تسجيل الدخول

مشاهدة النسخة كاملة : لعبـــة كيوتــــــل ( في زيادة سرعة الأنترنت ) !؟؟


Chambray
23-05-2005, 08:38 AM
السلام عليكم ..

لاحظت بعد التطور الغريب الي حدث لكيوتل .. والي اعلنوا انهم زادوا سرعات الناس إلى الدبل .. أكتشفت انها لعبة من الاعيبهم ..

حيث ان الاتصال يظهر عندك على انه 1 ميجا بايت .. بعد ماكان 614 كيلو بايت ..

لكن في الحقيقة ان الاتصال ما تغير .. لكن فقط تتغير الكتابه ان الاتصال تغير من 614 إلى 1 ميجا بايت ..

من خلال تصفحي لكذا موقع لقياس السرعة اكتشفت ان سرعة الاتصال عندي هي نفسها .. 614 وماتغير شئ

والي مب مصدق يجرب

يمكن المشكلة من جهازي انا بس

وشكراً لكم


أضغط هنـا لقياس سرعة اتصالـــك

مقياس مكافــي (http://soft.vip600.com/modules.php?name=Speed2)

مقياس إقلاع (http://soft.vip600.com/modules.php?name=Speed)

مقياس بوابة الانترنت الرقمية (http://www.adslgate.com/bandwidth/meter.php)
qtiger43
23-05-2005, 12:52 PM
اخوى الدبلوماسي
شكرا لك على ملاحظتك المهمة وانا قست السرعة بثلاث مقاييس والنتيجة كلامك صحيح

تحياتى
Bint Qatar
23-05-2005, 12:56 PM
صدقت يالدبلوماسي :(

قصوا علينا ... حسبي الله ونعم الوكيل

بس يمكن المقياس اللي قسنا به مضروب جنبه :funny:


مشكور ويعطيك العافيه :D
مساهم عادي
23-05-2005, 02:54 PM
انا بعد مثلكم .. اشتركت في اسرع خدمة وهي الـ 2 ميجا

لكن لا جديد .. عندنا كمبيوتر في البيت كان على 256 كيلو وصار 512 انزل برامج على جهازي بو 2 ميجا وبرامج على جهاز البيت بو 512 كيلو نفس الشي.. لافرق وشكيت في جهازي رحت بدلت بين الجاهزين حطيت جهازي على بو 512 كيلو وجهاز البيت على بو 2 ميجا .. النتجية نفس الشي بالنسبة لسرعة التصفح وتحميل الملفات..

اتصلولي كيوتل قبل كم من ويوم وسالوني عن خدمة الـ 2 ميجا قلت لهم سيئة ومالها الا الاسم اما فعليا هي 512 كيلو.. قالوا لا بس يطلع عندك انه الاتصال 2.5 ميجا ؟ (( ابي اعرف شلون اشتراكي 2 ميجا ويطلع لي اني شابك على 2.5 ميجا !!!! مع كيوتل كل شي جايز)) قلت لهم اي .. قالوا كل شي زين المشكلة في جهازك .. عاد انا ماطولت معاهم لأنه ادري انه مع كيوتل مافي فايدة... في الأخير قالوا لي اذا عندك مشكلة اتصل على 125 ....


وانا فعلا اتصل على 125 لكن مب علشان اشتكي علشان اسمع الأغاني اللي يحطونها وقت الانتظار ولا هم ولا يردون يغيرون لك الآغاني كل خمس دقايق ولا حد يرد .. لدرجة اني مرة خليت التلفون على السبيكر لمدة ساعيتن وانا قاعد على النت والاغاني شغالة كنت مستطرب عليها وانا ناسي اني انتظر الـ 125 يردون علي .. المهم مليت من الآغاني وسكرت الخط...


المشكلة اني مشترك في خدمة برق وقت العرض اللي اول ثلاث شهور اشتراك مجاني مع اجرة التركيب والمودم... لكن بشرط انه اقل مدة للإشتراك هي سنة يعني انا دافع لين سنة دافع..

والصراحة انا اشتركت في سرعة 2 ميجا علشان سالفة اشتراك الدايل اب العادي المجاني .. لأني وعدت اخوي اني اعطيه اشتراك الدايل المفتوح مقابل 100 بالشهر ..و الـ 2 ميجا بـ 400 ريال ..يعني انا 300 وهو 100 .........

لكن لحد الحين ماعرف كيف احصل اشتراك الدايل اب المفتوح.. رحت فرع من فروع كيوتل قالوا لي لا اتصل في 125 .. وانا من شهر احاول اتصل ولا في فايدة....


حسبي الله ونعم الوكيل
The Edge
23-05-2005, 03:01 PM
جربت .. فعلا معاكم حق .. لكن مع كيوتل من رفيجك؟؟؟؟
Maxetor
23-05-2005, 05:43 PM
أنا مشترك في 512 وسرعة الإتصال 640

مقياس مكافي 480

مقياس إقلاع 460

مقياس الرقمية 115 ؟؟؟؟؟؟؟؟؟؟
Maxetor
23-05-2005, 05:45 PM
بعد التجربه لهذه المقاييس , تبين أنها تعطي في كل تجربه أرقام مختلفه , مما يستدعي عدم الوثوق بنتائجها .... وشكرا
roadrunner
23-05-2005, 05:58 PM
السلام عليكم .... المقاييس المذكورة ليست بالحكم ..... الحكم الوحيد هو سرعة إنزال البرامج والملفات من النت.... يعني ... نفرض ملف حجمه 1 ميجا بايت .... كم كانت سرعة السحب قبل التسريع وكم سرعته الآن ... بصراحة والشهادة لله ... انا احس بالفرق .. وفعلا الفرق يعادل الدبل
x5x5
23-05-2005, 07:36 PM
ياجماعه........كيوتل مااافي حلجهم الى
ماندري
مانعرف
والله مادري شنكول لك
اكيد انت غلطان........بس مر الفرع الرئيسي وراجع
اتصل على 125 هم بساعدونك
اتصل على 111 هم يكذبون احسن

وحنا بالله ماعدنا شغل الى كيوتل
والموظفين الله بالخير
تقول ماعطينهم كورسات.......................... ( كيف تعذب الزبون )
ماجد
24-05-2005, 01:56 PM
http://www.alwfa.com/up_ar/ar/Image(032).jpg




اعتقد ان السرعات اللي معلنين عنها كيوتل مثل ماتفضل اخوي الدبلوماسي وهميه يعني رقم بس



انا صورت السرعه من موقع المكافي مع العلم ان اشتراكي من خارج قطر وبسعر رخيص جدا . :court:
مساهم عادي
24-05-2005, 03:31 PM
ماشاء الله..........

انا مفروض اشتراكي يوصل الـ 2000 .... لكنه من يوم ماخذته وهو واقف على 450 ...
سهم طايش
24-05-2005, 11:06 PM
نعم نعم وهميه

اللي تغير الرقم فقط

و لا السرعه نفس الشي
Chambray
25-05-2005, 08:11 AM
الله يهديكم ياكيوتل

لو مخفضين لنا الاسعار ومخليين السرعات نفس الشئ بيكون افضل من هاذي اللعبة ..

ومشكورين على مروركم