كرسي طبي لآلام الظهر ؟

[S.T.Y.L.E]

السلام عليكم

بغيت اسألكم عن رايكم في الكراسي الطبية
انا من الأشخاص اللي يجلسون على المكتب وايد لفترات طويله
والفترة الاخيره قمت احس بألم في ظهري ، وفكرت اشتري كرسي طبي افضل
عاد سألت ولقيت هالكرسي فالدوحه بـ 2300 ريال
http://www.amazon.com/dp/B00KFZS3RM?psc=1

مادري استغليته ، هل اسعارهم كذا والا في شي ممتاز وارخص ؟

[توشيبا]

وعليكم السلام

معليك منهم كلام كفار

حاول تتحرك لو كل ساعتين تقوم تمشي وتتحرك في المكتب

صدقني لو تقعد علي اسفنج او كرسي مساج فتره طويله بيعورك ظهرك

الحركه اهي الحل الوحيد

وعلي قولتهم اسال مجرب ولا تسال طبيب

[النهار]

ياخوي مر سوق الحراج في اكثر من محل عندهم نوعيات احسن من الي في الصوره
واسعاهم ماتزيد على 400 ريال بس مستعمل لان بعض الموسسات يغيرن الاثاث كل سنتين

[S.T.Y.L.E]

مشكورين على ردودكم
بسمع كلامكم ان شاء الله ويعطيكم العافيه

[بعيد النظر]

ياخوي اذا تبي النصيحة ..
هـ الكراسي جابوها لنا ف الدوام ..
وللاسف انها مب مريحة !!


الحركة كل ساعة افضل حل ..
وبالتوفييق

[LiL iNVe$ToR]

عندنا كراسي طبيه تشابهه ذيلا فالدوام ..مستغرب من اللي يقول مامنهم فايده.. طبعا الحركه والمشي مطلوبين ..القعده لساعات طويله مب زينه اصلا..لكن اقعد نفس الوقت على كرسي طبي وكرسي عادي ..شوف الفرق ..

طبعا القعده الصحيحه مهمه جدا..

كنت اداوم شفتات وفوق 12 ساعه فاليوم على هالكراسي الطبيه وصراحه تسوي فرق!

[بنت مريخ]

جفته عند بعض الموظفات
طالبينه

[وليف الشوق]

نفس الكرسي بمكتبي لكن اذا انت تقبل النصيحه فصدقني الكرسي وهالكلام كله فاضي وخذ بنصيحتي دام ان عوار الظهر في البداية والوقايه خير من العلاج يعني اول شي اذا لاسمح الله اذا ثبت من التقارير والاشعات ان عندك ديسك فلازم عليك تتأقلم مع حالتك وثاني شي لما تقعد في الكرسي لا تنسدح او ثني الكرسي على ورى وخلك في وضع مستقيم ايا" كان نوع الكرسي وثاني شي لاتطول في القعده وخذ لك حركة بين المكاتب او حتى الصاله تمشى شوي واي دكتور متخصص في العلاج الطبيعي راح يعطيك نفس الكلام ويمكن يعطيك بعض المعلومات او التمارين اللي لازم تسويها ونصيحه مني الحق على نفسك من الحين قبل لا يجيك الديسك لاسمح الله وروح لاي دكتور متخصص في العلاج الطبيعي واخذ منه ورقة التمارين اللي تساعدك على المحافظه على العمود الفقري او الحوض او التخلص من موضوع الديسك او اي مرض اخر مختص بالظهر
وماتشوف شر

ملاحظه : أي انسان طبيعي لازم يستخدم التمارين بين كل فترة وفترة مب شرط المريض او اللي يعاني من الم في الظهر ومن الحين لا تتعب نفسك بالكراسي
واللي يكلمك ترى خسر فلوسه على كراسي ومساج وطلع الموضوع كله فاضي ومااستفدت شي غير اني اهملت نفسي لدرجة ان حالتي مالها علاج الا عمليه جراحيه دقيقه في الديسك وفي اكبر مستشفيات العالم

[Qa10]

السلام عليكم

بغيت اسألكم عن رايكم في الكراسي الطبية
انا من الأشخاص اللي يجلسون على المكتب وايد لفترات طويله
والفترة الاخيره قمت احس بألم في ظهري ، وفكرت اشتري كرسي طبي افضل
عاد سألت ولقيت هالكرسي فالدوحه بـ 2300 ريال
http://www.amazon.com/dp/B00KFZS3RM?psc=1

مادري استغليته ، هل اسعارهم كذا والا في شي ممتاز وارخص ؟


ماعندي علم

نفس مشكلتك لقيت كراسي عند السلام اللي مقابل كهرماء قبل الصراحه كراسيهم مالها حل ممتازه جداً عندهم في هالحدود وعندهم اعلى غير هالنوعيه

[mE mYself & i]

هالكرسي مش مريح، ٵنا عندې دسك فې الظهر وجربته بس ماريحني


Sent from my iPad

[بـارود]

لقيت نفس كرسيك في محل أوفيس ون في طريق سلوى
وعندهم أكثر من تشكيلة بس أنت اللي تبيه شكله التوب
مر المحل وجرب الكرسي قبل ما تاخذه المشكلة إني ناسي
السعر والإ كنت بفيدك وعندك محل ميداس إذا ما خاب ظني
في نفس الشارع قبل أوريدو عندهم كرسي حليو شكله ملموم
بس حط فلوسك فيه