الحل مع الروائح الكريهه

[الفنان]

السلام عليكم
ياجماعه بغيت حل مع الروائح الكريهه
عندي حمام يتغسل يوميا لكن ريحته جنه سوق الغنم الله يكرمكم
والريحه منتشره في ملحقي عالغرف وعلى الصاله

هل فيه منقي روائح ؟ وين ممكن احصله ؟ وشنو افضل شركه
انا ماقد سمعت عن هالاختراع

وحل ثاني للحمام ( مكرمين) شنو ممكن تكون المشكله ؟

[ابوعلي]

اخوي حدد نوع الحمام افرنجي او عربي حتى تحصل الجواب المناسب

[الفنان]

حمام افرنجي وملحقي صارله 5 سنوات مب اكثر
لكن من اول ماسكنت وهو يطلع روائح ،الحمام الثاني ماشتكي منه

[الفنان]

الحمام ماعليه دوس
حاط فيه الغساله ومانستخدمه

[شموخ دائم]

,

,


مرحبا


اخوي الكريم

انت محتاج ( فيتري ) شاطر

يشوف هذي الامور بيكون احد هذي الاسباب

1- ممكن من احد القطع مو راكبه عدل والبيب التصريف مو موصل صح عاده يكون قطعه ( البيدي )
تحتاج فك ويشوف التوصيلات موصله صح او في فراغ

2- المنهول الي خلف هذا الحمام فيه مشكله في التصريف يحتاج الفيتري يكشف عليه

3- ممكن من بيب التهويه الي طالع فوق على المبنى مو مركب له بيب تهويه وترجع الريحه للداخل
تاكد هل يوجد بيب بالخارج طالع فوق المبنى او لا !!




قبل ما تجيب الفيتري جرب كم يوم استخدامه بشكل يومي



بالتوفيق لك

,

,

[الفنان]

اخوي شموخ دائم راح اجيب ان شاء الله فيتري بأسرع وقت

[النهار]

ياخوي منقى الهواء موجو تقريبا في كل الوكالات التي تبيع الاكترونيات والثلاجات والمكيفات
انا اشتريته من الدوحه للتسويق دوماسكو من 6 سنوات وكيل شركة سانيو

[الفنان]

اخوي النهار هل هو منقي هواء ينفع للروائح
ولا ينظف الجومن الاتربه والغبار
لان لو الاتربه ماحتاجه*

[النهار]

اخوي النهار هل هو منقي هواء ينفع للروائح
ولا ينظف الجومن الاتربه والغبار
لان لو الاتربه ماحتاجه*

انعم اخوي ينقي حتى رائحة الدخان الي هي السجاير
عموما انت أسال صاحب المحل وشوف الكتيب المرفق
وفي شي ثاني يسمونه الفواحه موجود تقريبا في جميع المحلات التي تبيع بضائع مختلفه
اشتر مسك ابيض او اي رائحه تحبها وضع كم قطره منه في الفواحه
ممكن تشتريه من سوق الحراج من محلات النسر الذهبي

[بوحارب]

نفس المشكلة عندي في حمام المجلس الداخلي

لايوجد استخدام عليه نهائياً ولكن تطلع منه ريحة مجاري اجلكم الله


مللني
والمشكلة موقعه حساس داخل البيت crazy

[الفنان]

شاكرلك اخوي النهار

بوحارب شوف حل شموخ دائم والنهار
الله يعينك

[بو راشد 1]

نفس المشكله عندي في حمام غرفة النوم، بس لما اشغل المكيف (المكينة في الحمام فوق الجبس)، يسحب الريحة على الصالة من خلال دكتات التكيف: البايب فيتر رفع بيب التهوية مال الحمام اللي داخل الدكت فوق زيادة على السطح و خلاه بارز. شوي خفت الريحة.

[رهج السنابك]

غالبا المشكلة لو الحمام بالدور الثاني يكون ماتحته حمام يعني البيب معكوف
الحمامات الي تحتها حمام مافيها هالمشكله
الحمامات بالطابق الارضي ماتطلع فيها هالمشكله

هل حماماتكم الي فيها مشكله بالطابق العلوي؟!

عشان اشوف نظريتي صح ام لا
طبعا هي ملاحظات شخصيه لا اكثر عمري ماشتغلت فيتري

[الفنان]

^^
صحيح فالطابق الثاني لكن تحتي فيه حمامات

[@north_star@]

خل الفيتري يفك المرحاض ويركب flange kit وهي عبارة عن قطعة دائرية شمعية وتركب بين المرحاض وبايب التصريف في الارض وتمنع الروائح وفي نوع ربل اسمه كونيكتر بقطر 4انش وبالنسبة للحمامات الغير مستخدمة لازم نصب فيها ماي كل فترة

[المزن الرياني]

اذا بيتكم مب مربوط بشبكه الصرف الصحي
يعني للحين سحب المجاري عزكم الله بواسطه التناكر
ف أنسى تنحل المشكله

[بوNasser]

,

,


مرحبا


اخوي الكريم

انت محتاج ( فيتري ) شاطر

يشوف هذي الامور بيكون احد هذي الاسباب

1- ممكن من احد القطع مو راكبه عدل والبيب التصريف مو موصل صح عاده يكون قطعه ( البيدي )
تحتاج فك ويشوف التوصيلات موصله صح او في فراغ

2- المنهول الي خلف هذا الحمام فيه مشكله في التصريف يحتاج الفيتري يكشف عليه

3- ممكن من بيب التهويه الي طالع فوق على المبنى مو مركب له بيب تهويه وترجع الريحه للداخل
تاكد هل يوجد بيب بالخارج طالع فوق المبنى او لا !!




قبل ما تجيب الفيتري جرب كم يوم استخدامه بشكل يومي



بالتوفيق لك

,

,

رايي من رأي اخوي شموخ دائم

مع اضافة انه هل تصريف البيديه والمغاسل والشاور مركب له الفيتري الكوع أو ما يسمى drain Trap نفس اللي في الصورة تقريبا

http://www.klausklein.com/184-317-thickbox/square-shower-trap-chrome-plated.jpg

وهذا الكوع مهم لأنه يمنع ارتداد، الروائح اعزكم الله ، من المجاري.

[المبرمج صلاح]

رايي من رأي اخوي شموخ دائم

مع اضافة انه هل تصريف البيديه والمغاسل والشاور مركب له الفيتري الكوع أو ما يسمى drain Trap نفس اللي في الصورة تقريبا

http://www.klausklein.com/184-317-thickbox/square-shower-trap-chrome-plated.jpg

وهذا الكوع مهم لأنه يمنع ارتداد، الروائح اعزكم الله ، من المجاري.

كلامك صحيح يجب ان تكون المغسلة والصفاية الارضية و وصلة القاعدة كلها بهذا النظام المكوع
وممكن يكون اللي صمم الحمام غلط غلطة كبيرة وشبك المغسلة او المصفاة الارضية بتصريف الصرف الصحي وهذا خطأ فادح لان المفروض اي حمام له بايبن للصرف واحد عادي للمغسلة و المصفاة الارضية و واحد تاني منفصل للقاعدة

[aloosh]

تاكد من تهويه للمجرا حق الحمام لان لو ما فيه تهويه او مسكره يرجع لك الرائحه في الحمام

[طموحي عالي]

صارت لنا المشكله لما سوينا صيانه من شهرين
لما جبنا غير اللي سوو الصيانه
قالوا ان في قطعه ماركبوها نفس الربل يفصل بين المجرى الخاص بالمغسله والمجرى الخاص بالمرحاض اعزكم الله

وبعد التعديل الامور طيبه

[ضوى]

تمينا نعاني من حمام واحد لمدة سنة من روايح يغينا نستخف ، لين جا فيتري هندي عادي جدا واكتشف انه مافي ربله مشمعه بين المرحاض وأنبوب المجاري ركبه لنا ب60 ريال وانتهت المشكلة ولله الحمد

[um.7moody]

أنا أعاني من هالمشكله .. ساكنين بيت أجار والمشكله البيت تكرمون مافيه صرف صحي لازم كل أسبوع نطلب البلديه

والمشكله أن تكرمون كل الحمامات اوكي مابها ريحه إلا حمام الغرفه الرئيسيه :( يعني أهم مكان لنا

[ضوى]

جربي يام حمودي تفكين المرحاض وتركبينه مرة ثانية وتحطين ربلة حوالين الانبوب اؤكد لج الريحة بتروح

[طموحي عالي]

ع فكره سكروا البالوعه اعزكم الله اللي بالوسط بطليعه محكمه بتخف الريحه 80 بالميه

[بوحارب]

انا اكتشفت ان الريحة من البالوعة اللي في الأرضية

ولكن اذا كان فيه استعمال للحمام تختفي الريحة!

[حظيظ]

السلام عليكم
اكثر الروائح يكون سببها عدم استخدام الحمام باستمرار
اذا تم استخدامه مره واحدة في اليوم هذا يكفي لازاله الريحة .

[MAZEN37]

ممكن يكون السبب هو انه تمديدات المصفايه في الوسط والمغسله والكرسي واحد وفي بيب واحد
والمفروض انه الكرسي له بايب خاص فيه

[+abc]

جربي يام حمودي تفكين المرحاض وتركبينه مرة ثانية وتحطين ربلة حوالين الانبوب اؤكد لج الريحة بتروح

كلام صحيح لان هوا المجاري عزكم الله اذا يرجع للحمام يكون من ربلة الكرسي الافرنجي
او ان ماي المغسلة والشاور مشبوكين مع الصرف ومافيه كوع

[bohilal191]

مشكلتي المرحاض الله يعزكم يطلع ريحة