سعر تركيب السيراميك والبورسلان

[فقط قطر]

حبيت استفسر عن سعر تركيب السيراميك والبورسلان
عندي البيت...وابي اعمل له تجديد.
البيت مركب فيه من قبل سيراميك..والحين ابي اركب بورسلان..
كم سعر التركيب... والاغراض لي...بس شغل اليد.

ملاحظة: لابد من شيل السيراميك اللي راكب..

الكمية تقريبا 850 متر....

[معماري قطري]

لازم تحدد الشغل أكثر .. هل هو بورسلان بيركب على دفان بعد ازالة بلاط شعبي؟ او تطلب تنعمل صبية بسمك معين

ممكن تكون فيه صبية وتحتاج تعديل .. أنا رايي قبل ركز على الكيف قبل الكم واختار المواد بنفسك ووردها وشوف ناس فاهمين شلون يركبون وافرض عليهم عمل صبية وتأكد من استواء الميول بالخيط او الليزر .. ولتركيب الروبة الخاصة لكل نوع طريقة ومقادير خاصة لازم تعرفها من المورد ويشرحها مسؤول المبيعات للفورمان .. الروبة اللي بين الفواصل بعد مهمة ولا تخليهم يركبون الا نوع انت تختاره ولكل نوع تكلفة حسب جودته

[سعود.]

السلام عليكم ورحمة الله وبركاته

انا من المتابعين القدامى لهذة الشبكة وهذة اول مشاركة لي

واعجبني رد معماري قطر للاخ السائل

بخصوص الليزر ✌ï¸ڈ✌ï¸ڈ

الجهاز شريتة من شركة بوش الي في الصناعية وله كذا استخدام :

الميول ( السلوب ) مساحة الغرفة طول + عرض + ارتفاع وووووالخ

وجزاكم الله خيرا جميعا

وشكر خاص ولا يهونون الباقين

لمعماري قطر

[ana_ana]

اهم شي ابعد عن شي فيه ده

[معماري قطري]

السلام عليكم ورحمة الله وبركاته

انا من المتابعين القدامى لهذة الشبكة وهذة اول مشاركة لي

واعجبني رد معماري قطر للاخ السائل

بخصوص الليزر ✌ï¸ڈ✌ï¸ڈ

الجهاز شريتة من شركة بوش الي في الصناعية وله كذا استخدام :

الميول ( السلوب ) مساحة الغرفة طول + عرض + ارتفاع وووووالخ

وجزاكم الله خيرا جميعا

وشكر خاص ولا يهونون الباقين

لمعماري قطر

عليكم السلام ورحمة الله وبركاته

العفو اخوي سعود ونتشرف بك بين اخوانك .. معلومة طيبة ومفيدة عن الجهاز وإِذا من شركة بوش أَكيد بيكون صناعة جيدة وموثوق .. سؤال بس كم كلفك؟ وهل فيه نسبة خطأَ ولو بسيطة خصوصاً في القياس لأَن سمعت الكثيرين ما يوثقون فيه.

[فقط قطر]

التركيب بيكون...شيل السيراميك القديم...وتركيب البورسلان الجديد
وعمل صبية جديدة...

[Azizuk]

عذرا وبعد إذن صاحب الموضوع استفسار الى الاخ معماري


اخوي معماري راعي البلاط حدد دفان داخل البيت مع التبليط ( الفنشينغ ) ارتفاع 15 سنتيميتر

واتفق السباك مع الملبلط على هذا المستوى

وقالي المبلط تقدر تسوي السماكة كلها خرسانه من غير دفان

ايش رأيك دفان مع خرسانة 5 سنتيمتر

او

الدفان يعتبر كله خرسانة بسماكة 15 مع الفنشينغ

[معماري قطري]

إِخوي عبدالعزيز الطريقتين تنفع بس الأَفضل والأَضمن الخرسانة وما تكون خرسانة قوية .. عشرين كيلو نيوتن تكفي وحتى الخرسانة اللي فيها ماي كثير ومايعة تنفع بشرط تكون معاها اضافة الفايبر وهو سائل يجي بعبوات صغيرة وينحط بمقادير معينة في الردي مكس .. ويتحول خيوط قوية تقوي الخرسانة عن التشقق .. وهذا زين حتى تحط عليه سجاد بدون تبليط وانا معتمده ان شاء الله لأَي بنيان مستقبلي .. لو تبي مواصفة الفايبر بتحصلها في موضوع العقود الهندسية في أَول صفحتين تقريباً .. واتوقع الردي مكس عارفينه وممكن يسون الخلطة به وما يكلف شيء .. خذته قبل من الدرويش العبوة بسبعين ريال .. ولازم فيه بدائل .. الصبية اللي تنعمل باليد مهما يكون يستوي فيها ارتفاع وهبوط لو قليل كلش .. وتتشلخ خصوصاً اللي بسمك بسيط ومساحة كبيرة

المشكلة الثانية الدفان الزين غالي وهو الرمل الخشن المغسول وممكن يستخدم تحت بلاط الحمام وبصبية خمسة أَو سبعة سم حسب مساحة الحمام .. وصبية الحمام أَصلاً تحتاج العامل يوزن السلوب قبل حتى يركب البلاط على أَرضية فيها شوية ميلان لتصريف الماي .. الدفان الرخيص تجيك منه مشاكل خصوصاً الأَرضة والتوفير تقريباً لا يذكر.

أَتوقع قصدي واضح الخرسانة المايعة تكون بنفسها مستوية .. self leveling يعني ولا توجع راسك .. وتحمي بايبات الكهرباء والتكييف بس تأَكد انها موصولة صح بدون فجوات وبلاصق.

[Azizuk]

تسلم وماقصرت يامعماري

دوم ذخر لنا بالمعلومات والنصائح الطيبه

ان شاالله مرتاح في السفرة والوالدة بخير

[سعود.]

مرحبا اخوي معماري قطر

بخصوص سعر الجهاز تقريبا خذيتة ظ،ظ¥ظ*ظ* اذا ماخاب ظني لني بالضبط مااذكر سعر ...

اما بخصوص دقتة انا قارنتة مع المتر العادي وكان ظ،ظ*ظ*ظھ

ومثلك عارف شركة ( بوش )

للعلم له استخدمات غير الي ذكرتها لك .

[Azizuk]

مرحبا اخوي معماري قطر

بخصوص سعر الجهاز تقريبا خذيتة ظ،ظ¥ظ*ظ* اذا ماخاب ظني لني بالضبط مااذكر سعر ...

اما بخصوص دقتة انا قارنتة مع المتر العادي وكان ظ،ظ*ظ*ظھ

ومثلك عارف شركة ( بوش )

للعلم له استخدمات غير الي ذكرتها لك .


اخوي سعود الأسعار والارقام ماتضهر عدل

اذا بدخل رقم حول الكي بورد بالإنجليزي

أرجو من العاملين على المنتدى والمختصين تصحيح هذا الخلل ان أمكن

[معماري قطري]

تسلم وماقصرت يامعماري

دوم ذخر لنا بالمعلومات والنصائح الطيبه

ان شاالله مرتاح في السفرة والوالدة بخير

الله يسلمك يا اخوي وبالعكس ما سويت شيء .. هذا شيء حفظته خلاص ولازم انبه الكل له .. فيه مراحل التوفير فيها مجدي ومستحب وفيه أَماكن التوفير يكون خسارة مستقبلية .. والموازنة في التشطيب توفر لك أَكثر بوايد من المغامرة في أَي شيء انشائي أَو يختص بالكهرباء والماء.

الحمد لله الوالدة بخير وموعدنا بعد بكرة والشمس ساطعة اليوم ودفء.

[معماري قطري]

التركيب بيكون...شيل السيراميك القديم...وتركيب البورسلان الجديد
وعمل صبية جديدة...

أَكيد من شخص لشخص بيختلف السعر وحسب الاتفاق والمواصفات والرسوم .. لو تشوف مقاول شاطر وتطلبه يحط لك مواصفات الشغل والتسعير بيكون أَفضل لك .. حتى المقاولين الوسط والمشغولين أَوقات عندهم بلاطين وفورمان فاضيين وما يقصرون معاك .. شوف شركة كونسيرف ومهندسهم رضوان أَو المدير جمال وهم من قدامى المقاولين ولنا تجارب معاهم كلها مكللة بالنجاح سواءً خاص أَو شغل حكومي .. وغيرهم كثيرين وحتى بالنسبة للمواد تختار المواد والمقاول يقدر يوردها لك بسعر أَفضل .. وفيه شركات بيركبون لك بالطريقة الرخيصة والغير مضمونة وما انصحك بهم

[معماري قطري]

مرحبا اخوي معماري قطر

بخصوص سعر الجهاز تقريبا خذيتة ظ،ظ¥ظ*ظ* اذا ماخاب ظني لني بالضبط مااذكر سعر ...

اما بخصوص دقتة انا قارنتة مع المتر العادي وكان ظ،ظ*ظ*ظھ

ومثلك عارف شركة ( بوش )

للعلم له استخدمات غير الي ذكرتها لك .

ما بين لا موديل الجهاز واسمه ولا السعر ونبي صورة له بس الله يعينك معرفة تحميل الصور وحتى كتابة الأَرقام شوي فيها صعوبة