خواتي بغيت رايكم الله يخليكم .. بخصوص موضوع خادمة رقم 2

[Alshoog84]

السلام عليكم

خواتي .. ابي استشيركم بخصوص خادمة ثانيه اجيبها البيت

عندي حاليا خدامه وحده و شاله البيت كله من شغل و صعبت عليها الصراحه

قلت اجيب وحده ثانيه معاها تساعدها او تكون متخصصه حق اليهال بس

خدامتي حاليا جنسيتها فلبينيه ..

تنصحوني اجيب وحده من جنسها وله افضل اجيب من جنسيه ثانيه عشان مايتاقلمون وايد

محتاره وبغيت نصيحتكم

[sweet qatar]

الي تكون مواصفاتها زينة خذيها

أغلب الناس يفضلون من نفس الجنسية عن المشاكل

لكن بعد ما يسلمون من الهواش

كل الي عليج تقسمين الشغل بشكل واضح وحدة تمسك المطبخ وغسيل الملابس

و وحدة تشوف اليهال وتنظف البيت


والله يكتب لج الي فيه الخير

[الجـــوديّ]

عليكم السلام والرحمة ..


اذا الفلبينية ساكتة وما اشتكت وما قالت مدام جيبي وحدة تساعدني... تمي عليها وحدة
ترى بعضهم تقدر تسد في البيت ومستانسة

من تجيبين الثانية .. خذي الهواش والمناحس
واذا تحاسنوا مع بعض خير وبركة


فلبينيات مع بعض أحسن .. لكن اذا اشردوا يشردون مع بعض الوحدة توز الثانية
وما أفضل الاندونيسيات

فيه بعض الناس يفضلون جنسيات مختلفة علشان ما يتخادنون على أهل البيت.

والله يوفقج ،،

[وليف الشوق]

من واقع تجربة نفس الشي واذا كانت من غير جنسيتها راح تلقين متاعب كثيرة واذا كانت من جنسيتها بعد راح تلقين متاعب لكن نصيحتي ماعليج منهم جيبي اللي تجيبينه وانت الآمر والناهي وخلي اي وحده اذا فيها خير تقول شي !! والله يالمكتب او اقرب طيارة مع الغاء الاقامه نهائيا"
جبنا للخدامه الاولى عون اثر طلعت علينا اكثر من بيعة السوق وهذي ضريبة الخدامتين
لكن اذا الخدامه الاولى سنه وذكيه ماراح تسوي بلبله بالموضوع لانها تعرف ان اضغط راح يخف عليها ههههههههههههه
وانتي خبري الاولى وقولي لها اني راح اجيب وحده تساعدك لكن اذا شفت اي اتفاق بينكم او شي مب طبيعي او تقاعس بالشغل ماراح تلومين الا نفسك انتي واياها

[المحاميه]

من غير جنسيتها عشان مايتحالفون ضدكم