تذكرون مسجدنا؟ :)

[رهج السنابك]

تذكرون قبل كم سنه شاركنا كلنا في بناء مسجد في افريقيا وكانت حمله تبرعات وكان فيه موضوع مثبت وتحديث بالصور بالتعاون مع جمعية خيرية لمراحل اكتمال المسجد
فعلا كانت فرحة كبيره نشوف اسم منتدى الاسهم في افريقيا وفي عمل مبارك

ياليت نرجع نعيد هالفكرة مرة ثانيه او نعمل كلنا عمل جماعي خيري بآسيا او سوريا او افريقيا

اذا حبيتوا الفكرة ودي نحط اقتراحات ودي نطلع بعمل خيري مستدام يكون فكرة جديدة وله ريع مستدام بحيث لو رحلنا عن الدنيا يكون هالعمل خيره واصل ومتواصل لاجيال واجيال

وجزاكم الله خير

[بريق الحق]

جزاج الله خير

بناء مراكز تحفيظ فدول الفقيره
بناء مراكز طبيه
اتمنى الصراحه

[Al-Kuwari]

جزاج الله خير ارسطو

يالله نتمنى الدعم من ادارة المنتدى وبأذن الله كلنا بنشارك

واتمنى عدم توقف هذه الاعمال الخيرية

ليش ما نتبنى بناء مسجد بشكل سنوي كل سنة في بلد

والاخوان مب مقصرين فيهم الخير ان شاء الله

[رهج السنابك]

افكاركم طيبه

حبيت فكرتك اخوي الكواري وهو بشكل سنوي يالله كم الخير اللي بيمتد للعالم الاسلامي من مجموعة منتدى الاسهم الطيبه ولان بتتاح الفرصه للي ماساهم او كان عضو جديد انه يساهم
احيانا الواحد وده بعمل الخير بس ينقصه الحماس او الدافع لفكرة عمل خيري احيانا البعض مايحس انه سوا شي لما يقط فلوس بجمعيه ويمشي غير لما يشوف فلوسه على ارض الواقع ويشوف عمله قاعد ينبني قدامه بيتم راسخ في قلبه

[Al-Kuwari]

افكاركم طيبه

حبيت فكرتك اخوي الكواري وهو بشكل سنوي يالله كم الخير اللي بيمتد للعالم الاسلامي من مجموعة منتدى الاسهم الطيبه ولان بتتاح الفرصه للي ماساهم او كان عضو جديد انه يساهم
احيانا الواحد وده بعمل الخير بس ينقصه الحماس او الدافع لفكرة عمل خيري احيانا البعض مايحس انه سوا شي لما يقط فلوس بجمعيه ويمشي غير لما يشوف فلوسه على ارض الواقع ويشوف عمله قاعد ينبني قدامه بيتم راسخ في قلبه

كلام سليم ولما تتبرع خير ان شاء الله لكن لما تشوف الشي قدامك تحس بفرحة اكبر من اللي سويته

والتاريخ يشهد للمنتدى اذكر الهدف كان مسجد واحد والمبلغ اللي جمعوه الاخوان خلاهم يبنون اثنين او ثلاثه بسبب تفاعل الجميع

نقدر نسوي هالشي بشكل سنوي , ليش لا سنوياً اعضاء المنتدى يبنون مسجد في احد الدول المحتاجة او دار تحفيظ او بناء ابار او اي شي خيري ومستدام اي وقف للعمر ومثل ماقلتي الاعضاء الجدد يكون لهم فرصة للمشاركة والاعضاء اللي ماقدروا يشاركون من قبل يشاركون هالمرة , وبنفس الوقت كل الاعضاء انا متأكد انهم بيشاركون بشكل سنوي , اهل قطر ناس فيهم الخير والحمدلله

[رهج السنابك]

You are Super I liked your ideas

شكرا الكواري على اثريتنا باقتراح وايد مبدع وحبيته ان شا الله نلقى الدعم

[بوحارب]

فكرة ممتازه

[حسن]

فكره ممتازه وانا اول المتبرعين

شكرا ياالاستقراطيه

[الجـــوديّ]

الله يجمعنا دوم على طاعته ..

ممكن بعد بالاضافة إلى المساجد .. نتعاون في نشر التعليم ببناء المدارس للمسلمين للقضاء على الأمية والجهل والتخلف ..
وعلشان يقدرون يقرون ويحفظون القرآن...

واحنا حاضرين باللي تامرون




جُزيت الخير ارستقراطية ،،

[.قطر.]

ويجزاج بمثله

ياليت اذا في اشياء ثانيه غير المسايد
يعني مثلا اذا بيفتحون مراكز تحفيظ ولا اي شي بمبلغ شوي كبير يكون لنا موضوع هني نجمع الفلوس ونتبرع فيهم

:)

[بـارود]

جزاج الله خير أختي ،.

ياليت لو تسون صندوق خاص للتبرعات
ونحط خطة سنوية أو أقل بحيث نوصل لمبلغ معين
لكل مشروع ونعرف من المبلغ الموجود كم مشروع
نقدر ندخل فيه

[راجي الْعفو]

جزاج الله خير

فكره طيبه

[بنت مريخ]

ايييه جان زيين
تحسفت اني ماشاركت في المسيد
جزاكم الله خير

[مختلفة عقليا]

السلام عليكم

والله الفكرة روعه .,

انا مع التعليييييم .,

ويسلموو

[بومحمد المطاوعه]

فكره
طيبه ,,

بارك الله فيج ع التذكير

[رهج السنابك]

انصدمت من حجم التفاعل! بس عشر اعضاء اعجبتهم الفكره!؟

[yass]

جزاك الله خيرا على مبادرتك

http://i.imgur.com/hXvFcAa.jpg

https://pbs.twimg.com/media/CDIb54OWgAEqnDX.jpg:large

[R 7 A L]

نتمنى انشوف مشروع جديد في شبكتنا

[العنيده]

الله يجزيج خير اختي ان شاء الله

( مسجد , تحفيظ قران , تعليم , صحه , يتامى , منازل ) كل الخير باذن اللله انا معاكم فيه ان شاء الله باللي اقدر عليه باذن الله ..