مشورة ... جزاكم الله خير ..

[بصمة قطرية]

بسم الله الرحمن الرحيم
السلام عليكم و رحمة الله و بركاته

مساكم الله بالخير ..

محتاجة مشورتكم ..
ممكن رد من الردود يقنعني لأني مترددة ..

أفكر أشتغل ..
و مب عارفة بصراحة هل راح أرتاح إذا إشتغلت
و لا بيكون هالشي تعب علي ..

تعودت على الراحة ..
و في نفس الوقت مليت من الروتين ..
عيالي كبروا وكلهم في المدارس ..
و في أسباب تخليني أفكر في الوظيفة ..

شوروا علي :(

[بنت شرق]

شنو دراستج او تخصصج،،،فيه مكان تفضلين تشتغلين فيه

[S.T.Y.L.E]

بالنسبة لي انا اشوف الشغل وايد زين
صراحه تحسين يومج له قيمه
نفسيتج تتغير ، وتشتاقين للويك اند
ويكون عندج مصروف خاص ، وتسولفين مع ناس وتشتغلين وتتعلمين

حتى أحيانا اذا طلعت اجازه ، ان طولت اشتاق للربع فالشغل والمواقف والسوالف وجي
انا أقول ان حصلتي فرصه توكلي على الله ، ومثل ماتعودتي عالهدوء بتتعودين على الشغل

[بصمة قطرية]

شنو دراستج او تخصصج،،،فيه مكان تفضلين تشتغلين فيه

ما خلصت جامعه تركتها لأسباب ..
عندي دورات لغة كمبيوتر سكرتارية ..

أقدر أقول
الوظيفة تنتظرني :)

[بصمة قطرية]

بالنسبة لي انا اشوف الشغل وايد زين
صراحه تحسين يومج له قيمه
نفسيتج تتغير ، وتشتاقين للويك اند
ويكون عندج مصروف خاص ، وتسولفين مع ناس وتشتغلين وتتعلمين

حتى أحيانا اذا طلعت اجازه ، ان طولت اشتاق للربع فالشغل والمواقف والسوالف وجي
انا أقول ان حصلتي فرصه توكلي على الله ، ومثل ماتعودتي عالهدوء بتتعودين على الشغل

صادق ..
أحس جو الشغل حلو و ممتع
و يجدد روح الواحد ..
يحس بإستقلالية ..

[S.T.Y.L.E]

صادق ..
أحس جو الشغل حلو و ممتع
و يجدد روح الواحد ..
يحس بإستقلالية ..

ان كنتي مخلصه هندسه ، اقدر اساعدج فالتوظيف ، يفضل يكون هندسة صناعية
واذا لا ، توكلي على الله وقدمي في كذا مكان وان كان عندج واسطه بيكون افضل وافضل

الله يكتب لج اللي فيه الخير ، وبالتوفيق يبه

[Al-Kuwari]

تبين نصيحتي

اذا مالج حاجة مادية

ادخلي جامعة قطر وادرسي

الشهادة مهمة اخذيها من شخص اشتغل بالشهادة الثانوية خمس سنوات

اما لو السبب حاجة مادية فاسأل الله ان يرزقك من حلاله الخير الكثير ان شاء الله

وانصحج بالوظائف الحكومية في اماكن دوامها خفيف ومريح

[بريق الحق]

خلج ملكه قاعده فالبيت
الدوام وزحمة الشوارع تكره الواحد فالدوام*
اتوقع مب ناقصج شي بس ودج تغيرين الروتين هذا السبب الي يخليج ادوامين ودج تجربين حياة الموظفين

[qatara]

كان تطيعين شور اخوج

بيتج اهم من أي شغل

مافي الشغل الا ضياع حقوق البيت او بخسها
ومنافسه وراء فلانه وكشختها ووووو

الامانه التي انتي بها كبيره يالله الواحد او الوحده
يلحق يقوم ببيته فشلون شغل برع البيت والبيت

راعية بالين كذابة
ومن ناحية الله بيتج اهم مئة مره


وحتى من يدعين شتغلو لحاجه ماعتقد حقيقيه لان من قال لهن قرن
لن يناسهم وسيكفل احتياجاتهم لاكن لايكتفون ما كفل لهم من تدبير
لا يريدون ماهم يشتهون لذالك يبررون مايريدون
واختارو يعاندون مامرهم الله ويضعون ملايين الحجج

وصلي صلاة الاستخاره وربج بيدلج على الصواب

وهذا رايي والله اعلى واعلم

والله يهدينا وياهم

[Charisma]

مرحبا اختي بصمه ..


رأيي من رأي الاخوان فوق .. ان ماكانت في أي حاجه ماديه .. فالبقاء في البيت والأهتمام بالأسره هو الأفضل .. وبالأمكان سد اوقات الفراغ ( ان كان هو السبب ) .. بأمور كثيره .

اما ان كان السبب مادي .. فالأفضل تخير جهات حكوميه تكون فيها عدد ساعات العمل ( معقوله ) .. وبعيدا عن الأختلاط .


والله يوفقكم

[المخفي]

ينقل لقسم للاستفسارات

[رهج السنابك]

يعتمد على سبب رغبتج بالوظيفه

اذا ماكان لحاجة " مادية" وففقط من باب تغيير الروتين فنصيحتي في مليون مجال بتكسرين فيه الروتين بدال الشغل وهذا بنتكلم فيه لو كان جوابج بالايجاب

اما لو كان لحاجة مادية اقولج توكلي على الله بس اختاري وظيفه دوامها قليل ومافيها ضغط عمل كبير عشان اعصابج ما تتلف

الدوام مب متعه ومب شرط تلقين فيه كل ما تتمنين :)

[R 7 A L]

اشتري راحتج وراحة عيالج

[النهار]

رائي المتواضع
جربي تشتغلين وشوفي ان ياز لج الشغل استمري فيه وان ماياز اتركيه انتي مهب خسرانه شي
حاولي تشوفين لج مكان مايكون مختلط

[Bin Hood]

تبين نصيحتي

اذا مالج حاجة مادية

ادخلي جامعة قطر وادرسي

الشهادة مهمة اخذيها من شخص اشتغل بالشهادة الثانوية خمس سنوات

اما لو السبب حاجة مادية فاسأل الله ان يرزقك من حلاله الخير الكثير ان شاء الله

وانصحج بالوظائف الحكومية في اماكن دوامها خفيف ومريح

^

مع هذا الرأي

مع اول يوم دراسة راح تحسين باحساس جميل جداً

[sweet qatar]

أنصحج بالعمل التطوعي

بتختبرين نفسج و بتاخذين أجر

الدراسة بعد جميلة لكنها مب بمتعة الشغل

صلي استخارة


والله يوفقج

[Dana’1]

أنا اشتغلت فتره وقدمت استقالتي،، ولو برد ماعندهم مانع وبعد بيحسبون سنين عملي
يعني الأمور بسيطه إن شاءلله
إنتي جربي الوظيفه وشوفي تناسبك ترتاحين أو لا عزمي واستخيري والخيره فيما اختاره الله سبحانه وتعالى

[um.7moody]

بحكم أني أم وموظفه في نفس الوقت .. رأيي دام اليهال اكبروا وصاروا بالمدرسه أنك تقدمين علغŒ وظيفة تكسرين الروتين بها
لأن مسؤوليه الأم أكثر شي لما يكونون اليهال بالبيت .. بس حطي في بالك مافي وظيفه إلا وفيها عيوب ومشاكل وضيقه ساعات

بس الحلو في الوظيفه تغيرين جو تتعلمين أشياء كثيره تطورين من نفسك وهم الناحيه الماديه حلو لما يكون عندك مصروف شخصي خاص فيك

[راجي الْعفو]

اخت بصمة المباركة ..

الاخوان ما قصروا و رأيي من رأييهم ..

اذا مافي حاجة او ضرورة فالبيت مقر المراة شرعا ..

غير هذا ، يجب ان نعلم ان ثورة عمل المراة هي من اهم اهداف العلمانية ..

أتمنى ان لا يغيب هذا عنك ..

وعمل المراة في الوضع الحالي ..

ينقص من دينها و حياءها نقصا واضحا ..


وفيه تعويد للمرأة عـ البروز من غير حاجة ..

وبذا تقع في مخالفة الشرع ..

وأرجو ان لا تتأثريـ بمن حولك من النساء ..

أعتزي بمبادئك الأصيلة التي انتي عليها ..

اسال الله لك التوفيق ..

[h9466]

رأيي هو انك تكملي دراستك وان تعذر ذلك اقترح انك تفتحي لك مشروع تجاري صغير بعيد عن الوظيفة الحكومية التي هي التزام بعكس العمل الحر انتي تتحكمي في وقتك وفي نفس الوقت مشروعك سيشغلك ،،،وقبل كل ذلك أستخيرك ربك،،
مرفقة بأذن الله

[حسن]

والله يابصمه الاخوان ماقصرو

ولن ازيد عليهم

وراي من راي الجماعه الكواري وبايلوت وبريق الحق وكتارا وراجي العفو

والراي لك

[نفسي عزيزه]

اشتغلي نصيحه والله العيال اذا كبرو ووقت الفراغ والنوم بتملين من هالروتين عقليها وتوكلي على الله واشتغلي منها اشغل نفسي بالمفيد ومنها اترزق ربي

[نفسي عزيزه]

اقصد بمكان نسائي مب مختلط

[aloosh]

اهم شي اختي ابتعدي عن العمل المختلط

[Rider]

اختي سعادة المراة في بيتها حاولي تشغلين نفسج في شي مهم

[وثائقي]

شيء حسن أن تشغلي وقت فراغك بالعمل اليومي سواءً بوظيفة أو بملئ فراغك بالقراءة وتأليف الكتب لأنني أرى أن ذاك هو مجالك أختاه وإن جهلتيه فالإنسان مخلوق متكايف يتأقلم حيثما شاء في أي مكان وزمان ..

لا أزيد على ما ذكرت سائلاً المولى أن يوفقك في سعيك ..

[بنت شرق]

طباخة ماهرة ،،وكاتبة متميزة ،،،وام ،،،،تبين وظيفة الله يوفقج ،،،بس اختاري مكان شغل مريح وإدارة واعية وموظفات شغوفات بالعمل،،،والا لاداعي للعمل عند أصحاب النفسيات او معاهن
واهم شي الاستخارة ،،،،والله يوفقج

[ودي أكون]

اذا ريلج ولله الحمد مو مقصر عليج.،

انصحج ادشين دررات تحفيظ القران ..، صدقيني العمر يمشي واحنا يالسين نركض ورا الدنيا.، الله يغفر لنا اجمعين ويهدينا ويصلحنا يارب ..

والنصيحه الثانيه، صلي الاستخاره.،

دعواتي القلبيه لج بالتوفيق بإختياج اياً كان ان شاءالله

[الجني]

جميل ان يعمل الانسان في مجال يحبه
و رائع ان يعمل الانسان و هو غير محتاج
الإحساس بالعطاء و الإنجاز يمنح السكينة
و الرضى و معنى لوجود الانسان

اذا كان مجال ممتع استخيري و توكلي على الله
دون اي نقصان في واجبات البيت

الله الموفق

[القبطان سلفر]

ما خلصت جامعه تركتها لأسباب ..
عندي دورات لغة كمبيوتر سكرتارية ..

أقدر أقول
الوظيفة تنتظرني :)

العمل يجعلك تشعرين بذاتك واذا كانت الوظيفة تنتظرك فلا تفوتي الفرصه التي قد لا تأتي مرة ثانيه .

[بنت شرق]

اقترح أيضا اتسوين دورات بالطبخ او تصدرين لج كتاب طبخ ،،،لازم على قولتهم ،،تحطين خطتين مدروستان ،،وحدة ايه باشتغل ،،،والثانية يجوز ويمكن ما اشتغل او اشتغل
ومايعجبني الوضع وارجع للبيت ،،،،في هالحالة شاسوي ،،،

[R 7 A L]

انصحج انابعد بمراكز تحفيظ القران

[بوحارب]

والله انا مانصحج في الشغل

والله يكتب اللي فيه الخير لج

[راجي الْعفو]

اما المقترحات اللي تغير الروتين :

- مراكز التحفيظ
- المراكز العلمية النسائية
- وضع برنامج للقراءة في البيت و عند استيعاب المعلومات ، بالإمكان عقد جلسات تعليمية و حوارية مع أبنائك او حتى مع النساء من قريباتك و صديقاتك ، تتفقون مثلا يومين في الاسبوع
- هناك معاهد شرعية فيها كورسات و ممكن بعدها تتخرجين منها و تمنحين شهادة اعتماد ، و تصيرين داعية ان حبيتي
- عمل برنامج رياضي خاص لك تشغلين به وقتك
- وضع وقت لسماع الصوتيات المفيدة او رؤية الفيديوهات
- المشاركة في الاعمال التطوعية النسائية المناسبة


يعني ، هذي بعض المقترحات

[شمس المغيب]

مرحبا اخت بصمة

انا مع الاخوان اللي قالوا لچ اذا منتي بمحتاجة البيت ابرك
وباقول لچ عن تجربتي
كنت موظفة وتحولت على البند ومن بعدها للتقاعد
اول ماتحولت على البند دخلت مركز تحفيظ ولله الحمد
يومين بالاسبوع
خلال 4 سنوات حفظت 6 أجزاء البداية صعبة والاستمرار مهم
وزعت ايامي بين التحفيظ والنادي الصحي و شغل البيت
الحمد لله تأقلمت مع هذا الوضع

على فكرة عيالي كلهم في المدارس يعني مثل وضعچ ماعندي بزران

وأخيراً اختي عليچ بالاستخارة قبل كل شي
لان اللي يناسب غيرچ احتمال مايناسبچ

الله ييسر لچ امورچ يارب

[حسن]

مرحبا اخت بصمة

انا مع الاخوان اللي قالوا لچ اذا منتي بمحتاجة البيت ابرك
وباقول لچ عن تجربتي
كنت موظفة وتحولت على البند ومن بعدها للتقاعد
اول ماتحولت على البند دخلت مركز تحفيظ ولله الحمد
يومين بالاسبوع
خلال 4 سنوات حفظت 6 أجزاء البداية صعبة والاستمرار مهم
وزعت ايامي بين التحفيظ والنادي الصحي و شغل البيت
الحمد لله تأقلمت مع هذا الوضع

على فكرة عيالي كلهم في المدارس يعني مثل وضعچ ماعندي بزران

وأخيراً اختي عليچ بالاستخارة قبل كل شي
لان اللي يناسب غيرچ احتمال مايناسبچ

الله ييسر لچ امورچ يارب

جعل شمسك ماتغيب

هذا الرد يعجبني يابصمه وانا اتفق معها

[R 7 A L]

جعل شمسك ماتغيب

هذا الرد يعجبني يابصمه وانا اتفق معها

وانا بعد ردها اعجبني
وكلامها منطقي و واقعي عن تجربه عاشتها ما سمعتها

[راجي الْعفو]

احب أنبه تنبيه بسيط :

موضوع عمل المرأة

لازم ننظر له من جميع النواحي

مب نقتصر على ناحية او ناحيتين

ونهمل الباقي

لابد من النظر بشكل واسع يستوعب مسالة المصالح و المفاسد

بوركتم

[نفسي عزيزه]

المرأه لابد تعمل ببعض المجالات مثل التعليم من بيدرس بناتنا لابد نساء فوظيفة المرأه ببعض اماكن الدوله ضروريه مثل قسم الجوازات الخاص بالنساء والبصمه وغيرهم ففي وضايف نسائيه بحته وياجماعه انتوا ماتعرفون ظروف الشخص ممكن محتاج اضافه الى فيه عطاء فالوظيفه حلال بما انها ماتغضب الله ومنها الانسان يترزق
الحياه صعبه بيت عيال مسؤوليات كلها ع الرجال كلن وظروفه في ناس ماتقدر وفي ناس تقدر فالقياس يحدده الشخص نفسه هو ادرى بظروفه

[رهج السنابك]

الله ياشمس هذا صج الاستثمار الحقيقي للوقت وشفتي كيف صار البند نعمة مب نقمة
ليت عندي وقت لنفسي تحفيظ ونادي وانشطه تطوعيه
العمل يحرق الوحده ويحرق طاقتها ووقتها ولولا الظروف لكان الواحد اختار حياته بنفسه بعيد عن سجن الوظيفه

[JN000N]

اشتغلي :)

[بصمة قطرية]

ألف شكر لكم على التجاوب السريع
بإذن الله برد على كل شخص أكرمني برد ..

ملاحظة للإدارة :
الموضوع مشورة مب استفسار
ممكن يرحع الموضوع للحوار العام ..
مكانه غلط في الإستفسارات ..

تحياتي لكم ..

[بصمة قطرية]

ان كنتي مخلصه هندسه ، اقدر اساعدج فالتوظيف ، يفضل يكون هندسة صناعية
واذا لا ، توكلي على الله وقدمي في كذا مكان وان كان عندج واسطه بيكون افضل وافضل

الله يكتب لج اللي فيه الخير ، وبالتوفيق يبه

مب خريجة ..
الله يسهل ..
الله يجزاك خير أخوي ..

[بصمة قطرية]

تبين نصيحتي

اذا مالج حاجة مادية

ادخلي جامعة قطر وادرسي

الشهادة مهمة اخذيها من شخص اشتغل بالشهادة الثانوية خمس سنوات

اما لو السبب حاجة مادية فاسأل الله ان يرزقك من حلاله الخير الكثير ان شاء الله

وانصحج بالوظائف الحكومية في اماكن دوامها خفيف ومريح

بالنسبة للدراسة خلاص ..
تشبعت من تدريس العيال ..
إذا إقتنعت بالوظيفة أكيد راح تكون حكومية ..
جزاك الله خير أخوي ..

[بصمة قطرية]

خلج ملكه قاعده فالبيت
الدوام وزحمة الشوارع تكره الواحد فالدوام*
اتوقع مب ناقصج شي بس ودج تغيرين الروتين هذا السبب الي يخليج ادوامين ودج تجربين حياة الموظفين
والله أخوي بريق اللي ذكرته سبب من الأسباب ..
الله يسهل و يكتب لي الخير ..

جزاك الله خير ..

[بصمة قطرية]

كان تطيعين شور اخوج

بيتج اهم من أي شغل

مافي الشغل الا ضياع حقوق البيت او بخسها
ومنافسه وراء فلانه وكشختها ووووو

الامانه التي انتي بها كبيره يالله الواحد او الوحده
يلحق يقوم ببيته فشلون شغل برع البيت والبيت

راعية بالين كذابة
ومن ناحية الله بيتج اهم مئة مره


وحتى من يدعين شتغلو لحاجه ماعتقد حقيقيه لان من قال لهن قرن
لن يناسهم وسيكفل احتياجاتهم لاكن لايكتفون ما كفل لهم من تدبير
لا يريدون ماهم يشتهون لذالك يبررون مايريدون
واختارو يعاندون مامرهم الله ويضعون ملايين الحجج

وصلي صلاة الاستخاره وربج بيدلج على الصواب

وهذا رايي والله اعلى واعلم

والله يهدينا وياهم
حزاك الله خير كتارا
كلامك مقنع و عقلاني ..
أكيد الإستخاره أهم شي ..
للأمانه
ما ودي أشتغل محد يكره الراحة
الكل يتمناها ..
بس في سبب خاص ماقدر أذكره هني ..

و بالنسبة للبيت والعيال الحمدلله
ان شاءالله أكون ما قصرت معاهم في شي
تركت الجامعه و كنت متفوقة عشان بيتي و عيالي ..

الله يكتب اللي فيه الخير ..
جزاك الله خير كتارا ..

[حسن]

ألف شكر لكم على التجاوب السريع
بإذن الله برد على كل شخص أكرمني برد ..

ملاحظة للإدارة :
الموضوع مشورة مب استفسار
ممكن يرحع الموضوع للحوار العام ..
مكانه غلط في الإستفسارات ..

تحياتي لكم ..

بالعكس انا لما نزلتيه قلت بصمه مغلطه
هذا استفسار
قلت يمكن ماانتبهو عليك وبعدين يمكن يخلونه شوي ويرجعونه
اذا رجعوه الى الحوار

تر باروح انام

:)

[بصمة قطرية]

بالعكس انا لما نزلتيه قلت بصمه مغلطه
هذا استفسار
قلت يمكن ماانتبهو عليك وبعدين يمكن يخلونه شوي ويرجعونه
اذا رجعوه الى الحوار

تر باروح انام

:)

مب استفسار أخوي حسن ..

هاي مشورة
أطلب مشورتكم و آرائكم ..

[MirusS]

مازيد على كلام الاخوان ان الشغل ينظم وقتك ويطور من نفسك
بس يعتمد على حسب نوع الشغله ، احيانا ممكن تدمر اعصابك والله :)

رأيي توكلي على الله ، جربي تشتغلين مب خسرانه شي

[راجي الْعفو]

لتصور المسالة من جهات عدة

http://www.foxpic.com/VpRwkVKD.jpg

[الجـــوديّ]

بصمة ...

أنا دايماً أشوف وظيفة "ربة بيت" وظيفة ملكية .. لأن عوايدها المعنوية ما توفيها وظايف الدنيا ولا رواتبها
وأهمها إن العيال يتخرجون ويمشون في حياتهم ناجحين ومستقيمين .. ومتوفقين في دراستهم وأشغالهم.


ما راح اشور عليج بشي معين .. بس بقول نقاط عامة إنتي قيسي عليها وضعج .. وإنتي قرري ..

- الوظيفة صج حلوة .. وتصقل الشخصية وأحلى مافيها صراحة انج تلتقين ببنات من كل مكان ..
واذا كنتي محظوظة بيجون على جوج ومزاجج ..
لكن مرات يكون الشغل نقمة تنغص عليج حياتج ليل ونهار.

- لما تقولين العيال في المدرسة .. ترا صج هم في المدرسة لكن يمرون بمراحل نمو اتغيرون فيها
فهم بحاجتج ومحتاجين تكون عينج عليهم أكثر من أول..
إذا الوظيفة شغلها خفيف .. ما راح اتاثر على اهتمامج فيهم ..
لكن اذا الوظيفة متعبة .. بتعيشين في دوامة الدوام والارهاق وطبيعي راح تغفلين عنهم شوي... يعتمد عليج.


اذا انتي مب محتاجة للمادة .. أو الموجود مكفي ..

انصحج نصيحة ... حطي حيلج في القرآن ولاتحطينه بوظيفة علشان وقت الفراغ أو غيره
حطيه في حفظ وتدبر وقراءة وترتيل وتفسير ... اذا اشغلتي نفسج به ماراح يكون عندج وقت فراغ
أغبط كل وحده حافظة لكتاب الله كامل ..
اذا تخافين الملل انتي جددي نشاطاتج واللي مثلج وبمثل شخصيتج الواضحة لنا ..
تحتاجج الأعمال التطوعية .. راح تكونين إضافة وبصمة مميزة لهم...
وفيه بعد أندية القراءة ... جداولهم روعة .


اذا في خاطرج تجربين الوظيفة قدمي وشوفي التساهيل ..
وأحلى وظيفة أنصحج بها .. الطباعة .. أوالبريد
لا تعورين راسج وايد ... خلي طاقتج للعيال والبيت
والنصيحة: من تطلعين من الدوام تخلين كل شي يخصها في المكتب .. ماتاخذين مشاكلها واياج للبيت

... والله يوفقج ويكتب لج الخير وين ما يكون.

[حمد 2002]

خلنا انكون صريحين وبدون لف ودوران

اذا كان هدفج من الشغل (( الفلوس )) فالحل هو بالوظيفه الرسميه


اما اذا كان هدفج من الشغل هو ملىء وقت الفراغ فالحل هو بالتطوع ((بالمجان )) بأي جهه من الجهات ذات الاهداف النبيله !!

[بومحمد المطاوعه]

الله يرزقج الحلال الطيب اختي بصمه ,,

انا لا أعلم ما مدى حاجتج للشغل ,,
ولكن اتمنى لكي الوظيفه الطيبه والحلال الطيب ,,

وأطلب من الله ان يعينج ويوفقج ويسهل امرج ان شاءالله ,,

وان لايغير عليج حياتج وواجباتج نحو بيتج وابنائج ,,

بالتوفيق اختي

[نور الحور]

أميل لراي الجودي ..

ومافي مانع تتوظفين وتجربين .. وتشوفين شلون وضعج ..

طبعا التقييم ما بيجي عقب أول أسبوعين أو شهر ..

لأنه طبيعي أي تغيير بدخلينه في حياتج بيضايقيج بالبداية ..

خلي تقييمج بعد 3 إلى 6 شهور ..

شوفي هل أنتِ مرتاحة نفسياً ؟ وضعج مع مسؤوليات الزوج والبيت والعيال ماشية تمام ؟

تقدمج ومهاراتج شلون ؟

وعقبها قرري تكملين أو تغيرين الوظيفة أو ترجعين للبيت ..

التجربة إن ما فادتج ما راح تضرج إن شاء الله

تشجعي وجربي .. الحياة تجارب :nice:

وفي بعض الأمور لو ماجربناها وخضنا غمارها بنفسنا عمرنا ماراح نعرف لو هي مناسبة لنا أو لا !

موفقة إن شاء الله بصمة .. والله يرزقج كل ما تتمنين و أكثر :victory:

[بوحارب]

بصمة ...

أنا دايماً أشوف وظيفة "ربة بيت" وظيفة ملكية .. لأن عوايدها المعنوية ما توفيها وظايف الدنيا ولا رواتبها
وأهمها إن العيال يتخرجون ويمشون في حياتهم ناجحين ومستقيمين .. ومتوفقين في دراستهم وأشغالهم.


ما راح اشور عليج بشي معين .. بس بقول نقاط عامة إنتي قيسي عليها وضعج .. وإنتي قرري ..

- الوظيفة صج حلوة .. وتصقل الشخصية وأحلى مافيها صراحة انج تلتقين ببنات من كل مكان ..
واذا كنتي محظوظة بيجون على جوج ومزاجج ..
لكن مرات يكون الشغل نقمة تنغص عليج حياتج ليل ونهار.

- لما تقولين العيال في المدرسة .. ترا صج هم في المدرسة لكن يمرون بمراحل نمو اتغيرون فيها
فهم بحاجتج ومحتاجين تكون عينج عليهم أكثر من أول..
إذا الوظيفة شغلها خفيف .. ما راح اتاثر على اهتمامج فيهم ..
لكن اذا الوظيفة متعبة .. بتعيشين في دوامة الدوام والارهاق وطبيعي راح تغفلين عنهم شوي... يعتمد عليج.


اذا انتي مب محتاجة للمادة .. أو الموجود مكفي ..

انصحج نصيحة ... حطي حيلج في القرآن ولاتحطينه بوظيفة علشان وقت الفراغ أو غيره
حطيه في حفظ وتدبر وقراءة وترتيل وتفسير ... اذا اشغلتي نفسج به ماراح يكون عندج وقت فراغ
أغبط كل وحده حافظة لكتاب الله كامل ..
اذا تخافين الملل انتي جددي نشاطاتج واللي مثلج وبمثل شخصيتج الواضحة لنا ..
تحتاجج الأعمال التطوعية .. راح تكونين إضافة وبصمة مميزة لهم...
وفيه بعد أندية القراءة ... جداولهم روعة .


اذا في خاطرج تجربين الوظيفة قدمي وشوفي التساهيل ..
وأحلى وظيفة أنصحج بها .. الطباعة .. أوالبريد
لا تعورين راسج وايد ... خلي طاقتج للعيال والبيت
والنصيحة: من تطلعين من الدوام تخلين كل شي يخصها في المكتب .. ماتاخذين مشاكلها واياج للبيت

... والله يوفقج ويكتب لج الخير وين ما يكون.


:ok2: :ok2:

[بنت مريخ]

استخيري
و قدمي على وظيفه واذا ماعجبج الوضع
سويلج بزنسس خاص اذا عندج هوايه معينه حلو ويشغل وقت الفراغ
بنت خالتي تقولي عن وحده تعرفها بطرانه حدها تشتري شنطه هرمز بثلاثه ميه الف واغراضها كله من الغااااالي
من الفراغه افتحت لها محل و هي تشرف عليه
الله يوفقج و يرزقج الرزق الحلال

[ضوى]

بصمة عزيزتي

قدمي اوراقج بكذا جهة حكومية واشتغلي وحققي ذاتج ، اشتبين في قعدة البيت عيالج كبار ومدارس ، يعني ماتحاتي شي والطباخ كلا بيقوم به ، كلش كلش جهزي كل شي للشغاله وهي بس تحطهم عالنار ، عيل اخذ شهادة واقعد في البيت ليش ان شاء الله ، حققي ذاتج وطموحج ، الشغل بيصقل شخصيتج ويعلمج اساليب التعامل مع البشر

توكلي على الله واشتغلي

[بصمة قطرية]

مرحبا اختي بصمه ..


رأيي من رأي الاخوان فوق .. ان ماكانت في أي حاجه ماديه .. فالبقاء في البيت والأهتمام بالأسره هو الأفضل .. وبالأمكان سد اوقات الفراغ ( ان كان هو السبب ) .. بأمور كثيره .

اما ان كان السبب مادي .. فالأفضل تخير جهات حكوميه تكون فيها عدد ساعات العمل ( معقوله ) .. وبعيدا عن الأختلاط .


والله يوفقكم

ان شاءالله
جزاك الله خير أخوي
بالنسبة للوظيفة اكيد راح تكون في مكان غير مختلط ..
الله يسهل ..

[بصمة قطرية]

يعتمد على سبب رغبتج بالوظيفه

اذا ماكان لحاجة " مادية" وففقط من باب تغيير الروتين فنصيحتي في مليون مجال بتكسرين فيه الروتين بدال الشغل وهذا بنتكلم فيه لو كان جوابج بالايجاب

اما لو كان لحاجة مادية اقولج توكلي على الله بس اختاري وظيفه دوامها قليل ومافيها ضغط عمل كبير عشان اعصابج ما تتلف

الدوام مب متعه ومب شرط تلقين فيه كل ما تتمنين :)

كلامج صحيح

بالنسبة لي لو إقتنعت بالوظيفة
راح تكون فترة تجربة بالنسبة لي
إذا ما قدرت أستمر بتركها ..
تسلمين عزيزتي ..

[بصمة قطرية]

اشتري راحتج وراحة عيالج

الله كريم رحال الله يسهل ..

[راجي الْعفو]

ما ضيع البنات في زمنا الا كلمة :

ليش القعدة في البيت !

المره اذا ما كانت قعدتها في البيت
وين بتكون قعدتها ؟!

الشرع أمرها بملازمة البيت و عدم الخروج الا لحاجة

هذا الاصل

لان خروجها تترتب عليها مفاسد كثيرة

وخاصة في هذا الزمن

حتى البيئات الغير مختلطة اصبحت مشوبه الا ما رحم ربك

الله يوفقج يا اخت بصمة للي فيه خير لج

[ضوى]

ايه يابصمه ادفني نفسج في البيت ،العلم والشغل بيدمرج ، خايفين من خروج المرأة للعمل لانها اثبتت نفسها انها الاكفأ والاقدر والافضل

[راجي الْعفو]

بارك الله فيج ..

نعم ، تلزم بيتها وتكون مطبقة لشرع الله عز و جل ، ولا تخالفه ..

وعمل المراة ( في زماننا ) ، نعم ينقص المراة من دينها و حياءها ..

ولو كانت المراة هي الأجدر والأفضل ..

لكانت القوامة لها لا للرجل ..

ولكن القصد ليس هذا ، وإنما ما يترتب على خروجها ( لغير حاجه ) من مفاسد و فتن

الله يصلح البنات ..

[JN000N]

^ ماشاء الله خوش مفتي

[ضوى]

راجي العفو

نسال الله السلامه

خشوا بناتكم وحريمكم ومارسوا القوامه اللي تعرفونها بالشكل اللي يريحكم

رايي انا مسؤوله عنه

[ضوى]

اذا الكلام يطبق على كل الحريم وكل المهن بنقول نعم هذا الكلام صحيح ، لكن انتوا تبون الحريم يخلصون امور حريمكم ويعالجونهم ويدرسونهم ، اذا قعدوا كل الحريم بالبيت لاتباع القاعدة الاصليه من بيقوم بكل هالاموو ؟! نجيب كافرات ونترس البلد منهم لعلاجنا ودراستنا ووو ،

[راجي الْعفو]

الله يستر علينا و عليج يا ضوى ..

رايج انا ما اقدر الزمج بشي فيه ..

واحنا ايضا أبدينا رأينا ..

والموضوع قابل للنقاش و الاخذ و الرد ..

[راجي الْعفو]

انا كلامي يا اخت ضوى عن الاصل ..

واللي انتي ذكرتيه مستثنى من الاصل وهي ( الحاجات و الضرورات ) ..

لا العمل لاجل الترفيه او لغير حاجه ..

[ضوى]

الحاجات ! مب من اصل الاشياء ! العلم شنو مب واجب !؟

[JN000N]

انا كلامي يا اخت ضوى عن الاصل ..

واللي انتي ذكرتيه مستثنى من الاصل وهي ( الحاجات و الضرورات ) ..

لا العمل لاجل الترفيه او لغير حاجه ..

بعد حلوه ذي للترفيه ولغير الحاجه
من يشتغل عشان الترفيه
لايكون رايحين ملاهي
ترى كلن يبي يبني مستقبله ويكون نفسه
محد بينفعه لو مانفع عمره
والمره مب لازم تعطيكم تفاصيل تفاصيل ظروفها عشان حضرة شباب المنتدى بالذات يرضون عنها ويقولون لها يلا يا ماما الحين تقدرين تشتغلين اجتزتي اختبار الحواجز

بعدين واذا فكرت الوحده بالملل الي عايشته ف البيت وقررت تشتغل ف وظيفه صباحيه شضرها والا صر بيتها وريلها والمجتمع؟
شفيكم يا معشر بني افتاء شصايدكم
ياليت والله تسويها الدوله ف يوم واحد بس تقعد كل الحريم البيت
بجوف شبتسوون لو مرضو حريمكم شبتسون لو بيروحون البنك
والا لو اي شي يصير
حادث مافي شرطيات
تفتيش جوازات مافي بنات
مستشفى مافي دكتورات
بنوك مافي حريم عالاستقبال
مدارس مافي مدرسات

[ضوى]

منهو يحدد الضرورات !؟ احنا ام صاحب العلاقه ؟ يمكن هي تشوف ضروري تطلع من البيت مهما كانت اسبابها غير مقبوله ولا نشوفها ضروريه عندنا ، مايصير اجيب مفتي يقرر عني ضرورياتي

[JN000N]

تدرون احسن شي نرجع ع وأد البنات :)

[ضوى]

اسم الله علينا وعلى بناتنا جنون ، الا بنشتغل وبنشغل بناتنا وبنخدم هالوطن اللي عطانا ولا يزال وبنعلم عيالنا يعطون الوطن ويبنونه ويطورونه ويحققون طموحهم في العلم والعمل

[JN000N]

اسم الله علينا وعلى بناتنا جنون ، الا بنشتغل وبنشغل بناتنا وبنخدم هالوطن اللي عطانا ولا يزال وبنعلم عيالنا يعطون الوطن ويبنونه ويطورونه ويحققون طموحهم في العلم والعمل


عن نفسي صراحه
بدون زعل لاي طرف
ماخذ ع كلام حد سوري
الي ف راسي اسويه
طول ما انا مقتنعه اني ماعصيت ربي فيه
وكلام الناس ابله واسقي فيه الزرع