The Master
22-04-2015, 02:49 AM
92816
لازلت اتذكر لما كنت صغير…وقت العصاري…اقعد مقابل التلفزيون وانتظر بشغف…واتأفف اذا حد كلمني او ناداني…ابغي اقعد انتظر…اللي بيحطونه ف التلفزيون…اي نعم يا سادة…انه رعد العملاق…كنت متولع فيه…وكنت اشوفه
مثلي الاعلى اللي يحارب الاشرار…ويدافع عن الناس…ويساعد الضعفاء…وبذلك قررت اصير شرطي آلي لكبرت…
عائلة بسيطه…اب وام واعيالهم…واحد من اعيالهم تعلق في احد مشايخ الدين…واصبح ملتزم دينيا…واطلق اللحية…وقام يحفظ القرآن…وكان متعلق في شيخ الدين بشده…ويحبه كثير…ودوم يقول له يا شيخ احبك في الله…مرت السنوات…ولازال متعلق في شيخ الدين…يوم من الايام…الشاب راح يجتمع مع اصدقاءه…ف افتحوا موضوع عن الفتور وغيره…جابوا طاري شيخ الدين اللي معجب فيه الشاب…وقالوا انه طلع في احدى الحلقات التلفزيونيه وهو امخفف لحيته…الشاب عصب…وقام…وقال لهم…مستحيييييييل…انا اعرفه عدل…مستحيل يقدم ع هذا الامر…قالوا له روح شوفه بعينك…لما راح لشيخه وشافه…فعلا شافه امخفف لحيته…
انصدم…ماعرف وش يقول او يسوي…تم فترة ف البيت مايطلع…مكتئب…كيف شيخي ومثلي الاعلى يسوي شي حرام…وغلط…وانا اشوفه مثلي الاعلى…واتبعه…واسمع كلامه…
دام هو يسوي اشيا غلط…يعني انا اسوي اشيا غلط بعد!!…واللي قاعد اسويه غلط ف غلط…
انتكس…والحين اصبح من الملحدين…
بنوته…صغنونه…كيوت…كبرت ع يد امها…اتحبها واتموت فيها…دوم اتدلعها…والصلاة ماتفوتها…اكبرت…قامت اتصادق البنات…وسوالف وضحك…ك اي بنت عاديه…شوي والا طلع لهم شي اسمه انستقرام…تولعوا الناس فيه…وهي استانست عليه…قامت تتبع وحده كانت معروفه ف المكياج…واتسوي نفسها واتقلدها…اكبرت البنت واصبحت شابه…ولازلت مع راعية المكياج…لكن الحين تطورت واصبحت تعرض الفساتين والمجوهرات…والحيا كل ماله ويقل…واللبس كل ماله ويقل…والشابه متولعه فيها…لدرجة امسويه حساب اسمه فلانه فانز…يعني محبين فلانه…من زود حبها لها…
لازالت الشابه اتصلي…واتخاف ربها
عدت الايام…طلع شي اسمه سناب شات…هوب هوب…الناس كلهم تولعوا ف السناب…كل من هب ودب…راعية المكياج سوت لها حساب ف السناب…الحقتها الشابه…وضافتها…
الشابه لاحظت ان الفيديوهات للمشهورة غريبه…كل ماله وتفصخ الحيا…لين في احد الفيديوهات طلع صوت شاب ف غرفة نوم المشهورة…وانفضحت…والناس اعرفت عنها…
الشابه ازعلت…وتضايقت…اسالوها عشان الفضيحه؟…قالت لا…لان بسبتهم ماراح اتحط فيديوهات…وبتختفي…وانا احبها…ومتعلقه فيها…
جاتها فكرة…وطبقتها…وكملت مسيرة المشهورة ف المكياج وعرض الملابس…وقريبا بتشوفونها ف السناب شات…
زوج وزوجة…علاقتهم جميلة…حبايب…متفاهمين…ربي رزقهم عيال…واحد اثنين ثلاثه…بنتين وولد…والولد كان اخر العنقود…كبروا العيال…الاب كان يتميز بشخصيه جميله…اللي تلفت الانتباه اذا تحدث…الناس اتحب تتجمع حوله اذا يسولف ودها تسمع كلامه…شخصيه محبوبه…عيبه ماكان يداوم عالصلاه……والولد دوووم لاصق في ابوه…وين مايروح معاه لكن بتربية الام والتزامها وعنايتها قدرت اتأثر ع عيالها وتزرع فيهم الايمان والصلاة والالتزام……الولد صار شاب…ولازال متعلق ف ابوه…
ع مر السنين…كان الاب دايما يختفي فتره…يسألون عنه عياله…اتقولهم امهم سافر…وين؟…مع الدوام…
يوم من الايام…الشاب قرر يلحق ابوه…وده يعرف السر…فعلا يسافر ووين يروح…من باب الفضول…
لحق ابوه…ع اساس طريق المطار…لكن الطريق مختلف…قال يمكن بيمر ع رفيقه…وصلوا منطقه سياحية…كلها فنادق…قال الشاب يمكن حد من ربعه ساكن هنا وبياخذه معاه…اوصلوا احد الفنادق…الاب نزل من السياره…ودخل الفندق…انتظر الشاب فتره والاب ماطلع…قام يحاتي…نزل من سيارته…ودور ف اللوبي ماحصل حد…يمين يسار…ابوه مش موجود…انتظر ف اللوبي…يمكن يزور حد من ربعه وبينزل…ساعه ساعتين…ابد محد…راح للاستقبال…سالهم عن ابوه وعطاهم الاسم…قالوا له انت ابنه…قال اي…وقالوا له ابوك حاجز ف الفندق وهذي غرفته…
الشاب استغرب…ابوي وساكن في فندق…ليه؟…هو ع اساس بيسافر؟…بس ليش فندق؟…وحاجز كم يوم…
صاده توتر…ورهبه…مايعرف وش يسوي…يبلغ امه…يسألها…بس مايبغيها اتخاف وتتخرع…او اتكبر السالفه…قرر يطلع الغرفه يشوف ابوه ويعرف السبب…
وصل الغرفه…ولازال خايف…مرتبك…يده ترتجف…حتى مايقدر يتنفس عدل…مايسمع الا نبضات قلبه اتطق بسرعه…افكار كثيره اتدور ف راسه…
متردد…اطق الباب…ولا اتغافل وكني مادري وارجع البيت…هل انا اتجسس ع ابوي…بس هذا ابوي…مثلي الاعلى…مستحيل يسوي شي غلط…هذا ابوي اللي كل الناس اتحبه…اللي الناس تجتمع حوله تسمع سوالفه…لا لا مستحيل ابوي يسوي شي غلط…ابدا…مستحيل…هذا ابوي…
توه بيطق الباب…انفتح الباب بنفسه…الشاب ماعرف وش يسوي…طلعت قدامه بنت…شقرا…كاشخة…مكياج…مابقى شي من جسمها مش امبين…الشاب انصدم ماعرف وش يقول…قال لحظه…اكيد اني امغلط في رقم الغرفه…اكيد…سالها هذي الغرفه الفلانيه؟…قالت له ما اتكلم عربي…تو بيشيك عالباب…الا صوت طالع من داخل الغرفه…حد معاها…مش امبين في ممر الغرفه…صوته كنه مب طبيعي…يهذي……خطوات حد يمشي صوب الباب…يده بينت من ورا البنت داخل الغرفة…غرشة خمر…الشاب متوتر…مايدري من هذا…خايف…اول مره هالموقف يصيده…مايدري وش يسوي…طلع وجه الشخص…وكانت الصدمه…الاب…المثل الاعلى…
تتوقعون وش بتكون ردة فعل الشاب؟
لما يشوف ابوه في هذا لمنظر…سكران…ومعاه وحده في غرفته…
وهو اللي كان يشوفه الشخصيه اللي وده يكون نفسها…ويقلده في الكبيره والصغيره…حتى ف طريقة الاكل كان يقلد ابوه…من شدة حبه واعجابه في ابوه…
هل بيعيش حياته طبيعي؟
هل بيربي عياله احسن تربيه؟
في الحديث عن رسول الله صلى الله عليه وسلم “كلكم راع وكلكم مسؤول عن رعيته”
وهذا ليس فقط للوالدين اتجاه ابنائهم فقط…بل هو للمجتمع ك ككل…
لازم انحاسب ع تصرفاتنا…وانشوف حولنا…مب انعيش حياتنا ك البهايم…مانفتكر في حد…وماعلينا من حد…وانا اشدخلني فيه…واهم شي بيتي…لبغيت الصدق يا اخي اذا انت بيتك ماتدري عنه بتفتكر ف الناس!!!
الخلاصة…
القصة الاولى…نجد الكثير من مشايخ الدين لايكترثون ب ايصال العلم الصحيح…العلم الديني الفقهي اللي يجعلك تفكر…وتميز بين الصحيح من الخطأ…
كل اللي انشوفه تملية وحفظ وتسميع…واذا غلطت ضربتك بالعصا…وهذا غلط ف غلط…
انت اتغلط وذاك يغلط…محد معصوم…لكن اذا فهمنا اعيالنا الدين الصح…وشافوا الخطأ منا…بيميزون وشو الصح…وبيقيمون اللي شافوه…ومايكون تأثيره كبير عليهم…
ومب كل شي ف الدين لا لا لا لا…هذا ك قبل…زمن قديم…الحين تغيروا الناس…وعقلياتهم تغيرت…لازم ليونه…وسهوله…لانك مثل اعلى لكثير من الناس…
واخلاقك لازم اتكون اخلاق المسلم…ف ليس المؤمن بالطعان ولا اللعان ولا الفاحش ولا البذي…لكن مانشوف الا العكس…
ملتحين هداهم الله ويسبون ويلعنون ويكذبون…ياخي احشم اللحية…
ف مثلا لما طفل يشوف هالمنظر ماراح يتأثر؟؟…عشان هذه المناظر فهموهم الدين الصح…بالاسباب…بالاقناع…بالايمان…
والناس لين متى تتعلق بالقشه؟…اا انكسرت ولا اغرقت انقلبنا!!
وين عقولكم…فكروا…حكموا انفسكم…اذا قالوا حلال حلال واذا حرام حرام…لازم انت تبحث ف الامر واتعرف ليش حرام وليش حلال…ترا الدين مب لهم هم بروحهم…الدين لك ولي وللجميع…
والاهم…ترا الدين مش بالمظاهر…ياما شفنا ناس مالهم لحى ولكن عندهم الفقه والورع الديني يفوق ناس كثيرة…
ف مش معيار اللحية…خاصه في وقتنا الحاضر…اتشوف لحى لكن بدون فقه…
وهذا الشي لازم اتعرفه الناس…مب اي ملتحي يعني هذا شيخ دين…اغلب الناس اتطبق السنه…
ونفس الحال للناس كلها…معيار الالتزام الديني ليس بالمظاهر…
اذا طبقها الله يجزاه خير…لكن مب احنا اللي نحكم…بينه وبين ربه…
القصة الثانيه…
حق اللي ايدرون عن اعيالهم ف وسائل التواصل الاجتماعي
انستقرام تويتر وسناب شات…خافوا الله ف عيالكم…مب لهالدرجة امرخين ع الحبل…قلنا لكم قلتوا واثقين فيهم…واثقين طل…اذا ثقه وانشوف هالبلاوي…عيل لو مب ثقه كان…بلاها…
عيزانيين…تعبانيين…شغل…دنيا…عيل ليش اتجيبون اعيال ؟…اتعورون راسكم تربيه ومخاسير…بس عشان اذا شفتهم اتقول لهم كتكوته اترد عليك هلا؟؟…ياخي ترا الله يكرمكم الكلب يسوي نفس الشي…خذ لك واحد وربه…عالاقل هذا ماراح يضر ب المجتمع…لانه مايتكلم ولا يخرب اللي حوله…
بالنسبه للانستقراميين…اللي يسمون نفسهم…فاشينيستا…
صدق اذا لم تستح ف اصنع ما شئت…يعني اللي اتسوونه عبالكم صح!!…ترا كلكم سيابيل والناس تضحك عليكم…
واللي عنده موهبه في طرق ثانيه…افتحي لك محل…او حتى مكان تجمع…ووري البنات ابداعاتك…منها مكسب وسمعه…ومافي مخالفه شرعيه ربي يحاسبك عليها…بدال الخرابيط اللي اتحطونها…
فكروا في بكره…يوم لا ينفع مال ولا بنون…
انتوا اللي اتسوونه…نفس اللي كون فعل محرم…وعلمه الناس…وانتشر…
تخيلي اللي يفعله من بعدك ومعاك…هل تتوقعين انك ماراح تؤثمين منه؟؟
نجي حق البنات اللي مابقى حد ف انستقرام وسناب شات ماضافته…حتى دريولنا ضايفينه…
بسكم تعلق ف الخيال…بسكم اهتمام في الامور التافهة…لين متى والنسوان يعتبرون عقول فارغة…
لو اتركزون شوي…والله كلكم مبدعين…لكن العيز والكس…وحب الراحة والتكركر هو مشكلتكم…
اي وحدة تطلع ف انستقرام فولو ولايكات وتقليد…
ترا مهما كان ايمانك قوي…وانك ماخذه الموضوع مجرد هواية…مرده بيأثر فيك…وياما ناس تأثرت واعتفست…هذي خطوات الشيطان…
ف اهتمي بنفسك…بمستقبلك…الدنيا مش شرط دراسه وبس…عندك تصميم مكياج طبخ تجارة…اشيا واجد…ابدعي ف هالامور اللي بكره اتورين اعيالك او الناس حولك وش حققتي ف حياتك…مب اتورينهم انك اول وحده سوت كومينت حق سلوى المطيري…
القصة الثالثة…
وهذي المصيبة…
خاصة اولياء الامور…ترا انتوا مثل اعلى لابنائكم…والله حتى لو كنت زبال…تبقى عند ولدك مثله الاعلى…
ف احترموا نفسكم…وبسكم خبال ويجهالة…
اولا خافوا ربكم…وعقب خافوا ع مستقبل اعيالكم…انشوف اعيال ف الشوارع مخدرات ومشاكل وسرقات والسبب سوء تربيه…
اوجه رسالتي ل الاباء المدخنين…هل تتوقع لما اتكون مدخن…واتروح تنصح حد من ربعك…بيسمعك؟…طبعا بيطنش…اذا انت ماتعرف مصلحتك وماتسمع ضميرك واتدخن…ف كيف انا باسمعك!!
تخيل اعيالك…هل بتقدر اتربيهم وهم مايحترمونك؟…اي احترام وانت ماتحترم صحتك اللي وهبها لك ربك؟؟…
فكر وتمعن…
المدخن…وسريع الغضب…واللعان…والسكران…والمغازلجي…وغيره …
انتوا تعصون ربكم…وتسيئون تربية عيالكم…وازواجكم…
بالذمه…ماودك ولدك يتخيلك سوبرمان؟!!
ماودك اذا اسألوا ولدك…وش تبغي اتصير اذا كبرت…يقول نفس بابا؟؟
عندما يسقط المثل الاعلى…يتساقط معه كل ما تتمنى…
الموضوع اخذ منك 8 دقائق…
لازلت اتذكر لما كنت صغير…وقت العصاري…اقعد مقابل التلفزيون وانتظر بشغف…واتأفف اذا حد كلمني او ناداني…ابغي اقعد انتظر…اللي بيحطونه ف التلفزيون…اي نعم يا سادة…انه رعد العملاق…كنت متولع فيه…وكنت اشوفه
مثلي الاعلى اللي يحارب الاشرار…ويدافع عن الناس…ويساعد الضعفاء…وبذلك قررت اصير شرطي آلي لكبرت…
عائلة بسيطه…اب وام واعيالهم…واحد من اعيالهم تعلق في احد مشايخ الدين…واصبح ملتزم دينيا…واطلق اللحية…وقام يحفظ القرآن…وكان متعلق في شيخ الدين بشده…ويحبه كثير…ودوم يقول له يا شيخ احبك في الله…مرت السنوات…ولازال متعلق في شيخ الدين…يوم من الايام…الشاب راح يجتمع مع اصدقاءه…ف افتحوا موضوع عن الفتور وغيره…جابوا طاري شيخ الدين اللي معجب فيه الشاب…وقالوا انه طلع في احدى الحلقات التلفزيونيه وهو امخفف لحيته…الشاب عصب…وقام…وقال لهم…مستحيييييييل…انا اعرفه عدل…مستحيل يقدم ع هذا الامر…قالوا له روح شوفه بعينك…لما راح لشيخه وشافه…فعلا شافه امخفف لحيته…
انصدم…ماعرف وش يقول او يسوي…تم فترة ف البيت مايطلع…مكتئب…كيف شيخي ومثلي الاعلى يسوي شي حرام…وغلط…وانا اشوفه مثلي الاعلى…واتبعه…واسمع كلامه…
دام هو يسوي اشيا غلط…يعني انا اسوي اشيا غلط بعد!!…واللي قاعد اسويه غلط ف غلط…
انتكس…والحين اصبح من الملحدين…
بنوته…صغنونه…كيوت…كبرت ع يد امها…اتحبها واتموت فيها…دوم اتدلعها…والصلاة ماتفوتها…اكبرت…قامت اتصادق البنات…وسوالف وضحك…ك اي بنت عاديه…شوي والا طلع لهم شي اسمه انستقرام…تولعوا الناس فيه…وهي استانست عليه…قامت تتبع وحده كانت معروفه ف المكياج…واتسوي نفسها واتقلدها…اكبرت البنت واصبحت شابه…ولازلت مع راعية المكياج…لكن الحين تطورت واصبحت تعرض الفساتين والمجوهرات…والحيا كل ماله ويقل…واللبس كل ماله ويقل…والشابه متولعه فيها…لدرجة امسويه حساب اسمه فلانه فانز…يعني محبين فلانه…من زود حبها لها…
لازالت الشابه اتصلي…واتخاف ربها
عدت الايام…طلع شي اسمه سناب شات…هوب هوب…الناس كلهم تولعوا ف السناب…كل من هب ودب…راعية المكياج سوت لها حساب ف السناب…الحقتها الشابه…وضافتها…
الشابه لاحظت ان الفيديوهات للمشهورة غريبه…كل ماله وتفصخ الحيا…لين في احد الفيديوهات طلع صوت شاب ف غرفة نوم المشهورة…وانفضحت…والناس اعرفت عنها…
الشابه ازعلت…وتضايقت…اسالوها عشان الفضيحه؟…قالت لا…لان بسبتهم ماراح اتحط فيديوهات…وبتختفي…وانا احبها…ومتعلقه فيها…
جاتها فكرة…وطبقتها…وكملت مسيرة المشهورة ف المكياج وعرض الملابس…وقريبا بتشوفونها ف السناب شات…
زوج وزوجة…علاقتهم جميلة…حبايب…متفاهمين…ربي رزقهم عيال…واحد اثنين ثلاثه…بنتين وولد…والولد كان اخر العنقود…كبروا العيال…الاب كان يتميز بشخصيه جميله…اللي تلفت الانتباه اذا تحدث…الناس اتحب تتجمع حوله اذا يسولف ودها تسمع كلامه…شخصيه محبوبه…عيبه ماكان يداوم عالصلاه……والولد دوووم لاصق في ابوه…وين مايروح معاه لكن بتربية الام والتزامها وعنايتها قدرت اتأثر ع عيالها وتزرع فيهم الايمان والصلاة والالتزام……الولد صار شاب…ولازال متعلق ف ابوه…
ع مر السنين…كان الاب دايما يختفي فتره…يسألون عنه عياله…اتقولهم امهم سافر…وين؟…مع الدوام…
يوم من الايام…الشاب قرر يلحق ابوه…وده يعرف السر…فعلا يسافر ووين يروح…من باب الفضول…
لحق ابوه…ع اساس طريق المطار…لكن الطريق مختلف…قال يمكن بيمر ع رفيقه…وصلوا منطقه سياحية…كلها فنادق…قال الشاب يمكن حد من ربعه ساكن هنا وبياخذه معاه…اوصلوا احد الفنادق…الاب نزل من السياره…ودخل الفندق…انتظر الشاب فتره والاب ماطلع…قام يحاتي…نزل من سيارته…ودور ف اللوبي ماحصل حد…يمين يسار…ابوه مش موجود…انتظر ف اللوبي…يمكن يزور حد من ربعه وبينزل…ساعه ساعتين…ابد محد…راح للاستقبال…سالهم عن ابوه وعطاهم الاسم…قالوا له انت ابنه…قال اي…وقالوا له ابوك حاجز ف الفندق وهذي غرفته…
الشاب استغرب…ابوي وساكن في فندق…ليه؟…هو ع اساس بيسافر؟…بس ليش فندق؟…وحاجز كم يوم…
صاده توتر…ورهبه…مايعرف وش يسوي…يبلغ امه…يسألها…بس مايبغيها اتخاف وتتخرع…او اتكبر السالفه…قرر يطلع الغرفه يشوف ابوه ويعرف السبب…
وصل الغرفه…ولازال خايف…مرتبك…يده ترتجف…حتى مايقدر يتنفس عدل…مايسمع الا نبضات قلبه اتطق بسرعه…افكار كثيره اتدور ف راسه…
متردد…اطق الباب…ولا اتغافل وكني مادري وارجع البيت…هل انا اتجسس ع ابوي…بس هذا ابوي…مثلي الاعلى…مستحيل يسوي شي غلط…هذا ابوي اللي كل الناس اتحبه…اللي الناس تجتمع حوله تسمع سوالفه…لا لا مستحيل ابوي يسوي شي غلط…ابدا…مستحيل…هذا ابوي…
توه بيطق الباب…انفتح الباب بنفسه…الشاب ماعرف وش يسوي…طلعت قدامه بنت…شقرا…كاشخة…مكياج…مابقى شي من جسمها مش امبين…الشاب انصدم ماعرف وش يقول…قال لحظه…اكيد اني امغلط في رقم الغرفه…اكيد…سالها هذي الغرفه الفلانيه؟…قالت له ما اتكلم عربي…تو بيشيك عالباب…الا صوت طالع من داخل الغرفه…حد معاها…مش امبين في ممر الغرفه…صوته كنه مب طبيعي…يهذي……خطوات حد يمشي صوب الباب…يده بينت من ورا البنت داخل الغرفة…غرشة خمر…الشاب متوتر…مايدري من هذا…خايف…اول مره هالموقف يصيده…مايدري وش يسوي…طلع وجه الشخص…وكانت الصدمه…الاب…المثل الاعلى…
تتوقعون وش بتكون ردة فعل الشاب؟
لما يشوف ابوه في هذا لمنظر…سكران…ومعاه وحده في غرفته…
وهو اللي كان يشوفه الشخصيه اللي وده يكون نفسها…ويقلده في الكبيره والصغيره…حتى ف طريقة الاكل كان يقلد ابوه…من شدة حبه واعجابه في ابوه…
هل بيعيش حياته طبيعي؟
هل بيربي عياله احسن تربيه؟
في الحديث عن رسول الله صلى الله عليه وسلم “كلكم راع وكلكم مسؤول عن رعيته”
وهذا ليس فقط للوالدين اتجاه ابنائهم فقط…بل هو للمجتمع ك ككل…
لازم انحاسب ع تصرفاتنا…وانشوف حولنا…مب انعيش حياتنا ك البهايم…مانفتكر في حد…وماعلينا من حد…وانا اشدخلني فيه…واهم شي بيتي…لبغيت الصدق يا اخي اذا انت بيتك ماتدري عنه بتفتكر ف الناس!!!
الخلاصة…
القصة الاولى…نجد الكثير من مشايخ الدين لايكترثون ب ايصال العلم الصحيح…العلم الديني الفقهي اللي يجعلك تفكر…وتميز بين الصحيح من الخطأ…
كل اللي انشوفه تملية وحفظ وتسميع…واذا غلطت ضربتك بالعصا…وهذا غلط ف غلط…
انت اتغلط وذاك يغلط…محد معصوم…لكن اذا فهمنا اعيالنا الدين الصح…وشافوا الخطأ منا…بيميزون وشو الصح…وبيقيمون اللي شافوه…ومايكون تأثيره كبير عليهم…
ومب كل شي ف الدين لا لا لا لا…هذا ك قبل…زمن قديم…الحين تغيروا الناس…وعقلياتهم تغيرت…لازم ليونه…وسهوله…لانك مثل اعلى لكثير من الناس…
واخلاقك لازم اتكون اخلاق المسلم…ف ليس المؤمن بالطعان ولا اللعان ولا الفاحش ولا البذي…لكن مانشوف الا العكس…
ملتحين هداهم الله ويسبون ويلعنون ويكذبون…ياخي احشم اللحية…
ف مثلا لما طفل يشوف هالمنظر ماراح يتأثر؟؟…عشان هذه المناظر فهموهم الدين الصح…بالاسباب…بالاقناع…بالايمان…
والناس لين متى تتعلق بالقشه؟…اا انكسرت ولا اغرقت انقلبنا!!
وين عقولكم…فكروا…حكموا انفسكم…اذا قالوا حلال حلال واذا حرام حرام…لازم انت تبحث ف الامر واتعرف ليش حرام وليش حلال…ترا الدين مب لهم هم بروحهم…الدين لك ولي وللجميع…
والاهم…ترا الدين مش بالمظاهر…ياما شفنا ناس مالهم لحى ولكن عندهم الفقه والورع الديني يفوق ناس كثيرة…
ف مش معيار اللحية…خاصه في وقتنا الحاضر…اتشوف لحى لكن بدون فقه…
وهذا الشي لازم اتعرفه الناس…مب اي ملتحي يعني هذا شيخ دين…اغلب الناس اتطبق السنه…
ونفس الحال للناس كلها…معيار الالتزام الديني ليس بالمظاهر…
اذا طبقها الله يجزاه خير…لكن مب احنا اللي نحكم…بينه وبين ربه…
القصة الثانيه…
حق اللي ايدرون عن اعيالهم ف وسائل التواصل الاجتماعي
انستقرام تويتر وسناب شات…خافوا الله ف عيالكم…مب لهالدرجة امرخين ع الحبل…قلنا لكم قلتوا واثقين فيهم…واثقين طل…اذا ثقه وانشوف هالبلاوي…عيل لو مب ثقه كان…بلاها…
عيزانيين…تعبانيين…شغل…دنيا…عيل ليش اتجيبون اعيال ؟…اتعورون راسكم تربيه ومخاسير…بس عشان اذا شفتهم اتقول لهم كتكوته اترد عليك هلا؟؟…ياخي ترا الله يكرمكم الكلب يسوي نفس الشي…خذ لك واحد وربه…عالاقل هذا ماراح يضر ب المجتمع…لانه مايتكلم ولا يخرب اللي حوله…
بالنسبه للانستقراميين…اللي يسمون نفسهم…فاشينيستا…
صدق اذا لم تستح ف اصنع ما شئت…يعني اللي اتسوونه عبالكم صح!!…ترا كلكم سيابيل والناس تضحك عليكم…
واللي عنده موهبه في طرق ثانيه…افتحي لك محل…او حتى مكان تجمع…ووري البنات ابداعاتك…منها مكسب وسمعه…ومافي مخالفه شرعيه ربي يحاسبك عليها…بدال الخرابيط اللي اتحطونها…
فكروا في بكره…يوم لا ينفع مال ولا بنون…
انتوا اللي اتسوونه…نفس اللي كون فعل محرم…وعلمه الناس…وانتشر…
تخيلي اللي يفعله من بعدك ومعاك…هل تتوقعين انك ماراح تؤثمين منه؟؟
نجي حق البنات اللي مابقى حد ف انستقرام وسناب شات ماضافته…حتى دريولنا ضايفينه…
بسكم تعلق ف الخيال…بسكم اهتمام في الامور التافهة…لين متى والنسوان يعتبرون عقول فارغة…
لو اتركزون شوي…والله كلكم مبدعين…لكن العيز والكس…وحب الراحة والتكركر هو مشكلتكم…
اي وحدة تطلع ف انستقرام فولو ولايكات وتقليد…
ترا مهما كان ايمانك قوي…وانك ماخذه الموضوع مجرد هواية…مرده بيأثر فيك…وياما ناس تأثرت واعتفست…هذي خطوات الشيطان…
ف اهتمي بنفسك…بمستقبلك…الدنيا مش شرط دراسه وبس…عندك تصميم مكياج طبخ تجارة…اشيا واجد…ابدعي ف هالامور اللي بكره اتورين اعيالك او الناس حولك وش حققتي ف حياتك…مب اتورينهم انك اول وحده سوت كومينت حق سلوى المطيري…
القصة الثالثة…
وهذي المصيبة…
خاصة اولياء الامور…ترا انتوا مثل اعلى لابنائكم…والله حتى لو كنت زبال…تبقى عند ولدك مثله الاعلى…
ف احترموا نفسكم…وبسكم خبال ويجهالة…
اولا خافوا ربكم…وعقب خافوا ع مستقبل اعيالكم…انشوف اعيال ف الشوارع مخدرات ومشاكل وسرقات والسبب سوء تربيه…
اوجه رسالتي ل الاباء المدخنين…هل تتوقع لما اتكون مدخن…واتروح تنصح حد من ربعك…بيسمعك؟…طبعا بيطنش…اذا انت ماتعرف مصلحتك وماتسمع ضميرك واتدخن…ف كيف انا باسمعك!!
تخيل اعيالك…هل بتقدر اتربيهم وهم مايحترمونك؟…اي احترام وانت ماتحترم صحتك اللي وهبها لك ربك؟؟…
فكر وتمعن…
المدخن…وسريع الغضب…واللعان…والسكران…والمغازلجي…وغيره …
انتوا تعصون ربكم…وتسيئون تربية عيالكم…وازواجكم…
بالذمه…ماودك ولدك يتخيلك سوبرمان؟!!
ماودك اذا اسألوا ولدك…وش تبغي اتصير اذا كبرت…يقول نفس بابا؟؟
عندما يسقط المثل الاعلى…يتساقط معه كل ما تتمنى…
الموضوع اخذ منك 8 دقائق…