خبراء ميونخ ممكن حد يساعدني أرجوكم [الأرشيف] - منتديات شبكة الأسهم القطرية

مشاهدة النسخة كاملة : خبراء ميونخ ممكن حد يساعدني أرجوكم

amal qatar

17-04-2015, 12:05 PM

السلام عليكم

حبيت تساعدوني في جدول مرتب بحيث اقدر ازور معظم الاماكن السياحية في النمسا .. الروحه والعوده بتكون من مطار ميونخ

15 ليلة

ودي بهالأماكن ( ميونخ - سالزبورغ - كابرون قررت اسكن فيها بعيد عن الازعاج في زلامسي - انترلاكن - قارمش - انسبورغ - قرية هايدي )
ميونخ بخليها للآخر .. وش رايكم زينه هالمناطق ولا أغير

المشكلة وقت العودة بيصادف الثلاثاء يعني اذا بنقعد فيها 4 ايام بيصادف الويكند وبيكون كل شي مسكر
- وين القى من المناطق اللي ذكرتها حديقة حيوانات تستحق الزياره .
- هل في مناطق تنزل فيها ثلوج ممكن نزورها حتى لو يوم واحد نشوف الثلج ؟

شموخ دائم

17-04-2015, 12:56 PM

,

,

مرحبا

لو تستبعدون انترلاكن من خط الرحله احسن لانها بعيده عن باقي المناطق
واذا تقصدين ( انسبورك ) بعد لو تستبعدينها افضل مافيها ما يستحق المبيت فيها
سالزبورج اجمل منها و تنتقلون الى كابرون او زلامسي المسافه قريبه بينهم حدود الساعتين فقط

وتكتفون في

سالزبورج 3 ليالي
كابرون
زلامسي 3 ليالي
قارمش 3 ليالي
ميونخ 5 ليالي للتسوق والحدائق الكبيره الي فيها

ان شاء الله الاخوان والاخوات يفيدونك اكثر

http://www.tauernspakaprun.com/website/var/tmp/thumb_2166__contentGalleryBig.jpeg

فندق Tauern Spa Hotel في كابرون
6 دقايق عن زلامسي بالتاكسي
فندق روعه هادي بالريف منتجع فيه العاب مائيه للاطفال وغرفه كبيره ووسيعه
افضل فندق في المنطقه كلها وقليل من يعرفه
انا سكنته سنه 2012 وكان سنه افتتاحه
وجدامه التكاسي متوفره

خط رحلتي كان
دوحه فينا \ سالزبورج \ كابرون زلامسي \ ميونخ دوحه
والبعض يعمل العكس

,

,

amal qatar

17-04-2015, 02:28 PM

الله يجزاك خير أخوي شموخ دائم ماقصرت .. نعم كنت اقصد سالزبورغ .. بشوف المنتجع ان شاءالله القى حجز

ألف شكر وبانتظار باقي الأعضاء

غير البشر

17-04-2015, 06:55 PM

ياهلا ومرحبا اختي امل

ماقصر اخوي شموخ دائم دايما مبدع بخبرته ونصايحه الجميله

ان شاء الله بقترح عليج بمخطط بس قبل لا ابداء فيه لازم اوقف عند كذا نقطه

نفس ماقالج اخوي شموخ بخصوص مدينه انسبروك نادر ننصح بالسكن فيها الا اذا
كانت منطقه وسطيه بين زيلامسي وانتر لاكن للراحه
واستثمار الوقت في انسبروك لزياره قارمش وبيرتساو والعوده للسكن بنفس اليوم

واذا بخاطرج بقريه هايدي في مدينه ماينفيلد بتكونين قربتي المسافه لج الى زيوريخ وانتر لاكن
ساعه فقط الى زيوريخ
وساعتين الى انتر لاكن
وبالمقابل العوده الى ميونخ يبغيلكم ساعتين ونص
او العوده الى انسبروك مره ثانيه في حدود الساعتين

بخصوص قارمش مانصح ايضا فيها للسكن لان مدينه صغيره ومافيها الشي الكثير وفليل ملل
مافيها الا الجبل والتلفريك يعني السكن بمدينه قريبه يكون افضل

بعد هذا الكلام

مخططي الاول :

طبعا بذكر فقط مناطق السكن من دون منطق الزياره القريبه

الوصول زيوريخ - انتر لاكن - ماينفيلد - كابرون او ماريا الم - سالزبورغ او وولف قانق واخيرا ميونخ طريق العوده

بخصوص منطقه ماريا الم منطقه قريبه من كابرون وزيلامسي وهاديه لمحبي الهدوء والارياف
كابرون اهدى من زيلامسي لكن فيها حركه وناس كثيره

وولف قانق بحيره من ضمن البحيرات الثلاث في سالزبورغ للهدوء والراحه والاستجمام او السكن بوسط مدينه سالزبورغ
وتقريبا نص ساعه من وسط سالزبورغ

المخطط الثاني :
يتم استبعاد ماينفيلد ( قريه هايدي )
واستبعاد زيوريخ وانتر لاكن
والاكتفاء بالذهاب والعوده من ميونخ

ميونخ - سالزبورغ - زيلامسي - ميونخ

لج الخيار اختي نشوف رغبتج اكثر في شنو عشان اوضح لج اكثر

بالنسبه للثلوج في هالوقت اذا تقصدين السفر بالصيف مافي مكان ينزل به ثلج
لكن توجد مناطق كثيره بها ثلج
مثل جبل كابرون وقمه دانشستين في زيلامسي
او قمه تتلس في لوزيرن
او قمه جونفرو في انتر لاكن

نشوف رغبتج في شنو ونكمل ان شاء الله الباقي

amal qatar

17-04-2015, 09:24 PM

ماقصرت اخوي غير البشر الله يجزاك خير .. بخصوص زلامسي اليوم قريت عنها اكثر وعن ازعاج بعض الخليجيين فيها والزحمه عند البحيره و و و .. من الاساس انا مالي نيه اسكن فيها بسكن ان شاءالله في كابرن .. مادري تستاهل كم يوم نقعد فيها ؟

ميونخ قلت بخليها للعوده .. 4 ليالي تكفيها ؟

سالزبرغ من المناطق اللي قريت عنها ومادحينها .. اخليها من ضمن الجدول ولا ترشح لي منطقه ثانيه ؟ يخوفي تكون مزحومه نفس زلامسي

انترلاكن مدحوها وايد والارياف اللي حولها ..متردده فيها عشان المسافه البعيده بالذات ان بتكون الرجعه منها لميونخ مع انها في خاطري الصراحه هي واليوربارك .. اذا تشوف انها بتكون متعبه لنا وماتستحق العنوه مب مشكله بنكنسلها

حاليا هالاماكن اللي في بالي .. لو عندك اي اقتراح فيه اماكن ثانيه تشوفها احلى وأهدا عادي بغير الجدول كله .

ضوى

17-04-2015, 10:00 PM

شوفي اختي العزيزة

هايدي لاند وايد بعيدة ومافيها اي شي وممله يعني تروحين تلعبين مع الغنم وتردين وضياع يومين عالفاضي

العام جدولي كان كالتالي:

ميونخ زيلامسي هايدي لاند انترلاكن لوقانو ميلانو رست اللي فيها يورو بارك وبعدها ميونخ مرة ثانيه ومنها تقدرين تطلعين على غارمش ، وعلى فكرة من رست تقدرين تطلعين على كولمار الفرنسيه وكمن مدينه فرنسيه ماتذكر الاسماء بالضبط وفي الرجعه على ميونخ فيه اكثر من منطقه تروحينها من ميونخ

خلي جدولج مريح ترا شقله الشنط متعبه وملل ، احنا استانسنا وايد وتسوقنا وايد وعيالنا لعبوا وايد وووايد كانت ممتعه رحلتنا بس متعبه م شقله الشنط وتغير الفنادق

شوفي لج مخطط حلو ونسيت اقولج انترلاكن قعدنا فيها عشر ايام ومامدانا ماشاء الله من كثر مناطقها اللي تجنن

غير البشر

17-04-2015, 10:23 PM

العفو اختي ويجزاج بمثله يارب

صح زيلامسي زحمه وازعاج الخليجيين وماتاخذون راحتكم
كابرون خيار جميل وتستحق المنطقه للسكن على اقل تقدير 4 ايام

بالنسبه لسالزبورغ نعم جميله وصغيره وزرتها كذا مره والمره الاخيره الصيف الماضي
والمده المناسبه لها يومين
وتطمني المنطقه مش مزحومه نفس زيلامسي ولا قريب منها :victory:
يوم لوسط المدينه
ويوم الذهاب للمثلث الذهبي البحيرات الثلاث ( وولف قانق - وسانت جلجن - فوشل )
كلهم جنب بعض وتقريبا متصلين مع بعض

نعم ميونخ 4 ايام او 3 ايام فقط ماتستحق اكثر من وجه نظري

اختي بالنسبه لزيلامسي وانتر لاكن تقريبا الثنتين نفس الاجواء والحياه والنشاطات
في منهم يحبون زيلامسي اكثر ومنهم يعشق انتر لاكن
اذا بتروحين زيلامسي تقدرين تستغنين عن انتر لاكن

اذا خاطرك في الالعاب والارياف والثلج خذي هذا الجدول معاج :nice:

الوصول ميونخ - سالزبورغ - كابرون - ماينفيلد ( قريه هايدي ) - فرايبورغ - والعوده الى ميونخ

بالنسبه لمدينه فرايبورغ
هذي قريه صغيره وجميله وضمن القرى الالمانيه
موقعها استراتيجي جدا جدا
من فرايبورغ ربع ساعه الى اوروبا بارك
من فرايبورغ اقل من ساعه الى زيوريخ
ومن فرايبورغ اقل من ساعه الى شلالات الراين
وعلى حدود الغابات السوداء في المانيا
وقريبه من مدينه ستراسبورغ الفرنسيه
وتقدرون تروحون منها انتر لاكن ولوزيرن والعوده بنفس اليوم
الى انتر لاكن اقل من ساعتين
والى لوزيرن ساعه ونص

وفي طريق العوده من فرايبورغ الى ميونخ يكون مروركم قريب من legoland ليغو لاند
ومن ميونخ تكون زيارتكم الى قارمش

طبعا كل المناطق الي ذكرتها القريبه من فرايبورغ مب شرط تزورونها كلها
طبعا على حسب وقتكم ورغبتكم
فقط ابينها لكم

وايضا مدينه العاب اخرى قريبه من ميونخ SKY LINE PARK

http://www.skylinepark.de/

ضوى

17-04-2015, 10:27 PM

غير البشر ظلمت انترلاكن يوم ساويتها بزيلامسي ابدا مب نفس الشي ، انترلاكن افضل من زيلامسي بوااايد ومناطقها اروع واجمل

غير البشر

17-04-2015, 10:29 PM

صح كلامج ضوى هايدي ماتستاهل العنوه
فقط اذا راح تنتقل من منطقه الى منطقه مرورا في ماينفيلد ويرتاحون فيها ليله مافي مشكله
لان وصولها وعودتها من ميونخ ورغبتها في زياره كابرون ورست ( اوروبا بارك )
حطيت لها هايدي على الطريق بدل اطاله المسافه والذهاب الى رست عن طريق ميونخ راح يكن الطريق اول بكثير

بالنسبه حق لوغانو جميله جدا لكن صعبه عليها لبعدها عنها وعن المناطق الي بتزورها

غير البشر

17-04-2015, 10:31 PM

هههههههه
قلت لج اختي ضوى في من يعشق انتر لاكن
وفي من يحب زيلامسي

لازم تفرقين في الكلمتين الي انا كاتبهم فوق راجعي ردي ههههههه

amal qatar

18-04-2015, 03:59 PM

هلا أختي العزيزة ضوى جزاج الله خير عزيزتي .. وضحكتيني على سالفة الغنم .. عاد تصدقين أول شي سألت عنه الغنم ههههه غنمهم طبعا غير عن اللي عندنا .

غير البشر : عجبني الجدول بس قصدك نسكن في فرايبورغ ؟ ومنها نمر على باقي المناطق ؟ لأن المسافات اللي ذكرتها وايد قريبة منها ساعه وساعتين حلوين مب بعيد وايد .

- شرايك تكون الرحلة لفرايبورغ على طول .. اقصد بدون مانبات ليلة عشان بس موضوع الشنط وكثرة التنقل مثل ماقالت ضوى ؟ ولا بتكون متعبه ؟ اذا متعبه وش ترشح لي منطقه زينه غير اللي فيها هايدي ؟

- أي منطقة أقرب لفرايبورغ ( كابرون ولا سالزبورغ ) ؟

- حاليا رتبت هالجدول وابي رايكم فيه

أول يوم الوصول إلى ميونخ الظهر وعلى طول على :

- كابرون 4 ليالي
- سالزبورغ ليلتين
- فرايبورغ 6 ليالي ومنها بتكون رحلاتنا لبعض المناطق اللي رشحتها لي
- ميونخ 3 ليالي

غير البشر

19-04-2015, 03:54 PM

مرحبا اختي

اي اقصد تسكنين في فرايبورغ ومنها كل يوم تطلعين على منطقه قريبه منها بدل كثره التنقل
اي المسافات قريبه لاني بحط لج خارطه توضيحيه تحت تبين لج اماكن المناطق
ولان قريه فرايبورغ جنوب غرب المانيا فهي قريبه جدا من الحدود الفرنسيه والسويسريه
يعني عادي تصحين من النوم في المانيا وتروحين الصبح فرنسا والعصر سويسرا ههههه :tooth:

بالنسبه ان تكون الرحله من كابرون الى فرايبورغ على طول اكيد افضل من التنقل او الاستراحه بمكان اخر
لكن هل المسافه تناسبكم !!!
لو تقدرون تستحملونها وتناسبكم اكيد افضل
عموما خطوط اوروبا ممتعه جدا جدا
وتوقفون في استراحات للراحه في احد الكوفيهات وبعدها تكملون الطريق
المسافه تقريبا من كابرون الى فرايبورغ بالسياره 6 ساعات ( 500 كيلو)

ترا عادي انا اول مره سقت سياره في اوروبا قطعت فوق 1000 كيلو متواصله
من التشيك الى جنيف ههههه 18 ساعه بالسياره :rolleyes2:

زيلامسي وكابرون جنب بعض يعني نفس المسافه الى فرايبورغ

بالنسبه اني ارشح لج منطقه بين كابرون وفرايبورغ
وقت خروجكم من كابرون بالسياره تمرون على مدينه انسبروك وبعدها بياخذكم الخط الى مدينه اسمها بريجنس
هالمدينه على بحيره كبيره وهالمدينه الطرف الجنوبي من البحيره
والطرف الشمالي من البحيره فيها مدينه كونتسانس السياحيه
المسافه من كابرون الى بريجنس 300 كيلو
يعني بكون باقي لكم تقريبا 200 كيلو الى فرايبورغ

بالنسبه لجدولج جميل جدا جدا وخاصه من مطار ميونخ الى سالزبورغ
وميونخ تخلونها في الاخير
كل شي عندج تمام فقط فكري بالمسافه من كابرون الى فرايبورغ
يا تقررين تروحين لها دايركت بدون توقف او تختارين لج منطقه ترتاحين فيها

هذي الخارطه سويتها لج ممكن توضح لج اكثر للمناطق الي بتسكنين فيها (باللون الاحمر)
والمناطق القريبه منها ممكن تروحين لها وترجعين منها بنفس اليوم (باللون الاصفر )

http://up.arabseyes.com/uploads2013/19_04_15142944618087541.png (http://up.arabseyes.com/) العاب (http://games.arabseyes.com)

هذا مسار الخط باللون البنفسجي من كابرون الى فرايبورغ

http://up.arabseyes.com/uploads2013/19_04_15142944780388932.png (http://up.arabseyes.com/) العاب (http://games.arabseyes.com)

وهذا الرابط نفس الصوره الى فوق بس اكبر عشان تكون اوضح لج
لاحظي على الخط النفسجي في دوائر لونها ازرق مرقمه
الرقم 20 هنا مكان مدينه بريجنس Bregens
والرقم 28 مدينه كونستانس

http://up.arabseyes.com/uploads2013/19_04_15142944780371681.png

amal qatar

21-04-2015, 06:38 PM

الله يجزاك خير اخوي غير البشر في ميزان حسناتك ان شاء الله .. وايد استفدت من مخططك بالذات الخريطة

ألف ألف شكر

غير البشر

21-04-2015, 09:20 PM

ويجزاج بمثله اختي
العفو الله يسلمج

من جذي كنت احاول احط لكم مكان ترتاحون فيه بالطريق الى فرايبورغ
اما اذا تبغون تروحون وتاخذون الخط مره وحده بعد افضل من كثره التنقلات

فكري وقرري وخبريني على اساس نكمل الباقي ان شاء الله

وبالتوفيق :nice:

amal qatar

21-04-2015, 11:31 PM

bohilal191

22-04-2015, 07:16 AM

ماشاء الله عليكم خبرة في الدول الاوروبية واحنا حدنا تايلاند وماليزيا يعطيكم العافية ورحلة سعيدة اختي أمل

غير البشر

22-04-2015, 04:27 PM

اخوي غير البشر خليت مخطط الرحله النهائي يكون :
من مطار ميونخ على كابرون 4 ليالي تقريبا
سالزبورغ 4 ليالي
فراييورغ 6 ليالي
ميونخ ليله وحده .. نفسيا مابي اتمشه فيها عشان الزحمه والسياح
خليت سالزبورغ بعد كابرون عشان تقل المسافه لفرايبورغ .. بنمسك الخط على طول بدون مانوقف في أي مكان .. الحين بحاول ارتب جدول حلو لفرايبورغ .. اول يوم بيكون راحه وتمشي في السنتر .. ثاني يوم يورب بارك .. ثالث يوم انترلاكن واكيد مابيكفيها يوم واحد على كلام الاخت ضوى 10 ايام وماخلصوها .
الايام الباقيه مب عارفه ارتبها مابين شلالات الراين و تي دي لاند .. قريت اليوم عن وايد فعاليات وأماكن بس صعب طبعا نروح لها كلها أو حتى نصها .. صراحه كل شي يبي له ترتيب دقيق قبل السفر .

جدولكم حلووو اختي امل
ممتاز جدا
بس وانتو طالعين من ميونخ الى كابرون
اجباري تمرون صوب سالزبورغ وانتو رايحين كابرون عادي كملو لين كابرون
وبعدها ارجعو سالزبورغ واسكنو فيها

بس قللي الايام في سالزبورغ خليهم 3 ايام افضل
واضيفي اليوم في كابرون خليهم 5 ايام

اي اكيد انتر لاكن اقل شي يبغي لها 5 او 6 ايام
طبعا هي اساس ماكانت معاكم بالجدول
بس على الاقل تمرون عليها مدام قريبه منكم وتاخذون فيها خبره وتشوفونها حق سفره قادمه ان شاء الله
وممكن ارتب لكم جدول صغير ليوم واحد في انتر لاكن

اليوم الاول :
يوم في فرايبورغ استكشاف المنطقه والمدينه والتمشي بالسنتر

اليوم الثاني :
الى مدينه رست ( اوروبا بارك ) وتقدرون من بعد الملاهي تتعشون في ستراسبورغ الفرنسيه ومن ثم العوده الى فرايبورغ من الالعاب لين ستراسبورغ ساعه

اليوم الثالث :
الى انتر لاكن

اليوم الرابع :
الغابات السوداء واذا بقى وقت تروحون بحيره تيتسي Titisee
هالبحيره تقريبا من فرايبورغ ربع ساعه جنوبا

اليوم الخامس :
شلالات الراين Rheinfall
من فرايبور لين شلالات الراين تقريبا ساعه واحده
من بعد الشلالات وعندكم وقت تقدرون تروحون زيوريخ تتمشون فيها
لان زيوريخ كلها شارع واحد فقط وبحيره ههه غير هذا تقريبا مافيها شي
تبعد عن الشلالات تقريبا نص ساعه
ومن الشلالات الى لوزيرن تقريبا ساعه

اليوم السادس للراحه

غير البشر

22-04-2015, 04:30 PM

ماشاء الله عليكم خبرة في الدول الاوروبية واحنا حدنا تايلاند وماليزيا يعطيكم العافية ورحلة سعيدة اختي أمل

هلا بمصورنا المحترف
اشرايك سفره على حسابك تاخذني معاك شرق اسيا
وسفره على حسابي اوروبا
تبادل وتنسيق بينا ههههه

amal qatar

22-04-2015, 06:39 PM

ان شاءالله بطبع الجدول وبعتمده .. مرتب وايد .. ألف شكر اخوي غير البشر تعبناك .

amal qatar

22-04-2015, 06:47 PM

ماشاء الله عليكم خبرة في الدول الاوروبية واحنا حدنا تايلاند وماليزيا يعطيكم العافية ورحلة سعيدة اختي أمل

الله يسعدك .. كلنا بدينا بالدول الآسيويه وهالمره قررنا نجرب الأجواء الاوروبيه لازم تسأل اللي رايحين لها ومتعودين عليها وعقب تقرا في المنتديات تقارير الناس مشالله في تقارير حلوه ومرتبه .. تقدر على أساسها ترتب لك جدول بعد ماتكون فكره عامه عن البلد اللي بتزوره ومثل ماشفت انا الحين طلبت مساعدة الاخوان في المنتدى وماقصرو الله يحزاهم خير . وان شاءالله تكون رحله ممتعه.

غير البشر

22-04-2015, 07:04 PM

ان شاءالله بطبع الجدول وبعتمده .. مرتب وايد .. ألف شكر اخوي غير البشر تعبناك .

العفووو اختي امل
وبعد عندج اي استفسار عن اي شي
يعني رتبو اموركم في الاحداثيات حق المواقع والقارمن

وبخصوص الفنادق اخترتي الفنادق او تبغين اساعدج فيها
وبعد اي شي تحتاجونه او استفسار خبريني

amal qatar

22-04-2015, 08:44 PM

بيض الله وجهك .. الفنادق خلاص استقريت على تسوربورغ في كابرون ، شيراتون فوشلسي سالزبورغ ، ميركيور بانوراما في فرايبورغ ، هيلتون ميونخ .. فنادقهم تعبانه والانتقادات عليها وايد سواء في التعامل أو صغر الغرف وجو الغرفه بدون مكيف والازعاج و و و .. تقريبا هالفنادق اللي ماخذه ريت عالي في موقع booking ومادحينها معظم اللي جربوها .. وان شاءالله القارمن بنتفرغ له عقب كم يوم ، شفت قطري اسمه رجل شرقي منزل كل الاحداثيات في ملف ينزل على القارمن ..
اخر سؤال أقدر أمر على مصنع نستله اللي ف سويسرا ؟ اذا اي وين اقرب مكان له انترلاكن ولا مدينه ثانيه ولا أحط عليه اكس وأخليه حق سفره ثانيه ان شاءالله ؟

معماري قطري

22-04-2015, 09:46 PM

غير البشر

22-04-2015, 09:50 PM

ووجهج ابيض اختي

هههههه اي رجل شرقي
يحليله مايقصر
وبعد الحبيب قايد ابو شيهانه :thumbup:

اها حلووو اخترتي الفنادق
لو تبغين شقق في كابرون اي وحده حلوه يمدحونها اسمها شقق ليلي والحين تغير اسمها
بس هيلتون يبغيله مسافه اشوي لين المارين بلاتز
بس هيلتون حلو وبعيد عن الحشره

مصنع نستله في منطقه مابين انتر لاكن ولوزان
اسم المصنع Cailler-Nestlé chocolate factory

من انتر لاكن 80 كيلو
بس المشكله له طريقين :

الطريق الاول محلي مسافته 80 كيلو تاخذونها بساعه ونص تقريبا
الطريق الثاني هاي وي عن طريق مدينه بيرن مسافته 118 كيلو تاخذونها بساعه

يعني الطريق الاول اقرب بس مسافته طويله لان ماتقدرون تسرعون شارع صغير وزراعي
الثاني دعس هههههههه

نستله الافضل اكس صعبه تروحين له خليه للسفره الجايه ان شاء الله
ليش تبغين مدينه قريبه !!
انتر لاكن يدوب يوم يعني خلج فيها بس
لكن في قرى حول انتر لاكن جميله جدا جدا
مثل جريندوالد و ويغن و مورين
جريندوالد تروحين لها اذا بتروحين القمه الثلجيه جونغفراو Jungfraujoch
والمدينتين ويغن ومورين متقابلتين مع بعض وكلن منهم على مرتفع وبينهم وادي يفصل بينهم
وهالوادي الي ينزل منه شلالات تروميل باخ :victory:
هالمدينتين ممنوعين يدخلون السيارات بس قطار يوصلكم وهم خاليين من السيارات

غير البشر

22-04-2015, 09:56 PM

بعد إِذن صاحبة الموضوع

حد يعرف شقق فندقية زينة في ميونخ .. انا حالياً ساكن شقة 3 غرف بس شفت وحدة وايد زينة ووسط السوق قرب المارينا وترددت آخذها وطارت بسرعة اللي يعرف ليبخل علي بالمعلومة

مرحبااااااا بالغالي والله
بعطيك رقم واحد على الخاص الحين
تواصل معاه وقول له من طرفي
او برسله لك على تلفونك

يمدحون شقق ماكسي مليان بس ماسكنتها جرب عندهم

ضوى

25-04-2015, 03:12 PM

معماري جرب شقق الماكسيمليان عجيبه ، سكنتها العام وايد ارتحنا فيها ومريحه جدا ، وحق الطبخ فلله

ضوى

25-04-2015, 03:14 PM

اختي امل جربي الماكسيمليان اذا حصلتي حجز وايد حلوة والغرف واسعه غير عن فنادق ميونخ غرفهم ضيقه تغمت القلب بس ماكسيمليان عجيبه جدا وتعاملهم وايد حلو وهي اربع نجوم

amal qatar

25-04-2015, 11:00 PM

اختي امل جربي الماكسيمليان اذا حصلتي حجز وايد حلوة والغرف واسعه غير عن فنادق ميونخ غرفهم ضيقه تغمت القلب بس ماكسيمليان عجيبه جدا وتعاملهم وايد حلو وهي اربع نجوم

اختي ضوى انا حجزت ليلة وحده في ميونخ وهي ليلة السفر .. لاني مابي اتسوق وعارفه شلون بيكون الوضع مع الزحمه .. ان شاءالله في سفرة ثانيه بجرب . مشكوره عزيزتي على الافاده

غير البشر ..لي عودة ان شاءالله

ذكي جدااا

01-05-2015, 09:42 AM

amal qatar

20-05-2015, 03:04 PM

شيراتون فوشلسي رووعه جداا بس للاستجمام ليلة وحده. عيبه انه بعيد عن المدينة واذا ماعندكم سيارة بتتعبون تقريبا ثلاثين كيلو عن سالزبورج وما حوله شي

ماكنت ادري ان بعيد .. بس مب مشكله عندنا سيارة ..شكرا على الافاده