس اللي تتحمل ديون و تصرف فلوسها بطريقة فيها سفاهة ومن دون مبالاة ..

ويدري و يسمع بقصص اللي ابتلوا بعدم ظبط امور صرف المال ، ومع هذا اتحصله يسوي نفسهم !

جميل ان الانسان ما يبخل ع نفسه و في نفس الوقت يستثمر أمواله في أشياء تنفعه ويبتعد عن ما يصيب المال من كوارث اللي تتبعها كوارث نفسية و جسدية ..


والأخوة قبلي ماقصروا يعطيهم العافية عالبيان ..

متشكر !

[حسن]

من مؤيدي سياسة اصرف مافي الجيب ،،،،ما اعرف امسك يدي ،،حاولت يمكن شهر شهرين ،،وبعدين فجاءة اصرف كل الي جمعته ،،،
حاولت ،،،لكن الطبع يغلب التطبع ،،،الشراء ادمان ،،،الله لايعافينا منه ،،،

للا سف هذا المثل غير صحيح وخاطئ وخصوصا في وقتنا الحالي اللي كلن نفسي نفسي

الصرف المعقول مطلوب وعدم تتبع المظاهر والتقليد الاعمي

حاولي مره اخري وعلمي نفسك على القناعه

يقولون المصريين القرش البيض ينفع لليوم الاسود

وهذه نعمه يجب ان نحافظ عليها وندير بالنا عليها

شكرا لك يابنت شرق

:)

[Al-Kuwari]

كنت من النوع المبذر بزيادة وماشي حالي حال شباب هالجيل تسلف واشتر موتر واصرف بدون ترتيب بدون اقتصاد فالصرف بدون شي مع اني شفت حالة امي وابوي وكيف الديون بهدلتهم لكن ما تعلمت ولا اتعضت

لكن بعد ما جربت الدين وجربت الحاجة عرفت قيمة كل ريال كنت اصرفه قبل بدون اهتمام ولله الحمد صرت ارتب حياتي وفق الراتب وبديت اوفر وصرت ما اشتري الشي الا لو كنت محتاجه وتغيرت نظرتي للراتب والصرف بشكل كبير , وبعدها جيت بريطانيا للدراسة وتعلمت اكثر كيف ارتب حياتي بما ان صار عندي التزامات اكثر من ايجار وفواتير كهربا وماي

لكن احنا مشكلتنا فالخليج ماعندنا ثقافة تسوق و في شي يسمونه بالانجليزي Impulsive buying وهي تعني لما تشوف شي ويجيك حماس وتحس انك تبيه وضروري ولازم تشتريه وبعد ما تشتريه وتروح البيت تسأل نفسك انا ليش شريت هالمنتج ؟ وبعدين ينحذف بالدرج سنوات ماندري عنه والحل لهذه المشكلة لو شفت شي وعجبك لا تشتريه وروح البيت ولو تم على بالك فتره فوق الاسبوع معناتها انت فعلا تحتاجه او تبيه لكن لو نسيته فهي مجرد حاجة وقته وجاك الحماس ومالك حاجه بهالمنتج من الاساس

كذلك صرت لما اشوف منتج اقيمه هل يسوى هالسعر او لا , واقارنه بالمنتجات المنافسة وهالشي للأسف الكثير من شباب وشابات الخليج ما يفكرون فيه يدفعون بدون مايفكرون هل هالمنتج يستاهل سعره او لا ,

موضوع جميل يا حسن واتمنى يكون عندنا دورات فالدوحة عن ثقافة التسوق والتوفير

احنا الحمدلله بخير ونعمه لكن ذلك ما يعني التبذير والاسراف والصرف فوق الحاجة عالشي اللي يسوى واللي ما يسوى

[الدوحه1]

انحنا نعرف "الحريم" وين يصرفون فلوسهم(الماركات, الاعراس......)
ولكن ياشباب انتوا وين تصرفون فلوسكم؟؟ خاصة وان اغلبية الشباب ساكنين مع اهلهم يعني لا اجار ولا مصاريف البيت!!!

[بـن عدوان]

في برنامج اسمه مصاريف على الايفون

للي يبي يراقب فلوسه وين تروح واذا يبي يدخّر

انصحكم فيه

انا استعمله

[ريتويت]

احسن شي تحط راتبك في بناء بيت او ارض

[R 7 A L]

الله لايجعلنا نصرفه الا في ما احله الله

[عابر سبيل]

موضوعك قيم يابوعلي
نتمنى ان يستفيد منه الشباب والشابات
بشكل خاص

لفت انتباهي الحوار الصريح بين بنت شرق و كتارا
فاشكر الاثنين على سعة صدورها تجاه بعض
مما يفيدهما والمتابعين
فالاختلاف دون "صراخ" -ان صح التعبير- لا ضير فيه،

لكن للاخت بنت شرق
أودّ ان تقفي معنا مليا عند هذا الحديث:

عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما (أَنَّ النَّبِيَّ صَلَّى اللَّهُ عَلَيْهِ وَسَلَّمَ مَرَّ بِسَعْدٍ وَهُوَ يَتَوَضَّأُ فَقَالَ : مَا هَذَا السَّرَفُ يَا سَعْدُ ؟ قَالَ : أَفِي الْوُضُوءِ سَرَفٌ ؟ قَالَ : نَعَمْ ، وَإِنْ كُنْتَ عَلَى نَهْرٍ جَارٍ) .

وقال الشيخ عبد المحسن العباد حفظه الله : " أجمع العلماء على النهي عن الإسراف في الماء ولو في شاطئ البحر ،

وقال الشيخ ابن عثيمين رحمه الله : "ولنعلم أن الإكثار من استخدام الماء في الوضوء أو الغسل داخل في قول الله تعالى : (ولا تسرفوا إنه لا يحب المسرفين) ولهذا قال الفقهاء رحمهم الله : يكره الإسراف ولو كان على نهر جار ، فكيف إذا كان على مكائن تستخرج الماء ؟


هذا كله،، في الماء المستخدم للوضوء
فليتفكر احدنا في استخدامه "للماء و الكهرباء" بالعموم
خاصة أنهما للمواطنين -بفضل الله و منّه - بالمجان

و قِس-أيها القارئ- على ذلك ما هو اكبر عندك من هذان الأمران
اللذان هما عند كثيرين ..صغيران او "مستحقران"

*
*
،،
ختاما يا بوعلي
ذكرت أمثلة كثيرة و ما ذكرت شراء ارقام سيارات وارقام الهواتف
بالآلاف و عشرات ومئات الآلاف و الملايين من الريالات

حقيقة اغلب الأمور تهون عند هذا الاسراف غير المبرر و السلوك
الاجتماعي الخطير الذي استشرى عندنا في قطر وغالب الخليج

[qtr qtr]

احييك على موضوعك اللي يمس شريحه كبيره من المبذرين

اول ماتقبض الراتب سوي حساب تحويل توفير دايركت بثلاث ارباع الراتب للعزوبي وللي يعول البيت اقل شي يحول 10 الاف ريال فالتوفير .. احلى تجاره اتبعها تتفاجئ برصيد محترم فالتوفير
وهذا اللي اتبعه .. وابتعادي عت توافه الامور من ملاحقة الموديلات الحديثه من جوالات وسيارات واثاث والكترونيات .. وسفرات شوفوني انا سافرت دولة فلتان وشيرت ماركة نوعها الفلانيه كلها كلام فاضي ومضيعة للمال .

[راجي الْعفو]

وفي نقطة مهمة لازم ننتبه لها :


في أمور الدنيا لا تشوف اللي فوقك


أبدا


شوف اللي دونك


دائما

[دايموند]

انا شخصيا كوني لستُ مبذره اوفر نص الراتب او احيانا 60% واحطه بالتوفير مع ان راتبي معقول عيل لوراتبي 40 الف وفوق كنت بصير مليونيره في 3 سنوات ههههه

[بنت مريخ]

امنيتي اوفر من راتبي
ح عنده خبره ف المجال؟؟

[A-Alansari]

طريقتي في التوفير هي

ثلث الراتب في التوفير

ثلث على السلفية

ثلث لي

واذا زاد شي من الثلث الي لي نهايه الشهر احوله على التوفير

وابتعد عن الاشياء التافهه ماشتري الا الشي الي احتاجه

[كيلو حديد]

يروح في التفاهات التي أصبحت تحيط الناس من كل جانب ..

لو حسب الناس احتياجاتهم الأساسية الحقيقيه كم تكلف
ثم وضعوا فوقها ضعفها
فكان مصروفهم لتبقى من الراتب الكثييييير

ولكن تفاهات الحياة وكمالياتها هي التي تأكل الأموال بلا معنى وبلا قيمه حقيقيه

من الجميل أن تظهر نعمة الله على عبده
ولكن ليست بالطريقه التي تجعل الحياه مخلوطه بتفاهات الحياه وكأنها أساسيه من اساسيات الوجود

الله المستعان

[كيلو حديد]

امنيتي اوفر من راتبي
ح عنده خبره ف المجال؟؟
جيبي ورقه وقلم
وسجلي وين راحت الفلوس
بتنصدمين ان الراتب راح بامور تافهه جدا لا تلقين لها بالا

مره سويتها وانصدمت ، انصدمت من قلب

من يومها غيرت طريقتي وطبعا القراءه وفهم الحياه تجعل الانسان يغير نظرته
لمتع الحياه كاملة

[كيلو حديد]

أي والله ،،،الشراء ادمان ،،،لا اطلب معافتي منه ،،،لانه مايضرني ولا يضر غيري ،،،لاضرر ولا ضرار


نقول الله يستر عليك
بتعرفين متى بيضرك
الله يديم نعمته عليك
بس لو صار ما صار ولفت الدنيا بك
أكثر شيء بتندمين عليه هي هالأمور
و شفنا في الحياه مليونيريه صاروا يدورون الريال سلف بهالحياه

الله يبارك لنا جميعا ولا يبلينا بالإسراف
فالله لا يحب المسرفين
والمبذرين اخوان الشياطين

[كيلو حديد]

كنت من النوع المبذر بزيادة وماشي حالي حال شباب هالجيل تسلف واشتر موتر واصرف بدون ترتيب بدون اقتصاد فالصرف بدون شي مع اني شفت حالة امي وابوي وكيف الديون بهدلتهم لكن ما تعلمت ولا اتعضت

لكن بعد ما جربت الدين وجربت الحاجة عرفت قيمة كل ريال كنت اصرفه قبل بدون اهتمام ولله الحمد صرت ارتب حياتي وفق الراتب وبديت اوفر وصرت ما اشتري الشي الا لو كنت محتاجه وتغيرت نظرتي للراتب والصرف بشكل كبير , وبعدها جيت بريطانيا للدراسة وتعلمت اكثر كيف ارتب حياتي بما ان صار عندي التزامات اكثر من ايجار وفواتير كهربا وماي

لكن احنا مشكلتنا فالخليج ماعندنا ثقافة تسوق و في شي يسمونه بالانجليزي Impulsive buying وهي تعني لما تشوف شي ويجيك حماس وتحس انك تبيه وضروري ولازم تشتريه وبعد ما تشتريه وتروح البيت تسأل نفسك انا ليش شريت هالمنتج ؟ وبعدين ينحذف بالدرج سنوات ماندري عنه والحل لهذه المشكلة لو شفت شي وعجبك لا تشتريه وروح البيت ولو تم على بالك فتره فوق الاسبوع معناتها انت فعلا تحتاجه او تبيه لكن لو نسيته فهي مجرد حاجة وقته وجاك الحماس ومالك حاجه بهالمنتج من الاساس

كذلك صرت لما اشوف منتج اقيمه هل يسوى هالسعر او لا , واقارنه بالمنتجات المنافسة وهالشي للأسف الكثير من شباب وشابات الخليج ما يفكرون فيه يدفعون بدون مايفكرون هل هالمنتج يستاهل سعره او لا ,

موضوع جميل يا حسن واتمنى يكون عندنا دورات فالدوحة عن ثقافة التسوق والتوفير

احنا الحمدلله بخير ونعمه لكن ذلك ما يعني التبذير والاسراف والصرف فوق الحاجة عالشي اللي يسوى واللي ما يسوى

تكمله لكلامك الجميل سيدنا عمر قال
أفكلما اشتهيت اشتريت

معناها تلبية الرغبه بدون حاجه حقيقيه مشكله
ممكن الواحد يسويها مره مرتين
بس ما تكون اسلوب حياه اذا عجبني شيء اشتريه سواء احتجته او لا
كذلك حياة الغرب تعلمك قيمة المال و أن صرفه يجب أن يكون فيما يفيد

[بنت شرق]

نقول الله يستر عليك
بتعرفين متى بيضرك
الله يديم نعمته عليك
بس لو صار ما صار ولفت الدنيا بك
أكثر شيء بتندمين عليه هي هالأمور
و شفنا في الحياه مليونيريه صاروا يدورون الريال سلف بهالحياه

الله يبارك لنا جميعا ولا يبلينا بالإسراف
فالله لا يحب المسرفين
والمبذرين اخوان الشياطين
ليش الراتب يسوينا مليونيرة ،،،اخي الشراء هو انفاق على النفس والاهل ،،محمود بالدين ،،،،وسنة الرسول ان لايدخر دينار ولا درهم
وسيرة الصحابة انفاق المال نصفه وكله في سبيل الله ،،،سوالف الجمع والادخار ،،،ما قرأنها ولا تعلمناها بالسيرة
تعلمنا انفق ينفق عليك ،،وأبدئ بمن تعول ،،،

[كيلو حديد]

لا اختي الكريمه
اذا المليونيريه لفت بهم الدنيا
فلازم نتعظ فقط حتى اذا أتى أمر الله ما يحرقنا الندم
ما تكلمت عنه هو الاسراف والتبذير
أما مصاريف الحياة والاهل والعيال والضيوف
واظهار نعم الله علينا فهو واجب
وما تكلمت عن الصدقه و البذل والعطاء فهذا أمر محمود ومطلوب ومن الأمر
التي يهون الله بها مصائبنا

كلامي عن الكماليات ومظاهر الترف التي تصل للاسراف
و المنافسه بالزبو وغيره
أما البخل و الإمساك و التقتير فهو مذموم دينيا و عرفيا واجتماعيا

مثلما علمنا الانفاق علمنا الاقتصاد وعدم التبذير
ومثلما علمنا الصدقه علمنا فلا تبسطها كل البسط

الامر مرهون بقرارات الشخص وحسابات
والله يبارك لنا جميعا

[بوحارب]

انا راتبي يروح على البيت والكرك والبترول بس :(

[حسن]

ماشيه على خطه ولست " مفجوعه " على الدنيا

مرحبا يالاستقراطيه

انتي ماينخاف عليك

:victory:

زين تسوين وما شاء الله عليك وياريت تعطينا من افكارك لتفيدينا في الموضوع

حياك الله يالاستقراطيه

[حـ ن ـيـ ن]

أين يذهب راتبي سؤال دائما مايتكرر في نفسي ؟

نصيحتي لمن لا يستطيع توفير شيء من راتبه خصوصا النساء أن تأخذ قرضا وتشتري عقار

ففي كلا الحالتين يذهب الراتب ولكن في الحالة الثانية هناك عائد ألا وهو العقار

ولكن هناك من يقول راتبي لا يكفي لشراء عقار والحل هو أن يشترك مجموعة من الأخوة أو الأصدقاء

في ذلك

شكرًا أستاذ حسن

[qatara]

تكمله لكلامك الجميل سيدنا عمر قال
أفكلما اشتهيت اشتريت

معناها تلبية الرغبه بدون حاجه حقيقيه مشكله
ممكن الواحد يسويها مره مرتين
بس ما تكون اسلوب حياه اذا عجبني شيء اشتريه سواء احتجته او لا
كذلك حياة الغرب تعلمك قيمة المال و أن صرفه يجب أن يكون فيما يفيد

جزاك الله خير

اذا الدرهم الحلال سنسئل عنه من اين اتينا به وفيما صرفناه
فما بالك في لعب ولهو وغير حاجه واسراف فما سيكون جوابه صرفه

فمال بعضهم دخلهم ربا او حرام فما سيكون
جوابه عن السوال من اين اتا به وفيم صرفه


فالله المستعان

[بشائر]

أشكرك أخوي حسن على طرح الموضوع المهم ..واللي كلنا فعلا بحاجة لمناقشة مثل هالمواضيع البناءة ..
شخصيا استفدت من مشاركة الأخوان بايلوت والكواري .. ماقصرتوا الله يجزيكم كل خير ..


مرحبا اخوي حسن ..


احييك على الموضوع اخوي .. واتوقع ان الشباب راح يستفيدون منه من اراء وتجارب الأخرين في التصرف والتحكم في الراتب .







لنبدأ بتحليل الوضع وأسباب "ضياع" الراتب :



المظاهر / .. وعلى رأسها السيارات ( الفخمه ) .. تلقى الواحد توه متوظف وأول شيء يخطر على باله ( السياره ) .. ولازم تكون أخر موديل وبمبلغ وقدره .. نعم السياره ضروره .. ولكن القفز الى فئات " فخمه " وفي مقتبل العمر .. ضياع لمستقبله ..ومن الأعلانات التوعويه اللتي لفتت انتباهي في الشوارع ( لاتشتر فرحة اليوم بهم الغد ) ..

الديون / لأسباب تافهه .. مثل السفر .. السيارات الفخمه .. ومع تسهيلات البنوك واساليبهم التسويقيه انجرف الكثير وراء الديون وتراكمت عليهم.

المواكبه / كل كم شهر جوال .. جهاز معين .. التسوق بعشوائيه وفوق الحاجه .. وتجربة كل ماهو جديد .

الرفاهيه / افكار اغلب الشباب حاليا محصوره بين تاريخ 27 من الشهر إلى تاريخ 27 من الشهر المقبل .. شلون ارفه عن نفسي وشلون اصرف الراتب خلال هالشهر .. وكأن الرفاهيه محصوره بمعيار معين يتطلب صرف كل الراتب ..

غياب الوعي / بأهمية حسن تدبير الراتب " ومن البدايه " لضمان المستقبل .. نظام ( عيش يومك ) .. إلى ان يأتي يوم يتحسر فيه على إضاعة سنين من البذخ والصرف العشوائي .




الحلول :


فتح حساب في بنك أسلامي.

ورقه وقلم .. وتحديد الصرف الشهري والألتزامات متضمنه جميع الأحتياجات خلال الشهر ومتابعتها وتسجيلها ..

فتح حساب توفير ( مغلق ) لايمكن السحب منه عن طريق البطاقه او حتى التحويل عن طريق التلفون ..

تقسيم الراتب بحيث يتم توفير الجزء الأكبر منه بتحويل شهري ( آلي ) .. الى حساب التوفير ونسيانه ..

المتبقي من الراتب بعد التوفير هو ( الراتب ) .. فيتم التكيف والتقيد به .. وحتى محاولة التوفير منه للشهر المقبل..

وضع اهداف شهريه وسنويه وعلى المدى البعيد .. تسعى للوصول إليها من ناحية التوفير والأستثمار .. والتخطيط من أجل ذلك .

الأستعانة في التخطيط من أصحاب الخبره كالوالد والأخوان .. وغيرهم من المقربين .

بعد الوصول إلى الأهداف .. يبدأ التفكير في استثمار حساب التوفير .. سواء مشروع تجاري او حتى شراء عقار حتى وان احتاج إلى التقيد بقرض بنكي .

التصدق وبشكل دوري .. فبالصدقه يزيد الرزق بأذن الله وتنزل البركه

.




كلمه اخيره : الرفاهيه "لاحقين عليها" .. والتخطيط والتعب في البدايه ستؤدي الى الراحه في النهايه ( التعب يجلب الراحه والراحه تجلب التعب ) ..




كنت من النوع المبذر بزيادة وماشي حالي حال شباب هالجيل تسلف واشتر موتر واصرف بدون ترتيب بدون اقتصاد فالصرف بدون شي مع اني شفت حالة امي وابوي وكيف الديون بهدلتهم لكن ما تعلمت ولا اتعضت

لكن بعد ما جربت الدين وجربت الحاجة عرفت قيمة كل ريال كنت اصرفه قبل بدون اهتمام ولله الحمد صرت ارتب حياتي وفق الراتب وبديت اوفر وصرت ما اشتري الشي الا لو كنت محتاجه وتغيرت نظرتي للراتب والصرف بشكل كبير , وبعدها جيت بريطانيا للدراسة وتعلمت اكثر كيف ارتب حياتي بما ان صار عندي التزامات اكثر من ايجار وفواتير كهربا وماي

لكن احنا مشكلتنا فالخليج ماعندنا ثقافة تسوق و في شي يسمونه بالانجليزي Impulsive buying وهي تعني لما تشوف شي ويجيك حماس وتحس انك تبيه وضروري ولازم تشتريه وبعد ما تشتريه وتروح البيت تسأل نفسك انا ليش شريت هالمنتج ؟ وبعدين ينحذف بالدرج سنوات ماندري عنه والحل لهذه المشكلة لو شفت شي وعجبك لا تشتريه وروح البيت ولو تم على بالك فتره فوق الاسبوع معناتها انت فعلا تحتاجه او تبيه لكن لو نسيته فهي مجرد حاجة وقته وجاك الحماس ومالك حاجه بهالمنتج من الاساس

كذلك صرت لما اشوف منتج اقيمه هل يسوى هالسعر او لا , واقارنه بالمنتجات المنافسة وهالشي للأسف الكثير من شباب وشابات الخليج ما يفكرون فيه يدفعون بدون مايفكرون هل هالمنتج يستاهل سعره او لا ,

موضوع جميل يا حسن واتمنى يكون عندنا دورات فالدوحة عن ثقافة التسوق والتوفير

احنا الحمدلله بخير ونعمه لكن ذلك ما يعني التبذير والاسراف والصرف فوق الحاجة عالشي اللي يسوى واللي ما يسوى

[عابر سبيل]

أين يذهب راتبي سؤال دائما مايتكرر في نفسي ؟

نصيحتي لمن لا يستطيع توفير شيء من راتبه خصوصا النساء أن تأخذ قرضا وتشتري عقار

ففي كلا الحالتين يذهب الراتب ولكن في الحالة الثانية هناك عائد ألا وهو العقار

ولكن هناك من يقول راتبي لا يكفي لشراء عقار والحل هو أن يشترك مجموعة من الأخوة أو الأصدقاء

في ذلك

شكرًا أستاذ حسن


فكره ممتازه و عمليه
و هي فعلا افضل ادخار

وهالنوع من الاقتراض..هو اقتراض محمود و طيب
بعكس الاقتراض الاستهلاكي..على االكماليات او السفر
او الماركات...

واحب اضيف انه ايضا من الممكن اخذ تمويل "اسلامي" لشراء أسهم بنية الاحتفاظ بالاسهم لعدة سنوات و الحصول على مردودها السنوي.. وليس للمضاربه

فمن باستطاعته ان يقتطع من راتبه 8-9 الاف ريال شهريا
بامكانه الحصول على تمويل بحدود 500 الف ريال
وهو مبلغ جيد جدا لشراء سهم..كسهم مسيعيد الذي غالبنا عنده شيء منه من الاكتتاب(المكرمه) ..
فبهذا تصبح تكلفه السهم اقل من سعر السوق...
وهنالك عده اسهم اخرى طيبه للاستثمار و مسيعيد مجرد مثال خاصه لمن لازال عندهم اسهم الاكتتاب

وهكذا...

[كازانوفا]

موضوع رائع اعرف الكثير من الي ذكرتهم هم الان خلف القضبان

بالفعل من فتره قصيره سمعت هالشي الله يفرج عنهم وعناا

[يمامـة]

الراتب يروح في المظاهر.. واللي ما يركض ورا المظاهر يصير من اصحاب الفلوس..

الكلام هذا يشمل عيالنا اللي يا كلون و يشربون ويمشون اياديهم في الطوفة
وتمشي لهم رواتب من الدولة سواء كانوا طلاب او موظفين..

فالحمد لله رب العالمين انعمه الكثيرة..

[بصمة قطرية]

فكرة الموضوع بصفة عامة حلوة
و أنا أشجع على التوفير و الإدخار ..
في نفس الوقت ما أحب الشخص اللي عنده
و يبخل على نفسه ..
لازم الشخص يعرف يوازن و يسوي كونترول على صرفه ..
يصرف بالمعقول ..
أنا مش موظفة لكني ولله الحمدلله أصرف بعقل
و قادرة أوازن بين الأساسيات و في نفس الوقت
ما أقصر على نفسي و لا على بيتي*..

نقطة أخيرة أخوي حسن ..
ما تقبلت الموضوع لسبب واحد
إن انت الكاتب ..!!
عارف ليش ..!!!
لأن حسن طول عمره يذكر الرواتب العالية في كل موضوع
ينتقد هل قطر و إسرافهم و صرفهم
شعب مرفه لأبعد الحدود و كله سفرات
مجرد ما قريت العنوان عرفت المحتوى كامل
لأنك تكرر هالشي في كل موضوع ..
اللي يقرا كلامك بيقول القطري قاعد مرتاح
و الدولة تمشي له راتب ..!!
و لا كأن هالراتب تعبان فيه
دوام من الصبح لين الظهر ..
غير الضغط النفسي اللي يتعرض له البعض ...!!
و في الأخير ( ياكل و يمش يده في الطوفة ) ..!!
أعتقد أخوي حسن إنت راتبك وايد قوي
و لا اللي حولك هاي اللي خلاك تبني هالنظرية
و تعممها على الكل ..!!

شغلتين ما في غيرهم دوم على لسانك
الرواتب العالية وشغل الحريم ..!!!!!


أتمنى صراحتي ما تزعلك ..

[qatara]

يا جماعة مش مسئلة توفير


المسئلة اللعب والاسراف في غير الحاجه الفعلية

من قلة العقل وقلة الدين

(وقلة العقل تبذير المال سفاهه
وقلة الدين لان الاسراف حرام )


==

{ إن المبذرين كانوا إخوان الشياطين}

(ثم لتسألن يومئذ عن النعيم )

[بصمة قطرية]

يا جماعة مش مسئلة توفير


المسئلة اللعب والاسراف في غير الحاجه الفعلية

من قلة العقل وقلة الدين

(وقلة العقل تبذير المال سفاهه
وقلة الدين لان الاسراف حرام )


==

{ إن المبذرين كانوا إخوان الشياطين}

(ثم لتسألن يومئذ عن النعيم )

فهمت قصدك كتارا ..
و كلامك صحيح
محد يرضى بالتبذير و الإسراف ..

رب العالمين بيحاسبنا على كل ريال
مصدر الفلوس و في شنو صرفناها ..

[حسن]

ما اعرف ايود ريال

بس الحمدلله بيزاتي اصرفها فشي فيه فايده
الشي الوحيد الي اصرف عليه بدون فايده الاثاث احب اغير فالاثاث وايد

مرحبا يااماف

تصرفك هذا غلط ومايسير ماتجمع لك جزء من المال
وبعدين الاثاث مهب كل شهر تغيره
كل هذه تعتبر خساير بدون معني
غير طريقه حياتك وحاول تعملك بنود لمصروفات وحاول تنظم امورك
نصيحه وانت توك وراك حياه طويله


وشكرا لمرورك يااماف

السموحه لتاخير على باقي الردود لان اكتفي بردين يوميا

يعني باسوي توفير ادخار للكلمات
في مواضيعي المستقبليه

فالعذر منكم

:)

[بوحارب]

^


على كيفك ههههه

حسن اتوقع والله العالم

فلوس الشباب تروح على المواتر

والبنات فلوسهم تطير على الموضة والتشري

والعجايز على الذهب<< شي حلو

والرجال اللي نفس الشيبان على السفرات

على سبيل المثال يعني :pic:

[حسن]

موضوع رائع اعرف الكثير من الي ذكرتهم هم الان خلف القضبان

مرورك الاروع يالنهار

صباح الخير من وادي السيل الى وادي فشاخ

:)

ضربت لنا مثل حي وشهاده على العصر

والبعض يقولك انا ماعرف امسك ولا ادخر على هل الفوائض ماتدخر متى بتدخر
سنه سبله ولا سنه القحط
ناس ماتسمع ولا تبي تسمع الكلام المفيد واخرها ورا القضبان وعقب
تسمع الصرخات والانين والرحمه وطلب المساعه

ليش من البدايه

!!!!

هل ودخل تتدخل الدوله عن طريق قانون قطع جزء من الرواتب علشان تجمعه لكم

؟؟؟


الانسان يجب ان يكون مميز وعاقل ويسائل كيف يجمع فلوسه هذه ثثقافه

وانا اقول يمكن الدوله ساهمت في نشر هذه الثقافه


شكرا لك يالنهار منور الموضوع


تحياتي


:victory:

[المحاميه]

وعليكم السلام

والله ماندري راتبك ياحسن وين يروح


^


رداً على العنوان

[ودي أكون]

انا مشكلتي في التناتيف ..هذا على هذا على هذا وي الا ألف ألفين طايره :rolleyes2:

والمشكله الثانيه طيحة الخاطر، .. اذا طاح فخاطري شيء وماخذته احين، متى باخذه عيل :court:

[مختلفة عقليا]

السلام عليكم

الصج كل شهر اقول بروح احط لي توفير بس ما احط ., اليوم بروح اليوم اليوم

امل كل شهر ., احدد الاشياء الاساسيه اللي ابيها والباقي اللعب فيه ., يعني كوفي ومطاعم وجيه

بس الموضوع يبيله دراسه والله ., :telephone:

ويسلموو

[حمد 2002]

موضوعك حلو يابوعلي ولي عوده وبعنف

[حمد 2002]

السلام عليكم

الصج كل شهر اقول بروح احط لي توفير بس ما احط ., اليوم بروح اليوم اليوم

امل كل شهر ., احدد الاشياء الاساسيه اللي ابيها والباقي اللعب فيه ., يعني كوفي ومطاعم وجيه
بس الموضوع يبيله دراسه والله ., :telephone:

ويسلموو

يعني تبين تتخلصين من الفلوس بأي طريقه ؟

حرام هالشيء ولا حلال ؟!

[حمد 2002]

انا مشكلتي في التناتيف ..هذا على هذا على هذا وي الا ألف ألفين طايره :rolleyes2:

والمشكله الثانيه طيحة الخاطر، .. اذا طاح فخاطري شيء وماخذته احين، متى باخذه عيل :court:

سؤال لراعي الموضوع الاخ بوعلي

هل عدم قدرتنا على ظبط نفسنا ورغباتنا الداخليه عند رؤيتنا لسلعه لاتعتبر مهمه ورغبتنا بشراءها بداعي الحب فقط ، يعتبر مرض نفسي ؟ واذا كانت الاجابه نعم ماهي الطريقه المناسبه لعلاج هذا المرض ؟

[حمد 2002]

وعليكم السلام

والله ماندري راتبك ياحسن وين يروح


^


رداً على العنوان

وانتي راتبج وين ايروح استاذه المحاميه ؟

[حمد 2002]

^


على كيفك ههههه

حسن اتوقع والله العالم

فلوس الشباب تروح على المواتر

والبنات فلوسهم تطير على الموضة والتشري

والعجايز على الذهب<< شي حلو

والرجال اللي نفس الشيبان على السفرات

على سبيل المثال يعني :pic:

عطنا تجاربك استاذ بوحارب عن طريقه ادارتك لراتبك الشهري ؟

[حمد 2002]

يا جماعة مش مسئلة توفير


المسئلة اللعب والاسراف في غير الحاجه الفعلية

من قلة العقل وقلة الدين

(وقلة العقل تبذير المال سفاهه
وقلة الدين لان الاسراف حرام )


==

{ إن المبذرين كانوا إخوان الشياطين}

(ثم لتسألن يومئذ عن النعيم )

سؤال لك استاذ كتارا ،،

لو الشخص الاب كان تحت ضغوط من ابناءه وزوجته :- هي تبي تسافر وعياله يبون هذا ووووووووووو


كيف لايكون مبذر ويتحكم ويدير الامور بذكاء ؟

[حمد 2002]

فكرة الموضوع بصفة عامة حلوة
و أنا أشجع على التوفير و الإدخار ..
في نفس الوقت ما أحب الشخص اللي عنده
و يبخل على نفسه ..
لازم الشخص يعرف يوازن و يسوي كونترول على صرفه ..
يصرف بالمعقول ..
أنا مش موظفة لكني ولله الحمدلله أصرف بعقل
و قادرة أوازن بين الأساسيات و في نفس الوقت
ما أقصر على نفسي و لا على بيتي*..

نقطة أخيرة أخوي حسن ..
ما تقبلت الموضوع لسبب واحد
إن انت الكاتب ..!!
عارف ليش ..!!!
لأن حسن طول عمره يذكر الرواتب العالية في كل موضوع
ينتقد هل قطر و إسرافهم و صرفهم
شعب مرفه لأبعد الحدود و كله سفرات
مجرد ما قريت العنوان عرفت المحتوى كامل
لأنك تكرر هالشي في كل موضوع ..
اللي يقرا كلامك بيقول القطري قاعد مرتاح
و الدولة تمشي له راتب ..!!
و لا كأن هالراتب تعبان فيه
دوام من الصبح لين الظهر ..
غير الضغط النفسي اللي يتعرض له البعض ...!!
و في الأخير ( ياكل و يمش يده في الطوفة ) ..!!
أعتقد أخوي حسن إنت راتبك وايد قوي
و لا اللي حولك هاي اللي خلاك تبني هالنظرية
و تعممها على الكل ..!!

شغلتين ما في غيرهم دوم على لسانك
الرواتب العالية وشغل الحريم ..!!!!!


أتمنى صراحتي ما تزعلك ..

يمكن الرجال امكانياته الماديه عاليه ، لانه انسان مكافح وعصامي وبنى نفسه من الصفر ، وماجاته الفلوس وهو مرتاح في البيت .

هالانسان حسب دراستي له وعمل سيرج حوله دخل البحار وحفر الصخر ويتحمل الحر القاسيه في سبيل ان يعيش اهله حياه كريمه بدون حاجتهم لأحد .

وبالنسبه لتعليقك بأنه ضد وظيفه النساء ، فأنا معاه بهذا الامر لانه عاش التجربه ومرتاح منها فعادي لو طالب بتعميمها على كل الرجال ، لانه يقولون لج اسال مجرب ولا تسال طبيب ،،


ونعم الرجال بوعلي

[حمد 2002]

الراتب يروح في المظاهر.. واللي ما يركض ورا المظاهر يصير من اصحاب الفلوس..

الكلام هذا يشمل عيالنا اللي يا كلون و يشربون ويمشون اياديهم في الطوفة
وتمشي لهم رواتب من الدولة سواء كانوا طلاب او موظفين..

فالحمد لله رب العالمين انعمه الكثيرة..

شلون نغرس في الاجيال القادمه طريقه الارشاد والتوفير بالرواتب ؟!

اين دور المدارس الابتدائيه والاعداديه ؟

اين دور الاهل ؟

اين دور وسائل الاعلام ؟

اين دور المؤسسات بالدوله ؟

[العنيده]

سبحان الله قبل كنت اقول الناس ليش يخلصون فلوسهم .. اشدعوه مايقدرون يوفرون , مب اي يشترونه وووووووو الخ

لين مرة علي فتره استغفرت ربي والله فتره ان مايبقى في راتبي شي وانا سينير حتى التوفير لفيت عليه :rolleyes2:
والحمدلله رب العالمين الوضع اللي انا حطيت نفسي فيه عرفت شلون اطلع منه بفضل ربي .. لما اكتشفت الرضا باللي عندي والقناعه اهم شي ..
انا من اللي سحبتني الكماليات واعترف ومب عيب اقول وين الغلط .. ابي اشتري وابي هاي وهاي وبالنهايه استغفر الله ثلاث ارباع الاشياء مو مهمه وفلوس على الفاضي والله يغفر لنا ان شاء الله ..
مجرد مانعرف حاجاتنا ونفهم قيمة اللي بيدنا سبحان الله بنعرف شلون نرتب امورنا كامله بديتها بورقه وقلم بالدوام كتبت ( احتياجاتي + التوفير ) لين قدرت اوفر الحمدلله بدون مااقصر على نفسي ,
احساس حلوو يكون عند الشخص فائض من الراتب الحالي قريب الراتب اللي جاي يكون براحه حتى لو مبلغ بسيط الحمدلله عن نفسي احس بامان ماديا والحمدلله ..
و التوفير جدا مهم سبحان الله الواحد مايعرف ايش مكتوب له بدل مااحتاج للناس حلو اعتمد على نفسي والحمدلله على كل حال

حلووو الموضوع ومفيد ..

[حمد 2002]

فكره ممتازه و عمليه
و هي فعلا افضل ادخار

وهالنوع من الاقتراض..هو اقتراض محمود و طيب
بعكس الاقتراض الاستهلاكي..على االكماليات او السفر
او الماركات...

واحب اضيف انه ايضا من الممكن اخذ تمويل "اسلامي" لشراء أسهم بنية الاحتفاظ بالاسهم لعدة سنوات و الحصول على مردودها السنوي.. وليس للمضاربه

فمن باستطاعته ان يقتطع من راتبه 8-9 الاف ريال شهريا
بامكانه الحصول على تمويل بحدود 500 الف ريال
وهو مبلغ جيد جدا لشراء سهم..كسهم مسيعيد الذي غالبنا عنده شيء منه من الاكتتاب(المكرمه) ..
فبهذا تصبح تكلفه السهم اقل من سعر السوق...
وهنالك عده اسهم اخرى طيبه للاستثمار و مسيعيد مجرد مثال خاصه لمن لازال عندهم اسهم الاكتتاب

وهكذا...

انا ضد الاقتراض لدخول الاسهم تحديدا !! ، لو كان من تجميع راتبك الشهري مب مشكله ، اما اقتراض فلا والف لا !! ،،

الاقتراض فقط للضروريات زواج ، علاج ، مشروع مضمون جدا !! ..


اما الاسهم لا لا لا


سهم نازل

وسهم صاعد

ويبيلها طوله بال وصبر ،


الاسهم غبه في وسط البحر ، ولها اهلها ،

[ودي أكون]

سؤال لراعي الموضوع الاخ بوعلي

هل عدم قدرتنا على ظبط نفسنا ورغباتنا الداخليه عند رؤيتنا لسلعه لاتعتبر مهمه ورغبتنا بشراءها بداعي الحب فقط ، يعتبر مرض نفسي ؟ واذا كانت الاجابه نعم ماهي الطريقه المناسبه لعلاج هذا المرض ؟

مو مهمه قد تكون بالنسبه لك او عند غيرك،، بس دامها طاحت ف خاطري فهي مهمه بالنسبه لي، دامها حلال ومن راتب حلال ولله الحمد ..

والمرض النفسي، يكون عند شخص اي شيء شافه خذاه، اي شيء عند غيره لازم يكون عنده .. الخ

عذراً مو أنت اللي تحكم شنو المهم عندنا والغير مهم :)

[حمد 2002]

أين يذهب راتبي سؤال دائما مايتكرر في نفسي ؟

نصيحتي لمن لا يستطيع توفير شيء من راتبه خصوصا النساء أن تأخذ قرضا وتشتري عقار

ففي كلا الحالتين يذهب الراتب ولكن في الحالة الثانية هناك عائد ألا وهو العقار

ولكن هناك من يقول راتبي لا يكفي لشراء عقار والحل هو أن يشترك مجموعة من الأخوة أو الأصدقاء

في ذلك

شكرًا أستاذ حسن

انا ضد فكرتج ،،

لو بتحصل عقار بتحصله بأسعار مبالغ فيها وبمناطق بعيده وراتبها بيروح نصه و بتحصل العوائد اذا تأجر بعد 30 سنه ، ههههههههههه يالله ابحسن الخاتمه ،،

ولحد ايقولي العقار ضمان !!


العقار مرتبط بأقتصاد الدوله حاله حال أي مشروع بالدوله !! ..

[حمد 2002]

انا راتبي يروح على البيت والكرك والبترول بس :(

ودي اصدق بس قويه !!


ودي اسرد بعض الامور حول ردك بس مب قايلها احتراما لقوانين المنتدى ولعدم الخوض بالتفاصيل والامور الشخصيه !!

[حمد 2002]

لا اختي الكريمه
اذا المليونيريه لفت بهم الدنيا
فلازم نتعظ فقط حتى اذا أتى أمر الله ما يحرقنا الندم
ما تكلمت عنه هو الاسراف والتبذير
أما مصاريف الحياة والاهل والعيال والضيوف
واظهار نعم الله علينا فهو واجب
وما تكلمت عن الصدقه و البذل والعطاء فهذا أمر محمود ومطلوب ومن الأمر
التي يهون الله بها مصائبنا

كلامي عن الكماليات ومظاهر الترف التي تصل للاسراف
و المنافسه بالزبو وغيره
أما البخل و الإمساك و التقتير فهو مذموم دينيا و عرفيا واجتماعيا

مثلما علمنا الانفاق علمنا الاقتصاد وعدم التبذير
ومثلما علمنا الصدقه علمنا فلا تبسطها كل البسط

الامر مرهون بقرارات الشخص وحسابات
والله يبارك لنا جميعا

طيب لو واحد مدخوله الشهري 300 الف ريال !!


وشرى رنج روفر ب 700 الف ريال !! ، هل يعتبر هذا تبذير ول لا ؟

[حمد 2002]

ليش الراتب يسوينا مليونيرة ،،،اخي الشراء هو انفاق على النفس والاهل ،،محمود بالدين ،،،،وسنة الرسول ان لايدخر دينار ولا درهم
وسيرة الصحابة انفاق المال نصفه وكله في سبيل الله ،،،سوالف الجمع والادخار ،،،ما قرأنها ولا تعلمناها بالسيرة
تعلمنا انفق ينفق عليك ،،وأبدئ بمن تعول ،،،

مالفرق مابين الادخار والبخل ؟

[يمامـة]

طيب لو واحد مدخوله الشهري 300 الف ريال !!


وشرى رنج روفر ب 700 الف ريال !! ، هل يعتبر هذا تبذير ول لا ؟

حمد التبذير انك تشتري شي ما تستفيد منه او تستخدمه مرة وتقطه او تشتري شي محرم وان كان رخيص..

الحين رنج روفر على 700 الف بالذمة الواحد يشتري علشان يلحفه في الطبيلة؟:weeping:

أكيد بيستخدمه وبيحوس فيه في شوارع قطر وبيتكسر من الحفريات والمطبات..

[حمد 2002]

حمد التبذير انك تشتري شي ما تستفيد منه او تستخدمه مرة وتقطه او تشتري شي محرم وان كان رخيص..

الحين رنج روفر على 700 الف بالذمة الواحد يشتري علشان يحلفه في الطبيلة؟:weeping:

أكيد بيستخدمه وبيحوس فيه في شوارع قطر وبيتكسر من الحفريات والمطبات..

بوعلي عنده بنتلي سعرها فوق المليون !!!!


هل يعتبر هذا تبذير ول لا ؟

[عثرة جواد]

السلام عليكم

موضوع قيم

انا اشوف سياسة الادخار غير موجوده عند كثير منا لانا ماتربينا عليها

والا حتى كلفنا ع نفسنا باخذ دورات او قرائه ف هاي الموضوع من باب الجهل

والاكن ف البلاد المتقدمة يتعود الطفل من اول سنين عمره ع معنى المال وين يصرفه ومتى

لانه بيكبر وبي كون نفسه بنفسة .

بس احنا ليش يدخر وهو من الثنوية سياره من الوكالة ...وزوجة تجية ع طبق من ذهب

اشلون بيتعلم وبيعلم عيالة .....

وقفة جادة للارتقااء بل عقل البشري ...

عساك ع القوة

[يمامـة]

بوعلي عنده بنتلي سعرها فوق المليون !!!!


هل يعتبر هذا تبذير ول لا ؟

بوعلي حسب كلامه انه انسان سواعده سمر.. واللي سواعده سمر ما اعتقد عنده بنتلي..

واذا عنده بنتلي ويقول الرواتب كبيرة.. بزعل منه لأن براتب بو العيال مب قادرين ناخذ كامري كاش:shy:

[@north_star@]

موضوع مهم جدا وحساس في نفس الوقت لآنه يمس فئة كبيرة من المجتمعات بشكل عام .... وبصراحة أنا كنت مسرف بفترات ما قبل الزواج وما أقدر أقعد بدون ما أشتري أي شي حتى لو مب بحاجته
وقبل الزواج بفترة حصلي موقف علمني معنى انك تحافظ على فلوسك وتخليها يوم تحتاجها عشان ما تسأل الغير يسلفونك والحمد لله على النعمة واللهم احفظها من الزوال .

وأهم شي وخاصة بالمشتريات انك لما تروح على الجمعية أو اي مول تشتري مقاضي البيت على سبيل المثال انك تكتب ورقة بالاغراض الي محتاجها وبس لانه بدون ورقة الواحد بياخذ اللي يبيه والا ما يبيه
وبدال ما يدفع 1000 ريال على حاجته الفعلية بيدفع على الاقل ضعف المبلغ وهو ما يدري والامثلة كثيرة .وأيضا السفر بالطائرة وخاصة لما يكون مع ربعه لااااااازم تكون على البزنس أو الدرجة الاولى مع أنه الاوكونوميك يفي بنفس الغرض
وحتى لو كانت المسافة طويلة البعض بيقول بشتري راحتي طيب تقدر تاخذ التذكرة ترانزيت على أكثر من مطار وترتاح على فترات وتشوف وتتعرف على مطارات جديدة وبنفس الوقت تكون وفرت مبلغ كبير بفرقية التذكرة وهالمبلغ تقدر تصرفه باقامتك في البلد اللي رايحله على الاقل مصاريف الفندق ..واللهم ادم علينا النعم ولا تجعلنا من المبذرين .

[حسن]

طبيعة حياتنا هنا في قطر خلت هالشي يصير عند الشباب
كل شي ولله الحمد متوفر والاهل مايقصرون، يعني مافي شي يجبر الشباب انهم ينتبهون للفلوس عدل ويفكرون تفكير مستقبلي وكيف يصرفونها وكيف يدخرونها بالطريقه العدله
مثلا في بعض البلدان الاجنبيه تلقى الشاب عندهم لانه مدخوله قليل نسبياً ومعتمد على روحه في الحياه بشكل كامل فدايماً يحاسب الف حساب قبل مايشتري شي
وطبيعه الحياه والبلد كذلك تفرض عليه يوفر فمثلاً مايستخدم سياره ولاتكسي فقط مترو او مشي او دراجه


في النهايه ما اقول الا الحمدلله على النعمه وعلى كل شيء

مرحبا يامحمد

بس انا اشوف بالعكس طبيعتنا تغيرت وايد عن قبل
يعني هل هناك خلل ؟ في البيئه ؟ في المجتمع ؟ في التعليم ؟الدوله لها دور في ذالك ؟
كل هذه اسئله تدور في مخي مالقيت لها حل !

هل احنا ماشين بالبركه ؟وهل هذه المقوله في زمن التعليم والشهادات العليا تمشي الان ؟

صحيح ان الدوله مهب مقصره علينا ولكن لازم نحاسب على هذه النعمه ؟

الان وانا في طريقي كالعالده ذاهب للمدارس استوقفني اعلان لاحد البنوك
تسوق عن بطاقه وتسهيلات وتعال سافر وانت مرتاح
!!!!

هل يعني ان البنك عارف نمط التفكير الحالي للمواطنين وماهي اولوياتهم ومطلباتهم ؟
يعني حتى البنوك عندها خطط للتسويق وغدا للديون الكبيره بسبب تلك العروض
يعني هناك استغلال للعقول

فانا حبيت ان انبه بان لايقعون ضحايا تلك العروضات علشان مايقع الفاس بالراس
وعقب تعالي انقذونا من الديون المتعثره ياحكومه


:(


شكرا للجميع على مشاركتهم النيره واشكر شكر خاص لليمامه وحمد على اثرائهم
للحوار

فاكتفي الى هذا الحد وه ردين فقط يوميا تجنبا للجهاد العصف الذهني

ومنها ادخار الكلمات والمعلومات وعدم استنزافها

انتظروني غدا

:)

[بومحمد المطاوعه]

جزاك الله خير على هالموضوع الطيب

والي يعور القلب :weeping:


اسأل الله ان يفرج هم كل انسان عليه ديون ,, بجميع اسبابها ..

[راجي الْعفو]

أحسن شي عجبني في الموضوع يا حسن سالفة عدم اجهاد العصف الذهني

وادخار الكلمات و عدم استنزافها

ماشاء الله حتى الكلمات المجانية تحب تدّخرها !

الله يزيد و يبارك

[العنيده]

مالفرق مابين الادخار والبخل ؟

سؤال مهم و الاغلبيه فاهمينه غلط .. اسفه بس ممكن ارد على هالسؤال ..

برايي واللي ممكن يكون غلط والله اعلم ..
الادخار توفير للمستقبل وللحاجات الضروريه مع مراعاة ان الشي مايكون ببخل يعني مب لان الشخص يوفر معناته مايريح نفسه ويوفر اللي بخاطره بعقل ..
في ناس وايد مقصره على عيالها وعندها خير واذا سالناهم قالوا نوفر لهم ؟؟ يعني متى مثلا بيحسون بالنعمه متى بتحسس نفسك بانك شخص الله
عطاك نعمه بس بعقل ..

مثل لما تعلم ياهل وقت ماتعطيه فلوس اذا مومحتاجها وفرها عشان تاخذ لنفسك شي هنيه يتعلم التوفير صح ..

التوفير اذا حققنا الراحه الحاليه مع ضمان شي للمستقبل برايي اسميه توفير
اما اذا توفير بتقصير بهدف ضمان المستقبل فقط اسميه بخل :rolleyes2:

[eXpert*]

الحل الأمثل أن المؤسسات المالية توفر منتجات إستثمارية / إدخارية للشباب بعائد قليل ..

مع الأسف ما عندنا الأ الأسهم و الودائع بينما فعلياً هنالك العديد من الأدوات الإستثمارية التي يجب تفعيلها لإستقطاب أموال الأفراد .

[العنيده]

الحل الأمثل أن المؤسسات المالية توفر منتجات إستثمارية / إدخارية للشباب بعائد قليل ..

مع الأسف ما عندنا الأ الأسهم و الودائع بينما فعلياً هنالك العديد من الأدوات الإستثمارية التي يجب تفعيلها لإستقطاب أموال الأفراد .

ممكن مثال ؟؟

[المحاميه]

وانتي راتبج وين ايروح استاذه المحاميه ؟

ماشاء الله حطيت نفسك مكان راعي الموضوع؟


عالعموم ماحب اتكلم ف كل خصوصياتي جدام اللي يسوى واللي مايسوى وركزلي على اللي مايسوى .. ياكثرهم :)

[بوحارب]

عطنا تجاربك استاذ بوحارب عن طريقه ادارتك لراتبك الشهري ؟


ودي اصدق بس قويه !!


ودي اسرد بعض الامور حول ردك بس مب قايلها احتراما لقوانين المنتدى ولعدم الخوض بالتفاصيل والامور الشخصيه !!

انا ابوي ما يتدخل في راتبي:pic:

ومب شغلك زين :happy:

[غايه الطواش]

راتبي يطير اذا سافرت
اما فالدوحه ماعندي مصاريف واجده , وعندي دخل ثاني يدر علي مابين فتره وفتره
واكثر من نص الراتب يروح توفير اوتوماتكلي مسويه حواله شهريه , قبل رمضان بشهر تزيد شويه المصاريف
والا باقي السنه الامور سهالات

[ريم الشمال]

لا اعاني من مشكلة تنظيم اموري المالية
علموا اولادكم على نظام التوفير والحصالة ودفتر التوفير مع التشجيع سوف تجنون ثمار جميله عندما يكبر الصغار ويعرفون
كيف يديون امورهم المالية

[qatara]

يعني تبين تتخلصين من الفلوس بأي طريقه ؟

حرام هالشيء ولا حلال ؟!

تدري شسبب لان الفلوس جاتهم هينه لينه

ماحكو بالشمس ولا شالو بيبات ولا وقوفو تحت المطر
ولا حكتهم لرطوبه ولا خذوها بتعب وكد لا وظيفه سهله
وريوق وسوالف جلسة مكاتب واجازات بالهبل ويروحون
كاشخات ويرجعون كاشخات وحتى بالوظيفه ليس هناك محاسبه
حقيقيه او مسئوليه لا مشي مشي لكذيه الامر سهل
لبعضهن مايحسون انهم تعبو فيها صح رواتبهم تفوق رواتب ازواجهم
لو حسو انهم اخذوها بكد صحيح وشقا كان عرفو قيمتها

[رهج السنابك]

كيف يصير الراتب يتحول توفير اوتوماتيك؟ ولا هذا بس في البنوك الربويه؟! اعتقد الاسلامي مافي الا ربط ودايع صحيح؟

[حـ ن ـيـ ن]

انا ضد فكرتج ،،

لو بتحصل عقار بتحصله بأسعار مبالغ فيها وبمناطق بعيده وراتبها بيروح نصه و بتحصل العوائد اذا تأجر بعد 30 سنه ، ههههههههههه يالله ابحسن الخاتمه ،،

ولحد ايقولي العقار ضمان !!


العقار مرتبط بأقتصاد الدوله حاله حال أي مشروع بالدوله !! ..

أخي الكريم / كما تفضلت سيذهب نصف الراتب ولكنه سيعود ، هي في الحقيقة

احتفظت به وأصبح لديها أصل ثابت من المال ...

على عكس إن بقيت تصرف بلا محاسبة فلا هي احتفظت ولا هي امتلكت ..،

وليس بالضرورة أن تكون الفائدة بعد 30 سنة بل من الممكن تأجيره وتغطية جزء

من القرض إن لم يكن القرض كله ...

وإن كان فعلا بعد 30 سنة فهو للورثة الذين هم أبناءنا وأحفادنا...

والله يرزقنا وإياكم بحسن الخاتمة ...

[كيلو حديد]

طيب لو واحد مدخوله الشهري 300 الف ريال !!


وشرى رنج روفر ب 700 الف ريال !! ، هل يعتبر هذا تبذير ول لا ؟

لا

الموضوع يحسب بقدر الله يحفظك

[حسن]

مرحبا اخوي حسن ..


احييك على الموضوع اخوي .. واتوقع ان الشباب راح يستفيدون منه من اراء وتجارب الأخرين في التصرف والتحكم في الراتب .







لنبدأ بتحليل الوضع وأسباب "ضياع" الراتب :



المظاهر / .. وعلى رأسها السيارات ( الفخمه ) .. تلقى الواحد توه متوظف وأول شيء يخطر على باله ( السياره ) .. ولازم تكون أخر موديل وبمبلغ وقدره .. نعم السياره ضروره .. ولكن القفز الى فئات " فخمه " وفي مقتبل العمر .. ضياع لمستقبله ..ومن الأعلانات التوعويه اللتي لفتت انتباهي في الشوارع ( لاتشتر فرحة اليوم بهم الغد ) ..

الديون / لأسباب تافهه .. مثل السفر .. السيارات الفخمه .. ومع تسهيلات البنوك واساليبهم التسويقيه انجرف الكثير وراء الديون وتراكمت عليهم.

المواكبه / كل كم شهر جوال .. جهاز معين .. التسوق بعشوائيه وفوق الحاجه .. وتجربة كل ماهو جديد .

الرفاهيه / افكار اغلب الشباب حاليا محصوره بين تاريخ 27 من الشهر إلى تاريخ 27 من الشهر المقبل .. شلون ارفه عن نفسي وشلون اصرف الراتب خلال هالشهر .. وكأن الرفاهيه محصوره بمعيار معين يتطلب صرف كل الراتب ..

غياب الوعي / بأهمية حسن تدبير الراتب " ومن البدايه " لضمان المستقبل .. نظام ( عيش يومك ) .. إلى ان يأتي يوم يتحسر فيه على إضاعة سنين من البذخ والصرف العشوائي .




الحلول :


فتح حساب في بنك أسلامي.

ورقه وقلم .. وتحديد الصرف الشهري والألتزامات متضمنه جميع الأحتياجات خلال الشهر ومتابعتها وتسجيلها ..

فتح حساب توفير ( مغلق ) لايمكن السحب منه عن طريق البطاقه او حتى التحويل عن طريق التلفون ..

تقسيم الراتب بحيث يتم توفير الجزء الأكبر منه بتحويل شهري ( آلي ) .. الى حساب التوفير ونسيانه ..

المتبقي من الراتب بعد التوفير هو ( الراتب ) .. فيتم التكيف والتقيد به .. وحتى محاولة التوفير منه للشهر المقبل..

وضع اهداف شهريه وسنويه وعلى المدى البعيد .. تسعى للوصول إليها من ناحية التوفير والأستثمار .. والتخطيط من أجل ذلك .

الأستعانة في التخطيط من أصحاب الخبره كالوالد والأخوان .. وغيرهم من المقربين .

بعد الوصول إلى الأهداف .. يبدأ التفكير في استثمار حساب التوفير .. سواء مشروع تجاري او حتى شراء عقار حتى وان احتاج إلى التقيد بقرض بنكي .

التصدق وبشكل دوري .. فبالصدقه يزيد الرزق بأذن الله وتنزل البركه

.




كلمه اخيره : الرفاهيه "لاحقين عليها" .. والتخطيط والتعب في البدايه ستؤدي الى الراحه في النهايه ( التعب يجلب الراحه والراحه تجلب التعب ) ..

صباح الخير يابايلوت

هلا والله وحياك الله

نورت الموضوع ومشاركتك قيمه جدا جدا والله فيها استفاده كبيره
مشاء الله عليك
ذكرت كلشي الاسباب وذكرت الحلول

ياريت يتعضون بس
انت تعرف الاسهم الاخيره مالت ام سيعيد كان هدفها الادخار وزين سوت الدوله
لازم تتدخل وتعلم الشعب
ول ماتمتلك الدوله الكثير من اسمهما كان شفت سعره القاع

انا عندي مهب مهم انك تجمع ولكن المهم انت كيف تصرف
لكن بااسئلك تتوقع ان الزياده الاخيره الكبيره اللي جاتي لها دور في عمليات البذخ والبطره
ومن الامور اللي ذكرتها انت ؟ يعني لو رواتبنا الاوليه كان بتكون تلك الظواهر نفس اليوم ؟

شكرا لك ياخوي بايلوت

نورت الموضوع

:)

[ريم الشمال]

كيف يصير الراتب يتحول توفير اوتوماتيك؟ ولا هذا بس في البنوك الربويه؟! اعتقد الاسلامي مافي الا ربط ودايع صحيح؟

يتم في كافة البنوك ومنها الاسلامية ، تطلبين تحويل مبلغ شهرياً من الجاري إلى التوفير مستمر مع أول كل شهر ويكون التحويل حتى لو مثل شهر ما في رصيد يتم تنفيذه متى ما توفر الرصيد

[Charisma]

أشكرك أخوي حسن على طرح الموضوع المهم ..واللي كلنا فعلا بحاجة لمناقشة مثل هالمواضيع البناءة ..
شخصيا استفدت من مشاركة الأخوان بايلوت والكواري .. ماقصرتوا الله يجزيكم كل خير ..

ويجزيكم بالمثل اختي ..



صباح الخير يابايلوت

هلا والله وحياك الله

نورت الموضوع ومشاركتك قيمه جدا جدا والله فيها استفاده كبيره
مشاء الله عليك
ذكرت كلشي الاسباب وذكرت الحلول

ياريت يتعضون بس
انت تعرف الاسهم الاخيره مالت ام سيعيد كان هدفها الادخار وزين سوت الدوله
لازم تتدخل وتعلم الشعب
ول ماتمتلك الدوله الكثير من اسمهما كان شفت سعره القاع

انا عندي مهب مهم انك تجمع ولكن المهم انت كيف تصرف
لكن بااسئلك تتوقع ان الزياده الاخيره الكبيره اللي جاتي لها دور في عمليات البذخ والبطره
ومن الامور اللي ذكرتها انت ؟ يعني لو رواتبنا الاوليه كان بتكون تلك الظواهر نفس اليوم ؟

شكرا لك ياخوي بايلوت

نورت الموضوع

:)

مراحب اخوي بوعلي ويمسيك بالنور والكرامه..

اسمح لي وقبل ان اجاوب على سؤالك توضيح نقطه ..

التوفير والبخل والرفاهيه .. بينهم "شعره" .. وتختلف اراء الناس في تقييم البخل كلن " ونظرته " ..

في الأخير من يقيم الأولويات ويضع المعايير هو صاحب الشأن .. نعم التوفير والتخطيط مطلوب وكلن حسب استطاعته على ان لا يأثر هذا التوجه ويمس أساسيات الحياه .. من متطلبات وامور اخرى .. والرفاهيه لاتملك معيار معين وتتطلب بذخ و"صرفيات" بمقدار محدد .. الأغلب يجد رفاهيته في ذلك .. والبعض تصنيفه للرفاهيه مجاراة لفئات اخرى مقتدره .. والبعض رفاهيته في أمور اخرى لاتتطلب الأنفاق بشكل "جنوني" .. التوفيق بين الأمرين مطلوب .


نرجع لسؤالك اخوي حسن ..

لي وجهة نظر مغايره عن رأيك .. الزياده في الرواتب أمر مطلوب مع المتغيرات والارتفاعات والزياده في كلفة المعيشه وأمور اخرى .. ولله الحمد وفرت لنا جميع سبل الحياه الكريمه .. وهذه نعمه تستحق الشكر . ولكن القاء اللوم على زيادة الرواتب ليس في محله .. اللوم يقع على " من يستلم ويتصرف ويخطط " لراتبه وكيفية ادارته وتصريفه .. ثم ان هنالك فئات تكون حاجتها لمثل هذه الزياده فوق حاجتي وحاجتك .. من ديون واعباء ومتطلبات في حياتهم الشخصيه ..

زمن أول غير يابوعلي :telephone:



*وجهة نظر

[Chanel]

انا دائما اضع امام عيني مقولة
(قرشك الابيض ليومك الاسود)
الواحد لله الحمد انعم الله عليه ولكن يصرف في حدود المعقول لا يكون االانسان سفيها ولا بخيلا
الاعتدال وعدم التقصيرعلى نفسه بشئ ولا بيته ولا اولاده
مجرد استلم المبلغ ابتدي ارتب اموري نص الراتب توفير والنص الاخر لنهاية الشهر والحمد لله
مشكلة ضياع الراتب هي النثريااااااات أنصحكم بوضع ضرف فيه مبلغ للجمعيه وظرف اخر للعيال وظرف لبترول السياره وهكذا
في بعض الشهور ستتغير الظروف حفلات زواج او واجبات اجتماعيه في هذه الحاله ممكن اخذ جزء من التوفير
اتمنى لكم كل الفائده واللي يستفيد يدعي لي

[.قطر.]

سؤال مهم و الاغلبيه فاهمينه غلط .. اسفه بس ممكن ارد على هالسؤال ..

برايي واللي ممكن يكون غلط والله اعلم ..
الادخار توفير للمستقبل وللحاجات الضروريه مع مراعاة ان الشي مايكون ببخل يعني مب لان الشخص يوفر معناته مايريح نفسه ويوفر اللي بخاطره بعقل ..
في ناس وايد مقصره على عيالها وعندها خير واذا سالناهم قالوا نوفر لهم ؟؟ يعني متى مثلا بيحسون بالنعمه متى بتحسس نفسك بانك شخص الله
عطاك نعمه بس بعقل ..

مثل لما تعلم ياهل وقت ماتعطيه فلوس اذا مومحتاجها وفرها عشان تاخذ لنفسك شي هنيه يتعلم التوفير صح ..

التوفير اذا حققنا الراحه الحاليه مع ضمان شي للمستقبل برايي اسميه توفير
اما اذا توفير بتقصير بهدف ضمان المستقبل فقط اسميه بخل :rolleyes2:

اتفق مع ردج 10000% :nice:

[بنت شرق]

ثلاثة تعور الراس وتنزع راحة البال ،،،اولها،،الحرص على المال ،،،او التحدث عن المال ،،،افضل الاعمال السبحانية ،،،فهي ذات فائدة عظيمة ،،،،في نقاء النفس

[جبر ال جبر]

وليش اضغط على نفسي واقعد احاسب واوفر واحرم نفسي الدنيا زايله وين الحكومه ماتعطينا من عوايد اسثماراتها في الخارج وتدعمنا كقطررين (اقليه في بلادنا) تذاكر مخفضه ودعم حتى في البترول القطري يصب بنص السعر ماعليه الا يقدم بطاقته بس واستثمارات الاجيال يعطونا نصيبنا منها احنا بنهتم باجيلنا المفروض هذا دور الدوله لنا توفر حق الشعب استثمارات ضخمه عوايدها له وخلو المواطن يعيش في رفاهيه وحياه رغيده طول حياته بدال مايقعد يحاتي مستقبل وكل سنه تنزله الحكومه بدل ترفيهه 10 اضعاف الراتب اعتقد هشكل راح نقضي على مشاكل الديون ومشاكل العنوسه ومشاكل زواج الاقارب

[حسن]

موضوع رائع اعرف الكثير من الي ذكرتهم هم الان خلف القضبان

هلا هلا

مرحبا بالنهار

للاسف عدم حسن التصرف بالنعمه تؤدي براعيها خلف القضبان
واسؤ من ذالك
ورفقاء السؤ كذالك وغياب القدوه الحسنه

شكرا لمرورك يالنهار


:)

[qatara]

الحين كلنا تكلمنا عن التوفير والادخار وعدم الاسراف

تعالو نتكلم عن الزكاة تحديدا (الزكاة ) وليس الصدقه

فمن منا يزكي ومن منا يعرف كم نسبة الزكاه في الحول في المال المتوفر والاملاك

ارجو محد يغش من قوقل

[حـ ن ـيـ ن]

نصاب الزكاة 2.5%من المال إذا حال عليه الحول

[qatara]

نصاب الزكاة 2.5%من المال إذا حال عليه الحول


صحيح ربع العشر

المبلغ الي حال عليه الحول
تقسيم 40 = الزكاة الواجب اخراجها


لاكن السوال من منا يزكي ويخرج حق الله في ماله ؟

[راجي الْعفو]

http://www.foxpic.com/V9oCJvRx.jpg

أثرٌ عظيم عن صحابي جليل

نعايشه واقعاً !

سبحان من ألهمهم نور الإيمان
فنظروا من خلاله إلى أمراض الأمة
فشخّصوها حق تشخيصها

[qatara]

http://www.foxpic.com/V9oCJvRx.jpg

أثرٌ عظيم عن صحابي جليل

نعايشه واقعاً !

سبحان من ألهمهم نور الإيمان
فنظروا من خلاله إلى أمراض الأمة
فشخّصوها حق تشخيصها



ينطقون وينظرون بنور الله
بشي سيحصل وحصل

سبحان الله

[راجي الْعفو]

ينطقون وينظرون بنور الله
بشي سيحصل وحصل

سبحان الله

صدقت
رضي الله عنهم و حشرنا معهم
امين

[qatara]

صدقت
رضي الله عنهم و حشرنا معهم
امين

اميــــــــــــــــــــــــــــن

[مستوى الدعم]

منذ صغري تربيت عند أب (أطال الله في عمره) يعلمنا ألا نشتري شيئاً بالدّين.. وكان قدوة لنا في ذلك..

وعندما توظفت طبقت ما تربيت عليه..

الراتب يتم تقسيمه إلى أقسام:
للاحتياجات اليومية على مدار الشهر (فواتير الجوال/ الأكل/.. إلخ)
للاحتياجات الطارئة مثل: تلف شيء في البيت
للاستثمار المستقبلي (التحويل التلقائي لحساب آخر) وهنا أحب أنبه على نقطة أنه يجب وضع هدف للمبلغ المتجمع داخل الحساب مثل: دفع قسط للبناء أو شراء سهم معين أو أرض وإلا سوف يجد الشخص نفسه في نهاية السنة مع مبلغ لا بأس به.. ويحرقه في سفرة أو سيارة مترفة غير ضرورية أو أو..
حق الله سبحانه وتعالى من المال.. وهذا هو سر البركة.. وهنا ممكن أداء حق الله بطريقتين: إما الاشتراك في أحد المشاريع الخيرية مثل كفالة يتيم، أو دفع نسبة الزكاة شهرياً والفتوى بخصوص الزكاة الشهرية قال بها الشيخ القرضاوي لأصحاب المرتبات الكبيرة الذين لا يدخرون كثيراً..
يجب تخصيص جزء شهري من الراتب لتدليل النفس.. وهذا الجزء ضروري لأن الشخص إن لم يرى نفسه يستفيد من راتبه سوف يحس بالغبن وكأنه يعمل أجيراً عند عمله ومن يعولهم.. كما أن الشيطان يبدأ له بالوسوسة بأن عمره ينقضي في كد وشقاء.. وبالتالي قد يثور على نمط حياته..

كما أن الشراء يجب أن يكون ذكياً:
كتابة قائمة تسوق على نوتة في الجوال.. مثلاً: أفتح مذكرة لأغراض التسوق من الجمعية وكلما تذكرت غرضاً ينقصني خلال الأسبوع أضفته.. وبالتالي تتكون عندي قائمة تستحق الذهاب للجمعية
الشراء من أماكن الجملة لاحتياجات المنزل.. مثلاً شراء الخضروات من السوق المركزي بدلاً من الهايبرماركت
عدم الوقوع في فخ العروض غير الضرورية.. إن كنت لا تحتاج للبضاعة التي عليها عرض.. لا تقم بشرائها مهما كان العرض مغرياً.. لأنها ستأخذ مكاناً في البيت ولن تستعملها وسوف تحاسب عليها..
الاشتراك في برامج الولاء والمكافآت التي تطرحها الشركات.. مثل برامج الأميال والنقاط على الخطوط الجوية المختلفة، أو برنامج النجوم عند أوريدو.. فهي فعلاً مفيدة وتحقق توفيراً كبيراً..
مقارنة الأسعار وخاصة في البضائع الغالية.. مثلاً: مع نزول أسعار اليورو، أصبح من المفيد شراء بضاعة الماركات على الإنترنت، وتظل أرخص حتى مع الشحن من شرائها من الوكيل المحلي.. وفرق السعر يستحق الانتظار حيث وصل لبضعة آلاف من الريالات في بعض الحقائب مثلاً..
يجب عدم شراء شيء قبل أن تتأكد أن لديك مثله.. مثلاً: إن كنت تحتاج بنطلون أسود.. فتش في خزانتك.. فربما لديك وأنت نسيته.. وإذا لم تجد .. اشتر آخر..
اشتر الأشياء ذات الجودة العالية حتى لو دفعت سعراً أعلى.. فهي تدوم وتوفر على المدى الطويل.. بعكس الأشياء ذات الجودة القليلة وأوضح مثال على ذلك الأجهزة المنزلية والأثاث
الشراء من الأماكن التي تضع أسعار على البضائع Price tag or label.. لتجنب خداع بعض الباعة.. حيث اكتشفت أن المحلات التي لا تلصق السعر تقوم عادة بفرض أسعار مبالغ بها جداً على القطريين بدعوى أن رواتبهم عالية، فيما تبيع نفس البضاعة بنصف السعر وأقل على الجنسيات الأخرى.. بل أن العدوى وصلت لبعض فنادق دول الخليج.. حيث يوضع سعر أعلى بكثير للقطريين مقارنة مع باقي الخليجيين..

نصيحة أخيرة:
للبدء على طريق الإنفاق والاستثمار الصحيح أنصح وبشدة بقراءة كتاب "أغنى رجل في بابل" وهو موجود في مكتبة جرير..

وبعده أنصح بقراءة كتاب "أسرار عقل المليونير".. من نفس المكتبة..

[الجـــوديّ]

رائعة كعادتك أختي مستوى الدعم ..

أتفق مع كل ما قلتيه وخاصة الاستفادة من انخفاض العملة الأجنبية في بعض المشتريات الباهظة
واستغلال أيضاً مواسم الخصومات التي تصل إلى 50-70%
مثل رأس السنة والأعياد ومناسباتهم الخاصة


كما أيضاً أدعو لقراءة الكتب الخاصة بالثراء وتكوين الثروات ومنها العناوين التي ذكرتيها
فيها فائدة كبيرة .. وتعمل على زرع افكار جديدة وترسخها في العادات الشرائية... وتحدث فرقاً ملحوظاً!

[مستوى الدعم]

رائعة كعادتك أختي مستوى الدعم ..

أتفق مع كل ما قلتيه وخاصة الاستفادة من انخفاض العملة الأجنبية في بعض المشتريات الباهظة
واستغلال أيضاً مواسم الخصومات التي تصل إلى 50-70%
مثل رأس السنة والأعياد ومناسباتهم الخاصة


كما أيضاً أدعو لقراءة الكتب الخاصة بالثراء وتكوين الثروات ومنها العناوين التي ذكرتيها
فيها فائدة كبيرة .. وتعمل على زرع افكار جديدة وترسخها في العادات الشرائية... وتحدث فرقاً ملحوظاً!

شكراً أختي الجودي على الإطراء

إضافتك مهمة جداً في فنون الشراء.. مثلما ذكرتِ.. مواسم الخصومات لديهم بها حرق كبير للأسعار على بضائع عالية الجودة.. وإضافة للمناسبات التي ذكرتِها.. هناك يوم Black Friday
وأتمنى من أي شخص لديه نصائح أخرى في الشراء أن يفيدنا بخبراته

ملاحظة مهمة لمتابعي الموضوع: أرجو ألا يعتقد أحد أن نصائحي السابقة والحالية تعني أن يعيش الإنسان في ضيق من العيش.. ولكنها طريقة لتنظيم صرف الأموال.. وجعل المال خادماً لنا لا سيداً علينا... وللعلم من يتبعون هذه الطرق.. يعيشون في مستوى ممتاز.. ولكن دون الاختناق في دوامة الديون.. أو الأرق من تدبير المستقبل المادي..

[الجـــوديّ]

^


.... ويلتزمون بأن يكونوا أثريـــــاء حقيقيون لا أثرياء بالديون :victory:

[بوحارب]

حسن شنو طريقتك للحفاظ على الراتب :con2:

[حسن]

وعليكم السلام و رحمة الله و بركاته ..

هلا ب حسن البردان ..

موضوع مهم فيه محاسبة للنفس ..

لازم ما ننسى ان حنا بنُسأل عن فلوسنا :

(( وعن ماله كيف اكتسبه و فيما أنفقه ))

قبل الصرف ، اشلون جبته الفلوس من الاصل ؟

هل تحرّيت الحلال و الحرام ؟

ولا مثل ما الناس ماشية تمشي و لا تهتم ؟

ولما تكسبه بطريقة مشروعة ، يجي السؤال الثاني آلبي هو سؤالك يا حسن :

وين تصرفها ؟

هل انت من المبذرين ؟

او من المسرفين ؟

او من الذين لم يسرفوا و لم يقتروا و كانوا بين ذلك قواما ؟

الحقيقة أتعجب كل العجب من الناس اللي تتحمل ديون و تصرف فلوسها بطريقة فيها سفاهة ومن دون مبالاة ..

ويدري و يسمع بقصص اللي ابتلوا بعدم ظبط امور صرف المال ، ومع هذا اتحصله يسوي نفسهم !

جميل ان الانسان ما يبخل ع نفسه و في نفس الوقت يستثمر أمواله في أشياء تنفعه ويبتعد عن ما يصيب المال من كوارث اللي تتبعها كوارث نفسية و جسدية ..


والأخوة قبلي ماقصروا يعطيهم العافية عالبيان ..

متشكر !

هلا هلا

صباح الخير ياراجي العفو

صدقت في ماقلت وانا مثلك يمكن استغرب واعتقد يرجع الى قوه حب تبع الشهوات لدى هؤلاء اللي ذكرتهم
وحب تقليد المضاهر

واخر شي تلقاه صفر اليدين ولا وراء القضبان


الف الف شكر يا راجي على التفاعل

ولكم


:)

[عابر سبيل]

اشتر الأشياء ذات الجودة العالية حتى لو دفعت سعراً أعلى.. فهي تدوم وتوفر على المدى الطويل.. بعكس الأشياء ذات الجودة القليلة وأوضح مثال على ذلك الأجهزة المنزلية والأثاث
..

في هذه بالذات يخطئ كثيروووون..

فمن خلال مراقبتي و احتكاكي بعدد لا بأس به من الشباب..

اراهم..يهملون ايما اهمال في مسألة "الجيد" الذي هو قطعا (أغلى) من الأثاث..
في الوقت الذي نراهم يدفعون مبالغ كبيرة لتكسية "السور الخلفي" لمنازلهم بالحجر الغالي!!!

تحديد الاولويات في المنزل بالذات مضطربة او مفقودة عند عد لا بأس به..

من الناس من تجدهم يبحثون عن ارخص (خلاطات الماء و مقابض الابواب) و بازهد الاسعار
مع ان هذه مطلوب منها ان تعيش معه طويلا و هي للاستخدام اليومي..
و الجيد منها يكون بالمآت او ربمى احدها بالآلاف..و هي (تسوى)

بينما يشتري له للهو و التخييم "المؤقت" في سيلين..
"صندقة"..
او بطبطه/رينو/رابتر
بعشرات او مئاتالآلاف او ما شابه!

من الناس من يركب لمنزل العمر مكيفات ويندو..بدلا من السبليت او المركزي..
ليوفر المبلغ ليشتري له او لزوجته
ساعات روليكس او شنط يدوية بعشرات الآلاف!!

لا نقول لا تصرفوا او اصرفوا..

المسألة مسألة اولوليات..

ففعلا..هذه اللفتة مهمة..مسألة الجودة العالية لمن يقدر على دفع ثمنها
دون بطر او اشر او المرهق من الديون

[فريج شرق]

المشكلة اخي العزيز انه لا توجد خطط للصرف والتفير لدى الكثير وان صرف الراتب او الدخل يكون على اشياء كمالية وغير ضرورية اغلب الاحيان

[غايه الطواش]

شكراً أختي الجودي على الإطراء

إضافتك مهمة جداً في فنون الشراء.. مثلما ذكرتِ.. مواسم الخصومات لديهم بها حرق كبير للأسعار على بضائع عالية الجودة.. وإضافة للمناسبات التي ذكرتِها.. هناك يوم Black Fridayوأتمنى من أي شخص لديه نصائح أخرى في الشراء أن يفيدنا بخبراته

ملاحظة مهمة لمتابعي الموضوع: أرجو ألا يعتقد أحد أن نصائحي السابقة والحالية تعني أن يعيش الإنسان في ضيق من العيش.. ولكنها طريقة لتنظيم صرف الأموال.. وجعل المال خادماً لنا لا سيداً علينا... وللعلم من يتبعون هذه الطرق.. يعيشون في مستوى ممتاز.. ولكن دون الاختناق في دوامة الديون.. أو الأرق من تدبير المستقبل المادي..

اختي الكريمه بما اني من محبي الشراء بالانترنت فاني انتظر هالمواسم للخصومات الي يسونها بالفعل ,وبالعاده يطرشون قبلها ايميل
مثل يوم الاب
يوم الام
الثانكس غيفينغ
الكريسمس والنيويير
البلاك فرايدي
غير العروض العاديه
اذا عجبتني حاجه احطها في wish list
وفي نفس يوم الخصومات اشتري الشغله ,
احيان ماكون محتاجتها في وقتها بس اكون عارفه ان بيجي وقت مناسب لها


مثلا في سفرتي الاخيره لنيويورك كنت محتاجه جاكيتات فرو (لان بقدره قادره ولاتساليني شلون شنطتي الي فيها ملابسي الشتويه والفرو راحت تبرع لليمن :)
ان شاء الله دافعه بلا عن والديني)

طبعا الوقت الي رحت له يعبر نهايه موسم الشتاء ونزول الكوليكشن الصيفي , ماكنت بردانه ولاشي بس شفت الامور الي ناقصتني والي ممكن اشتريها ارخص من سعرها وتم طول العمر , فرحت لمحلات الوير هاوس والموزعين وشريت ثلاثه بسعر واحد , لانه نهايه موسم , ولانهم موزعين يبون يتخلصون من الي عندهم .



ونفس الحركه سويتها لما جيت اشتري شنط السهره الكريستال خذتها من الموزع وكان شرطه اشتري مجموعه شريت عشر :)

تجربه ثانيه , كنت محتاجه اشتري استيديو تصوير كامل , وطبعا الشركه الي فالدوحه من غير ذكر اسامي سعرها جدا غالي
فتواصلت دايركت مع الشركه الام في مقرها صحيح تاخرت الاغراض نوعا ما بس بدال لا ادفع 50 الف دفعت 13 الف


لي تجارب كثيره في هالمجال , انهار نفسيا اذا حد استغلني ماديا

[.قطر.]

اختي الكريمه بما اني من محبي الشراء بالانترنت فاني انتظر هالمواسم للخصومات الي يسونها بالفعل ,وبالعاده يطرشون قبلها ايميل
مثل يوم الاب
يوم الام
الثانكس غيفينغ
الكريسمس والنيويير
البلاك فرايدي
غير العروض العاديه
اذا عجبتني حاجه احطها في wish list
وفي نفس يوم الخصومات اشتري الشغله ,
احيان ماكون محتاجتها في وقتها بس اكون عارفه ان بيجي وقت مناسب لها


مثلا في سفرتي الاخيره لنيويورك كنت محتاجه جاكيتات فرو (لان بقدره قادره ولاتساليني شلون شنطتي الي فيها ملابسي الشتويه والفرو راحت تبرع لليمن :)
ان شاء الله دافعه بلا عن والديني)

طبعا الوقت الي رحت له يعبر نهايه موسم الشتاء ونزول الكوليكشن الصيفي , ماكنت بردانه ولاشي بس شفت الامور الي ناقصتني والي ممكن اشتريها ارخص من سعرها وتم طول العمر , فرحت لمحلات الوير هاوس والموزعين وشريت ثلاثه بسعر واحد , لانه نهايه موسم , ولانهم موزعين يبون يتخلصون من الي عندهم .



ونفس الحركه سويتها لما جيت اشتري شنط السهره الكريستال خذتها من الموزع وكان شرطه اشتري مجموعه شريت عشر :)

تجربه ثانيه , كنت محتاجه اشتري استيديو تصوير كامل , وطبعا الشركه الي فالدوحه من غير ذكر اسامي سعرها جدا غالي
فتواصلت دايركت مع الشركه الام في مقرها صحيح تاخرت الاغراض نوعا ما بس بدال لا ادفع 50 الف دفعت 13 الف


لي تجارب كثيره في هالمجال , انهار نفسيا اذا حد استغلني ماديا
بل من 50 الف لين 13 الف :eek5:

[غايه الطواش]

بل من 50 الف لين 13 الف :eek5:

اشياء وايد لو تعرف مصدر راح توفر اكثر من النص
مثلا اسفنجه بيوتي بلندر في مازون ب 18 دولار فالدوحه ب 150 مع المندوب ب 200
بدله اطفال من البلو صالون ب 900 ريال من موقع تشلدرون صالون فالسيل كانت 200 مع انهم في نفس الوقت شفتهم
فستان رالف لورين فالدوحه فالمحل ب 560 من ميسز 29 دولار (105)
تكرم جوتي جيوكس للاطفال في محلهم 267 من النت ب 32 دولار
جوتي نايكي اير ماكس الي شكله روز قود بايثون بس هو مش بايثون فالدوحه 700 وشي فالنت امازون132
هذا غير اسعار الكاميرات والعدسات الي تفرق ب 3000 والا ربعه

[غايه الطواش]

وهذا اعلان توه جايني خصومات للماذرز داي في امريكا يوم الام عندهم في شهر خمسه

بالاضافه الى ان العرض يشمل خصومات اخرى سواء فالملابس او الكوزماتكتس وغيرهم

http://www11.0zz0.com/2015/04/21/14/967892159.jpg (http://www.0zz0.com)

[حسن]

كنت من النوع المبذر بزيادة وماشي حالي حال شباب هالجيل تسلف واشتر موتر واصرف بدون ترتيب بدون اقتصاد فالصرف بدون شي مع اني شفت حالة امي وابوي وكيف الديون بهدلتهم لكن ما تعلمت ولا اتعضت

لكن بعد ما جربت الدين وجربت الحاجة عرفت قيمة كل ريال كنت اصرفه قبل بدون اهتمام ولله الحمد صرت ارتب حياتي وفق الراتب وبديت اوفر وصرت ما اشتري الشي الا لو كنت محتاجه وتغيرت نظرتي للراتب والصرف بشكل كبير , وبعدها جيت بريطانيا للدراسة وتعلمت اكثر كيف ارتب حياتي بما ان صار عندي التزامات اكثر من ايجار وفواتير كهربا وماي

لكن احنا مشكلتنا فالخليج ماعندنا ثقافة تسوق و في شي يسمونه بالانجليزي Impulsive buying وهي تعني لما تشوف شي ويجيك حماس وتحس انك تبيه وضروري ولازم تشتريه وبعد ما تشتريه وتروح البيت تسأل نفسك انا ليش شريت هالمنتج ؟ وبعدين ينحذف بالدرج سنوات ماندري عنه والحل لهذه المشكلة لو شفت شي وعجبك لا تشتريه وروح البيت ولو تم على بالك فتره فوق الاسبوع معناتها انت فعلا تحتاجه او تبيه لكن لو نسيته فهي مجرد حاجة وقته وجاك الحماس ومالك حاجه بهالمنتج من الاساس

كذلك صرت لما اشوف منتج اقيمه هل يسوى هالسعر او لا , واقارنه بالمنتجات المنافسة وهالشي للأسف الكثير من شباب وشابات الخليج ما يفكرون فيه يدفعون بدون مايفكرون هل هالمنتج يستاهل سعره او لا ,

موضوع جميل يا حسن واتمنى يكون عندنا دورات فالدوحة عن ثقافة التسوق والتوفير

احنا الحمدلله بخير ونعمه لكن ذلك ما يعني التبذير والاسراف والصرف فوق الحاجة عالشي اللي يسوى واللي ما يسوى

الاجمل مرورك يالكواري وعلى هل الاضافه الجميله
وذكر تجربتك

للاسف هذا حال الكثير من شبابنا وشاباتنا لما تسئله يقول مااعرف وين تروح
انا اتمنى يكون هناك تثقيف عن طريق التعليم والمدارس
وهذه فكره نطرحها لهم وان شاء الله من يقوم بها

شكرا لك

نورت وشرفت يالكواري

:victory:

[راجي الْعفو]

الظاهر انا بنوكل الاخت غاية في الشراء ونضرب x ع محلات قطر

الأسعار في قطر مقسمة ع اربع شرائح :

قطري
عربي
أوروبي
من نفس جنسية البائع


الغلا ينخفض بالتدريج بحسب الترتيب المذكور أعلاه تقريبا !

وقد ينخفض السعر اربع ( أضعاف ) من السعر الأصلي المعروض على القطري !

[مستوى الدعم]

اختي الكريمه بما اني من محبي الشراء بالانترنت فاني انتظر هالمواسم للخصومات الي يسونها بالفعل ,وبالعاده يطرشون قبلها ايميل
مثل يوم الاب
يوم الام
الثانكس غيفينغ
الكريسمس والنيويير
البلاك فرايدي
:
:

لي تجارب كثيره في هالمجال , انهار نفسيا اذا حد استغلني ماديا

أختي غاية الطواش..
بالفعل الشراء من النت بحر واسع من الصفقات المفيدة..
شكراً على مشاركة هذه الخبرات

ولا ننسى مصدر ممتاز للصفقات وهو أسواق الأوتلت Outlet
في أوروبا وأمريكا.. من الممكن أخذ قطع كلاسيكية لا تنتهي موضتها وبأسعار معقولة جداً..
وخصوصاً في جانب الجلديات مثل الأحذية (وانتم بكرامة) والأحزمة والأبواك
وملابس الأطفال
ومفارش السرير وغيرها..

أنا مثلك لا أحب أن يستغلني أحد حتى لو كنت أملك الثمن..
أحس أنه يراني غبية أو ساذجة..

[حسن]

الصراحه اشكر الجميع

واشكر غايه بنت الطواش على طرحها عن طريقه الشراء
والصراحه انا معجب بالازره الاخيره وخاطري اطلبها

اكتشفت من الموضوع نماذج تبشر بالخير


شكرا ياغايه


:victory:

[غايه الطواش]

الظاهر انا بنوكل الاخت غاية في الشراء ونضرب x ع محلات قطر

الأسعار في قطر مقسمة ع اربع شرائح :

قطري
عربي
أوروبي
من نفس جنسية البائع


الغلا ينخفض بالتدريج بحسب الترتيب المذكور أعلاه تقريبا !

وقد ينخفض السعر اربع ( أضعاف ) من السعر الأصلي المعروض على القطري !

باخذ 15% فايده
والله يا اخوي الكريم لو تتعلم تشتري من النت ارخص لك بوايد مره شريت شي حق سياره اخوي ماعرف شنو يقول ارخص بوايد
حتى حق عيالك , تعلمهم الشي الي يبونه يشوفونه فالدوحه ويدورونه عليه فالنت ويشوفون فرق السعر , اختي بدت مع ولدها بو عشر سنين هالحركه
اذا كان المنتج غالي ياخذ اسمه ويدور عليه في امازون , بعد مافقرهم فيرجن
اوال ماببدت معاه بعيديته ,كانت تقريبا 900 ريال يشتري ويحسب بكم وبكم يبقى
0 فالبدايه شرى ناظره شمسيه وشرى تكرم جوتي نايكي ذهبي مال كوره قدم وودته امه قو سبورت عشان يشوف القياس وفرق السعر , منها تعليم سياسه اداره الاموال ومنها يتعلم الصبر شوي مب كل شي يبيلبه ياخذه على طول ينطر خمس ايام اسبوع لين توصل حاجته ع الاقل يحس بلذتها يوم توصل

[راجي الْعفو]

لله يا محسنين

ماشاءالله اخت غاية شغل طيب
الله يوفقكم و يبارك فيكم و يزيدكم من فضله

[.قطر.]

اشياء وايد لو تعرف مصدر راح توفر اكثر من النص
مثلا اسفنجه بيوتي بلندر في مازون ب 18 دولار فالدوحه ب 150 مع المندوب ب 200
بدله اطفال من البلو صالون ب 900 ريال من موقع تشلدرون صالون فالسيل كانت 200 مع انهم في نفس الوقت شفتهم
فستان رالف لورين فالدوحه فالمحل ب 560 من ميسز 29 دولار (105)
تكرم جوتي جيوكس للاطفال في محلهم 267 من النت ب 32 دولار
جوتي نايكي اير ماكس الي شكله روز قود بايثون بس هو مش بايثون فالدوحه 700 وشي فالنت امازون132
هذا غير اسعار الكاميرات والعدسات الي تفرق ب 3000 والا ربعه


عيل شكلي لازم اتعلم اطلب من النت هههه
فرق كبير بين الاسعار هني وف الانترنت خصوصا وقت العروض عندهم ع الاقل نستفيد من العروض

وهذا اعلان توه جايني خصومات للماذرز داي في امريكا يوم الام عندهم في شهر خمسه

بالاضافه الى ان العرض يشمل خصومات اخرى سواء فالملابس او الكوزماتكتس وغيرهم

http://www11.0zz0.com/2015/04/21/14/967892159.jpg (http://www.0zz0.com)
شي حلو :victory:
يعطيج العافيه ياغايه ع الافاده :nice:

[ريتويت]

ودي اوفر واجمع من راتبي بدون بزنس خاص حد يفيدنا ياعالم

[حسن]

ودي اوفر واجمع من راتبي بدون بزنس خاص حد يفيدنا ياعالم

تقدرين يارتويت

هناك مشاركات جدا جميله ومفيده حتى انا استفدت منها
وعلى مماذكر راجعي ردود بايلوت ومستوى الدعم وغايه الطواش

مافي شي اسمه مااقدر

الحياه كلها ماث


:victory:

[حمد 2002]

عيش الحكومه مع السكر والزيت ووو التموين حروه 500 ريال ، لشهر كامل !!

السياره بترول انقول 1000 ريال لشهر كامل ،،

تلفون ونت انقول 1500 ريال لشهر كامل !! ،،


تدليع النفس انقول 1000 ريال لشهر كامل ،،


تموين من الجميع انقول 1000 ريال لشهر كامل ،،،


الكهرباء والماي والصحه ابلاش !!


انقول الراتب مثلا 30 الف ريال

انقول الخساره الشهريه 5 الاف ريال انقصها من 30 الف


يعني تقدر توفر 25 الف ريال قطري كل شهر من راتابك ،،


اهم شيء عدم الطلعه من البيت لانه الطلعه اتخسر الواحد ،،


25 الف ضرب 12 = 300 الف ريال سنويا


:victory:

[سهم عتيج]

ودي اوفر واجمع من راتبي بدون بزنس خاص حد يفيدنا ياعالم

أفضل طريقة لتعلم التوفير هي أن تعرفي في أي بند تصرفين أكثر ..

عملت لنفسي جدول على برنامج الاكسل في الماضي وصنفت بنود الصرف اليومية,, كنت أصرف عادي كما كنت وفي نهاية اليوم كنت أحسب الفلوس اللي صرفتها في أي البنود اللي صنفتها.. وفي نهاية الشهر يطلع لي مصروفي وفي أي البنود اللي صرفتها..

استمريت على هذه الطريقة كم شهر وبعدها عرفت وين مشكلتي في الصرف وبعدها صرت أقدر اوازن في صرفي لين صرت أستطيع ادخر جزء من راتبي وهكذا..

أتمنى تكون هالطريقة البسيطة تقدر تساعدك ..

[بنت شرق]

عيش الحكومه مع السكر والزيت ووو التموين حروه 500 ريال ، لشهر كامل !!

السياره بترول انقول 1000 ريال لشهر كامل ،،

تلفون ونت انقول 1500 ريال لشهر كامل !! ،،


تدليع النفس انقول 1000 ريال لشهر كامل ،،


تموين من الجميع انقول 1000 ريال لشهر كامل ،،،


الكهرباء والماي والصحه ابلاش !!


انقول الراتب مثلا 30 الف ريال

انقول الخساره الشهريه 5 الاف ريال انقصها من 30 الف


يعني تقدر توفر 25 الف ريال قطري كل شهر من راتابك ،،


اهم شيء عدم الطلعه من البيت لانه الطلعه اتخسر الواحد ،،


25 الف ضرب 12 = 300 الف ريال سنويا


:victory:

تشتغل بالبترول

[رهج السنابك]

ودي اوفر واجمع من راتبي بدون بزنس خاص حد يفيدنا ياعالم

امسكي نفسج عن الاسواق بتوفرين

[الدوحه1]

جريدة الوطن - 23/04/2015

"ألقروض الاستهلاكية بلغت «18» مليار ريال .. ظـاهـرة غـيـر صـحـيـة"

[الزعفراني]

اللي أعرف ومتأكد منه ان 40% من راتبي شهرياً يروح لحساب التوفير .. والـ 60 % وجد لاقساط البنك ولباقي المصروفات الشهرية :)

يعني راتبي مثلا 100 الف في الشهر .. 40 الف تروح لحساب التوفير .. 60 ألف اصرفها شامل الالتزامات الشهرية من اقساط وفواتير اتصالات وخلافه

[حسن]

جريدة الوطن - 23/04/2015

"ألقروض الاستهلاكية بلغت «18» مليار ريال .. ظـاهـرة غـيـر صـحـيـة"



فعلا مبلغ كبير وضخم يعادل ميزانيه دول ويفوق عليها
في امور غير ضروريه

[نوار قطر]

فعلا هذي مشكله اكثر الشباب والبنات يعانون منها ،،، ولازم يعيدون النظر ويفكرون بطريقه تساعدهم في المستقبل ،،،كنت ولازلت بس بشكل اخف اطبق مقولة اصرف مافي الجيب،،، بس تلاحقت نفسي وفكرت ،،لو يصيدني ظرف شلون بتصرف ،، مب معقوله مره شكبرني بمد يدي حق امي ولأ ابوي تعالو عطوني،،، كنت كل اشهر اسحب التزاماتي مثلا فلوس الجمعيه الي اشترك فيها ،، فلوس المدرسات ،، راتب خدامتي ،، وهالاشياء اما الباقي اخليه في الحساب،، واصرف بدون تفكير عقبها قررت مبلغ التزاماتي الي اسحبه ازيده وهالزود احطه عندي في ظرف ومااصرف منه شي ،، يعني الحمدلله اعرف اوفر ولو بشكل بسيط ،،

[حسن]

انحنا نعرف "الحريم" وين يصرفون فلوسهم(الماركات, الاعراس......)
ولكن ياشباب انتوا وين تصرفون فلوسكم؟؟ خاصة وان اغلبية الشباب ساكنين مع اهلهم يعني لا اجار ولا مصاريف البيت!!!



مرحبا بالدوحه

ماشفت تقرير تاخر الزواج ومن ضمنها السفرات
يعني الحين شاب يستلم راتب من 20 الف وطالع ولا اي التزام
مثل ماقلت
يااما في سفرات ولعبه ولا يكد على المرور ولا يكد على القراجات ولا يكد على وكاله السيارت
ولا يكد على التواير
هذه فكر الكثير من الشباب غيرها مافيه

للاسف ضياع القدوه ولا فيه من يوجهه ويشفون اولياء امورهم نفس الشي
فااكيد مايوفرون

نحتاج برامج توعيه كبيره الصراحه ضد هل الاعصار المدمر

الحمل كبير

الله يعين وشكرا على مرورك يالدوحه

[حسن]

في برنامج اسمه مصاريف على الايفون

للي يبي يراقب فلوسه وين تروح واذا يبي يدخّر

انصحكم فيه

انا استعمله

شي جيد والله اول مره اعرف عنه وجازك الله خير ان تذكره علشان الناس تستفيد منه
بالنسبه لي استخدم الاجنده والورقه والقلم
ساعات اسوي جرد على المصروفات المنزليه وكم صرفت شهريا
علشان اسوي بلنص

شكرا لمرورك الكريم

[حسن]

احسن شي تحط راتبك في بناء بيت او ارض

هذا شي طيب واقتراح جميل وفكره ممتازه والعقار ممتاز جدا
والله اعرف واحد مشاء الله عليه شاري له كمن فله
وهو راتبه بسيط يعني مهب من اصحاب الرواتب العاليه
والحين تسوالها ملايين

بالتوفيق للجميع

وشكرا يارتويت

[حسن]

الله لايجعلنا نصرفه الا في ما احله الله

امين يارحال

شكرا لك

[حسن]

موضوعك قيم يابوعلي
نتمنى ان يستفيد منه الشباب والشابات
بشكل خاص

لفت انتباهي الحوار الصريح بين بنت شرق و كتارا
فاشكر الاثنين على سعة صدورها تجاه بعض
مما يفيدهما والمتابعين
فالاختلاف دون "صراخ" -ان صح التعبير- لا ضير فيه،

لكن للاخت بنت شرق
أودّ ان تقفي معنا مليا عند هذا الحديث:

عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما (أَنَّ النَّبِيَّ صَلَّى اللَّهُ عَلَيْهِ وَسَلَّمَ مَرَّ بِسَعْدٍ وَهُوَ يَتَوَضَّأُ فَقَالَ : مَا هَذَا السَّرَفُ يَا سَعْدُ ؟ قَالَ : أَفِي الْوُضُوءِ سَرَفٌ ؟ قَالَ : نَعَمْ ، وَإِنْ كُنْتَ عَلَى نَهْرٍ جَارٍ) .

وقال الشيخ عبد المحسن العباد حفظه الله : " أجمع العلماء على النهي عن الإسراف في الماء ولو في شاطئ البحر ،

وقال الشيخ ابن عثيمين رحمه الله : "ولنعلم أن الإكثار من استخدام الماء في الوضوء أو الغسل داخل في قول الله تعالى : (ولا تسرفوا إنه لا يحب المسرفين) ولهذا قال الفقهاء رحمهم الله : يكره الإسراف ولو كان على نهر جار ، فكيف إذا كان على مكائن تستخرج الماء ؟


هذا كله،، في الماء المستخدم للوضوء
فليتفكر احدنا في استخدامه "للماء و الكهرباء" بالعموم
خاصة أنهما للمواطنين -بفضل الله و منّه - بالمجان

و قِس-أيها القارئ- على ذلك ما هو اكبر عندك من هذان الأمران
اللذان هما عند كثيرين ..صغيران او "مستحقران"

*
*
،،
ختاما يا بوعلي
ذكرت أمثلة كثيرة و ما ذكرت شراء ارقام سيارات وارقام الهواتف
بالآلاف و عشرات ومئات الآلاف و الملايين من الريالات

حقيقة اغلب الأمور تهون عند هذا الاسراف غير المبرر و السلوك
الاجتماعي الخطير الذي استشرى عندنا في قطر وغالب الخليج

مرحبا ياعابر

والله نسيت اذكرها لكن في وقتنا الحالي اصبح اقيامها خياليه
لما طرحت الارقام الثلاثيه كنا نضحك على من يشتريها ب 10000 الف والحين هم يضحكون علينا
لما زادت اصفارها وراحت بالملايين

ارزاق ماكنا نتوقع بذالك ان هذا استثمار بس كان نسبه الرسك اي الخطوره عاليه
والمجن زادو جنان
اخبر واحد قالي عطني مليون سلف
:eek5:
قلت ليش قال ابي اشتري رقم الصراحه رفضت بدون ضمانات
لو كان عقار كان على الاقل معقوله اما رقم

مستحيل

شنسوي ياربوراشد هذا دليل الثراء المادي اللي نعيشه قمنا نشتري حتى حجوزات
السيارات

انه الهوس ياساده

شكرا على مرورك الكريم يابوراشد

:)

[غايه الطواش]

امس رحت البيت الحديث في لاغونا بما انهم مسوين خصومات 20 فالميه
بس بعد السعر اوفر بالنسبه لمنتجات لابريري (طبعا البنات بيعرفون )
كريم بلاتينيوم خميسن ملي ب 5000 ريال وفالنت 2500
انتي اجنغ كريم ب 900 ديلي فالنت 139 دولار
انتي اجنغ ليلي 900 فالنت 136 دولار
سيروم ب 1200 فالنت 150 دولار
تونيك ب 700 ريال فالنت 150
مادري ليش مسوين خصومات

مادري ليش هلااسعار الخياليه ويقولون خصم !!

[حسن]

امس رحت البيت الحديث في لاغونا بما انهم مسوين خصومات 20 فالميه
بس بعد السعر اوفر بالنسبه لمنتجات لابريري (طبعا البنات بيعرفون )
كريم بلاتينيوم خميسن ملي ب 5000 ريال وفالنت 2500
انتي اجنغ كريم ب 900 ديلي فالنت 139 دولار
انتي اجنغ ليلي 900 فالنت 136 دولار
سيروم ب 1200 فالنت 150 دولار
تونيك ب 700 ريال فالنت 150
مادري ليش مسوين خصومات

مادري ليش هلااسعار الخياليه ويقولون خصم !!

كريم ب 5000 الف ريال

:eek2:


وفيه ناس تشتري بهل الاسعار

:omg:

يالطيف شو بيهبل هل الجنان
شيسوي هل الكريم يعني سحري يرجع المره 20 سنه ورا

الصراحه صبغ سياره كامله ب 5000 ريال

لا مش معقول

:telephone:

[الدوحه1]

كريم ب 5000 الف ريال

:eek2:
وفيه ناس تشتري بهل الاسعار
:omg:

يالطيف شو بيهبل هل الجنان
شيسوي هل الكريم يعني سحري يرجع المره 20 سنه ورا

الصراحه صبغ سياره كامله ب 5000 ريال
لا مش معقول
:telephone:


50 مل كريم ب 5000 ريال(يعني تقريبا 50 غرام)؟؟؟؟؟؟؟؟

اغلى من المخدرات!!!!!!

[غايه الطواش]

بلاتينيوم :)

[بصمة قطرية]

غاية
بتتعبين و لا راح يستوعبون خخخخخخ

تدرين
أغلب مشترياتي من النت ..
بوالعيال يتعامل مع كل المواقع ..
من فترة خذت شنط من lv
ربع سعرها في قطر بعد مب النص ..
دوم أطلب للعيال من رالف لورين
والله برخص التراب ..
أطلب لي ملابس موجودة هني طبعاً
فرق كبير في السعر ..


والله لو تطلبون من النت
كل شي أرخص ..

[بومحمد المطاوعه]

أغلب مشترياتي من النت ..
بوالعيال يتعامل مع كل المواقع ..
من فترة خذت شنط من lv
ربع سعرها في قطر بعد مب النص ..
دوم أطلب للعيال من رالف لورين
والله برخص التراب ..
أطلب لي ملابس موجودة هني طبعاً
فرق كبير في السعر ..


والله لو تطلبون من النت
كل شي أرخص ..

احسن حل تسوونه

تطلبون من النت

انا كل شي من النت حتى ملابس عيالي

اشكال وانواع ,, والله

[حسن]

احييك على موضوعك اللي يمس شريحه كبيره من المبذرين

اول ماتقبض الراتب سوي حساب تحويل توفير دايركت بثلاث ارباع الراتب للعزوبي وللي يعول البيت اقل شي يحول 10 الاف ريال فالتوفير .. احلى تجاره اتبعها تتفاجئ برصيد محترم فالتوفير
وهذا اللي اتبعه .. وابتعادي عت توافه الامور من ملاحقة الموديلات الحديثه من جوالات وسيارات واثاث والكترونيات .. وسفرات شوفوني انا سافرت دولة فلتان وشيرت ماركة نوعها الفلانيه كلها كلام فاضي ومضيعة للمال .

هلا هلا

مرحبا ياقطر


ياريت كل الناس مثلك كان احنا بخير
ولا شفت ناس عليها مليم واحد دين

شكرا لك على مرورك الكريم

[يمامـة]

غاية الطواش+ مستوى الدعم..

شكرا لكما على الدروس المجانية و المفيدة في هالموضوع..

و غاية جدا اعجبتني مشاركتج في الموضوع..
فتحية لكما ولكل من اضاف في هذا الموضوع .

[زبرجد]

راتبي ستين وأوفر منه اربعين واخاف يطير بالسفر توني رادة اشتغل :(بردينا مفوشر:)

[hamadazoz]

اخرج من راتبك لو الشي القليل صدقه وشوف البركة في الراتب

ولازم استخدام العقل لانه للاسف بعض العقول خاليه همها الموضة والناس ولا تفكر في النعمة اللي عليه يفكر انها دائمة

[حسن]

غاية الطواش+ مستوى الدعم..

شكرا لكما على الدروس المجانية و المفيدة في هالموضوع..

و غاية جدا اعجبتني مشاركتج في الموضوع..
فتحية لكما ولكل من اضاف في هذا الموضوع .

فعلا يستحقون الشكر على اثراء الموضوع بالافكار والتجارب المفيده

:victory:

[حسن]

راتبي ستين وأوفر منه اربعين واخاف يطير بالسفر توني رادة اشتغل :(بردينا مفوشر:)

عودا حميدا اخت زبرجد
والحمدلله على السلامه

ومبروك عليك الشغل والراتب

تحياتي

[المبرمج صلاح]

راتبي لا يتجاوز عشرة الاف وليس ثابت ( اعمال حرة )
النصف ايجار للبيت
وربع مصروف لي انا وزوجتي
وربع مصروف لامي واخواني الصغار
والحمد لله من هذا الراتب كونت نفسي وتزوجت وسددت ديون كانت على من قبل واحمد لله كل يوم على هذه النعمة اللي انا فيها

استغرب جدا من الشباب اصحاب الرواتب العالية ويقولون ما نوفر شي
ولكن تقريبا اذا بحثت عن دينهم وقربهم من الله سوف تجد هناك تقصير كبير منهم ومحرومين من التوفيق والبصيرة مع اننا كلنا مقصرين حتى انا مقصر ولكني متاكد في شي غلط في حياتهم وخاصة دينهم ولكني لا املك الا الدعاء لهم و لي

اللهم املأ قلوبهم بنور وحلاة الايمان وحببهم الى الايمان انك تهدي من تشاء بغير حساب
اللهم فقّهم في الدين واجعلهم من عبادك الصالحين
اللهم وظف طاقات شباب المسلمين لما فيه رفعة للإسلام و المسلمين
اللهم ارزق شباب المسلمين زوجات صالحات.. وبنات المسلمين أزواجا صالحين
اللهم اسعدهم فى الدنيا والاخره اللهم استرهم فوق الارض وتحت الارض ويوم العرض
اللهم اكفنا بحلالك عن حرامك واغننا بفضلك عمن سواك
اللهم اغفر لنا ولوالدينا وللمسلمين والمسلمات الاحياء منهم والاموات

[معماري قطري]

الحمد لله يمكن انا من القلائل اللي ما أَغرتهم المغريات وعايش باعتدال

لا ديون ولا اسراف وتوفير جيد .. بديت حياتي العملية صغير ( 14 سنة ) وشريت أَول سيارة في حياتي عمري 16 سنة من راتب لا يتجاوز ال 3000 ريال وكانت قيمة السيارة 35000

رحت ادرس دراسة جامعية وعندي بعثة وراتب بسيط خليته يتجمع لي .. وربعي معاي كثيرين بعضهم يصرفون راتب البعثة وراتب قطر يتحول مباشرة لهم وهذا نفس حال ولدي الحين .. صرف على سيارات وتزويد وتيربو ولعبة ما لها معنى.

قبل لأَخلص دراستي كان عندي مبلغ يكفيني للزواج والوالد ما قصر ساعدني ببيت وبعض الدفعات للضروف الطارئة .. مثل مرة انسرقت سيارتي وهو عوضني .. بس اجمالاً اعتمادي على توفيري من عملي والحمد لله .. في قوتي وشبابي ما عمري فكرت اسافر درجة بزنس ولا فكرت في سيارات وجاهة ومنظر وكنت اركز على العملي والجيد والوسط واستوى هذا اسلوب حياتي وحاولت انقله لعيالي لكن فشلت.

حتى في بنيان بيتي اعتمدت القرض وما قدرت اوفره ومساعدة القريبين ولا بعت سهم من الأَسهم اللي شراها لي والدي الله يحفظه .. وركزت جهدي على الاعتدال وعدم المبالغة.

أَفتخر بالقديم واحبه .. سيارتي السابقة رافقتني 14 سنة وما بعتها الا وهي تقول خلاص فكني .. عندي بعض قطع الملابس من أَيام الدراسة 25 سنة وحولها وخلال زيارتي لجامعتي سنة 2014 لبست جينز كنت البسه قبل لآتخرج سنة 1993 وتي شيرت كذلك .. التي شيرت بدأَ يبين عليه القدم ههههه وما ادري شسوي به .. الجينز صابته وعكه بسيطة ويتصلح .. ولا جايبه معاي في هالسفرة.

مشكور يا بو بروق هذا موضوع مهم وحساس ومفيد نقاشه للكل

[بوخالد911]

هلا
الكثير لديه نقص من ثقافة الادخار
ومصاحبة الزملاء الغير مباليين قد أثروا عليهم سلباً
الحمدلله سافرتُ وتنقلتُ كثيراً بمعية العائلة ولكن بشكل متزن وعقلاني.
ما كنتُ مدخره الان أصرفه على تشطيب بيت العمر.

[mubarak2006]

مثل واحد من الشباب وصل عمره فوق الثلاثين،،، اقول له تزوج يقول لي أنا متزوج السيارة اللي شاريها ب 350 الف ،، الأدهى ان راتبه مايوصل 20 الف ريال ،، لا والسيارة أقساط 5800 ريال ،،تعال فهم هني عاد،، المخ قافل عنده .ووايد هالنوعيه ثرى ،، لين وصل 40 بياكل قراطيس ،،،اي والله السيارة زوجتي ،،شوف شلون وصل التفكير

[معماري قطري]

مثل واحد من الشباب وصل عمره فوق الثلاثين،،، اقول له تزوج يقول لي أنا متزوج السيارة اللي شاريها ب 350 الف ،، الأدهى ان راتبه مايوصل 20 الف ريال ،، لا والسيارة أقساط 5800 ريال ،،تعال فهم هني عاد،، المخ قافل عنده .ووايد هالنوعيه ثرى ،، لين وصل 40 بياكل قراطيس ،،،اي والله السيارة زوجتي ،،شوف شلون وصل التفكير

الحمد لله كل شيء مكتوب للانسان ولا يدري شالأَفضل له

[حسن]

راتبي لا يتجاوز عشرة الاف وليس ثابت ( اعمال حرة )
النصف ايجار للبيت
وربع مصروف لي انا وزوجتي
وربع مصروف لامي واخواني الصغار
والحمد لله من هذا الراتب كونت نفسي وتزوجت وسددت ديون كانت على من قبل واحمد لله كل يوم على هذه النعمة اللي انا فيها

استغرب جدا من الشباب اصحاب الرواتب العالية ويقولون ما نوفر شي
ولكن تقريبا اذا بحثت عن دينهم وقربهم من الله سوف تجد هناك تقصير كبير منهم ومحرومين من التوفيق والبصيرة مع اننا كلنا مقصرين حتى انا مقصر ولكني متاكد في شي غلط في حياتهم وخاصة دينهم ولكني لا املك الا الدعاء لهم و لي

اللهم املأ قلوبهم بنور وحلاة الايمان وحببهم الى الايمان انك تهدي من تشاء بغير حساب
اللهم فقّهم في الدين واجعلهم من عبادك الصالحين
اللهم وظف طاقات شباب المسلمين لما فيه رفعة للإسلام و المسلمين
اللهم ارزق شباب المسلمين زوجات صالحات.. وبنات المسلمين أزواجا صالحين
اللهم اسعدهم فى الدنيا والاخره اللهم استرهم فوق الارض وتحت الارض ويوم العرض
اللهم اكفنا بحلالك عن حرامك واغننا بفضلك عمن سواك
اللهم اغفر لنا ولوالدينا وللمسلمين والمسلمات الاحياء منهم والاموات

مرحبا ياصلاح

انت غصب بتوفر لانك تعرف قيمه الحياه عدل وراك ايجار عالي وراك تبحث عن عمل هني وهناك
وتشتغل اضافي علشان توفر اكثر
والله يزقك الرزق الحلال ياصلاح ويوفقك حياتنا تختلف عن حياتك كثيرا والي يقول من الراتب العالي مايوفر
ماعاش حياتك كان عرف التوفير صح
اللي يده في البارد غير الحار

شكرا ياصلاح على المشاركه

[حمد 2002]

بوعلي ماقلت لنا تجاربك في التوفير بالراتب بما انك صاحب الموضوع ؟

[حسن]

بوعلي ماقلت لنا تجاربك في التوفير بالراتب بما انك صاحب الموضوع ؟

والله يابوشهاب

الحمدلله اصرف بعقل واعرف كيف استغل فلوسي صح
مااتبع المظاهر ولا شي وسنو المحتاجه تاخذه
ودائما اذا صرفت لازم اعوض
وكل شي بحساب
اوفر الحمدلله رغم اني كداد لحالي وعندجي بيت كبير وضخم وفيه خوات واخوان وصبيان وخدم
وكل مانزل المخزون ثلاجتين قبقب تسد العجز
هههههههه

يقولون مديون من عقب العرس

:telephone:

[حمد 2002]

والله يابوشهاب

الحمدلله اصرف بعقل واعرف كيف استغل فلوسي صح
مااتبع المظاهر ولا شي وسنو المحتاجه تاخذه
ودائما اذا صرفت لازم اعوض
وكل شي بحساب
اوفر الحمدلله رغم اني كداد لحالي وعندجي بيت كبير وضخم وفيه خوات واخوان وصبيان وخدم
وكل مانزل المخزون ثلاجتين قبقب تسد العجز
هههههههه

يقولون مديون من عقب العرس
:telephone:

:weeping::weeping:

[معماري قطري]

:weeping::weeping:

هههههههه طلعت معرس جديد بالمبارك حتى لو متأَخر التبريك .. حاسب عيل من كتاباتك وخلك نصير المرأَة وضد التعدد

[حسن]

الحمد لله يمكن انا من القلائل اللي ما أَغرتهم المغريات وعايش باعتدال

لا ديون ولا اسراف وتوفير جيد .. بديت حياتي العملية صغير ( 14 سنة ) وشريت أَول سيارة في حياتي عمري 16 سنة من راتب لا يتجاوز ال 3000 ريال وكانت قيمة السيارة 35000

رحت ادرس دراسة جامعية وعندي بعثة وراتب بسيط خليته يتجمع لي .. وربعي معاي كثيرين بعضهم يصرفون راتب البعثة وراتب قطر يتحول مباشرة لهم وهذا نفس حال ولدي الحين .. صرف على سيارات وتزويد وتيربو ولعبة ما لها معنى.

قبل لأَخلص دراستي كان عندي مبلغ يكفيني للزواج والوالد ما قصر ساعدني ببيت وبعض الدفعات للضروف الطارئة .. مثل مرة انسرقت سيارتي وهو عوضني .. بس اجمالاً اعتمادي على توفيري من عملي والحمد لله .. في قوتي وشبابي ما عمري فكرت اسافر درجة بزنس ولا فكرت في سيارات وجاهة ومنظر وكنت اركز على العملي والجيد والوسط واستوى هذا اسلوب حياتي وحاولت انقله لعيالي لكن فشلت.

حتى في بنيان بيتي اعتمدت القرض وما قدرت اوفره ومساعدة القريبين ولا بعت سهم من الأَسهم اللي شراها لي والدي الله يحفظه .. وركزت جهدي على الاعتدال وعدم المبالغة.

أَفتخر بالقديم واحبه .. سيارتي السابقة رافقتني 14 سنة وما بعتها الا وهي تقول خلاص فكني .. عندي بعض قطع الملابس من أَيام الدراسة 25 سنة وحولها وخلال زيارتي لجامعتي سنة 2014 لبست جينز كنت البسه قبل لآتخرج سنة 1993 وتي شيرت كذلك .. التي شيرت بدأَ يبين عليه القدم ههههه وما ادري شسوي به .. الجينز صابته وعكه بسيطة ويتصلح .. ولا جايبه معاي في هالسفرة.

مشكور يا بو بروق هذا موضوع مهم وحساس ومفيد نقاشه للكل

هلا هلا

حيالله بوعبدالله

كل تفكيرنا جذي يوم كنا من جيل الطيبين
خبرك ماكانت البطره جذي وهبابه الوالد يكد على فريق كروه مع دجه الاحتياط
خبرك فحول الاول غير الحين

:)
امهات سبرنقات غير الطي

:)

بس انت قطريت كلمه خطير وهي تقول فشلت مع عيالي
ماهي اسباب الفشل ؟
هل لانهم ولدو على رغد العيش ولم يصيبهم شغف الحياه وضرب بنجر الاستاوت ؟
هل المجتمع والمحيط اللي احنا عايشين فيه له دور كبير فيه ؟
هل الدوله ساهمت او كانت عامل مساعد بحكم انا شعب ماندفع شي؟
هل التربيه مثلا الام ماعلمت العيال على الادخار او الدلع الزايد او مقارنه بالغير ؟

هل اسمع اجاباتكم فضلا لا امرا

!!!

حياك الله يامعماري قطر

شرفت ونورت


:)

[حسن]

السلام عليكم ورحمه الله وبركاته

كثيرا مااسمع هل الكلمه من الجيل الحالي
تلقاه شغال وراتبه يعيش اربع زوجات في بيت مستغل ولا عليه اي التزامات
ولا اقصاد سياره ولا يدفع راتب خادم او خادمه ولا يصرف في البيت
عايش في بيت ابوه ياكل ويمش يده في الطوفه

واخر شي تقوله كم وفرت يقولك صفر

صادفكم من هذه النوعيه وياترا ماهي الاسباب ؟

شاركونا بارائكم وتجاربكم وماهي الحلول والنصائح لجيل المستقبل ؟

تحياتي للجميع

:)

[النهار]

السلام عليكم ورحمه الله وبركاته

كثيرا مااسمع هل الكلمه من الجيل الحالي
تلقاه شغال وراتبه يعيش اربع زوجات في بيت مستغل ولا عليه اي التزامات
ولا اقصاد سياره ولا يدفع راتب خادم او خادمه ولا يصرف في البيت
عايش في بيت ابوه ياكل ويمش يده في الطوفه

واخر شي تقوله كم وفرت يقولك صفر

صادفكم من هذه النوعيه وياترا ماهي الاسباب ؟

شاركونا بارائكم وتجاربكم وماهي الحلول والنصائح لجيل المستقبل ؟

تحياتي للجميع

:)

مساك الله بالخير بوعلي
عاد مهب لهذي الدرجه يأكل ويمش يده في الطوفه ومايدفع اجار ولارواتب ومعاشه فوق 40 الف
وياخذ عانيه من هله تقدر تقول بوكت موني ومايوفر
ياخي اعرف اكثر من حاله وبنفس المواصفات المذكوره اعلاه جان زين انه جات على عدم التوفير والمصيبه ادهى وامر
واحد مسوى نفسه ولد الامير الوليد بن طلال يأخذ معاه ربعه محمولين مكفولين ويطير فيهم من ديره الي ديره ( ترى سلف من البنك )
والثاني مامخلي شي في خاطره بدال ماياخذ مايكفيه ياخذ اضعاف مضاعفه ماركات ومواتر في السنه يتزوج من 3 الي 4 مواتر( اقساط من البنك )
والثالث وصلت ديونه 3 ملايين وجاي فرحان يقول افتكيت من البنك الفلاني ورحت البنك العلاني وجدولت ديوني على 20 سنه يابني ادام الانسان كم 20 سنه في حياتك وعمرك
والرابع محثلها يقول اصرف مافي الجيب يأتيك مافي الغيب انزين يابني ادام عمرك الحين 32 سنه متى تتزوج يرد الزواج والعقل لاحقين عليه ( ماخذته السكينه )
والخامس جاني يشتكي وهذي الكلام من مده يقول خذت ورث ابوي وصرفته عليهم وانا في سفره خلصت فلوسي طلبتهم سلف لين مارد الدوحه الكل اعتذر.كان موديهم على حسابه
على فكره سنير من زمان وصل عمره 50 ولين الحين مهب متزوج ومديون وعليه منع سفر
على فكره ولا واحد من الخمسه المذكورين متزوج

[حسن]

مساك الله بالخير بوعلي
عاد مهب لهذي الدرجه يأكل ويمش يده في الطوفه ومايدفع اجار ولارواتب ومعاشه فوق 40 الف
وياخذ عانيه من هله تقدر تقول بوكت موني ومايوفر
ياخي اعرف اكثر من حاله وبنفس المواصفات المذكوره اعلاه جان زين انه جات على عدم التوفير والمصيبه ادهى وامر
واحد مسوى نفسه ولد الامير الوليد بن طلال يأخذ معاه ربعه محمولين مكفولين ويطير فيهم من ديره الي ديره ( ترى سلف من البنك )
والثاني مامخلي شي في خاطره بدال ماياخذ مايكفيه ياخذ اضعاف مضاعفه ماركات ومواتر في السنه يتزوج من 3 الي 4 مواتر( اقساط من البنك )
والثالث وصلت ديونه 3 ملايين وجاي فرحان يقول افتكيت من البنك الفلاني ورحت البنك العلاني وجدولت ديوني على 20 سنه يابني ادام الانسان كم 20 سنه في حياتك وعمرك
والرابع محثلها يقول اصرف مافي الجيب يأتيك مافي الغيب انزين يابني ادام عمرك الحين 32 سنه متى تتزوج يرد الزواج والعقل لاحقين عليه ( ماخذته السكينه )
والخامس جاني يشتكي وهذي الكلام من مده يقول خذت ورث ابوي وصرفته عليهم وانا في سفره خلصت فلوسي طلبتهم سلف لين مارد الدوحه الكل اعتذر.كان موديهم على حسابه
على فكره سنير من زمان وصل عمره 50 ولين الحين مهب متزوج ومديون وعليه منع سفر
على فكره ولا واحد من الخمسه المذكورين متزوج

هلا هلا
صباح الخير يالنهار

مشاء الله طرحت نماذج رائعه وكثيره وهذا اللي صاير وانا شفته بام عيني
مره صرخت على واحد من هل الاشكال وانا اتناقش معاه
يقولي ماوفر كيف بتتزوج وين المسؤليه اللي تقدر عليها
اجيال متعوده على الدلع والاسراف والتبذير وبكره يجيك يبطل حلجه على ديون
والله االولين قالوها الفقر مايعيل
والمشكله الابهات هل الزمن عديمي المرجله وياكثرهم اشوفهم
لا شخصيه ولا شور ولا تربيه
ولا قدوه صالحه
ضياع والترف والارواتب العاليه زادتهم فسوقا

شكرا لك

[ابوالكلام]

اهلًا الواحد يحاول يشغل نفسه في شيئ يحبه أتوقع بيخف الصرف لان الفراق هو الي يخلي الشخص يروح يصرف

[وطن]

أنا ماشيه بالبركة الحمدلله

اجمع بس عشان اصرف اللي جمعته في شي كبير ويستاهل
سيارة .. سفره .. شي في خاطري

لكن عقار أو شي للزمن
لا
باذن الله ما نحتاج شي للزمن

وما عندي امكانية اضيع وناستي و اضيق على عمري بقرض حق عقار

ابي استانس في حياتي

والله يرزقني وياكم من اوسع ابوابه

[حسن]

أنا ماشيه بالبركة الحمدلله

اجمع بس عشان اصرف اللي جمعته في شي كبير ويستاهل
سيارة .. سفره .. شي في خاطري

لكن عقار أو شي للزمن
لا
باذن الله ما نحتاج شي للزمن

وما عندي امكانية اضيع وناستي و اضيق على عمري بقرض حق عقار

ابي استانس في حياتي

والله يرزقني وياكم من اوسع ابوابه

هلا هلا

مرحبا وطن

للاسف اتخاذ بهذا الاسلوب يعتبر من ووجه نظر العقلاء خطاء كبير ترتكبينه
صحيح ان الانسان يبي يستانس
ولكن يجب ان يكون هناك توفير
السفر المنتشر وشراء السيارات الفارهه بعد مااصبحت الرواتب عاليه
هذا يعتبر اسلوب خطير ومدمر وسوف يدفع المجمتع ثمنه
التقنين والادخار للمستقبل مطلوب وضروري

احييك على صراحتك ياوطن وشجاعتك على قول الحقيقه

بس نصيحه

يجب ان تعيدين حساباتك في عمليه المصروفات

شكر لك

[رهج السنابك]

غاية
بتتعبين و لا راح يستوعبون خخخخخخ

تدرين
أغلب مشترياتي من النت ..
بوالعيال يتعامل مع كل المواقع ..
من فترة خذت شنط من lv
ربع سعرها في قطر بعد مب النص ..
دوم أطلب للعيال من رالف لورين
والله برخص التراب ..
أطلب لي ملابس موجودة هني طبعاً
فرق كبير في السعر ..


والله لو تطلبون من النت
كل شي أرخص ..

من اي موقع خذتي الشنطه بربع السعر

[وطن]

هلا هلا

مرحبا وطن

للاسف اتخاذ بهذا الاسلوب يعتبر من ووجه نظر العقلاء خطاء كبير ترتكبينه
صحيح ان الانسان يبي يستانس
ولكن يجب ان يكون هناك توفير
السفر المنتشر وشراء السيارات الفارهه بعد مااصبحت الرواتب عاليه
هذا يعتبر اسلوب خطير ومدمر وسوف يدفع المجمتع ثمنه
التقنين والادخار للمستقبل مطلوب وضروري

احييك على صراحتك ياوطن وشجاعتك على قول الحقيقه

بس نصيحه

يجب ان تعيدين حساباتك في عمليه المصروفات

شكر لك

ان شاء الله انه مستقبل زاهر و مبهر و باهي
لا تحاتي

اهم شي بدون ديون