اسفسار بخصوص شراء شركه

[احساس غالي]

السلام عليكم
انا لقيت شركه وحبيت اشتريها بس للاسف صاحب الشركه اسلم المحل مع العلم ان ترخيص البلديه ساري المفعول
السؤال : اذا شريت الشركه هل البلديه تطالبني بمحل ولا لا لان سئلت كذا شخص واحسهم يعطوني اجابات من مخهم

ياليت تجاوبوني الله يعطيكم العافيه

[المبرمج صلاح]

لازم محل اخي الكريم لا يجوز لك تجديد السجل التجاري للشركة بدون مقر يجب ان يكون لها محل او مكتب كما ان البلدية تقوم بعمل تفتيش عشوائي للتاكد عندك مقر ولا

هذا والله اعلم

[الجني]

الشركة ما تسوى شيء بدون محل (مقر)
و صاحبها قد يكون باع المحل قفلية
و الآن يريد يبيع النشاط و هذا غير جائز

بدون مقر يعتبر لا توجد شركة

و الله اعلم

[احساس غالي]

اخواني انا استفسر هل اقدر اشتري السجل >> ولا فيها شي لان انا عندي محل وقاعد اجهز فيه واقل شي يبي لي 3 شهور

[شموخ دائم]

,

,


مرحبا

توكل على الله اشتر امورك طيبه ان شاء الله
من ناحيه قانونيه تشتري السجل هذا عمل قانوني حتى لو من غير محل
تسوي المبايعه في السجل التجاري وتوثقها بوزاره العدل
1- تغير اسم المالك بالسجل
2- تغير اسم المخول بالتوقيع على ( قيد المنشاءه )
3- بعد ما تفتح المحل تطلع الترخيص من البلديه باسمك
بعد ما تجهز محلك

بس اخوي الكريم انتبه

1- هل على السجل عمال !! ووين موجودين وهل ماخذين مستحقاتهم ورواتبهم حتى تاريخ الشراء !!
2- شوف اسم الشركه في وزاره العمل هل عليها ( بلوك ) او تحفظ !!
3- شوف البنك حساب الشركه هناك هل عليه ديون لاقدر الله !!
4- هل هناك مطالبات من اشخاص او من شركات ثانيه او ديون انت ما تعلم فيها

الافضل يوقع لك ورقه انه مسئول عن أي ديون او التزامات ماقبل تاريخ الشراء وملزم بالسداد
واحتفظ بهذي الورقه ما تدري شنو يصير مستقبلا هذي الورقه تحميك من الامور الي ما تم كشفها لك

موفق ان شاء الله


,

,