تجاربكم مع الغده الدرقيه

[Chanel]

السلام عليكم
بعد الكشف تبين ان عندي تضخم في الفص الايمن من الغده و3 عقد صغيره جدا في الفص الايسر
عملت تحاليل دم ولين الحين ماطلعت النتيجه الاعراض اللي عندي خمول الم في المفاصل تساقط الشعر عصبيه:rolleyes2:
اتابع مع د الزرعي ياليت اللي عنده تجربه يساعدني
الله يمتعكم جميعا بالصحه والعافيه

[aloosh]

اعرف ناس سوها في سعوديه
وحسب كلامهم طابو الحمدلله

بس مدري في اي مستشفا لو تبين بسال لك ان شاء الله

[العلياا]

وعليكم السلام

انا عندي تضخم واول ما اكتشفته رحت سويت تحاليل
دم فالمركز الصحي التابعه له وكانت النتيجة ان الهرمون طبيعي
ولا احتاج دواء تقريبا سويته اكثر من ثلاث مرات ونتايج الدم سليمه
وبعدها رحت لاحدى المستشفيات الخاصة الدكتور قال لي
عندي تضخم فيها واذا تحبين ممكن تسوين عملية تجميلية فقط !!
طبعا كلام فاضي لان محد بيجازف وياخذ هالخطوة
لو ما كان عنده صعوبه في التنفس او البلع عموما
بعدها اصريت على دكتورتي في مركز الريان انها تعطيني تحويل لمستشفى حمد
عشان اتابع حالتي اهناك وفعلا خذت تحويل وبعد فحوصات دم والتراساوند
قالت لي دكتورتي ان عندي تضخم فيها وهذي حاله تصيب عدد قليل من الناس
ولكن بما ان عندي تاريخ وراثي ممتد من جدتي الله يرحمها وثنتين من خواتي عندهم خمول
ف في احتمال يصيدني خمول فيها وبما ان المعدل الطبيعي للهرمون 4 وشوي وانا طلع عندي 5 وشوي
اللي في مثل حالتي مايحتاج لهم دوا ولكن عشان التضخم دكتورتي فضلت اني ابدا اخذ حبوب اثيروكس 25 ..

بدات اخذمهم من اسبوعين بالضبط واتابع حالتي عند الدكتورة حمدة انسانه في قمة الادب والاحترام والتفهم وسعة الصدر ..

طبعا مع تحاليل الدم كل شي بيكون اوضح ونتمى لكم الصحة والعافيه ..

[بومحمد55]

أنا بدت عندي الغدة من 3 سنوات وكان عندي خمول وبدين أكل حبوب من 25 وكل ماشهر أو شهرين أسوي تحليل
ويزيد لي الجرعة لغاية ماوصلت 250 وبعدها أستقريت على 200 لمدة سنة وكنت أتباع عند الدكتور نبيل في المستشفى الأهلي

قلت بغير الدكتور ، رحت عند الدكتورة مها في عيادة الكيالي بعد الفحص نزلت لي الجرعة الى 150 لمدة شهرين
وبعد الشهرين بعد التحليل نزلت الجرعة 125 لغاية اليوم

والصراحة مليت من الحبوب لأن لازم أكل الحبه قبل الريوق بنص ساعة أو ساعة يكون أحسن .

من اضرار الغدة أو أعراض الغدة :

1- تساقط الشعر بكثافة
2- ألام المفاصل
3- النعاس
4- النسيان
5- العصبية
والله يشفى كل مريض

[Chanel]

الله يشفيني وياكم وجميع مرضى المسلمين
اول مره اعرف ان الغده منتشره لهالدرجه الحمد لله على كل حال
اليوم خبرني الدكتور ان نتايج الدم جيده ولكن طلب عينه من الغده

[غايه الطواش]

اختي انا استئصلتها سنه 2002
كانت البدايه تضخم ولمن بعد فترى ضيقت على مجرى التنفس وزاد الوزن بشكل كبير
وصرت انام وايد , بديت بجرعه 75 , الى ان وصلت حاليا 150 , الممل فيها انج تاخذينها كل يوم طول العمر قبل الفطور بنص ساعه
لكن ممارستي للحياه طبيعيه جدا بس في حال اني توقفت عن الحبوب فتره يصيبني خمول

[mE mYself & i]

أستأصليها وارتاحي

في دكتور ممتاز في بريطانيا

[بومحمد55]

حتى استئصال الغده بعد لازم تأخذ حبوب طول العمر
ï»·ن الغدة تفرز مادة ثروكسين فلما تستأصل الغدة
فأنت وقفت من أفراز هالماده اللي الجسم يحتاجها
لازم تأكل حبوب عشان تعوض النقص

[الجـــوديّ]

الله يشفيكم .. ماتشوفون شر

[العلياا]

نعم صحيح استأصلها او خمول كله يستدعي العلاج بشكل منتظم وهذا اهم شي ..

وما عليكم شر ان شاءالله ..

[مــاي ورد]

الله يشفي الجميع ياررب

في بعض المواقع الصينية يبيعون اعشاب للعلاج بشكل طبيعي ويشحنونها لقطر