يوتيوبيات البناء .. مقاطع تثقيفية متجددة [الأرشيف] - الصفحة 26

معماري قطري

20-07-2024, 01:58 AM

تخيلوا أرض رملية وتبين ضعيفة يحفرها حق بيسمنت ويأسس الأساس يطلع 40 في 40 شريطي وعندنا يسوون الأساس الشريطي للسور 60 في 80 ويترسونه حديد .. هذا يقول الكود يطلب قطعتين قطرهم بسيط هم قياسهم 3/8 من الإنش يعني شوي أقل من الواحد سم أو 10 ملم ما اذكر كم قال 3 أو زود بس يبين الحديد قليل السمك وهو من عنده زاد قطعة ثالثة .. الجدران بتكون طابوق وقطع الحديد فيها أظن طابوقة ايه طابوقة لا وصبية الأرضية بتجي بعدين وفوق الأساسات والدفان المدكوك .. لبعض المواقع اللي خايفين من مياه جوفية يحطوم بايبات صرف بسلوب تحت وكنكري حتى الماي ما يلتصق بأرضية البيسمنت

https://www.youtube.com/watch?v=pMxGexmQe9A

ثرى الجاذبية وحدة عندنا وعندهم كلنا على الأرض

معماري قطري

20-07-2024, 02:17 AM

وهنا يسوي خرسانة الربط العلوية بين الطابوق مثل الجسر الدائر بس في الطابوق بعمق بسيط وعرض 10 سم العمق يمكن 3 سم بس يدخل فيه الحديد وتغطيه الخرسانة اللي بيصبونها.. عندنا يسوون جسر 20 سم وعمقه وايد كبير 60 أو 70 وكله حديد وخرسانة .. صحيح المساحة هنا بسيطة بس هذي الطريقة الأساسية يزيدون عليها قليل بدون مبالغاتنا

https://www.youtube.com/watch?v=UZ0Bf-PebQ4

معماري قطري

20-07-2024, 02:40 AM

https://www.youtube.com/watch?v=xEmykiY8Gzk

معماري قطري

20-07-2024, 03:19 PM

قلوية التربة الزراعية نوازنها بأحماض أسهلها قشور البرتقال وبقايا الليمون ما نرميه المفروض .. وفيه جهاز يقيس قلوية التربة ومعلومات عن القلوية المناسبة لنوع النبات بسهولة نقدر نحصلها من النت وبهالشكل زراعتنا المنزلية تستوي ناجحة

https://youtube.com/shorts/JGe2zSlZ8Rw?feature=share

معماري قطري

20-07-2024, 04:51 PM

هذا الفيديو كأني حطيته قبل يقال إنه بضغط الخشب تتغير خصائصه ويستوي أقوى من الحديد

https://www.youtube.com/watch?v=96Dz-rQtGxI

معماري قطري

21-07-2024, 12:50 PM

رسالة لمحبي الدفان وخصوصاً البودرة .. هذي طريقة ثانية لعمل السكريد في الموقع كل اللي تحتاجه رمل واسمنت وماي .. بس اللي يجي من الردي مكس أسهل وأنظف وذاتي الإستواء يكونون محددين اللفل وين يوصل وبس

https://www.youtube.com/watch?v=oy7C52TX2NY

معماري قطري

22-07-2024, 02:06 AM

شفت هذي الشقق في التيك توك بشكل مختصر وألحين نزلها على اليوتيوب للي يحب التفاصيل .. فيها عيوب أظن قيمتها مليونين تعتبر عالية وضيقة الدرج يبي لي مب مريح وما فيها غرف ملابس واسعة .. فكرتها حلوة بالمواقف تحت الأرض وبعد مكيفة

https://www.youtube.com/watch?v=u4ygRe_qfjM

معماري قطري

23-07-2024, 12:31 PM

بيت في جنوب لندن تابعته على دفعات .. حبيت فيه المناور والتجديد اللي سووه وراء مع المحافظة على فترة النهضة المسماة آرتس أند كرافتس عندهم والمعتمدة على الشغل الفني واليدوي .. هذي الحركة اجتاحت اوروبا كلها وأمريكا في فترات بدايات القرن 19 ويمكن قبل .. الإكستنشن سووه حديث بالكامل بطريقة حلوة

https://www.youtube.com/watch?v=FeZUBzywqVo

معماري قطري

16-08-2024, 12:30 AM

ابتكارات صينية في معدات دورات المياه عمرنا ما توقعناها

https://www.youtube.com/watch?v=zKs-LkOQqoM

معماري قطري

16-08-2024, 01:45 AM

عزل النوافذ بالنايلون المعزول بالسيراميك .. هشكل تكون عندنا طبقات عزل كثيرة منها أي غشاء نستعمله على الزجاج وأي شتر وهي نوعيات ونوعية الزجاج والفريم ودرجة عزله وأخيراً طبقات الستائر

https://www.youtube.com/watch?v=wrwPIc7agnU

معماري قطري

16-08-2024, 01:55 AM

معلومات حول نوعيات الأشعة من الشمس وكميتها وصفاتها وعن العزل للنوافذ عنها

https://www.youtube.com/watch?v=mX1vGJUYjGs

معماري قطري

16-08-2024, 02:06 AM

مستغرب من كيف تنكسر بسبب النايلون العازل نستخدمه سنوات في سياراتنا ولا يصير شيء .. شكلها معلومات تسويقية لا وفي سياراتنا وأجوائنا الحرارة لا تطاق تذوب الحديد .. المهم انا أشوف كل هذي المواد مهما كانت بسيطة ورخيصة تساهم في العزل وهذا مقال علمي للمهتمين بالقراءة حول العزل للزجاج

https://en.wikipedia.org/wiki/Window_insulation_film

معماري قطري

30-08-2024, 06:32 PM

تصميم صعب عندنا الا مستحيل بس نشوف منه أفكار .. فكرة الشقتين فوق للأبناء حلوة وفكرة الغرفة المثلجة كذلك والفريزر حلوة والصالات والإتصال الرأسي وإستغلال الدور العلوي للتأجير وقت الحاجة .. كله نفتقده عندنا خصوصاً عندهم دور زيادة

https://www.youtube.com/watch?v=MU1nPPEuQNY

معماري قطري

03-09-2024, 01:54 PM

معدات بناء ومواد وطرق بناء حديثة

https://www.youtube.com/watch?v=UnrhT57JVzk

معماري قطري

10-09-2024, 03:37 PM

https://www.youtube.com/watch?v=WFOkmwV38Vs

سذاجة في تركيز انتقال الحرارة عبر الشمس فقط .. عندنا الحمل الحراري هو أكبر مسبب لإنتقال الحرارة من وسط لوسط والخارجية في الصيف توصل في الليل 45 وداخل نبغيها 22 أو 23 والفرقية كبيرة وفي النهار تزيد بشكل بسيط ما تفرق كثير حتى في الشمس المباشرة بسبب مواد تكسية البيت تبعد عنا الأشعة ويبقى الغالب هو الإنتقال بالحمل الحراري .. أتمنى أسمع تعليق علمي وتركيز على المواد اللي تخفف الإنتقال الحراري مثل غاز الآرغون بين طبقات الزجاج وهو مناسب جداً ويعطي عزل قوي حراري مع صوتي + الفريم لو عندنا فريم يشكل 5% وهي نسبة ضيئلة من واجهة دريشة لكن معامل الإنتقال الحراري فيه يوصل 170 مثل الألمنيوم وأنواع منه والزجاج الدبل حول 5 ومنه نوعيات 3 و 2 .. نضرب ال 170 في 0.05 ونضرب ال 2 في 0.95 ونحصل المعدل 1.9 و 8.5 للالمنيوم وهذي كلها كيلو وات في الساعة في فرق درجة الحرارة .. وكذلك غاز الآرغون يحل لك مشكلة الرطوبة والتظليل أو الطلاء الداخلي المخفض لإنتقال الحرارة هذا شيء إضافي .. شيء غير بعد وحل رخيص هو اللاصق ومنه أنواع كثيرة وحتى بعضها الكترونية تعطي تعتيم 100% وشفافية 100% بضغطة زر ودرجات بينهم .. لذلك ألحين ضروري للنوافذ نسوي خطة وخطوط كهرباء مناسبة بعضها بتيار منخفض جداً وحسب احتياجنا ممكن عندنا ستاير برموت وطبقات بعد وممكن عندنا التعتيم يحتاج خط وممكن عندنا شترات وممكن إضاءات في تجويف الدريشة كل هذا لازم نعمل حسابه

معماري قطري

11-09-2024, 12:59 AM

https://www.youtube.com/watch?v=Hfegz8h6MBM

معماري قطري

13-09-2024, 02:19 PM

https://www.youtube.com/watch?v=UztLa_Lx4oY

معماري قطري

13-09-2024, 02:22 PM

https://www.youtube.com/watch?v=I9Gf1Jpe5p8

شرح تصميم جميل وبمساحة معقولة السابق نقلته بالغلط والمقصود كان نقل هذا لأنه أهم

معماري قطري

14-09-2024, 04:25 PM

مشاريع كبيرة بتشتغل في أمريكا بمليارات الدولارات حق بطولة كاس العالم القادمة

https://www.youtube.com/watch?v=FzS-_zJ182c

معماري قطري

19-09-2024, 05:14 PM

تصميم حلو وشرح احلى

https://www.youtube.com/watch?v=H5rKjDyrCrw

معماري قطري

19-09-2024, 05:30 PM

https://www.youtube.com/watch?v=OkPKLZgPnOo

ابتكارات بناء كل واحد يقول الزود عندي

معماري قطري

19-09-2024, 06:05 PM

أكثر ابتكار عجبني هو هذا الطابوق المقوى بالحديد والخرسانة واللي يتركب بدون مونة لاصقة .. هذا سريع وسهل للأسوار وممكن تقليل التكلفة بإستخدام 10 سم أو 15 سم مفرغ ونفس طابوقنا يمشي بس نوع جيد وثابتة مقاساته

https://i.imgur.com/ciWHvyI.png

معماري قطري

19-09-2024, 06:14 PM

https://www.youtube.com/watch?v=0tS6ihgaCLg

هنا طابوق عادي وأساس وجدار بيسمنت

سالم الزهران

20-09-2024, 05:30 PM

مساء الخير بو عبدالله، مر علي المقطع هذا بس توقعت فيه مونة! بعدين صعب وشلون ينحكم بدون مونة،، حتى لو رمل في الفراغات يفيد.. عشان يعطي وزن ولا اشلون.

معماري قطري

20-09-2024, 11:59 PM

مساء الخير بو عبدالله، مر علي المقطع هذا بس توقعت فيه مونة! بعدين صعب وشلون ينحكم بدون مونة،، حتى لو رمل في الفراغات يفيد.. عشان يعطي وزن ولا اشلون.

مساء النور اخوي بو زيد .. وايد يعملونهم بمونة ووايد بدون لأن المونة في الفراغات كافية وأقوى وشوي أكثر وبعد مقواة بالحديد .. المونة تحتاج شغل أكثر وأصعب شوي والطابوق ألحين جودة عالية .. بالنسبة للوزن تقدر لو تحب توفر تخلي فجوة رمل وفجوة خلطة اسمنتية وحديد وتقدر تخلي فجوة خالية وفجوة مليانة .. فيه شغلات انت تركز على تقوية الطابوق حتى يقاوم الضغوط الحرارية والشلوخ وهذي سهلة ما تحتاج حسابات وقصة وفيه متطورة أكثر تحتاج خرسانة وتقوية مدروسة بحسابات انشائية مثل بعض الحوائط الإستنادية وبعضها ثرى تقدر تسويها بتشابه التصميم .. مثل تشوف تصميم يعمل في دولة من الدول وتسوي شيء مقارب له الجاذبية نفس الجاذبية وضغوط التربة يمكن عندهم أكثر من عندنا

شوف هذا البيت كتبت عنه في القروب إن الحديد اللي فيها يمكن نص حديد أساسات بيوتنا لأنه معمول في غالبه بالطابوق حتى الأسقف المقوسة هذي للغرف لأن مساحاتها صغيرة وممكن عملها بالطوب وبدون حديد مثل طريقة اليونانيين وحتى المسلمين في بدايات بناء القبب والأقواس .. سمك الجدران الخارجية واضح مع الدرايش لأسباب العزل والداخلية 10 سم .. بنيان اقتصادي بس بيعمر ويبقى أكثر من بنيانا الثقيل

https://www.youtube.com/watch?v=Eu4dz3hHJF4

معماري قطري

21-09-2024, 11:19 AM

https://www.youtube.com/watch?v=Z6RtBiuigCA

معماري قطري

21-09-2024, 11:31 AM

الفيديو السابق ممكن نستعمل حجر أو طابوق .. يعتمد على الشد بالشباك المثبتة في الدفان المدكوك والجزء القريب من الجدار هذا يكون فيه كنكري حتى الماي ما يتجمع قرب الجدار وينزل تحت ويروح في بايب الصرف المحمي بالجيوتكستايل فابريك وهذا باصوره لكم باحطه في بيتي لأول مرة باستعمله للزراعة ويستعمل في الطرق كذلك .. بهذا نكون سوينا جدار استنادي رخيص بدال الخرسانات وحمينا لو عندنا بيسمنت وناوين نسوي حوله حوش نازل نستفيد من النور الطبيعي وكذلك ما نسوي خرسانات لجدران البيسمنت ونسوي نوافذ كبيرة لو نحب

معماري قطري

21-09-2024, 11:42 AM

هذا فيديو ثاني للحوائط الإستنادية بالطابوق سهل ورخيص مقارنة بالخرسانة .. فيه دول تستخدم الحديد وفيه الخشب نعم الخشب واستعملوه في تأسيس أرضيات غمرها البحر في مدينة ايطالية في البحر شسمها عاد سقط من الذاكرة

https://www.youtube.com/watch?v=YjywSPxUxBA

عايشة المدينة فوق 100 سنة

معماري قطري

23-09-2024, 12:27 PM

تعيش في مزرعة وبيت هشكل جميل في جرش

https://www.youtube.com/watch?v=pf6GEABmD94

معماري قطري

23-09-2024, 01:41 PM

تقوية الجدران في حالة تكون حاملة وبدون فريم خرساني لا جسور ولا عمدان فقط أسقف وأرضيات هولوكور أو غيرها جاهزة أو معمولة في الموقع .. عندنا الوضع يختلف بس أي تقوية بسيطة تنفع في منع الشلوخ خصوصاً في الفتحات من درايش وأبواب

https://www.youtube.com/watch?v=iF4cBc1Ac4Q

معماري قطري

23-09-2024, 01:42 PM

اضغطوا الرابط يحولكم لليو تيوب معروف بس مفيد تابعوه

معماري قطري

23-09-2024, 11:25 PM

بيت قديم وغالي حق 200 متر مربع تقريباً بس مستغرب توزيع هالمساحة الصغيرة تبين أكبر

حبيت الأقواس العريضة مسوية جو

الرابط ينقلكم للتيك توك أول مرة أحط رابط تيك توك هنا الفيديوهات قصيرة وحليوة

https://www.tiktok.com/@realtorgabriel/video/7417659626054880554?_r=1&_t=8pyDv0svnOc

https://www.tiktok.com/@realtorgabriel/video/7417659626054880554?_r=1&_t=8pyDv0svnOc

معماري قطري

23-09-2024, 11:33 PM

أول مرة أشوف بلكونة هشكل في بيت مطل على سفح جبل ومرتفع

https://i.imgur.com/SHQJIlq.png

هذي من البيت السابق

معماري قطري

23-09-2024, 11:40 PM

وهنا القوس العريض لمدخل البيت .. كذلك شوفوا بداية الفيديو فيه تظليل وقوس معمول ببلاستر يدوي بتقويسات حلوة على تظليل مدخل موقف السيارة

https://i.imgur.com/MSE9kua.png

معماري قطري

25-09-2024, 08:30 AM

هذا من أهم الفيديوهات ومفيد للي يبي يستفيد وينفذ تفصيل الحديد صح من بداية البنيان

https://www.youtube.com/watch?v=tyHfmrOO_fk&t=392s

معماري قطري

25-09-2024, 08:41 AM

غالب اللي عليه اكس ينعمل عندنا ويمشي لكن الأفضل التفصيل الصح .. الهيكل الإنشائي متى يبين فشله؟ لين تعرض لظروف قاسية .. من أهم الظروف القاسية هو تآكل الحديد بالصدأ ووصول المياه اليه .. والحديد لو كان مفصل غلط من الرسم وما وضحه المصمم توضيح كافي هنا يستوي لعب وزيادته تسبب تكدس الحديد واقترابه من المحيط الخارجي للعتصر الإنشائي وفقدان الغطاء الخرساني وهذا يخلي تماسك الخرسانة حوله ضعيف وسهولة وصول الرطوبة للحديد

شيء ثاني التفاصيل ذي متعبة شوي للي يجهز الحديد بس تخلي الحديد يعطينا قوة العنصر التصميمية 100% على سبيل المثال ولو ركبناه بالطريقة الغلط ممكن يعطي 70% .. صحيح ممكن ما يوصل عندنا التحميل ليمكن 50% فيكون عندنا فائض قوة للتبسيط لكن ممكن لأي ظرف معين توصل 75% ويبدأ الفشل ومع التكرار يزيد الفشل .. ودوم فشل الخرسانات ما يصير فجائي ياخذ وقت ووقت طويل وهذا الفرق الواضح واللي نشوفه في بيت أو مبنى مصمم صح وعايش 20 سنة وبيت ثاني نحصل فيه كراكات وتكسرات في الأعمدة والجسور الارضية وتقوسات تضغط على الطابوق تسبب شلوخ من عاشر سنة ويمكن قبل

معماري قطري

25-09-2024, 09:55 AM

https://www.youtube.com/watch?v=QLqGguGixrA

معماري قطري

27-09-2024, 07:32 PM

https://www.youtube.com/watch?v=8GNWUdtXR50

معماري قطري

27-09-2024, 08:00 PM

أشياء كثيرة ما تعجبني صعب أعلق عليها لكن مناسبة لحديثي الزواج

https://www.youtube.com/watch?v=UztLa_Lx4oY

معماري قطري

29-09-2024, 09:10 AM

https://www.youtube.com/watch?v=6Q5Nuak2wYE

بيت في 4 دقايق

معماري قطري

29-09-2024, 09:30 AM

هذي الطريقة متبعة دوم في أمريكا عمل تقوية للجدران الحاملة بقطعة حديد وحدة رأسية كل مسافة معينة وعمل جسر ضعيف مخفي بمقاس يقارب ال 15 سم عرض و 20 سم ارتفاع وقطعتين حديد بس لاحظوا كيف القطعة محنية ومتصلة في الزاوية مب مقطوعة عندها .. تفصيل خفيف بس مناسب .. كذلك عندنا الشبك البلاستيكي هذا يمسك القراوت ما ينزل في الإتجاه الأفقي في الجسر بس ينزل في الرأسي حتى يغطي الحديد العمودي .. هشكل نكون سوينا شبكة تقوية مربعة تقريباً للجدار

https://www.youtube.com/watch?v=O7TAwOJ2qBw

معماري قطري

29-09-2024, 08:31 PM

تصريف المياه بعيد عن لتنقع جنب البيت وهنا مسوي سوك اوي بدائية بس ماشي حالها .. هذي نفس خطتي حق تصريف المطر في بيت ولدي بس السوك أوي بتكون في الزراعة

https://www.youtube.com/watch?v=LHHohA1digI

معماري قطري

30-09-2024, 12:18 AM

وانا اتابع أخبار اعصار هيلينا في أمريكا أتذكر آثار الدمار في غزة وألحين في لبنان وفي اليمن
وأقول الله يذيقهم قليل مما تسببوا فيه في هذي الدول

https://www.youtube.com/watch?v=mc1s7nFgqVc

معماري قطري

03-10-2024, 03:55 PM

هذا ولد اوريغن غالبكم يذكره تابعنا معاه بنيان بيت كامل من البداية للنهاية .. هنا يتكلم عن الحوائط الخرسانية والطابوقية وفي الغالب يستخدمونها هناك كحوائط استنادية تسند تربة مرتفعة عن تربة غير وهابطة أو أسوار أو تأسيس لبيوت خشبية وخفيفة أو حتى تأسيس لبيوت خرسانية وكم دور كلها تمشي .. اللي ملاحظه عندهم بساطة وهذا خيار للمالك يختار شيحب

https://www.youtube.com/watch?v=8Ld9sIbkEJA

معماري قطري

03-10-2024, 04:28 PM

هذا مصنع خرسانات جاهزة في الصين تكنولوجيا بسيطة وحتى الآلات اللي فيه بسيطة وغالب الشغل يدوي

https://www.youtube.com/watch?v=9SSg6EEnCuI

معماري قطري

03-10-2024, 04:51 PM

شرح لتصميم بيت حلو وفيه أفكار حلوة .. أكيد ممكن تحسين وايد منها

https://www.youtube.com/watch?v=F_011AO-RYQ

معماري قطري

03-10-2024, 06:41 PM

شغل ممتاز حق حائط استنادي لحديقة حائطها مفكك .. ما ادري إذا استخدم لاصق خاص للطابوق اللي جاي بقصة غريبة شوي وخاص بهذا النوع من الحوائط كأني شفته يحط مادة لاصقة بس ما فهمت

https://www.youtube.com/watch?v=Jo8PnhfsB-c

معماري قطري

03-10-2024, 06:58 PM

طابوق من البلاستيك المعاد تدويره يركب بدون اسمنت ويثبت ببراغي طوال من فوق لتحت وبقطعة بلاستيكية تخليه مضغوط وثابت

https://www.youtube.com/watch?v=XRg-KD82zLY

معماري قطري

05-10-2024, 02:01 AM

تصنيع الطابوق الخلوي أو المهوى بطريقة بدائية ومعدات بسيطة

https://www.youtube.com/watch?v=-h6zBbVkuQI

معماري قطري

09-10-2024, 02:08 AM

البيت صغير بس مكبر الممر على حساب المجلس والحديقة الداخلية مع المنور وباقي مكونات البيت .. الممر فيه مساحات غير مستفاد منها والمجلس بدون تلفزيون كان ممكن يسويه ثابت يفصل الممر

https://www.youtube.com/watch?v=nzmTosum7LI

معماري قطري

09-10-2024, 11:24 PM

https://www.youtube.com/watch?v=T25BNn58b84

مباشر الإعصار ميلتون يضرب الساحل الغربي لفلوريدا .. العادة الأعاصير تجي من الشرق لهذا قواعد عسكرية مهمة على الجهة الغربية منها جوية ماكديل ومنها قواعد بحرية .. هذا كان فئة خامسة نزل للرابعة بس يغطي مساحة كبيرة وسرعته فوق 250 كيلومتر في الساعة وبيرفع الموج وايد والمطر كميات مهولة والأرض شبعانة مطر هذا ثاني اعصار خلال اسبوعين .. هل هو عقاب من رب العزة والعالمين

معماري قطري

09-10-2024, 11:24 PM

https://www.youtube.com/watch?v=T25BNn58b84

معماري قطري

10-10-2024, 01:08 AM

https://www.youtube.com/watch?v=N26382Zg9P0

معماري قطري

11-10-2024, 02:12 PM

هذي صورة من الفيديو الجاي هنا نشوف الزاوية معمولة دريشة ثابتة متصلة فريملس ونلاحظ عرض الجدار بسبب استعمال العوازل .. آسف طلعت الزاوية تنفتح وداخل صالة رياضية

https://i.imgur.com/zrOIAcM.png

وهذي لقطة جهة حوض السباحة والأوفرفلو على الجهتين الخلفيتين نظام الإنفنتي نفس النظام اللي باسويه في بيت ولدي بس طريقة الحوض تختلف .. حطيت له فيديو ثري دي توضيحي في مراجعة المخططات المعمارية
https://i.imgur.com/Ccx6FNd.png

هنا من جهة حائط الإنفنتي وحبيت فكرة المزج بين لونين وهذي بإذن الله باطبقها عندي

https://i.imgur.com/NzlYu6Q.png

الفتحة الدائرية تحت الدرج مسوية اتصال بصري حلو بين الفراغات وصعب اتكلم عن كل زاوية تابعوه بتمعن فيه أشياء كثيرة

https://i.imgur.com/YxvUM2c.png

https://www.youtube.com/watch?v=JaC2Zed57Uo

معماري قطري

12-10-2024, 02:59 PM

https://www.youtube.com/watch?v=-j9rAWfOoHQ

معماري قطري

13-10-2024, 01:17 AM

عمل درج بسيط شوفو كمية الحديد شكثر هذي لو عندنا بيعدمون الإستشاري

https://www.youtube.com/watch?v=qWWJXNKCXeM

معماري قطري

18-10-2024, 01:09 PM

بعض منتجات البناء والآليات الحديثة خصوصاً للطرق والبنية التحتية

https://www.youtube.com/watch?v=gZ47WSEQsoM

معماري قطري

18-10-2024, 01:43 PM

هذا تصميم بيت دور أرضي حول 150 متر مربع في الهند أو ماليزيا .. فيه ركن للصلاة وترتيبه واضح حتى البناء أساس شريطي وبسيط .. حبيت طريقة الطبيلة بمناور هذي ممكن نعملها عندنا بالشينكو والبولي كاربونيت بتطلع منورة ونورها خفيف ومخفف حرارة الشمس

https://www.youtube.com/watch?v=Awlm8nX_g08

معماري قطري

18-10-2024, 02:08 PM

سلسلة فيديوهات قصيرة تنفع للطابوق المقوى بالحديد وبعد نقدر نعتبرها أقل شيء للطابوق العادي وممكن نزيد شوي عليها .. قصدي لبناء الطابوق العادي .. فيه فرق بين المونة الخشنة والمونة الناعمة وعندهم أكيد خلطات محددة ومطلوبة حسب الكود لكل استعمال ومع إضافات كيماوية تخصصية لكل مجال

https://www.youtube.com/watch?v=4D7p2rGC7Tc

معماري قطري

18-10-2024, 02:28 PM

https://i.imgur.com/8JX4BFT.png

هذي رسمة من فيديو مهم قصير دقيقة وشوي يعطي معلومة مهمة لنا وهي ضرورة عمل فاصل تمدد في الطابوق .. هنا هذا الحائط المعزول المفضل عندي .. الداخلي الطابوق ال 20 سم المفرغ والخارجي طوب طيني مركب باتصال ميكانيكي بوصلات معدنية غير قابلة للصدأ .. نشوف فوق الطابوق العادي فيه فراغات جنب بعض مليانة مونة اسمنتية وقطعة حديد وسطية وهذي النهايات وفاصل التمدد في الوسط بينها .. حتى الحديد موقف عند فاصل التمدد الأفقي قصدي .. فاصل التمدد في الطوب على اليسار شوي لأنه له احتياج على مسافات تختلف بعدين في البرد نحتاج دفء داخل فالطابوق الداخلي يكون دافيء ومعزول بالعازل الأورق ومفصول عن الطوب اللي يكون الغلاف الخارجي اللي معرض للبرودة والإنكماش والداخلي للتمدد .. في بيوتنا وقت الصيف العكس الداخلي للإنكماش بسبب البرودة والخارجي للتمدد

هذا يعطينا فكرة إننا مانبني بالطريقة التقليدية كلش ونترك فواصل تمدد في الأطراف نمليها مادة قابلة للإنضغاط أو على الأقل من فوق حتى لو نص سم .. مثل الماستيك

https://www.youtube.com/watch?v=KveIyqRenS4

معماري قطري

18-10-2024, 02:36 PM

هنا يتكلم عن الروابط المعدنية بشكل حرف واي هذي ضرورية لربط الجزء الخارجي من الجدار بالداخلي وبينهم يكون الفراغ اللي فيه العازل وفيه التهوية كذلك .. ما ادري ليش عندنا العمالة يستصعبون هذا وايد مع إنه هو الحل الأفضل والتهوية ضرورية لإزالة الرطوبة المتكدسة وكذلك الحرارة المتجمعة في الداخل وتشكل عامل مهم في العزل الجداري

https://www.youtube.com/watch?v=vvNNJ2zJkuU

معماري قطري

18-10-2024, 02:46 PM

https://www.youtube.com/watch?v=XNOKp7mXKvk

لو الحائط أكثر ارتفاع من 9 متر أو 30 فوت نحتاج دعامة أفقية مثل الجسر الرابط .. وإحنا عندنا الأرضيات واصلة للخارج .. هذا غلط من ناحية انها تمثل جسر حراري قوي وصحيح من الناحية الإنشائية .. لكن الحل اللي يستعرضه هنا صحيح انشائياً ومن ناحية العزل الحراري

معماري قطري

19-10-2024, 04:47 PM

اتابع معاكم بالفيديوهات هذي المهمة والمهم تطبيق ما فيها عندنا .. وإحنا حسب قوانين البناء القطرية عندنا مواصفات مقاربة ويعرفونها المقاولين الجيدين ويمكن بطريقة تختلف في بعض الأوجه منها محد يهتم لفتحات التهوئة وقليل جداً اللي يركبون طوب وهو اقتصادي يركب بدون تشطيب وعملي وسهل .. البديل السيبوريكس ألواح أو قطع طابوقية وممكن حتى بسماكات قليلة مثل 5 سم وممكن الصبغ عليه مباشر بدون بلاستر بس ضروري يركب صح ويتصنفر

https://www.youtube.com/watch?v=j5n1BhC5MpI

معماري قطري

20-10-2024, 02:38 PM

الشغل النهائي لإنارة الأحواض الزراعية .. وباقي شوية إنارة للحوش ترتيب بتتم إن شاء الله بعد إنتهاء الطبيلات الباقية وللحين ما سعروها لي شركة المطلاع ما ادري ليش تأخروا وانا صراحة ما تابعت معاهم جاوا قاسوا وراحوا .. شركة المطلاع يسوون مظلات قماشية وسعرها معقول وجودة عالية صناعة استرالية حتى فيه نوع ما يسرب ماي .. انا ضد القماشية دوم بس شكلي مقتنع بها في هذي الأماكن .. وحدة بتكون معلقة من الحائط جنب الباب وتغطي اللكزس الواقفة وبينها وبين الحائط متر ونص فراغ للأشجار ممكن تكون بعرض 3 متر وطول 8 أو 7 كافي .. والثانية يمين مدخل البيت المظلل مكان وقوف سيارتي بتكون شكل هرمي وما تنفع هنا الا القماشية لأنها بتكون معلقة على جسر حديدي ستانلس ستيل واحد بارز ومرتفع من الوسط تغطي شمس العصر عن سيارتي

https://youtu.be/I3yoFpwqD7Q

معماري قطري

20-10-2024, 06:35 PM

هذا شغل تأسيس لبيت في السويد وهناك عندهم مشكلة البرد القاسي لاحظوا عملوا التأسيس على تربة أتوقعها مخلوطة بمادة البرلايت العازلة وهي تعتبر نوع من الصخور المجوفة والخفيفة يطحنونها .. برودة الأرض توصل للتجمد وتتسبب في إغلاق خطوط المياه وخطوط الصرف لذلك يتم تمديدها مرتفعة وفي محيط معزول .. سمك العازل 20 سم وهو فوم سميك عالي الكثافة مشابه للي عندنا للسقف الأزرق .. تحت الجسور الأرضية 10 سم وهنا لازم بيكون جدار سميك بمكوناته وبدون مبالغات انشائية .. لاحظوا التداخل بين حديد الجسور حول 60 سم وبدون تربيط معقد مثل اللي عندنا لأنه معروف عنصر الربط هو الخرسانة تمسك الحديد مع الحديد .. والشبك قطر حديده يمكن 3 ملم أو بالكثير 4

https://www.youtube.com/watch?v=azwUg6cP9BQ

معماري قطري

22-10-2024, 11:08 AM

فيديو قصير يوضح تغطية الخرسانة بعد الصب مباشرة بنايلون حتى ما تتبخر مياه الخرسانة وتبقى لتفاعل الإسمنت

https://www.youtube.com/shorts/p6bUR67T40Q

معماري قطري

22-10-2024, 11:14 AM

هذا رفيجنا السابق ولد اوريغن تذكرونه اللي تابعنا معاه بنيان بيته وكم شغله .. هنا صب الخرسانة حق ارضية كراج أو طبيلة سيارات .. الحديد بسيط وقليل والتأسيس على حجر بازلتي هو بروحه يقول هذا الحجر أغلى من الخرسانة .. مثل القابرو عندنا فرش تحته بلاستيك حماية .. في نهاية الصب وتشطيب الخرسانة حط مادة عازلة تمنع تبخر المياه من الخرسانة وبنفس الوقت تمنع نفاذية المياه لها من فوق

https://www.youtube.com/watch?v=Q9UrR31RGVI

معماري قطري

22-10-2024, 12:49 PM

هذا يشرح ليش نحتاج بلاستيك تحت صبيات أي خرسانة بنصبها على التربة .. والسبب هو تسرب مياه الخرسانة للتربة وكذلك وصول أي مياه من خلال التربة من تحت لذلك ضروري نحط بلاستيك سميك

https://www.youtube.com/watch?v=C6HvXFp-XEY&t=15s

معماري قطري

23-10-2024, 12:49 AM

https://www.youtube.com/watch?v=APpTjxgVhx8

معماري قطري

23-10-2024, 01:09 AM

وصلات حديدية خاصة لتحميل زاوية التدعيم للجزء الخارجي من الجدار المزدوج وذلك لعدم ترك جسر للإنتقال الحراري

https://www.youtube.com/watch?v=D2IuVuYyPDo

معماري قطري

23-10-2024, 01:22 AM

أرضيات التيرازو هي ببساطة مثل البلاط الشعبي بس بأنواع كثيرة وبقطع رخام أكبر وتنعمل في الموقع صب مباشر وتشطيب كقطعة بلاط كبيرة وينعمل لها فواصل تمدد .. ألحين ممكن نحصل بورسلان مقلد بنفس التشكيلة وقطع كبيرة والفواصل ممكن تتركب بعد معدنية

https://www.youtube.com/watch?v=ZX8KJNfMLA8

معماري قطري

23-10-2024, 01:34 AM

هذا فيديو مهم لعمل فواصل التمدد أو تسمى أوقات بفواصل التحكم في مسار أي شلخ ممكن ينشأ بسبب التمدد والإنكماش لأسطح كبيرة وقليلة السمك .. ما ذكر وين نسويها بس كقاعدة في الغالب ماشية لو عندنا خرسانة تحت بسمك 10 سم نقدر نسويها كل 10 متر في الإتجاهين الطولي والعرضي و 10 متر تكون أقصى بعد بس ممكن نقلل أفضل 8 مثلاً .. فرضاً عندنا صالة بعرض 8 متر وطول 16 نكتفي بفاصل واحد في الوسط يفصل المساحة لمربعين بينهم الفاصل هذا .. هذا الشيء ينطبق على كل نوع تشطيب صلب مثل الرخام والبورسلان + عندنا الأطراف نترك فيها فواصل تمدد كذلك نملاها بمادة مرنة أو نتركها فاضية حسب الرغبة

https://www.youtube.com/watch?v=Sv2wyu_CMNA

معماري قطري

23-10-2024, 01:47 AM

هذا مثال عملي لمخطط معمول له أماكن فواصل التحكم في الخرسانة السفلية اللي هي تأسيس لأرضية التيرازو وهذا يمشي مع البلاط الشعبي عندنا وغيره من أرضيات .. اللي يمشي في فيلاجيو بيلاحظ فواصل كل تقريباً 7 أو 8 متر في البلاط وهذي تحتها خرسانة بعد فيها فواصل .. هو الأفضل نعملها كلها فوق بعض لكن أوقات في شغل التيرازو وشغله صب في الموقع ومرهق يحتاج تشكيل ويحتاج تقسيم أصغر مثل كل حيز مترين في مترين نسوي لهم فواصل أصغر تعتبر فواصل تقسيم لتسهيل العمل وبنفس الوقت تمدد بس بدال ما نسوي عرضها 20 ملم مثلاً نسويها 5 ملم وربع مسافة العشرين ملم .. هنا هم ما حكوا الفاصلين على بعض وهو يقترح وضعهم على بعض

موسيقى الدادا دا مزعجة سمعتها الحفيدات قلت لهم عندي لكم اغنية حلوة ما عجبتهم

https://www.youtube.com/watch?v=hIT4LNE9Vps

معماري قطري

23-10-2024, 01:54 AM

هنا يختصر شغل الأرضيات هذي وصراحة انا ما ايد اللجوء لإستخدامها خلاص ألحين البورسلان مادة صلبة وجاهزة وسهلة التركيب لو اتبعنا الطرق الصحيحة والخطوات والمواد

https://www.youtube.com/watch?v=_6NIL7lsmSo

معماري قطري

25-10-2024, 12:25 PM

رابط تيك توك حق فيديو مهم بخصوص دكتات التكييف والفروقات بين الحديد والفوم

https://www.tiktok.com/@khalid.z.n/video/7429269462714420497?_r=1&_t=8qplyymBztQ

معماري قطري

25-10-2024, 04:00 PM

https://www.youtube.com/watch?v=LMwOSvsLc4Y

هذا رفيجنا صاحب أغنية الدادا دا هنا يتكلم عن تحضير الأرضية الخرسانية قبل عمل التيرازو عليها وهذا يتكلم عن التيرازو المصبوبة وهي كسر الرخام مع خلطة لاصقة مثل الإسمنت بأنواعه مع خلط ألوان ومواد ثانية .. أهم ملاحظة هي لازم الأرضية جافة وانعمل لها كيورنغ 30 يوم

معماري قطري

31-10-2024, 09:46 PM

تكنولوجيا الطرق

https://www.youtube.com/watch?v=rYxVYtBnW2o

معماري قطري

01-11-2024, 05:19 PM

https://www.youtube.com/watch?v=mJvyb5vlEJo

معماري قطري

05-11-2024, 02:51 PM

https://www.youtube.com/watch?v=V9hTioNJkjQ

نقطة مهمة للأرضيات هي مدى استوائها ما فيها تعرجات ارتفاعات وهبوطات وهذي مهمة لكل النوعيات من الأرضيات .. بالنسبة للتيرازو أو البلاط المصبوب الشعبي 0.2% هبوط أو ارتفاع في المتر أو 2 ملم

معماري قطري

07-11-2024, 02:15 PM

هذي طريقة حلوة لعدم تعبيئة الفراغ بين الطابوق الخارجي والعازل بالمونة يحطون وعاء قابل للإزالة يجمع المونة المتساقطة

https://www.youtube.com/watch?v=ABs4Y3Qy16c

معماري قطري

13-11-2024, 02:03 AM

ما شاء الله تعدى المليون مشاهدة هذا الموضوع بس على مدى يزيد أو يقترب من 10 سنين مب شوي

هذا فيديو عن تقنيات بناء الجسور حسب ظروف الأرض والبيئة المحيطة

https://www.youtube.com/watch?v=_4OeSA1zVnY

معماري قطري

16-11-2024, 02:48 PM

شغل اليابان في عمل تبطين حق مجرى مياه في منطقة جبلية بإستخدام قماش خاص معبأ بالخرسانة تابعوه عجيب

https://www.youtube.com/watch?v=p51btvregMw

معماري قطري

17-11-2024, 03:43 PM

https://www.youtube.com/watch?v=bFyfsVrhbdw

معماري قطري

27-11-2024, 12:59 AM

https://www.youtube.com/watch?v=YavR2Onmglw

معماري قطري

29-11-2024, 04:00 PM

فيديو مختصر وقصير وللمحبين في متابعة التفاصيل هذا يحتاج كتاب كامل لكن بإختصار هذا سيستم فيه اتصال مبنى بجدار داخلي 20 سم عادي وفوقه جدار خارجي فوق السقف معزول بطبقات وطابوق من اجهتين وسمك جدار أعلى .. مثل قاعة مرتفعة ومكاتب حولها نازلة حسب تصميم معماري

https://www.youtube.com/watch?v=yVNf4wiMoCA

سالم الزهران

29-11-2024, 05:54 PM

معماري قطري

30-11-2024, 01:09 AM

مساء الخير اهوي بو عبدالله
تحس الهندسة المدنية من انشط المجالات وفيها متغيرات كثيرة وبزنس اكثر و اختراعات وتقنيات مالها حد.
نحن ودنا نوصل لبنيان سليم وقوي ومناسب للارض عندنا ، ما نبغي تقنيات متقدمة صج متواضعين

إنت يا بو زيد قدمت الشكوى وانا باوضح لك المشكلة والحل

عندنا الله يسلمك فيه سيطرة من الخوافين والمبالغين والزود زين والمشكلة في الزود هذا يعتبر مشكلة .. اليوم حطيت فيديو حولته من التيك توك لرابط وتساب على القروب وشفته إنت أكيد .. شغل بسيط لكن جيد مع إن فيه مبالغة وارتجالي بدون حسابات ومن ناس عاديين مب مهندسين .. ولو باحوله على اليوتيوب ممكن يطلع عليه حقوق طبع وينلغي وممكن يتحول فيديو قصير والله أعلم بس باجرب

زين الحمد لله مشى .. هذا بو سلطان الحساوي مع عمه عمه شغال على الحديد خبرة عملية وسوى التصميم بدون حسابات دقيقة .. هم حفروا بس مزرعة وفيها مياه جوفية عالية راحوا رادمين بحصى كبار وفيه فراغات وصبوا عليه صبة سكريد مخلوط مع مادة ضد التكسر والتشققات مقوية مثل الفيبر ومددوا بايبات مخرمة لصيد أي مياه جوفية قبل لترتفع للأساسات أو لصبة النظافة .. رايي انا اللي سووه يكفي بدون تأسيس فوقه وحديد وتعقيد لو حاطين قطعة حديد طولية وشابكين معاها حديد عمودي مدخلينه في فراغات الطابوق مثل ما يسوون الأمريكان وفراغات الطابوق صابين فيه مونة اسمنتية كفاية وزود ولا يحتاجون كل هالشغل

https://www.youtube.com/watch?v=SW7eJJrEpPE

معماري قطري

30-11-2024, 01:12 AM

مثل هذي تعتبر مبالغة لكن لو صممها مكتب استشاري بيبالغ أكثر بعد وكلها مبالغات للأسف إستوت المبالغات هي الشغل الصح والشغل المدروس هو الغلط مع إن المفروض العكس وللأسف بيئة الجهل والدجل الهندسي المنتشرة هي المتسببة في هالشيء وبعد بسبب سوء الإدارة الهندسية عندنا وخصوصاً العليا اللي في يدها القرار

معماري قطري

06-12-2024, 04:04 PM

معماري قطري

06-12-2024, 04:17 PM

https://www.youtube.com/watch?v=XFvWWWtTi6M

سالم الزهران

06-12-2024, 10:43 PM

البيت فيه مقومات جمالية وخدمية كثيرة لكن اللي يعرض يقول مغاسل وهو يشوف مغسلة واحنا نشوفها مغسلة بروحها ونفس الشيء يقول ملحق بمساحة كبيرة وهي مساحة ضيقة حدها لمكتب صغير

https://www.youtube.com/watch?v=AYaSlr7ovVE

مساء الخير بو عبدالله، اللي يصير مثل صاحب مطعم يحط الاسعار بكيفه، الآن نحن اشوى منكم ، نحن وانتم اشوى من الكويت، ف الكويت بيوت والله شكلها مضحك على سبعة مليون وثمانية مليون؟ طيب خلنا نفترض البيت ف الكويت بخمسمية الف ريال.. وخلنا نقول كسبت السعر، شنو عندك مكاسب ثانية في الكويت؟ لا شيء .. صراحة من زيارتي الأخيرة .. الكويت خارج السرب .. البلد تقادمت عندهم فوق ما تتصور!

طيب خلنا نرجع للرياض وافترض عطيناك الفيلا هذي بثمانمية الف؟ شنو بتستفيد؟ الثقافة السعودية مثلاً؟ الاجواء؟ الزحمة؟

وضع العقارات في الخليج كله مب مقبول، وماله حلول و لن يكون له حلول لان نوايا الربع انطوت على شيء مب زين.. وهذه وجهة نظري والمعذرة خرجت عن الموضوع.

معماري قطري

08-12-2024, 02:29 PM

ما طلعت عن الموضوع يا بو زيد بالعكس هذا صلب الموضوع

تدري المفروض فيه وضعين منفصلين شوي .. وضع المدينة أكبر أكيد ووضع الحي أو البلوك السكني أصغر وحسب مساحته ممكن بلوك صغير وآخر شيء عندك وضع المسكن بعد ممكن ينقسم لعدة أقسام منها الحوش والمحيط ومنها الداخل كل قطاع وقسم يختلف هذي كلها اللي تعطيك جودة الحياة وسهولة الحياة أو العذاب في الأرض

شرحها يحتاج مجلدات والزحمة جزء منها والغلاء والمعيشة والتلوث منه بصري وسمعي وجوي وحتى ممكن تدخل على طبيعة الحياة والبشر والتركيبة السكانية اللي حولك

إنت أصبت الحقيقة الغائبة عن كثير من المسؤولين وهي نتيجة تعقيداتهم وعقلياتهم

تخيل مرة في سفرة نزلنا في مطار لوس أنجلوس الليل وعمري ما زرت هالمدينة وكنا حاجزين سيارة من قرب المطار طلع فيه باص يوصل لها وسهالات وقرب كبير وطلعنا في رحلة بعد لمنطقة سكننا على بعد ساعة ووصلنا حول الساعة 12 الليل وبعد سهالات استقبال طيب وغرفة جاهزة كنا حاجزين سويت كبير وعطونا رقم الغرفة 974 ملش ما يننسى وحتى صورت صور كثيرة وحطيتها في تقرير في منتدى السياحة والسفر .. شاللي يخلي بلاد الصليبيين أفضل من بلادنا وتعاملهم طيب غير الإدارة الجيدة .. لوس أنجلوس مشهورة بالزحمة بس وقتها يمكن لأن الوقت ليل والشوارع سالكة وصلنا بسهولة وتمنينا لو ما سافرنا بطيارة ومشينا على الساحل بين سياتل ولوس أنجلوس صج بناخذ وقت طويل ما اذكره بس بننزل في محطات استراحة كثيرة بعد

معماري قطري

08-12-2024, 02:39 PM

عندنا وعندكم ألحين استوى شغل عالي لأكل شوي من كيكة السياحة وهذا تنافس طيب وشريف وفي صالح الدول ومواطنيها .. شوف عندنا اليوم أشوف تصوير جوي في التلفزيون للميناء القديم وشلون رتبوه وباخرة كبيرة فيه هذي لها فترة تشتغل بين دول الخليج تنقل سياح من اوروبا بين عدة دول .. عندنا سهلوا سووا ممر مكيف للمشاة من منطقة الميناء لين سوق واقف وفيه وصلة للمشاة بعد تحت الأرض لين مشيرب وفيه مواصلات سهلة مثل الريل وغيره

في الكويت القطاع الخاص يشتغل أفضل وسووا كم مشروع قمة الجودة والرقي مثل الأفنيوز وال 360 والمفروض الحكومة تنافس باقي الحكومات الخليجية والله أتمنى الرخاء والتطور لكل الدول العربية مب بس الخليج .. يا اخوي يكفي لين زرت دولة وشفت عادات ومظاهر قريبة من بلادك ونكهة خاصة بالدولة ذي تستانس وتستمتع وإن شاء الله نشوف سوريا أفضل والأردن ومصر وهذا التنافس شريف ويضيف ما ينقص من حد

معماري قطري

13-12-2024, 12:01 AM

هنا تفصيل لنهاية حائط ينتهي بسور سقف ونلاحظ حتى سور السقف معزول وطبقات العزل الضرورية .. البنيان هذا موفر وطابوق حامل الخرسانة بسيطة ومن ضمن الطابوق .. نقدر نقول صناعي أكثر من تقليدي بس يعيش ويعمر وموفر كثير

https://www.youtube.com/watch?v=SE7SwILY5mg

يعني بفترض لو بنستخدمه حق بيوتنا بيشيل حول ثلث التكلفة الإنشائية وهذا واجب المهندس الإنشائي الشاطر .. العظم بيكلفك 1 مليون مع هذا النظام لو مدروس صح ممكن 560 ألف ريال

سالم الزهران

13-12-2024, 01:45 PM

هلا بك بو عبدالله، والله شيء حلو لو قدروا يغيرون طريقة البنيان (اللي لك وللزمن) وف الاخير تطلع مشخول ربيان

معماري قطري

13-12-2024, 02:30 PM

هلا بك بو عبدالله، والله شيء حلو لو قدروا يغيرون طريقة البنيان (اللي لك وللزمن) وف الاخير تطلع مشخول ربيان

مساكم الله بالخير جميع .. المشكلة عندنا في عالمنا قليل اللي ناخذ تطور العالم في هذي المجالات وما عندنا نظرة استراتيجية شاملة لتطوير المنظومة صح ومن كل الجوانب .. هذي الفيديوهات من جمعية شغل الطابوق بشكل تقريبي مب ترجمة دقيقة الفيديوهات قصيرة وللمحترفين حطيتها بس كثقافة عامة .. تستوي عندنا؟ نعم تستوي لو الإستشاري مختص ولمشروع كبير وفي الغالب دولي .. عندنا وعندكم إنتوا خصوصاً شركات شغل المباني الحديدية والصناعية مزدهرة من زمان وتشتغل حديد وتصنع حتى قطاعات مثل الزامل .. بس عيبنا في المبالغات الخرسانية لو يدخل الحديد مع خرسانة وفي شغل الإستشارات الهندسية

دخلت مكتب هندسي يديرونه هنود والمكتب قوي ويشتغل استشارة تحت مكتب أمريكي يشتغل في قطر .. دخلوني قاعة اجتماعات بس كانوا يحضرون لإجتماع مرئي بين مكتبهم والمكتب الأمريكي تلفزيون كبير وكاميرات وشغل على مستوى .. جلس يشرح لي المهندس عنه

معماري قطري

21-12-2024, 02:13 PM

https://www.youtube.com/watch?v=ocfTQTphxjg

فبدبو مفيد أسبانيا وايد حلو ومتبع الزراعة الداخلية وموزعة في كم مكان

معماري قطري

23-12-2024, 01:59 AM

بعض أفكار البناء الحديثة

https://www.youtube.com/watch?v=3Vko5mC8UgY

معماري قطري

24-12-2024, 12:43 PM

عمل الأساسات .. نشوفه على الواقع عندنا وبكرة بإذن الله عندنا صب الأساسات بحاول لو قدرت اروح أصور وأتابع بفيديو مطول ولو ما قدرت الإستشاري بيتواجد بإذن الله

https://www.youtube.com/watch?v=wiwgfB0dVqI

معماري قطري

30-12-2024, 01:47 PM

https://www.youtube.com/watch?v=UxQNOgOWGdw

هذا ما تم عمله عندنا في الموقع وأضفنا باستيك تحت صبة النظافة قبل وبعد عمل البيتومين لصبة النظافة فوق البيتومين ركبنا بلاستيك بعد وعملنا الأساسات عليه .. يعتبر مبالغة نوعاً ما بس التكلفة ولا شيء .. كذلك البلاستيك استعملناه لتغطية الأساسات لعملية الإدامة بدون تبخر المياه

معماري قطري

30-12-2024, 04:15 PM

https://www.youtube.com/watch?v=qIpiEyi-gNM

معماري قطري

30-12-2024, 04:37 PM

https://www.youtube.com/watch?v=sEt3rETGIcU

معماري قطري

30-12-2024, 11:02 PM

https://www.youtube.com/watch?v=p1jq8ldr-Ho

معماري قطري

30-12-2024, 11:18 PM

أعتقد حطينا وايد عن الكلين آوت بس هذا إضافي وممكن معاد عندنا شركات كثيرة حالياً متمكنة منه وتسويه

https://www.youtube.com/watch?v=BWXWZWvEMSM

معماري قطري

30-12-2024, 11:55 PM

انا ما اتفق مع ما جاء في الفيديو هذا والأسباب من رأيي إن المعاينة وأرض الواقع توضح لنا نظافة الشغل وطول ما المبنى واقف وما فيه مشاكل والطابوق يبين مثل ذيه الحكم سهل جودة الطابوق وتركيبه واضحة ولكم عليها وممكن نعدل بس شغلة وبتكلفنا وكذلك مهم نعرف استقامة الجدران والأعمدة والوضع سهل بتقرير مساحي دقيق مع التصوير يركز على كل عمود وبالليزر .. ولو البيت في مراحله الأخيرة ممكن نستعين بشركة موثوق للفحص ولفحص أمور ثانية من مكونات البيت

بالنسبة للحديد نصيحة لتتعبون وتخسرون في شيء مخفي نتائجه واضحة وجيدة الا لو شاكين ما انعمل عزل الحفر بس لقاعدة وحدة ولا عليكم من مقاسها هشكل بتدخلون في تعقيدات أكثر والحديد موثق في البلدية كتصميم ولو المقاول خالف فيه وركب غير عليه مسؤولية قانونية في حال الوقوع والفحص وثبات التجاوز

https://www.youtube.com/watch?v=T_Rf3FpvIqI

معماري قطري

01-01-2025, 11:43 PM

مجموعة ابتكارات منها تشكيلات الجليد لتكون فوالب لعمل تجويفات خرسانية وتشكيلات مختلفة

https://www.youtube.com/watch?v=MbCJJ1P1Gwo

معماري قطري

13-01-2025, 05:49 PM

هذا من فيديوهاتي التوضيحية لتفاصيل النعلة المخفية واحتياطاتها .. سويت ثلاث فيديوهات قصار للوتس أب بس للأسف ما عرفت أدمجهم في فيديو واحد هنا

https://www.youtube.com/watch?v=JRoCpGQAmBU

معماري قطري

13-01-2025, 05:59 PM

فيديو ثاني لما هو تحت البلاط وزاوية التقاء الخرسانة مع الجدران ومكان دخول النمل الأبيض

https://www.youtube.com/watch?v=Wv6HHVRsA-o

معماري قطري

13-01-2025, 06:03 PM

وهذا الفيديو الأخير قصير جداً ينفتح من الرابط من موقع اليوتيوب

https://youtube.com/shorts/HREAYd1E5T0?feature=share

معماري قطري

26-01-2025, 07:28 PM

الجسور المدمجة حديد وخرسانة والواح حديد هذي صرعة جديدة تعطي مسافات أطول بدون عمود

https://www.youtube.com/watch?v=TuqosdfpVEQ

معماري قطري

05-02-2025, 10:16 AM

هذا البيت تابعته في التيك توك لين اكتمل وانسكن والحوض حلو .. ألحين شغالين على حوض بيت ولدي بتأسيس مقتبس من هذا بس ارتفاع وايد أقل

https://www.youtube.com/watch?v=5d1gzrKAx_A

معماري قطري

05-02-2025, 10:35 AM

https://www.youtube.com/watch?v=3Fd2w2OmRAk

هنا عزل الحوائط الخارجية بفشلء خفيف المسمى عندهم شرودر يلصق بلاصق نفس لاصق البورسلان وطبقة بسيطة يفرق عن البيتومين في إنه غشاء صناعي قوي ويبعد أي رطوبة عن الجدران .. طبعاً الأساسات هنا والموقع يحتاج هذا النوع وهو نفس اللي يباع في محطة البناء

معماري قطري

14-03-2025, 02:37 PM

https://youtu.be/PEQXeL5WLGU?si=UaZ1bc6QwvyTU_Q8

معماري قطري

14-03-2025, 02:41 PM

الفلل في الفيديو السابق معاها روابط للتصميم المعماري والمساحات للي يحب ياخذ فكرة وممكن يطبق نفس التصميم ببعض التغييرات حسب حاجته

معماري قطري

15-03-2025, 02:47 PM

https://www.youtube.com/watch?v=DdZHj-oOZCo

هذا تأسيس لجدار بيندفن تحت الأرض بعمق 3 متر لموقف سيارات تحت الأرض في استراليا .. الطابوق مصفوف بدون اسمنت نهائياً ومستوي ومعاه قطع بلاستيكية لتعديل المستوى قليل .. الحديد تقوية بدال عمل حائط كامل خرساني وداخل الفجوات*بينملي*خرسانة